Jamita Epistel Minggu XXIII D.Trinitatis – 3 Nopember 2024

Manghaholongi Tuhan Debata Dohot Dongan Jolma

 Mengasihi Tuhan Allah Dan Sesama Manusia

 5 Musa 6: 1 – 9 / Ulangan.

 

a)       Huria ni Tuhanta, ia Buku 5 Musa on ima marisihon hahotan ni na nanung pinsahat dohot na binahen ni Debata marhitehite si Musa tu bangso Israel asa, songon pomparan na imbaru na naeng mamasuhi tano parpadanan, asa hot nasida burju maniop dohot mangaradoti patik nang na tinotophon ni Debata. Asa marhite tona ni Debata, diajarhon si Musa do parenta nang natinotophon ni Debata tu bangso i asa diulahon dohot burju, jala sai torus diulakhon manang tu dia pe laho naisada, saleleng mangolu sai tongtong marhabiaran tu Debata Jahowa. Marsihothot laho mangaradoti patik nang Hatani Debata asa uju dibotngoti nasida tano na gok susu dohot si tuak ni loba i, tarpasupasu ma nasida dohot ganjang ni umur, hadumaon, halasan, gok silas ni roha jala marpinompari (1-3). Ala ni disosoi ma bangso i, mandok:

b)      (ay.1-3): Antong tangihon ma i, ale Israel, jala ringkoti mangulahon angka i, asa marhasonangan ho, jala asa lam torop situtu hamu, songon naung pinorbagabaga ni Jahowa Debata ni angka ompum tu ho, di tano habaoran ni susu dohot situak ni loba. Hata Shema – Hata Heber Shama, alapatanna; tangihon dohot denggan, manat, jala tinggil jala diulahon dohot burju tona ni Tuhan Debata na sasada i, ndang adong na asing. On ma sada panindangion na ingkon diingot jala diulahon bangso Israel asa unang tartait rohanasida manang tarela tu panombaon na asing. Ido alana di tradisi ni ugamo ni halak Jahudi, panindangion i mansai ringkot do dipasahat, didok dua hali siganup ari; ima di manogot dohot di bodarina.

c)       Ay.4-5; Panindangion ia Debata na sasada i ndada holan parningotan sambing, manang na niapil, ndada holan parbinotoan, ndada na so tangkas alai dohot do di butkihon dibagasan pambahenan laho manghaholongi Tuhan Debata sian nasa roha, nasa ateate dohot sian nasa gogo (ay.5). Lapatanna sian saluhut parngoluonta i; roha, ateate nang hagogoonta i asa tartuju, terfokushon tu sada tuuan ima laho manghaholongi Debata. Tanda na manghaholongi Tuhan i hibul, ima marhite haburjuon, hasatiaon laho mangulahon patikNa, songon na niajarhon Tuhan Jesus di Johannes 14: 15 “Molo na holong rohamuna di Ahu, radotanmuna do angka patikku.”

d)      Ay.6-7; Ala ni i parenta ni Debata na dipasahat nang na ni ajarhon  tu bangso i ingkon sai torus manorus manang berkelanjutan tu sundut na mangihut, asa angka naung pinasahat i ingkon diparrohahon nasida. Hata ingkon di son lapatanna unang gabe leas, jala ditadingkon, alai ingkon wajib do di parrohahon, ganup parenta, na tinotophon, manang paraturan ni Tuhan i ingkon wajib diparrohahon, Tu dia ma i ? ima laho diulahon dohot satia jala ditorushon, diajarhon marulakloni tu angka gellengna, dihatai, ditaringoti, dipandohi di tingki hundulhundul dijabu, manang di tingki dipardalanan, manang uju peak naneg mangulon dohot di tingki hehe (ay.7). Pandohan “gogohanmu” (berulang-ulang) dilapati sian hata heber-wsinantam sian hate kerja-Sanan, alapannta; marulakulak diajarhon, jala torus. Asa tona ni Debat ai diajarhon, dipasahat ganup tingki, marulakulak, ndang marbatas di tingki nang inganan, didia pe, manang dibagas nasida be, manang di luar ni bagas nasida, uju mangula, manang angka siulaon nang uju mangulon pe. Lapatanna saluht totalitas ni parngoluon nasida dibahen ma gabe dalan nang kesempatan laho pasahathon dohot mangajarhon patik nang naung ditotophon Debata. Lapatanna ndang holan diajarhon parenta nang tona ni Debata, jala ndang holan hata hata sambing, dohot do nang parange, na gabe ciri khas, na gabe lifestyle, role model, habitual action, hasomalan ni bangso ni Debata. Asa tudos na nidok ni Ap.Paulus di 2 Korint 3: 2 “Hamu do suratnami, naung sinurathon tubagasan rohanami, na tinanda jala jinaha ni saluhut jolma.” Ngolunta on do na marbarita na uli, ala nasa na taulahon i gabe barita na uli, na jinaha ni torop halak, sian parange, pangalaho na hombar tu Hata ni Debata. Ganup na porsea i molo mangolu di Hata ni Tuhan i, na gabe sorminan ni ngolu siganup ari tu halak na so mananda Kristus i. Ala naung marsorminan do hita tu Hata ni Debata, mian ma HataNa i ala naung tahangoluhon, ala naung tapasomalsomal, ala naung diulahon torus asa diida halak ma na siihuthon Kristus hita. Ima kesaksian manang panindangion haporseaon na so holan lipservice alai do action di ganup partingkian.

e)       Ay.8-9; Ala ni disosoi muse; “Jala ingkon rahuthononmu angka i bahen partinandaan di atas tanganmu, jala bahen parningotan di holangholang ni matam. Jala ingkon surathononmu angka i tu tohang ni jabum dohot tu panggumbanganmu.” Rahuthonon, lapatanna, parenta nang patik ni Tuhan i, ingkon siulahononhon. “holangholang ni mata, lapatanna sai ingoton ma i, unang dihalupahon, saluht na piningkiran, sude na niulahon marharoroan sian parenta nang sangka ni Debata, marmaul sian ngolu na biar mida Debata jala manghaholongi Ibana. Dungi pandohan; “.....surathononmu angka i tu tohang ni jabum dohot tu panggumbanganmu.” (ay.9), lapatanna; uju bungkas sian bagas, manang tu luar ni huta mamolus pangumbangan asa totngtong ingot laho mangulahon tona nang lomo ni roha ni Debata, manang didia pe nasida ingkon sai tongtong satia jala marhabiaran dohot manghaholongi Debata Jahowa. Ala ni ulang manghalupahon Debat Jahowa, ingot ma marhite hata nang patikna i dinasa siulahon siganup ari manang diluat dia pe hita maringanan manang mangula angka siulaonta.

f)        Huria ni Tuhanta disosoi do hita sian turpuk on dohot topik: Manghaholongi Tuhan Debata Dohot Dongan Jolma (Mengasihi Tuhan Allah Dan Sesama Manusia) laho manjou hita:

ü  Naparjolo, adong tanggung jawab di ganup na porsea manang natoras laho mangajarhon torus (continue), ndang marnasoan, manang didiape Hata ni Tuhan i. Asa sai hot mangolu keluarga laho manghaholongi Debata jala biar mida Ibana di nasa panggulmiton ni ngoluna. Mangolu dibagsan hasatiaon asa tarpasupasu ngolunta nang pinomparta. Taingot ma Jesus naung hehe sian na mate ndada holan na hehe, alai tong dope ajarhononna angka patik ni si Musa i laho mambohali dohot paingothon angka siseanNa dipangajarionNa i, dung i pe asa manaek Ibana tu Banuaginjang i.

ü  Napaduahon, pahothon pondasi haporseaon na togu di tonga ni ganup keluarga. Di tantangan kemajuan jaman sinuaeng on boi do sai marulakulak angka informasi manang barita na taida jala tabege mambahen pengaruh na so denggan tu hita molo ndang togu pondasi ni haporseaonta. Ala ni i sai manat ma angka natoras asa marulakulak diajarhon Hata nang patik ni Debata. Diparpunguan keluarga i mansai ringkot do i sipatupahonon, adong dipamasa saat teduh, keluarga, ibadah keluarga, pertemuan keluarga; disi ma rap mamuji Debata, merenungkan Firman dohot aplikasina. Asa disi ma dipamanat angka natoras manungkun gellengna ganup kegiatan nang aktifitasna dohot pergaulanna unang gabe manegai kondisi mentalitas dohot moral ni anakonna, adong poda sipasingot dohot ajaran nang petuah, wejangan ni natoras tu gellengna, asa hasea, marroha, manat di ganup partingkian.

ü  Napatoluhon; Ngolu na gabe teladan. Alani i natoras ndada holan marulakulak holan dipandok hatana nang jarhononna Hata ni Tuhan i, ingkon dohot do parange nang pangalaho na gabe teladan hidup. Anak akan selalu melihat,mendengar dan melakonkan yang dierbuat oleh orang tua. Asa songon pandohan ni halak Batak "Salah mandasor, sega luhutan." Pepatah bahasa Batak ini bermakna salah membuat dasar, maka rusaklah bangunan di atasnya. Tidak ada anak-anak yang serta merta tumbuh menjadi pribadi yang disiplin, semua adalah proses yang dimulai sejak kecil. Itulah mengapa banyak ilmu-ilmu parenting yang mengajarkan supaya para orangtua tidak hanya memberikan arahan ini itu, tidak hanya mengajari anak supaya begini begitu, namun sebagai orang tua juga harus bisa menjadi teladan yang akan dicontoh oleh anak. Orangtua haruslah menjadi role model bagi anak-anaknya, sehingga disamping mendapatkan pengajaran dan didikan dari orangtua, anak-anak pun bisa melihat secara langsung juga bagaimana orangtua mempraktekkannya.

ü  Paopathon : Tapatuduhon ma holong rohanta tu Debata marhite manghaholongi donganta jolma sian pambahenanta na gabe pujipujian nang hamuilaon di Jahowa. Holong tu Debata (secara vertical – Patik I-IV) holong tu dongan Jolma (secara horizontal patik V-X). Kedua hukum itu mempunyai hubungan erat. Di satu pihak, cinta terhadap sesama harus bersumber pada cinta Ilahi, yakni cinta kepada Allah. Di pihak lain, cinta kepada Allah mengembil bentuknya yang konkret dalam mencintai sesama manusia. Bagaimana mungkin kita bisa mencintai Allah yang tidak kelihatan kalau kita tidak mencintai manusia yang kelihatan. Karena itu, mencintai Allah dan sesama adalah satu dan sama. Itulah hukum yang terutama. Begitu kita hidup dilandasi oleh cinta kasih kepada Allah dan sesama, maka hukum-hukum yang lain akan terpenuhi. Dengan menjadikan cinta kasih satu-satunya hukum, kita menjadikan cinta kasih sebagai norma, kriteria, dan ukuran dalam bertingkah laku. Oleh sebab itu, tingkah laku dan perbuatan kita hendaknya mencerminkan cinta kasih kepada Allah dan sesama. Sai dipargogoi Tuhanta ma hita mangulahon dohot manghangoluhon PatikNa i. Amen.

Jamita Evangelium Minggu XXII D.Trinitatis – 27 Oktober 2024

Guru Dok NI Debata Do Saluhutna       

 (Tuhan Sanggup Melakukan Segala Sesuatu)

Job 42: 1 - 6

 

a)      Huria ni Tuhanta dideba huria, molo manaringoti si Job di ganup jamita, pasti na marhahonaan tu haporsuhon, panaritaan, sidangolon tu haporseaon, hasatiaon, habengeton ni roha. Parngoluon ni si job mangalehon inspirasi di sude halak; boha do asa manahan di haporsuhon. Ia jolma na diportibi on sai adong be do haporsuhonna, adong be do ragam parsorionna. Bahwa manusia tidak lepas dari maribahaya dan masalah-masalah kehidupan. Laos disi do jolma i tertantang untuk tetap bertahan atau menyerah. Molo angka na porsea i sai manahan do sahat di ujungna, ndang humordit ibana, sai mangula do haporseaonna tu Tuhan i laho mangalului dalan asa malua sian hamaolon i. Molo angka sangkap ni jolma jotjot do ndang marnasaut, ndang jadi, alai molo sangkap ni Tuhan  i sai na tupa do luhutna. Ndang adong na boi mangambati sangkap ni Debata, ai Ibana do nampuna portibi on, ai jadijadianna do hita na di portibi on.

b)     Ia turpukta on manaringoti si Job na mangadopi parungkilon bolon. Mago do sude na di ibana i, ima agoan di arta agoan keluarga, nang sahit panahit na songgop tu ibana. Nang pe di parungkilon na boloni ibana sai marsihohot dope ibana manghaposi Debata na marhuaso patupahon nasa na uli basa jala ndang adong na sundat sangkap ni Debata. Dibagasan pos ni roha, nang haporseaonna i, dihatindanghon si Job do i a Debata nampuna hagogooon na so hatudosan, na so marbatas, nang di hamaolon na balga situtu pe ndang tarambatan huasoNa mangatasi i sude.

c)      Lapatan ni panghatindanghonon ni si job on ima haporseaon nang panindangion ni si Job tu huaso, hasongkalon nang habisuhon ni Debata. Nang pe adopanna panaritaan na luar biasa jala ndang diboto ibana sialana ibana manarita, alai sai hot do ibana manghaporsea i Debata nampuna huaso laho patupahon nasa na adong. Disadari si Job do ia sangka ni Debata ndang adong na boi manang aha pe na laho mangambatisa. Ia Debata nampuna parbinotoan na bidang jala tumimbo sian manisia. Panindangion on patuduhon haporseaon  ni si Job na togu ia Debata ima Parhuaso na so hatudosan, na manguluhon saluhut na tinompa i tarmasuk do keadaan ni taalami hamaolon na taadopi suang songi na niadopan ni si Job.

d)     Digurithon si Job do panindangionna taringot tu Debata na so hea gagal ima laho paboahon haporseaonna, panindangion dohot panombaonna tu Debata. Disi ma ihut hamubaon ni sikapna na naung mangadopi hamaolon i nangparsorion ni ngoluna. Dimulana i ragu do si Job di hatigoran dohot habisuhoon ni Debata, alai dung diproses rohana, marsiajar ma ibana laho mananggalhon keraguan dohot kebimbangan huhut pasahat diri hibul tu sangkap nang huaso ni Debata. Marhite na manggurithon panindangionna i, si Job naeng pasahathon tu Debata nang tu angka na manjaha suratna on, ai naung sahat do ibana tu pangantusion na bagas taringot tu Debata dohot na mangokui hasongkalonNa. Panindangionna i marfungsi do i songon tiruan tu halak na asing laho manghaposi dohot manghaporseai Debata di sude partingkian nang pe maol jala gok panaritaan.

e)      Huria ni Tuhanta, Guru Dok Ni Debata Do Saluhutna, (Tuhan Sanggup Melakukan Segala Sesuatu) ima topik di minggunta na paboahon tu hita ia:

Ø  Naparjolo, manghaposi huaso ni Debata. Diajari do hita asa marsihohot jala togu manghaposi huaso ni Debata. Nang pe adopanta ragam ni angka hamaolon ingkon pos do rohanta ai ndang adong na so tarpatupa Debata. Di Ibana do nasa huaso dohot hagogon na mangatasi saluhut di portibi on. Ndang adongna maol di Ibana.

Ø  Napaduahon, haposi ma sangkapNa. Dihatindanghon si Job do, ia ndang adong na sundat saluhut sangkap ni Debata. Marhite on laho mangajari hita asa marnampunahon pos ni orha sihirimon na botubotul di sangkap nang hahomion ni Debata. Boi do ndang antusanta sasude na masa di ngolunta, manang mansai maol tarjalo roha na masa i. Alai pos ma rohanta songon na nidok ni si Jeremia 29: 11 Ai nunga tangkas huboto sangkap angka na husangkapi taringot tu hamu, ninna Jahowa, sangkap hasonangan do tahe ndada tu hamagoan, asa ahu mangalehon tu hamu ujung na hinalungunhonmuna. Ndang patupaonaNa angka na jat, sai angka na uli na denggan do bahen las ni rohanta.

Ø  Napatoluhon, ndang manahan jolma i ala ni hagaleonna. Lapatana ndang na gabe jolma na super hita. Adong do kelemahanta, hagaleonta, keterbatasanta. Jala maol do masuk tu pikiranta na pinamasa ni Debata. Boi do ndang tarjalo roha dohot pikiranta pambahenan ni Debata. Lao sosngon i do si Job diokui ibana do naso tardodo pikiranna do sude na masa parsorion dibagasan ngoluna. Ala ni tama do hita songon si Job na sai unduk marserep ni roha mangokui hagaleonta mangantusi i saluhutna marhite pikiranta. Ai marbatas do parbinotoanta, alai holan pos ni roha dohot haporseon do na mangolu di Debata. Songon Jesus Kristus i sai marpos ni roha do tu Debata Ama i na lehononNa hagogoon tu AnakNa Jesus Kristus laho mangadopi borat ni hau pinarsilang i, pola sahat tu na ingkon agoan hosa. Ima holan laho mangoloi panjouon ni Debata tu AnakNa na Sasada i. Ala ni hamamate ni Jesus i do sangkap na uli na denggan asa malua ganup na porsea di Ibana. Tuhan sanggup melakukan segala sesuatu demi kebaikan kita dan keselamatan kita. Amin.

Jamita Epistel Minggu XX D.Trinitatis – 13 Oktoberr 2024

Halak Partigor i Mangolu Do Binahen Ni Haporseaonna

 (Orang Benar Akan Hidup Oleh Percayanya)

 Roma 1 : 16-17

 

a)      Huria ni Tuhanta ia Buku Rom disagi do gabe dua horong. Naparjolo, ima pangajarion praktis Barita Na Uli  na paluahon (1-11). Rom 1: 16 ima na gabe impolana. Napaduahon, ima panduan praktis tu angka halak na naung dipalua asa mangolu na hombar tu Barita na Uli i (bindu 12-16). Asa Buku Rom 12: 1-2 ma na gabe impolana. Na boi taparrohahon dibagasan turpuk on ima: naparjolo, haporseaon ni Ap.Paulus di Barita na Uli. Nang pe gabe haotoon do di portibi on Barita na Uli i, alai di si Paulus, Barita na Uli i do na paluahon. Ido asa rade roha ni Ap.Paulus berkorban di ngoluna holan laho mamaritahon Barita na Uli i dohot disude na nialamanna, ditingki une manang na so une. Napaduahon, Barita na Uli ima huaso ni Debata na paluahon. Asa tarjalo halak Barita na Uli i, ringkot do huaso ni Debata disi. Ndang adong na boi manggantihonsa manang sian jamita na denggan pe didok halak jala menarik alai ndang marhuaso i laho paubahon rohani jolma ia so sian huaso ni Debata na mangula disi. Ala ni i asa sai tajugulhon di na laho mamaritahon Barita na Uli i manang boha pe sautna manang ujungna, ai Debata do nampuna i. Napatoluhon, Barita na Uli paluahon saluhut halak. Asa ganup na porsea i mian jala mangolu di haporseaon marhite Jesus Kristus dibagasan hasintongan (Joh.8:31-32).

b)     Huria ni Tuhanta, boasa Barita na Uli i boi berdampak tu transformasi ni manisia ? ima ala:

1.       Barita na Uli i do na boi mamboan hita tu haporseaon (ay.16a). Sihor ni roha ni Ap.Paulus mangebati huta Rom, ala merasa marhutang ibana tu halak Jahudia dohot na so Jahudi (1:14). Ndang maila ibana ala Barita na Uli i, alai sada kebanggaan, ketulusan, las ni roha di Ibana. Asa Ap.Paulus hea do paingothon si Timoteus asa unang maila mamaritahon Barita na Uli (2 Tim.2:15). Jesus pe dipaingot do angka siseanNa asa unang maila ala Ibana dohot di na laho mamaritahon Barita na Uli i (Mrk.8:38). Boi do maila secara psikologis hatiha i, ala ajaran baru. Manang di negarata Indonesia on tardok hita na minoritas, sai direhei jala diinsahi halak Kristen. Maila patuduhon na halak Kristen do ibana, atik uju mangan laho martangiang di restoran manang di warteg, manang di tempat umum. Di halak Jahudi hatiha i, molo Barita na Uli i songon partuktuhan do i di nasida, jala di halak na so Jahudi songon haotoon do i,ala ilmu filsafat do na berkembang ujui patuduhon hapistran ni jolma ( 1 Kor.1:23). Sada pemikiran di nasida ima Jesus na tarsilang i na tardok Sipalua bangso Israel uju i alai ndang mampu paluahon diriNa sian silang nang hamatean i (Mat.27:40; Luk 23:37,39). Molo didok “maila” ala memang godang do na menolak ha-Kristenon i, digosagosa sahat tu na dibunu do angka siihuthon Kristus hatiha i. Adong resiko memang molo patuduhon ha-Kristenon i di umum. Boi do mamboan parsorion, mara, nang hasusaan di angka siihuthon Kristus. Sada tantangan besar do di si Paulus laho mamaritahon Barita na Uli di Rom, sada kota na balga, pusat pemerintahan, budaya, ekonomi, jala mansai ribur do disi. Angka huta sihobasan ni si Paulus metmet do andorang Rom, godang do hamaolon lam ma tu huta Rom. Pos do roha ni si Paulus ndang mabiar ibana tu Rom, porsea do ibana di Barita na Uli i.

2.       Napaduahon, siala barita Na Uli i do hagogoon ni Debata (16b). Pos do roha ni Ap.Paulus di Barita na Uli i, ai ido hagogoon ni Debata di na laho paluahon torop jolma di portibi on ( 1 Kor.1:18). Marbarita na Uli ndada holan sada informasi manang inspirasi, alai transformasi. Adong pengaruh na signifikan di halak na manjanghon Baritana Uli asa terjadi ma perubahan-perubahan hidup. Na sian ngolu haholomon, tu ngolu hatiuron.

3.       Napatoluhon, sialaa hagogoon ni Debata na paluahon i dijangkon marhite haporseaon. Haluaon na dijalo marhite haporseaon, so marnida rupa, suku, latar belakang, nang budaya. Haluaon naung diparade tu saluhut jolma di portibi on. Ndang marhite hapistaran, ndang marhite pendidikan, nanag marhite hamoraon, jabatan laho mangantusi dohot manjanghon Barita na Uli i, alai marhite haporseaon. Haporseaon i do na paluahon, ndang adong na asing. Marhaporseaon di Jesus Kristus, ndang tu na asing. Ndang adong na boi membatasi hararat ni Barita na Uli i. Tu sandok portibi on do dipasahat, tu saluhut jolma asa dapotan haluaon. Nang pe di pardalanan ni Barita na Uli i, ndang sude na manjanghon, adong do na bahkan manulak, manginsahi, manegai, meneror, mengancam, jala mamunu halak Kristen i.

c). Huria ni Tuhanta, topik minggunta mandok: Halak Partigor i Mangolu Do Binahen Ni Haporseaonna  (Orang Benar Akan Hidup Oleh Percayanya). Boha do asa mangolu ? ai torop nuaeng jolma ndang olo be mangolu ala naung stress berat, ndang tolap menanggung beban hidup, manang na menyianyiakan hidup dengan perilaku yang tidak terpuji. Alai angka na waras, ima na porsea di Tuhan Jesus i sai mangolu do binahen ni haporseaonna. Nang pe zaman nuaeng semakin sulit, walaupun kehidupan dan zaman semakin maju dan canggih, alai sai boi do marhite i manghorhon tu sikap materialisme, na boi mambahen sengsara di angka na so mampu menghadapi jaman canggih, kompetensi, orang-orang berlomba-lomba jadi hebat, pintar, serba bisa, hape ndang dos sude gogo, kemampuan ni jolma. Hagogoon ni materi dohot angka godaan uang, asa hatop kaya, sejahtera, tidak kekurangan. On ma mambahen godang halak berbuat nista, korupsi, mencuri, mark-up, menipu dohot lan na asing. Ala ni i angka na porsea asa monang mangalo tantangan zaman on, asa: unang gabe mabiar molo pogos, manang dang dietong portibi on marhasangapon, ndang mararta na arga, ai sederhana ngoluna. Halak na porsea ndang mabiar molo so martua ala ni haportibi on on. Halak na porsea ingkon barani do ibana nang pe pgos di arta alai mangolu dibagasan hasintongan dohot habadiaon ni ngolu. Angka na porsea ingkon barani manulak dosa pangalaosion, nang pe adong na humurang dihilala ibana. Ala Tuhanta Jesus do na margogoihon Ibana na sumarihon ngoluna, ndang hurang manang aha. Marhite haporseaon tu Tuhan Jesus dapot hita ragam pasupasu na so tarasam i. Ala ni unang ma gabe gale na porsea i, alai togu haporseaonna mangihuthon Tuhanta Jesus i. Amen.

Jamita Evangelium Minggu IX D.Trinitatis – 6 Oktober 2024

Tongtong Rade Mamaritahon Hata Ni Debata       

 (Siap Sedia Memberitakan Firman Tuhan)

2 Timotius 4: 1 - 5

 

a)      Huria ni Tuhanta dideba huria ndang sae holan pandita na marjamita, alai dohot do angka sintua na marjamita di parmingguon nang di partangiangan. Alai ala so adong sikkola ni sintua di na laho marjamita dibahen ma songon pembinaan berkotbah di nasida. Asa boi nasida marjamita di parmingguon dohot partangiangan jala laos sai dipangido do nasida di angka punguan marga nang stm nasida. Alai ulaon mamrbarita nauli manang marjamita ndada holan pandita, guru huria, bibelvrow, diakones, evangelis, dohot sintua. Alai sude do jolma tarjou gabe parbarita na uli. Songon uluan ni ruma tangga, songon ina di ruma tangga, songon sahalak parkarejo di kantor, dipabrik, di lapangan; sopir, pilot, partigatiga, parrenggerengge, nang parhauma, dohot toke saluhut do na targoar siihuthon Kristus gabe parbarita na uli. Jala nasida ndang pola sai malo songon parjamita na marsikola mandok sihatahononna, alai sian parsaoran, pangkataion, sian pambahenan tu sude jolma do pambaritaan i.

b)     Songon angka na porsea i rup mamaritahon Barita na uli i do hita tu sude jolma. Siganup ari do hita mamaritahon Barita na Uli i sian sandok panggulmiton ni ngolunta. Asa sian i ma tandaon ni halak Kristus na ro jala mian di tongatonganta mangula mangurupi, manogungu mangalehon las ni roha, ditonga keluarga, parkarejoan, pelayanan, masyarakat dohot di sude inganan. Sude hita do na porsea gabe siula mamaritahon Barita na Uli i, ndada holan tu si Timotius, alai sude angka na porsea huria ni Tuhanta naung tarjou jala manjalo asi ni roha ni Tuhan i. Kesempatan dohot tanggungjawab laho mamaritahon Barita na Uli i ima na adong disaluhut hita na porsea. Boi do ra hita marsidalian mandok: “ndang huboto marbarita na uli, ndang huboto sidohononhu, ndang sanga tingkingku, mabiar ahu, ndang margogo ahu”. Dohot lan na asing tapandohi angka alasanta asa ndang mangulahon i, hape angka na porsea i songon surat ni Kristus do i na buha diida halak. 2 Korint 3: 2 :2 Hamu do suratnami, naung sinurathon tubagasan rohanami, na tinanda jala jinaha ni saluhut jolma. Angka naung manjanghon Kristus dibagasan ngoluna na gabe Tuhan di ibana, dibagasan dirina do na mangolu Hata ni Debata i. Asa sude pikiranta, pandohanta dohot caranta pasahathon hata nang siulaonta na taparbuehon i, saluhutna i ima parbue ni pamaritaon Barita na Uli, naung sinuanhon ni Tuhan dibagasan dirinta. Na gabe masalahna ima, barani do hita laho manghatindnaghon i tu halak na asing ?

c)      Songon naung tinodo ni Debata laho gabe parbarita na uli i, asa unang gabe mimbar pamaritaon i, manang gabe silap, salah pangantusion gabe manghorhon haliluon. Asa polin ma Hata ni Debat di pasahat, unang ditambai manang diorui. Jala pamusatan barita na uli ima Tuhan Jesus Kristus do. Asa sian dia pe turpuk sipasahaton ni parbarita na uli ingkon Jesus Kristus do muarana manang pamusatanna. Ai molo soada Kristus disi, marisuang do pamaritaan na Uli i. Sai olo do parjamita mandok jamitana sian dirina sandiri, ndang sian panuturion ni Tondi Parbadia. Gbe olo ma mandok jamitana; “ninna rohangku”, on ma na boi gabe sala hape ingkkon “ninna Debata do” sasintongna jamitanta i. Ala ni do songon pangula hita di porlak ni Tuhan i, songon panabur boni i do hita, holan paserakhon boni i do hita, ndang adong disi na asing. Parjamita 11:6 Sogot manogotna i saburhon bonim jala unang patait tanganmu nang bodarina i, ai ndang diboto ho manang dia sian na dua i manjadi, manang tung rap duansa manjadi. Memang dang boi arophononta siulaonta i marhasil dohot denggan, saguru di Debata do i. Sai adong do na manulak Barita na Uli i, adong na manangsihon, adong na manjalo alai ala kesibukanna gabe dilupahon. Alai adong do na manjanghon dohot denggan. Ido ala na dipaingot Ap.Paulus: “ditingki une mannag na so une Baritahon ma Barita na Uli i, binsan adong dope kesempatan dilehon tu hita. Hidup ini adalah kesempatan didok syair lagu rohani, kesempatan menjadi berkat.

d)     Huria ni Tuhanta na gabe sungkunsungkun dihita, aha ma siparadeonta asa boi gabe sipararat Barita na Uli i ? ima adong opat na ringkot sijamothononnta:

1)     Naparjolo; pamanat ma dirim sian saluhut. Sahala Parbarita na Uli ima na boi manjaga, manilai, mamparangehon dirina sandiri. Ido asa didok di 1 Tim 4: 16 – “Matahon dirim, ro di pamodaion i; mian ma ho disi! Ai molo i diula ho, paluaonmu ma dirim ro di angka na tumangihon ho.” Hasomalanta jolma do marnida di halak, diadopanta na hurang asa sian na didirinta sandiri hape adong do na hurang. Mat.7:3 Aha ma pola paberengberengonmu silbaksilbak na di mata ni donganmu; ia na satiang na di matami ndang diantoi ho! Asa dina laho marjamita pe, sai jumolo ma jnamitaan diriniba asa halak, ai marguna do i laho membangun jati diri na lebih baik.

2)     Napaduhaon, manahan di saluhut. On ma na ingkon siparohahononta, ai godang do angka hisaphisap ni daging nang portibi on laho mangela hita jolma. Boi do ala jut ni roha tu halak na mangarehei ulaonta gabe tubu pamaloson. Ingkon boi do oromon diri, mananhan di rimas ni roha. Disi ma hita ganup manuhuk silangta be,manuhuk penderitaannta be. Mat.16:24 – “Dung i didok Jesus ma tu angka siseanna: Nasa na giot mangihuthon Ahu, disoadahon ma dirina, diporsan ma silang na tu ibana; diihuthon ma Ahu!” Ndada na jinou hita so mangadopi hamaolon i, na gabe siihuthon Kristus sai mangadopi ragam tantangan, alai sai dilehon do di hita garansi hagogoon dibagasan Kristus Jesus i. John.16: 33 Asa mardame hamu di bagasan Ahu, umbahen na huhatahon angka i tu hamu. Haporsuhon do jambarmuna di portibi on; alai pos ma rohamuna: Nunga talu hubahen portibi on. Ai dipamasuk do hita tu portibi on songon birubiru ditongatonga ni babiat, alai ndang na gabe sarombang hita dohot portibi on. Rom 12:2 Jala unang gabe sarombang hamu dohot portibi on; alai gabe imbaru ma hamu, dung muba pingkiranmuna, asa tau hamu manimbangi lomo ni roha ni Debata, i ma na uli, na hinalashonna dohot na sun denggan.

3)     Napatoluhon; Mangulahon ulaonna sadenggandengganna. Dison ma angka pangula i mamairtahon barita na ula sadenggan dengganna. Ndang malas, alai ringgas. Ndang marhobas holan ala ni amplop, manang hamauliaton. Sai ringgas do angka parbarita na uli, marhite angka karya, ide-ide pelayanan na mencakup huria nang di duru ni huria.

4)     Paopathon; Sahat ula tohonanmi. Molo tabereng sada ulaon ndang na marnase, disi ma gabe so adong ketetapan na hot, manang ulaon aha pe i. Laos songon i do na manghobasi huria i ingkon jelas do siulahononthon sada ulaonsahat tu na sidung. Sada pangula ni huria pe, diulahon ma tohonnana sahat ula tohonan i. Lapatanna sai denggan diulahon pelayananna, jala une dohot denggan sahat dijou Tuhan i. Molo pensiun pe ndang mangambati i laho melayani muse.

e). Huria ni Tuhanta, topik ni Minggunta mandok: Tongtong Rade Mamaritahon Hata Ni Debata (Siap Sedia Memberitakan Firman Tuhan), siala:

1)     Na gabe parsuruon di hita angka na porsea, jadindang holan angka na tertentu,alai sude do hita luhut siihuthon Kristus. Firman Tuhan yang mencelikkan mata rohani kita untuk melihat dan mengerti setiap rahasia yang terkandung di dalamnya, sehingga kita juga mengerti kehendak dan rencana Tuhan yang mau menjadikan kita menjadi umat kepunyaan-Nya sendiri, seperti tertulis dalam 1 Petrus 2:9-10. Menjadi bangsa yang terpilih, imamat yang rajani dan bangsa yang kudus. Jadi jelas, menjadi imamat yang rajani berarti kita disiapkan untuk melayani Tuhan. Dalam melayani Tuhan ini kita harus meneladani Tuhan Yesus, Imam Besar Sorgawi. Sebagai Imam Besar, Dia mau datang ke dunia bukan untuk dilayani tetapi untuk melayani dan menyerahkan nyawa-Nya menjadi tebusan bagi banyak orang.

2)     Napaduaon; Ala barita na Uli i mamboan Haluaon. Ndada holan hita na mandai haluaon, aneng ma saluhut na tinompa. Ai dilehon do di hita Amanat Agung na sian Tuhan Jesus Kristus. Mat.28:19 Laho ma hamu, podai hamu ma saluhut bangso, didi hamu ma nasida tubagasan Goar ni Ama. Anak dohot Tondi Parbadia!

3)     Patoluhon; Barita na uli mamboan terobosan di hangoluon. Watchman Nee (1903–1972) adalah seorang guru Tiongkok yang sangat cerdas dan berpendidikan tinggi. Nee adalah nama marga Tionghoanya. Ia lahir di Shantau, wilayah etnis Manchu, Tiongkok. Ketika hatinya bertobat, Watchman Nee menanggalkan semua gelarnya. Bahkan, secara radikal ia membuang semua ijazah pendidikan tingginya ke laut dalam perjalanan kapal. Watchman Nee kemudian mulai mendalami Alkitab dan menggunakan kecerdasannya untuk mengajarkan kebenaran Firman Tuhan. Salah satu topik pengajaran Watchman Nee yang paling berpengaruh adalah tentang manusia roh yang mematikan manusia daging. Sempat, Watchman Nee membuat pemerintah komunis di Tiongkok ketakutan karena murid-murid dan pengikutnya semakin banyak saja. Dalam revolusi komunis, ia ditangkap dan dipenjarakan selama 20 tahun hingga wafat di Anhui, Tiongkok, pada usia 68 tahun. Namun, dampak hikmat tulisannya menyebar ke seluruh dunia. Ia bahkan mendapat penghargaan dan pengakuan khusus dari Kongres Perwakilan Rakyat Amerika Serikat, yang disampaikan oleh Christopher H. Smith, sebagai tokoh pergerakan kebangunan rohani terbesar di Tiongkok, seorang tokoh Kristen dari dunia Timur yang bahkan membawa pengaruh besar kepada kekristenan dunia Barat. Pertobatan pola pikir Watchman Nee patut diteladani, terutama bagi kita yang merasa pandai dan berpendidikan tinggi. Sejak tahun lalu, ketika cucu pertama saya tercinta meninggal dalam usia 100 hari, saya mulai menanggalkan semua atribut gelar pendidikan saya. Saya semakin menyadari kebenaran Mazmur 90:5-6,10 “Engkau menghanyutkan manusia; mereka seperti mimpi, seperti rumput yang bertumbuh,di waktu pagi berkembang dan bertumbuh, di waktu petang lisut dan layu. Masa hidup kami tujuh puluh tahun dan jika kami kuat, delapan puluh tahun, dan kebanggaannya adalah kesukaran dan penderitaan; sebab berlalunya buru-buru, dan kami melayang lenyap.” Asa barita na uli manguba hangoluanta asa lam tu dengganna jala lam tu ulina. Ai goarna pe Barita na Uli.. Amen.

Jamita Epistel Minggu IX D.Trinitatis – 6 Oktoberr 2024

Tongtong Rade Mamaritahon Hata Ni Debata       

 (Siap Sedia Memberitakan Firman Tuhan)

2 Musa 4: 10-17 /Keluaran 4: 10 - 17

 

a)      Huria ni Tuhanta naung jotot do dibhen si Musa alasan uju dipangido Debata ibana laho paluahon bangso Israel sian Misir. Molo pandok ni si Musa, ndada halak na tingkos ibana, ala so malo manghatai. Biar do rohana ala niulaonna i, ulaon na bolon do, ima manguluhon sada bangso nabolon, ima bangso ni Debata, sotung gabe pailahon Debata ibana disi dohot dirina. Nang pe naung  marulakloni patoguhon dohot marpadanhon na ranotanna dohot mangajari si Musa aha nanaeng sihatahononna.

b)     Huria ni Tuhanta angka na mananda diri ima na mamboto hahuranganna. Laos na mananda Debata ima na mangokui habalgaon ni Debata. Uju tabereng tu dirinta di angka hahuranganta, disi ma adong kesadaran di hita laho mangulahon siulaon, mampu do manang ndang. Alai molo tapangasahon do gogo ni Debata, sai na loasonNa do hita mangulahon i dohot denggan. Asa dina mangasahon Debata disi ma haunduhonta, pangoloionta di Hata ni Debata, jala olo, rade gabe ulaula ni Debata. Taloas Tuhanta i na manguluhon roha nang pingkiranta, jala sai marsigantung tu Debata, taloas Ibana mangurupi hita na mangalehon kemampuan di hita.

c)      Huria ni Tuhanta adong do ra pigapiga sian hita mamboto halak na margoar Theodore Roosevelt (1858-1919), presiden AS ke 26, ima sahalak pemimpin na hebat, tangguh jala sahalak diplomat na trampil. Na sorang do ibana uju pesepese sian keluarga na mora jala tarbarita, jala lukus kuliah sian Harvard University taon 1880 jala sahalak anggota kelompok sosial na sangat prestisius “Phi Beta Kappa”. Mulana i ndada songon i nian. Uju dakdanak sai marsahit do ibana ndang denggan parnidaannda uju sorang ibana, jala adong sahit asma diibana, dohot sahit  lambung, metmet do pardagingonna jala marniang situtu. Parbiar do ibana sai godoran, uju marumur 12 taon ibana, didok amana ma tu ibana: : “Anaha, sasintongna mansai pistar do ho alai gale do ia pamatangmu, ingkon latihan ma jolo pamatangmu asa margogo pamatang nang utokutokmu.” Pandohan ni amana i mangalehon motivasi tu ibana asa marolah raga. Diihuthon do body building, mendayung, manangkohi dolok, jala marhoda. Nang pe simalolongna lemah, alai gabe pangiran na jago, na manjaha dohot bahat parbinotoanna, jala sahalak pelukis na hoga. Jala ujungna gabe halak na nomor sada di Amerika Serikat uju i.

d)     Huria ni Tuhanta, atik adong sian hita na mamparungkilhon kemampuanta ? ndang adong goaron angka na gagal molo so barani mangula manang aha na mararti jala na arga jala na mangaloas Debata mangurupi asa palaluhon hagaleonta i. Molo dipangido Debata hita mangula nasa ulaon, na lehononNa do angka kemampuan laho mangulahon ulaon i sahat tu na selesai. Napinangido ni Debata ima haunduhon do nang hastiaonta di na laho mangulahonsa. Tabereng ma contohna tu si Nuh, dibagasan haunduhon do hot hasatiaon do ibana mangulahon parenta ni Debata laho pajongjong parao na balga, pola hampir saratus taon lelengna patupahon i. Jala malua do ibana dohot sude keluargana nang angka binatang na tinotophon Debata asa dohot malua sian aek na sumar i.

e)      Huria ni Tuhanta, nuaeng ulaonta ima laho asa maksimal do taulahon naung pinasahat ni Tuhan i jala laos pahembanghon i tu panjouon na naung diparade Tuhanta i tu hita. Taulahon ma dohot marsitutu, unang ma adong na gabe malas rohana. Ndada holan na mananda diri hita disi dohot denggan alai ingkkon tandaonta dohot denggan ise do Tuhanta na tasomba jala na taihuthon i ? Asa taboto panjouon dia di na pinarade ni Tuhanta tu hita ? Tapahusorhusor ma jolo, boasa ditompa Tuhanta i hita manisia dohot adong kelemahan nang halobianna ? Ima ala adong alsanna:

ü  Naparjolo asa unang ginjang roha ni jolma i. Molo nunga sude adong di jolma i angka kemampuan, nga gabe ginjang ma rohana. Kejujuran di kemampuan diri sendiri tidak akan membuat kita menyombongkan diri.

ü  Napaduahon, asa fokus do hita tu panjouonta di angka bidang na maringasing. Ganup be do dilehon tu hita angka silehonlehon na sian banuaginjang i. Berbedabeda talenta i ma na tatambori asa lam tu dengganna pangkelonta laho pasangaphon Debata. Gabe hamuliaon di Debata marhite na gabe pasupasu tu dongan jolma. Tau mangurupi godang halak na gabe barita na uli do i. Memang sai adong do kelebihan pigapiga halak na martelenta godang, alai ndang piga sisongon i. Naeng ma gabe pasupasu las ni roha tu humuliangna. Asa rup marsiurupan ma na gabe pamatang ni Kristus di sada huria i sian angka talentana be, laos boi mangerbang tu duru ni huria gabe huria na marbarita sian pelayananna.

ü  Napaopathon ima asa marsigantung hita tu Tuhan di hagaleonta i. Disi ma hita mangharingkothon Tuhanta i di na laho mandalani ari ari ni ngolunta.

f) Huria ni Tuhanta, angka dia ma silehonlehon na pinasahat ni Tuhanta dihamu saluhtna? Angka haboion, talenta laos tapangke ma i laho : Tongtong Rade Mamaritahon Hata Ni Debata (Siap Sedia Memberitakan Firman Tuhan) asa maksimal tapareahi angka ulaon las ni roha nang asi ni roha ni Tuhan i. Na dijou Tuhan i do hita songon si Musa laho paluahon torop jolma di tonga ni bangsonta sian dosa, sian hamaolon, sian haotoon, sian panggosagosa ni portibi on. Asa tama ma antong begeonta soara ni Tuhan i  namandok di Matius 25:21 “Taho ma i, ale naposo na denggan roha jala haposan! Haposan do ho di na otik, pasahatonku ma tu ho godang. Bongot ma ho tu halasan ni roha ni tuanmu!” Amen.