Satia
Manghaholongi Dohot Mangihuthon Jesus
(Mengasihi
Dan Mengikut Yesus Dengan Setia)
Johannes 21:
15 – 19
1)
Huria ni Tuhanta nahinaholongan
dibagasan Jesus Kristus , ra ingkon akuonto do, hea do hita mengalami na
ginoaranna gagal manang ndang marhasil. Atik adong na hea gagal di
parsingkolaan, di citacita, diparkarejoan, di partigatigaan, di bisnis, di
natoras, gagal gabe suami, manang istri, gagal mangajar ianakhon, gagal
mangalului parkarejoan, gagal di parcintaan, lan na asing. Halak na gagal
jotjot do I putus asa, jala boi gabe maningkot, mangalului jalan kaluar marhite
na mabuk, marjuji, dugem lan na asing. Dimulana i laho mambuang suntuk do, alai
ujungna gabe ketagihan malah diperbudak nafsu ketagihan i.
2)
Hira songon i ma na masa di si Petrus
dohot angka donggan. Dihilala si Petrus nunga gagal ibana. Ai di borngin na
parpudi andorang so tartangkup Jesus, tung gogo do hatana mandok tu Jesus:
“Agia sude nasida targasip mida Ho, ianggo ahhu na so tupa targasip”. Andorang
so i didok ibana dope tu Jesus: “Agia sahat tu hamatean, sain a ihuthononku
do Ho” Hape laos di borngin I do tolu hali disoadahon ibana na so ditanda
ibana Jesus i. Jala dung diida simalolongna naung saut diparsilangkon Jesus i,
dung i mate, dung i dikubur. Petrus mamorso Jesus pola sahat tolu hali ala na
mabiar do ibana mate raphon Jesus. Sai naeng menghindar do ibana sian na
nialaman ni Jesus. Ido alana diporso ibana Jesus sian mulana i. Alai sian
hasongkalon ni Debata, ia hamatean na pinasiding si Petrus asa gabe hamatean na
ingkon nialamanna sandiri do muse. Alai ndada gabe gombaran uhuman mate na
kejam on, alai gombaran ni asi ni roha ni Debata, siala adong do kesempatan di
si Petrus na paduahalihon dibagasan ngoluna. Ima na gabe pasupasu, asi ni roha,
jala nuaeng na sai marhusari dibagasan rohana na mamparungkilhon hasalaanna na
menyangkal Jesus diloas mambege pandohan ni Jesus na tung mansai uli : “ihuthon
ma Ahu”. Mangutip pandohan ni sahalak Teolog na tarbarita ima Deitrich
Bonhoeffer, “Ketika Kristus memanggil seseorang, ia meminta dia
datang dan mati.” Ala ni do sipata olo do hita songon si Petrus on,
marjanji tu Tuhan alai ndang tatepati janjinta i, manang gabe siose padan ma
hita disi. Diparngoluon on boi do jolma mangose padan, ala ni biar na somalin
balgana manang resiko na niadopanna na umborat. Alai ianggo Tuhanta i ndang hea
mangose padanNa laho manghophop portibi on nang hita jolma pardosa on. Janji
Tuhan itu tepat pada waktuNya, seperti fajar di pagi hari, selalu terbit pada
waktunya.
3)
Hamuna huria ni Tuhanta
nahinaholongan. Nang pe songon i jungkat ni jolma i, sai tongtong dope sai
mulak asi n iroha ni Debata Jahowa. Ia jolma i sai jotjot do holan mamereng hasalaan
nang dosa ni jolma, alai Tuhanta i ndang holan mamereng dosa nang hasalaan i alai
dohot do haporseaon i. Ai ndang lomo roha ni Debata di hamamate ni parjahat i,
alai hamumulakna do tumadingkon dalanna. "..., firman Tuhan ALLAH, Aku tidak berkenan kepada kematian orang
fasik, melainkan Aku berkenan kepada pertobatan orang fasik itu dari kelakuannya
supaya ia hidup. Bertobatlah, bertobatlah dari hidupmu yang jahat itu!
Mengapakah kamu akan mati, hai kaum Israel?" Yehezkiel 33:11b. Ai
pertobatan dan perobahan do na niigil ni Debata. Transfromasi iman na mangula
di diri ni si Petrus i do na niigil ni Jesus. Ro do Jesus mamangkulingi si
Petrus. Ai dung mate Jesus di hau pinarsilang i, sai songon putus harapan do si
Petrus, mulak do ibana tu ulaonna na
leleng i, ima manjala dengke. Alai ro do Jesus dung hehe Ibana sian hamatean i mamangkulingi
angka siseanna, mangajarisa uju mangan nasida. Dung mangan nasida, disungkun
Jesus ma si Petrus: “Ale Simon anak ni si Jona, humolong do roham di Ahu
sian angka on?”. Ateate nang puspusu ni si Petrus i do disentuh. Asa
ateate ni si Petrus (hati sanubari) na mangalusi, unang ma utokutokna
songon na lelengna i. Dia disadarkan
bahwa dengan mengandalkan pikirannya dia telah gagal. Jala pola tolu hali
disungkunhon Jesus, jala tolu hali dialusi si Petrus : “Olo Tuhan, diboto
Ho do holong ni rohangku di Ho.” Jala di na patoluhalihon I didok:
Marsak ma si Petrus, ala pola tolu hali ibana disungkun dohot sungkunsungkun na
sama. Gabe dialusi si Petrus ma: “Sauhutna ale Tuhan diboto ho do-ditanda
Ho do holong ni rohangku di Ho!”. Nunga ateate manang roha parbagasan i
be na mangalusi. Gabe menyerah ma ibana, ndang adong be ginjang ni roha manang
emosi na meluapluap manang roha na impulsive/pajagojagohon.
4)
Huria ni Tuhanta, naeng ma songon i hita
laho mangurupi angka jolma na terpuruk, na gagal jala na merasa marsala. Sai adong
dope kesempatan manang dalan laho memperbaharui diri laho bertransformasi, laho
bertobat. Sentuhan kasih manang holong, pendekatan na binahen ni Jesus marhasil
manogunogu roha na magopu. Hati yang remuk akan dapat disentuh dengan
pendekatan dan bahasa yang baik. Mansai andul do tarbalik di deba jolma na
menegor halak dihasalaanna dohot cara na sadis, kejam jala ndang beretika. Bahkan
boi manghorhon parmusuon nang hansit ni roha. Molo adong sala ni dongan denggan
ma di pasingot, dohot cara na beretika, cara na elegan, cara na santun jala
manusiawi, unang ma dipangke cara pareman, hata na kasar manang langsung
menyumpah serapah. Adong ma sada ilustrasi: jadi nga somal nian angka ianakhonna
on marpungupungu tu bagas ni natorasna ganup bulan. Sai diboan angka ianakhonna
on do ragam sipanganon na palashon roha ni natoras nang keluarga nasida. Jadi
di sada tingki pertemuan nasida holan dua keluarga ma ianakhonna on na ro tu bagas
ni natorasna i. hape naung diboan do bahan mentah silompaon botari. Jadi didok
roha ni anakna i, unang pola be lompaon, ai ndang ro sude hahaanggina na tolu
nari, sae ma holan mangallang lompan ni ito na I ala mansai godang dope di botarina
i siallangon na saripe. Dung botari mulak ma keluarga anangkonna on na dua
keluarga on, didok roha anakhonna on; haduanma lompaon mi goreng i, molo ro
sude haha angina i. Alai molo natorasna i naung hirim hian Rohana dilompa mi gorang
hasoloan ni rohana, alai ndang saut be. Jadi diboan ma mulak sude angka bahan
mi goreng I tu jabuna, na deba dibagi tu itona i. Dung dua ari ma mardalan,
tompu ma ro telepon ni inongna tu anakonna, ala karejo ndang dialusi. Dungi gabe
ditaleponma tu parumaenna jala didok: “Ai sai hulului bahan ni mi goreng i di
jabu laos so dapothu, hape naung diboan hamu do mulak, sampe ati do hamu
mambahen songon i tu natuatua, hamu pe haduan marparumaen do.” Tompu ma hata
i songon diroro sillam di roha ni parumaenna i. Dung i dipaboa ma tu suamina
asa dipataru marsogotna i bahan mi goreng i tu bagas ni natorasna, alai dung
jolo di paboa tu natorasna i, tong do
pangarimason natorasna i mandok: “ndang pola taruhonon mu i, ai boi do
hutuhor popmi allangongku, jala ndang dijabu ahu sahat tu botari”, huhut ma
marbetebete iannanta i tu anakhonna. Gabe lam jut ma roha ni anakonna i. Huria
ni Tuhanta, boi do tegoron ianakhon alai unang ma dohot cara na kasar manang
ndang maretika. Ianakhonta molo nungamarhasohotan jala margelleng unang be
dianggap be sepele songon dakdanak. Molo sala ianakhon denggan ma natoras laho
paingothon unang ma kasar, ai lambok ma hatana songon na siniraan. Maniru sian
pambahenan ni Jesus i maradophon si Petrus mansai lambok do jala tegas.
Memulihkan orang gagal dan yang bersalah dan berdosa seperti Petrus menjadi
bangkit Kembali, dan malah mampu menjadi pemimpin yang berhasil dan
bertanggungjawab. Yesus berhasil menggugah hati terdalam Petrus untuk mengambil
Keputusan; mengasihi Yesus dan menyerahkan segenap hidupnya bagi Yesus.
5)
Hamu angka dongan, tolu hali disungkun
Jesus tu si Petrsu: “Holong do roham di Ahu?” Jala tolu hali ma
dialusi si Petrsu: “Olo Tuhan, diboto Ho do holong ni rohangku di Ho!”,
jala dung i, tolu hali ma dilehon Jesus parsuruon manang tugas tu si Petrus: “Parmahani
ma angka birubirungKu.” Aha do
lapatan ni i ? Memang tafsiran na somal, na dimulai sian pandapot ni
sahalak teolog Swedia, Anders Nygren, dibukuna: “Eros and Agape”,
mandok, disungkunsungkun na parjolo dohot paduahon, dipangke Jesus hata “agape”,
ima holong na olo maneahon diri, songon na binahen ni Jesus . Alai sai dialusi
si Petrus do hata “filia”, ima holong pardonganon. Jala naung taboto
holong agape do na tumimbo, jala holong filia do na tumoru sian holong agape i.
Ai ditanda si Petrus do dirina na so boi mangalobii holong ni Tuhan Jesus I naung
mate, jala hehe sian na mate holan laho manghohp jolma pardosa songon ibana. Ai
holan holong nang pengorbanan filia do tolap nilehon si Petrus. Asa diujung ni
ngoluna dipangido si Petrus do ibana diparsilangkon tarbalik posisina dohot
simanjujungna ditoru, ala ndang layak ibana dipatudos dohot Tuhan Jesus na
tarsilang i. Dibutkihon si Petrus do hasatiaonna laho marmahani birubiru ni
Debata i.
6)
Huria ni Tuhanta goar ni Minggunta ima
MISERICORDIAS DOMINI (Gok asi n iroha ni Jahowa do tano
on-Pslm.33:5b). Sai dilehon Debata do asi ni RohaNa tu portibi on, sai
dilehon dope kesempatan perobahan/transformasi iman dibagasan ngolunta, asa
tingki parasian on sai tinggil sipareonta tumangihon soaraNa I, joujouNa I tu
hita marhite na olo SSM (Setia Sampai Mati)- songon na tarsurat di Pangungkapon
2:10b : "Sai burju ma ho rasirasa mate; dung i lehononku ma tu ho
tumpal hangoluan i! (Wahyu 2:10b : "Hendaklah engkau setia
sampai mati, dan Aku akan mengaruniakan kepadamu mahkota kehidupan").
Sai tabuktihon ma hasatiaonta manghaholongi dohot manghaporseai Tuhan Jesus do
Raja Siparmonang, na manghamonanghon hita diparaloanta. Ai marhite i ma margogo
si Petrus marjamitai, pola do 3000 halak bertobat mangihuthon Jesus jala nididi
di ari Pentakosta i. Ima dipangido di hita sian topik minggu on na mandok: Satia Manghaholongi Dohot Mangihuthon Jesus (Mengasihi Dan Mengikut Yesus Dengan Setia). Dengan kasih
Kristus kita buktikan dengan segenap hati berjuang memberikan kehidupan bagi sesame
dan lingkungan kita. Amin.
