Jamita Evangelium PASKAH I -Parningotan ari haheheon ni Tuhan Jesus, 20 April 2025

INGKON HEHE IBANA SIAN NA MATE

(Yesus  Bangkit Dari Antara Orang Mati)

Johannes 20: 1 - 10

1)    Huria ni Tuhanta nahinaholongan dibagasan Jesus Kristus; SELAMAT PASKAH ma di hita sude. Haheheon ni Kristus sian hamatean ima sada puncak holong ni Debata tu portibi on. Jala haheheon ni Kristus I do pusat ni haporseaon ni Halak Kristen di sandok portibi on. John Irving mandok: Paskah adalah peristiwa utama; kalua anda tidak percaya kebangkitan Yesus, anda bukan orang percaya”. I do ala didok si Paulus di 1 Korint 15: 14; “Ai anggo so hehe Kristus sian angka na mate, rumar ma jamitanami, laos rumar ma haporseaonmuna” (andaikata Kristus tidak dibangkitkan maka sia-sialah pemberitaan kami, dan sia-sialah juga kepercayaan kamu). Molo so adong haheheon ni Jesus, ndang adong haporseaon, ndang adong huria, ndang adong Halak Kristen, ndang adong HKBP, ndang marminggu hita saonnari. Songon I ma sentral ni Paskah I di hakristenonta.

2)    Ganu taon do tapatupa ulaon parningotan ari haheheon ni Tuhan Jesus, nuaeng, aha ma sipeoponta di ari Paskah on ?

Ø  Naparjolo; haheheon ni Jesus  mangalehon panghirimon di hita laho mangadopi hamatean. Taboto do, dungkon madabu jolma tu dosa, hamatean I nama songon “penguasa mutlak” na so taralo, na songon sibaran (Nasib) na so boi juaon. Nasa jolma ingkon mate, ninna endeta i. Hira inama akhir dari totalitas keberadaan hidup manusoia. Hira tembok na so boi timbungan manang boluson. Ala so taralo hita hamatean I, holan partangison, iluilu dohot arsak nama dalanta mangadopisa. I ma na masa tu si Marta on. Sehingga tanpa peristiwa Paskah, maka yang dihadapi oleh manusia hanyalah kesedihan dan penderitaan. Alai haheheon ni Krists I ma nuaeng manerobos dohot mangalengsehon parik ni hamatean I, na bolas pajongjjong harbangan manang dalan sahat tu hatongtongon. Marhite haheheon I, hamatean ndada be ‘inganan parpudi’, manang terminal akhir, alai nunga gabe dalan manang jembatan dohot harbangan laho bongot tu hatongtongon di Banuaginjang. Ala ni I, unang be adong na mabiar mida hamatean i. Alai ingkon marende do hita menyambut I songon si Paulus di 1 Kor.15:54b-57 i. I do ala hea didok sahalak parugamo na asing: “Sada na mambahen ahu kagum mida Halak Kristen I, ima ; nang pe ro hamatean, mampu do nasida marende. Boasa boi hita marende tingki taadopi hamatean ? ima ala adong haheheon ni Jesus na mambahen ndada be hamatean ujung ni langkanta. Ai di 1 Korint.15: 26 didok: “hamatean i do muse na parpudi sipasohotonna” (musuh yang terakhir, yang dibinasakan ialah maut). Nunga be talu, musuh terakhir itu sudah dikalahkan. Ndang sihabiaran be I, alai nunga gabe jembatan (gerbang)I laho masuk tu ngolu na satingkosna, ima hangoluan sisalelengnilelengna rap dohot Jesus. AI haheheonNa I ndada holan secara personal (holan Jesus sandiri), alai I do patumonaan ni haheheon ni sude na porsea di Ibana. Kebangkitan Yesus bukan hanya sekedar peristiwa historis tetapi terutama teologis.

Ø  Napaduahon, Paskah mangalehon di hita kenyataan baru bahwa apa yang tidak mungkin, oleh kebangkitan Yesus menjadi mungkin. Na ro do sisean I tu tanoman i. Di roha nasida, na mate do Jesus i. Nang pe naung piga hali dipaboa Jesus paboa na hehe do Ibana di ari patoluhon, alai ndang masuk tu roha ni sisean i. Ndang mungkin ninna roha nasida do. Sada do kenyataan na niida nasida ima: Nunga mate Jesus I, nunga ditanom, jala kuburan I ditutup dohot batu na bolon situtu. I di kenyataan. Asing ni ndang mungkin. Ala ni I do ro si Maria Magdalena mamboan miak na hushus lahomamiahi bangke ni Jesus na mate do. Alai aha do kenyataan na niida nasida ? ternyata, ndang disi be Jesus. Kuburan itu sudah kosong, alai angka sengka pangalilit I, disi do. Ternyata adong do kenyataan lain. Na so mungkin di roha nasida, gabe mungkin dibahen Jesus. Hamatean, dosa dohot sibolis na so mungkin hian boi talu, ternyata nunga talu dibahen Jesus. Ima las ni rohanta di ari on. Paskah ima mangalehon di hita pengharapan bahwa apa yang sebelumnya tidak mungkin, oleh kebangkitan Yesus segalanya menjadi mungkin. Ala ni I, di angka na porsea di haheheon I ndang adong na so mungkin, ai ndang adong na so tarpatupa Debata. Alai angka na porsea naeng ma mandok songon nidok ni si Paulus di Pilipi 4: 13 “Saluhutna do tarpatupa ahu marhite Ibana na margogoihon Ahu”.

3)       Haheheon ni Jesus mangapus ilu dohot arsak. Disise Jesus do si Maria Magdalena di kuburan I, dung hehe Ibana, alai ndang ditanda. Boasa ala iluilu do marabur di simalolongna jala Rohana digohi arsak. Ai nang pe naung diida na so disi be Jesus, alai sengka pangalilit I disi dope, ianggo si Maria mandok, na ditangko panangko do bangke ni Jesus i. I do mambahen lam magopu Rohana. I ma mambahen laos so ditanda be Jesus na manise ibana. Hita pe jotjot do songon i. Kehadiran Tuhan sering tidak dapat kita kenali dengan baik saat kita sedang larut dalam kesedihan dan dukacita. Mansai maol do hita diapuli uju marsirang sian apala na tahaholongi ala disirang hamatean i. Gabe maol ma hhita mananda Debata. Ai di tingki  marsak hita, holan dirinta jotjot taida. Tadok ma naung “ditadinghon Debata hita”. Hape ndang hea hita ditadinghon, ro do Ibana di bagasan hita (omnipresent). Gariada tahe, di na taadopi arsak na somalin, disi do gumodang diusehon Debata pasupasu-Na. Ai di bagasan sitaononta I do Ibana. Alai, gabe so tatanda be I, ala diholipi iluilu dohot arsakta i. Lalu Kristus memanggil Maria Magdalena secara personal sehingga hatinya menjadi tercelik melihat kehadiran Kristus tang telah bangkit. Secara spontan Maria mAgdalena kemudian memegang dan memeluk Yesus. Naeng songon I hita di ganup arsak n iroha.

4)       Godang do tuduhan sian parugamo na asing mandok; ndang tutu hehe Jesus sian na mate; holan rekayasa ni angka sisean I do i. Alai turpuk jamita sadari on mandok: “Pasti do hehe Jesus I”. Sada bukti ima; tanoman naung rumar’ (kuburan korosng). Di na sahat si Maria Magdalena, diida nunga buha tanoman i. Alai, dung ro si Petrus dohot sisean na sadanari (ra si Johannes), diida nunga rumar tanoman i. Mangihuthon laporan sementara ni si Maria, naung dibuat na mambuat do Tuhan I (ay.2); alai  dung dipareso nasida, diida ma, disi do peak angka pangalilit, parpeakna persis songon uju na dililit pangalilit I bangke ni Jesus (ay.6-7). Lapatanna: hira na habang do bangke na nililitna I sian pangalilit I, so pola diharhari. Molo na dibuat na mambuat do, ndnag mungkin tadingkononna pangalilit I, manang pasti do ingkon jolo harharanna pangalilit I asa boi boanonna bangke i. Ala ni I ndang mungkin dibuat na mambuat. Sian I ma porsea ma si Johannes na hehe do Jesus secara Ajaib (Ay.8). I do nang haporseaonta sahat tus adari on. Ndang rakayasa i, alaini tutu situtu do hehe Ibana, ai nunga dilumbahon Jesus hian I (ay.9). Jala bukti paduahon na tutu do hehe Jesus i, ima di parjumpanganNa dohot torop Halak saleleng 40 ari andorang so manaek tu surgo. Godang do na gabe saksi disi. Memang, maol do gariada tahe ndang boi masuk akal. Secara terbuka do Bibelta i patuduhon hamaolon (kelambanan) ni angka sisean i porsea di haheheon ni Jesus i. Alai na pasti, unang ragu manang sangsi hita, pasti na hehe do Tuhanta i. I do sada tabe ni huria ortodok ganup pajumpang tu donganna: “Kristus sudah bangkit! Dung I alusanta: tutu nunga hehe Ibana (He is risen indeed), na pagomoshon roha paboa tutu situtu hehe do Ibana.

5)       Taida do sada figure na menonjol di turpuk on ima sahalak parompuan, si Maria Magdalena. Inanta on ma sahalak parompuan na pinamalum ni Jesus sian na sinonggopan ni tondina hodar (Luk.8: 2) na gabe porsea di Jesus. Alai secara umum, dibarita haheheon  ni Jesus, sai parompuan do na menonjol. I do ala sipata didok, ia paskah ima pest ani parompuan. Ai parpudi ro si Petrus dohot sisean na asing. Aha do lapatan ni I di hita ? Ima patuduhon hinaarga ni parompuan di jol oni Debata. Apala di peristiwa namenentukan di Nasib ni portibi on, disi do dipapatar Debata peranan ni parompuan. Ima hinaarga ni parompuan. Ala ni I, joujou do on tu hamu parompuan asa torus hehe jala dirgak hamu. Adong sahalak panurat buku “The Lies Women Believe” – Dusta-dusta Yang Diyakini Kaum Perempuan, mandok : 42% angka parompuan, merasa dirina tidak berharga. Ima elaela ni sibolis nuaeng tu angka parompuan, mambahen godang parompuan  na minder, rendah diri,mabiar bertindak apalagi berkreasi. Ianggo di Debata, kaum perempuan sangat berharga. Ala ni I paskah paingothon hita, asa tahormati angka parompuan songon dongan panean di hangoluan na pinarade ni Tuhan Jesus. Molo arga nasida di Debata, ingkon ummarga ma di hita. SOngon Halak Kristen hita, ingkon argaanta do naginoaranna nuaeng kesetaraan gender, hadosan ni baoa dohot boruboru di hak, di kesempatan, dohot di hakk azasi. Taargahon ma nasida songon argana nasida di Debata.

6)       Antong las ma rohanta, marpesta bolon ma hita, ai nunga hehe Kristus Tuhanta i. Pasti nunga hehe Kristus, unang ganggu rohanta. Ndang sihabiaranta be hamatean, ai hahehehonNa I mambahen hamateanta gabe dalan bongot tu hangoluan sisalelenglelengna. HaheheonNa I mangalehon kenyataan baru di hita, paboa na so mungkin hian gabe mungkin. Ala ni I, unang menyerah alai berserah ma. Taargahon ma angka parompuan, ai mansai arga do nasida di Jesus naung hehe i.Amen.