Jamita Minggu, Reminiscere- Sai Ingot Ma Angka Denggan Ni BasaM, 25 Februari 2024

Dirajumi Debata Do Haporseaon Gabe Hatigoran

 (Allah Memperhitungkan Iman Sebagai Kebenaran)

Roma 4: 18 - 25

 

 

a)      Di minggu on masuk ma hita tu minggu Reminiscere. Reminiscere lapatannaa, Sai Ingot ma angka denggan ni basaM (Ingatlah segala rahmat-Mu dan kasih setia-Mu ya Tuhan) Mzm. 25:6. Jala topik ima: Dirajumi Debata do haporseaon gabe hatigoran. Mansai menarik do topik on tapahusorhusor siala angka jolma sai dilehon kesempatan dirajumi Debata sian haporseaonna. Abraham dirajumi Debata songonn Ama ni na porsea dohot angka panggulmiton ni ngoluna naung mamolus ragam na masa di parngoluonna. Dipaandar A.Paulus do songon dia pardalanan ni haporseaon ni si Abraham asa gabe dirajumi Debata ibana. Boi do gabe ro sungkunsungkun; molo di partingkian on, boha do asa boi dirajumi Debata haporseaonta ? Marhite turpuk on boi parsiajaranta boha do asa dirajumi Debata haporseaonta:

1.      Na parjolo; sai tongtong  mangkirim tu Tuhan Debata nang pe soada dasor ni pangkirimon i (a8a). Naeng paboahon ni Ap.Paulus soad na gabe sibanggahononhon si Abraham asa boi dipintori diadopan ni Debata manang astuanna ndang adong dasorna asa manghirim manang ahape, alai ala haporseaonna (nabinasabasahon Debata), adong do pangkirimon ni si Abraham ima: haporseaon-iman-faith na mangatasi saluhut situasi na niadopanna. Dihirim si Abraham do padan ni Debata nang dibagasan kondisi na so ada sihirimon. Lapatanna, haporseaon na togu tu Debata do na boi manombus angka na so tarpatupa ni jolma. Siala Debatanta i ima Debata na na marhuaso, na so hatudosan na so hadodoan ni jolma na terbatas on. Molo tapamanat parngoluon ni si Paulus dos do na nialamanna. Uju marbarita na uli obana di angka luat na mansai maol, dipapos Tuhan Debata do haporseaonna asa margogo mamolus angka hamaolon i.

2.      Napaduahon, sai tongtong manghaposi padan ni Debata, nang pe padanNa i ndang tupa dope (18b). Aha do na dihaposi si Abraham ? Haporseaon ni si Abraham na togu i do mambahen ibana digoari ama ni nasa na porsea. Torop do halak Kristen na marhaporseaon alai ndang boi [inatudos tu haporseaon ni si Abraham. Godang do halak Kristen marhaporseaon tu Tuhan Debata siala adong na aneng sibuatonna nang sijaloonna. Hape si Abraham marhaporseaon tu Debata nada holan na mandapot sijaloon sian Debata alai na rade do ibana mamelehon manang aha pe termasuk anakna si Ishak tu Debata. Lapatanna haporseaon i ndang holan mangido sipangidoan tu Tuhan Debata alai pasahathon manang aha pe luhut holan laho tu hamuliaon ni Debata. Kisah Sadrakh, Mesakh, dan Abednego adalah salah satu cerita paling inspiratif dalam Alkitab yang mencerminkan keberanian dan kesetiaan yang luar biasa kepada Allah, bahkan dalam situasi paling sulit. Kisah ini tercatat dalam Kitab Daniel, pasal 3, dan menjadi sumber inspirasi bagi kita sebagai orang percaya untuk tetap setia kepada Tuhan dalam semua ujian dan cobaan kehidupan.Daniel 3:17-18 Jika Allah kami yang kami puja sanggup melepaskan kami, maka Ia akan melepaskan kami dari perapian yang menyala-nyala itu, dan dari dalam tanganmu, ya raja; tetapi seandainya tidak, hendaklah tuanku mengetahui, ya raja, bahwa kami tidak akan memuja dewa tuanku, dan tidak akan menyembah patung emas yang tuanku dirikan itu."

2.Lapatanna haporseaon na togu ndang manjalao manang aha pe sian Tuhan i alai pasahathon manang aha pe tu hamuliaon ni Tuhan i. Molo haporseaon  mamelehon tu Tuhan i, nda na gabe harugianta i? Ndang. Ndang na gabe diajari hita asa lehononta saluhut peleanta tu Tuhan i asa soada be pangkeonta siganup ari. Lapatanna ingkon barani do hita pasahathon manang aha pe hasonanganta tu ulaon ni Debata. Molo godang hepengta, ingkon barani do hita mamelehon na tama tu Tuhan i sian parbue ni haporseaonta (pasti godang do i), ndada na gabe rug hita disi, alai maruntung. Paruntunganta i ndada holan sian materi alai dohot do hamoraon di partondion di na mananda tangkas Tuhan Debata.

3.      Napatoluhon, sai hot ma marhaporseaon na togu nang pe lam gale pamatangta on (ay.19). Molo di ay.18, didok si Paulus do si Abraham na sai hot mangkirim nang pe soada be siharaphonon, jala di ay.19 i dipatorang Ap.Paulus do keadaan na so marpangkirimon (dihajolmaon) na nialaman ni si Abraham, ndada na gabe haporseaonna nang naung marumur 100 taon jala naung gale pamatangna, jala si Sarah pe na saep ladang. Na masa on na dibuhai sian 1 Musa 17: 16-17 dipadanhon Debata tu ibana dakdanak baoa sorang dibagasna, alai direspon si Abraham do marhite engkelna, na mandok di rohana na so mungkin i masa, ragu do si Abraham (ptds.1 Musa 16) tama diadopan ni Debata. Alai di ay.19 dohot 21, dialusi Debata do sungkunsungkun ni si Abraham marhite mangihot padanNa tu si Ishak dohot pinomparna. Jotjot do diparngoluon ni halak Kristen, hurang merespon na nidok ni Debata, ndang pos rohana uju dipangkulingi Debata hita. Alai dung di pahothon padanNa i, ipe asa porsea hita disi. Angka sisongon on ma na niadopanni si Abraham dohot si Sarah. Na marlapatan marhapporseaon si Abraham dungkon di papatar Debata diriNa. On ma pardomuanna tu pangungkapon ni Debata dohot haporseaon. Pangungkapon ni Debata tu jolma (tarlumobi pangungkapon dibagasan Kristus dohot Bibel) digohi marhite Tondi Parbadia diroha ni angka na tarpillit asa marhaporseaon nasida, Haporseaon ia so marhite pangungkapon ni Debata ima haporseaon na so sintong.

4.      Paopathon, sai hot ma margogo di padan ni Debata tu hita (ay.20). Haporseaon on ma na na patoguhon hita barani mangadopi angka na bernit nang sitaonon, siala pos ni roha di Debata na paluahon hita nang pe ingkon mamolus angka hamaolon, reherehe, gosagosa nang na bernit. Ai dibagasan hagaleonta i do ro hagogon mardapotdapot sian Debata napatoguhon hita. Songon na masa di si Paulus naung tolu hali dipangido sian Debata hamamalum sian parsahiton alai ndang marnamuba, jala ndnag dilehon Debata. Jala didok Tuhan Debata do tu ibana di 2 Korint 12: 9 “Gabe didok Ibana tu ahu: Tuk ma asi ni rohangku di ho; ai di hagaleon do sun timbul hagogoon. Asa tagonan ma hupapujipuji diringku di bagasan angka hagaleonku, asa songgop tu ahu hagogoon ni Kristus.”

4.Jala ndang holan disi, tong do di respon si Paulus marhite hatana di ay.10 : ai jumpa gale ahu, disi do ahu margogo. Doshon na nialaman si Abraham di si Paulus, ndang munggil ibana alai sai hot mamuji pasangap Debata. Hita pe angka na porseajotjot do gabe tatadinghon Debata uju ro angka hamaolon i. Alai songon angka siihuthon Kristus hita sai hot ma hita satia tu Debata, dang holan angka na tonggi dionta tong do niae angka hamaolon asa margogo hita paposhon diri tu adopan ni Debata. Unang ma hita manghalupahon denggan basaNa ala ni angka hamaolon i. Diajarkan Paulus di dalam Filipi 4:13, “Segala perkara dapat kutanggung di dalam Dia yang memberi kekuatan kepadaku.

5.      Palimahon, sai hot ma hita mamuji pasangaphon Debata. Disok si Paulus ia si Abraham pasangahpn Debata dikondisi na so marpangkirimon. N agabe sungkun sungkun, pasangap Debata ala ni aha ? Godang do ia halak Kristen diajari asa pasangaphon Debata alai dang adong dasor na tepat. Asa di ay.21,didok Si Paulus “dengan penuh keyakinan”. Kata “keyakinan” atau persuaded dalam bahasa asli (Yunaninya adalah plērophoreō yang berarti completelyassure (sepenuhnya dijamin). Jadi na boi do Abraham mamuji pasangap Debata dohot haporseaon nang pos ni roha na boi do si Abraham mamuji Debata marhite haporseaon nang pos ni roha na mampu mangulahon naung di padanhon Debata. Lapatanna; dipasangap si Abraham Debata ala pos ni rohana tu Debata. Haporseaon dibagasan Debata ima sada sikap mamelehon diri total tu sangkap nang lomoNa. Hagogoon ni Debata marhahonaan tu Hasangapon ni Debata marsirainan doi tu hasongkalon ni Debata. Asa angka na marhaporseaon dibagasan huasoNa marhahonaan tu haporseaon. Hasongkalon ni Debata na marhahonaan tu hagogoon ni Debata. Asa halak na marhaporseaon dibagasan hasongkalon ni Debata marpardomuan do i tu hagogoon ni Debata na boi patupahon manang aha pe hombar tu sangkap ni Debata. Mauliate ma tadok tu Debata na sao hatudosan. Di portibi on na menawarhon angka padan na so tingkos na so boi digohi, alai adong do di hita Debata na boi taandalhon ala satia do Ibana jala marhatigoran.Dibagasan padanNa i do marhamonangan hita (victorius faith). Lapatanna haporseaonta ndad ala ni kondisi alai haporseaon na lobi sian i, sian hajolmaon ala marhahotan dibagasan Debata na so terbatas i. Amen.

 

Jamita Minggu, Invocavit-JouonNa ma Ahu Jadi Alusanhu Ma Ibana, 18 Februari 2024

JAHOWA PABOTOHON ANGKA DALANNA

 (Tuhan Menunjukkan Jalan Kepadaku)

Psalmen 25: 1 - 10

 

 

 

a)      Lobi hurang sada taon na sai dipaburuburu raja Saul si Daud (helana i), ala ni pangiburuon sinonggopan ni tondi na hodar raja ni Israel na parjolo on, hirahira taon 1.0050-1.004 sM. Molo tapaihutihut surat ni si Samuel na parjolo bindu 22-23 di nasai manggasa rimas ni raja Saul mangalele si Daud naeng bunuonna soada salana nian tu si Saul, nda holan ala naung pinillit ni Jahowa i do si Daud gabe raja mangganti ibana jala nunga dimiahi panurirang Samuel si Daud fi Betlehem (1 Sam.16: 1 -13). Disi tarboto tu si Saul, naung dimiahi si Samuel si Daud gabe raja, ndada sada sian anakna i hape. Tarrimas situtu ma ibana tu si Daud. Saleleng si sada taon i dipangungsian nama si Daud dohot pasukanna si 600 halak i. Sian Naiot tu Rama, tu Nob, tu Gat, tu Liang Adulan tu Mizpa, torus tu tombak Heret, dungi mulak tu Nob dst.

b)      Asa dung mate si Saul bunuh diri di dolok Gilboa, maringanan ma si Daud di Hebron, diingot ma parmaraan naung binolusna, ro di angka dosa di haposoona, jorbut di panghorhonna muse tu dirina dohot pinomparna. Alai diida muse ma asi ni roha dohot angka denggan basa ni Debata Jahowa naung paluahon ibana mangalualu tu jolo ni Debata dibagasan roha na magopu marningot pengalamanna naung salpu. Asa tama situtu do perenunganta tingki dohot pengalamanta naung salpu laho mamereng tingki dohot angka na masa siparehanta tu jolo on.

c)      Adong tolu bagian penting na pinataridahon ni raja Daud tu hita huria dohot pribadi na porsea di Tuhanta, ima: Motivasi. Isi dohot tujuan ni tangiang tu Debata Jahowa marhitehite Jesus Kristus. Motivasi na mangonjar rohana, ima: las ni roha ni si Daud ala haluaon pinatupa ni Debata di ibana. Ndang dipaila (dipasiaksiak/disiksa) musuna ibana, jala diondihon sian hamatean. Isini, ima: mamuji huhut mangolopolophon denggan basa ni Debata Jahowa tu saluhut na marhaposan tu Ibana, mangondihon sian mara ni daging nang tondi ala asi ni rohaNa dohot HolongNana so haushatan (halompoan) i. Tujuanna, ima:  mangarahon saluhut jolma manghalashon denggan basa, Asi ni roha dohot holong ni Jahowa na paluahon angka na porsea sian musu dohot sian rante ni dosa i. Tangiang ni angka na porsea tu Debata Jahowa pasahathon/mamelehon diri songon haadongonna (sebagaimana ia ada/keberadaannya), beha pe balga dohot jorbut ni dosana najolo.

d)     Holan marhite tangiang na torus manorus pasahat diri tu Tangan ni Tuhan na sun hinagogo i do boi hita jolma malua sian tahi dohot sangkap hajahaton na di portibi on (Psalm 24: 4b; 86:4; 143:8. Mandok : andorang so niula siulaon sai jumolo martangiang. Nasa na martangiang tu Debata, naeng  ma dibagasan tondi dohot hasintongan, jala marpos ni roha situtu tu asi ni roha ni Debata. Na alusanNa do tangiangta, ala naung tapasahat sude ngolunta dohot masa depanta tu Ibana (Psalm 24:6; Joh.4:24).

e)      Sabar paimahon alus ni Debata di tangiangta. Unang mandele manang gabe mansohot martangiang molo so pintor dioloi Debata na tapangido di tangiangta be (Mat.7:7-8). Ai diboto Debata siida roha i do motif, isi dohot tujuan ni ganup tangiangta tu Ibana, jala alusna: “OLO, NDANG, PAIMA”........”. Tung so tarurak ganup jolma (baoa, boruboru, sian na matua sahat ro di posoposo) na tongtong marhaposan tu Debata Jahowa jala na benget paimaimahon denggan basaNa. Songon parjaga (si jaga malam) na paimaimahon tiur ni ari di ngoluna (Psalm 130:7). Songon karyawan manang pegawai na paimaimahon upah/gajian (Job.7:2). Songon partani, parladang, parhauma, dohot pengusaha na paimaimahon hasil ni gotilon, panen (Jes.5:4).

f)       Alai jolma na manonggopi hasalaan ni donganna jolma (hinasonghophon ni rohana/musuna) laho pagasihonsa manang laho pailahonsa, tudos do i songon singa na mangonggoponggopi mangsana. Ia singa, ima lambang ni sibolis (1 Ptr.5:8) na sai holan mangonggop dohot mangkuar dosa, hahurangan, hasalaan ni donganna jolma, dung i dipatedek tu portibi on asa sude na marnida (umbotosa) dohot na manganggo (umbege barita) i gabe bauan dohot pasidinghonsa. Alai na sumongirna, laos di bursikhon. Ala ni jorbut ni dosa dohot utiutian ni sibolis na sai mangonggopi angka na porsea i, di dia tinggang dohot sala asa dipaila nian. I do umbahen ingkon tongtong hita dungo martangiang pasahat diri tu tangan ni Debata Jahowa. Asa diondihon, diurupi, dipargogoi, diparbisuhi jala diondihon hita di dalan sidalananta, di ulaon siulahononta siganup ari dohot di ngolu sihangoluhononta saleleng di portibi on.

g)      Holan sian Debata Jahowa do “haluaon sian dosa dohot hamatean” ni sandok hajolmaon. Ala ni denggan basa dohot asini roha dohot holong ni roha ni Debata Jahowa di hita jolma tinompaNa, dipaingot do sandok ruas ni huria dohot angka na porsea di Debata dohot Jesus Kristus, asa taarahon sandok portibi on: mamuji denggan basa ni Debata marhite endetta dohot tangiangta na so olo sumurut (Jes.32:2; Pslm.39:8), Asa sadar sude jolma, beha pe situasi manang keadaanna di portibi on alai naeng ma botoonna tangkas na di tongatonga ni ancaman ni dosa, haliluon, hajahaton, hatoison dohot ginjang ni roha dope hita mangolu-mamolus ragam ni pangunjunan. Ala ni ndang tarbahen so ingkon dungo hita martangiang, jala benget paimaimahon Tuhanta na naeng ro i. Tongtong  marguru tu lomo ni roha ni Debata na sun bisuk i asa diajari hita mangolu di portibi on na mubaubaon on dohot mandalani dalan hatigoran tu hangoluan na manongtong i. Ganup tingki martangiang, ingkon tongtong hita mangelekelek asi ni roha dohhot denggan basa ni Debata asa marpangulahi rohaNa mida dosanta, dosa ni keluarganta, dosa ni masyarakatta, dosa ni bangsonta, dosa na bongot tu hurianta. Mulai sian dosa na metmet, na balga, na buni dohot na patar, dosa haposoon (hawa nafsu) dohot dosa dung dewasa (tamak dohot ambisi na berlebihlebihan), dohot dosa dung matua (ganggu-mandele). Asa unang pora jala lapuk haporseaonta, pangkirimonta lumobi holong ni rohanta tu asi ni roha ni Debata sijaloonta nuaeng nang tu jolo on di ngolunta nang sahat tu pinomparta.

h)      Di halak na porsea dalan ni Debata ima haholongon nang hasintongan. Dibagasan dalanna i adong haholongan na paubahon jala hasatiaon tu hita. Ndang adong mara dibagasan dalan ni Tuhan i. Alai sipata ndang sanggup pikiranta mangantusi dalan ni Tuhan i. Ala i nang pe songon i sandok dalan ni Tuhan i ima asi ni roha. Didok so di Jesaya 55: 8-9 “Ai ndada pingkiranku pingkiranmuna i, jala ndada dalanmuna angka dalanku, ninna Jahowa. Ai songon timbo ni angka langit sian tano on, songon i do tumimbo angka dalanku sian dalanmuna i, jala angka * pingkiranku sian pingkiranmuna i.” Ala so mampu hita manangkasi dalan ni Tuhan i, sai jotjot do hita mamaksa Tuhan i laho mangihuthon lomo ni rohanta, sangkapta nang tahitahinta, alai ndang olo hita mangihuthon lomoni rohaNa. Mansai maol do memang dalan ni Tuhan i niantusan songon na so masuk tu roha dohot pikiran. Mansai jotjot do hita jolma holan na marnida na di pardagingon on jala boi manghorhon hansit ni roha, muruk nang kecewa tu Tuhanta i jala marungutungut songon bangso Isarel i.

i)        Songon topik ni Minggunta mandok : Jahowa Pabotohon DalanNa. Na gabe sungkunsungkun di hita,boha do asa boi hita mangantusi dalan ni Tuhan i ?:

1.      Naparjolo, naeng ma serep rohanta. Mansai sogo do roha ni Tuhanta i marnida angka na ginjang roha na sai mangasahon gogo, roha nang pikiranna laho manontuhon pilihan nang dalanna. Hape Hata ni Tuhanta i mandok tu hita, sai urupanNa do hita  di angka na olo siurupan, sitoguon, na tobok rohana, jala serep marroha. Sedangkan halak pe molo mamreng hita songon na ginjang rohanta, laos so olo mangurupi hita. Alai sabalikna molo serep rohanta dibereng halak, sai urupanna do hita. Lam ma Tuhanta  na basa i sai urupanNa do angka na seep marroha.

2.      Napaduahon, ingkon biar mida Jahowa do hita. Biar mida Jahowa ndang na mandok songon na mabiar, alai na unduk, hormat, porman, toman, tulus mangulahon lomo ni roha ni Debata marhite patikNa i. Tondi na unduk tu Debata marhite na marlas ni roha dibagasan Tuhan i. AI tangkas do didok di Poda 1:7 “Biar mida Jahowa do parmulaan ni parbinotoan, alai anggo halak na oto manoisi hapistaran dohot pangajaran.” Asa marhite i ma tau hita ajaranni Tuhanta i nang dalanNa i na mamboan tu las ni roha nang olopolop di hita, keluarganta nang tu pinomparta.

Laho manangkasi lomo ni roha ni Debata nang dalanna sipata memang ingkon lombuttonNa do hita. Songon na nidok di Hosea 6: 1 – 3 “Beta hita, asa mulak hita tu Jahowa! Ai nunga ibana mangaribahi, laos ibana pamalum hita! Nunga ibana mambugangi, laos ibana manaoari hita! Sai pangoluonna do hita dung salpu dua ari, tole patoluarihon paheheonna hita, asa mangolu hita maradophon ibana. Sai mananda ma hita, sai ringgas ma hita mangeahi parbinotoan di Jahowa, tudoshon buhasiang ari do sintong ni habibinsarna, jala sai na ro do ibana songon udan tu hita songon udan nene na mamornohi tano i.” Ala ni i holan di angka na mananda Debata do na olo mandalani dalanNa dibagasan Jesus Kristus naung mangae dalan na porsuk i asa dung i marhamonangan jala  marhabadiaon. Tadalani ma dalan ni ngolunta hombar tu dalanni Tuhanta Jesus Kristus i sipata maol antusan jala pikiran alai molo haporseaonta mangolu sai tahamonanghon do saluhutna paraloanta i dibagasan Kristus Jesus i. Minggu Invocavit: Jouonna ma ahu jala alusanku ma Ibana. Amen.

 

Jamita Minggu, Estomihi, 11 Februari 2024

 Jesus do Anak ni Debata, Tangihon Hamu ma Ibana

 (Yesus Anak Allah, Dengarkanlah Dia)

Markus 9: 2 - 9

 

 

a)      Huria na hinaholongan dibagasan Jesus Kristus, diturpuk on dipaboa do taringot Jesus nangkok tu dolok Tabor laho martangiang rap dohot tolu siseanna, si Petrus, Jakobus dohot si Johanes. Ditingki martangiang i, pardompahan ni Jesus gabe maruba, paheanNa pe gabe bontar marhillonghillong. Molo evangelium Markus paboahon ia bohi ni Jesus i gabe maruba laos marsinondang songon mata ni ari, jala paheanNa pe gabe marhillong na bontar marsinonandang. Na masa on jotjot do digoari Transfigurasi. Dibagasan peristiwa on, si Musa (na manguluhon bangso Israel bungkas sian Misir) dohot Elia (panurirang bolon na tarbarita di sejarah Israel) tarida dibagasan hamuliaon. Tolunasida manghatahatai taringot tu pardalanan ni Jesus tu Jerusalem. Aha do lapatan ni i pardalanan ni Jesus tu Jerusalem ? Jerusalem ima pusat ni kota nang parugamaon ni halak Jahudi. Jerusalem ima Kota ni Debata. Jesus ima “Musa na imbaru” na manogihon angka na dohot mandalani ngolu on saluhut manisia sian parhatobanon dosa dohot hamatean, manuju Jerusalem na imbaru, ima Harajaon ni Debata. Hamamasa trnsfigurasi on dihaporseai do songon sada sian lima hamamasa na ringkto di parngoluon ni Jesus (pandidion, diparsilangkon, haheheon dohot hananaekNa tu surgo). Transfigurasi ni Jesus di atas dolok Tabor ima patuduhon hapapatar ni jati diri ni Jesus Kristus songon Anak ni Debata, asa tandaon ni jolma ma Ibana songon Sipalua na mamboan hangoluan na imbaru tu saluhut jolma.

b)      Di namasa i adong do pasidohot tolu sisean ni Jesus ima; etrus, Jakonbus dohot si Johannes. Sangkap si Petrus na naeng paradehon tolu undungundung ala ni las ni roha nasida marnidasa. Guru, dengganna i dison! Hupauli hami ma dison soposopo tolu: Sada di Ho, sada di si Musa, sada di si Elia! (9:5). Naneg di maringan si Petrus di atas dolok i dibagasan hamukiaon nang las ni roha di transfigurasi i. Alai ndang sadar ibana di panghorhon nang konsekuensi ni hagiot ni rohana i, ima misi ni Jesus na so boi tarpatupa. Lobi sian i, ndang disadari ibana ia hamuliaon i ingkon mamolus perjuangan, hamubaon, hinabernit nang hamaolon. Pangidoan ni si Petrus i laho padirihon undungundung di atas dolok Tabor i patuduhon sikap “menak”. Petrus dohot angka donganna gabe terlena di zona nyaman jala na menak i na so olo hindat sian situasi i. Siala ni i, ndang diloas Jesus nasida angka siseanna sai lalap disi holan na manikmati ngolu na nyaman, na menak pangkilalaan. Alai diarahon Jesus do nasida asa turunsian dolok i asa pasidohot di hamamasa ni haluaon i. Panogihonon ni Jesus asa mulak sian dolok i na gabe parsiajaran na mansai ringkot tu angka sisean na paboa ia hamenakon na di atas dolok Tabor i ndang sadia do pe imbarna. Hamenakon, las ni roha, hadumaon ingkon status quo, ingkon ditadingkon do i laho mandapothon hamuliaon na umbolon. Ia Jesus sandiri olo di manandinghon zona nyaman jala masuk tibagasan zona na so nyaman holan laho paluahon jolma. Jala Jesus pe nanaeng mangajari angka sisean i ia hamuliaon dolok Golgata lobi sumangap sian hamuliaon ni dolok Tabor.

c)      Ruas ni huria nahinaholongan dibagasan Jesus Kristus. Ia di portibi on mansai godang do angka tawaran kenyamanan, hadumaon na boi mambahen menak rohanta, angka na tabo asa tabvo parngoluonta. Alai holan sada do tawaran na benar-benar mangalehon jaminan las ni roha na manongtong di hita. Ima tawaran ni Tuhan i; hasatiaon dibagasan hinabernit dohot ngolu na marlas ni roha. Alai sipata mansai maol do hita manangihon tawaran ni Tuhan Jesus i, ala mansai sibuk hita dohot urusan ni dirinta sandiri jala tarunjun di tawaran ni portibi on dohot haulionna. Kenikmatan dunia membutakan kita akan kenikmatan yang sesungguhnya dalam kekekalan Kristsu. Sai jotjot do pe hita bersikap songon si Petrus, Jakobus dohot Johannes na holan terbuai, terlena di zona nyaman na sementara. Pangalaho sisongon on do na ambahen maol rohanta marnida sangkap ni Tuhan i di panggulmiton ni ngolunta. Hombar tusi, marhite peristiwa trnsfigurasi, na naeng diajarhon Jesus tu hita ia las ni roha na di dolok Tabor i naeng jaloonta do i molo olo hita manadinghonsa jala manangkohi dolok Golgata. Adong Tabor, adong Golgota; adong las ni roha laos adong do arsak ni roha. Jaloonta do angka si las ni roha molo mampu hita martahan di habebernit ni ngolunta, mudar dohot iluilu. Barani do hita manadinghon las ni rohanta i (tabor di rohanta i) di ngolunta jala barani do hita marhusor tu dolok Golgota ima angka hamaolon i ? Alai toropan do jolma laho mangalului hasonangan ni portibi on so pola parduli dohot sitiasi na masa di humaliangna. Sahalak ama boi do mangalului “Tabor” di inganan na asing, jala pasombuonna pardijabuna dohot ianakhonna marsitaonon nang dihamaolon. Boi do sahalak ina mansai las rohana mangalului angka “tabor” na asing di inganan na ribur nang manuhori angka na di rohana na so pola marpangontik sian gaji ni amantana. Sahalak anak pe boi do merasa ia “tabor” na i holan di game, marsosial media dohot na asing sian na marparsiajari pelajaranna di sikola. Mansai godang dope angka “tabor” na asing di bagasan ngolunta on. Alai diarahaon Jesus do hita asa turun, ro jala mardalan ma raphon Ibana laho tu dolok Golgota. Jala asa boi hita turun sian dolok Taborta i (zona nyaman) dibagasan ngolunta, na parjolo siulahononta ima; barani laho maruba dohot boi mangorom diri sian hasonangan ni portibi on. Siala soada dolok Tabor molo so adong dolok Golgota. Uju nangkok hita tu dolok Golgota, bahenon ni Debata ma hita gabe anakNa jala tama diadopanNa. Jesus do Anak ni Debata, tatangihon ma Ibana jala taihuthon.Tuhan mamasumasu hita. Amen.

 

Jamita Minggu, Sexagesima, 4 Februari 2024

Debata Salelenglelengna Do Jahowa

 (Tuhan Adalah Allah Yang Kekal)

Yesaya 40: 21- 31

 

 

a)      Hamuna amanami-inanami nahinaholongan dibagasan Kristus Jesus. Sude do hita setuju ia na sai tajalahi dibagasan ngolu on ima hadameon. Ngolu na dame disi angka ulaon pe boi tulus jala lancar. Molo nunga dame, sonang ma roha, pangkilalaan, disi jumpang hadumaon nang demak ngoluna. Alai di hamajuon jaman on mansai torop do halakk na gabe mandele jala mandate ima na ginoaranna stress, boi do manonggopi manang ise pe manang manghilalahon depresi. Panghilalaan mandele nang mandate i boi do i masa tu manang ise pe halakna. Ala ni i mansai ringkot angka hali disi laho mangalehon dalan nang solusi. Asing ni i ringkot do nasida na mandele nang na depresi i ditangihon sorana manang hoihoina asa boban ni pikiranna i lam numeang dihilala. Na deba dijumpangi do ahlina songon psikiater, dokter nang rohaniawan. Na deban nari ndang merasa puas dijawaban pergumulanna jala na niarop rohana. Mansai godang na merasa gagal mandapot solusi asa gabe lam posi ma ngoluna adong na sahat tu na stress nang mate maningkot.

b)      Dihita nahinaholongan songon angka na porsea hita, mangadopi depresi, masalah berat unang gabe talu binahen ni i. Ndang boi angka parsoalon i manegai parngoluanta. Molo sanga do masalah i manegai ngolunta, boi do gabe ndang denggan be parsaoranta dohot Tuhan Debata. Las ni rohanta i pe nunga mago sian adopanta, molo sai oloanta angka masalah i manghaliangi ngolunta panghorhonna sahat ma na so denggan be parsaoranta dohot dongan sabagas, dohot angka dongan, tondong  nang pinaribot. Holan sian Tuhanta i do ro jawaban, hagogoon, nang apulapul molo jumpangan hita angka hamaolon, hinabernit sitaonon dibagasan parngoluonta. Boi do angka parsualon i mambahen gale panghilalaanta, manang gabe jut rohanta, manang gabe godoran tarontokta. Sian dia do jumpang hita hagogoon i ?

c)      Laos i do na jumpang masa diparngoluon ni bangso Israel, uju di habuangan Babel dope nasida. Porsea do nasida habubungkas ni angka ompunasida sian tano  Misir ima siala panogunoguonni Debata sambing. Alai uju tarbuang ma muse pinompar ni bangso i tu Babel, sai dihilala nasida do naung ditadinghon Debata nasida, jala dilapati rohana na so margogo be Tuhan i laho paluahon nasida. Perasaan dohot keadaan sisongoni ma mambahen nasida gabe mandele jala ndang adong be di nasida pangkirimon. Alai dibagasan turpuk on ma ro panogunoguon dohot apulapul na sian Debata, Jala Ibana na paujunghon partinaonan nasida. Sitaononna i siala ni dosa nasida nang hasalaanna, alai naung disesa Debata do sude dosa nasida jala mulak do roha ni Debata tu nasida. Na ro ma Tuhan i marhite hagogoonNa jala marhite TanganNa na gok hagogon i.

d)     Ay.21-24: diarahon do bangso Israel laho mangarimangrimangi; ise do na gumogo di portibi on? Siala uju i na tarbuang bangso i tu Babel, ndang adong be na gumogo di roha nasida sian Harjaon ni Babel i. Disi hatahuton, jut ni roha bercampur aduk, mambahen pikiran nasida be mago pangkirimon di haluaon nasida. On ma na gabe metmet pangkilalaan nasida, semangat pe gabe mago, pamatang pe gabe gale. Alai molo ingot nasida ia Debata  na do na sun gogo di tonga portibi on ido na boi mangalehon semangat dinasida na tarbuang i. Didok si Jesaya do dison; “Ibana pasahathon angka panggomgom gabe soada, angka panguhum di tano on gabe marlea dibahen. Ipe nasida disuan, ipe nasida disaburhon, ipe marurat pangkalnasida di tano i, asal mangombus ibana dompak nasida, nunga malos...”(ay.23-24). Dipaingot si Jesaya do bangso Israel, ia hagogoon harjaon ni Babel i ndang dihadihana, asal diombus Tuhanta i bangso Babel nunga malos.

e)      Ay.25-26; disungkun si Jesaya do muse bangso Israel na tarbuang i: tung tu ise ma patudoson Debata i ? Molo nirimangan sude na di portibi on boi do terkagum-kagum hita; bohama Debata manompa i manang manjadihon i saluhutna. Molo na deba halak boi do gabe dipardebatahon angka na di portibi on, isarana, batau na balga, manang dolok na timbo, manang sada hau na balga dohot lan na asing. Gabe diparsinta do sian i angka dalan nang hangoluanna. Alai dison si Jesaya mandok, aha na niida ni jolma na balga jala marhagogoon saluhutna i ditoru ni huaso ni Debata. Teologi ni na mangalehon angka goar, ido na marhuaso tu angka na ginoaranna i songon si Adam na nilehon Debata huaso laho mangoari saluhut na tinompa i, si Adam do na marhuaso disi, dilehon kepercayaan manang mandat.

f)       Ayat 27-31, dipaingot si Jesaya do hajongjongan ni bangso Israel i, songon bangso na dihaholongi Debata. Marhite na manjou goarna “Jakob”; sipaotootoi na pantas siuhumon ni Debata maruba mai goarna gabe Israel: marhamonangan (ptd. Uju marsiranggut si Jakob dohot surusuruan ni Debata di Pniel, 1 Musa 32:28). Nanaeng tambortamboran ni si Jesaya do semangat ni bangso Israel i asa unang gabe gale panghilalaan nasida, asa gabe siparmonang nasida (mental juara, mental pemenang, na togu). Siala haholongan ni Debata do bangso i asa lehononNa ma muse hagogoon mardapodapot tu bangsoNa i. Debata do mual ni hagogoon na manompa langit dohot tano on na so marnaloja jala gale. Ibana na mangalehon hagoon tu angka na gale na manambai semangat tu angka na gale dohot na so margogo. Halak na mandapo hagogoon sian Debata diumpamahon songon pidong rajawali. Seekor burung rajawali bisa mencapai umur hingga 70 tahun. Tapi untuk mencapai umur tersebut adalah sebuah pilihan bagi seekor rajawali, apakah dia ingin hidup sampai 70 tahun atau hanya sampai 40 tahun. Ketika burung rajawali mencapai umur 40 tahun, maka untuk dapat hidup lebih panjang 30 tahun lagi, dia harus melewati transformasi tubuh yang sangat menyakitkan. Dan pada saat inilah seekor rajawali harus menentukan pilihan untuk melewati transformasi yang menyakitkan itu atau melewati sisa hidup yang tidak menyakitkan namun singkat menuju kematian. Pada umur 40 tahun paruh rajawali sudah sangat bengkok dan panjang hingga mencapai lehernya sehingga ia akan kesulitan memakan. Dan cakar-cakarnya juga sudah tidak tajam. Selain itu bulu pada sayapnya sudah sangat tebal sehingga ia sulit untuk dapat terbang tinggi. Bila seekor rajawali memutuskan untuk melewati transformasi tubuh yang menyakitkan tersebut, maka ia harus terbang mencari pegunungan yang tinggi kemudian membangun sarang di puncak gunung tersebut. Kemudian dia akan mematuk-matuk paruhnya pada bebatuan di gunung sehingga paruhnya lepas. Setelah beberapa lama paruh baru nya akan muncul, dan dengan menggunakan paruhnya yang baru itu ia akan mencabut kukunya satu persatu-satu dan menunggu hingga tumbuh kuku baru yang lebih tajam. Dan ketika kuku-kuku itu telah tumbuh ia akan mencabut bulu sayap nya hingga rontok semua dan menunggu bulu-bulu baru tumbuh pada sayapnya. Dan ketika semua itu sudah dilewati rajawali itu dapat terbang kembali dan menjalani kehidupan normalnya. Begitulah transformasi menyakitkan yang harus dilewati oleh seekor rajawali selama kurang lebih setengah tahun. Burung rajawali ini ibarat kita sebagai manusia. Ketika sebuah masalah datang dalam kehidupan kita dan kita dihadapkan pada pilihan-pilihan yang harus diambil, dan sering dari pilihan yang kita ambil tersebut kita harus melewati suatu transformasi kehidupan yang menyakitkan bagi jiwa dan tubuh kita. Namun ditengah kesulitan tersebut kita harus ingat ada Tuhan yang menyertai kita, ada masa depan yang Tuhan sediakan untuk kita diakhir perjuangan kita, suatu kehidupan 30 tahun lebih panjang, suatu kehidupan yang lebih baik, suatu pemulihan hubungan, suatu kesembuhan, suatu sukacita ....., suatu yang kita impikan selama ini.

g)      Topik ni Minggunta; Debata salelengnilelengna do Jahowa. Lapatanna ndang na gabe mubauba Debata, hot do Ibana Debata na marasi ni roha tu angka na tinompaNa. Memang ala ni dosa do na gabe manegai portibi on nang hajolmaon. Olo do ala ni dosa, gabe mandao jolma i sian adopanNa, panghorhonna gabe susa ma ngolunta. Alai uju ro angka na bernit nang ahsusaan i unang ma hita holan mamereng masalah nang persoalan i, alai tatap ma Debata Jahowa di hagogoonna i. Molo holan tu parsualon i do berengonta boi do hita terhisap tu pandelean gabe dikuras tenaga, manang energinta laho mamingkiri masalah i. Alai songon angka na porsea hita na manghatindanghon Ibana nang hagogoonna ganup ari nang ganup minggu (di parmingguon pe) tongtong ma sai ingot di hagogoon ni Tuhan Debata. 2 Kor.12:9, “Tuk ma asi ni rohangku di ho; ai di hagaleon do sun timbul hagogoon. Asa tagonan ma hupapujipuji diringku di bagasan angka hagaleonku, asa songgop tu ahu hagogoon ni Kristus.”Angka na manghirim di Debata dibagabagahon do; hagogoon ni Debata laho pasuanghon nasida ditongatonga ni halojaonna, hagaleonna, hamaolonna mangadopi angka pergumulan hidup. Dapotna do hagogoon laho pasaehon angka masalahna nang mangadopi angka hamaolon. Ai didok Ap.paulus do di Pilipi 4: 13 Saluhutna do tarpatupa ahu marhitehite Ibana, na margogoihon ahu!

g)Dibagasan Jesus Kristus do hamonanganta manaluhon habiaranta nang hamaolonta. Tapangasahon ma Anak ni Debata ima Jesus Kristus i laho mangadopi ragam sitaonon, nang hamaolon. Sai marhamonangan do angka na porsea i mangadopi ragam nni hamaolonna. Amen.