Jamita Evangelium Minggu Exaudi (Sai tangihon ma soarangku, ale Jahowa-Pslm.27: 7) – 1 Juni 2025

Jahowa Do Raja

 (Tuhan Adalah Raja)

Psalmen 97: 1 – 12

 

1. Huria ni Tuhanta dibagasan Jesus Kristus. Sai tadok do sude jolma manghalomohon hadameon dohot hatigoran. Hape adong jolma na memang ndang lomo rohana dame nang dibagasan hatigoran. Songon i do nang panghilalaan ni parpsalmen on. Diboto ibana do, sai disusai jala dihasogohon, bahkan disingkirkan portibi on do angka halak partigor. Ai sibolis do na berperan disi. Ai ndanghea lomo roha ni sibolis marnida angka na denggan. Ala ni i, sian nasa gogo do sibolis marusaho menyingkirkan angka partigor dohot mangambati ulaon na denggan. Sian nahinan sahat tu tingkinta nuaeng, sai disusai sibolis do partigor. Ala ni i ma, torop do na partigor hian gabe murtad, ala ndang tahan mangadopi hahasiton binahen ni siula hajahaton na nisososan (dimotori) sibolis. Godang do na gabe marbulu suhar mandok: “eme na masak digagat ursa, ia i na masa ima niula:, “Suhar bulu ditogu halak dohot ma iba manogu suhar, ninna nasida. Manang gabe bersifat “bindorang” (bunglon)”, atau bersikap abu-abu, dipasmaksamak ma dirina unang apala patandahu, unang apala dihasogohon na so partigor i ibana.
2. Huria ni Tuhanta, dipatangkas Hata ni Debata marhhite parpsalmen on doo tu hita; aha do sibahenonta asa boi hita tangkas jala hot togu gabe halak partigor na m angulahon lomo ni roha ni Debata ? Sada ma na ingkon bahenonta: Tanda ma tangkas, ise do Debata!. Molo tangkas do tatanda ise do Debata, pasti hot do hita so tarhutur gabe halak partigor, jala barani ma hita mangadopi sude gempuran ni parjahat i. Ala ni i ma, dipatorang turpuk on tu hita, ise do Debatanta i:

a)       Jahowa do Raja; na marhuaso diatas saluhut. Ai Ibana do manompa saluhut, tano dohot nasa isina. Ndang adong di tano on na gabe adong molo so ala ni Jahowa. Ala ni i, manang ise pe jala manang aha pe na adong di tano on, sudena i ingkon tunduk tu toru ni huasoNa do. Jolma sandiri pe, na gabe mahkota ciptaan dibahen Debata. Na diangkat Debata mangarajai saluhut nasa na adong, holan tano sambing do. Ala ni i, molo adong halak na ogaoga manang pajagojagohon naeng mangalo Debata, halak na tidak tahu diri do i. I ma angka parjahat, ima angka na olo dikendalikan sibolis, ai sibolis do sialo Debata. Ai sian mulana pe, madabu jolma i tu dosa, ala so olo dirajai Debata, alai naeng gabe raja tu dirina, naeng menandingi ha”raja”on ni Debata. Alai nunga ditaluhon Jesus be sibolis marhite haheheonNa. Jala marhite hananek ni Tuhan Jesus na naung tapestahon lam nalnal ma secara terang benderang paboa tutu situtu, Tuhan Jesus do Raja di surgo, di tano nang di toru ni tano (banua toru nirajaan ni sibolis dohot hamatean naung talu i). Keyakinan on ma mambahen halak partigor i ndang mabiar. Ai molo adong halak na pajagojagohon manggugai manang naeng menyingkirkan angka partigor, Debata Raja i ma alona. Jala yakin do hita, nunga talu nasida. Asa molo tangkas taboto na Raja di atas ni nasa raja do Tuhanta Jesus Kristus na tahaporsea i i. Ima mambahen hita ndang pola mabiar, alai gabe marolopoop jala marlas ni roha ma (ay.1). Boasa? Ai satongkin do hira na pajagojagohon parjahat i. Alai ddi ujungna, ingkon songon sibolis i do nasida “keok”, tunduk tu toru ni pat ni Tuhanta Jesus Kristus na tahaporsea i. Ala ni i, molo sipata songon na pajagojagohon angka parjahat i naeng manggugai hita, unang ma adong na mabiar, manang na martabuni, manang na gabe marduarupa songon bindorang, tarlobi, unang ma adong na murtad. Alai marlas ni roha ma, ai tongkinnari pasangapon ni Debata ma hita angka partigor, alai ianggo parjahat i, mago ma i, ai uhumon ni Debata ma nasida.

b)      Huria ni Tuhanta, ala Jahowa do Raja, sitompa saluhut, ala ni i ingkon marolopolop ma sandok tano on. Parjolo, hita jolma ma, ai hita jolma do mahkota ciptaan ni Debata, jala hita jolma do duta ni Debata mangarajai sude na tinompaNa i. Halak na porsea na Debata do sitompa saluhut, ingkon ma manongtong mamuji jala mangolophon Debata. Tidak ada alasan bagi siapapun manusia untuk tidak menyanyikan, memuji, memasyhurkan dan bernyanyi bagi Tuhan. Holan halak na so menyadari i do na so olo jala na so umboto mamuji Debata. Ianggo hita angka partigor, ganup tingki ma ingkon mamuji Debata. Paduahon, sude natinompa pe, dohot do mamuji Debata. Mulai sian ombun, kekelaman, kilat (api), angka dolok, sude do mamuji pasangaphon Debata. Mansai godang do ende na digubah taringot tusi, na paboahon na dohot do hasak ni galumbang, soara ni alogo, pardalan ni ombun i mamuji pasangap Debata. Ala ni i ma songon jolma na pinabangkit ni Debata mangarajai sasude na tinompaNa i, ingkon sude ma hita manjaga hauion manang kelestarian ni portibi natinompaNa i. Boasa ? asa torus angka i boimamuji pasangap Debata. Ai molo sega angka robean (hutam), manang nunga hansitan ala disegai marhite penebangan, polusi, marhite plastik na maol terurai (ingkon loja tano i manghilhili), marhite pengurasan hasil perut bumi (na mambahen gabe marniang), ndang mungkin be boi nasida marende, alai holan tangis nama. Ai gabe tangis nama jolma dibahen, ai ala pengerusakan i gabe ro do banjir dohot bencana na asing, ro nang ragam n sahit. Ala ni i, marhite turpuk on dipaingot  ma hita, unang dohot hita paihutihut parjahat na so manghabiari Debata i, na manegai angka hutan, merusak kelestarian alam. Alai, molo taokuuhon, na Debata do Raja sitompa saluhutna i, ingkon hita ma pioner laho mambahen nasa usaha melestarikan alam (portibi ) on, asa sude angka i denggan mamuji pasangap Debata.

c)       Huria ni Tuhanta, tong dope masirainan dohot na parjolo i, tatanda ma ia Debtanta i ma Debata na bonar jala tigor. Gariada di ay.2 didok: “Keadilan dan hukum adalah tumpuan kakiNya. Ala na bonar jala tigor do Debata. Parjolo, pasti boi ma Ibana gabe haposanta. Ai  ndang hea margabus Debata;  ndang adong tung sada sian bagabagaNa na so pinasautNa. Sude padanNa dipasaut do. Ala ni i, Debata na kredibel do Debatanta. Dia adalah Allah yang layak di percaya dan diimani. Molo taboto Debata na layak diimani do Debatanta i, sude ma hita holan manghaporsea Ibana, jala pagomgomhon (menyerahkan seutuhnya) dirinta tu tanganNa, jal amangasahon (menyerahkan sutuhnya) dirinta tu tanganNa, jala mangasahon (mengandalkan ) Ibana di sude ngolunta. Molo songon i, ndang mabiar manang kecut hita mida angka parjahat i. Ima ala Paduahon, Ibana do manguhum saluhut (ay.8) dibagasan hatigoran dohot hasintongan. Sada kepastian dilhon aya.10 gabe sitiopon ni partigor ima: uhukmon ni Debata do siula hajahaton alai marmulia  ma bahenon ni Debata angka siula hatigoran. Memang, sipata idaon songon na manjengkari do angka siula hajahaton i, hira nasida do boi manuhor uhum, mangatur sasude; hira na talu jala so margellok do partigor i. Angka halak na mura tergoda, gabe dohot ma paihutihut parjahat i; demi uang, popularitas, kemewahan dan kenikmatan, banyak orang  mengikuti jalan orang jahat. Alai nuaeng naeng tangkas taboto, ianggo ni ujungna hola uhum do nasida, ai tigor jala bonar do uhum ni Debata. Alai ianggo partigor i, sai ramotan ni Debata do jala paluaonNa sian tangan ni parjahat (ay.10c), jala tarsabur di hatiuron, jala gok las ni roha (ay.11). Alai, tung halak na loahon nama halak na barani mangaloalo tu Debatanta i.

d)      Huria ni Tuhanta, ala ni ima di ay.10b dijouhon tu sude jolma: sai hagigihon hamu ma na jat (bencilah kejahatan). Hagigihon, marlapatan, ndada holan padao diri. Alai marlapatan, tung marnida ipe ingkon sogo roha; molo pajumpang dohot hajahaton i pintor marsigorgor ateate laho pamatehon hajahaton i. Ala ni i, ndang boi holan besikap acuh, padao diri, manang pasombuhon hajahaton i, alai ingkon aktip jala proaktip do laho pamatehon hajahaton i. Cara na dumenggan ima marhite na manaburhon sikap hidup na denggan, ima sikap hidup songon siihuthon Kristus Jesus, sikap hidup surgawi. Ima memperluas lingkaran pengaruh, na songon hatiuron na mangusir haholomon, manang songon sira na manjagahon asa unang masa kebusukan.

e)      Huria ni Tuhanta, ala Debata do Raja, jala sasadasa do Debata, marjea ma angka sisomba debata sileban. Di ay.7 didok: Ingkon tarurak sogot sisomba ajiajian, angka na papujipuji dirina mida ganaganaan (semua orang yang beribadah kepada patung akan mendapat malu, orang yang memegahkan diri karena berhala-berhala), karena pada akhirnya, segala allah sujud menyembah kepada-Nya. Ala ni i tangkas ma tatanda Debata, unang olo hita be marsomba tu debata na asing, isara ni sumangot ni ompu, tu begu ni na mate, tu ugasan homitan (barang sakti), tu boru saniangnaga, tu Batu Hobon, tu sumangot ni Tatea Bulan, dna. Hatoon bolon do i. AI ingkon tunduk tu Debata do angka i. Ala ni i tung tangkas ma tatanda: Ise do Debata naung ro dibagasan Jesus Kristus na manaek tu Banuaginjang i, asa unang adong be hhita gabe Kristen na loahon, na olo marsomba tu ajiajian na asing. Ala ni i tangkas ma tatanda Debata do Raja Sitompa saluhut, na mangatasi sude angka debata, asa hot hita jongjong mangolu songon partigor. Jala gabe gok ende pujipujian na pasangap Debata ma ngolunta. Gabe dohot ma hita pauliulihon portibi on asa dohot nasida marende, mamuji pasangap Debata. Molo tangkas do tatanda, Debata do Raja jala Panguhum na tigor jala na bonar, ndang mabiar be hita mida angka parjahat, alai gabe marsitutu ma hita paturehon dirinta dohot keluarganta gabe sihagigihon hajahaton. Amen.

Jamita Epistel Minggu Exaudi (Sai tangihon ma soarangku, ale Jahowa-Pslm.27: 7) – 1 Juni 2025

Jahowa Do Raja

 (Tuhan Adalah Raja)

Pangungkapon 22: 12-21

 

1. Huria ni Tuhanta dibagasan Jesus Kristus. Jotjot do dipasiding halak Buku Pangungkapon on ala hira sude do mandok; maol antusan isina. Ala i on ma na rumingkot: “Tuhan Jesus na dibaritahon di Pangungkapon on, laos Ibana do Tuhan na  mangolu jala mangula najolo nang ro di hatiha on. Boi do tutu godang na maol antusan angka na disurathon di Pangungkapon on, alai tagamon ndada pola ambatambat i laho manghilala dohot manghaporseai hangoluan pinatupa ni Tuhan i.
2. Di tingki ni si Johannes (panurat ni Pangungkapon on), hira di sude kota di propinsi Asia do adong huria. Alai tutu, tardok minoritas do halak Kristen hatiha i. Dihasomalhon jolma (na so kristen) do uju i parpunguan mangan dohot minum jala mangihut tusi somal do sahat tu na mabuk suang songon i ragat do nang parmainanon (seksual). Jotjot do tarrimas angka sipelebegu i molo so olo angka halak kristen i mangihuthon hasomalannasida.
3. Angkup ni i diadopi haak Kristen do hamaolon siala so olo nasida marsomba tu Kesar. Ianggo di halak sipelebegu, ndang pola maol nasida manambahon Kesar gabe debatanasida asing ni angka debatansida naung adong. Mardomu ma i ala dihilalanasida mansai “marpanumpak tu na uli” pergantian niKesar uju i. Andorang so bangkit Kesar na imbaru, sanga do porsuk diae angka sipelebegu i, pinatupa ni angka pegawai na mngkus jala kejam. Alai, dung bangkit Kesar Roma na imbaru, mansai tegas do Kesar n aimbaru i mengawasi angka pegawaina asa unang marlomolomo mamongkihi angka penduduk. Gabe mariaria situtu do roha ni angka penduduk (sipelebegu). I do alana ndang pola persoalan di nasida manomba Kesar gabe sada debata di nasida. Alai di halak Kristen, na mangokui jala marsomba sasadasa Tuhan Debata, ndang mungkin oloan nasida marsomba tu Kesar. DI situasi na songon i gabe ditafsirhon parhuaso ma i songon pemberontakan tu pamarenta. Adong dua ancaman siadopan ni halak Kristen di na so olo nasida marsomba tu Kesar. Parjolo; managam rimas ni pamarenta. Paduahon; hamaolon sian angka sipelebegu (na mayoritas penduduk) ala so olo sadalan dohot nasida. Asa na borat do niadopannasida. Asa di tingki keadaan krisis do disurathon buku Pangungkapon on. Tingki krisis, ala tongon di tingki masa pangaleleon tu halak Kristen ala ni parsihohotanna. Dilele alai ndang mandele nasida.
4. Marhite na taselami hamaolon na niadopan ni huria i nang panurat ni buku Pangungkapon on, tagamon ummura do hita mangantusi na dibaritahon ni buku on. Dohot jempek dohonon, di usaha penafsiran ni buku Pangungkapon on naeng ma marpartalian tu sejarah gereja. Sejarah ulaon ni Debata di portibi on nang pangihuthonon ni angka na porsea di Ibanaa di ragam ni hamaolon nang parungkilon. Tardok laho manogari halak kristen do Pangungkapon on asa margogo jala marsihohot nasida di sitaonon i manghirim siteanonnasida, marhite sada jaminan; na bahenon ni Debata do hombar tu pambahenanna be, jala di tangan ni Debata do penghakiman. Haporseaon na songon on ma nian borhatborhatta laho mangantusi dohot manghaposi hata ni Jesus di turpuk on. Ibana na pasahathon hataNa najolo, jala laos ibana na pasahathon hataNa tu hita ombas on. Ibana na margogoihon huriaNa najolo, laos Ibana margogoihon huriaNa nuaeng on, ai na mangolu jala mangula do Tuhanta u di tongatonganta.
5. Ay.12-13: asa tumangkas naintusan ay.12 on, dumenggan molo tatangihon isi ni ay 11 na mandok: “tong ma didatdati siula hajahaton mangulahon hajahaton.... Ndang na marlapatan pandohan on na ditolopi Debata hajahaton, manang asa ditorushon parjahat hajahatonna. Lapatanna disi ima: “manang ise na mangulahon hajahaton ingkon jaloonna do upamna. Alai angka na tigor diulahon ma hatigoranna, dung i idaonna jala jaloonna do hasilna. Molo dung ditangihon na disoarahon di ay.11 i, marudut ma muse tu ayat 12; “Ida ma gira ma Ahu ro! Boanonku ma upa silehonon tu ganup (ima tu angka siula hajahaton songon i nang tu siula hatigoran). Hombar tu na niulana be”. Di ay.13 digoari Kristus do dirina (marhite soara ni Surusuruan i) na Ibana do Mulana jala Punsuna, Parjolo jala parpudi, Bonana jala Ujungna (Alfa dohot Omega; huruf parjolo dohot parpudi di abjad Yunani). Dipadimpos haporseaon ni huria i, ai nunga adong Ibana tagan so si Abraham, jala parsidohot Ibana manguhumi tano on sogot. Bonana dohhot ujungna ! Dunghon ni i, dipatuduhon i do na Ibana Tuhan ni sejarah. Na singkop do huasoNa, lobi sian huaso ni jolma di portibi on.
6. Ay.14-16: di ay.14 jumpang hita “parhatuaon” na papituhon (na parpudi) di pangungkapon on. Martua ma angka na padaohon dirina sian dosa, na diumpamahon marhite “na mamuri abitna”. Angka halak na songon i ma na gabe parjambar di hau hangoluan jala masuk sian angka harbangan tubagasan huta i, Jerusalem na imbaru i. Dung i, diulahi muse mandok angka siulahon dosa (21:8), laos ditambahon muse ‘angka biang’. Na nidokna disi i ma angka halak na ramun. Sude na i (angka na digoari di ay.15) gabe di balian ni Jerusalem na imbaru i ma i. Di ay.16 didok Jesus, na Ibana haroroan ni isi ni Pangungkapon on. Mangondolhon paboa “pemberitaan resmi” na sian Ibana i. Ihut tusi didok “Ahu do urat dohot marga ni si Daud, bintang sipais na marsinondang”. DI Jesaya 11: 1 dohot 10 disuriranghon do na ro Mesias sian tungko ni si Isai (Ama ni si Daud). Naeng ondolhonon ni Pangungkapon on do na naung digohi Tuhan Jesus do naung disuriranghon di padan Narobi i. Naeng porsea angka huria i paboa Jesus do Mesias naung pinaima ni halak Jahudi. Gelar na paduahon di ay.16 i ma “bintang sipaias na marsinondang”. Ra na marpardomuan do i tu Mesias ba nidok ni halak Jahudi di 4 Musa 24 : 17 “Bintang ni si Jakob”. Digoari Jesus songon “bintang sipaias na marsinondang”. Na marlapatan Ibana do siboan halaon. Ndad huaso na asing na boi paluahon tung sasadasa Tuhan Jesus do.
7. Ay.17 Didok Jesus “gira ma Ahu ro” (ay.7 dohot 12). Aha ma alus ni angka jolma na manghaporsea i Ibana ? joujou na marsaor sihol dohot lungun ni roha ma: “Ro ma ho!” Tondi i do na mangula di huria i, jala digombarhon do huria i songon “oroan” na manghirim di Jesus, mandok “ro ma ho!” Laho mangantusi pandohan ni Jesus “gira ma Ahu ro”, ndang pangkeon kalkulator mangetong i, songon na binahen ni torop halak sian najolo nang di tingki na parpudi on. Gabe torop halak na bingung. Na hea do tarbarita najolo na ro ma ajal ni hasiangan on di tgl 9-09-1999 jala pukul 9 hape ndang tutu masa. “Gira ma Ahu ro”, mangihuthon ukuran ni Debata do i. Na ringkot hadungoonta do ganup tingki. On ma sikap ni halak na manghasiholi campur tangan ni Jesus di ngoluna. Diuduti muse: “Sai ro ma na mauas, dijalo na giot roha i ma aek hangoluan i, dalan basabasa!” Di Buku Johannes jumpang hita do ia “aek hangoluan” ndada holan di tingki na naeng ro  lehonon ni Jesus, alai dohoht do di partingkian on. Molo songon i, ndang holan sekedar taendehon boti endenta nomor 539 i, alai nuaeng sian nasa roha dohot tondinta ma songon hataridaan ni haporseaonta di Ibana: “Sai hutagam do Tuhanku, sai masihol rohangki/ Diharoro ni Tuhanku, songon na nidokna i/ Sai mardongan olopolop huriaM managam Ho/Maranata ro o Tuhan. Amen, sai tibu ma ro.”
8. Ay.18-21: on ma na parpudi di Bibelta i nang sian turpukta on, laho paingothon hita sian panimpuli ni Pangungkapon on.  Tudos dohot Buku Pangungkapon on na manimpuli sude angka buku di Bibel on taringot tu rencana haluaon na sian Debata na dbuhai sian Buku 1 Musa. Siala ni i ma dipaingot manang diparentahon gomos dison asa gabe perhatian serius na manjahasa dohot na marparhusorhusorhon Hata ni Tuhan. Paingothon asa unang manambai angka hata naung tarsurat di Buku pangungkapon on, jala sude Buku na di Bibel i, ima naeng patuduhon ia Bibelta i naung cukup do i manogunogu joma laho mananda Debata tu haluaonna dohot sangkap ni Debata di hangoluan dohot pangulaonNa di portibi on. Manambai lapatanna ndang manghaporseai hasongkalon dohot bisuk ni Debata di nalahopapatarhon sangkapNa. Apalagi adong na mengklaim naung dipasahat Debata tu sasahalak na imbaru asa ditambai tu pangungkaponNa di Bibel i, ima sikap ginjang ni roha, na laho paboahon na so singkop na naung dipasahat jala diajarhon Tuhan i sangkapNa di Bibel i. Halak na sengaja mangorui angka hata na tarsura di Bibel i, ima halak na manulak laho unduk totalitas tu Debata na naung pasahathon dohot papatarhon lomo ni rohaNa dohot tangkas jala singkop tu pasarisarihon manisia. Tudos do i dt halak na manulak laho mangokui Debata na berdaulat penuh di hangoluan. Beta ma hita na porsea markomitmen laho paundukkon dirinta ganup tu Debata marhite haunduhonta di na laho mangulahon HataNa. Unang lupa asa tongtong marsigantung tu huaso dohot bisuk ni Debata. Amen.

 

Jamita Evangelium Minggu Kenaikan Tuhan Yesus – 29 Mei 2025

Hundul Jesus Di Siamun ni Debata  

 (Yesus Duduk Di Sebelah Kanan Allah)

Efesus 1 : 15 – 23

 

1. Huria ni Tuhanta dibagasan Jesus Kristus. Ari parningotan Hananek ni Tuhan Jesus do apala sadari on umbahen na ro hita tu Gareja laho marpungu. Dung hananaek ni Jesus, nunga singkop be dalan haluaon di hita. Nunga adong dalanta laho mulak tu Debata na di surgo i. Nunga adong dalan na pasti (Joh.14:6). Jala Jesus ma na pasti mamboan hita tusi. Holan Ibana do naung tuat sian surgo, na ro tu portibi on parade dalan di hita asa boi mulak tu surgo. Jala holan Ibana do dalan i . Molo Ibana taihuthon, pasti do hita boanonNa tusi. Unang ma ihuthon na asing, sotung lilu ho, ai so ditanda angka i dalan tu surgo.
2. Dung manaek Jesus, dipapos rohanta, nunga adong diparade Jesus arta na sumurung siteanon (warisan) na luar biasa di hita (ay.18: “betapa kayanya kemuliaan bagian yang ditentukan-Nya bagi orang-orang kudus”. Andul gumodang, ummarga jala lebih mulia do i sian arta ni orang terkaya sedunia ima hidup kekal, ido na tahirim. Jala panghihrimon i ma mambahen hita angka na porsea boi torus marlas ni roha di portibi on, nang pe ingkon taononta angka na hansit. Boasa ai ndang sadia parungkilanta on martimbangkon hasangapon sogt (Rom 8:18). Nang pe pogos ho, unang manangko; nang pe lea, nang pe marungkil, unang mandele, alai hot ma marhaporseaon, ai sumalin do hamoraon dohot hasangaponmu bahenon ni Tuhan Jesus. Ala ni i hananek ni Tuhan Jesus on mangarahon simalolongta tu banuaginjang. Ingkon muaulaon do hita di portibi o n, berkarya mamangke nasa gogo, tingki, kemampuan laho paturehon ngou on. Alai, naeng ma i sude mengarah tu banuaginjang. Ai i do pandang situjuon, ido sasaran akhir ni ngolunta. I do ala didok si Paulus di Kolose 3: 1 – 2 : “Angka na di ginjang i ma jalahi hamu, angka na di ginjang i ma parrohahon hamu. Ianggo portibi on didok si Paulus holan inganan parlapelapean, parsatongkinan istilah nuaeng indekost dope hita ( 2 Korint 5: 1-4; 2 Kor.4:18). Ingot ma satongkin do hita dison, ndang adong inganan na hot, unang lupa hita tu sambulonta i, sotung so dapotmu i.
3. Huria ni Tuhanta, hananek ni Tuhan Jesus tu banuaginjang i, ma paboahon tu hita ia Jesus i nunga dipabangkit (dilantik) gabe Raja, gab penguasa mutlak. Tajaha di ay.20-22. Jala dipatudos tu Pil.2:9-10. Di Mateus 28:20, di na laho manaek,, didok Jesus do: “Nunga sahat tu Ahu nasa huaso, na di banuaginjang dohot na di tano on”. Jala di Heber 1:3 didok: “jala dung dipatupa Ibana haiason sian angka dosa, hundul do Ibana tu siamun ni Hatongaon na di ginjang i. Ndang adong huaso na asing be di atasNa. Sude huaso huaso dia pe i nunga dipatunduk tu toru ni patNa. Ala ni i unang adong kesangsian, keraguraguan na monggop dibagasan rohanta. Marhite huaso ni Tuhan Jesus na menjamin ngolunta sian na jolo nuaeng sahat tu ari sogot, Ibana ma sitioponta. Unang be ganggu rohanta disi, unang be tatiop jala tahaposi na asing. Molo adong dope ruas ni  huria na porsea manang haak Kristen na sai manioo hagogoon na asing, angka ajimat, panjaga ni daging, manang bullebulle, susuk, porsea tu paranormal, sandok bolongkon ma i. Ai ndang marguna i, ai ndang monang bahenon ni i, alai sabalikna gabe sega do ngolunta binahen ni i, jala diparhatoban sibolis. Tumagon ma holan huaso ni Tuhan Jesus tapangasahon. Ringkot do nian na diportibi on di ngolunta, alai jumolo ma Tuhanta i talului, tapangasahon ala Ibana do sumber, mual ni ngolunta, hamoraonta, kesuksesanta, jala na pagandahon pangomoanta (Mat 6:33: Tetapi carilah dahulu Kerjaan Allah dan kebenarannya, maka semuanya itu akan ditambahkan kepadamu).
4. Huria ni Tuanta, memang godang dope halak Kristen na hurang menyadari kehebatan ni angka na porsea, siihuthon Jesus Kristus. Asa tatanda i, ditangianghon Ap.Paulus do di ay.17, i ma na gabe tangiang pangondianon (doa syafaat) ni si Paulus: “Anggiat dilehon Debata ni Tuhanta Jesus Kristus, Ama ni hasangapon i, tu hamu Tondi hapistaran dohot pangungkapon mananda Ibana (supaya Ia memberikan kepadamu Roh hikmat dan wahyu). Asa tatanda jala tanikmati sude kehebatan nilehon ni hananaek ni Jesus i, ringkot ma di hita du ahal, ima: naparjolo, Tondi hapistaran (sopia; hikmat), ima tondi na sian Debata na memamukan hita mangantusi hinabalga ni tua na dapot hita sian hananaek ni Tuhanta Jesus i. Napaduahon, pangungkapon (wahyu, penyataan), ima angka penyataan sian Debata, songon niehonNa tu si Johanns. Ima gabe simalolong partondion, na patuduhon tu h ita, godang nii tua dapot hita di Banuaginjang, ala naung  manaek Tuhanta Jesus tusi. Ima nian tapatajom, tapatiur, asa tiur simalolongta manatap dao tu sambulonta i, di inganan ni Tuhanta Jesus nuaeng raphon Ama i, parade inganan di hita dohot paimahon haroronta. Ima angka keuntungan na palashon jala paposhon rohanta.
5. Huria ni Tuhanta, dung manaek Tuhan Jesus i tu Banuaginjang, tu hita ma nuaeng dipasahat ulaon i. Nuaeng adong ma tugasta. Tajaha ma di ay.22b-23: “Jala dipabangkit do Ibana , na mangatasi sasude, gabe ulu ni huria i. I do pamatangNa na manggohi Ibana, asa gohanNa sasude di bagasan saluhutna”. Dison ma dapot hita pamingkirion ni si Paulus taringot tu Huria songon Pamatang niKristus (Gereja sebagai tubuh Kristus). Dia ma lapatan ni i ? :

a)       Sude angka na porsea ingkon sada dibagasan Kristus; gabe sada keluarga, keluarga ni Debata, na marmarga Kristus. Unang be hita olo dipabadabada manang disirang dosa dohot sibolis. Alai sada ma hita songon pamatang ni Kristus (1 Kor.12:13). Nang pe  marasing asing alai sada (Bineka tunggal ika, Ut Omnes unum sint).

b)      Jala didok: Kristus ma na gabe Ulu (kepala). Kristus do nampuna Huria i, holan hatoban do hita. Ala ni i unang adong na berlagak gabe “ulu” dohot “pemilik” ni huria.

c)       Alai molo dung dohot hita gabe pamatang ni Tuhan Jesus, adong ma tugasta. Didok panfsir na tarbarita; William Barclay: “Kepala harus mempunyai tubuh yang menjadi sarana untukmelakukan karyaNya. Secara harafiah, gereja adalah tangan-tangan untuk melaksanakan karya Kristus, kaki untuk meneruskan pesanNya dan sarana untuk mengumandangkan FirmanNya. Asa ndada holan “tertempel” sambing hita di  pamatang i, ala adong do tugasta, ima mangula ulaon ni Ulu i, Tuhanta Jesus Kristus. Dia ma ulaon i ? Ima asa sandok portibi on saut porsea manjalo Tuhan Jesus gabe Sipaluana, asa sude saut paluaonNa marhite na marbarita na uli. Unang lupa huria na m arsending, ndang holan pahebaheba huria i di angka program naung somal, alai lupa marsending tu bagasan dohot tu luar.

d)      Tauduti ma tugas na mangihur di ay.15 nanihalashon si Paulus: Parjolo; ala haporseaonna lam magodang (bertumbuh). Mengikut Yesus tidak cukup hanya bernama Kristen, tetapi harus memiliki iman yang dewsa. Aai holan parhaporseaon na dewasa do na berhak gabe ahli waris (Gal.4:1). Ido na taholsohon di tingkinta nuaeng, Ninna na pistar; nunga torop nuaeng ruas ni huria na mengalami tagnasi iman, marhaporseaon na mardosdos songon simarunapunap. Songon dia haporseaonna di tingki tardidi, tingki singkola minggu, laos songon i sahat tu na matua. Burju do tu gareja, mambege Hata ni Debata, tetapi tidak ada dampaknya bagi hidupnya. Hidupnya tidak berubah oleh Firman Tuhan yang didengarnya. Ke gereja hanya sekedar business as usual. Ima ala losok marsiajar dohot mangulahon Hata ni Debata. Jangan bangga dengan mewahnya gedung gereja serta fasilitasnya yang wah. Puas hanya kesuksesan dalam jemaat gereja yang terpuaskan dalam pelayanan PHD, Koor, PA dan lainnya, tapi tidak bertumbuh jala ndang berdampak tu humaliang gareja sudena i, itu semua sia-sia kawan. Gereja harus melakukan sesuatu sebagai dampak buah iman kesekelilingnya. Kehadiran gereja hendaknya menjadi dampak iman yang berbuah dan berkaya baik secara perssonal dan komunial di tengah masyarakat; na pogos, na manarita, na digosagosa jala na tersingkirkan. Ima dampak ni naunga manaek Tuhanta tu Banuaginjang jala angka na porsea i tongtong mangulahon tugas dohot tanggungjawabna mamaritahon habalgaonNa. Amen.

Jamita Evangelium Minggu Rogate (Martangiang) – 25 Mei 2025

Manangianghon Hasonangan Ni Huta  

 (Berdoa Untuk Kesejahteraan Bersama)

Jeremia 29: 7 - 14

 

1. Huria ni Tuhanta dibagasan Jesus Kristus.Disurathon Panurirang Jeremia do suratna on tu angka na tarbuang di Babel. Disosoi Panurirang i do nasida asa tongtong mangalangka tu jolo huhut manangianghon bangso parbegu i naung manaban nasida. Ditongatonga parngoluon na maol i, ingkon adong do di hita parsihohoton jala ingkon tongtong do mangalangka tu jolo. Na boi masa do, gabe borat tahilala manangianghon angka panggomgomi tarlumobi molo ndang mabiar nasida di Debata, alai apaa di tingki sisongon on do ringkot situtu tangiangta ( 1 Tim. 2: 1 – 2 ). Di na bongot hita tu partingkian na borat manang parhusoron na mannsai hatop, tajugulhon hita ma martangiang jala tongtong mangalangka tu jolo, mangula angka ulaon na bolas ulaon, jala ndang gabe  madabu tu pandelean ala ni biar dohot ketidakpastian.
2. Huria ni Tuhanta adong tolu pandapot na marasing taringot tu pandohan “pitupulu taon” on. Na parjolo mandok: taon 605-538 BC, mamungka mai sian haboborhat parjolo ni angka na tarbuang sian halak Israel tu Babel sahat tu hamumulak parjolo ni angka na tarbuang i muse tu Jerusalem dung ruar parenta ni Raja Koresy. Na paduahon mandok, taon 586-515 BC, mamungka ma i sian haboborhat parpudi ni angka na tarbuang i tu Babel dohot halelengse ni Bagasjoro i sahat ro di na pinajongjongna muse joro i. Na patoluhon mandok, 70 taon ima umur rata-rata ni jolma manisia. Alai torang do, dipaloas Debata tarbuang bangsoNa pola nania lelengna, ndang jempek tingki habubuangnasida i songon na nilumbahon ni angka panurirang pargapgap i.
3. Huria ni Tuhanta, margogo do hita marhite angka uluanta na mamboan hita mangalangka tu jolo, ima angka uluan na pos rohana na bolas hita mangula angka ulaon na pinasahatnasisda jala rampak nasida dohot hita saleleng di  pardalanan i. Songon i ma nang panguluhonon ni Debata di hita. Diboto Ibana do masa depanta jala sangkap nauli na denggan do angka sangkapNa maradophon hita jala gok panghirimon. Raphon Debata, na mamoto masa depanta, na mangalehon angka garis besar ni ulaonta. Mandongani hita paujunghon missiNa i, gabe gok panghirimn na mangolu ma hita. Ndang na marlapatan i, gabe so adong angka hamaolon, parungkilon, sahit, dna. Ditonga ngolunta, alai dilehon Debata di hita gogo mamolus dohot mangadopi saluhutna i.
4. Huria ni Tuhanta, ndang dihalupahon Deata bangsoNa i nang pe tarbuang nasida dii Babel. Disangapi Ibana do mangalehon parmulaan na imbaru tu nasida marhite sada sangkap na imbaru-pauba nasida gabe sada bangso na imbaru. Mamolus partingkian na tung maol di tongatonga ni ngolunta, sipata ndang mampu hita marnida pandonganion ni Debata disi. Hira na dihalupahon Iban hita, alai sipata ndang tasadari na diparade Debata do hita songon  na binahenNa tu bangso Juda on, tu sada parmulaan na imbaru-parngoluon na Ibana gabe pamusatanna. Hombar tu sangkap na uli sian Debata, gabe adong ma di bangsoNa i sada masa depan jala gabe marpanghirimon na mangolu ma nasida. Alai di sisi na asing luluannasida ma Ibana sian nasa rohanasida. Nang pe mamolus partingkian dohot situasi na borat angka na tarbuang i ndang gabe mandele nasida ala adong do di nasida pos  ni roha di kehadiran ni Debata. Bolas do nasida tongtong martangiang tu Ibana, jala marasi ni roha do Debata maradophon nasida. Molo talului Debata sian nasa rohanta sai na jumpangta do Ibana. Ala ni i, ndang adong na tuk manirang hita sian Debata; ndang di parserahan, dipangarantoan, di luat sileban, ndang parungkilon, ndang parsahiton, dna.
5. Huria ni Tuhanta, mangerbang do hurianta HKBP, suang songon i nang halak hita. Sian bona pasogit sahat tu angka parserahan na di sea na ualu i. Jala tangkas do ndang Boana Pasogitta pe nunga lam majemuk, la heterogen, lam marragam sukubangsa dohot ugam mian disi. Mangadopi saluhutna i, ingkon adong di hita pos ni roha, parsihohoton, konsistensi, komitmen tinggi tu Debata Jahowa. Di angka luat na marserak i, sipata ndang adong disi gareja, sipata ndang adong parhalado, sipata ndang tarjalo ni halak disi haKristenonta i. Dihirim Debata do asa tongtong mangolu hita di bagasan parsaoran na togu tu Ibana. Ndang holan di Jerusalem Debata marhabangsa, ndang holan di Boan apasogit, alai hadir do Ibana nang di angka parserahan, pangarantoan, nang di situasi na tung maol pe ala ni angka keadaan setempat na so manghalomohon silang i.
6. Huria ni Tuhanta; bahat do garejanta na disegai, ditutung, diorai bangunon, diorai marminggu, marpungu, dna. Unang ma i gabe pangambati di hita marsaor tu Debata, gariada ingkon tapangke situasi lam pasolhothon parsaoranta tu Debata huhut lam patoguhon solidaritas sesama ruas ni huria i. Unang ma masipasombuan angka ruas ni Huria mangadopi angka hamaolon na mengganggu haporseaonta. Ihut ni i, tapatupa ma angka dialog, kerja sama dohot sikao na marsiurupan antar-umat beragama. Ai sude do ugamo angajarhon angka na denggan maradophon sude dongan jolma. Ala ni i, disosoi hata ni Debata hita asa marbisuk huhut margogo di situasi na songon on. Songon halak Kristen hita ndang adong di hita roh apamaloson gariada ingkon tatangianghon nasida ro di sude panggomgomi asa dipasupasu Debata jala lam tu dengganna angka hubungan antar umat beragama tu joloan ni ari on.
7. Maragam do angka ujian, hamaolon na niadopan ni Hurianta nuaeng on. Adong ma i siala ni angka sikap intoleranis sian angka parugamo na asng, adong ma i siala sikap diskriminatif pemerintah setempat maradophon halak Kristen. Adong ma i siala penyakit sosial, hapogoson dna.  Ndang na gabe lupa Debata tu hita di situasi na songon i jala ndang tuk i sude manirang hita sian Ibana. Gariada tarjou do ganup hita gabe sitindangiNa di sude situasi dohot di ganup inganan. Di Minggu Rogate on na marlapatan : martaniang, jala dilehon do hita topik sipahusorhusoronta ima: Manangianghon Hasonangan ni Huta. Na gogo situtu do do ninna tangiang ni partigor molo dihaburjuhon. Lam gomos ma hita martangiang, asa lam tajugulhon martangiang (Rom 12:12c, 1 Tes.5:17.) Debata manangihon hoihointa jala na olo paluahon hita. Mansai ringkot do ngolu partangiangon di hita halak Kristen. Molo didok, “Doa adalah nas hidup orang percaya”; patuduhon molo ndang martangiang hita hira na mate ma haporseaonta. Tangiang ni na porsea ndang holan na ringkot di hita, ndang na egois, alai dohot do manangianghon na asing, mangondingi na dihumaliang hita, luatta, angka na susah ngoluna, nang bangso dohot negaranta. Sada tanggung jawab ni angka na porsea do laho sumarihon, mamparrohahon, dohot mangondingi di tangiang dohot pambahenan na boi sibahenonta tu luat, daerah, bangso nang negaranta. Ala ni i marbisuk ma hita angka na porsea parhalado nang ruas ni huria marnida konteks ni angka luatta be asa lam denggan parsaoranta dohot manang ise pe. Jala ringkot do hita hidup damai berdampingan, penuh toleransi, ala disi do kesempatan disihita laho marbarita na uli, na gabe sitindangi ni Kristus. Ala ni i ringkot situtu do hita mengiplementasihon visi ni HKBP songon huriana inklusif, dialogis, jalal terbuka huhut padimundimun mutu haKristenonta secara internal. Amen.

Jamita Epistel Minggu Rogate (Martangiang) – 25 Mei 2025

Manangianghon Hasonangan Ni Huta  

 (Berdoa Untuk Kesejahteraan Bersama)

Ulaon ni Apostel 16 : 19 – 34

 

1. Huria ni Tuhanta dibagasan Jesus Kristus. Marsiajar do hita sian turpuk on di sikap ni si Paulus dohot si Silas namangharingkothon partangiangon dohot parendeon mamuji Debata huhut manghatindanghon goarNa, nang pe di na tarhurung nasida huhut dibeangkon. Tarmasuk do on taraf na tumimbo di ngolu  haporseaon ni jolma molo pola tolap dope di bagasan kesadaran na sempurna marende mamuji Debata huhut martangiang. Ndang holan martangiang dohot marende alai dohot do nasida patuduhon  sikap na marpanindangion di masa haporsuhon tu ngolu ni jolma. Ndang na gabe kesempatan laho mementingkan diri sendiri asa malua, alai manarihon torop  jolma asa dohot malua sian dosa, sibolis dohot hamatean i. Ala ni i disuru do hita nuaeng laho maniru sikap si songon i. Asa unang putus asa jala mandele rohanta molo songgop pe parungkilon dohot pencobaan di ngolunta. Parendeon mamuji Tuhan naeng ma gabe agenda hidup na permanen di ngolunta so pola membedakan rumang ni ngolu; porsuk manang sonang. Saurdot do sikap ni si Paulus on tu pandohan na sinuratna tu huria Rom: Rom 8 :28 “Alai taboto do, saluhutna do manumpak tu na denggan di angka na marholong ni roha di Debata, angka na jinouna sian tahina hian.” Di na tarhurung jala tarrante si Paulus dihaposi rohana do i manumpak tu na denggan, ido asa mampu ibana marende dohot martangiang di tingki na tarrante i. Bahkan marpanindangion dope ibana tu angka donganna na tarhurung i. Gabe lam godang angka na porsea tu Tuhanta sian tongatonga ni angka narapidana i. Dohot do muse angka nara pidana i manghirim di alus ni Debata tu tangiang ni si Paulus i, asa anggiat tung dohot nasida taruli di tanda halongangan, boi dohot nasida malua sian hurungan na golap i.
2. Huria ni Tuhanta, laho mangadopi hamaolon i, tenang do jala ndang mogap sikap ni si Paulus dohot si Silas dung dialusi Tuhanta tangiangna gabe buha pintu ni hurungan i. Ndang pintor humalaput lintun melarikan diri nasida lahopaluahon dirina sian hurungan i ndung ungkap pintu hurungan i. Ndang olo nasida mamangke cara berpikir mumpungisme (melakukan tindakan menguntungkan dirina, mumpung ada kesempatan). Tung torop tahe nuaeng halak na mandasohon tindakanna tu sikap mumpungisme. Mumpung ahu di jabatan on, hubahen ma inangtangku manang anangkonku gabe paniop proyek. Boasa tu halak, adong di iba, ninna deba. Gabe KKN ma deba halak. Dao do mumpungisme sian cara berpikir ni si Paulus dohot si Silas. Dasar cara berpikir nasida nunga botul botul songon parbarita na uli, manigor dipangke si Paulus dohot si Silas do kesempatan i pararathon Barita na Uli tu angka jolma na di hurungan i, tarmasuk tu angka si jaga hurungan i.
3. Laos di turpuk on diajari do hita jolma asa unang manigor hapogan laho maningkot ia masa pe peristiwa na mengancam kedudukanta, Ai si jaga hurungan i manigor bersiap do laho maningkot dung diida talak pintu ni hurungan i, ala memang hukuman mati do uhum tu ibana molo ala halembaonna gabe lari tahanan. Ringkot do ketenangan mamereng na masa. Ternyata ndang manigor lari tahanan i. Hot do nasida disi. Jotjot na i jolma mambuat haputusan uju di suasana emosional, ujungna keliru ma haputusan i jala gabe mantat hasesega panghorhon ni keputusan si songon i. Bahat ma masa angka parbadaan dohot partontangan holan ala panghorhon ni sadasada haputusan na dibuat tingki perasaan na emosional. Tuani ma ro si Paulus pagogohon soarana asa unang saut ditiham si jaga hurungan i dirina laho maningkot. Ai dipagogo apostel ima soarana mandok: “Unang bahen jea tu ho, ai dison do hami aluhutna!” Sadar ma sijaga hurungan i jala diboto ibana ma ndada roha hajolmaon sambing be na tubu di roha ni si Paulus. Disuru jamita on do hita mangalului jolma na naeng maningkot ala na di bagasan pandelean di panosak ni portibi on. Torop do na boi sundatanta maningkot molo sigop hita mangurupi nasida marhite na mamboan nasida tu Tuhan Jesus Kristus. Sada na menarik muse dison, nang pe sijaga hurungan na naeng maningkot terlibat do di na pasipalsipal patupa pardangolan tu diri ni si Paulus di penjara i, alai ndang balas dendam ibana tu petugas i, malah disundati ibana do petugas i mate. Sikap on ma apala na maol dapot di ngolunta, i ma mambahen na denggan tu halak naung mangarsahi hita. On halobian ni hakristenonta: manghaholongi jolma apala na mambahen na roa tu hita. Ai on do diajarhon Tuhan Jesus di jamita dolok, laos i do dibahen Ibana uju tarpajal di hau pinarsilang i.
4. Huria ni Tuhanta; secara umum boleh dikatakan ; tidak ada orang yang menginginkan hidupnya dirundung kemalangan dan tantangan. Namun hidup tanpa tantangan adalah hidup yang mengerdil/tidak berkembang. Sebaliknya hidup yang ditantang akan berkembang. Hidup tanpa tantangan ibarat menu yang monoton. Tantangan harus dihadapi, jangan lari dari kenyataan jika tantangan menghadang. Orang yang lari dari kenyataan tak ubahnya bagaikan seorang pengecut. Tantangan harus digumuli dan dicarikan solusinya. Hubungan yang benar dengan Allah menjadikan kita tabah dalam menjalani hidup. Pujian dan doa sangat besar kuasanya (Yak 5:16). Sebagaimana yang telah kita amini bersama bahwa doa adalah jantung rohani orang percaya, maka sebaiknya doa menjadi bagian dari hidup setiap orang percaya. Jika demikian seharusnya kita tidak hanya memuji Tuhan dan berdoa kepadaNya di saat memanen sukacita saja namun dalam dukacita juga (Roma 12:12; Kol.4:2). Iman dan kepercayaan kepada Allah secara benar di dalam Yesus Kristus mendatangkan sukacita yang besar (bnd.Ibrani 11:1). Seperti nama minggu kita Rogate artinya berdoa, dan topik minggu kita: berdoa untuk kesejahteraan bersama. Hidup orang percaya adalah kesejahteraan bagi sesama dan lingkungannya. Berdoa adalah sikap yang memedulikan kepentingan orang lain bukan hanya kepentingan diri kita saja. Ala ni i mansai ringkot do tangiang pangondianon, mangondingi halak na susah, angka na humalinag, bangso dohot  negara. Asa tudos dohot sangkap ni Debata ro tu portibi on marhite AnakNa i laho paluahon portibi on sian dosa dohot hamatean i. Amen.

Jamita Evangelium Minggu Kantate (Endehon Hamu ma di Jahowa ende na imbaru-Pslm.98:1) – 18 Mei 2025

Dilehon Debata Hamubaon ni Roha

 (Allah Mengaruniakan Pertobatan)

Ulaon ni Apostel 11 : 1 – 18

 

1. Huria ni Tuhanta dibagasan Jesus Kristus. Asa taantusi turpuk on, tumangkas ma tajaha bindu 10. Dididihon si Petrus do sada keluarga na sian sipelebegu (na so Jahudi), ima Kornelius, sahalak Letnan halak Italia, ala na disuru Tondi Parbadia. Jala laos mangan si Petrus disi jala marborngin. Hape di halak Jahudi, ndang boi halak Jahudi manggallang indahan ni halak na so Jahudi, aI idanggap gabe ramun. Mansai hapal do disrktiminasi di halak Jahudi, ala dihilala nasida, holan tu nasida do dilehon Debata haluaon i, ndang dohot tu halak na so Jahudi songon si Kornelius on. Alai nuaeng, ala disuru Debata, dididihon si Petrus do si Kornelius sekeluarga. Ima mambahen persoalan. Diayat 2-3 didok, gabe dibadai angka na porsea sian Jahudi ma si Petrus.
2. Hhuria ni Tuhanta , memang maol do mambahen na imbaru, mambahen angka na denggan. Sai pintor adong do penolakan, jotjot gabe patubu persoalan. Molo halak Batak mandok: “Nunga mumpat talutuk, sega gadugadu, nunga sega uhum na buruk ala ro angka na imbaru”. Hal baru selalu mendapat tantangan, ninna na pistar. Padahal, tidak ada perubahan tanpa pembaruan. Tarimangi ma jolo, atik ala ni i do mansai maol “pertumbuhan” ni hurianta, ala sai “bercokol” hita di tradisi na so ampit be, maol manjalo na imbaru na mamboan perubahan. Molo sai tadok: ndang hea masa i, songon on do sian najolo-ima mambahen ndang adong perubahan, gabe ndang adong be pertumbuhan manang hamajuon (sian dakdanak sahat tu na matua, laos i do tangiangta: metmet au on). Ala ni i ra ingkon ungkap do rohanta tu na imbaru. Alai unang asal na imbaru, manang sekedar maniruniru halak. Alai na imbaru na hombar tu Hata ni Debata jala na ampit, relevan, tu masa kini dohot tu  masa depan. I do mamboan hamajuon. Terbukalah untuk pembaharuan agar ada perubahan ke arah yang lebih baik.
3. Huria ni Tuhanta; tatiru ma si Petrus, dia mau melakukan perubahan yang luar biasa, sebuah terobosan penginjilan yang baru, hanya karena Tuhan yang menyuruh, ndang ala lomolomona. Bukan asal membuat perubahan. Alai ala disuru Tondi Parbadia do ibana. Gabe didok ma di ay.17- “Ndang margogo ibana mangambat i”. Jala hasilna luar baisa, ai mamungka sian i ma gabe hehe penginjilan tu sipelebegu, ndang holan tu Jahudi. I do mambahen sahat tu hita saonnari. Boha do asa adong perubahan ? ima ingkon tinggil tu soara ni Tondi Parbadia. Ai molo Tondi mandok, ndang adong na boi mangambati (Ay.17). Ala ni i, tung lam tapatinggil ma sipareon ni tondinta, dohot panghilalaanta tu soara ni Tindi Parbadia, asa tarbahen hita angka haimbaruon, asa dapot hamajuon. Asa tinggil hita tu ulaon ni Tondi Parbadia, lam hohom ma martangiang huhut marmeditasi, molo ringkot marpuasa.
4. Goar ni Minggunta sadari on ima; Kantate, na marlapatan: endehon hamu ma di Jahowa ende na imbaru. Marende, mamuji Debata, songon di ay.18 i; gabe dipuji ma Debata. Tujuan marende i, asa dohot do hape tu halak sipelebegu dilehon Debata hamubaon ni roha, asa mangolu!. Nunga tadok nangkin, tung na ginjang do roha nihalak Jahudi, ai didok nasida, holan tu nasisda do haluaon i diparade Debata, ndang dohot tu sipelebegu, ndang dohot tu halak Batak. Hape, marhite terobbosan na binahen si Petrus on, nunga ungkap be haluaon i tu sude jolma. Manang ise pe, sian bangso dia pe na pogos, na mora, baoa, nang borua, kulit hitam, kuning, putih, asal ma olo pauba roha jala porsea di Tuhan Jesus, pasti selamat. Ala ni i, hita pe halak Batak, ingkon tangkas do marende, mangendehon Tuhan Jesus. Ai nunga dohot tu hita dilehon Barita na Uli i, gabe porsea hita di Tuhan Jesus, gabe anak ni Debata hita, gabe dohot hita partohap, pewaris ni hangoluan sisaleleng lelengna i. Marhite i ma laos disosohon: “Taambolongkon ma sude na berbau disrkiminasi. Unang ma adong rohanta mandok: na so talup halak na asing manjalo haluaon i. Ai tu sude bangso, houm, marga dohot luat do i diparade Tuhan Jesus. I do haulion ni huria i, songon ruas ni pamatang na marasingasing suku, bahas, luat, ras, alai sada. Ala ni i, unang be adong di huria bentuk-bentuk diskriminasi manang pembedaan ala ni luat, suku, bangso, parhataan manang baoa-boruboru.
5. Huria ni Tuhanta, halak na porsea ima halak na ssai marende dibagasan ngoluna. Mansai godang do siguruhononta sian na marende:

a)       Adong paduan suara/harmonisasi. On ma sada kunci asa tabo na marende ingkon padu jala harmonis. Adong logu Sopran, Alto, Tenor, Bass. Molo orkestra adong ma ragam ni alat musik, ditiup, di tekan, di petik, dipukul, marragam ma alat musik, marragam soara, gabe harmonis. Na marasingasing gabe boi sada, padu jala harmonis. On ma siguruhononta sian musik; boha do asa dapot parsaoran na harmonis, unang tubu angka parbadaan. Tauji ma marsiajar sian musik:

Ø  Mardalan ma hita di fungsina dohot perananna be. Ima na masiendehon not na be, unang dibuat not ni halak. Molo sude hot di fungsina be, denggan ma parsaoran. Unang diantoi ama  dohot gulamo, unang diantoi ina dohot karejo ni amanta i di kantor. Parhalado gabe parhalado ma, unang gabe ruas. Ruas pe, gabe ruas ma unang naeng gabe parhalado.

Ø  Rap di tingkina. Not ¼ diendehon ¼ jala diboto andigan tingkina. Diboto tempo, tingki hohom, diboto angka not ni ende i denggan.Unang adong na pajolojolohon songon monis, ido mambahen gaor. Halak Batak mandok: unang tortori na so gondangmu. Alai na rumingkot ima: olo manangihon halak. On do kunci keharmonisan ni ende, ima molo sude mambege soara ni donganna dohot soarana. Molo pagogohu soarana, dipametmet; alai molo so tarbege, dipagogo ma. Ima mambahen harmonis. Songon i do naung di parsaoran. Unang holan soaranta pabegebegeon ni dongan. Alai, tabege ma soara ni donganta. Namanegai rumatangga dohot parsaoran ima molo holan soara ni amaama ditangihon, so dibege be soara ni sitri dohot anakhonna. Molo adong parhatasada, molo so niooan pintor mardandi, i do mambahen sega parsaoran.

Ø  Huria ni Tuhanta mansai marhuaso do parendeon ni angka na porsea. Taingot  do di pardalanan ni bangso Israel tu Kanaan. Maloha do tembok Jeriko marhite soara ni sarune dohot ende ni bangso i. Marende do si Paulus dohot si Silas di penjara Pilipi mamujimuji Tuhan i gabe buha ma rante nasida jala ungkap nang pintu ni hurungan i (Ul.Ap.16:25-26). Mansai marhuaso do parendeon i, i do ala didok si Jakobus asa marende ma angka na marlas ni roha (Jak.5:13). Tung balga do guna dohot panghorhon ni ende. Pola didok PBB: “Sebarkanlah musik itu kepada semua orang di seluruh dunia. Karena itu memberi kebahagiaan yang tidak putus-putusnya dan mempertajam intelek manusia”. Ende do sada alat na humatop mantransfer ide. Asa humatop hita mangajarhon huruf, mangapil bibel. Bahkan molo taputar lagu lagu rohani na mambahen las rohanta jala dame dohot sonang. Ido alana didok ende boi pasonang roha mangusir angka tondi na hodar jala boi mangendalihon emosi. Taingot do Raja Saul, sidigugai sibolis do roana. Alai dung ro si Daud mamiltik hasapi, gabe  mulak sonang ma rohana, lari sibolis i. I do ala didok si martin Luther: “Uju marende i do hita maringkati ma sibolis.” Ala ni i molo ponjot roham, naeng emosi ho, rundut pingkiranmi, uji ma jolo amutar musik manang lagu rohani, jala uji ma jolo mangendehonsa, pasti mulak sonang roham jala dame.

Ø  Huria ni Tuhanta balga do pengaruh ni musik tu emosi dohot intelektualitas ni dakdanak. Ina na sai burju umbege musik jala patubegehonsa tu dakdanak uju di bortianna, didok gabe dumenggan do emosina, jala tumimbo IQ na, alai musik clasic do ndada musik dangdut manang musik ende Batak. Didok Amanta Nortir Simanungkalit, mansai balga do pengaruh musik tu perilaku ni masyarakat. Musik yang digandrungi masyarakat akan menempa perilaku masyarakat. Ndang sude angka ende ni musik i membangun manang gabe pengaruh na denggan asa tangkas hita mamillit dohot manjamothon angka lagu na digandrungi angka ianakonta dohot musik na patubegehon  di jabunta. Misana Lagu Batak : “Anak Medan” didok syairna.....hansur demi kawan....... paboahon premanisme ma on. Ala ni denggan ma dipamant diajarhon dipaingot tu sundut na umposo. Songon ende “Haleluyah” sian parende Group Pentatonix, ndang na ende pujian i, alai lagu perselingkuhan ni si Daud dohot Bastyeba, alai na so mamboto diendehon ma uju natal, ai dirimpu doi lagu pujian. Ala ni i tinggil ma hita dijouhon Hata ni Debata, aidiurupi Tondi Parbadia i do hita patupa perubahan, asa dapot hamajuon di hurianta nang di keluarganta. Endehon ma di Jahowa sada ende na imbaru ala naung dilehon tu hita haluaon na manongtong marhitehite Anakna Jesus Kristus i. Lam tu denggan na ma parendeonta dohot pamujionta tu Tuhan i. Amen.

Jamita Epistel Minggu Kantate (Endehon Hamu ma di Jahowa ende na imbaru-Pslm.98:1) – 18 Mei 2025

Dilehon Debata Hamubaon ni Roha

 (Allah Mengaruniakan Pertobatan)

Panguhum 5: 1 – 12

 

1. Huria ni Tuhanta dibagasan Jesus Kristus. Halak Kristen ima halak na marende. Boasa idok songon i ? siala nang di las ni roha nang arsak pe tongtong do marende halak Kristen i. Di Pamasumasu on, di partumpolon, di ulang tahun, di ucapan syukur pe marende do. Di rapot huria, di partangiangan di punguan marga pe marende do halak Kristen i. Jala na mambahen halak longang, di arsak ni roha pe marende do halak Kristen i, di na mandulo na marsahit, na marsak, na gale, na hona musibah, bencana, nang di habot ni roha/nang dukacita pe ndang lupa na porsea i marende. Di panggulmiton ni halak na porsea i sai tongtong do marende, ima na so tarsirang sian haporseaonta songon siihuthon Kristus i hita.
2. Huria ni Tuhanta dibagasan turpuk on dipaboa do sahalak nabiah parompuan na togos, jala sahalak panguhum di tonga bangso Israel ima na margoar Deborah. Diarahon ibana do asa sude bangso i marende tu Jahowa ala naung mangalehon hamonangan, pangaramotion nang las ni roha. Debata Jahowa ni Israel ndang tudos dohot debata ni bangso sileban. Debata Jahowa ima na songkal jala pargogo naso hatudosan, ndang na modom Ibana di hamaolon na masa di bangsoNa. Dapot hita ma sian ende ni Si Deborah on paboa:

Ø  Ay.1-3: Sude angka uluan ni bangso tama mamuji Debata. Disosoi si Deborah do angka uluan, panggomgomi dohot raja laho manangihon pamujion holan Tu Debata Jahowa do. Ditanda Debata do na tinompaNa, ditanda do hita sude jolma, ditanda do hita bangsoNa asa pujipujian i tama holan tu Debata Jahowa. Ala Ibana do na mangalehon hamonangan tu bangso Israel laos songon i ma di angka na mangasahon Debata Jahowa dapotan hamonangan do sogot. Godang do jolma di portibi on mangasahon gogo na sambing, mangasahon pingkiranna dohot mangasahon gogo ni portibi on lahoo mangadopi hamaolonna. Bahat do i manghorhon kekecewaan nang ketidakpuasan manang gabe tu panaritaan. Alai angka na sai mangasahon Debata sai dapotan hamonangan do ibana, songon si Deborah na dibagasan turpuk on. Molo ro angka parungkilon tu ngolunta, unang ma muramura hita terbawa emosi, terbawa amarah na berujung tu pikiran na jompok. Boi do gabe kalap, jala digohi jut ni roha, laos moment sisongon i do dipangke sibolis i laho mangelaela hita asa tapertahanthon self esteem (harga diri), unang sanga diinjakinjak manang dilecehkan ninna rohanta. Alai molo disi songgop parungkilon i, sai tatap ma Debata Jahowa, pangido pangurupionNa asa tiur roha nang pingkiranta mangadopi saluhutna i. Ringkot do disituasi siosngon i sai marende pujipujian hita asa tenang jala dame rohanta mangadopi persoalan ni ngolunta.

Ø  Ay.4-6: Sian na tolu ayat on paboahon ndang adong na boi mangatasi hamaolon di portibi  on ia so Debata Jahowa na marhuaso. Ala Tuhan Debata Jahowa do na mamboto na tinompaNa i, laos Ibana do na mamboto kelemahan nang hahurangan na tinompaNa i. Ala ni i ndang berdaya portibi on nang sude angka luat, dohot bangso maradophon Debata Jahowa. Alam bisa menjadi alat Tuhan untuk berbicara kepada manusia bahkan menjadi alarm/pengingat kepada ciptaan dan manusia terkhusus akan apa yang hendak dimaksud. Boido ala kecerobohan ni jolma manegai angka hau dohot tombak gabe ro mara banjir bandang, longsor dohot na memakan korban jiwa.Ala ni i molo Debata Jahowa do na mangatasi saluhut bangso nang luat dohot portibi on, ingkon pos do rohanta songon angka na porsea manghaposi Ibana. Tahabiari ma Debata, taulahon lomo ni rohaNa, unang gabe manimbil sian Ibana. Haposi ma Debata Jahowa uju portibi on manghaposi kekuatan dunia, kekuatan tekhnologi,kekuatan pikiran, alai ndang tuk i saluhutna  mangatasi gogo ni Debata Jahowa. Nuaeng Tehknologi robotic nunga lam godang dikembangkan angka negara  maju laho mambahen asa lam mura kehidupan manusia di portibi on, alai nda tuk i laho pasonanghon ngolunta. Unang maon gabe tatadinghon Debata jala manghaposi kemajuan tehknologi. Ingkon manat ma hita disi jala marroha mamereng perkembangan jaman sinuaeng on.

Ø  Ay.7-9: Profil ni si Deborah, Debora ( Ibrani : דְּבוֹרָה , Dəḇōrā ) ima sahalak panurirang na sian Jahudi, Panguhum na paopathon di Israel andorang bangkit raja. Sasadasa ma Panguhum parompuan na dipaboa di Bibel marhata Heber. Godang do angka pande bisuk na mandok: sahalak ina ni Lapidoth songon sitri lapidoth na tarbarita di Panguhum 4:4. Sian hata Lappid namarlapatan: obor manang kilat, asa molo didok boru Lapidoth ima na manggoari si Debora songon parompuan na marapiapi. Ai dipaboa si Debora do tu si Barak, sahalak Jenderal ni Israel sian Kadeh tu naftali, ia naung ditonahon Debata do asa manguluhon parporangan manorbu pasukan ni Yabin ima raja ni Kanaan dohot panglima militer Sisera (Pangh.4:6-7). Dibahen si Deborah do sude haputusan ditoru ni bona ni hau Kurma di holangholang huta Rama di Luat Benjamin dohot Betel di tano Efraim. Ala ditindos Yabin Raja ni Kanaan i do bangso Israel di Ibukota Hazor saleleng 20 taon. Ala posi do dihilala bangso Israel, asa dipasahat ma atbe tu si Barak, Anak ni si Abinoam, di Kadesh di Naftali, asa diparentahon Debata do tu ibana asa papunguhhon 10.000 pasukan ni Naftali dohot Zebulon jala pamusatanna di Dolok Tabor. Alai ndang olo si Barak molo so padohot panurirang Debora. Setuju do si Debora, alai molo tangkas do hamonangan i ala ni sahalak parompuan. Jadi Debata do mamillit pemimpin, partogi di bangsoNa asa marhamonangan. Laos songon i do di konteks ni negaranta Indonesia on, tahalashon ma angka partogi di luatta be, nang sian kepala desa, camat, bupati, walikota, gubernur, nang Presiden tahaporseai ma na dipangke Debata do nasida laho marmahani hita rakyatna tu dalan na denggan, nang pe sai adong do na targoar partogi na jungkat roha na mangulahon korupsi, alai ndang dipasombu Debata marsonangsonang ngoluna diatas penderitaan ni rakyatna, hona uhuman do nasida ala ni ulaonna. Mauas do bangsonta Indonesia di figur pemimpin na bersahaja, na marbisuk, na berintegritas songon Dedi Mulyadi (ubernur Jawabarat sinuaeng on), jala godang do na maniru kebijakanna i. Sai anggiat ma la m tu dengganna angka ulaon ni partogi di bangsonta. Ala ni i tapuji ma Jahowa na sai mangaramoti hita, marmahani hita.

Ø  Ay.10-12: Mangendehon Jahowa dibagasan hasatiaon dohot pangkirimon. Saluhut angka parsorion ni ngolunta di portibi on boi do i ala ni keadaan dohot haotoonta sandiri. Diparrohahon Debata do ngolunta, jala dikendalihon Ibana do ngolunta. Alai di jolma i do adong kehendak bebas. Sai disosoi Tondi Parbadia i do hita laho mangulahon nasa nadenggan. Di situasi na maol taadopi boi do i gabe dalan ni Debata laho manopa hita, mangajari jala manosoi di sikap ni ngolunta asa olo hita madompakhon diri tu Ibana, mangido pangurupionNa. Jala sian hamaolon i do asa sadar hita dihaotoonta, dihahuranganta, di dosa dosanta, jala disi ma tarida habalgaon nang hasangapon ni Debata. Uju ro arsak, nang iluilu ala ni sitaonon nang hapariron ni ngolu, boi do sungkunonta Tuhanta i parasiroha i. Sai hot ma hita satia tu Ibana jala mangkirim di panogunoguonNa tu hita. Debata na satia paidaida haporseaonta asa mulak tu Ibana, asa marroha hita marnida hasongkalonna i. Parasi roha jala pardenggan basa do Ibana na so tadingkononNa hita manaon hahasinton i. Dipaima Tuhan i do kesadaran nang hamubaon ni rohanta. Ala ni i di hita na porsea na satia do Tuhanta i manogu nogu hita sahat tu na manongtong i dibagsan Jesus Kristus. Tapasangap ma Ibana, taendehon ma goarNa na sangap jala na badia i.

3. Ia topik ni Minggunta mandok: Dilehon Debata Hamubaon ni Roha (Allah Mengaruniakan Pertobatan). Debata parasiroha i, sai paimahon hamumuba ni rohanta, nang pe sai jotjot do hita manadingkon Debata songon bangso Israel i. Jotjot do hita martangkang roha, ndang tangi di hatana, jala ndang satia, alai Tuhanta i sai satia do mandongani jala marmahani ngolunta tu hasonangan i. Dipalua do hita sian hagogotan, sian sibolis dohot sian hamatean na mannongtong i. Marhite Anakna Jesus Kristus i patuduhon hastiaonna laho manogunogu hita tu hamubaon ni roha. "ndang lomo roha ni Debata Mida hamamate ni parjahat i" (tidak suka Debata atas kematian orang jahat) menunjukkan bahwa Tuhan tidak senang melihat orang jahat mati, melainkan menginginkan mereka bertobat dan hidup. Ini adalah janji kasih sayang Tuhan yang tak terbatas kepada umat manusia. Hesekiel 33:11=Dok ma tu nasida: Songon sintongna mangolu ahu, ninna Tuhan Jahowa, tung na so lomo do rohangku mida hamatean ni halak parjahat i, so ingkon mida hamumulak ni parjahat i tumadingkon dalanna i nian, asa mangolu ibana. Antong sai mulak ma hamu tumadingkon dalanmuna angka na jahat i! Boasa tung tagonan mate hamu, ala pinompar ni Israel? Ala ni i tama do hita mandok mauliate tu Tuhan Jahowa jala marendende di Minggu Kantate on (Endehon Hamu ma di Jahowa ende na imbaru-Pslm.98:1). Nyanyian bagi orang Kristen adalah salah satu wujud kesaksian. Dengan bernyanyi, kita mengingat kembali karya Tuhan di dalam kehidupan kita. Bukan masalah indah atau tidak indah suara yang kita miliki, tetapi soal menghayati kembali kasih karunia dan kebaikan Tuhan. Di dalam suka, kita bernyanyi. Di dalam duka, kita memuji. Terpujilah nama Tuhan lewat nyanyian kita. Amen.

Jamita Evangelium Minggu Jubilate (Marolopolop tu Debata ma ale sandok tano on-Pslm.66:1) – 11 Mei 2025

Jahowa Marmahan Bangsona

 (Allah Menggembalakan Umat-Nya)

Hesekiel 34: 11 – 16  

 

1. Huria ni Tuhanta dibagasan Jesus Kristus. Parmahan manang gembala ima sada ulaon na uli situtu. Ada perbedaan antara gembala Perjanjian Lama dan Perjanjian Baru. Pada Perjanjian Lama maka gembala adalah pekerjaan yang mulia seperti Daud adalah seorang gembala yang akhirnya menjadi raja.  Bahkan Allah menggambarkan diriNya sebagai gembala atas bangsa Israel. Perlu kita ketahui bahwa gembala di dalam Perjanjian Lama paling tidak selalu membawa tiga senjata. Yang pertama, senjata seperti yang dipakai oleh Daud membunuh Goliat yaitu ali-ali atau sling. Yang kedua, tongkat yang bengkok di ujungnya, untuk menarik leher domba yang jatuh ke jurang. Yang ketiga adalah gada untuk memukul serigala dan binatang buas yang hendak menyerang domba-domba. Itulah yang digambarkan di dalam Mazmur 23 dimana Allah menggembalakan kita dengan tongkat dan gada. Namun sepanjang 400 tahun maka orang Israel tidak memiliki pandangan yang baik tentang gembala. Jadi pada waktu itu bangsa Israel menantikan Mesias yang mereka pikir akan seperti Daud yang perkasa dan akan membawa kemerdekaan bagi bangsa Israel dan mengembalikan Israel pada kejayaan kerajaannya. Sebab itu pada waktu Yesus berkata “ Akulah Gembala yang baik. Gembala yang baik memberikan nyawanya bagi domba-dombanya;  dan orang Farisi mendengarkan hal ini maka mereka merasa bahwa Yesus bukanlah Mesias yang mereka tunggu-tunggu. Sebab yang mereka tunggu adalah Mesias yang hebat dan perkasa, bukan seperti gembala yang waktu itu dianggap hina dan korup. Apalagi ditambah dengan “yang mau memberikan nyawanya bagi domba-dombanya ‘ maka itu adalah hal yang tidak masuk akal pada waktu itu.
2. Namun identitas gembala itu menjadi rusak pada waktu jaman Yesus. Dan Yesus ingin mengembalikan gambar gembala itu pada yang sesungguhnya. Selama masa itu bangsa Yahudi terus-menerus mengalami penjajahan. Dan dalam 400 tahun sebelum Yesus lahir, begitu banyak perang dan pemberontakan yang terjadi. Tercatat bahwa kerajaan Babel menghancurkan Kerajaan Yehuda dan membawa seluruh perkakas Bait Allah ke Babel dan juga membawa orang-orang muda, seperti Daniel, Sadrakh, Mesakh dan Abednego. Lalu Babel runtuh dan kerajaan Persia dan kemudian Yunani menguasai dunia. Selanjutnya bangsa Yahudi yang pulang ke Yerusalem dari pembuangan kemudian mengalami tekanan dan penjajahan Romawi.
3. Huria ni Tuhanta, mansai denggan do turpuk on mangajari hita, ima:

Ø  Parjolo, ala nunga otik dapot hita angka pemimpin na boi gabe tiruan, na boi gabe idola.

Ø  Napaduahon, mansai ringkot hita marsiajar asa mampu gabe pemimin, ala lam tu maolna do siadopanta tu tingki na ro.

Parngoluan na lam maol ala gok ancaman, tarlobi muse kemerosotan moral, hajahaton na sumalin, knakalan rmaja, tawuran, na main hakim sendiri, perilaku biadab jala ndang patut sipujion. Hape kondisi pemimpin ni negaranta lam maol antusan. Torop pemimpin di bangsonta on na mangahut tu diri, pamokmok diri jala lalap paurusurus dirina dohot na papeol uhum. Uhum dipatgor holan tu halak na so mardihadiha do, sementara angka na margoar prmimpin, penguasa, konglomerat, ndang tardungdung ni uhum i, ala gogo ni huaso dohot hepengna. Angka sitiop huaso na seharusna merangkul, mengayomi jala mamboan hadameon dohot hademahon jotjot gabe pamongkihi, sibahen kekerasan.

4.      Alai na paling memprihatinkan ima; angka natoras songon uluan di jabuna pe nunga godang na so bo gabe tiruan be; ai godang amaama na so tarpinsang, ina na menyiksa dohot mamunu ianakhonna, suami na maunu sitrina, ama panonggahi, ina panginsahi, dohot na asing. Tarsongon i ma kondisi ni bangso Israel di jaman ni si Hesekiel on. Molo tajaha sian ayat 10 di bindu 34 on, botoonta ma hinaroa ni pangalaho ni pemimpin ni bangso i. Pemimpin nasida mansai egois, holan marmahani dirina sandiri. Pemimpin nasida serakah, mongkus, ai diporo nasida do angka birubiru, ima rakyat-na; dipambuat imbuluna, dibuat hasilna, alai ndang dilehon ianggo mangan. Pemimpin nasida mandai kejam, tidak berperasaan, jala ndang bertanggung-jawab. AI dipasombu do birubiru i mabugang, diparserak, ndang dirangkul, jala dipaloas do angka babiat panoro mamolgahi birubiru i. Angka penguasa nasida nunga gabe pamongkihi. Korupsi dohot kolusi merajalela. Pemimpin agama pe nunga terlibat korupsi jala markolusi dohot angka penguasa. Manurirangi jala melayani nasida ndada ala ni Debata be, alai nunga demi uang nanilehon ni angka penguasa dohot pengusaha. Angka hakim, sipadalan uhum pe nunga papeolhon uhum; hukum mereka perjual-belikan. Mereka mengadili berdasarkan jumlah uang yang diterimanya.

5.      Marnida hasogiron ni pangalaho ima, gabe didok Debata di ay.2: “marjea ma siparmahan Israel”. Jala ala ni i, di ayat 10 didok: “Ingkon dipasadi, ingkon dipecat, diberhentikan Debata nasida sian ulaon/jabatan i. Dung i didok Jahowa ma paboa Jahowa sandiri ma langsung turun tangan manguluhon bangso. Dipatudu , diajari, jala disosoi do hita songon dia do seharusnya gabe parmahan na hinalomohon ni Debata. Tiruanta disi, ima Parmahan Bolon i. Aha ma na pinatupa Parmahan Bolon i ?

Ø  Naparjolo; Parmahan na denggan, ima parmahan na olo mangalului birubiru na mago, na lilu dohot na tangkang (ay.11,12,16). Tuhan Jesus pe mandok, ia parmahan na denggan roha ima na rade manadingkon birubiruna na siapulusia i, laho mangalului birubiru nasada na lilu, na tangkang. Olo do ibana maneahon hosana laho mangalului na mago i. Taingot do barita ni si Petrus na mansoadahon Jesus i ? Ndang gabe dibolongkon Jesus ibana, alai justru dilehon do perhatian, diarahkan, dihaholongi, gabe mulak ma roha ni si Petrus, sian si “penyangkal” gabe si “penyaksi” Jesus. Taingot  do si Jakob na tangkang i, na mangotootoi abangna i. Alai ditogu, dibimbing, jala dilehon Debata do perhatian tu ibana, gabe diboto mulak, jala olo manopoti dosana. Ido ulaon ni pamimpin manang sahalak uluan.

Ø  Napaduahon, parmahan ndada holan manguluhon angka naung pungu i dohot angka naung burju i. Ianggo angka naung punguu i naung disi do i. Jala angka naung burju i ndang laho be i. Alai angka na mago, na lilu, na tangkang, i do siurupan, siluluan dohot sitoguon asa mulak. Parmahan ndada sitogu naung jongjong, alai sitogu naung hundul, sitogu na modom do. Ditonga ni jabu ndang bo holan ianakhon na burju hasianan ni natoras. Justru molo adong na tangkang lam malo ma holong ni natoras mamparohahon jala manogunogu asa muba rohana.

6.      Songon tiruan naung binahen ni Jesus namarmahani hita jolma, tama do nang angka birubiruNa pe marguru tu angka na denggan naung pinatupaNa. Jala tangkas do taboto tung torop dope jolma na so umbege soara ni parmahan bolon i, jala godang dope jolma na nirajaan ni dosa i. Alai i do gabe ulaon ni angka naung tumanda Jesus do laho mandulo na marsahit, mangurupi na mabalu, manarihon nasopot so marama so marina, suang songon i nang mamingkirhon angka donganta na termarginalkan ala ni angka tindakan parmahanion na hurang tangkas. Ia tanda ni jolma naung mandai pasupasu sian Debata ima malo mandok mauliate jala mamujimuji Debata, marlas ni roha. Domu tu goar niminggunta ima JUBILATE (Marolopolop tu Debata ma ale sandok tano on-Pslm.66:1). Angka na porse ai marjubilate,mandok mauliate, marlas ni roha ala diparmahani Debata do hita sian na jolo sahat di tingki on sahat ro di saleleng nilelengna. Ai dilehon do AnakNa na sasada i ima Jesus Kristus i laho manobus hita jolma pardosa on. Asa taruli hita las ni roha di hangoluan na manongtong i. Songon topik ni minggunta na mandok: Jahowa Marmahan Bangsona  (Allah Menggembalakan Umat-Nya). Antong na tarjou do hita angka naung pinalua ni Kristus i, laho marmahani angka na pinasahatNa tu hita, nang angka na dihumaliang hita. Amen.