Ngolu Na Imbaru Dibagasan Kristus
(Hidup Baru Dalam
Kasih Kristus)
Psalmen 34: 1 -8
1) Huria nahinaholongan dibagasan
Jesus Kristus, dipaboa do dibagasan turpuk on taringot Raja Daud na pasahathon
pujipujian hamauliateon ni rohana siala pangaramotion ni Tuhan i. Uju i diadopi
ibana do hamaolon nang situasi na cukup berbahaya. Uju i nunga gabe buronan
jala sai naeng bunuon ni si Saul ibana. Laho ma ibana melarikan diri tu Gat,
hape ditanda jolma do ibana disi. Gabe dipaula ibana ma songon na lalaen, na
rintik, na berpurapura gila. Berpura-pura tidak waras didepan Raja Abimelekh, (nama aslinya Akis karena Abimelekh merupakan gelar umum raja filistin yang
memiliki arti “bapaku raja” bandingkan gelar umum raja mesir firaun). Dibagasan
biar do si Daud hatiha i, na ingkon mangadopi raja ni halak Palistin. Hape
andorang so i naung ditaluhon ibana do si Goliat, ima tentara terbaik ni bangso
Palistin. Ima mambahen tahutan si Daud, ndang adong be sinjata sipangasahononhon.
Angka na porsea marguru ma hita sian turpuk on molo mangadopi hamaolon nang
hasusaan i, marhite na:
1. Parjolo ;Lului ma Jahowa (ay.5,7). Mangalului Jahowa huhut joujou tu Ibana. Hotan tu Tuhanta i do hita mangalului dalan, hatiuron ni roha dohot pingkiran mangatasi angka hamaolon i. Huria na hinaholongan, nunga torop hita naung mengalami jala manghatindanghon na nidok si Daud on. Uju targogot hita, ro hita joujou marhitehite tangiangta tu Debata, jala tutu, dipalua Debata do hita. Ai Debata parholong huhut pargogo na so hatudosan do Debatanta i. Psalm 50: 15 Jala jou ma Ahu jumpa di ari hagogotan, asa hupalua ho, asa dipuji ho Ahu. Dungi didok parpsalmen on do di Psalm 77: 3 Hulului do Tuhan i di ari hagogotanki. Alai sai adong dope ruasta mangasahon gogo, pingkiran dohot sinadonganna. Hape, ima mambahen nasida lam tahutan. Ai asa tulus anakhonna sikola manang karejo, adong dope na mang-uang-i. Dung lulus gabe siotooto do dakdanak i, jala torus ma diuangi. Nakarejo i pe songonima. Alai, laos sai mabiar ma andigan tardapot, ai na mambahen sisip do i (menyuap). Dung i marsahit ma. Molo so i, ala so tahan be, ndang tuk gogona be, putus asa, maningkot ma manang gabe rintik ma.
2. Napaduahon, Joujou Tu Debata. Huria na hinaholongan, ganup manogot i disi dungo hita sian podomanta, sai jumolo ma joujou hita tu Tuhan i. Mangadop tu Tuhan i parjolo, melaporkan diri, pasohothon diri, penyerahan totalitas kehidupan yang akan kita mulai hari itu. Tapaloas ma Debata manguluhon ngolunta manipat sadari i. Tabereng ma hasilna. Molo taadopi na maol, boi ma tenang hita. Jala laos diajari do hita, molo taadopi na maol i, unang lalap hita paidaida hamaolon i, ido mambahen hita lam mabiar. Geserlah fokus mu dari masalah ke hadapan Tuhan, disi ma jumpang hita hagogoon, habisuhon, torang ni roha dohot pingkiran i manghamonanghon hamaolon i.
Huria na hinaholongan, dung dipalua Debata si Daud, pintor holan na mamuji muji Debata ma diula. Ndang lupa ibana di pambahenan ni Debata. Alai tung diparhatopot do, holan Debata do na boi mambahen ibana selamat. Ndang holan sahali manang dua hali ibana mamuji Debata, alai didok: sai tong ma pujipujian dibagasan pamaganhu. Diakui si David do holan ala asi ni roha ni Jahowa do sude haluaonna. Tung so adong do sangkapna laho manengahon diri mandok ala hagogon, hajagoonna nang ala kemampuanna sandiri boi malua sian mara. Sai adong do dongan na mansai lomo rohana paboaboahon angka halongangan na masa di ngoluna, angka keberhasilan-keberhasilanna. Dimulana didok ibana do na Debata do napatupahon i. Alai lam leleng, lam dirina do, hajagoonna, kehebatanna do pinaboaboana.
3. Napatoluhon, Mangarahon angka dongan asa mamuji Debata. Diarahon si Daud do
angka donnganna laho mamuji Debata. Ay.4 “Dongani hamu ma ahu pasangaphon
Jahowa, rap ma hita patimbulhon goarNa i. Daud mambahen viral jala terkenal
pangalaho dohot sikap na mamuji, bersyukur tu saluhut ruas. I Tessalonik 5: 18 “mandok
mauliate ma hamu siala saluhutna! Ai i do dipangido Debata sian hamu
marhitehite Kristus Jesus (mengucap syukurlah dalam segala hal). Ido tama
siulaonta, ima mandok mauliate. Jala sude ma halak mandok mauliate di
ngoluna,molo tabereng angka hamaolon ala ni ekonomi nuaeng on, muramura do
jolma gabe stress, hopeless, ndang marpangkirimon, putus asa. Boi do muse ala
ragam persoalan hidup, persoalan jabatan, cita-cita, persoalan asmara, nang
perpolitikan on. Asa diingot ma mandok mauliate tung beha pe situasina.
2) Hombar tu topik ni minggu on na
mandok: Ngolu Na Imbaru Dibagasan Kristus (Hidup Baru Dalam Kasih Kristus). Hidup
baru dalam Kristus berarti "rela" terus-menerus diperbarui. Angka
naung dibagasan Kristus, ndada holan manghilalahon sahali hamubaon ni roha,
alai sai torus do tong joujou tondina tu Tuhan i asa dipauba jala marhamubaon
ni roha na sian Tondi Parbadia. 2 Korint 5:17 Asa molo di bagasan Kristus
halak, na tinompa na imbaru ma i. Nunga salpu pangalaho na robi, gabe na imbaru.
Asa jaloonta ngolu na imbaru holan marhite na sorang di haimbaruon dibagasan
Kristus. Holan Kristus do hasintonganta na paluahon hita sian doa hamatean
dohot sian sibolis. Ndang saguru tu roha, daging nang portibi on ngolunta alai
saguru di Tuhan i do, jala mangulahon lomo ni rohaNa asa marngolu dibagasan
habadiaon. Jala marhite ngolu na marhabadiaon i do tama hita joujou, mamuji
jala mandok mauliate tu Debata. Marngolu na imbaru naeng ma sai torus
dipraktekon ganup ari, alai jotjot do jolma i maaol jala bangkol rohana maruba
parange nang pangalahona. Ala ni ma perubahan nang hamubaon i mangharingkothon
haporseaon tu Kristus na boi mangalehon haluaon di hita. Meninggalkan tabiat
manusia lama dan mencoba hidup baru dalam Kristus merupakan sebuah proses yang
tak langsung bisa sempurna, tetapi itulah yang Allah kehendaki harus terjadi
dalam kehidupan kita sehari-hari. Bagi setiap orang yang sudah merasakan kasih
Tuhan tidak akan tahan untuk tidak menyembah Dia dan bersaksi tentang Dia.
Perkatakanlah firman Tuhan dalam kehidupan sebagai bentuk kesaksian dan
hidupilah firman Tuhan itu. Datanglah kepada-Nya dan rasakan kasih-Nya yang
melimpah atas setiap kita. Amen.
