Jamita Minggu IV Dung Trinitatis (Hasitolusadaon ni Debata) – 27 Juni 2021

Parhahamaranggion Dibagasan Holong

Kasih Persaudaraan

 

Ev: 2 Sam. 1 : 17 – 27                                                   Ep: 2 Kor 8: 7 – 15  

 

Huria na hinaholongan dibagasan Jesus Kristus

 

Molo tajaha Surat 2 Samuel ima manaringoti raj Daud songon sahalak na manggomgomi bangso Israel. Dungkon naung dimiahi malim Samuel ibana na gabe raja ( 1 Sam.16.), ingkon paimanna do na nia lelengna asa angka na matua ni Israel manjanghon ibana gabe rja ni Israel, dungkon marujung raja Saul dohot Isyboset ( 2 Sam.4-5). Buku 2 Samuel ima na manurathon taringot panggomgomion raja Daud songon raja ditonga bangso Israel. Godang do dibaritahon taringot parngoluonna, sai diramoti Debata do pardalanan ni ngoluna (2 Samuel 5:10,12; 7:16; 8:14b; ). Alai dohot do dipaboa taringot hadadabu harajonna, alai ndada i tujuan ni na manurathon buku on alai napaboahon pujipujionna di asini roha ni Debata di pardalanan ni ngoluna.

Dungkon tajaha taringot parngoluon ni si Daud, adong ma tolu masa na gabe siingotonta sian panghobasion ni si Daud:

a)      Papindahon ibukota harajon ni bangso Israel tu Jersualem

b)      Papindahon poti parpadanan ni Debata tu Jerusalem

c)       Pahothon harajaon ni bangso Israel marhite na manaluhon angka harajon na dihumaliangna (palistin, Edom, Moab, dna).

Alaia adong dope napinarsintana, alai ditulak Debata do i, ima sangkap laho pajongjonghon bagas joro ni Debata. Ihutni angka ulaon na marhasil diulahon ibana, alai adong do na gabe mara di ibana, na gabe dosana di adopan ni Debata, ima na martuptup laho  pamatehon si Uria laho mambuat oroanna na margoar si Batsyeba, dungi dosa bongak ni rohana mangasahon torop ni soldaduna di harajaonna.

Habalian ni si Daud gabe sada masalah na so tartagam hian. Sian buku 1 Samuel, na bali do si Daud sian harajaon ni si Saul, simatuana sandiri na naeng mambuat hosana. Sian buku 2 Samuel, na bali do si Daud sian kudeta na niulahon ianakhonna si Absalom.

Dihatiha madabu si Daud tu dosa pangalupon dohot si Batsyeba, dipataridahon do partondion ni si Daud na jonok tu Debata. Dipardalanan ni ngouna jumpanganna do hasatiaon ni Debata na so paloashon ibana di hasusaan i.

Andorang so turpukta on dipaboa do taringot hamamate ni si Saul jala si Daud manghamonanghon parporangan maradophon halak Amalek. Dipahot do muse barita i marhite haroro ni sahalak Amalek sian parporangan laho mamaritahon tu si Daud. Napaboahon naung dibuat ibana hosa ni si Saul sian pangidoan nis i Saul sandiri (6 – 10). Dipasahat halak Amalek i do na gabe bukti na ima tumpal dohot rutas na adong di si Saul hian (10). Alai molo tajaha sian 1 Samuel 31:1-10, marasing situtu do. Boi dohonon na margabus do halak Amalek i, alai boasa gabe margabus halak Amalek i? Boi do ala naung tangkas diboto nasida na manggantihon si Saul pasti do si Daud, di dok roahan gabe barita na uli doi di si Daud di hamamate ni si Saul asa gabe raja ma si Daud. Na manubut roha ni si Daud do halak Amalek i alai ndada songon i na di roha ni si Daud. Molo di roha ni si Daud naung dibunu halak Amalek i do si Saul ima halak naung miniahan, sada hajahaton bolon do i di roha ni si Daud jala ingkon dabuon uhuman hamatean tu nasida (14-16)!  Mansai lungun di roha ni si Daud hamamate ni si Saul nang si Johanthan anakhonna dongan ni si Daud (17-27).

 

Nang pe sai marhosom ni roha si Saul tu si Daud jala naung ditotophon Debata si Daud  gabe raja manggantihon si Saul, alai ndang na gabe marlomolomo si Daud tu si Saul. Siala ni i ndada na gabe paksaon lomo ni rohana manang marhitehite halak na asing. On ma sadapangalaho na mansai ringko tiruonta songon halak na porsea hita. Tapaloas ma lomo ni roha ni Debata na saut dibagasan ngolunta, nang angka partingkian pe sai saut ma lomo ni roha ni Debata. Unang ma tabahen sude situasi nang kondisi gabe hombar tu lomo ni rohanta, naeng ma saluhut hombar tu lomo ni roha ni Debata. Hatiha tarbunu si saul dohot anakna si Jonatan di parporangan, digurithon si Daud do sada ende habot ni rohana “Ende andung” (2Sam. 1:17).

Turpukta on ma andung andung ni si Daud ala ni hamamateni si Saul dohot si Jonathan. Ndada na marsandiwara si Daud, ndada na naeng  mambuat untung ibana songon halak Amalek i. Tarbukti do sian na dilele si Saul ibana sahat tu na mate si Saul dibahen si Daud do na dumenggan. Dipatuduhon si Daud do nanihormatan raja songon na patut jala na miniahan ni Debata.

Dipatuduhon si Daud do pangalaho na biar mida Jahowa marhite na hormat jala mangargahon angka na miniahan ni Debata, ima na manjou halak na porsea asa

a.       Marserep ni roha laho manghormati angka manang ise pe tarlumobi angka naung miniahan niDebata gabe naposoNa, manang na gabe panggomgomi, manang na gabe uluan di lingkunganta, maysarakat, di huria nang di negaranta, angka pangajari, angka tuan. Boi do sasahalak madabu tu pangalaho na so dihalomohon ni roha ni Debata, manang gabe partuktuhan manang tihas di tongatonganta. Alai taingot ma ndada sian hita haroroan panguhuman manang pamaloson, ndang sian hita huaso laho mandabu uhum tu manang ise pe. Holan si Debata Jahowa do huaso panguhuman i (jaha Rom 12: 19; Heb.10:30)

b.      Patuduhon holong ni roha na polin tu angka na hinaholonga. Ende andung ni si Daud on patuduhon balga ni holong ni rohana, ang pe dimusui jala dilelei ibana. Ndang moru haholonganna, sai dibahen do na dumenggan sahat tu na mangujungi parngoluon ni si Saul nang si Jonathan pe.

c.       Sai satia do si Daud manghaholongi Debata marhite na manghaholongi dongan jolma nang musuna sandiri pe.

d.      Diloas si Daud do na marhuaso Debata dibagasan ngoluna. Jadi ndada lomo ni roha ni Si Daud sipasautonna alai diloas do lomo ni roha ni Debata tulus mardalan. Laos songon i ma nian angka na porsea i mangihuthon Debata jahowa dibagasan ngoluna.

 

Huria ni Tuhanta na hinaholongan dibagasan Jesus Kristus

Hombar tu topik ni minggunta sadari on mandok: “Parhahamaranggion Dibagasan Holong” asa tapatuduhon ma i songon halak na porsea hita dibagasan Jesus Kristus. Naung dipatuduhon si Daud do i panghobasion na gok holong i tu Debata marhite na patupahon angka na uli na denggan di ujung ni ngolu ni dongan nang musuna pe (Saul dohot si Jonathan). 1 Johannes 4:20 Pargabus do halak na mandok: Holong rohana di Debata; hape dihosomi do donganna. Ai na so mangkaholongi donganna na niidana, tung songon dia ma haholonganna Debata na so niidana?

Parhahamaranggion naeng ma mian dihita saluhut angka na porsea  na gok holong dibagasan Jesus Kristus i do na pinangido ni Debata dibagasan ngolunta.  Naung dipatuduhon Jesus Kristus do pangalaho i dibagasan parngoluan pardagingonNa sahat tu hau pinarsilang i. Disarihon Jesus do ngolunta asa sahat tu na manongtong i, diulahon do hata ni Debata, unduk jala serep marroha. Laos ido na niigil ni Ap.Paulus sian huria Korint, asa angka silehonlehon ni Debata rajumanna ma i sian Debata, jala pelehononna ma muse tu Debata marhite angka panghobasionna. TAINGOT MA angka na uli na denggan na pinarade ni Debata laho haluaonta marhitehite Jesus Kristus i. Laos taingot ma angka na uli na denggan i laho manjou hita marasini roha tu angka dongan jolma. 1 Johannes 4:21 On do patik na tajalo sian Ibana: Na mangkaholongi Debata, i ma na mangkaholongi nang donganna.

Songon na pinangido ni Ap.Paulus tu huria na di Korint asa sian bulus ni roha nang sian ias ni roha laho marhobas di adopan i Debata, unang ma ala na dipaksa, ala na nionjar ni halak, alai sian haporseaon na mangolu ma ibana masilehonlehon.  1 Johannes 5:2 Sian on do taboto, naung holong rohanta di angka anak ni Debata: Molo tahaholongi Debata jala taradoti patikna . Sian haporseaon na mangolu dibagasan Jesus Kristus ma hita angka na porsea marpanumpak na uli na denggan tu saluhut jola.

Panjouon di panghobasion “Kasih persaudaraan” naeng ma dipatuduhon dibagasan orientasi pelayanan HKBP di taon 2021 “Tahun Pemberdayaan”.

Tarpatupa hita do Tahun pemberdayaan na dibagasan haholongon molo sai tapatujolohon hagogoon nang huaso ni Debata dibagasan Jesus Kristus laho patupahon i saluhutna. Ai ndang tarpatupa jala tarula hita ulaon asi ni roha nang panghobasion na dibagasan haholongon i molo sian gogo, hapistaran, nang lomonta sandiri. Taloas ma Tuhan Debata mangarajai roha nang pingkiranta patupahon angka ulaon pemberdayaan di tonga ni keluarga, huria, masyarakat nang negaranta.

Di masa pandemic on na so marhaujungan dope, hape lam borat dope adoponta manjou hita angka na porsea pasidohot di angka ulaon na boi paneang angka boban ni masyarakat na terdampak covid-19, manang ruasta na marsitaonon, na dibagasan arsak, parsahiton, angka hamaolon. Marhite partisipasinta di ulaon i na patauhon angka jolma na mian do Debata jala mangula di tongatonga ni portibi on mamboan haluaon, las ni roha dohot gogo. Tapuji ma Tuhanta Jesus Kristus naung  manghamonanghon hita sian na bernit na tataon di portibi on, asa marhamonangan do angka na porsea i molo paloashon Tuhanta Jesus Kristus mangula dibagasan ngolunta. Amen.

Jamita Minggu III Setelah Trinitatis (Hasitolusadaon ni Debata) – 20 Juni 2021

 Panghobasion Na Gok Holong

Pelayanan yang penuh kasih

 

EV. 2 Korint 6 : 1 – 10                                                                                                       EP. Job 38: 1 – 11

 

Huria na hinaholongan dibagasan Jesus Kristus

Sai tongtong do denggan parsaoran ni ap.Paulus dohot angka huria na hea hinobasanna di luat Akhaya saleleng maringan nasida di Efesus. Huria na di Korint ima huria na godang sipingkiron ala ni na masa hagaoron. Gumodang sian tongatonga ruas ni huria i na marharoroan sian na so Jahudi, jala ndang hea dope diajari Hata ni Debata na sian Padan na Robi, angka latarbelakang ni haporseaon i dohot hasomalanna na mansai maralo tu ruhutruhut hakristenon. Mansai godang dope na ingkon niajaran tu nasida andorang sahat nasida tu hagogok ni partondion ( 1 Kor.3 :1-3). Ditingki ap.Paulus manurathon 2 Korint on, na ni arop ni roha ni ap.Paulus asa di parrohahon nasida Barita Nauli i jala asa arga di nasida i jala manjanghon ibana songon apostel. Mangula do ap.Paulus dohot angka donganna laho manosoi huria i marasi ni roha mangurupi angka ruas ni huria na pogos di Jerusalem, ima dalan na patuduhon parsitutuon ni ha-apostelonna.

Dipanatapan ni ap.Paulus di ruas ni huria na di Korint, hurang mangharingkothon ulaon asi ni roha, hurang marsitutu na marhuria, jala ndang mamparrohahon angka silehonlehon ni Debata tu nasida. Ihut ni i muse gabe ndang ditangihon nasida poda ni ap.Paulus gabe ndang diantusi nasida angka pangajarion na sala manang angka poda haliluon. Disosoi ap.Paulus do nasida asa unang marnalemba laho mangasahon hagogoon ni Kristus i dinasida.

 

A.      Hajongjongan ni sahalak parhobas.

Hata parhobas, bhs.Indonesia, Pelayan sian hata gorik  “διακονος” (diakonos) lapatanna: pelayan, pembantu, diaken (5:15-21). Nadimaksud ni ap.paulus ima taringot haluon  na niulahon ni Jesus Kristus,  ima na manjou ruas ni huria di Korintus asa olo mardame dohot Debata nang sama nasida  (ay.20), ndada nasida be na mangolu i, alai mangolu dibagasan Kristus i (ay.15).  Asa molo nunga mardame nasida dohot Debata dohot ma mangihut asa mardame nasida dohot angka parhobas. Asa tangkas parsaoran nasida dohot angka parbarita nauli (dohot ma disi Ap.Paulus) na dihaposi Debata laho pararathon barita nauli.

Songon sahalak naposo ni Debata na martanggung-jawab, dipangido ap.Paulus do angka ruas nahinobasanna i manjanghon dohot denggan taringot tu Barita Nauli ni Jesus Kristus. Ndang lomo rohana gabe ndang diharingkothon angka asiasi ni Debata siala ndang denggan panjanghonon nasida di Barita nauli i. Lapatanna na so denggan panjanghonon ni ruas ni huria i tu ap.Paulus siala asupasup ni parpoda haliluon, na mambahen nasida manulak Barita na Uli i. Hape di tingki parasian ni Debata ima gabe sada kesempatan na nilehon ni Debata tu nasida asa marhaporseaon jala marhamubaon laho manjanghon Barita na uli i, unang be sai marnalemba rohana. Di naung patar asi ni roha ni Debata di nasida naeng ma manjou roha nang haporseaon nasida asa burju manjanghon Debata di ngoluna.

Dipaadop roha ni ap.Paulus do angka hahurangan ni naposo ni Debata, boi do gabe partuktuhan gabe manghorhon halak na hinobasan gabe manulak asi ni roha ni Debata. Alai ndang dos ap.paulus dohot angka parpoda haliluon i. Mansai gogo do dibuktihon ap.Paulus hasintonganna songon naposo ni Debata. Taparrohahon ma parsitutuonna songon naposo ni Debata:

1.       Ndang hea Ap.paulus mambahen partuktuhan. Alai disude na niulahonna ala biar mida Debata do.

2.       Ditingki hasusaan nang hamaolon, laos so hea do ibana holsoan, alai dibolus do sude hasusaan i marhite na marsitutu di haporseaon, marhite na jaga, martangiang nang marpuasa.

3.       Sai jaga do roha ni ap.Paulus di hapolinon, habengeton, nang parasinirohaon, jala ndang marpangalensem ibana disi. Sai dipangasahon ibana do pandonganion ni Tondi Parbadia dohot marhite bodil ni partondionna.

4.       Saluhut kualitas ni partondion i sai hot di parngoluon ni ap.Paulus, disude situasi, sai dpuji ibana do hasangapon ni Debata. (8-10).

 

Dipanjaouon ni ap.Paulus tu ruas ni huria na di Korint songon “dongan saulaon” napatuduhon ruas ni huria ima songon parhobas ni Kristus. Sai dipaingot do nasida asa marhobas dohot denggan jala marsitutu.

 

 

Ap.Paulus sai pamanat parngoluonna songon sada dalan laho mambaritahon taringot tu Kristus, naeng songon i ma hita angka na porsea di Jesus Kristus. Unang ma gabe sihataan angka pangalaho nang parangenta, gabe partuktuhan tu godang jolma, jala gabe manulak Kristus.

Ditingki dibagasan hurungan, sai dipargunahon ap.Paulus do kesempatan i mambaritahon barita na uli. Angka hamaolon na masa di tongatonga ni masyarakat, gabe sada kesempatan do i di ap.Paulus laho paboahon asi ni roha ni Debata

Angka na tapatupa di situasi na mansai maol di tonga masyarakat, ima patuduhon haporseaonta na sasintongna. Ndang na gabe terpengaruh ap.Paulus di situasi hamaolon i, manang tantangan sian angka halak na di humaliangna. Ndada olo ibana pasaorhon ngoluna songon naposo ni Debata dohot hasomalan ni portibi on.

 

c. Unang ma marisuang Asi ni roha ni Debata.

Barita naul, ima naung dipasahat Debata asi ni rohaNa tu jolma marhitehite AnakNa Jesus Kristus. Mansai denggan do nian marhaporseaon, mangantusi, dohot mangapil Bibel i, alai ndang sae holan i jala ndang adong laba ni i ia so tajanghon Jesus Kristus dibagasan ngolunta. Panjanghononta i do manghorhon ngolu na marpanindangion, naung dipalua jala hombar tu lomo ni roha ni Debata, jala gabe barita nauli tu humaliang hita.

 

Mansai ringkot do hita halak na porsea marparhaseang tingki dohot denggan. Partingkian laho pasonanghon roha ni Debata marhite na mangulahon lomo ni rohaNa. Jala angka na porsea mamereng saluhut partingkian i; ima partingkian ni Debata, asa  holan kepentingan ni Debata do na tapatujolohon disi, ndadakepentinganta, partingkianta, jala ndang lomo ni rohanta be disi. Saluhut  na pinasahat ni Debata tu hita gabe ndang marisuang dohot saluhut partingkian alai gabe marparbue (1Kor.7:29).

 

Jadi tarbatas do partingkianta, ndang adong na manongtong di portibi on nang di hita pe manisia, suang songon i hahipason, parngoluonnta pe tarbatas do. Adong be do tingki ni i saluhutna, ido asa unang marisuang angka partingkian i laho marlehaleha, marnalemba.

Tabuat ma kesempatan di partingkian na pinasahat ni Tuhan i tu hita marhite na mangulahon angka na uli na denggan hombar tu lomo ni roha ni Debata. Tapangke ma tingki on dohot sadenggandengganna asa gabe marlapatan ngolunta tu tongatonga keluarga, huria nang masyarakat. Gabe pasupasu ngolunta, gabe sada panindangion na tutu taringot tu asi ni roha ni Debata. Molo nunga ro tingki ni Tuhan i, ndang adong be na boi manundatisa, jala ndang adong be kesempatan di hita.

 

Hamu na angka ruas ni huria Tuhanta Jesus Kristus

Marhite hite angka asiasi ni Debata naung tajalo asa taparhaseang i songon pangula na mangula ditongatonga ni huria ni Tuhanta nang di portibi on. Mansai torop do halak masihol dohot laho marhobas di tonga ni huria ni Tuhanta alai ndang sude na boi mangulahon i dohot denggan, polin, jala tulus rohana. Molo marsitutu do hita laho marhobas diadopan ni Debata ndada diadopan ni jolma, adong do arga ni sigararonta disi. Boi do mansai ragam pangambati laho marhobas dijolo ni Debata. Panghobasion ni ap.Paulus pe mangadopi ragam ni pangambati, ragam ni hamaolon, panaritaan, uhuman linsinglinsing, dihurunghon, dileai, difitnah jala hea do naeng agoan hosa ibana.

Mangadopi saluhutna i, dipangke ap.Paulus do angka sinjatana: ima habengeton ni roha, martangiang, marpuaso. Alai songon naung dipaboa ap.Paulus, saluhutna i naeng ma diulahon marhite lambas ni roha, marhite holong na mamolin dohot marhite pangurupion ni Tondi Parbadia.

 

Mansai jotjot do hita gabe marsak, jala mandele siala ni hamaolon na taadopi dibagasan panghobasionnta. Hape molo tabayanghon hamaolon na niadopan ni ap.Paulus, ndang adong imbar ni i saluhutna sian na taadopi. Boi do pintor gale semangatta laho melayani hape holan ala persoalan na metmet. Ido umbahen disude panghobasionta i naeng ma Tuhanta i na tapangido laho pasingkophon dohot mamasumasu. Pasolhot dirim tu Debata asa dilehon gogo  laho marhobas di adopanNa.

 

Margogo do ap.Paulus ala olo ibana marsiajar sian panaonon ni Tuhanta Jesus Kristus mangadopi dalan ni silang i (Via Dolorosa). Ndada boi margogo ap.Paulus dohot Jesus ia so marhite pangaramotion ni Debata. Laos songon i ma hita angka na porsea sai diramoti Tuhanta ma hita laho mangulahon ulaon asi ni rohaNa i, jala taulahon ma saluhutna i marhite holong ni Tuhanta Jesus Kristus Sipalua hita. Amen.

Renungan Minggu II Setelah Trinitatis (Hasitolusadaon ni Debata) – 13 Juni 2021

 BERMEGAH DIDALAM TUHAN

 

EV. Mazmur 20: 1-10                                    EP. Markus 4: 26-34

 

Dalam peperangan kereta adalah peralatan dan kuda adalah kecepatan/ketangkasan. Kekuatan sebuah pasukan dalam peperangan ditentukan oleh banyaknya kereta dan pasukan berkuda. Daud menyadari dalam peperangan menghadapi musuhnya, ia tidak memiliki kereta ataupun kuda. Terlebih pada saat ia dikejar-kejar musuhnya baik Saul maupun Absalom. Tetapi Daud sangat percaya kepada Tuhan, ia bermegah dalam Tuhan yang menjadi sumber perlindungan dan kekuatan. Iman Daud sangat kuat, ia yakin bahwa orang yang memegahkan kereta adan kuda akan jatuh, tetapi orang yang bermegah dalam Tuhan akan bangun berdiri dan tetap tegak.

    Setiap orang terobsesi dengan kemenangan dan tidak senang dengan kekalahan. Itulah sebabnya kita berusaha dengan segala daya dan upaya untuk meraihnya. Tapi sayangnya seringkali kita lupa kunci keberhasilan yang sesungguhnya. Mari kita pelajari apa yang menjadi kunci keberhasilan Daud:

1.       Kemenangan Daud berasal dari Tuhan. Berbagai kemenangan yang diraih oleh Daud terjadi karena Tuhan. “TUHAN memberi kemenangan kepada Daud ke mana pun ia pergi berperang.” (2 Sam.8: 6, 14) Tuhanlah yang berperang dalam peperangan Daud sehingga kemenangan demi kemenangan berhasil diraihnya. Daud melakukan apa yang diperintahkan Tuhan dan Tuhan mengerjakan bagian yang tidak bisa dilakukan Daud. Amsal 21:31 berkata,   “Kuda diperlengkapi untuk hari peperangan, tetapi kemenangan ada di tangan TUHAN” Tangan yang diurapi diberkati serta dipimpin Tuhan akan menghasilkan kemenangan. Jangan terlalu bergantung kepada kecakapan, pengalaman diri sendiri atau orang lain karena suatu saat semuanya itu tidak akan bisa menolong. Tetapi ketika kita selalu mengandalkan dan melibatkan Tuhan dalam setiap hal yang kita lakukan, tangan-Nya yang perkasa akan memberikan kemenangan dalam hidup kita.

2.       Kemenangan Daud dipersembahkan untuk Tuhan. 2 Sam.8: 11 menulis, bahwa Daud mempersembahkan hasil jarahan musuh  kepada Allah.  Artinya ada hubungan yang jelas antara kemenangan dan hasil yang didapat dari kemenangan tersebut dengan ibadahnya kepadaTuhan. Ketika berhasil meraih kemenangan, Daud tidak melupakan Tuhan yang telah memberinya kemenangan. Daud menjadikan kemenangannya sebagai persembahan yang mempermuliakan Tuhan. Jangan pernah melupakan fakta rohani tentang keberhasilan, bahwa setiap keberhasilan yang kita capai karena ada campur tangan Tuhan yang tidak kelihatan turut bekerja di dalamnya,  sehingga sudah sepatutnya kita mengarahkan dan mempersembahkan kemenangan tersebut hanya untuk Tuhan. Biarlah melalui keberhasilan kita nama Tuhan bisa kita beritakan dan kita muliakan.

 

Dalam kehidupan ini, banyak kompetisi maupun peperangan rohani. Banyak orang mengandalkan kepandaian, harta maupun kedudukan. Bagaimana dengan kita? Kalaupun kita memilikinya, janganlah bermegah olehnya. Terlebih lagi jika yang ada pada kita terbatas, janganlah kita mengandalkannya. Satu-satunya yang tak terbatas telah kita miliki yaitu Tuhan sendiri. Dia sumber kekuatan dan kehidupan. Jika kita bermegah dalam Tuhan, kita akan mengalami kemenangan.

 

Jangan bermegah atas kekuatan dan kemampuan diri, tetapi bermegahlah dalam Tuhan. 1 Korintus 1:31 Karena itu seperti ada tertulis: "Barangsiapa yang bermegah, hendaklah ia bermegah di dalam Tuhan."

 

Jika kita bermegah dalam Tuhan, Dia sanggup mengubah yang terbatas menjadi tidak terbatas.

1 Korintus 1:27-29 Tetapi apa yang bodoh bagi dunia, dipilih Allah untuk memalukan orang-orang yang berhikmat, dan apa yang lemah bagi dunia, dipilih Allah untuk memalukan apa yang kuat, dan apa yang tidak terpandang dan yang hina bagi dunia, dipilih Allah, bahkan apa yang tidak berarti, dipilih Allah untuk meniadakan apa yang berarti, supaya jangan ada seorang manusia pun yang memegahkan diri di hadapan Allah.

 

Jadi pesan firman Tuhan hari ini, marilah kita bermegah dalam Tuhan, apapun keadaan kita. Kita akan bangun berdiri dan tetap tegak, sebab Tuhan adalah sumber kekuatan dan kemenangan kita.

Oleh sebab itu agar kita beroleh kemegahan didalam Tuhan dan Berhasil :

 

1.       Melakukan kehendak Tuhan. Tawarikh 26 : 4 - 5 Ia melakukan apa yang benar di mata TUHAN, tepat seperti yang dilakukan Amazia, ayahnya. Ia mencari Allah selama hidup Zakharia, yang mengajarnya supaya takut akan Allah. Dan selama ia mencari TUHAN, Allah membuat segala usahanya berhasil. Raja Hizkia melakukan apa yang benar dimata Tuhan. Di tahun integritas ini, penting bagi kita untuk selalu melakukan apa yang benar dimata Tuhan. Yosua 1 : 7 - 9 Hanya, kuatkan dan teguhkanlah hatimu dengan sungguh-sungguh, bertindaklah hati-hati sesuai dengan seluruh hukum yang telah diperintahkan kepadamu oleh hamba-Ku Musa; janganlah menyimpang ke kanan atau ke kiri, supaya engkau beruntung, kemanapun engkau pergi. "Janganlah engkau lupa memperkatakan kitab Taurat ini, tetapi renungkanlah itu siang dan malam, supaya engkau bertindak hati-hati sesuai dengan segala yang tertulis di dalamnya, sebab dengan demikian perjalananmu akan berhasil dan engkau akan beruntung." "Bukankah telah Kuperintahkan kepadamu: Kuatkan dan teguhkanlah hatimu? Janganlah kecut dan tawar hati, sebab TUHAN, Allahmu, menyertai engkau, ke mana pun engkau pergi."

Saat kita merenungkan Firman Tuhan siang dan malam, maka Tuhan akan menuntun hidup kita setiap waktu dan tangan Tuhan akan membawa kita pada keberuntungan. Dalam situasi yang tidak menentu sekali pun, kita selalu beruntung. 

1 Samuel 15 : 3 Jadi pergilah sekarang, kalahkanlah orang Amalek, tumpaslah segala yang ada padanya, dan janganlah ada belas kasihan kedapanya. Bunuhlah semuanya, laki-laki maupun perempuan, Kanak-kanak maupun anak-anak yang menyusu, lembu maupun domba, unta maupun keledai."

1 Samuel 15 :7- 8 & 11 Lalu Saul memukul kalah orang Amalek mulai dari Hawila sampai ke Syur, yang disebelah timur mesir. Agag, raja orang Amalek, ditangkapnya hidup-hidup, tetapi segenap rakyatnya ditumpasnya dengan mata pedang. Tetapi Saul dan rakyat itu menyelamatkan Agag dan kambing domba dan lembu-lembu yang terbaik dan tambun, pula anak domba dan segala yang berharga:tidak mau mereka menumpas semuanya itu. Tetapi segala hewan yang tidak berharga dan yang buruk, itulah yang ditumpas mereka… " Aku menyesal, karena Aku telah menjadikan Saul raja, sebab ia telah berbalik dari pada Aku dan tidak melaksanakan firman-KU. Maka sakit hatilah Samuel dan ia berseru-seru kepada Tuhan semalam-malaman. Kegagalan Saul diawali dari sikap yang tidak taat dan tidak respek terhadap Firman Tuhan. Saul tidak melakukan Firman Tuhan dengan benar, maka ia mengalami kegagalan.

 

2.       Menyerahkan segalanyakKepada Tuhan. Filipi 4 : 6 Janganlah hendaknya kamu kuatir tentang apapun juga, tetapi nyatakanlah dalam segala hal keinginanmu kepada Allah dalam doa dan permohonan dengan ucapan syukur. Serahkan segala ketakutan dan kekuatiran kita kepada Tuhan, maka Ia akan bertindak. Hidup kita lebih dari apa pun dari segala yang kita butuhkan.

 

3.       Menjalin hubungan yang baik dengan Tuhan dan sesama. Kejadian 11 : 6 Dan Ia berfirman: " Mereka ini satu bangsa dengan satu bahasa untuk semuanya. Ini barulah permulaan usaha mereka: mulai dari sekarang apapun juga yang mereka rencanakan, tidak ada yang tidak akan dapat terlaksana. Kesatuan yang boleh terlihat dan terutama adalah dengan Tuhan kemdian di dalam keluarga, kemudian didalam jemaat, masyarakat, bangsa dan negara. Tanpa kesatuan kita dengan Tuhan kita tidak bisa memahami apa maksud dan kehendak Tuhan dalam kehidupan kita. Tanpa kesatuan itu kita tidak bisa selaras dengan tujuan Tuhan dalam kehidupan kita. Demikian juga dengan keluarga hendaknya menyatu sehingga tujuan bersama tercapai. Hendaknya menjaga keharmonisan keluarga, keharmonisan jemaat, keharmonisan ditengah masyarakat, bangsa dan negara.

Lukas 11 : 17 Tetapi Yesus mengetahui pikiran mereka lalu berkata : " Setiap kerajaan yang terpecah-pecah pasti binasa, dan setiap rumah tangga yang terpecah-pecah, pasti runtuh."

 

Jemaat bisa bertumbuh jika semua pelayanan dalam tubuh Kristus menyatu, saling percaya dan mendukung.

 

4. Teguh berjalan dengan Iman.  Markus 11 : 24 Karena itu Aku berkata kepadamu: apa saja yang kamu minta dan doakan, percayalah bahwa kamu telah menerimanya, maka hal itu akan diberikan kepadamu. Jangan bimbang, percaya saja!

 

Matius 21 : 21 Yesus menjawab mereka:" Aku berkata kepadamu, sesungguhnya jika kamu percaya dan tidak bimbang, kamu bukan saja akan dapat berbuat apa yang Kuperbuat dengan pohon ara itu, tetapi juga jikalau kamu berkata kepada gunung ini : Beranjaklah dan tercampaklah ke dalam laut!Hal itu akan terjadi.

 

Tiada yang mustahil bagi Tuhan jika kita percaya dan tidak bimbang. Contoh orang yang melangkah dengan iman dan mengandalkan Tuhan adalah Yusuf. Dia adalah anak Yakub yang diberkati Tuhan karena penyertaan Tuhan. Ia memiliki karakter yang dapat kita teladani :

 

a)      Yusuf selalu rajin bekerja

"Segala miliknya diserahkannya pada kekuasaan Yusuf, dan dengan bantuan Yusuf ia tidak usah lagi mengatur apa-apapun selain dari makanannya sendiri." (ay 6)

b)      Yusuf tetap menjaga kekudusan

Lihatlah bagaimana Yusuf digoda oleh istri Potifar, namun dia memilih untuk tidak berzinah. "...Bagaimanakah mungkin aku melakukan kejahatan yang besar ini dan berbuat dosa terhadap Allah?" (ay 9)

c)       Yusuf menjauhi dosa

"Lalu perempuan itu memegang baju Yusuf sambil berkata: "Marilah tidur dengan aku." Tetapi Yusuf meninggalkan bajunya di tangan perempuan itu dan lari ke luar." (ay 12)

d)      Yusuf adalah orang yang jujur

Dia tidak memanfaatkan situasi dan berbuat curang meskipun peluang ada didepan mata. Yusuf melakukan segalanya sesuai dengan mandat yang diberikan kepadanya. "...Dengan bantuanku tuanku itu tidak lagi mengatur apa yang ada di rumah ini dan ia telah menyerahkan segala miliknya pada kekuasaanku, bahkan di rumah ini ia tidak lebih besar kuasanya dari padaku, dan tiada yang tidak diserahkannya kepadaku selain dari pada engkau, sebab engkau isterinya.." (ay 8-9).

e)      Yusuf tidak mendendam

Atas segala kejadian pahit yang dia alami, dia tidak pernah mendendam. Baik ketika disiksa oleh saudara-saudaranya dalam Kejadian 37, maupun ketika dimasukkan ke dalam penjara (39:20).

Yusuf memiliki sikap positif

Dia tidak pernah bersungut-sungut, mengeluh atau menyesali nasib. Yusuf selalu punya sikap positif dalam perjalanan hidupnya.

Untuk memperoleh kesuksesan sejati, ingatlah bahwa semua itu bukanlah semata-mata karena kekuatan kita, tapi karena ada campur tangan Tuhan dalam hidup kita. Intinya adalah bagaimana kita hidup berkenan di hadapan Tuhan. Bagaimana kedekatan kita dengan Tuhan, apakah kita selalu rindu untuk datang padaNya, membawa pujian dan hormat kita kepada Tuhan. Bagaimana kita mampu percaya sepenuhnya pada Tuhan dan tidak mengeluh walau sedang dalam keadaan sulit sekalipun. Ketika semua itu kita lakukan, Tuhan akan memberi penyertaanNya dalam hidup kita, maka keberhasilan pun akan menjadi bagian kita. Bermegahlah didalam Tuhan Yesus yang telah memenangkan kita atas segala kesulitan dan pergumulan kita, atas maut, kematian dan siIblis. Amin.

Jamita Minggu I Dung Trinitatis (Hasitolusadaon ni Debata) – 6 Juni 2021

Horas ma di hita saluhutna.

Dibagasan turpuk on mansai ringkot do hita manaringoti angka sibahason laho pabagashon pangantusionta di topik on. Adong ma piga-piga bahan pokok siberengonta:

1.       Sian sejarahna

Klemens na sian  Aleksandria ima sahalak ama ni huria sian huria purba. Na targoar do nasida di sejarah ni huria ala ni habaranionna dohot parsitutuonna laho patomuhon haporseaon ni Kristen dohot filsafat. Dipaboa ibana do ia halak Rom na mangido tu Ap.Petrus asa manurat taringot tu parngoluon ni Jesus di nasida. Jala boi do dapot roha na pasidhohot si Markus mangurupi manurathon i, sian bukti ni angka terjemahan na godang manurathon angka istilah Aramik, angka na manjaha surat ni si Markus ima halak na so sian Jahudi. Mansai jempek do surat ni si Markus hombar tu pamingkiron ni halak Rom na so apala risik laho mangalapati angka parhataan na bagas lapatanna. Surat ni si Markus ima laho patuduhon taringot tu diri ni Jesus Kristus dohot pangulaonNa di portibi on. Suart Markus on naeng paboahon taringot tu Jesus songon sisean na ro laho marhobas dohot mamelehon ngoluNa songon Sipalua tu saluhut jolma (Mrk.10:45). Ido umbahen di sude data pribadi ni Jesus mansai ringkas do dipaboa si Markus, jala gumodang do manaringoti pribadiNa nang angka panghobasionNa di portibi on.

2.       Sian panuratanna.

Pangalaho masa taringot tu Jesus dohot Beelsebul sasintongna ima sada sian saluhut ulaon panghobasionNa di luat Galilea. Na mansai ringkot botoonta ima adong dipamasuk barita taringot tu keluarga ni Jesus songon sisipan jotjot di goari teknik sandwiching manang bracketing, jala godang iadonta di Surat ni si Markus. Lapatanna ima laho patuduhon partingkian na marsanggasangga, asa manarik tu roha, asa marparsualhon, na rumingkot mambahen dua barita asa gabe ditafsirhon.

Songon na pinatupa si Markus jumolo manaringoti angka na torop i dohot keluarga ni Jesus (Mrk.3: 20-21). Dung disisiphon taringot tu partontangan ni Jesus dohot angka siboto surat (mrk.3: 22-30) ditonga ni bingkas na masa di keluarga ni Jesus dohot situan natorop (Mrk.3:31-35). Jadi molo diparrohahon turpukta on marisihon: Jesus dohot situan natorop (20); na ro keluarga ni Jesus (21); angka siboto surat na mandikte (22); Alus tu angka siboto surat (23-30); ro ma muse keluarga ni Jesus (31); Jesus dohot angka situan natorop (32-35). Nanaeng sipatuduhon on ni Jesus pangalaho partontangan na maralo tu Jesus dohot angka na manjanghon pangajarion ni Jesus. Jala bungkas sian keluarga dohot siboto surat, tujuan ni keluarga laho pahohom Jesus di sikapNa i di huta Kapernamun asa unang gabe gaor di tonga ni masyarakat nang di pamarenta uju i. Tujuan ni keluarga laho padaohon Jesus sian mara, ima dalan nasida asa manghophop Jesus. Sian panatapan ni si Markus dos do na niulahon ni Keluarga ni Jesus dohot angka siboto surat i, nang pe ndang apala patar songon paraloan siboto surat i. Marasing dohot sikap ni torop halak di pangajarion ni Jesus na manjanghon pangajarionNa i.

 

3.       Sipahusorhusoron.

a.       Sikap ni angka sibotosurat.

Naung ditangihon angka siboto surat i do taringot Barita ni Jesus songon sahalak guru, pangajari, parjamita, pangubati na mansai targoar uju i. Mansai torop halak na ro laho m angalului Jesus ala pangajarionNa na mansai luar biasa ihutni i na boi patupahon ragam ni halongangan; pamalum na marsahit jala pabalihon na sinonggopan sibolis. Gabe si paro biar ni roha do barita i di roha ni angka siboto surat ala harorona i gabe sada ancaman di angka siboto surat di na marlaoan angka siihuthon nasida. Ido umbahen ditongos angka siboto surat suruanna laho manulingkiti dohot mangalului mula ni     huaso ni Jesus mangulahon i alai dibahen do dohot tahitahi na jat. Dung pajumpang angka siboto surat i dohot Jesus, jumolo do disungkun nasida sian dia do parbinotoan ni Jesus laho patupahon angka halongangan i doht na pabalihon angka tondi na  jat. Di partingkian i, pabalihon si bolis sada pangalaho naung somal masa. Godang do masa na mangulahon ulaon haholomon, angka ajiajian na di roha ni siboto surat doshon dohot na niulahon ni Jesus hatiha i. Hatiha diida nasida na binahen ni Jesus halongangan, gabe pintor di dok nasida do manuduh pambahenan ni Jesus na sinonggopan ni si Bellsebul laho pabalihon sibolis i. Beelsebul ima na ginoaran sisombaon ni halak Kanaan na lapatanna ‘debata na ro sian banua ginjang”, alai di hatiha i, sai dipangke halak Jahudi do goar i laho paboahaon parhuaso di naroko, inganan ni angka setan. Didok roha nasida naung sinonggopan tondi ni Beelsebul do Jesus, jala naung leleng i masa di diri ni Jesus. Sude pandohan na so hasea sian siboto surat i tu Jesus naung marulakloni do i masa. Di ay. 22 bentuk imperfek (e;legon) ditingki patoranghon “berkata”. Patuduhon naung sian uju i naung somal do  angka siboto surat i manuduh na so tingkos taringot ti na binahen ni Jesus (Markus 2:7, 2:16, 2:18).

 

b.      Sikap ni Jesus tu angka sibotosurat.

Ndang dipasombu Jesus pangalaho ni angka siboto surat i, di jou Jesus do nasida laos dialusi do sude angka tuduhan nasida marhite sada umpama. Sian umpama ni Jesus i, nanaeng siondolhonon ni Jesus ima: 1. Ndang adong hadomuan ni Jesus dohot Sibolis; 2. Na manegai ulaon ni sibolis do naniulahon ni Jesus, lapatanna naung dibagasan gomgomanNa do huaso ni sibolis i. Mansai manarik di rohanta di panorangion ni Jesus di umpamana i marhite tirket tirket : ni harajaon, bagas dohot sibolis. Dipatupa Jesus do i asa manggombarhon anggo metmet do parsaoranna doshon laho tu halumlamon do i. Dua situasi na dipatorang Jesus, ima situasi Makro mandok harajaon dohot situasi mikro mandok bagas ima bagian ni politik dohot sosial. Sian pengalaman ni parporangon dohot partontangan dibagasan dipatoang Jesus songon sada siingoton di parsualon i.

Dungkon salose manaringti umpama i, dipaboa Jesus ma muse sada pandohan taringot tu dosa na so tarsesa ima na mangaleai Tondi Parbadia. Sian hata ”blasfhme,w” (hujat). Mansai ringko do on ala naung tangkas do diboto ianggo sude dosa dohot na mangaleai angka anak ni jolma disesa do i, alai molo mangaleai Tondi Parbadia ndang tarsesaan i, ala naung mangulahon dosa na manongtong. Na mangaleai Tondi Parbadia na marlapatan mangalo Debata Ama (Pngk.13: 6; 16:9); mangalo Kristus (Mat.27: 39; Luk.23:39); manang na mangalo Tondi Parbadia (Mat.12: 32; Mrk.3: 29,30. Alai dibagasan turpuk on, na nidok Jesus mangaleai Tondi Parbadia. Alai naeng do tapatangkas na mangaleai Tondi Parbadia diantusi sian na manjaha Markus 1: 7-8, dihatiha i Johannes pandidi hea do mandok:

“On do jamitana; Na ro ma sian pudingku na gumogo sian ahu; na hurang tama do ahu paunduk ahu mangkarhari tali ni sipatuna. Aek do hudidihon tu hamu; alai Tondi Parbadia do didihononna tu hamu.”

 

Na gumogo do Jesus, na marhuaso marhite huaso ni Tondi ni Debata mangihot sibolis jala manaluhon angka siseanna. Jadi alasan ni Jesus mandok angka siboto surat i mangaleai Tondi Parbadia ima siala naung didok angka siboto surat i do Ibana “sinonggopan ni tondi na jat” (ay.30). Hatiha i naung dipamalum Jesus do sahalak na marsahit na sinonggopan tondi na jat, jala na masa i patuduhon naung ro do harajaon ni Debata di panghobasionNa. Lukas 11:20 Alai molo hupabali angka tondi na hodar marhitehite tangan ni Debata, naung songgop ma harajaon ni Debata tu hamu (Mat.12:28). ‘Tangan ni Debata’ dilapati do i ‘Tondi ni Debata’.

Dosa na mangalo Tondi Parbadia ima na doshon na mangulahon dosa na so boi sinesaan dosana. Lapatan ni dosa na manongtong ima roha na mangoloi pangalaosion. Ima angka jolma na so olo marhamubaon ni roha.

Sian mulana i naung diparrohahon angka siboto surat i do angka sihobasan ni Jesus. Jala nunga dibege nasida pangajarion dohot marnida sandiri angka halongangan na binahen ni Jesus,alai dang porsea dope nasida. Sai na boi dope sesaan dosa ni angka siboto surat i molo na holan manulak panindangion ni Jesus (Mat.12: 32a), alai parsualanna naung ditulak nasida do panindangion na parpudi on ima sian Tondi Parbadia.

 

Naung marulakloni do Tondi Parbadia i mangalehon panindangion taringot tu ulaon ni Jesus  na sian Debata Ama jala mangalehon asiasi haluaon dibagasan Ibana, alai sai na hot dope rohanasida na jogal i, jala sangaja do di datdati mandok ulaonNai na sian sibolis. Jadi tangkas ma na adong be dalan laho pasahathon panindangion tu nasida. Panindangion na sian Tondi Parbadia ima panindangion na parpudi. Ido umbahen na so hasesan be pambahenan nasida. Jala ndang adong kesempatan nasida marhamubaon ni roha. Ido umbahen didok dosa na so hasesaan do na mangalo Tondi Parbadia jala manongtong do dosana i.

Ala ni i naung didok Jesus di bagasan turpuk on ndada holan sian sikap pangalaho na manulak Tondi Parbadia alai dohot do sian rohana sandiri na so olo jala marjogal ni roha sian panggora ni Tondi Parbadia. Tudos songon na nidok BE. 424: 1 Soara ni Tondi ni Tuhanta I jot-jot dilao si, ditulak ho i. Sai, Tanda jeamu, pauba roham, dapothon Tuhanmu, si sesa dosam.

Amen.