Bahan Jamita Evangelium Minggu Septuagesima, 1 Februari 2015

Jesus Mangajari, Huhut Pabalihon Tondi Na Hodar

Markus 1 : 21 – 28

    a.       Dijolo ni turpuk on naung dipatorang do taringot tu pernyataan ni Jesus di angka siseanNa na pinillitNa i : “Dung i bahenongku ma hamu gabe sijala jolma. Diondolhon Huaso ni Jesus do membentuk masa depan ni angka siseanNa ditangan ni Jesus. Dibahen Jesus do nasida sisean i gabe ulaulaNa laho marhobas ditonga ni jolma, masyarakat, bangso nang portibi on. Dijou do nasida gabe sijala jolma sian sijala dengke; ia dengke na mangolu di aek laut nang di aek tao nang di aek sunge na manggombarhon haholomon ni portibi on (maut; kebinasaan); dengke na manggombarhon angka jolma i asa ditangkup, dijala, diselamatkan tubagasan Harjaon ni Debata. Ingkon toguon nasida do sude jolma nang diluat dia pe so pola marnida bohi, sian sandok luat, houm dohot marga dohot sian sandok parhataan. Jala ingkon sahat boanon ni angka siseanNa sude na tinogu i tu haimbaruon, sian bangko dohot parngoluon na golap di na robi (haholomon ni tao) tu pangalaho dohot parngoluon na tiur dibagasan Harajaon ni Debata. Mamereng siulaon na mansai bidang situtu, boi do bobonosan roha ni angka sisean i, jala boi gabe sumurut ala ndang tolapsa mangulahon i. Alai naeng do pos roha ni angka sisean i di huaso ni Jesus, ido umbahen so pola marsidalian nasida mangihuthon Ibana.

    b.      Hasosonggop Harajaon ni Debata dipatuduhon Jesus do i marhite angka tanda tanda. Sada sian tanda i, ima hababali ni tondi na hodar na sai manggosagosa jolma i. Tangkas do dihatahon Jesus paboa na sarahutan do hababali ni tondi na hodar tu hasosonggop ni Harajaon ni Debata. AI didok do; “Alai molo Hupabali angka tondi na hodar marhitehite tangan ni Debata, naung songgop ma Harajaon ni Debata tu hamu” (Lukas 11: 20). Tutu marragam do tanda i, isarana hamamalum ni angka sahit, haheheon ni na mate gabe mulak mangolu, dohot angka na asing i, alai holan tanda sambing do i. Ndada syarat mutlak i, ai asing do hajongjongan ni tanda sian hajongjongan ni syarat mutlak. Syarat mutlak ndang boi so ingkon adong asa gabe sah haroroan  ni na mamboansa, alai molo tanda adong do na tinuduna. Ndang tarsirang syarat sian diri ni na mamboansa, alai tanda sai na sirang do sian diri na mamboansa. Ndang jadi pahusoron hajjongjongan ni tanda gabe dos dohot syarat. Ingkon manat do hita lumobi di angka ari parpudi on. Adong do deba na manggoari dirina huria mamodahon ingkon boi do huria patupahon angka tanda halongangan, isarana manangiangkon na marsahiht asa malum, ipe asa tarjalo huria i songon huria na sintong, hapapatar ni Harajaon ni Debata. Molo so margogo angka naposo ni Debata patupahon angka tanda-tanda halongangan, ndang na sintong i naposo ni Debata na sinonggopan ni Tondi Parbadia, ninna nasida. Nunga dipasamak poda na songon on lapatan dohot hajongjongan ni tanda tu lapatan dohot hajongjongan ni syarat. Nunga dibahen tanda gabe syarat. Ihut tusi, talpe ma jolma i madabu tu pangunjunan, i ma gabe porsea tu tanda ndada porsea tu na tinudu ni tanda i, ima Jesus Kristus. Alai ndang jadi dohononta na so ringkot angka tanda i, ringkot do i.

     c.       Mangajari, ido dalan dipatupa Jesus laho pajongjonghon dohot pararathon Harajaon ni Debata, gumodang do panghorhon dohot parbue ni na niula ni Jesus marhite na mangajari sian na marjamita. Ai marhite na mangajari dapot ma pangalaho na masisungkunan, masipatangkasan. Adong tingki di angka na niajaran i laho pabotohon pingkiran dohot haporseaonna; i ma na ginoaran dialog di tingki na parpudi on. Jala holan marhite dialog do boi hhot jongjong jala togu marurat hasintongan i di roha ni jolma, ala tangkas diantusi jala dihaporseai. Pangajarion d dalan ni Jesus, jala jotjot do ibana digoari guru. Sian mulai na papungu angka sisean sahat ro di na manopot angka huta, ulaon ni guru pangajari do dipatupa Jesus. Ihut tusi, digoari angka sisean i do ibana guru. Ndang dijua, dijangkon do pandohan ni angka sisean i (Joh.13: 13). Suang songon i nang si Nekodemus, Parise i, digoari do ibana guru na ro sian Debata, na so adong manang ise pe na tuk patupahon songon na binahenNa i (Joh.3:2). Laos i do didok di ayat 21, dibongoti Jesus na ma parguruan ni halak Jahudi manang Sinagoge laho mangajari di tingki ari Sabbat.

     d.      Marasing do poda dohot cara ni angka siboto surat manang patik tu poda dohot cara ni Jesus laho mangajari. Ia poda ni angka siboto surat manang patik tarsurat do i di buku ni si Musa na lima i, jala cara nasida mangajarhon i, ima indoktrinasi (parenta sambing). Impola ni pangajarion nasida ima Legalisme manang mangondolhon hukum sebab-akibat. Molo diulahon ho on, ba songon on ma upana dos ma i positip manang negatip> Mansai rongking do sebab-akibat i dibahen nasida. Alai poda na niajarhon ni Jesus, poda na imbaru do (ay.27), asing sian poda na niajarhon ni angka Parise i. Aha ma i? I ma Harajaon ni Debata rap dohot ruhut (etika) hangoluan di angka ruas ni harajaon i. Cara ni Jesus mangajarhonsa; ima mengatasi masalah (problem solving) ni na niadopanNa manang na niajaranNa. Ndada holan di hata (retorika) sambing songon na pinatupa ni angka siboto patik, na pola sahat ro di mambahen surat jolma i, alai ianggo nasida tung so olo do mangurupi nang marhite gogo ni sada jarijari sambing (Luk.11:46). Na niondolhon ni Jesus di pangajarionNa i ma Barita na Uli songon na tarsurat di Lukas 4: 18-19. Barita na Uli ima hagogoon ni Debata laho manesa dosa, mangalehon haluaon, pamalum angka sahit, dohot lan angka na asing dope, na mambahen jolma i soratan jala maheu ala  ni dosana. Alai adong dope apala na umbalga hasurungan ni pangajarion ni Jesus i. Didok di ayat 22, “Laos angka na di Bagasjoro i do manghatindanghonsa, ai marsahala do pangajarionna di nasida. Ndada songon pangajarion ni angka sibotosurat. Ndada aleale ni Jesus manang sisean i na manghatindanghonsa, ndad na mambuat roha nasida, alai tung sian roha na ias do panindangion nasida i. Boasa didok marsahala? Parjolo: Ndada na niapilNa manang parbinotoanNa i, alai tung sandok ngoluNa do isi ni pangajarionNa. Ia guru na marsahala i ma guru na rade mamelehon dirina, ngoluna laho manghophop dohot paluahon angka na niajaranna. Ala ni i panghophopon na i do gabe dapotan ngolu na imbaru angka na niajaranna. Muba ma angka na niajaran ni Jesus di bagasan turpuk on. Na ginosagosa ni tondi na hodar gabe malua, hisar, merdeka jala bebas. Situan na torop i gabe dohot manghatindanghon na sintong, didok nasida. “Poda na imbaru”. Na so dung masa atik pe mansai godang na manggoari dirina be guru di tongatonga nasida. Paduahon, ndang adong sahalak pe na tuk manual podaNa i. Tarjalo angka na umbegesa do hasintongan na niajarhon ni Jesus i. Ai guru na gok hasintongan dohot asi ni roha do Jesus i. Ndang tarsirang hasintonganNa sian asi ni rohaNa. Ndada dihuphupi manang disolukhon asi ni rohana hasintongan ni Debata, manang sebalikna. Ndang jadi mago hasintongan ala asi ni roha manang asi ni roha ala hasintongan. Ingkon rap adong do i duansa, laos i do jumpangta dibagasan diri ni Jesus. Mardalan do hasintongan ni Debata, i ma uhum hamatean tu pardosa. Jesus do siangkatta tu hamatean i. Asi ni roha ni Debata do tu hita pardosa asa unang bongot tu hamatean saleleng nilelengna. Ala ni i, ditongos ma Jesus Kristus na gabe hapapatar ni asi ni rohana i. Ia guru na marsahala ima guru na digohi hasintongan dohot asi ni roha ngoluna. Patoluhon, sisada panghilalaan do guru i, dohot na niajaranna (empati). Songon dia hansitna pangontak ni sitaonon ni na ginosa ni tondi  na hodar i, songon i ma pangontak  na panghilalaan ni Jesu;kjs. Ndang adong parholangna. Tung ala ni empati i do umbahen na tangkas cara dohot pambahenan ni Jesus tu na sinonggopan ni tondi na hodar i. DI haradeonNa gabe sisada sitaonon dohot angka na hansitan, disi do ojak sahala ni pangajarionNa i.

     e.      Na mangae do halak na ginonggoman ni tondi na hodar i. DI ayat 23 didok mangangguuhi. Ndada holan na mago rohana, alai digosa tondi na hodar i do ibana pola sahat ro di na mangangguhi. Songon i ma ngolu ni halak na ginonggoman ni hagogoon na asing. Konflik batin, manang masirapusan dibagasan rohana. Adong dua hagogoon na masiroroan, Boasa? Ditanda ibana do hasintonganna ise na ro manopot ibana. Diboto do mandok: “Jesus na sian Nasaret, nabadia ni Debata. Tangkas do partinandaaan dohot parbinotoanna. Ndada jolma na somal na niadopanna i, na tinongos ni Debata do i. Na badia, lapatanna na khusus, na marsintuhu, asing sian hasomalan na masa. Nabadia ni Debata do Jesus i, lapatananna na khusus siann Debata, ditongos Debata tu ulaon khusus. Sasintongna apala tu na hansitan na di turpuk on do kekhusussan ulaon ni Jesus i. Alai dipihak na asing, balik muse do didok tondi na jahat i. “Marhua Ho tu hami! Na ro do Ho hape mangago hami?”. Di na sabagian, diboto do Jesus sian Nasaret, nabadia ni Debata. Alai suhar na binotona i do muse dituduhon tu Jesus i, ai didok na mangago haroroNa. Maralao do parbinotoanna tu panjanghonna. Tu partinandaanna tu kebutuhanna. Songon i ma ngolu ni jolma na sinonggopan  ni sibolis. Ai diboto sibolis i do mandok Jesus Anak ni Debata, alai sikapna manulak manang mangunjuni (Mat.4:3). I ma halak na mardua roha. Didok si Jakobus do; “Sai na gaor do dalan ni halak na mardua roha (Jak.1: 8). Mardua roha, i ma panahit ni jolma na gumodang di  ombas on. Asing dihatindanghon hombar tu haporseaonna, asing muse diulahon asal ma dapotan ibana. Jotjot do panindangion  i maralo manang suhar tu pangulahonon. Manang beha pe dipatupa laho manghuphupi hagogoon na masirapusan na dibagasan rohana i, alai na torang ima panghorhonna. Ndang boi so marsahit angka jolma sidua roha.

     f.        Torang do sikap ni Jesus tu angka jolma na ginonggoman ni sibolis, na mangae konflik dibagasan dirina. Ndang dialomohon Jesus digosa angka tondi na hodar jolma i. Di bagasan turpuk on, songgak songgak do dibahen laho pabalihon sibolis i. Cara na somal do on dipatupa Jesus, jala na naeng patuduhononna i ma na so olo toleran Jesus tu hagogoon ni sibolis. Ingkon pasohotonNa nasa hagogoon ni sibolis, tondi na jahat i. Marhite songgak songgak dibahen Jesus, gabe malum panepane ni simatua boru ni si Petrus (Luk.4: 39), suang songon i do nang laho pasohothon alogo na gogo di tao (Mat. 18: 26). Ndada ganup tongkin Jesus manonggahi, alai jolo tangkas do diboto  situasi dohot ombasna. Tujuanna pe torang do, i ma laho paluahon jolma i sian hagogoon na mambahen mabiar. Ai asi do rohana mamereng angka jolma na ginosagosa ni hagogoon nisibolis i. Ndang dihalomohon Jesus marharajaon tondi na hodar di ngolu ni jolma i. Laos adong do nang sada metode konseling na ginoaranna metode konfrontatif tangkas mangalo hagogoon na manggomgom jolma i. Alai naeng ma tangkas parbinotoan dohot keterampilan ni parmahan i laho mangulahon metode konfrontatif on. Diboto nang situasi dohot ombasna, asa unang adong be dalan ni tondi na hodar i mangalo manang di bahasa Indonesia didok: “Menggoncang-goncang orang itu, sambil menjerit dengan suara nyaring, keluar dari padanya”. Alani songgaksonggak ni Jesus i gabe suhar ma na masa i. Andorang so i, tondi na hodar i do mangasupi Jesus, alai dunghons disonggak, gabe tondi na hodar i ma marsoara na gogo lahor haruar.

    g.       Manghorhon panindangion na imbaru do pangajarion dohot pambahenan ni Jesus i di angka na manangihon dohot mamerengsa. Masisungkunan ma sama nasida, na beha do on. Alai dapot ma panimpulina, poda na imbaru do on. Dia ma i? boi dipaksa tondi na hodar mardongan sahala tunduk do nang tondi na hodar tu sahala pangajarion ni Jesus. Ianggo hasomalan ni Jahudi, ndang apala adong na olo mangantoi jolma na songon on, jala ndang pola somal jolma na songon on dohot tu loloan. Sai dipasiding situan na torop do jolma na songon on. Alai ianggo Jesus i, diantoi do ibana, dipabali tondi na hodar i, gabe hipas ibana di ombas i. Hagogoon ni Debata laho patundukkhon tondi na hodar i, ido apala na rumingkot. Jadi ndada holan hamamalum ni sahhit ni jolma i. Debata do na naeng tarbarita, jala apala i do na parjolo sahali. Ihut tusi nang haluaon ni jolma na ginosa ni tondi na hodar i.

     h.      Ndang tarbahen so rarat barita taringot tu pambahenan ni Jesus i. Ndang adong hagogoon na tuk mangambatisa, jala ido tanda paboa naung bangkit raja Debata gumonggom langit dohot tano on, ro disandok isina. Tutu sai adong do hagogoon na manguji mangambati hararat ni Harajaon ni Debata. Sipata sai songon na marnangkok tuat do pardalanna. Hinorhon ni i, ndang tarbahen so lulu lulu manang sungkunsungkun roha ni jolma i. Alai na torang, molo dung dipajongjong Debata Harajaon ni portibi on, Ibana Pargogo na so hatudosan, ndang tarbahen so saut na sinangkapanNa. Sipata, sian angka na tinagam hian marhobas gabe parsidohot pajongjonghon angka tanda tanda Harajaon ni Debata, ndang dapot hita. Baliksa, olo do nasida gabe pangambati hararat ni Harajaon i. Sipata sian na so tinagam, puas do panindangion na sintong laho mambahen rarat Barita Na Uli i, songon na masa dii turpukta on. Didok, gabe sar ma baritana tu sandok luat Galilea. I ma na patuduhon na so tarambat agia aha pardalan ni Barita Na Uli, asi ni roha dohot hasintongan ni Debata. AI Ibana do Raja situtu jala na manongtong. Manang na beha pe gogo ni sibolis i, nunga dipatunduk Jesus i. Ala ni i angka siihuthon Kristus na be mabiar di pardalanan ni ngoluna, sai marhamonangan do ngoluna jala margogo ala sai Kristus i do na mandongani ibana (ptds. II Tim. 1:7; Joh.16:33). Amen.

Bahan Khotbah Evangelium Minggu III Dung Epiphanias, 25 Januari 2015

Dipelihara Allah Seperti Biji Mata

 Mazmur 17: 8-15

     a.       Coba kita lihat keistimewaan bambu; mengapa bambu tidak tumbang atau patah batangnya ketika diterpa badai atau angin topan ? Apakah karena akarnya dalam ? bukan! Akar pohon pinus lebih dalam. Apakah karena batangnya kuat?  Juga bukan! Pohon ek dan jati lebih kuat batangnya. Kalau begitu apa sebabnya bambu bisa bertahan terhadap angin kencang? Rahasia ketahanan bambu terhadap angin kencang terletak pada sikapnya. Ketika diterpa badai, pohon-pohon lain berdiri kaku dan tegak seakan-akan menangtang kekuatan angin. Akibatnya ranting dan batangnya bisa patah. Sebaliknya bambu justru merunduk dan menunduk. Bambu membiarkan diri diarahkan oleh tiupan angin sampai bermiring-miring. Batang bambu bersifat lentur, yaitu bisa berlekuk atau melengkung. Sifat lentur itu menyebabkan pohon bambu mampu bertahan dalam badai dan topan. Sifat lentur itu memulihkan kembali sikap tegak bambu setelah badai berlalu. Pohon lain berkonfrontasi terhadap angin, padahal bambu beradaptasi. Itu bukan berarti bahwa bambu menyerah pada angin. Ia justru bertahan, akarnya tetap berpegang pada pijakannya. Bahkan akarnya justru jadi kian mendalam. Badai justru membuat pohon bambu menjadi lebih kuat.

    b.      Agaknya kita bisa belajar dari bambu; bukankah kitapun bagaikan pohon yang sewaktu-waktu diterpa oleh badai dalam bentuk berbagai persoalan, kesulitan dan penderitaan ? Apa sikap kita menghadapi terpaan angin yang kencang? Apakah kita menangtang dan melawan angin seperti pohon-pohon lain ? Bisa jadi kita akan patah, tumbang. Ataukah kita bersikap lentur seperti pohon bambu, yaitu merunduk dan menunduk sampai termiring-miring sekalipun?  Dengan sikap itu kita bisa bertahan dan kemudian pulih kembali. Sifat lentur yaitu berkeluk dan melengkungkan diri adalah rahasia untuk bertahan. Sepanjang hidup berbagai persoalan, kesulitan dan penderitaan datang menerpa kita. Kristus menyuruh kita bertahan. Kepada para rasul ia bersabda, “Kalau kamu tetap bertahan, kamu akan memperoleh hidupmu” (Luk. 21: 19). Pengarang anonim surat Ibrani pun menulis tentang “bertahan dalam perjuangan yang berat” (Lih. Ibr.10:19-39).

   c.       Demikian halnya dalam perikop Mazmur ini, yaitu Mazmur Daud yang meratap akan penderitaannya. Kebencian yang ada di dalam hati Raja Saul, mengakibatkan ia melakukan tindakan-tindakan yang yang jahat kepada Daud. Kebencian di dalam hati Saul kepada Daud bermula ketika Daud berhasil mengalahkan Goliat dan Daud di songsong dengan nyanyian yang lebih meninggikan nama Daud, 1 Sam. 18:6-9. Ketika Saul membiarkan kebencian, dendam menguasai hati dan pikirannya, maka ia pun melakukan tindakan-tindakan yang jahat, licik. Seperti: Saul menombak Daud, Saul memberikan putrinya kepada Daud untuk menjadi umpan, Saul mengejar Daud dengan menyerahkan pasukan Israel yang seharusnya untuk menyerang orang Filistin, Saul membunuh para imam di Nob karena menolong Daud. Bukan hanya Daud saja yang hendak dibunuhnya, bahkan seluruh keluarga imam Abimelekh yang berjumlah 85 orang yang pernah menolong Daud pada masa pelarian, akhirnya ikut dibunuh oleh Saul (1 Sam 22:18-19). Saul terus mengejar dan ingin membunuh Daud.Saul lupa bahwa Daud telah membantunya untuk membunuh Goliat. Dalam saat2 pengejaran Saul kepada Daud, Daud mempunyai dua kali kesempatan untuk membunuh Saul, pertama di En-Gedi (1 Samuel 24) dan kedua di Bukit Hakhila di Gibea (1 Samuel 26).Akan tetapi Daud menolak untuk membunuh raja yang diurapi oleh Tuhan. Kedua peristiwa ini sebenarnya adalah peringatan Tuhan kepada Saul akan tingkah lakunya yang tidak beres itu. Saul memang pernah berkeinginan untuk bertobat (1 Sam 24:16-19; 26:21-25), akan tetapi yang menyedihkan setiap kali Saul bertobat, hal itu tidak bertahan lama. Hatinya tidak dapat berubah sungguh2, karena iri hatinya telah menguburnya dan rohnya pun telah dikuasai oleh Iblis.

    d.      Kita belajar dari Mazmur Daud ini; ia bak sebuah bambu tadi; ia bertahan menghadapi terpaaan badai persoalan itu, ketika badai persoalan itu menerpa ia menancapkan akar imannya kepada Tuhan saja. Tuhan menjadi satu-satunya tempat untuk mencari perlindungan dan keselamatan. Ia datang menghadap Tuhan di Bait suci (kenisah) dalam doa permohonannya kepada Tuhan . Pemazmur mengungkapkan bagaimana Tuhan sanggup untuk memelihara menaungi hidupnya seperti biji mata dan seperti naungan sayap. Seperti yang tertulis dalam Zakaria 2: 8b “Sebab siapa yang menjamah kamu berarti menjamah biji mata-Nya. Permohonan yang disampaikan pemazmur menyatakan bahwa hanya Tuhanlah yang akan memberikan ketenangan dan perlindungan dalam kesusahan seperti yang dikatakan Yesus dalam Matius 23: 37"Yerusalem, Yerusalem, engkau yang membunuh nabi-nabi dan melempari dengan batu orang-orang yang diutus kepadamu! Berkali-kali Aku rindu mengumpulkan anak-anakmu, sama seperti induk ayam mengumpulkan anak-anaknya di bawah sayapnya, tetapi kamu tidak mau”.

    e.      Dalam situasi pergumulan yang dihadapi pemazmur ini kita dapat belajar, bahwa walaupun ia menyatakan diri yang hidup sesuai dengan firman Tuhan, namun pergumulan hidup pasti ada, tetapi Tuhan adil yang mengenal setiap langkah dan laku manusia. Ada peribahasa Batak mengatakan: “Sitongka pajolo gogo, papudipudi uhum” yang arinya adalah: jangan sekali-kali mendahulukan otot dan mengabaikan hukum”. Pernah ada suatu kejadian penghinaan seorang bapak terhadap istrinya, dengan perkataan yang pedas dan menghina, dan pada saat kejadian didengar oleh anak laki-laki mereka yang sudah remaja. Anak tersebut tidak tahan mendengar ocehan dan caci maki ayahnya itu, dan dengan spontan ingin menghajar ayahnya dengan benda keras, namun dengan sigap sang ibu melarang dan m enasehatinya: “Jangan kamu melakukannya, biarlah Tuhan yang membalaskannya, sebab kuasa Tuhan lebih hebat dari kuasa manusia”. Artinya saudara-saudara yang terkasih kita diingatkan, bahwa seberat apapun bentuk persoalan dan pergumulan yang kita hadapi dalam hidup ini, tetap kita harus kembali kepada dasar iman kita kepada Tuhan. Sebagaimana diungkapkan oleh pemazmur; bahwa orang fasik dapat puas dengan apa yang dalam hidup ini, tetapi kepuasan orang yang hidup dalam kebenaran adalah dapat melihat rupa Tuhan. Kenikmatan dan kepuasan serta sukacita orang percaya bukan datang dari dunia ini, tetapi ketika memandang wajah Tuhan. Amin.

Bahan Jamita Evangelium Mingggu II Dung Epiphanias, 18 Januari 2015

Pasangap Hamu Ma Debata Marhitehite Dagingmuna

1 Korintus 6 : 12 – 20 

     a.       Surat 1 Korintus, ima surat na tinongos ni Apostel Paulus tu huria Korint di tingki pardalananna na paduahalihon laho mamaritahon barita na uli (Ulaon AP.18:1-7). Disurathon sian luat Epesus hirahira taon 50 ndung Kristus. Ia luat Korint on i ma pusat perdagangan, kota pelabuhan na mansai torop diebati angka bangso, jala kota na mansai ringkot situtu di Timur Tengah. Ia parngoluon nasida sian na martigatiga (perdagangan) do), jala marhitehite i do umbahen na  mamora situtu nasida. DI luat Korint on godang do na marharoroan sian angka bangso na marragam. Ala ni i mura do nasida manjalo hamajuon. Ala ni hamoraon dohot hamajuon on gabe godang tubu angka hadosaon diula nasida, lumobi ma i pengaruh ni ugamougamo hasipelebeguon na adong, na bersifat sexual. Ala naung mansai godang dosa pangalaosion diula nasida, dibahen i do Apostel Paulus manongoshon suratna on. Mansai ragam do dosa pangalaosion na diula nasida. Masa do ditongatonganasida parbolatbolaton, na mambahen tubu angka horonghorong (kelompok). Ndang didalanhon nasida angka ruhutruhut manang aturan na masa ditongatonga ni huria i, holan na mangalului parbadaan dohot parkaro do nasida tongtong, paotootohon (patubu hata na so toho). Marhite suratna on ro do Apostel Paulus manuktuhi rohanasida, asa unang be diulahon angka dosa. Ndang lomo roha ni Apostel Paulus marharajaon dosa di ngolu ni jolma. Dibagasan i tongtong do dipataridahon Apostel Paulus holong na tu nasida “Songon ama tu ianangkonna”.

    b.      Dijolo ni turpuk on dipatorang do taringot pangalaho ni halak Kristen di luat Korintus, adong ditongatonga nasida na marparkaro dompak donganna gabe hum Apostel Paulus mangido uhum tu halak sipargeduk, jala ndang tu angka na badia. Dipatorang Apostel Paulus do, asa molo tung adong pe parkaro ditongatonga nasida, unang diboan tu angka na so tumanda Debata (sipargeduk). Dipasingot Apostel Paulus do nasida asa mangihuthon poda ni Tuhan Jesus songon na tarsurat di Mateus 15: 17. Molo ndang diula nasida i gabe uhumon ni angka na porsea (na badia) raphon Kristus do nasida sogot. Nang pe boi nasida deba monang di parkaro na binoan tu sipargeduk i, jaloon nasida do panguhuman songon balosna, ala ndang diulahon nasida hata ni Debata. Dumengganan doo hita agoan hepeng manang arta, unang apala magoan dongan sahaporseaon. Diorai Apostel Paulus do nasida, asa unang manuntut dongan Kristen dijolo ni pengadilan manang hakim. Angka parkaro na adong ditongatonga nasida ingkon do dipahantus angka namarroha na adong ditonga ni huria i.

    c.       Tamba taon dohot hamajuon, boi do lam tamba nang pangalaho na hurang denggan dohot hamaolon ni ngolu. Jotjot ditongatonga ni parngoluonta, hurianta, jabunta adong parkaro manang parsalisian. Jotjot parbolatbolatan i mambahen gabe marsirang angka na mardongan manang na sahaporseaon. Doshon tusi do turpukta on, na manosoi taringot tu haringkoton ni ngolu hasadaon na tutu jala na polin dibagasan Tuhan i. Hasadaon na niondolhon ni Apostel Paulus on, ima paloashon dirina manang pamatangta on jala sude panggulmiton ni ngolunta mardomu dohot Tuhan i. Asa halak na olo pasaorhon dirina tu Tuhan, gabe sada Tondi do i dohot Ibana. Ai ruas ni dagingNa do hita disi (ptds. Eps.5:30). Sada hasadaon dohot Tuhan i, ima molo taparateatehon angka na nidokNa. Lapatanna marguru tu Ibana sude nasa na taulahon dohot na tahobasi. Molo marbariba pangalonta dohot pambahenanta tu soara ni Tondi i, ndang tagamon boi jumpang hasadaon i di hita. Masitundalan do ngolu sisongon i. Beha ma tarbahen ni boruboru na jahat na sai holan paulaula hisap ni dagingna (harorangon) mardomu tu hasadaon ni Tondi ni Tuhanta i. Ai ndang adong parjumpangan angka ulaon na rotak, na geduk tu habadiaon ni Debata.

     d.      Argahon dirim, ido apala na tangkas naeng lumbahonon ni turpuk on. DI 1 Korint.3:16, didok do: “Joro ni Debata do hamu, jala Tondi ni Debata maringan dibagasan hamu”. Dibahen i ndang jadi siranghonon ni jolma dagingna dohot Debata, alai ingkon pasahathonna ma dagingna bahen pelean na mangolu, na badia, na hinalomohon ni Debata (ptds. Rom 12: 1). Ndang ahu, ndang ho, ndang hita saluhutna nampunasa daginta on, Debata do nampunasa (ay.19). Antong ala so hita nampunasa daging on, andorang so ro na umpunasa i mangalap jala mambuatsa, tapaias jala taradoti ma dirinta.  Asa arga hita dijolo nampunasa hita. Jala asa marhite i boi tapajongjong tanggungjawab silehonlehon i.

     e.      Nunga dipaias hita marhite mudar ni Kristus i, ima na patuduhon mansai arga do hita diadopanNa, ndnag na gabe marisuang hita na tinompaNa i. Sian panobusion ni Kristus dihita halak pardosa dohot marhite haheheonNa sian hamatean, ima sada jaminan di hita asa unang be ganggu rohanta nang haporseaonta; jala mangonjar rohanta laho manghormati pamatangta on. Ndang hita nampuna pamatangta on alai Ibana do songon na tarsurat di  B.E. No. 150 NDANG AU NAMPUNA AHU BL. 125;

 1. Ndang au nampuna ahu Hulehon diringkon;Tu Tuhan i Rajangku Sigomgom tano on; Ai dibagasan Jesus au Diida Debatangki Na pasonangkon au.

2. Ndang au nampuna ahu Dung mate Jesus i; Dihophop do tondingku Disesa dosangki; Tongtong ma hupasahat au Mangunduk tu Tuhanku Na lambok roha i.

3. Ndang au nampuna ahu Dung na tardidi au; Di goar ni Tuhanku Na mangulosi au; Naung domu au tu Jesus i Rap dohot huriaNa GinomgomanNa i.

4. Ndang au nampuna ahu Ndang tarhasiphon au; Sai Jesus do artangku Ndang be maila au; Torop pe manginsahi au Direhe pe Tuhanku Sai Jesus do di au.

5. Sai i do dohononku "Ndang au nampuna au"; Sai Jesus tioponku Paima sahat au; Ndang lupa au di Jesus i Paima tos hosangku Ai sonang au disi.

Ala ni i tajaga ma ngolunta dirinta nang pangalahonta sian harorangon, naeng ma fokus roha nang haporseaonta di Jesus Kristus marhite tangiang nang elekelekta tu Ibana asa diramoti hita. Tapasangap ma Debata marhitehite dangingta. Amen.