Jesus Kristus Manguluhon Hita Ro Di
Salelenglelengna
(Yesus Kristus
Pemimpin Yang Kekal)
Heber
13: 7 – 17
1.
Huria
ni Tuhanta na hinaholongan dibagasan Jesus Kristus, Dipangujungi ni surat ni si
Paulus sian penjara Roma tu halak Heber, ima Kristen na sian marga Israel,
dohot Kristen na sian bangso sileban naung marserak hinorhon ni jorbut ni
pangaleleion parjolo, pinarentahon ni si Nero mulai sian taon 62-68 N. Nunga torop
na marbalik sian haporseaon ala ni pambebeon I, angka na so Manahan
dipaporsukporsuk arian dohot borngin. Torop do na nihurunghon si Nero, na so
olo mansoadahon haporseaonna di Tuhan Jesus Kristus sahat tun a mate martyr. Ala
ni haporsuhon na songgop tu angka na porsea (Kristen) I, ditongos si Paulus ma
suratna tu angka na marserak I laho patoguhon haporseaon nasida dohot
paingothon angka na ganggu roha asa lam marsihohot manghajongjonghon dohot
manghatindanghon haporseaon dohot panghirimon di Tuhan Jesus Kristus sahat ro
di na mate.
2.
Dihahomihon
si Paulus do goarna di suratna na tu halak Heber on, marningot sogoni roha ni
bangsona, Jahudi na so marhatopothon ibana Apostel ni Jesus Kristusn a tutu
sian mulana, asa unang ditulak halak Jahudi naung marserak I sipaingot/podana
na parpudi on tu nasida; songon isi ni surat nis I Pantaneus tu sikola Alkitab
na di Alexandria, dohot si Clement, sian Alexandria, Mesir + 150 M
(Heb.10:34-38; 10:30; 13:18-25- Patds. 5 Musa 32:35; Rom 12:9; Hebr.13:3; Kol
4:18; Hab.2:4; Gal.3:11,15-17; Hebr.12:22; Psl.8-9; Gal.4:26; Ul.8:1-2; 2
Ptr.3:15-16.
3.
Di
taon 64 M lam porsuk ma pangaleleion tu halak Kristen di sandok propinsi
jajahan halak Romawi, pinarentahon ni Kesar Nero, sahat tu Asia na metmet
(Turki), Eropa, Timur Tengah (Palestina, Iran-Irak/Mesopotamia. Alai dihurungan
do si Paulus dohot si Petrus rap dohot torop halak Kristen na setia, na dijaga
tentara Romawi arian -borngin dohot ketat (ptds. 1 Ptrs.1: 1 -10). Nunga torop
na marbalik sian haporseaonna hinorhon ni haporsuhon bolon i. Lumobi dung
ditutung si Nero Kota Roma tgl.19-24 Juli 64 M lahopagasiphon sandok halak Kristen i. Masa ma na masigasipan, ai
torop do dongan Kristen naung marbalik I gabe pagasiphon donganna Kristen tu
halak Roma, ala impolan di arta. Torop do halak Kristen na mamora jala setia tu
Tuhan Jesus di tingki I na tartangkup laos dihurungkon. Ia I na padapothon
nasida tu halak Romawi, nasida ma muse na manean artana dohot angka sinamotna.
(ptds. Hebr 6: 4-6, 7-20).
4.
Alai
sahat do barita I tu angka na dihurungani, tu si Paulus dohot tu si Petrus,
jala disungguli Debata ma rohanasida laho paingothon Kristen na naung marserakk
I, atik pe ingkon martabunitabuni angka na porsea I mamboan dohot manjaha surat
ni Apostel ni Tuhan i. Di paingot si Paulus do angka na porseai, lumobi na sian
bangso Israel (heber) mandok: " Ikuti Kristus, tetapi jangan
sendirian".
6.
Adong
ma tolu bagian nab oi parsiajaranta sian turpuk on ima:
a)
Pertama,
Dijou do hita asa: Marningot angka na manguluhon nasida. Ganup ianakhon manghaporluhon tiruan sian natorasna, songon I
angka jolma nang tarlumobi angka na porsea i. Jala Kristus do role model na
sempurnah na so maruba sian na jolo, nuaeng ro di saleleng ni lelengna.
Keteladanan nai kasih, haholongan na sian Tuhan Jesus dibuktihon sahat tu ujung
ni ngoluNa. Ala ni ina tarjou do hita halak Kristen I asa marngolu songon
Kristus I (Imitatio Christi). Dibagasan parngoluon siganup ari, ringkot do di
hita angka uluan di haporseon na patuduhon integritas dohot loyalitas sahat tu
ujung ni ngoluna. Molo didok “ujung ni ngoluna” ima na patuduhon partingkian nab
oi nidalanan dohot satia jala konsisten dohot hasil na memuaskan. Angka nasida
na targoar tokoh iman naung mambuktihon na boi do nasida paujunghon panjouon ni
haporseaon I dohot denggan (finishing well). Ala ni I ma parngoluon nasida gabe
inspirasi, nab oi mangalehon motivasi, dohot manjou hita laho mangihuhton
bogasna i. Naeng ma sude angka na porsea I marnngot na manguluhon nasida tu
dalan hangoluan I, na mamaritahon Barita Nauli dohot na marmahani tondi nasida
di bagasan Tuhan I, I ma angka na mamelehon dirina, tingkina, gogona dohot
hosana humongkop donagn sahaporseaon, I ma na tutu situtu tarjou, tarpilit,
jala disuru Tuhan Jesus Kristus laho marmahani dohot paingothon huria ni Debata
dohot Kristus Jesus. Parmahan na tutu I do na mamelehon dirina jala na tongtong
rade mansoadahon diri laho marhamaolhon na pinarmahanna, na pinasahat ni Debata
tu pangaramotionna, songon si Ambrosius, bishop na di kota Milao, Italy Rupani.
Na so mabiar mamincang angka pardos ani onjar ni holong ni Rohana. Namanogihon
si Agustinus tu Tuhan Jesus Kristus marhite na paubahon Rohana na jahat/na
jogal i.
b)
Napaduahon,
dipaingot do hita, na taihuthon ima pusat nihaporseaonta dibagasan Krisus
Jesus. Na maralo do angka sundut ni portibi on. Songon I angka raja dohot
pemimpin ni bangso dohot huria na di tano on. Ia dung mangolu nasida jala
mangarajai sangombas, jala dijalo do upana be andorang mangarajai/manguluhon
angka nasida, dung I tartutup ma pint utu nasida saleleng nilelengna, dung mate
be. Alai ndada songon I anggo Jesus Kristus, Raja ni Huria I, na
manguluhon/memimpin bangsoNa, I ma angka na porsea sian sundut tu sundut, hot
do IbaNa saleleng nilelengna. Ia songon I hadirionNa, parrohaonNa, hataNa na
robi, suang songon I do sadari on, marsogot ro di saleleng ni lelengna.
c)
Jala
napatoluhon ima; manjou hita asa unduk tu angka na manguluhon hita di
partingkian si nuaeng on. Ia tugas ni parjamita na sintong jala na tutu situtu,
ndang sai holan manjamitahon dohot patoranghon hat ani Debata tu ruas ni huria
dohot tu sipelebegu, alai tumangkas ma patuduhon ngolu ni Jesus Kristus di
ngoluna siganup ari. Ai ndada diparrohahon jolma na torop hatana/jamitana sambing,
alai tu parangena/parulaanna I do halak mamereng Jesus Kristus (Ptds. 1
Ptrs.5:1-4). Tu parmahan sisongon I do na nidokna dison. Asa manang ise sian
jolma na naeng gabe pemimpin, naeng gabe raja, naeng uluan ni na torop, ingkon
jumolo ibana dipimpin Jesus Kristus di bagasan TondiNa, asa tau pemimpin na
denggan jala na tutu situtu.
7.
Setiap
kita adalah pemimpin. Namun, apakah kita akan mampu setia sampai akhir hidup
kita? Kita adalah pribadi yang rapuh, tetapi jika kita bersandar pada kuasa dan
anugerah Kristus, kita akan dimampukan untuk setia sampai pada akhirnya. Kita
dipanggil untuk setia dalam setiap perkara dan mengerjakan setiap tugas dengan
penuh kasih dan sukacita. Semua proses sederhana itu pada akhirnya akan menjadi
spiritualitas yang memampukan kita setia sampai pada akhirnya. Dijou do hita,
jala dipadiri, disuru tu portibi on papatarhon Jesus Kristus marhite ngolu
dohot parsaoranta siganup ari songon hataridaan ni pamatang ni Jesus Kristus
jala bangso Ni Debata. Jesus
Kristus Manguluhon Hita Ro Di Salelenglelengna (Yesus Kristus Pemimpin Yang
Kekal) Amen.
