“Marsihohot Dibagasan
Poda ni Jesus Kristus”
Berdiri Teguh Dalam Ajaran Yesus Kristus
& Ev: 2
Tessalonik 2: 13-17 & Ep: Psalmen 145 : 17 - 21
A. Patujolo
1)
Digoari Casander do kota Tormai on gabe “Tesalonika”,
songon goar ni tungganeboruna Tesalonika, i ma iboto ni Iskandar Zulkarnain (Isakandar Agung) 315
sM, Ibukota Makedonia (Eropah). Tesalonika na sanga dibahen raja Xerxes sian
Persia (Iran) gabe pangkalan ni Angkatan Lautna di Eropah. DI Pekabaran Injil paduahon
(50-51 M), laos pajongjonghon huria di Tesalonika, naung tinogu ni jamitana sian hasipelebeguon (Junani).
Alai mangiburu (late) ma halak Jahudi tu si Paulus, dipaksa ma ibana ingkon
maninggalhon Tesalonika, gabe laho tu Berea (Ul.Ap.17:1-9; 1 Tes.1:9). Alai
dung sahat nasida tu Athena, disuru ma si Timoteus manopot Huria Tesalonika na
imbaru tubu i, jala di Korintus ma si Paulus paimahon si Timoteus (1 Tes.3: 1
-6).
2)
Dung mulak si Timoteus sian Tesalonika
tu Korintus manopot si Paulus, diboan ma angka barita na niadopanna di huria i,
na mangonjar roha ni Ap.Paulus ingkon manongos surat on tu huria
Tesalonika. Mamodai huria i asa marsihohot
di poda haporseaon nnaung sahat tu nasida, dohot taringot tu haroro ni Kristus
paduahlihon. Dung jolo dipaullop Kristus pargapgap na mangaliluhon torop jolma
na so setia tu Tuhan Jesus Krstus (2 Tes.2:1-12). Jala asa dihaporseai huria
Tesalonika, paboa naung dipillit Debata hian do huriaNa tu haluaon marhite
Jesus Kristus, ima isi ni sandok Barita Nauli naung tolhas tu nasida.
B. Hatorangan
1.
Asa dung mulak si Silas dohot si
Timoteus sian Tesalonik, didapothon ma si Paulus na sorang di jabu ni si Titus
Justus di Korintus paboahon na masa di Tesalonika, ima:
Ø Haporsuhon na binahen ni halak Jahudi tu angka na porsea
dihuria Tesalonika, ala parsihohoton nasida di poda haporseaon na niajarhon ni
si paulus (Ul.Ap. 18:7-8)
Ø Haporseaon pangkirimon ni huria Tesalonika marpusat tu
haroro ni Tuhan Jesus Kristus paduahalihon. Gabe torop na so olo mulaulaon, ai
didok roha ni na deba, “ndang adong be gunana mencari, ai na ro ma Tuhan i” ( 2
Tes.3:11).
2.
Alai
laos adong do deba sian tongatonga ni huria i na hehe mamodahon : Ia
haroro ni Tuhan Jesus paduahalihon i nunga jumpang i nuaeng di tingkinta on”,
ninna nasida. On ma muse pahehe gasip na mambahen parbolatan du huria
Tesalonika, ala ni poda na imbaru i. Adong ma horong na badia, adong muse na
hurang badia dna.....(Ptd.1 Tes.3:11-13). Alai tumangkas ma dipatorang si
Paulus jumolo angka tanda-tanda taringot tu haroro ni Tuhanta paduahalihon i
dohot patujolona na aneng patar tu portibi on. Ima:
a)
Ingkon jumolo torop marbalik sian
haporseaon na sintong i ala ni partingkian na marubauba (hamajuon dna- 2
Tim.3:1-7; Mat.24:12; 2 Ptr.2:1-3;10:12-19; Judas 4:11-15
b)
Hapapatar ni jolma pardosa na sumalin i
ma: “Kristus pargapgap, panurirang pargapgap, dohot diktator akhir jaman tu
tingki na naeng ro (2 Tes.2:4-9,11; Mat.24:5,11; Dan.7:25; 8:9; 9:27; 11:36).
3.
Alai anggo huria na marsihohot di haporseaon na polin i, ima
barita Nauli i, naung dipillit Debata hian do i sian mulana tu haluaon marhite
TondiNa. Ima na mamarangehon hadaulaton, tu habadiaon di bagasan haporseaon na
marojahan tu hasintongan, ima Hata ni Debata dibagasan Jesus Kristus (Ul.4:12;
John.14:6). Ala ni i do mandok mauliate tu Debata, ala asi ni rohaNa naung
mamillit angka na porsea, na marsihohot di Barita Nauli. Ai diurupi Tondi
Parbadia i do saluhut angka na porsea i manghangoluhon dohot manghatindanghon
hasintongan di ganup tingki so pola marroha ganggu manang mabiar
manghatindanghonsa. I ma angka naung pinillit jala na hinaholongan ni Debata
dibagasan Kristus Jesus. Ima bukti ni haporseaon na sintong ( Eps.1:4; John.17:17-26;
Mat.10:19-20).
4.
Ai soara ni Debata do Barita Nauli
hangoluanta i, na manjou nasa hajolmaon mananda hasintongan asa saut malua sian
dosa dohot sian hamatean na paduahon. Dung porsea jala marsihohot so mubauba
sahat tu haroro ni Jesus Kristus na paduahalihon. Jala ganup na porsea, na
marsihohot di hata ni Debata, Barita Nauli i , ido hangoluan dohot hasangapon
ni Kristus saleleng ni lelengna. Ima pusat ni sihirimon ni nasa na tinompa i, umbahen
didok: “Laho ma hamu, baritahon hamu ma Barita Nauli i tu nasa na tinompa
(Mark.16:15). Ganup na hot jongjong/marsihohot di bagabaga ni Debata, marsihohot
di poda ni Jesus Kristus, i do dihaholongi, diapuli jumpa manaon sitaonon dohot
pangunjunan laho pahothon panghirimon na mangolu di dirina, huhut margogoihon
rohanta asa hobas tu nasa ulaon na denggan sahat ro di ujung ni ngolunta be di
portibi on (Pangk.2:10). Amen.
