NAUNG GABE MAMORA DO
HITA DI BAGASAN IBANA DI NA SALUHUTNA
Di Dalam Dia Kita Menjadi Kaya
Dalam Segala Hal
1 Korint
1: 4 – 9
- Huria
ni Tuhanta na hinaholongan dibagasan Jesus Kristus. Marbadai ma dua halak
pengurus ni huria, pola gogo situtu soara jala naeng martumbuk. Tuani ma
disi amang Pandita. Didapothon ma, didok ma tu nasida: "Ai ise do
hamu? Nda angka parhalado ni huria do hamu? Nda di huria na badia do hamu
mangula? Nda mamelehon diri do ulaon ni na marhalado? Patut do hamu songon
on?". Pintor hohom do nasida, jala mangido maaf ma, laos mardame,
masihaolan.
- Disurathon
si Paulus do suratna on tu huria Korint, ala adong do angka parsoalan di
huria i. Ndada parsoalan haporseaon, alai parsoalan haportibion do, songon
jolma pardaging, ninna di bindu 3, 3. Ai digugat nasida haapostelon ni si
Paulus. Masa do parbolatbolaton ala kefanatikan tu pribadi ni parjamita:
Apollos, Paulus, Kefas. Laos huhut, di huta Korint do huria i dipaojak
Debata. Hape huta i tarbarita do songon huta pargadombuson. Tontu, godang
ma hal na maol diadopi nasida. Dihapor-luhon nasida ma angka hatontuan na
tangkas. Ala ni i ma, di hata tabena di parmulaan ni suratna on, pintor
dipaboa Paulus ma, ise do ibana, ise do huria dohot ruas ni huria ni
Korintus, ise do Tuhan Jesus na manjou nasida. Ima dalanna mangalehon alus
tu angka parsoalan na masa disi. Tontu molo dung tangkas i di nasida dohot
di hita, lam tu dengganna ma ngolu parhuriaonta.
- Dipasahat
Ap.Paulus ma pujipujian dohot hata mauliate, ima patuduhon holong ni
rohana tu huria i, nang pe adong sian nasida na menggugat haapostelonna.
Didok Mathew Henry, cara terbaik mewujudkan kasih sayang kita kepada para
sahabat adalah dengan berdoa dan mengucap syukur atas mereka. Sitiruonta
do i, songon angka naung manjalo asi ni roha ni Debata. Molo adong na so
manghale mohon hita, unang ma gabe tahasogohon nasida, alai taboan ma di
angka tangiangta.
- Namangihut,
mandok mauliate do si Paulus tu Debata ala nunga dilehon Debata asi ni
rohaNa tu huria Korintus. Ai nunga porsea nasida jala dijangkon Tuhan
Jesus gabe Tuhan dohot Sipaluana. I do las ni roha ni angka
parbaritanauli, molo marparbue angka Hata ni Debata binaritahonna, olo
nasida manjalo Tuhan Jesus. Las ni roha ni angka naposo ni Debata ima molo
marparbue Hata ni Debata di ngolu ni ruasna. na tarida di angka pambahenan
dohot ngoluna siganup ari na berkarakter Tuhan Jesus. Jala dihamauliateon
si Paulus do, ala dung dijalo nasida Tuhan Jesus, pintor dipamora Tuhan
Jesus do nasida di hata dohot pangantusion (perkataan dan pengetahuan ay.
5). Na dua silehonlehon on na mansai arga. Ima molo boi angka na porsea i
manghatahon Hata ni Debata naung niantusanna. Ai molo holan mangantusi do
so padohot hamaloon manghatahon, holan di dirina sandiri do i. Alai molo
holan manghatahon so padohot pangantusion, ngongar do. Duansa do dilehon
Debata tu huria i. Ima mambahen huria i marguna situtu. Marhite i ma
diarahhon Jesus roha ni huria 1, asa fokus nasida mamake silehonlehon na
dua i unang lalap marsualsual ala ni fanatisme golongan asa lam rarat
barita nauli i. I do sosososo ni turpuk on tu sude huria, asa unang lalap
marsualsual di hal na so ringkot, alai fokus ma pahimpuhon sude
silehonlehon (potensi) nanilehon ni Debata di angka ruas ni huria,
mangarahon i laho manghobasi huria ni Tuhan Jesus. Tarlobi di pelayanan di
era Revolusi Industri. Ingkon lam malo jala denggan ma angka naposo ni
Debata manjou, pahimpuhon, memberdayakan sude potensi na adong di angka
ruas, asa boi hita patupa angka pelayanan na digital, na ampit tu generasi
milenial dohot kids zaman now. Asa ampit tu nasida, gabe lomo roha nasida
jala betah mangihuthon Jesus, ringgas tu parmingguon dohot angka ulaon di
huria ala ampit (sesuai) tu zaman nasida. Tapake ma sude potensi i jala
fokus ma mamake i tu pelayanan.
- Hhuria
na hinaholongan, didok topik ni minggunta : NAUNG GABE MAMORA DO HITA DI
BAGASAN IBANA DI NA SALUHUTNA - Di Dalam Dia Kita Menjadi Kaya Dalam
Segala Hal. Naung maringan do hita di atas ni hamoaraon ni Debata di
portibi on, nang pe sai bahat do jolma na mambahen marpogos halak na
asing; eksploitasi alam na berlebihan na so pola manghorhon tu hadumaon
dohot tu kesejahteraan ni masyarakatna songon na di Papua bahat do disi
potensi alam songon sere na di karejoi PT Freeport. Hamoraon ni Debata
ternyata ndang holan na di portibi on, sahat do tu na lobi ummarga di
ngolunta ima Haluaon – Keselamatan naung pinaradeNa marhitehite AnakNa nasasada
i ima Jesus Kristus i. Aha do na mambahen hita marpogos di partondi on ?
ima ala ni na so satia hita mangulahon dohot mangaradoti patik nang
HataNa. Jotjot do jolma tarela di hagiot ni daging dohot portibi on
sambing na mangarajai roha nang pikkiranna. Nang pe gok arta materi di
portibi on na tamiliki alai ndang tuk saluhutna i laho pasonanghon
rohanta. Mual ni hamoraonta ima asi ni roha ni Debata, jala naung tajalo
do i. Naung singkop do diparade Tuhanta i di hita di parngoluon on. Ala ni
asi ni roha ni Debata marhite Jesus
Kristus asa hot hita mangantusi naung dipamora hita di partondion. Amen.
