(Allah Menggembalakan Umat-Nya)
Pangungkapon
7: 9 – 17
- Huria
ni Tuhanta dibagasan Jesus Kristus. Sude do hita jolma naeng ma tongtong
marlas ni roha. Las ni roha i sai dilului do ditonga ni portibi on, boha
asa las roha i sai adong, sai dilului do i marhite angka sipanganon,
siinumon, angka barang, angka inganan na uli, parkarejoan, hepeng dohot
inganan na ribur, tempat hiburan dohot wisata dna. Jala padaoonta do na
ginoaran angka na mambahen arsak, nang angka sitaono. Nang pe sai marganti
sorin do angka arsak nang las ni roha di portibi on, jala sasintongna
ndang adong hasonangan na manongtong di portibi on. Hasonangan na
manongtong ima dapot hita sian Debata marhite anakNa Jesus Kristus. Asa
diparade ma hasonanganta marhite na tinobusNa hita sian dosa asa malua
jala bongot hita tu hangoluan na manongtong i. Songon na nidok ; BE.754:1.
“Gok las ni roha do au di ngolungkon/ Di ngolungkon di ngolungkon gok
las ni roha/ Do au dingolungkon tongtong di rohangkon / Mauliate gok las
ni roha maringan holongMi / Tuhan di au mauliate gok las ni roha / Maringan
holongMi Tuhan di au.
- Ja
di aha do las ni roha na di surgo i marhite turpuk on ? ima:
a)
Didok di ay.15, di ari sogot i padopadop bohi ma hita
raphon dohot Debata na so marpansohotan agia otik pe di surgo i. Ala ni asini roha
ni Tuhanta Jesus Kristus na tajanghon marhite haporseaonta, asa sai tongtong ma
hita maringan diadopan ni Debata. Ima na tagoari hangoluan na saleleng ni
lelengna. Ima las ni roha dohot olopolop ma manongtong. Ndang tarasam angka las
ni roha holan marhite hata ala ni tabona.
b)
Disi ma sogot hita marhobas diadopan ni Debata dohot
pujipujan, siala Debata na marhabangsa diatas pujipujian ni halak na porsea.
Jala ndang adong ulaon na ummuli sian na manghobasi Tuhan i. Boasa siala na
tahobasi ima Debata, Tuhanta, Raja sian saluhut raja na sangap jala na songkal.
c)
Di.ay.16-17 didok las ni roha na di surgo i na paluahon
hita sian angka na hinabiaran ni roha jala na mambahen borat hita mangadopi
parngoluon on. Ima dipalua sian sipanganon , siinumon. Ala sipanganon siinumon
i do kebutuhan na primer dibagasan parngoluon ni jolma. Mabiar do jolma molo
hurangan mangan dohot minum, sai girgir do diusahahhon asa dapot. Alai na di
surgo i, ndang adong be na mauas jala male ala raphon Tuhan Jesus do hita disi na
gabe Roti Hangoluan (Joh.6: 35; Joh.4:14). Tuhantai do Parmahan na Burju roha
i, disi ma hita dapotan jampalan na lomak i ala ni i ndang hurangan be hita
disi. Dung i ndang ringkot be di hita pahean laho manahan mohop ni mata ni ari
manang ngali ni ari. Siala naung dipaherbang Tuhan i do undungundungNa
mangalinggomi hita. Tudoshon uju di pardalanan bangso Israeol di hanglongonan i
sin Misir tu Tano Kanaan. Dipaherbang Debata do tiang awan dohot tiang api
diatas ni Israel. Siala ni i angka sipatu dohot pahean nasida ndang na gabe
sega. Tarlumobi ma na di surgo i, ndang ringkot be disi pahean, ala naung diparade
Debata tu hita pahean na bontar, na marhillong ima tu angka na porsea naung
marhamonangan maralohon hasusaan i (Pangk.3:5). Dungi disi ndang adong be sahit
panahit. Sahit panahit ala ni dosa na jotjot marujung tu hamatean. Siala ni ima
tahabiari do parshiton, sai tatangianghon do asa sehat sehat hita mandalani
ngolungolu on. Jala sai tabahen do ragam usaha boha do asa sai sehat. Alai
ndang adong be i di surgo i, siala nunga disesa Tuhanta Jesus dosanta i, jala
las ma rohanta disi. Dungi ndang adong be di surgo i aek mata, ala nunga diapus
Tuhanta iluilunta. Ilu ima simbol ni lungun ni roha, lungun ni roha ala ni
panaritaan ima parbue ni dosa. Sai ro do angka lungun ni roha nang habot ni
roha di portibi on, jala boi do masa di hajolmaon satonga ngoluna disonggopi
hapariron ni ngolu. Alai di surgo i ndang adong be i arsak ni roha i, alai las
ni roha nama.
- Huria
ni Tuhanta, ima gombaran na di surgo
nang gok las ni roha i. Ima gombaran na boi pinatorang nihajolmaon,
hape lobi sian i dope ra haulion las ni roha i na so tarhatahon ni jolma.
Ala ni i, ise ma na boi bongot tu Surgo i :
a)
Naparjolo; Didok di ay.9 “Dung salpu i, adong ma
hubereng mansai torop, na so dapot bilangan ni jolma, sian nasa bangso, marga
dohot houm dohot hata,”. Tudos na pinasahat Debata padanNa tu si Abraham;
pinomparna sagodang bintang di langit. Molo di ay.14 didok do godangna 144.000
halak, ona bahasa simbolis na martudutudu 12x12 ima angka kesempurnaan na
lengkap. Lapatanna, nunga singkop na di surgo i na maringan sian saluhut
bangso, ndang lobi manang hurang. Ima na paboahon tu hita, na dohot do hita
tusi. Ala Tuhan Jesus nunga paboahon: “Torop do inganan di bagas ni Damang”.
Sai unang ma ganggu rohanta disi.
b) Napaduahon
na maringan di surgo i, ima ndang halak na naung ditotophon hian kriteriana,
songon na didok di ay.14. “I ma angka naung ro sian haporsuhon godang; nunga
diburi nasida abitnasida jala dipasaksak di bagasan mudar ni Birubiru i.” Angka
na porsea do nasida naung manjanghon Jesus Kristus songon Tuhan dohot Sipaluana,
na sai tongtong mangasahon Tuhan Jesus di pardalanan ni ngoluna. Haporseaon ima
na gabe dalanta songon tiket masuk tu surgo i, jala tiket i do dilehon Tuhan
Jesus nampunasa surgo i dohot gratis. Angka na masuk tu surgo i ima naung
disesa dosana jala muba rohana laho manghaporseai Tuhan Jesus. Nasida na
maringan di surgo ima naung mamolus hasusaan bolon, na mansoadahon dirina,
manuhuk silang, jala rade digosagosa, didiskriminasi jala sahat tu na dibunu,
agoan hosa holan laho mampertahanthon haporseaonna di Jesus Kristus, nasida ma
goaron na sai burju rasirasa ro ajar ni portibi on- setia sampai mati.
- Huria
ni Tuhanta, Goar ni minggunta ima Minggu Jubilate (Marolopolop
tu Debata ma ale sandok tano on-Pslm.66:1). Sai mar Jubilate ma hita,
marlas ni roha, marolopolop, siala Jahowa do na mangalehon hamonangnata
maralohon hasusaan di portibi on. Songon topik ni minggunta mandok: Jahowa
Marmahan Bangsona (Allah
Menggembalakan Umat-Nya). Providentia Dei-pemeliharaan
Allah tidaklah sementara, alaihot do manongtong salelengnilelengna. Sai
pos ma rohanta di pangaramotionNa di portibi on. Hot marhaporseaon jala
mangkirim di Tuhan Jesus Kristus naung hehe sian na mate laho mangalehon
hamonangan, hangoluan na saleleng ni lelengna. Amen.
