Sabtu, 01 November 2014

Bahan Jamita Epistel Minggu XXI Dung Trinitatis, 9 Nopember 2014

Mardalan Di Hatigoran ni Debata
Amos 5 : 18 – 24
      a.       Di Israel Utara do si Amos mangula songon panurirang, atik pe huta hatubuanna di Tekoa, di luat Jehuda. DI abad-8 hon ma i, di tingki ni Raja Jerobeam marhuaso di Israel Utara, jala Raja Usia  marhuaso di Juda ( 1:1). Mansai posi do parniahapan ni masyarakat tingki i di Israel Utara, ala panggosagosa ni angka na mora dohot angka pejabat tu masyarakat na pogos, so marlangku uhum, so adong keadilan, ndang hea mangkuling angka pemimpin agama laho maminsang angka  kesewenangwenangan. Satahi do angka na mora dohot pejabat laho manggosagosa angka na pogos. Ndang diulahon natoras be patik ni Debata ( 2:4), masa do manggadis jolma ala ni sapasang sipatu ( 2:6), jotjot masa penyimpangan sexual ( 2:7). Ndang mararga jolma i dibahen angka parhuaso. Angka pejabat mangarampok tano ni angka na pogos songon na masa di tingki  ni si Ahab ( 1 Raja 21). Ala ni saluhutna i, dipatudos si Amos do angka pejabat di tingki i “songon lombu” na so umboto hasintongan (4:1). Taringot tu parugamaon, ndang mararga ugamo di tingki i, ai toropan angka jolma di tingki i manomba Debata Baal ( 2:8). Ndang adong kebebasan maragama, jala diorai pejabat angka panurirang manghatai (2: 12).
      b.      Na rap marroha roha (merekayasa) do angka panguhum dohot parhuaso nang na sangap ni bangso i laho papeolhon uhum, ala ni i ndang adong be hasintongan maradophon halak na gale, dna. Tu na sisongon on, mansai diondolhon Panurirang Amos ringkot ni penegakan keadilan/hatigoran ( 5 Musa 16:18-20; Jes.1:10-17). Dijouhon ibana ma asa mulak sistem dohot fungsi uhum (pengadilan) na berpihak mangaramoti manang melindungi halak na gale, sistem dohot fungsi uhum/pengadilan unang disalahgunakan laho mamparhatoban halak na gale jala na pogos. Baliksa tangkas ma gabe ‘alat perlindungan sistem dohot fungsi uhum/pengadilan i tu halak na gale nang na pogos, isarana unang be dibahen ‘utang’ gabe alat laho mangonggop halak napogos jala na gale asa lam  mamparhatoban nasida muse ( 2 Musa 23:6; Ams 2: 6-7). Marragam dope angka na so uhum di Israel dohot Juda di tingki i, ala ni i ma hehe si Amos songon panurirang disuru Debata laho manghatahon hasintongan, pasahathon pinsangpinsang tu angka na sangap dohot penguasa. Ndang lomo rohangku mida ari rayamuna, jala magigi rohangku mida peleanmuna ninna Debata ( 5:21-22). Alai na dihalomohon rohang-Ku, “Margilinggiling ma nian songon aek uhum i, jala hatigoran songon sunge na so olo marsik (5:24). Ala ni kondisi na songon i, si Amos manoarahon pertobatan nasional, asa sude lapisan masyarakat pajongjong uhum, patindang hatigoran dohot hasintongan, ai i do dihalomohon Debata.
     c.       (ayat 18-20); Tardok maduma jala mamora do bangso Israel Utara. Monang do nasida marporang maralohon halak dohot Laodabar dohot maradophon halak Karnaim (Amos 6: 13, terj.Bhs.Indo). Jala gabe marginjang ni roha do nasida ala ni hamonangan i jala mandao nasida sian Debata. Dirimpu nasida ala ni gogona umbahen monang nasida na marporang i. Gok las ni roha do angka partogi ni halak Israel Utara, suksuk do hamoraon nasida, alai marsiak jala marhansit do halak na pogos dohot si etek partubu. Tardok hansit do panghilalaan ni na so mardihadiha lumobi ma i di luat Samaria. Diula nasida do nian parsombaon tu Debata na niuluhon ni malim Amasia alai holan sipaula do i saluhutna i. Ia marpaima pe nasida di haroro ni ‘ari ni Jahowa’ (Yom Yahweh), jala diantusi nasida gabe hatuaon do i di nasida, hape anggo mangihuthon pandok ni panurirang Amos tung gabe ari paruhuman do i di nasida. Dibahen i dijouhon si Amos do asa haru marhamubaon nasida. Ala ni i, tung tangkas do hajongjongan dohot ulaon ni panurirang Amos songon na jinou dohot na pinillit ni Debata  patolhashon tona dohot Hata ni Debata tu bangso i, huhut na gabe parhitean ni bangso i pasahathon hoihoi dohot pangidoan nasida tu Debata. Sada do na hinalaputan ni panurirang Amos asa tung marhamubaon nasida manadingkon angka dosana jala mulak tu Debata, asa Debata manggomgomi dohot nampuna nasida.
     d.      (ayat 21-24); Asa lam umbagas antusanta turpuk on, ringkot do jahaonta sian bindu 7:10-17 ima marisihon taringot : sindiran ni si Amasia, imam resmi bagasjoro di Betel mangarehei, manjehehon panurirang Amos tu adopan ni raja Jerobeam (ida ay.21-27) mandok: “barani na i si Amos na sian huta Tekoa i mangalo ari raya, angka ruhut ni pelean, angka ende, nang angka partangiangan raya di Betel?”. I do umbahen di dok Jahowa marhite Panurirang Amos: “Huhagigihon, biasan ahu mida angka ari rayamuna”. Ariraya ima partamueon manang pesta parpunguan bolon ( 5 Musa 16:16). Adong muse ruhut ni ariraya (perayaan na mansai egois) pasahathon pelean; situtungon, sipanganon, hamauliateon, songon i nang ruhut ni angka hariburon ni ende. Ditongatonga parpunguan bolon i di Betel, marhitehite Debata dihatahon si Amos: “magigi...biasan...ndang dihalomohon....ndang dijalo....ndang olo....padao saluhutna i sian lambung ni Debata”. Dang dietong i na arga di Debata, alai dijolma do angka ruhut ni ariraya arga. Na arga di Debata ima : “Arga ni hajolmaon” (4:4-5; 5:4-6). Ndang dihalomohon Debata parpunguon partangiangon na roha diri (egois). Ala na badia do Debata jala marhasintongan, ndang olo Debata di ela marhite angka pelean, ribur ni ende, nang angka ariraya. Molo Debata na sintong i olo diela, gabe holan Debata ni angka na marpangkat, marsangap, marhepeng, marhuaso do Debata na tumimbul i (ra partangiangan manang ibadah na di Betel i holan komunitas ni angka na marsangap dohot na samansamna do i; na diida si Amos pa-argahu manang pa-mewahu penyelenggaraanna). Dibahen ido dihagigihon jala ndang lomo roha ni Debata tu ariraya na sisongon i, asa holan haunduhon do dihalomohon Debata (Hos.6:6; Mat.9:13). Ala ni i: “margilinggiling ma uhum nang hasintongan i..... songon sunge na so olo marsik”. Lapatanna uhum (hasintongan-hatigoran) margilinggiling mangalompithon (manaluhon) nasa hajahaton (ketidakadilan) di portibi on. 
      e.      Tung dihudus halak Israel Utara do uju i mangalului angka na pasonang rohana marhite ragam ni angka na palas rohana hape nunga tarrobung nasida tu pargadombuson dohot hahormuson. Jala tong do diula nasida na marsomba tu debatana di Betel dohot di Gilgal jala parjamita nasida, i ma si Amasia, ima parjamita na pageokgeokhon pinggol nasida. Jala na mambahen nasida marhehe tindang marende i hombar tu hagiot nasida be. Ditingki Apostel Paulus pe nunga hea dilumbahon parjamita dohot pangajari sisongon i tu si Timoteus di na nidokna: “Ai na ro ma tingkina, ndang tartahan halak di si poda na tingkoss i, alai mangihuthon hisaphisap sandiri ma alapon nasidaa pangajari na pageokgeokhon pinggol nasida” ( 2 Tim.4:2). Dibahen i tung sude do hita hasahatan ni jamita on, asa tung ungkap ma rohanta manangihon goragora na arga on, unang salpu boti songon alogo na mamolus sambing. Naeng ujionta jolo mengevaluasi nasa panggulmitonta nasa ulaonta nang pambahenanta ro di parugamaonta. Tontu masihol do hita di hasonangan (kesejahteraan), alai ndada hasonangan (kenikmatan sesaat). Miduk do warga masyarakat nang ruas ni hurianta naung mamora jala maduma tu angka tingki na parpudi on. Tahalashon jala tahamauliatehon do i. Alai beha do tutu suraon do nasida sejahtera di keluarga nasida manghamauliatehon saluhutna i.
    f. Tanda ni pertobatan, ima ibadah na sejati (Rom 12:1 Na huapoi ma hamu, ale angka dongan, marhitehite asi ni roha ni Debata: Pasahat hamu ma dagingmuna bahen pelean na mangolu, na badia, na hinalomohon ni Debata; i ma hadaulaton ni na marroha.) Ibadah na sejati ndada holan na ringgas marminggu nang partangiangan alai ngolunta i do siganup ari. Di gereja kita berbakti, di masyarakat kita mengabdi (beraksi). Lapatanna, ibadah na sejati ima na tarida marhite ngolu dohot parangenta siganup ari. Parmingguon, nang partangianganta i ndada songon bajubaju. Ro tu gareja dipangke ‘baju’ na burju pasahat pelean. Alai mulak sian i dibungka ma i, ditadingkon ma Debata na di gareja i, dungi dipangke ma baju ngolu siganup ari (berlaku tidak adil, dipongkihi na pogo, manjalo sisip, manipu, dna).
    Contoh sinueng na masa: Di usianya yang semakin tua, Hj Fatimah harus berurusan dengan pengadilan. Yang lebih menyakitkan lagi, sang penggugat tak lain adalah anak kandungnya sendiri menggugat secara perdata karena persoalan jual beli tanah. Kini nenek berusia 90 tahun ini harus wara-wiri ke pengadilan karena gugatan Rp 1 miliar yang dilayangkan oleh anak keempat dan menantunya sendiri. Warga RT Jalan KH Hasyim Asari, RT 02/01 No. 11, Kelurahan Kenanga, Kecamatan Cipondoh, Kota Tangerang digugat oleh anak kandung dan menantunya Rp 1 miliar ke Pengadilan Negeri (PN)Tangerang dalam kasus sengketa tanah. Janda delapan anak tersebut digugat anaknya sendiri, Nurhana dan suaminya Nurhakim. Selain gugatan materil sebesar Rp 1 miliar sebagai ganti rugi, Fatimah juga digugat untuk pergi alias diusir dari lahan yang kini dijadikan tempat tinggalnya. Contoh na asing muse: Penguasa Keraton Kasunanan Surakarta, Paku Buwana XIII (Raja Solo) sedianya akan diperiksa sebagai saksi dalam kasus perdagangan anak di bawah umur dengan tersangka berinisial WT. Berdasarkan pengakuan korban, WT menjual korban kepada seorang pria yang disebut-sebut sebagai PB XIII. Saat itu korban bernama AT tersebut dipaksa untuk melayani pria itu hingga hamil. Dalam kejadian tersebut, korban yang baru berusia 16 tahun itu sempat kehilangan kesadaran setelah memakan permen yang disodorkan oleh pria tersebut. Dia baru sadar setelah berada di dalam hotel. Beberapa bulan sejak kejadian itu, dia baru berani melaporkan hal itu kepada polisi. 
     Ala ni i ringkot do pertobatan asa mangolu hamu (ay.14). Molo so olo pauba roha, ianggo i, molo dung ro ari ni Tuhan i, gabe ari hamagoan ma i di nasida. Alai ianggo di angka na bertobat, ari haroro ni Tuhan i justru gabe ari hamuliaon, ari las ni roha ma i (ptds. Mat.25:1-13).
     g.  Tapangke ma ngolunta on gabe inganan partangiangan mandapothon Debata, hidup yang beribadah. Unang adong di partingkianta, mencoba mandapothon manang aha pe songon na binahen ni halak na so marugamo (sileban) laho mandapotsa manang aha pe. Alai boi do ndang mampanghorhon partangiangon tu praktek ngolu siganup ari, dibahen i mansai tajom do dialo si Amos nasa bentuk ibadah na munafik. Ringgas do marminggu manang tu partangiangan hape realitas ni ngoluna siganup ari dao sian hatigoran ni Debata. Ihut tusi muse ditulak Debata do partangiangan na holan pasonang tokoh tertentu ditonga ni ruas (3:21). Boi do disada tingki masa pahosing uhum (ketidakadilan) ala ndang marlangku uhum i. Molo masa pe na songon i, ndang pasombuon ni Debata kondisi i torus mardalan. Holan, talehon ma dirinta gabe ulaula ni Debata pasauthon hasintongan dohot hatigoran ni Debata marhite na tabuhai sian dirinta be. Boha do asa adil uluan tu bawahan, adil parhalado tu hasahatan ni pelean ni ruasna, pamarenta tu rakyat, dna. Unang tatuntut keadilan, hape hita sandiri ndang berkeadilan: “bohama i ?” taulahon ma keadilan i, naeng ma keadilan i margulung songon batang aek hatigoran mengalir ganup ari so hea mansohot. Nunga dilehon Jesus dalan di hita laho mulak tu Ibana, dalan pardameanta dohot Ibana; jala dibagasan Jesus dipajongjong dalan di hita mulak tu hangoluan sisalelengnilelengna asa mardalan hita di hatigoranNa. Amen

Jamita Minggu Palmarum (Maremare) 24 Maret 2024

Ida Ma Na Ro Ma Rajami Manopot Ho  (Lihat Rajamu  Datang Kepadamu) Mateus 21: 1 - 11     a)       Hamuna angka dongan nahinaholong...