Jamita Partangiangan Passion II, tgl.16 April 2025

Panolsolion (Penyesalan) - Matius 27 : 2-3

Jadi dung diida si Judas parjehe i, na naeng hona uhum nama Jesus, disolsoli ma rohana, dipaulak ma na tolupulu rupia tu angka sintua ni malim dohot tu sintua ni bangso i, ninna: “Sala do ahu, hujehehon do hape na so marpipot!”

 Huria ni Tuhanta, hea do dipatupa survey di Negara Belgia tu angka na marumur 60 taon ima taringot tu panolsolion na umbolon na hilalahon nasida. Hasilna ima ternyata adong ma 72% na menyesal siala na pasudahon tingki di na laho karejo dohot denggan di uju haposoonna. Adong 67 % na menyesal siala sala mamillit parkarejoanna. Adong  ma 63% ala so denggan diajari ianakhonna. Adong ma 58% na menyesal ala hurang olah raga dohot na manjaga hahipason; jala adong ma 11 % ala ndang cukup hepengna. Saluhut Halak sai adong be do ragam panolsolionna na binahenna. Didok hata Indonesia: “penyesalan selalu datang terakhir”. Na deba halak denggan do responna na menyadari hasalaanna, dungi minta maaf jala muba Rohana. Alai ndang na otik halak na naung sadar di hasalaanna, alai gabe panolsolion na so haintopan, pola sahat tu na mangalului dalan asa mate maningkot.

Dibagasan turpuk on, disolsoli si Judas do hasalaanna, alai panolsolion I ndang mamboan ibana tu hamubaon ni roha manang tu pertobatan. Alai gabe sai disolsoli Rohana torus sahat tu na mate maningkot. Jala sisean ni Jesus na asing pe na margoar si Petrus disolsoli do hasalaanna. Disoadahon taringot dirina tu Kristus tudoshon hasalaanna dohot tu si Judas. Alai disikapi si Petrus do panolsolionna I marhite pertobatan. Jala diihuthon ibana do muse mulak tu Tuhan. Dibaritahon do di Bibelta I habot ni roha ni si Judas ima habot ni roha na sian portibi on ( 2 Kor.7:10). Pusatna ima dibagasan dirinta sandiri, alai habot ni roha na dihalomohon Debata ima na “marparbuehon hamubaon”. Hamubaon di hata Indonesia didok: Pertobatan dalam bahasa Yunani adalah metanoia, yang artinya berubah pikiran atau berbalik dari dosa.

Huria ni Tuhanta, ndang adong sahalak pe di portibi on na malua sian hasalaan. Jala boi do sada hasalaan na borat mambahen angka tondongta nang aleale pe gabe kecewa. Jala boi do ala hasalaanta I manghorhon panolsolion na bagas jala ndang tarjalo rohanta sandiri hasalaanta i. Alai taingot ma umbalga do Asi n iroha ni Debata sian hasalaanta i.

Adong ma sahalak dolidoli na manolsoli dosana ro  manjumpangi sahalak pandita senior: “mansai balga do dosangku na saleleng on di haposoonku na hubaen. Ia au sandiri pe gabe magigi do mamereng diringku sandiri. Ai ndang tarsesa Debata ra angka dosangku ala ni balgana.” Didok pandita ima: “Pos ma roham, sesaoNa do dosam na godang i.” Alai didok dolidoli I ma: “yakin do au na so tarsesa Debata angka dosangki”, ditompuk ma andorana huhut tumatangis. “Beta ma jolo tu Pantai,” diarahon pandita I ma asa laho tu Pantai nasida. Dung mardalan jala sahat tu Pantai, dipature pandita ima timbunan pasir sameter timbona. Molo dolidoli I ndang diantusi; aha do nabinahen pandita I, ai dirimpu pandita I do dakdanak ibana songon na menghibur rohana asa marmeam pasirpasiran ? didok roha ni dolidoli i. Didok pandita I ma; “tabereng ma pasir na hupature on”. Memang di manogot I, surut do aek laut, dung leleng nasida sahat tu arian, mulai ma pasang aek laut I, ro ma umbak lam leleng lam jonok tu Pantai I, lam balga ma ombak I ro manjonohi timbunan pasir I, lam leleng lam hancur ma timbunan pasir na pinature pandita i. jala mulak tipak muse. “Bereng ma anggia pasir I na hupature I, nga mulak rata jala tipak be binahen di umbak laut i. Laos songon I ma dosadosami, sabalgabalga dia pe I, pos ma roham umbaga do HUASO NI DEBATA laho MANESA DOSAM. Unang ma halihali huaso ni Debata, ia Debatanta I parhuaso na so hatudosan. Marhite JESUS KRISTUS na mate di hau pinrsilang I naung di sesa dosa ni portibi on, nang dosam.”

Huria ni Tuhanta; ringkot do sikapta, molo jumpa adong hasalaanta, ampunilah diri sendiri, mintalah maaf kepada orang-orang yang telah kita kecewakan, mintalah pengampunan kepada Tuhan. Percayalah bahwa penyesalan yang benar akan membawa kita pada pertobatan dan menjadikan hidup kita jauh lebih indah dari sebelumnya.

Ketika kita sadar telah mengambil langkah yang keliru, kita menyesal. Ketika kita sadar telah melakukan hal yang salah, kita menyesal. Ketika kita harus menerima konsekuensi atas suatu perbuatan dosa, kita menyesal. Setiap orang pernah melakukan hal yang keliru dan membuatnya menyesal. Tetapi, tidak semua orang mampu belajar dari kesalahan dan penyesalannya. Banyak orang menyesali perbuatannya, tetapi mereka tidak segera memperbaiki pola hidupnya yang salah. Akibatnya, seperti kata pepatah, penyesalan selalu datang terlambat.

Denggan do molo adong tubu di roha panolsolion, alai boha adong jolma ndang manolsoli dosa nang hasalaanna, naung mate ma hati Nurani, panggora ni roha, nang Tondi Porbadia I pe ndang ditangihon be.

Yudas telah menjual Gurunya dengan harga 30 keping perak, tetapi ketika melihat Yesus dihukum mati, ia diliputi rasa bersalah yang begitu besar. Sayangnya, penyesalan Yudas tidak membawanya kepada pertobatan sejati, melainkan keputusasaan yang berujung pada kematiannya sendiri. Di zaman sekarang, banyak orang terjebak dalam kebencian dan kepentingan pribadi sehingga rela melakukan apa saja, termasuk mengorbankan orang lain demi keuntungan diri sendiri. Kita harus berhati-hati agar tidak terjebak dalam sikap seperti ini. Setelah melihat Yesus dijatuhi hukuman mati, Yudas merasa bersalah dan mencoba mengembalikan uang yang diterimanya. Ia mengakui bahwa dirinya telah menyerahkan darah orang yang tidak bersalah. Namun, imam-imam kepala tidak peduli dengan penyesalan Yudas dan menolak untuk menerima kembali uang tersebut.

Ia sasintongna molo adong panghilalaan panolsolion, ima sada dalan na dilehon Debata, asa dalan nang kesempatan tu hita laho pature diri nang rohanta, ai adong do sangkap na uli na denggan jala na umbalga diparade Debata tu hita asa dipauli, dipauba, dipature, dipadenggan dalan ni ngolunta jala gabe marlas ni roha ma hita. Amen.

Jamita di Partangiangan Passion I, 15 April 2025 di HKBP Moria BSP Lubuk Pakam

Johannes 13: 26-30

Gabe dialusi Jesus ma: Ia tusi hulehon na santopik na husornophon on, ima ibana! Jadi disornophon ma santopik, dilehon ma tu si Judas Iskariot, anak ni si Simon. Jadi dung dibondut i, dibongoti sibolis i ma ibana. Dung i didok Jesus ma tu ibana: Humatop ma ulahon siulaonmu!

Huria ni Tuhanta, adong ma sada Halak pangarang Novel na margoar Eliezer Wiesel jala sahalak filsuf humanitarian, aktivis politik jala sahalak korban ni holocaust Jahudi na marhasil martahan. Adong ma sada buku novel karanganna na marjudul “Night” ima na paboahon kengerian ni na masa holocaust. Sian pengalamanna sandiri do isi ni buku I na di tawan do ibana di kamp konsentrasi ni nazi. Alai mansai andul tarbalik do kisah ni ibana I sian na masa di 2 Musa. Di paskah na parjolo I ( 2 Musa 12)ia si Musa dohot Halak Israel paluahon dirina sian parhatobanon ni Misir. Ia si Miesel mambaritahon n aro do pasukan ni Nazi na manangkupi Halak Jahudi dungkon Paskah.

Mansai andul  peristiwa I di na masa di Jesus, di borngin ni Paskah, di arop do ia Jesus I boi paluahon bangs oni Debata sian panaritaan, hape diloas Ibana do diriNa ditangkup angka Halak na naeng mamunu Ibana.

Dipaandar si Johannes do na masa I dohot denggan andorang so ditangkup Jesus. Di na rap mangan parpudi nasida, mansai lungun do roha ni Jesus mangadopi na naeng siadopanNa, mangungkap penghianatan na ingon taononNa (ay.21). Musuh dalam selimut ma goar ni on. Ai aha do na lohot na sai laon di pikiran ni si Judas on raphon Jesus. Aha do na pinarsiajaranna sian Jesus salaleng raphon Jesus ibana. Iag oar ni Judas on nunga terkenal dungkon penghianatanna tu Jesus. Manang ise na berhianat manang na mambahen na jahat tu donganna sai pintor diingot Halak do manggoari dohot si “Judas”, penghianat, raja tega dohot parjahat. Ditonga ni huria sai dapot do manang pigapiga pangalaho sisongon on. Sai unang ma dapot ditonga ni huria ruas na berhianat, na maninggalhon huriana, na manggadis Tuhan Jesus laho holan manggohi sangkapna, kepuasan diri nang pangomoanna sandiri. Ai mara do dapotna haduan, hasusaa, hamaolon nang hapariron. Taajari ma angka sundut na umposo, angka gellengta, ianakhonta asa unang marparange songon si Judas. Dijamothon ma nasida nang keluarganta asa satia mangihuthon Jesus. Unang ala manggulut na di portibi on dohot do Tuhan Jesus di gadehon.

Alai tabereng ma muse nabinahen ni Jesus, jala na so masuk akal, diadopi Jesus do penghianat I laos dilehon ibana do roti tu si Judas i. Naung tarsurat do : “Asa dung dijalo si Judas na santapik i, pintor laho do ibana tu balian; alai borngin ma uju i!” (ay.30). Sanga do pe Jesus manarihon penghianat songon si Judas. Sedangkan parjahat, parjehe, pardosa disarihon Debata dope, lam ma hita sai disarihon Tuhan I do ngolunta. Asa sai lomoan do roha ni Debata di hamumulak ni parjahat I tumadingkon dalanna asa marhamubaon ni roha jala mangihuthon dalan ni Jesus. Molo hita mangadopi songon Jesus I, pasti ndang olo be hita mangalehon roti i. na so masuk akal do na binahen ni Jesus asa. Baliksa pamaloson nama tabahen tu angka na mambahen jut rohanta manang tu angka penghianat. On ma na niajarhon Jesus tu hita ima; unang balos na jat balos ni na jat, alai balsohon ma angka na denggan. Pambahenan ni Jesus ima holong, jala disi ma na porsea di Jesus manghaholongi musu, angka na mambahen jut rohanta. Molo sian hagogoonta ndang mampu hita mambahen na denggan tu parjahat alai Tuhanta I do na bolas mangurupi hita dohot margogoihon hita mambahen angka na uli na denggan tu dongan jolma tarlumobi tu parjahat. Ala ni I ndang masuk akal pambahenan ni Jesus songon I do pambahenan ni na porsea I ndang masuk akal alai masuk tu haporseaon na manghaporseai Jesus na gokk holong i.

 

Naung masa do ketidakadilan bolon di Sejarah kemanusiaan ima tu diri ni Jesus, alai didok Jesus do: “Na marsangap ma nuaeng Anak ni jolma i, jala marsangap Debata di bagasan Ibana.” (ay.31). Andorang so masa Jesus di parsilangkon I, naung diajari Jesus do angka sesanNa I asa masihaholongan. Dibagasan panaritaanNa I do hasangponNa gabe dalan laho manuhuk saluhut boban ni dosa ni portibi on di hau pinarsilang i. Ai torop do jolma naeng mangahut sangap di dirina so pola berkorban apa-apa. Naeng do sangap ibana di portibi on. Ai ende ni Halak hita Batak pe songon I do didok: “hagabeon, hamoraon, hasangapon ido dilului na deba”. Ai hasangapon do godang dilului angka jolma na diportibi on. Bahkan hasangapon ni Debata pe naeng gantihononna tu dirina, na mengaku-ngaku anak nabi, manang keturunanna, manang bangsawan, Halak na terpandang na digoari portibi on. Alai holan hasangapon di Debata marhite AnakNa Jesus I do na sintong adong. Jaloon na porsea I do hasangapon molo mardonganhon Jesus. Marhasangapon marhite kecerdasan dohot bisuk na sian Tuhanta I, asa angka na mangasahon Tuhanta dilehon do prestasi dohot pencapaianna cemerlang di tonga ni portibi on.

Huria ni Tuhanta aha ma siputihonta sian turpuk on di partangiangonPassion na parjolo on? Ima:

1.       Naparjolo, diajari Jesus do hita patujolohon holong di angka na masa di bagasan ngolunta, tarlumobi mangadopi angka penghianatan, na so satia. Holan mangasahon Jesus do hita mampu patupahon I, ia ndang boi sian hadirionta di hajolmaon.

2.       Napaduahon, diajari Jesus do hita asa mambahen angka na denggan tu manang ise pe dibagasan ngolunta, termasuk tu na marjahat tu hita. Ai ido parbue ni haporseonta dibagasan Jesus Kristus i. Ai ndang diajari hita laho mamalos, ia pamaloson I hak ni Debata do i.

3.       Unang ma adong sian hita na porsea songon si Judas, na berhianat holan laho manarihon tu dirina.  Sai tajaga ma dirinta asa unang lemba diela sibolis I gabe siula na jahat, baliksa tongtong mangasahon Tondi Parbadia I ma mangajari hita.

4.       Tapasangap ma Debata dibagasan ngolunta, ai nunga pola ro Jesus rade mangalehon diriNa gabe pelean tu Debata manggantihon hita, jala marsangap do Ibana dung mamolus haporsuhon ni silang I, mate, jala hehe sian na mate, manaek tu Banuaginjang hundul di siamun ni Debata marhasangapon. Amen.

PARTORDING NI PARTANGIANGAN PARNINGOTAN PANAONON NI TUHAN JESUS = PASSION II = HKBP MORIA BSP RESORT MORIA BSP L.PAKAM Rabu, 16 April 2025 – Pkl.19.30 WIB

====Tingki na hohom====

 

I .  Joujou Tu Parsaoran :  (L:Liturgis; R:Ruas)

L      :    Huria ni Tuhanta! Dibagasan serep dohot unduk ni roha tu Debata, tahalashon ma parsaoranta di tongatonga ni bagas ta be. Parpunguanta sadari on ima Passion II di Bagasjoro ni Tuhanta on. Haleaon, insakinsak, reherehe, tijur, tali dohot pastap-pastap, ditaon Ibana. Alai ndada holan i, ingkon sahat do Ibana tu hau pinorsilang, asa sae sude utang ni dosanta.

R      :    Hita do tama manaon i. Ai ala ni pangalaosionku do Ibana tartullang, jala ala ni hajahatongku do Ibana mabugang.

L      :    Antong, pabulus ma rohata mangendehon, Jesus mual ni ngolungku sipangolu tondingki. Marende ma hita:

 

1.   Marende No. 81: 1 – 2  “Jesus mual ni ngolungku”   BL.185

♫     Jesus mual ni ngolungku, sipangolu tondingki.

Ai dibunu Ho musungku, i ma hamatean i.

Ho manaoni hamagoan, patupahon hangoluan.

Alani hupuji Ho, tung marribu hali do

 --------Jongjong ruas-----

♫     Haleaon, insakinsak, reherehe tijur pe.

Tali dohot pastappastap tung ditaonhon Ho sude.

Paluahon au na pogos, sian tangan ni sibolis

Alani hupuji Ho, tung marribu hali do.

 

2.  Votum-Intro-Tangiang:

L   :   Marhitehite Goar ni Debata Ama dohot Goar ni AnakNa Tuhan Jesus  

         Kristus dohot Goar ni Tondi Parbadia.  Amen. Songon pangkaholongina di angka  

        na di Ibana na di portibion, laos songoni i do dihaholongi nasida ro di ujungna.  

        Haleluya...

Martangiang ma hita : Ale Tuhan Debata, Amanami na di Banuaginjang, Parasiroha na sumurung! Na mandok mauliate ma hami tu Ho sian nasa rohanami ala dilehon Ho AnakMu na sasada i tu hamatean humophop hami, asa unang mago na porsea di Ibana, alai asa hangoluan na saleleng ni lelengna di nasida. Tatap ma hami, ale Amanami di bagasan AnakMu Jesus Kristus, na gabe habadiaon dohot hatigoran di hami. Sai sesa ma dosanami saluhut, ala ni pelean na sun denggan, na pinelehonNa i humophop hami, sai paeleng ma pinggolMu tu tangiang nami, jala asi ma rohaM di hami marhitehite AnakMu, Tuhan Jesus Kristus Tuhannami. Amen.

                                                   ----Hudul ruas----

 

3. Marende BE. No. 83: 4   “Na Lao Do birubiru”    BL.214

♫       Saleleng na mangolu au, naeng ingotonku Jesus. 

Sude na binaenMi di au, hataM naeng hupatulus.

Ho naeng haholonganku do, huhut ihuthononku Ho

di dalan hangoluan. Tung ingkon Ho, nampuna ahu,

mangolu manang mate au. Sai Ho do tioponku

 

4.  Barita Paonomhon: Jesus di Getsemane

L :  Jadi dung diendehon nasida endeende pujipujian i, ruar ma nasida tu dolok Jetun. Disi ma didok Jesus tu nasida: saluhut do hamu naeng targasip mida Ahu di na saborngin on. Ai na tarsurat do: Lombutanku ma Parmahan i, gabe marserak ma birubiru na sapunguan i.

R   : Alai ninna si Petrus ma mangalusi Ibana: Agia sude nasida targasip mida Ho, anggo ahu, na so tupa targasip.

L   :  Alai ninna Jesus ma mandok Ibana: “O Simon, Simon nunga dipangido sibolis naeng segeonna hamu songon dahanon. Alai Ahu do manangiangkon ho, unang mintop haporseaonmi. Jadi dung mulak sogot roham, pargogoi ma roha ni angka hahaanggim!”

R   : Alai ninna si Petrus ma mandok ibana: “Tuhan, na hobas do ahu mandongani Ho tu hurungan, nang tu hamatean pe!”

L   :  Alai ninna Jesus ma: “Hudok ma tu ho, Petrus: Ndang martahuak manuk saborngin on; so jolo tolu hali soadahononmu na so tinandam Ahu. Dung i sahat ma Jesus rap dohot nasida tu porlak sada margoar Getsemane. Jadi didok ma tu angka sisean i: “Hundul ma hamu jolo dison saleleng disan Ahu martangiang.”

R   : Dungi ditogihon ma si Petrus dohot anak ni si Sebedeus na dua i gabe marsak situtu ma Ibana jala bobonosan. Jadi didok ma tu nasida: “Mansai marsak situtu do rohangku, hira na mate do. Dison ma hamu dungo rap dohot Ahu.”

L   :  Dungi laho ma Ibana saotik tu jolo, dipatungkap ma bohiNa tu tano martangiang, ninna ma: Ale Amang, namun na tarbahen salpuhon ma siinumon on sian Ahu! Alai tahe, unang marguru tu rohangKu, rohaM do!

R   : Dungi mulak ma Ibana tu angka siseanNa jala tarpodom do nasida didapot, jadi didok ma tu si Petrus: “Ndang margogo hamu hape dungo rap dohot Ahu nanggo sangombas? Dungo ma hamu jala martangiang asa unang hamu bongot tu pangunjunan, ai na girgir do nian tondi i, alai gale do ia daging.

L   : ”Dungi laho ma Ibana paduahalihon martangiang ninna ma: “Ale Amang, molo na so tarbahen salpu on, nda ingkon huinum, sai saut ma lomo ni rohaM!”Dung i ro i Ibana, tarpodom nasida didapot, ai mansai dokdok salibonasida.

R   : Jadi ditadingkon ma laho martangiang patoluhalihon mandok hata ondeng. Dung i didapothon ma muse angka siseanNa jadi didok ma tu nasida:”   Datdatanmuna dope modom dohot maradian?

L   :  Nunga dapot tingkina nuaeng, sahat ma Anak ni jolma i tu tangan ni pardosa. Hehe ma hamu, laho ma hita! Ndi! Nunga ro na pasahathon Ahu!”

 

5.  Marende, No. 249: 1    “Ngot Ma Ho, O Tondingki”

♫     Ngot ma ho, o tondingki dungo martangiang.

Asa unang musu i, tole so tinagam.

Bisuk ni setan i, do manait tu dosa lan na bonar roha.

 

6.  Barita Papituhon: Haroro Ni Angka Soldadu

L   :    Alai diboto si Judas siparjehe i do inganan i, ai jotjot do marpungu Jesus tusi dohot angka siseanNa. Ia si Judas diarahon ma angka soldadu dohot            angka naposo ni sintua ni malim, didapothon ma tusi mantat sulusulu, palito dohot sinjata. Diboto Jesus do saluhut na naeng songgop tu Ibana, jala ruar ma Ibana, didok ma tu nasida: “Ise do na jinalahanmuna i?” Gabe ninna nasida ma mangalusi Ibana.

R   :    Gabe ninna nasida ma mangalusi Ibana: “Jesus halak Nasaret i do!”

L   :    Dung i ninna Jesus ma mangalusi nasida: “Ahu do i!” Alai dohot do si Judas si parjehe i jongjong di lambungnasida. Asa dung didok tu nasida: “Ahu do i”, sumurut ma nasida, angka martinggangan ma tu tano.

R   :     Dung i diulahi ma manungkun nasida: “Ise do na niluluanmuna?” Jadi didok nasida ma: “Jesus, halak Nasaret i do!”

L   :   Dung i didok Jesus ma: “Ahu do i! Asa molo Ahu dilului hamu, loas ma laho angka on! Ai naeng do jumpang na nidokna i: Ndang adong na mago hubahen agia sada sian angka na nilehonMi tu Ahu.”

R   :     Alai nunga dipabotohon parjehe i hian partinandaan tu nasida, ai didok do, “ia i na huumma, Ibana ma i, i ma tangkup hamu!” Asa pintor didapothon ma Jesus, didok ma: “Tabi di Ho, Guru!” Laos diumma.

L   :  Alai ninna Jesus ma mandok Ibana: “Marhua ho tuson anggia? O Judas, pangummaon do hape dibahen ho, pasahathon Anak ni jolma i? “Dungi ro ma nasida, dilaluhon ma tangan nasida tu Jesus manangkup Ibana.

R   :     Dung i, adong ma sada sian nasida angka dongan ni Jesus mangalaluhon tanganna, disintak ma podangna, ditampulhon ma tu naposo ni sintua ni malim sahalak, dipisikhon ma pinggolna.

L   :     Jadi didok Jesus ma tu ibana: “Pasarung podangmi, ai na manintak podang, mago ma bahenon ni podang! Ai na so tarbahen Ahu do di roham mangido sian Damang asa dipadiri di Ahu saonari lobi sian sampuludua loksa surusuruan?

R   :     Alai songon dia ma disi saut hata ni surat i na mandok “Ingkon masa do songon i? Uju i ma didok Jesus tu angka na torop i:Hira na dompak panamun do hamu hehe, marpodang jala marlombutlombut manangkup Ahu.

L   :     Ariari do Ahu nian hundul mangajari di bagas joro, so adong ditangkup hamu Ahu. Alai na masa do sudena on, asa jumpang hata ni angka panurirang i. Dung i ditadingkon saluhut sisean i ma Ibana laho maporus.

 

7.  Marende BE No.474 : 1  “Ingkon Jesus do donganku”

♫       Ingkon Jesus do donganku, sahalangku lilu do.

              Raphon Jesus boi au monang , talu musu I na ro.

              Ndang mabiar au disi, Tuhan Jesus donganki,

              Sai ihothononku Jesus, oloanku nama i.

 

8. Barita Paualuhon : Jesus di Jolo ni  Sintua ni Malim

L      :  Jadi bongot ma ibana rap dohot Jesus tu alaman ni malim i. Alai disungkun sintua ni malim i ma Jesus taringot tu angka siseanNa dohot taringot tu podaNa i. Jadi dialusi Jesus ma ibana ninna ma: “Patar do hatangki dihatoropan.

R      :    Na tongtong do Ahu mangajari na sailaon dibagasan parguruan nang dibagas joro pe, parpunguan ni saluhut halak Jahudi. Ndang adong manang aha huhatahon marsibuni.

L      :    Boasa Ahu disungkun ho? Nasida naung umbege hatangki, i ma sungkun! Ai diboto nasida do na huhatahon i.” Dung didok Jesus songon i, Dipastap sada oppas na jongjong disi ma Ibana, huhut ma didok:“Songon i pangalusiM tu sintua ni malim i?

R      :  Dung i ninna Jesus ma mangalusi ibana: “Ia na hurang na hudok, hajongjonghon na hurang; alai anggo na hona do, boasa pastaponmu Ahu? Asa disuru si Hannas ma Ibana naung tinali i tu sintua ni malim si Kayapas, disi do marpungu siboto surat dohot sintua ni natorop.

L      :   Alai anggo angka sintua ni malim ro di sandok rapot godang mangalului panindangion gapgap dompak Jesus, na tuk mambahen Ibana marutang hosa. Alai nang pe hehe torop sitindangi gapgap ndang adong jumpangsa na tau mambahen Ibana uhumon.

R      :    Alai parpudi ro ma dua halak ninna do: “Didok halak on: Tarbahen Ahu do mangalohai joro ni Debata jala pajongjonghoni sumuang di bagasan tolu ari. ”Dung i hehe ma sintua ni malim i, mandok tu Ibana: “Ndang alusanMu na hinatindangkonnasida dompak Ho?”

L      :    Alai sai hohom do anggo Jesus. Dung i dipangkulingi sintua ni malim i ma Ibana: ”Hupatolon ma Ho tu Debata Siparngolu i, asa dipaboa Ho tu hami manang na tutu Ho, Kristus, Anak ni Debata!”

R      :    Dung i didok Jesus ma tu ibana: “Songon nidokmi ma tutu! Alai hudok ma tu hamu: “Olat ni on ma idaonmuna Anak ni jolma i, hundul di siamun ni hagogoon jala ro di atas ombun ni langit.”

L      :    Gabe diribakhon sintua ni malim ma paheanna mandok: ”Na mangaleai Debata do Ibana! Pola luluan dope sitindangi? Nunga dibege hamu pangaleaina i! Beha do dirohamu?”

R      :    “Ingkon marutang hosa ma Ibana!” Jadi ditijuri nasida ma bohiNa, na deba manompuk, na deba mangalinsingi huhut mandok: “Surirangi hami, Kristus, ise do na mamunu Ho?”

L      :    Alai sai mangihut do si Petrus mandaodao sahat tu alaman ni sintua ni malim i. Laos bongot ma ibana tu bagasan, laho hundul tusi rap dohot angka naposo marnida ujungna. jadi didapothon sada parompuan ma ibana mandok: Dohot do ho dongan ni Jesus, na sian Galilea i!

R      :  Jadi disoadahon ma di jolonasida saluhutna, ninna ma: Ndang huboto na nidokmi! Dung i di na naeng haruar ibana, diida parompuan na asing ma ibana, didok ma tu angka na disini:  On do sada dongan ni Jesus na sian Nasaret!

L      :   Jadi diulahi ma mansoadahon, pola manolon: Tung na so hutanda do Halak i!: Ndang hutanda Ibana, inang! Alai dung satongkin nari, didapothon angka na jongjong disi ma si Petrus mandok: Sintong tahe, dohot do ho sada sian nasida, ai pangkulingmi do patandahon ho!

R      :    Dung i dipambuburahon ma dirina huhut manolonnolon: Tung na so hutanda do Halak i, ndang na tutu i, amang!

L      :    Jadi pintor martahuak ma manuk. Jadi diingot si Petrus ma na hinatahon ni Jesus tu ibana: Tolu hali soadahononmu Ahu, tagan so martahuak dope manuk. Dung i laho ma si Petrus tu balian tumatangis situtu.

 

9.  Marende BE.618 :1     “Di dia Ho”

♫    Di dia Ho na tarsilang Tuhanki;

     Di dia Ho na tarsilang Tuhanki

    O hitir roha marningot bernit tinaonNa i;

   Di dia Ho na tarsilang Tuhanki.

 

10. Barita Pasiahon : Jesus di Jolo ni si Latus

L  :    Asa ditogihon nasida ma Jesus tu jolo ni si Kayapas tu kantor. Alai sogot ma i manogot i. Ndang na bongot anggo nasida tu kantor asa unang tarsubang nasida laho manganhon Paska i. Gabe ruar ma si Latus mandapothon nasida, didok ma: Pangaluan dia do diboan hamu dompak halak on?

R   :    Dungi ninna nasida ma mangalusi: Aut unang sibahen na jahat halak on, ndang tagamon pasahatonnami Ibana tu ho.

L   :    Gabe didok si Latus ma mandok nasida: Boan hamu ma Ibana, uhum hamu ma Ibana marguru tu adatmuna. Alai ninna angka Jahudi ma mandok ibana: Ndang jadi pusaonnami manang ise.

R   :     Jadi dialuhon nasida ma Ibana, ninna ma: Na dapot hami do on pabalikbalikhon bangsonami jala mangorai mangalehon guguan tu Kesar i, dipandok, Raja Kristus do Ibana.

L   :   Jadi dibongoti si Latus muse kantorna, dijou ma Jesus, didok ma tu Ibana: Atehe, Ho do Raja ni Jahudi? Ro ma alus ni Jesus: “Na sian roham do na nidokmi, manang na nidok ni halak do i tu ho taringot tu Ahu?”

R   :     Gabe dialusi si Latus ma mandok: Bangsomi dohot angka sintua ni malim i do pasahathon Ho tu ahu. Aha do na binahenmu?

L   :  Jadi dialusi Jesus ma: Ndang sian portibi on harajaonKu, aut sian portibion harajaonKu, ndang tarbahen so mangalo angka naposongKu asa unang sahat Ahu tu tangan ni angka Jahudi.

R   :     Alai ndang sisongoni harajaonKi. Dungi ninna si Latus ma mandok Ibana: Asa Raja do Ho? Jadi ninna Jesus ma mangalusi:    Songon na nidokmi ma tutu, Raja do Ahu! Umbahen na tubu Ahu jala umbahen na ro Ahu tu portibi on, asa huhatindangkon hasintongan i.

L   :     Ganup na sian hasintongan i, tangihonon ni i do soarangKu. Ninna si Latus ma mandok Ibana: “Aha ma i hasintongan i?” Jadi dung didok songoni, ruar ma ibana muse manopot angka Jahudi mandok tu nasida: “Ndang jumpang ahu manang dia salana.”

R   :     Dungi ditogu si Latus ma Jesus, didokkon ma linsinganna. Jadi didandani angka soldadu ma sungsang duri bahen tumpal, diampehon ma tu uluNa; Baju dapdap ma dialithon tu dagingNa.

L   :     Dungi ro ma nasida tu joloNa mandok: Tabi di Ho ale Raja ni Jahudi! Laos dipastapi ma Ibana. Dungi ruar ma muse si Latus, didok ma tu angka Jahudi: Ida hamu ma, hutogihon do Ibana tu jolomuna asa diboto hamu na so adong jumpang ahu salana.

R   :     Laos ruar ma Jesus manjujung sungsang duri jala marbaju dapdap. Jadi didok si Latus ma tu nasida:Ida hamu ma jolma i! Asa dung diida sintua ni malim dohot angka naposo Ibana, dijouhon nasida ma: Parsilangkon, Parsilangkon ma Ibana.

L   :     Boan hamu ma Ibana, parsilangkon hamu ma; ai ndang jumpang ahu salana. Gabe dialusi Jahudi ma ibana, ninna ma: Padao, padao ma i; Parsilangkon ma Ibana!

R   :   Dungi didok si Latus ma tu nasida: Parsilangkononku ma Rajamuna? Jadi dialusi angka sintua ni malim ma: Ndang adong rajanami dungkon ni Kesar i. Marguru tu patiknami ingkon marutang hosa Ibana, ai dibahen do diriNa anak ni Debata.

L   :     Umbege i si Latus, lam ganda ma biarna. Dungi diulahi muse tu kantorna, didok ma tu Jesus: Sian dia do Ho? Alai ndang dialusi Jesus ibana.

R   :     Dungi didok si Latus ma tu Ibana: Ndang angkupanMu ahu manghatai? Ndang diboto Ho marhuaso ahu paluahon Ho jala marhuaso parsilangkon Ho? Jadi dialusi Jesus ma: Ndang adong huasom mangago Ahu, aut unang ni lehon i tu ho sian ginjang.

L   :     Dibahen i gumodang do dosa ni na pasahathon Ahu tu ho. Jadi olat ni i ma dilului si Latus dalan paluahon Ibana. Alai manjujui ma angka Jahudi, ninna do: Molo dipalua ho on, ndang aleale ni Kesar ho! Ai na mangalo Kesar i do ganup na mambahen dirina gabe raja.

R   :     Asa dung dibege si Latus hata i, ditogihon ma Jesus haruar, laos hundul Ibana di habangsa paruhuman i na diinganan na margoar: Pantar batu alai anggo di hata Heber: Gabbata.

L   :     Ima na masa di ari parhobasan Paska, mareak hos ni ari. Asa dung diida si Latus, na so marguna hatana, lam ganda tahe gaorna, dibuat ma aek mamuri tanganna dijolo ni natorop i huhut mandok: Lias do ahu sian mudar ni on, hamu do na sari disi!

R   :     Dungi ninna sude natorop i ma: Marsapata tu hami dohot ianakkonnami ma mudarNa i! Alai peam do dipalua panguhum i di pesta i sada halak na tarhurung, marguru tu na tinodo ni natorop.

L   :   Alai adong ma tarhurung uju i sada halak parjahat na sumalin na margoar si Barrabas. Jadi di na pungu i nasida, didok si Latus ma tu nasida; Ise do dipangido hamu paluaonku, si Barrabas manang na targoar Kristus?

R   :     Alai sai disosoi angka sintua ni malim rap dohot sintua ni bangso i natorop, asa dipangido nasida, malua si Barrabas, alai pusaon do anggo Jesus.

L   :     Dungi ninna panguhum i ma mandok nasida: Ise sian na dua i dipangido hamu paluaonku? Dungi didok nasida ma: “Si Barrabas!” Dungi didok si Latus ma tu nasida: Antong aha ma bahenonku tu Jesus, na targoar Kristus?

R   :     Gabe saluhut nasida mandok: Parsilangkon ma!, Parsilangkon ma!, Parsilangkon ma! Alai ninna panguhum i ma: Ai aha ma na jahat dibahen?

L   :     Jadi lam gogo ma dipajoujouhon: Parsilangkon ma!, Parsilangkon ma!, Parsilangkon ma! Dungi saut ma dipalua si Barrabas. Alai anggo Jesus dilinsingi, dungi dipasahat ma asa diparsilangkon. 

R   :     Jadi dung diida si Judas parjehe i, na naeng hona uhum nama Jesus, disolsoli ma rohana, dipaulak ma na tolupulu rupia tu angka sintua ni malim dohot tu sintua ni bangso i, ninna: “Sala do ahu, hujehehon do hape na so marpipot!”

L   :   Alai didok nasida ma: “Ndang ro di hami! Ho do na sari disi!” Jadi ditimpalhon ma perak i tu bagasan joro i, laos sumurut sian i laho maningkot.

R   :     Alai dibuat sintua ni malim ma hepeng i, ninna ma: “Ndang jadi padomuon i tu arta ni joro, ai tuhor ni mudar do i!” Jadi mardos ni roha nasida manuhorhonsa tu ladang ni pande hudon, bahen parbandaan ni halak dagang. Ala ni i umbahen margoar i ladang mudar ro di sadari on.

 

11. K o o r :   

Ø  Remaja

Ø  Ina Kamis

Ø  Mannen

 

12.  Marende, No. 171 :  1   “Tandai ma ahu”       BL.49

♫       Tandai ma ahu, sungkapi ma dohot rohangku.

        Uji ma au, pamanat huhut ma langkangku. Ala AnakMu ma i Debata.

 

13.  J a m i t a  :  

 

14.  Marende BE No.619: 1 – 3   “Di Golgota”

                      ===Pelean===

♫   Di Golgota husolsoli do sude dosangku na jorbut i

Ias au dibaen mudarNa i, puji Jesus i; Puji ma GoarNa puji ma GoarNa

MudarNa paias rohangki puji Jesus i.

 

♫   Malua au sian dosangki, nunga tung sonang martua au

ditano on dongananNa au, puji Jesus i; Puji goarNa ……

          ----Musik----

♫   MudarNa do mamuri au, nunga ias songon hapas au

Unang ramun diramoti au, puji Jesus i.

Puji goarNa ……

 

15.  Panutup: Tangiang & Pasupasu.