Jamita Minggu Estomihi , 27 Februari 2022

NDANG MULAK BOTI  HATA NI DEBATA

Firman Tuhan  Tidak Akan Kembali Dengan Sia-sia

 

Ev. Yesaya 55: 10 – 13                                               Ep. Mateus 13: 18 – 23

 

 

DI hita saluhutna huria ni Tuhanta na hinaholongan dibagasan Jesus Kristus, Tung so hea do didok Tuhanta i HataNa tu angka na so marguna, manang tung so hea do saluhut Hata ni Debata na marisuang boti. Hata ni Debata laho mangalehon hagogoon, haluaon jala hangoluan na manongtong. Huaso ni Hata ni Debata na manghorhohn tu parngoluon ni angka jolma, angka na porsea nang na so porsea pe. Ala molo tu angka na porsea, sai jaloonna do angka na pinarbagabaga Debata marhitehite hataNa. Andul marasing tu angka jolma na so porsea, angka na marbalik sian na manjalo Hata ni Debata na ingkon sijaloon nasida. Huaso Hatani Debata pe manghorhon nang tu saluhut angka na tinompa di portibi on, dohot di pardalanan ni sejarah ni angka bangso di portibi on. Ndada holan bangso, alai dohot do ganup halak, huaso Hata ni Debata manghorhon di sejarah ni parngoluonta. Hata  ni Debata na niojakhon ni roha, manimbulhon hatontuon, nang bagabaga dohot pangkirimon di hapataranna. Tung so ada do na mulak boti tu Debata, siala Hata ni Debata naung dipasahat Debata tung so muba jala mose i, alai sai manongtong do i. Tung so mulak songon i do Hata ni Debata siala Tuhan Debata na satia di angka padanNa. HataNa i na mangulahon angka na tonaNa. Tu hita do HataNa i, na mangalehon hangoluan dohot pasupasu partondion tu bagasan parngoluonta si saonnari on sahat ro di saleleng ni lelengna. Sai porsea ma hita di Hatani Debata asa marlas ni roha gok olopolop jala las ni roha raphon Kristus Tuhanta i.

  

Disada tingki adong ma sahalak dakdanak na marmeam meam di topi ni Tao raphon dohot solu meamemamna. Ala ni tabo ni parmeamonna i, tung so di boto do parao meam memamna i lam leleng lam mandao marhusor to tonga ni aek tao i. Tunga boha ma ibana mambuatsa ? tung so diboto do marlange.

Sai tumatangis ma dakdanak i huhut manganggunhi mangido tolong. Hape adong sada ama na umbege anggug ni dakdanak i na huhut mamolus sian i. Diurupi ma dakdanak i asa laho mambuat meammeam na i. Aha ma na pinatupa ni amanta i ? Dibuat amanta i ma sada batu huhut di danggurhon ma tu parao i. Gabe mangamuk ma jala muruk dakdanak i tu ama ama i. Alai lam diparrohahon ma parao na i lam leleng jonokkhon topi ni tao i. Gabe las ma roha ni Dakdanak i. Boasa tingki di danggurhon batu tu parao i muruk dakdanak i ? ala di roha ni dakdanak i olo ma gabe sega parao meam meam na i. Hape baliksa asa lam jonok do parao na i dibahen galumbang aek na di dagnggurhon batu ni ama ama i. Gabe las ma roha ni dakdanak i huhut mandok mauliate tu ama ama i.

  

   Hamuna angka dongan sai jotjot do hita songon dakdanak i sai marsak, jala humasusa mamingkiri angka hamaolon, angka arsak, sitaonon na taadopi di parngoluonta. Alai molo mulak tapasahat tu Debata Ama i saluhut parsorionta i, sipata tung maol do antusanta pambahenanNa tu hta laho manaleseihon masalahta. Boi do tabereng lam maol dalan i, jala susa rohanta mamingkiri, olo do mao tapingkiri cara nang pambahenan ni Debata laho paujunghon parungkilonta i. Cara nang dalan ni Debata tung so antusanta do sipata maol tarjalo rohanta; rumit dan sulit manjanghon tu roha bagabaga  ni Tuhan i. Pasupasu, haimbaruon, hamubaon laos sisongon i ma panghilalaan ni bangso Israel dibagasan turpuk on.

 

Molo taparrohahon ayat 12-13, boi do ro sungkunsungkun tu bagasan rohanta, borhat tudia ? hape dibagasan habuangan do situasi nasida. Boha do boi nasida marlas ni roha ?

Boha do boi partubu sampinur dohot bunga na hushus ? na nihilalon nasida holan angka duhutduhut do na tubu nang angka suga. Pitupulu taon ma lelengna masa habuangan i, bangso Israel dibuang tu tano ni halak sileban, sai marhusori do dibagasan roha nang haporseaon nasida taringot “habalgaon ni Debata”. Dungkon dibagabaghon Debata haluaon di nasida tung mansai leleng do dipaima nasida tingkina. Ati boha laos songon i ma panghilalanta angka halak na porsea i laho paimahon bagabaga hasasaut ni Hata ni Debata tu hita.

 

Marhite na masa si songon i, ala ni i adong ma pigapiga point na porlu sipahusorhusorhononta, ima:

a.        Naparjolo; Dipaloas Debata do masa tu hita angka hamaolon, sipingkiran, nang hasusaan, alai dipudi ni i saluhutna diigil Debata do hita sa marsiajar sian angka haberniton i. Tu halak Israel naeng do asa ajaron ni Debata nasida asa gabe sada bangso na marhamubaon sian dalan na so sintong, sian dalan na so tigor (halumlamon pangalaho nasida na so satia marsomba tu adopan ni Debata jahowa). Nang tu hita saluhutna angka na porsea molo tung pe masa angka hamaolon, haberniton dibagasan parngoluonta, naeng diigil Debata sian hita asa sadar diri di angka pangalaho na uju i masa di hita; atik so satia hita tu Debata. Atik hurang burju hita mangulahon HataNa i. Mansai uli do di angka na porsea sadar jala mangkuling Tondi Parbadai i manjou jala manggorahon tu rohana asa mamingkiri na masa hamaolon i saluhutna. Asa holan Tuhan Debata na tau mangalehon dalan, hatiuron asa malua hita sian haberniton i. Jala molo nunga tapasahat saluhutna tu adopan ni Debata, dapot hita ma hagogoon na imbaru, pos ni roha nang las ni roha, ala sai dipasupasu Debata do hita, so loasonNa hita sai dibagasan haporsuhon, adong pasupasu na so tarhatahon. Diparade Debata do suksuk pasupasu na sai marhaposan jala na mulak tu dalan ni Debata. Ala ni  dijou do hita jala diarahon asa mangaluli Debata. ( 55:6 Sai lulu i hamu ma Jahowa, binsan tarbahen dope jumpang ibana; jou hamu ma ibana, binsan jonok dope ibana.)

Tantangan jala hambatan di hita di jaman nuaeng asa jonok jala solhot tu Debata ima kemajuan tehknologi nuaeng. Ndang tu Debata be ibana manghatai, mangalualu,alai gabe laho do tu jolma, tuhalak na pistar, tu Mbah Google. Di Goole i boi sungkunonnta manang aha, jala hatop do dialusi hasilna. Boi do hita gabe terlena, jala gabe mar pos ni roha dohot ujungna marhaporseaon tu portibi on. Ndang marhaposan tu Debata be nasida, hape portibi on na terbatas do, jala ndang sempurna pasti sai adong do kelemahanna. Na deba holan donganna jolma na di haposi, dang tu Debata be rohana. Ala ni i ringkot do hita mamereng perkembangan jaman sinuaeng on asa unang terjebak hita disi. Sai margogo ma hita pasolhothon diri tu Debata Jahowa i.

b.       Napaduahon; Mandalani parngoluon on, sipata hita holan na mangarsakhon angka siarsahonon, angka hamaolon na taadopi gabe maol tahilalahon ala hurang dope pos ni rohanta boi hita malua sian angka hamaolon i marhite dalan nang cara na asing. Molo manghuling haporseaonta pasti sai lehonon ni Debata do dalan tu hita asa malua sian saluuhutna hamolon i. Unang ma gabe jumolo angka persoalan i na sai mangarajai roha nang pingkiranta alai taloas ma habalgaon nang hasangapon ni Debata mangarajai roha nang pingkiranta, asa lumbang tahilala, dame rohanta, jala gabe marbisuk hita dohot margogo. Sai adong do binsar hatiuron sian haholomon, lapatanna unang ma pangke pingkiranmu, utokutokmu, gogomu, nang portibi on. Pangke ma hagogon ni Debata, pangke ma nang HataNa i na mangjari, manogunogu tondinta.

c.        Napatoluhon: mandalani ngolu siganup ari raphon Tuhan i, tung soada do na marisuang, saluhut dipangke Debta do laho tu haporluonta di ari na naeng ro. 55:10 Ai songon hadadabu ni udan dohot ambolas sian langit, jala ndada mulak boti tusi, nda jolo dibornohi tano i jala dipagabe, asa martumburi, jala dilehon boni tu halak panabur dohot roti tu halak na manganhon. 55:11 Ingkon songon i do hatangki na ruar sian pamanganku: Ndang mulak boti tu ahu, ingkon bahenonna do lomo ni rohangku, jala manjadi tu na hutongos. Isara  i na mapultak dolok Sinabung, gabe mara, hasusaan na masa di penduduk na dihumaliangna, alai gabe mambahen kesuburan ni tano do i soggot, jala tarpasupasu ma angka partani di luat i muse marlompit ganda. Dibalik ni sude masalah sai dipatongon Debata do angka pasupasuNa. Taparateatehon ma parngoluon ni Ap.Paulus, na margoar si Saulus do najolo siboto surat angka na malo sian halak Jahudi, na mangalelei halak na porsea siihuthon Kristus. Alai ditangkup Kristus do ibana jala paubahon rohana nang haporseaonna gabe siihuthon Kristus na pasarhon barita na uli tu angka luat.

d.       Ndang mulak boti Hata ni Debata. Nang pe dibagasan halak Kristen sai adong dope na holsoan manjaha Hata ni Debata, ndang ringkot mambege jamita, ro tu parmingguon alai ndang dirohana na marminggu i. Holan mamereng jolma, ise na ro, ise na marhobas, ise na marjamita, ndang na laho mangadop nang mamereng Debata mata haporseaonna. Bibel di jabu pe sai bagak dope idaon songon na baru tinuhor sian na parjolo, ima ala so hea dijama, so hea dijaha, ndang di haringkothon na manangihon hata ni Debata. Alai ndang mulak boti Hata ni Debata, asa na mapahorhon do Hata ni Debata tubagasan ngolunta. Heber 4:12 Ai na marngolu do hata ni Debata jala marpangkorhon, jala tumajom sian nasa podang siduababa, jala torus do disirang hosa dohot tondi, ringring dohot utohutokna, laos diuhumi do na sinangkap dohot na piningkir ni roha.

d.Sai marpanghorhon tu na uli jala na denggan do Hata ni Debata, sai marhasil jala marparbue do Hata ni Debata. 2 Timotius 3:16 Ai nasa Surat i, sinihathon ni Debata do; jala hasea mamodai, maminsang, pauliulihon, manogunogu di bagasan hatigoran, 3:17 asa rimpas halak ni Debata, hobas tu nasa ulaon na denggan.Lapatanna ia hata ni Debata sai manghorhon parbue na jala gunana di hita na manangihon dohot na manjanghon HataNa i. Sai marpanghorhon tu na uli jala na denggan dibagasan ngolunta Hata ni Debata na tatangihon i, ndang mulak boti HataNa i.

e.       Tuhan Jesus do hagogok ni Hata i. Jala Ibana do Hata i, Naung ro do Ibana tu tongatonganta. Tajanghon ma Tuhan Jesus Kristus i gabe Sipalua hita. Tapeopma HataNa i, gabe tano na napu ma rohanta na sai olo pahusorhusorhon HataNa i gabe sinjatanta mandopang musunta ima sibolis i. Hata Na i Gabe panondang di mandalani ariari ni ngolunta di portibi on na gok haholomon. (Psl.119:105). Tapukpuhi, tatambortamboti Hatana i asa ndang marisuang i saluhtna, jala manghorhon parbue parulaonta na tama di adopan ni Debata nang hajolmaon. Hita do surat ni Kristus na jinaha torop jolma nang portibi on. Tapatuduhon ma parange nang pangalaho na sepadan dohot Hata ni Debata. Amen.

Jamita Minggu Sexagesima , 20 Februari 2022

NA DENGGAN DO BALOS NI NA JAT

Membalas Kejahatan Dengan Kebaikan

 

Ev. Lukas 6: 27 – 37                                                           Ep. 1 Musa 45: 3 – 16

 

I.   Patujolo

Sada sian na niajarhon Tuhanta Jesus taringot tu holong ima laho manghaholongi musu, manangianghon nasida, mamasumasu (mangido tu Tuhan Debata marasi ni roha  laho mamasumasu), jala mangulahon na denggan tu nasida. Na nidokna musu dison ima angka halak na marsogo ni roha tu hita, na mambahen marsak jala jut rohanta, na paporsukporsuk, na manghosomi, mangarehei, na mambahen na so tigor, na so haesa tu hita. Diajarhon Jesus do haholongan i di angka luat tu angka torop jolma nang angka siseanNa jala angka na dipamalum sian angka sahit: dohot angka na malum sian tondi na hodar (Luk.6:17-18).

 

II.   Hatorangan

a.        Ayat 27-28; Alai hudok ma tu hamuna na manangi: Haholongi hamu ma musumuna; na denggan ma bahen hamu tu na mangkosomi hamu. Pasupasu hamu ma angka na mamburai hamu, tangiangkon hamu ma angka na mangasupi hamu. Jotjot do taalami angka na sinangkapan ni roha hian siganup ari andul dao sian na niajarhon ni Tuhan Jesus. Sian hadagingon (hagiot ni daging nang haportibi on), sai naeng tabaloshon do pambahenan nasida. Molo adong na mamastap hita, mamungkuli hita, sai naeng do baloshononhon. Jala marsiajar do hita ilmu beladiri jala adong na sahat marsiajar ilmu hitam asa boi mandopang  musu. Alai gabe manghorhon hasesega di hita do an mangasahon angka gogo bi sibolis nang portibi on jala gabe tu hajahaton do ujungna. Andu marasing na dipangido ni Tuhan Jesus tu hita angka siihuthon Kristus na sai mangondingi jala mandongani hita, ndada na mangasahon gogo ni diri niba sandiri b disi. Pangantusion o n na mambahen hita gabe sadar sai na maringan do Tuhan Debata dihita laho mangalinggomi hita, manang didia pe hita jala manang dipartingkian dia pe i (Jos.1:9). Alai na gabe tantangan di hita ima asa manesa musunta i  jala mangulahon na denggan tu nasida. Jalandada holan tantangan i, alai gabe kewajiban nang keharusan ni halak Kristen do i.

Boi do tubu di roha molo tasesa hasalaanna gabe biar rohanta gabe somal ma nasida mangulahi pambahenanna i tu hita. Sai maos torus ma hita mengampuni, memaafkan. Sai hira ta terima, tajalo, manang kompromi hita di pangalaho sala i. Tung soada do joma manghiri pangalaho si sogo na songon i. Gabe dibereng musunta i ma hita halak na gale, boi diotootoi. Sai adong dope ra di roha na sungkan, manang manjaga gengsi, nama baik, sotung gabe roa goarta manang harga diri soada be. Tung so boi hita mabiar ala sisongon i, ala Tuhanta mandok di Mateus 5: 10 Martua ma na pinaburuburu ni halak ala ni hatigoran, ai di nasida do harajaon banua ginjang i!. Saluhut na nidok ni Jesus, sude na tarsurat di Bibelta i, nang Hata ni Debata ima hasintongan. Saluhut na sian Debata iama hasintongan. Umbahen ndang pola adong be keraguan di hita manang biar ni roha, mannag holsoan. Halak na hona rehean ala ni na mambahen hasintongan ni Jesus, nasida do angka na marsangap di Harajaon ni Debata.

b.       Ayat 29-30: Sada gombaran nang umpama na dipasahat Tuhan Jesus boha do laho manghaholongi musunta (angka na paporsukporsuk hita) ima : Anggo dipastap hurummi, tarehon nang na sambariba i; jala anggo dibuat ulosmu, unang jua nang bajubajum. Nasa na mangido tu ho, lehon; jala unang tunggu halak, naung mambuat ugasanmi. Tung mansai maol do luluanta halak na mangulahon si songon on (mangalehon silehonlehon tu musuniba, so pola adong pinangido balos ni i), tarlumobi dijaman sinuaeng on na gok angka ulaula ni sibolis mangago hita. Digombarhon Jesus do i songon angka duhutduhut manang simaremeeme na tubu di tongatonga ni angka eme na digombarhon Jesus soongon angka anak ni Harajaon ni Debata (Mat.24:24-30; 36-43). Alai didok Jesus do ia angka anak ni Debata sai hot do lam magodang dibagasan nadenggan dohot hasintongan ni Debata ditongatonga ni angka duhut nang simaremeeme na dihumaliangna. Hita angaka na porsea na ginoaran angka anak ni Debata, ndang be adong biar ni roha nang holsoan, siala Debata na sai tongtong mandongani hita. Tung so ringkot do tapingkiri na di roha ni halak pingkirhon ala na taboto do hasintongan i dibagasan Jesus. So pola taihuthon halak laho pasonanghon nasida siala na ringkot ulahononta ima mangulahon na pasonanghon Debata na mambahen hita sagombaran dohot Debata manang istilah “Imago Dei”. Gambaran atau image Allah terpancar dalam diri setiap orangpercaya, dalam diri setiap pengikut Kristus. Naung ditompa Debata do hita doshon dirina (1 Musa 1:26-27). Umbahen molo sai di paporsuporsuk, dijahati dope hita, sai sesama nasida, unang pompom dibagasan roham sangkap na laho mamaloshon i, jala pasahatma saluhutna tubagasan huaso ni Tuhan Jesus saluht angka hosom ni roham tu nasida. Jalo ma hasesaan tu Tuhan i, jala sesaanNa do hamu dohot na mambahen hansit roham, ima Haholongon i.

 

c.        Ayat 31: Ia i na pinangidomuna, naeng bahenon ni halak tu hamu, i ma bahen hamu tu nasida! Diajarhon Jesus do hita asa marbisuk, dia na naeng jaloonta, tabahen ma i jumolo tu angka dongan jolma. Dia na naeng sibahenon ni jolma tu hita asa jumolo tapatpa i. Astuanna, dihalomohon Jesus hita: asa di na tahalomohon dibahen halak tu hita tabahen ma i jumolo. Lehon ma tu halak na sangkaponmu bahenon  ni halak songon i tu hamu. Asa mura antusanta boha do laho manghaholongi dongan jolma songon na manghaholongi dirnta sandiri (Mat.22:39).

d.       Ayat 32-34: Ai molo dihaholongi hamu na marholong ni roha di hamu, parulian dia ma i di hamu? Ai nang angka parjahat dihaholongi do na marholong ni roha di nasida. Ai molo dihaholongi hamu na marholong ni roha di hamu, parulian dia ma i di hamu? Ai nang angka parjahat dihaholongi do na marholong ni roha di nasida. Jala anggo dibahen hamu na denggan tu angka sibahen na denggan tu hamu, parulian dia ma i di hamu? Nang angka parjahat i, songon i do pambahenna. Jala molo mangkirim hamu mambuatsa muse, laho pasali dongan, parulian dia ma i di hamu? Ai dipasali parjahat do donganna parjahat, asa dijalo muse hepengna.

d.Molo hita halak na porsea, na targoar siihuthon Kristus, na tardok halak Kristen laho manghaholongi halak na manghaholongi hita, tung soada do dao imbarna dohot angka halak pardosa nang angka na so porsea i tu Debata di na laho manghaholongi. Angka na porsea tu ganaganaan, pambunu, panggosagosa, pangarampok, parmabuk, tukang begal, pareman nasida pe adong do holongna tu donganna marhite na olo do nasida marbagi, masisarihon donganna alai sai ingkon adong labana. Uju manghaholongi nasida jala masilehonlehon, nasida pe mangarop di angka paruntungan, sigararon sian saluhut naung nilehon nasida. Alai nanaeng naiajarhon Jesus ima haholongon na manongtong, haholongon na sian hasintongan, holong ni Debata, holong na sian banuaginjang, na sai mangalehon jala ndang mangarop balosna.

e.       Ayat 35-36: Gabe parasiroha ma hamu, songon Amamuna, Parasiroha i! Unang ma hamu manguhumuhumi, gabe ndang uhumanna hamu! Unang hamu manorui, gabe ndang toruanna hamu! Palua hamu, gabe paluaonna hamu! Na ingkon taulahon dungkon masilehonlehon ndada na paimahon balosna, alai taambolonghon ma panghilalaan asa mulak muse, manang digarar muse, alai sai tapsahat ma silehonlehonta i so pola mangarop balosna sian saluht na nilehonmu. So pola adong biar ni roha uju habis hepengta, manang mabiar suda sipanganon, pahean, dohot angka kebutuhan na asing, ala diboto Debata do angka na ringkot dibagasan ngolunta. Alai unang lupa hita sai mangalului Debata, sai lam pajonokhon diri Tu Debata, lam solhot tu Debata marhite na mangulahon lomo ni roha ni Debata na sinangkaponna tu bagasan ngolunta ganup marsadasada. Ganup hita marasing be hombar tu silehonlehon ni Debata tu hita- Rom 12:3-8, mangulahon angka na niajarhonna sian Buku Nabadia i, dohot angka na tahaporluhon sian na pinarade Tuhan tu hita (Mat.6:25-32).

f.         Ayat 37: Unang ma hamu manguhumuhumi, gabe ndang uhumanna hamu! Unang hamu manorui, gabe ndang toruanna hamu! Palua hamu, gabe paluaonna hamu! Mamereng pangalaho ni halak na ummura sian na mamereng pangalaho dirinta sandiri ala somal do hita jolma on na merasa lobi ummalo hhita sian halak na asing, jala lobi burjunta sain halak na asing. Jala boi do hita gabe madabu tu pangalaho na manguhumi halak sian pamerengan nang penilaianta, pandapotta, hape so tontu hasintonganna i. Jala tarlumobi tu halak na so lomo ni rohanta, boi gabe pintor tauhumi nasida dohot kejam.

 

III.                  Sipahusorhusoron

 

a.        Marsiajar sian pangalaho ni si Josep na naung tajaha sian epistel nangkin ; Porsea do ibana tu Debata, songon na nidok AP.Paulus di Rom 8:28 Alai taboto do, saluhutna do manumpak tu na denggan di angka na marholong ni roha di Debata, angka na jinouna sian tahina hian. Ala ni i margogo ibana, jala boi manesa dohot manghalupahon hajahaton na binahen ni angka hahana. Jala porsea do si Josep ia Tuhan Debata na sinombana tung so hea tarpodom: Poda 15:3 Manatap manonggor do mata ni Jahowa tu liat portibi on, marnida halak na jahat dohot na denggan marroha. Ditonga ni angka pardangolan nang hamaolon naa mansai borat ndang mansohot hasatiaonna tu Debata jahowa, sai marsihohot ibana dibagasan hatigoran ni Debata. Jala digohi Debata do dibagasan ibana songon na tarsurat di 5 Musa 28:13 Jala pabangkiton ni Jahowa ma ho gabe ulu (ihutan), unang gabe ihur (pangihutihut); ingkon tongtong do ho di ginjang, ndang jadi ho di toru, molo tung ditangihon roham angka patik ni Jahowa, Debatam, angka na hutonahon i tu ho sadarion ringkotanmu jala ulahononmu. Aut sugari molo holan ala ni balga ni ateate parohoon jut ni roha na marsigorgor tung so boi do marhasil si Josep. Hamubaon ni roha i mansai rongkot hangoluhononta songon angka halak naung ditobus Kristus Jesus, asa disi ma jaloonta parbue nitondi i. Galatia 5:22 Alai angka on do parbue ni Tondi: Holong dohot las ni roha, dame dohot lambas ni roha, habasaron, habasaon, haporseaon, halambohon dohot hatomanon.

b.       Didok sahalak na malo Bernard Meltzer: Ketika Anda memaafkan, memang Anda tidak bisa mengubah masa lalu, tetapi Anda yakin bisa mengubah masa depan. Memang  molo sian hajolmaon do tung maol do manesa sala ni halak. Jala boi do didok roha ndang sanga i, manang hata na koras i mandok: “mardomu di tano na rara”, lapatanna ndang adong dalan masimaafan. Alai tung mampu pe hita masimaafan manang mengampuni ndada dirinta alai ala ni Kristus i do naung manaluhon sude hadagingonta, hadirionta dungkon tajanghon Kristus i na gabe uluan di hita, di ngolunta, di rohanta ganup. Ndada na gabe manghohom hita uju diarsaki rohanta, manang ro na mambahen jut rohanta, alai sai aktif do hita angka na porsea mangulahon angka na denggan tu nasida. Janganlah kamu kalah terhadap kejahatan, tetapi kalahkanlah kejahatan dengan kebaikan! (Rm. 12:21). Paulus mengajarkan kita untuk mengalahkan kejahatan dengan kebaikan. Paulus mengajarkan untuk berbuat baik kepada semua orang, juga kepada orang-orang yang menyakiti kita. Bila perlu memberi makan dan minum kepada orang yang berbuat jahat kepada kita. Paulus juga mengajarkan untuk tidak menuntut balas atas kejahatan yang orang lain perbuat kepada kita, sebab pembalasan adalah hak Tuhan. Bagian kita adalah mengasihi sesama manusia seperti mengasihi diri sendiri, seperti yang diperintahkan Tuhan dalam Taurat-Nya. Lukas 23:34 Jadi didok Jesus ma: Ale Amang! Marpamuati ma roham mida nasida, ai ndang diboto nasida na binahennasida i. Laho marbagi ulosna, manjomput na sinurat ma nasida.

c.        Turpukta on paingothon hita asa unang manguhumuhumi halak ala hita pe uhumando hombar tu pambahenanta. Debata do haholongan i ( ptd. 1 Joh.4:8). Molo so holong rohanta, ndang tatanda Debata haholongon i sandiri. Dihaholongi Debata do hita, jala lomo do rohana asa tahilalahon holongna i dohot na manghohlongi dongan jolma asa hita naung lilu ala ni dosa gabe marsada dibagasan holong, marsada dohot Debata Ama i, songon hasadaon ni Jesus dohot Debata Ama i Joh.10:30).

d.       Haholongi ma donganmu jolma, masisesaan dosa ma angka na marsala dompak hamu, unang ma balos na jat i, unang ma tinuntun ni hagiot ni dagingmu sibolis i, alai martangiang ma tu angka na mangarsahi hamu, pasupasu ma nasida jala ulahon ma na denggan tu nasida. Umbahen i, asa naung diulahon hamu di na dihalomohon ni roha ni Debata ama na di Surgo i.

Jamita Partangiangan Minggu Sexagesima , 20 Pebruari 2022

 

NA DENGGAN DO BALOS NI NA JAT 

Membalas Kejahatan Dengan Kebaikan

 

                     Ev. 1 Musa 45: 3 – 16                                                                 Ep.Lukas 6: 27 – 37                                                         

 I.                    Patujolo

Ditompa Debata do jolma i tudoshon jala sarupa dohot Ibana. Ido umbahen didok Imago Dei – Gambaran Allah ada pada manusia. Dibagasan jolmai do gombaran ni Debata. Alai ala ni do sa na manjorat jolma i asa gabe sega ma imago Dei, sega ma gombaran manang citra ni Debata dibagasan Jolma na mardosa i. Ala ni dosa i mambahen jolma i mandao sian Debata, manundali Debata, manandinghon Debata. Alai di angka halak na satia tu Debata jala bulus dohot tulus rohana porsea tu Debata, sai gorahonNa do rohanta asa torus marsihohot pabotohon haholongon, pardamean nang hasesaan na sian Debata i. Laos pangalaho i do na mian dibagasan diri ni si Josep di turpuk on.

 II.                  Hatorangan

1. Ia si Josep ima anak no 11 hon ni si Jakob amana, manang anak na parjolo sian inongna si Rahel (1 Musa 30: 24; 35: 24) jala anak haholongan ni si Jakob (1 Musa 37:3; ptd.33:2,7). SI Josep ima anak hasian, na ginadis gabe hatoban ni halak Misir siala ni sogo ni roha nang jut ni roha ni angka hahana na mangapian tu ibana. Sian na na gabe korban fitnah na gabe dihurunghon, sahat na gabe parpangkat na timbo ibana di panggomgomion Misir. Ala ni hapistrana dohot habisuhonna boi do ibana mangatasi haraparon na mengancam bangso Misir, luat Kanaan nang keluarga ni amongna, si Jakob sian anturaparon ala masa haleon potir. Jala laos mardame dame do si Josep dohot angka hahana nang anggina.
2. Ayat 3-4 ; Dibagasan turpuk on dibaritahon do partomuan ni angka na marhahah maranggi. Dipatandahon si Josep do dirina tu angka haha anggina. Disesa ibana do nasida jala manjanghon nasida. Ndada holan i, diurupi ibana do nasida sian hasusaan jala di pudian ni ari muse asa dijou ma nasida rap maringan dohot si Josep di luat Misir. Tung so tartahansa roha ni si Josep tu angka haha anggina i, burju jala uli ni rohana tu nasida. Dibagasan hagodoron nang hatahuton do angka haha anggina i, tung so boi do manghatahon sangkababa hata nasida.
3. Ayat 5 - 8 ; Alai di pasonang si Josep do roha nasida, marhite na mandok (ay 5): On pe, unang mabiar hamu, jala unang serbeng matamuna, ala ginadismuna i ahu tuson, ai mangarade hangoluanmuna, umbahen disuru Debata ahu parjolomuna.
4. Mansai sigop do si Josep manuhuk saluhut angka boban hasalaan di roha ni hahana i, ala pangalaho nasida najolo i. Disi do roha ni si Jospe mangalapati saluhutna masa uju i sada sangkap nang pambahenan ni Debata tu ibana. Debata do na mangatur asa maringan si Josep di Misir manjoloani angka haha anggina i. Rom 8:28 Alai taboto do, saluhutna do manumpak tu na denggan di angka na marholong ni roha di Debata, angka na jinouna sian tahina hian.
6. Ayat 9; Jala dipangido si Josep do angka haha anggina i asa mamboan among nasida si Jakon tu Misir jala rup maringanan nasida disi. Dipatorang si Josep do haraparon na ingkon masa lima taon nari, alai di luat Misir na boi urupanna do Amongna si Jakob dohot sude keluargana marhite na paradehon inganan dohot angka na ringkot di nasida. Boi do nasida maringan di tano Gosyen 4o mil daona sian Kota Kairo di partingkian saonnari. Na jonok tu delta sunge Nil, jala inganan na mansai lomak laho marmahan pinahan. Marjonokhon On dohoot Memfis disi do si Josep maringan. Uju borhat ma angka haha anggina i, dipataru si Josep do angka hureta laho mamboan angka barang siboanaon nasida molo  mulak muse nasda tu Misir, jala digohi si Josep do hureta i dohot angka eme nang sagusagu, abit sasalin be, dohot angka na dumenggan sian Misir, nang angka haporluan nang bohal nasida di pardalanan.

III.               Sipahusorhusoron

1. Molo tajaha saluhut na masa di parngoluonni si Josep, mansai bahat do panaritaan na nialamanna. Alai marhite panaritaan i do ibana gabe dalan haluaon (keselamatan) tu godang jolma.
2. Parsiajaran na dapot hita sian oarange nang pangalaho ni si Josep ima:

1. Ungkap ni roha ni si Josep; ndang olo manghuphupi. Nang pe naung marpangkat na timbno ibana ndang ditengahon dirina, ndang adong kesombongan maradophon angka haha anggina. Bulus do rohana ungkap tu haha anggina,disi adong haholongon, sihol ni roha tu angka haha anggina, tu keluargana na so tarlupahon ibana. Yusup tidak lupa akan asal-usulnya, tidak  lupa kacang akan kulitnya, dia mengakui jujur kepada saudara-saudaranya. Tung hea pe ibana di ambolongkon angka haha na, alai ndang olo dipompom rohana sahit nang hansit ni rohana i. Bulus do rohana patandahon dirina na mangolu dope.
2. Holong ni roha: haholongon na adong di diri ni si Josep umbalga do i sian sogo nang hansit ni rohana na saleleng on dibagasan panaritaan naung dibolusna, ala ni pangalaho ni angka haha na. Ala ni holongna i do asa mampu si Josep manjanghon haha anggina i. Ala niholong ni rohana na balga i, ndang tega, ndang sampe hati ibana mamereng angka haha anggina i gabe mate anturaparon.
3. Manesa hasalaan: Borat ni hansit ni roha nang panaritaan na nialaman si Josep, jala dianggapa do ibana naung mate jala ndang adong be. Naung ginadis gabe hatoban, dihurung, alai salauhut panaritaan i ndang mambahen rohana asa marhansit ni roha, jala marhosom ni roha, alai sabalikna dibagasan serep ni roha na olo do ibana manesa hasalaan nang dosa ni haha anggina i.
4. Mardame; Dibagsan haholongon diumma si Josep do angka haha anggina i, mangangguhi do nasida jala marsihaolan. Na masa on patuduhon balga ni holong dohot sihol ni roha ni si Josep tu angka haha anggina, jala na ungkap do rohana manjanghon angka haha anggina i na mambahen ibana mangadopi panaritaan. Mardame dame do si Josep dohot angka  haha anggina i. 1 Tessalonik 5:15 Matamatahon hamu ma, asa unang dibaloshon manang ise na roa balos ni na roa; na denggan ma pareahi hamu tongtong, nang sama hamu, nang tu saluhut halak. 1 Petrus 3:9 Unang ma baloshon hamu na jat alo ni na jat, panginsahion alo ni panginsahion; lam mamasumasu ma hamu, ai naeng teanonmuna do pasupasu, umbahen na tarjou hamu
5. Panaritaan manghorhon na denggan. Panaritaan na nialaman ni si Josep, manggora rohana asa boi jala mampu mamereng dohot manghilalahon saluhutna i haburjuon ni Debata tu ibana. Dihilalahon rohana do saluhut na nialamanna i ima laho marmahani ngolu keluargana jala saluhut bangso asa unang mate anturaparon.

Ima angka sifat nang parange nang pangalaho/karakter ni si Josep, sahalak na porsea tu Tuhan Debatya. Haporseaonna  tu Tuhan Debata tarida do i sian parngoluonna; na gok holong, na ungkap roha, na manesa dosa, mardame jala boi marnida saluhut na denggan jala nauli sian Debata di pudi ni sude panaritaan i. Jala ndang olo si Josep sai tarihot tu persoalan na salpu, alai halak na sai olo marpanatap tu jolo ni parngoluanna, ndang sai tu pudi be rohana. Mandalani ari ari tu joloan on na dumenggan dilehon Debata asa saluhut keluargana dapotan haluaon.

 3.       Songon halak na porsea hita di Jesus Kristus, sai taparangehon ma sifat ni Debata asa mian nang di hita; gok haholongon, olo mangurupi, olo manesa dosa ni dongan, olo mardame, sai marsangkap na denggan tu ganup jolma. Molo tung adong pe persoalan na salpu na so salose sahat tu partingkian on, sai olo ma paujunghonsa. Manang na mangadopi hamaolon parsualon di ruma tangga sian ama tu ina nang tu iananghon, asa gira ma dipaujung parsoalan i. Unang ma talehon dalan nang kesempatan tu Sibolis laho mamolgak hita. Mardame ma, rup masi sesaan ma jala masijanghonan. BE.481: 3 “Tatiru holong ni rohaNa i, pinatuduhaon ni Tuhanta i, Tahaholongi ma donganta i, ai ruas ni Tuhanta do nang i ! Mardame ma, marsijalangan ma; Tatuju ma solhot tu Debata !”. Tahaporseai do Jesus Kristus na padamehon hita dohot Debata; naung disesa dosanta jala dijanghon hita gabe anakNa. Tapatuduhon ma di taon kesehatian on na olo hita membangun tali silaturahmi di keluarga, na marhombar balok, di parkarejoan, nang di tonga ni huria. Rom 12:17 Unang baloshon hamu na jat alo ni na jat; ringkoti hamu ma na denggan di jolo ni halak saluhutna!

3. Amen.

 

Jamita Minggu Septuagesima , 13 Februari 2022

TARPASUPASU DO ANGKA NA MARHAPOSAN TU DEBATA

Diberkatilah Orang Yang Mengandalkan Tuhan

 

Ev.Jeremia 17: 5-10                                                          Ep.Mateus 4: 23 – 25

 

 

I.   Patujolo

Namangula do si Jeremia di Bangso Jehuda (Israel Selatan) dibereng ibana sandiri do angka na masa ngolu haporseaon ni bangso i jala parualon nasida siganup ari naung mandao sian dalan ni Debata. Disuriranghon do halelengse ni bangso i siala dosa nasida. Gomos do dihaposi si Jeremia Debata na inghon mandabuhon uhuman tu bangso Jehuda asa gabe masa harugian bolon di bangso i, na nidokna marmula sian bangso Asyur dohot babel. Nang pe naung dipasahat si Jeremia panurirangon tu bangso i  asa maruba hape distundali nasida do Debata jala sai marhaposan tu bangso na gogo uju i ima bangso Misir asa malua nasida sian panoroan bangso na asing. Sai marhaposan do bangso i tu jolma asa sian Debata.

 

II.    Hatorangan

 

1.     Marjea ma baoa na marhaposan tu jolma (ay.5): Mansai koras do oraora on tu bangso i. Angka na marhaposan tu jolma hona bura ni Debata. Aha do lapatanna na mangasahon jolma ? dung tajaha singkop ayat 5 i, tangkas ma astuanna na mandok halak na mangasahon jolma molo sai holan mangasahon pikiranna sandiri laho mambuat haputusan, nang angka dalan nang tujuan ni parngoluon. Lapatanna na mangasahon jolma ima na pasurut rohana sian Debata. Nasida ma na nidokna na mangasahon jolma. Hata bura di hata Heber di dok  אָרַר (aw-rar') yang berarti kutuk, dijijikkan atau dijauhi oleh Allah. Nunga boi tabayanghon boha ma roha ni Debata na mamereng halak na sai mangasahon jolma, magigi ma Debata marnida hita. Na mandao sian Debata do na mangashon jolma, gabe dapotan bura manang kutuk ma ibana disi.

2.     Panghorhon na mangasahon jolma (ay.6). Parbue ni na mangasahon jolma ima na marje ngoluna songon halak parbahudung, maringan di tano bangkalbangkal di halongonan, di tano na ansim na so ni hundulan ni halak; hidup sengsara ma goarna. Ima na patuduhon hidup dalam kesengsaraan dan kehancuran.

3.  Alai martua ma baoa na marhaposan tu Jahowa (ay.7). Andul marasing do keadaan nasida na dibura Debata, dibagasan ayat on dipasahat Jeremia do keadaan na maralo di ayat dijolona. Angka nasida na mangasahon Debata sai dipasupasu do. Aha do lapatanna na mangasahon Debata ? ima angka halak na sai marsigantung tu Debata jala sai manghirim tu Ibana. Tung aha pe na sinangkapan ni roha asa Tuhanta i na dipatujolohon.

Parhataan : dipasupasu sian hata heber בָּרַךְ (barak)-diberkati, marsinggang diadopan ni Debata manang jonokhon Debata asa margogo. Parhataan on sarupa pamanghena tu pandohan: “Dungi dipasupasu Debatama si Abraham” na marlapatan parsaoran na rosu dohot Debata asa digoari ma ibana aleale ni Debata. Hala na mangasahon Debata sai dipasupasu do. Lapatanna dipajonok Debata jala maraleale dohot halak na dipasupasu.

 

4.     Laba ni angka na mangasahon Debata (ay.8); Molo nunga dipasupasu Debata halak na pajonokhon dirina tu Debata, digombarhon do di ayat on songon: tu hau na sinuan di topi ni batang aek, jala manjarar uratna di lambung batang aek, jala ndang mabiar ibana molo ro hamohopon, jala tongtong rata bulungna, jala ndang holsoan ibana di taon haraharon, jala ndang mansohot marparbue. Lapatanna ndang marhahurangan angka na jonok dohot Debata, sai taruli pasupasu do nasida. Mansai andul marasing dohot halak na so mangasahon Debata, manang halak na so jonok dohot Debata, halak na binuraan ni Debata ima na sai mangasahon dirina sandiri; gok hasusaan, hamaolon, jala madabu tu gambo lisop ni dosa.

 

5. Rohanta i do pamusatan (ayat 9): Bibelta i mandok ia rohanta i do pamusatan: Poda 4:23 Sian saluhut sijagaon i, gumodang ma jaga roham, ai sian i do ruar angka mual hangoluan. Lapatanna, roha na boi berengon songon pangisi saluhut angka pikiran, panghilalaan, giot ni roha, sangkapsangkap. Sian turpuk dipaboa do ia Debata do na mandodo roha ni jolma. Sian ayat on ro do si Jeremia naeng paingothon bangso Jahudi dosa nasida naung marroha batu manghorhon angka bencana nang angka hasusaan nang mara, adong ma tolu dosa nasida Ayat 1-4): naparjolo, roha nasida na gabe pamusatan di nasida tung so adong do alus ni roha nang haporseaon nasida tu Hata ni Debata. Napaduahon, Sai dipangasahon do jolma asa sian Debata (ay.5-8). Napatoluhon, naung sega do parrohaon ni bangso i jala godang naung mangulahon korupsi, tung so boi do ubaon i muse (ay.9-13). Roha nasida sai holan tu na mangulahon dosa do. Ala ni i ndang boi disalahon Debata na parohon mara nang hasusaan di tonga ni bangso i, di naung sega hajolmaonna, parange, nang parsaoranna dohot dongan jolma nang haporseaonna pe naung sega. Tung so manolsoli roha do nasida asa manopoti dosana tu Debata, alai sabalikna direhei nasida do si Jeremia nang Hata ni Debata nabinaritahonnna i. Pangalaho i patuduhon tung soada be biar ni rohanasida tu panguhumanni Debata, baliksa laho mangalo Hata ni Debata do hape diula. Roha naung jogal, gabe songon batu, na masa situasi nang pangalaho sisongon i di jaman nuaeng on.                                                         

6. Debata sidodo roha ni jolma (ay.10). Saluhut nasa na dibagasan rohanta i, ingkon di dodo jala diuji jala adong be do balos ni. Jala diboto Debata do na dibagasan rohanta i. Sude angka sangkap, angka sangkap na denggan manang na roa, boi do i gabe  tarida songon pandohan manang sikapta. Ido umbahen asa manat hita mandok hatanta, asa unang gabe partuktuhan, asa unang gabe sihataan, gabe mamboan mara, manang hasesega. Poda                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                           4:23 Sian saluhut sijagaon i, gumodang ma jaga roham, ai sian i do ruar angka mual hangoluan. Lapatanna asa serius do hita manjaga simangkudapta on, asa unang mandok hata na so penting, na so marguna.Asal ni dok   hata hape nunga mambahen hansit roha ni halak. Godang na marsogo ni roha gabe alo nang gabe musu muse. Ala ni i rohanta i ma jumolo tapuba marhite huaso ni Tondi Parbadia na mangajari hita asa marroha, marbisuk asa tau hita mambahen lomo ni roha ni Debata marhite na malo mambahen lomo ni roha ni dongan asa marhasonangan, marlas ni roha mambege hatanta nang pangalahonta. Ima peribadahanta, ima pelayananta tu Tuhan marhite na manghorhon ulaon na uli na denggan tu saluhut halak.

 

III.                Sipahusorhusoron

 

1.       Diajari Debata do hita asa unang mangasahon jolma. Boasa ? Siala na parjolo, jolma i boi do mambahen kecewa hita, ndang singkop las ni rohanta jala ndang boi singkop las ni roha dompak jolma. Ai terbatas do kemampuan ni manisia, boido lupa dinaung dijanjihon, gabe sogo ma rohanta na maniop janjina i. Jala boi do hita sandiri na lupa, ala silap manang angka kesibukan ulaon gabe lupa hita tu janjinta tu dongan. Napaduahon; ala terbatas do gogonta nang kemampuanta, sangkapta naeng patulushon janjinta tu dongan alai ala ni keadaan gabe so mungkin be pinatupa. Isarana ala ni bencana alam ala ni kecelakaan, musibah, parsahiton, alani covid 19 on dohot na asing songon udan na so hasaongan ma istilahna.

2.       Ala ni i molo nunga tangkas taboto na so boi jolma i mamboan las ni roha alai kekecewaan do ala keterbatasanna, boasa sai adong dope sian hita na sai mangasahon jolma ndada mangasahon Debata? Holan Debata do sipangasahononta siala: sai dipasaut Tuhan i do bagabagaNa. Napaduahon; Ala Ibana do Debata na songkal, na marhuaso. Tung soada do na boi mambatasi huasoNa laho mangurupi hita. Sai maol ni maolna jala saborat ni borat ni permasalahanta, di diape manang boha pe i, holan Debata do na sanggup jala na mampu mangantusi hita.

3.       Ndada holan na mangasahon Ibana Debata sipatujolohononta alai sai pasupasuonNa do hita. Suksuk do pasupasuNa tu angka na manghaposi Debata, pasupasu ndada holan arta manang materi alai dohot do disi angka si las ni roha, dame na sumurung, hadumaon, pangaramotion uju na maol dalan sidalananta jala adong solusi dilehon Debata asa malua hita sian angka hamaolonta. Tarpasupasu do jolma na marhaposan tu Debata. Marhite AnakNa Jesus Kristus dapot hita do hatuaonta marhite hasesaan ni dosa, haluaon, nang hangoluan na saleleng ni lelengna. Amen.

 

Renungan Mingggu V Dung Ephipanias , 6 Februari 2022

Ev.Markus 1 : 16 - 20                                   Ep. Jesaya 6 : 9 – 13

 

GABE SIIHUTHON JESUS

Menjadi Pengikut Yesus

 

I Patujolo

Molo didok siihuthon Jesus, ndang dao sian na ginoaran “panjouon”. Boasa mangihut ibana ia so targorak dibagasan rohana “panjouon”. Molo tarjou, sai marhahonaan tu na gabe naposo ni Debata, alai molo tajaha bibeltai, panjouon ndada holan na gabe naposo ni Debata alai ngolunta i pe sada panjouon do i sian Debata.

Dibagasan turpukta on ro do Tuhan Jesus manjou angka siseanna na parjolo i ima si Simon, Andreas, Jakobus, Johannes. Ai panjala denkke do nasida dijou gabe panjala jolma. Sian na manjala dekke i do  ngolungolu nasida di Tao Galilea, mansai bahat do jolma disi, alai na gabe parasinganna ala panjouon ni Tuhan i do. Nang tu hita pe panjouon i do na patandihon hita sian hatoropan ni jolma.

 

II. Hatorangan

1. Ayat 17: Ihuthon hamu Ahu; bahenonku do hamu sijala jolma!

1. Sian sijala dekke gabe sijala jolma. Di bahasa Inggrisnya: dari fisherman menjadi fishers of men. Mansai joonok do pangantusion on di roha nasida, alai sada terobosan na balga do di nasida: sian na manjala dekke gabe “manjala jolma”. Panjouon tu sada ulaon na umbidang, na lebih serius. Sian panjala dekke, na manggombarhon tu sude ulaon nang parkarejoan ni jolma laho manggohi ngolungolu siganup ari, na tardok tu na parsatongkinan i do i. Hape dijou gabe sijala jolma na marlapatan adong dope ulaon na rumingkot na manjou hita tu hatongtongon. Ima panjouon tu halak Kristen siihuthon Kristus i. Sian situasi parngoluan ni halak hatiha i di luat Galilea, mansai ribur do, sumber kehidupan pancarian ni jolma sian na manjala dekke do. Godang do rakyat taruli di luat i sian na manjala dekke. Mansai tenang do tao Galilea i alai boi do di sada tingki ro alogo na doras  mambahen mabiar angka panjala dekke i, mansai maol do mamereng ari na tenang manang ro alogo na doras, boi do manhorhon angka kerugian nang korban di luat i. Tudos tu sima na masa di jamanta si nuaeng on marhite angka ulaon na marragam, kesibukanta, bisnis, nang masam urusanta sipata didok rohanta naung  mamboan hasingkopon, nang hadumaon  dibagasan ngolunta. Alai disi ro ma angka badai masalah, angka sipingkiran,angka persaingan bisnis, angka harugian, angka sitaonon, nang gabe parungkilon di hita dohot lan na asing. Boi do gabe mambahen marsak rohanta, gabe susa tahilala, gabe maheu ateate. Parngoluon on mansai godang ragam nang mansamna, ro ma Tuhanta Jesus mangalehon panjouon i tu hita asa menak, jala fokus hita tu asi ni rohaNa : “Ihuthon hamu ma Ahu’. Sada panjouon na manguba parngoluonta, na paluahon hita nang ngolunta asa unang tarihot tu Portibi on be. Panjouon i ma asi ni roha ni Debata tu hita asa dapotan hasonangan hita dibagasan Ibana.

b.       Godang do angka parbinoto mandok, umbahen na maringan nasida di tongatonga ni hamajuon ni perdagangan ni dengke di Galilea, nda tung halak na biasa nasida, ala naung maju angka parhusoran ni ekonomi disi. Molo di ay.20 i adong do anak gajian nasida, na tardok ma i nasida nampuna usaha parjalaan dengke, asing ni kapal nang anak gajianna. Pemilik do nasida, ndang na pogos nang lea nasisda di sihatoropan, jala ndang na oto nasida,  molo tung sanga pe i na gabe pikiiran na deba na manjaha turpuk on.

c.        Uju dijou Tuhan Jesus si Petrus, manigor tadinghonon ni si Petrus ma jalana i jala mangihuthon Jesus. Boha do mura ni rohana manadinghon ulaonna na saleleng on ? Naung dapotna do molo arta portibi on sian usaha na manjala dengke i, alai na mangihuthon Jesus ndada na ulaon na mura i. Marasing di na deba halak saonnari on, adong na sai mauas asa di pilit gabe parhalado, gabe pengurus nang di seksi pelayanan di huria. Hape soadong na olo mamillit, gabe dipillit ibana dirina sandiri, alai gabe manghorhon partuktuhan, alai adong na denggan ulaon panghobasionna. Na deban dipillit gabe parhobas nang gabe sintua, mansai bangkol, borat, jala maol di rohana, dung marhusori dibagasan rohana, gabe dijalo ma ulaon i, adong do gabe marsitutu jal denggan dipatupa ulaonna, alai adong na so denggan diulahon panjouon nang pamilliton i. Na deba manulak panjouon i ala ni kesibukan nang angka karejona. SI Petrus pe dijou Jesus di masa parkarejoanna na mansi godang, ala godang musim ni dekke na godang si jala on. Boi do  masa si songon i di ngolunta dijou Tuhan i laho marhalado ditonga ni kesibukan nang ulaon mansari ngolungolu siganup ari. Alai na deba gabe sada kesempatan di ibana laho manjalo panjouon i di masa ndang adong karejo nang gabe maol ngolungoluna. Jotjot do masa hatiha dipillit Jesus hita laho melayani hape disi godang angka siulaonta, kesibukan nang usaha na lam maju. Godang masa ujian na ro tu hita, songon na masa tu si Abraham dijou Debata laho manadinghon sude arta nang angka donganna asa dipasupasu jala gabe pasupasu tu saluhut halak.

d.       Pandohan “pintor ditadinghon” (ay.18), na patuduhon mansai ringkot ulaon i, ditadinghon do amana, manadinghon paraona i, manadinghon angka anak gajianna i. Na marlapatan ditadinghon do angka artana i, ai ndang halakna pogos nasida. Ai so ulaon na marmeammeam na di pasahat Jesus tu si Petrus, Andreas, Jakonbus dohot tu si Johanes. Na tarjou do nasida ndada laho pamorahon diri, ndang tu kesuksesan duniawi, alai panjouon ni Jesus na nialusan nasida di pangoloion, haunduhon tu Jesus. Mansai bahat do angka na maol di rohanta laho mangoloi  panjouon ni Jesus tu hita. Angka na mangambati boido ro sian keluarga ala ni pangalaho nang parange, boi do sian kesibukan di bisnis, parkarejoan. Sai adong na mangihot hita, umbahen asa maol mangoloi manang mangundunghon panjouon ni Jesus tu hita jolma. Adong do ala mamingkiri laba do manang rugi mangihuthon Jesus, ai dirimpu do tigatiga manang holan laho mangahut tu diri. Alai di si Petrus, Andreas, Jakobus nang di si Johannes sada panjouon na arga situtu do i, sada kesempatan na arga situtu do i. Ala asi dohot holong ni Tuhan i do i asa dilehon kesempatan tu hita laho melayani, ndada ala ni talenta sajo, alai ala dimampuhon Tuhan i do hita mangulahon panjouon manang parsuruon i. Saluhut angka panghobasionta, naeng ma gabe manghorhon ngolu partondion na lam uli jala denggan. Sai dipasupasu Debata do hita na mangula dohot sintong marhobas di adopanNa. Molo maduma pe jala sukses di parkarejona na asing boi do i tejadi, alai unang lupa hita di pasupasu ni Tuhan i.

e.       Di halak Parise, panjouon gabe malim, ima sada ulaon partondion, diduru nu sude ndang boi ai na hodar do i dinasida, tarlumobi angka persaingan ni parngoluon on, na boi jolma i padalanhon ragam cara asa sukses jala marhasil. Molo di halak Parise  panjouon i dipatuduhon ma i marhite na manadinghon parkarejoanna. Ala na hodar do ulaon i di dok roha nasida, ala di papulik nasida do ulaonna dohot panjouon i. Marasing do na terjadi di si Zakheus. Uju dijou Jesus si Zakheus sahal sijalo beo i, ndada disuru Jesus asa tadinghononna ulaonna si jalo beo (pemungut cukai). Hot do si Zakheus si jalo beo, alai naung maruba, jala marasing dohot si jalo beo na somal. Ibana sahal sijalo beo naung di pauba (ditransformasi) gabe si jalo beo na burju roha, na marroha situtu. Suang songon i do si Johannes Pandidi ndada manuru angka sijalo beo i gabe manadinghon ulaonna di Lukas 3: 12-13, alai gabe sijalo beo na burju, na mambuat na patut sibuatonna. Molo tasadari dirinta gabe halak kristen na sintong, na marroha ala panjouon na sahat tu hita marhitehite Jesus Kristus i, sude angka ulaonta na marragam i ndada holan na patuduhon hadirionta disi, alai na mangula do dohot Jesus marhite hita disi. Asa saluhut hita dijou Tuhanta marhite angka ulaon nang parkarejonta laho holan pasangaphon Tuhan i. Hidup dan bekerja untuk Tuhan karen aitu adalah bakti pelayanan kita kepada Tuhan dan semua orang. Panggilan kita agar berbuah baik dan sehat. Pekerjaan tanpa merasakan itu adalah panggian dari Tuan akan merasakan kehampaan, kekosongan dan ketidakpuasan bahkan bisa merasa jenuh dan putus asa. Kiranya kita merasakan panggilan Tuhan sebagai orang percaya yang telah diselamatkan Yesus Kristus.

f.         Dipillit do hita gaeb siihuthon Kristus gabe halak na porsea, halak Kristen asa tongtong secara pro-aktif pasahathon nang paboahon Barita na uli sian angka ulaonta ganup. Dengarlah panggilan Tuhan. Panggilan Tuhan bukan hanya bagi seseorang yang melayani Tuhan meninggalkan pekerjaannya menjadi Hamba Tuhan, tapi panggilan “ikutlah Aku” adalah panggilan di tempat sekarang ini Saudara berada, siapapun Saudara, apapun pekerjaan Saudara. Pertanyaannya: Sungguhkah kita mendengar panggilan itu? Sungguhkah kita membawa kembali pekerjaan kita, dan seluruh rangkaian hidup kita kembali kepada panggilan Tuhan?

g.        Ada 2 kata yang dicatat oleh Markus yang menyatakan respons dari orang-orang yang mau mengikut Yesus Kristus: meninggalkan, dan mengikuti Dia. Apa yang patut kita tinggalkan? Semua atribut yang sudah kita tempatkan dalam hidup kita, yang sudah melekat bahkan mengikat, yang sudah mendefinisikan hidup kita, yang mengatakan ‘kamu harus begini begitu’. Lalu apakah berarti setelah kita menerima panggilan Tuhan itu, kita menarik diri, mengundurkan diri dari dunia ini? Tidak, sama sekali tidak. Karena Tuhan ingin menjadikan Suadara penjala manusia, dari fisherman harus dipisahkan menjadi fisher of men –satu lompatan/ terobosan. Perbedaanya Fisherman – Penjala ikan : membawa dan mengambil ikan yang hidup jadi mati, Kalau Fisher of Men – Penjala manusia: membawa dan mengarahkan manusia yang  mati rohani menjadi hidup dalam Tuhan.

h.       Tuhan yang memanggil mereka dari Danau Galilea, apakah memerintahkan mereka sekarang untuk pergi meninggalkan Danau Galilea selama-lamanya? Tidak. Setelah Yesus bangkit, Dia menyuruh mereka untuk pergi lagi ke Galilea, katanya: “Aku akan bertemu engkau di sana”. Lalu Yesus memberikan satu amanat, “Sekarang engkau pergi, jadikan seluruh bangsa itu murid-Ku; Yerusalem, Yudea, Samaria, sampai ke ujung bumi”. Itulah panggilan kita. Bukan sekedar panggilan yang melayani ego kita, tapi panggilan yang mau kita persembahkan kepada Tuhan. Amin.

BE.690           Hibul rohangku

1.                   Hibul rohangku tu Tuhan Jesus

                sude  ngolungku di Tuhan Jesus,

                ihuthononku do Tuhan Jesus

                ndang olo au sumurut be.

 

2.                   Sai hutundalhon haportibion,

Silang ni Kristus ma hudapothon,

Sai hutundalhon haportibion,

Ndang olo au sumurut be.

 

3.                   Tung so adong pe na olo dohot,

Alai rohangku sai marsihohot,

Tung so adong pe na olo dohot,

Ndang olo au sumurut be.

 

       

4.                   Beta ihuthon ma Tuhan Jesus,

Ho na dijou do, roham patulus,

beta ihuthon ma Tuhan Jesus,

sai unang ho sumurut be.