Jamita Evangelium Minggu Invocavit, 9 Maret 2025

SIAN NA TUMANGIHON DO RO HAPORSEAON

(Iman Timbul Dari Pendengaran)

Rom 10: 16 – 21

 

1)    Huria ni Tuhanta nahinaholongan dibagasan Jesus Kristus; naung somal do hita angka pangula na gok tingki marjamita minggu. Alai hea do hita hundul manangihon jamita? Molo so martingki jala hundul hita dibarisan ni angka ruas tabereng be ma di siamnun nang di hambirangta i. Angka Halak na songon dia ma na jumpang hita uju dipasahat parjamita jamitana sian langgatan ? Godang do reaksi ni na mambege, marmancam di na manangihon jamita. Alai sian sude na tu gareja marminggu manangihon jamita i, biasana adong do tolu horong na jotjot idaonta disi, dia ma i ? ima:

2)     Horong na parjolo: Manangihon jamita alai ndang muba. Horong na parjolo on ima Halak na hundul; manangihon jamita, jala boi do songon na masuk tu Rohana jamita i…..alai ndang adong hamubaon na masa di ngoluna. On ma Halak na songon manonton serial Drakor halomoan ni Rohana. Boi do hita mengkel, boi lungun roha, alai dung salpu jamita mardosdos ngolu i-kembali ke stelan awal -istilah nuaeng. Hape so na songon episode drakor alai Hata ni Debata do na tatangihon! Hata ni Debata = Bukan sekadar menggetarkan emosi Anda; firman Tuhan seharusnya mengubahkan hidup Anda. Molo adong sian hita nang ruas na songon on tajaha ma jolo Jakobus 1: 23-24  “Ai pananginangi di hata i, anggo so diulahon, tudos ma i tu halak na paberengbereng rupa ni bohina di sorminan. 1:24 Ai dibereng do dirina, dung i laho ma ibana, gabe ndang diboto be rupana.” Ala ni I boi do disurat/dicatat jala direnungkan aha do isi ni jamita nangkin. Tarlumobi asa dipraktekhon dibagasan ngolum. Ndang parduli songon dia jamitana, alai sai adong do sada manang dua na boi mangurupi hita asa lam tu dengganna. Molo sahali jamita minggu adong perubahan; jadi di na sataon i adong 52 minggu, berarti naung adong ma 52 hali perubahan na lebih baik sian na salpu i. Luar biasa do hebatna.

3)     Napaduahon: mondokondok/modom. Tudos ma on tu Putri Tidur….maol do on focus….jala mura do on tarlalap (terlena) molo ganjang jamita. Pengalaman do on, ni rimpu do ruas on na sai manangihon jamitana, ala sai diundukhon ruas on simanjujungna, ala markacamata baca parjamita i, songon na salut jala balga roha ni parjamita i marnida ruas na sai mangundukhon jamitana. Alai dipastihon ibana jo, boasa sai diundukhon ninna rohana, dibuka ma kacamatana memastikan ruas i, hape naung maondokondok do. Ala ni i manat ma hita jala jaga, unang tarpodom, unang maondokondok, ndang dapot hita be impola nijamita i di hita. Asa tangkas ma na nidok Matius 26 : 41 “Dungo ma hamu jala martangiang, asa unang hamu bongot tu pangunjunan, ai na girgir do nian tondi i, alai gale do ia daging!” Fisik dan roh Anda akan saling memengaruhi. Tidak mungkin menyambut firman Tuhan jika Anda lelah. Cobalah untuk tidur cukup sebelum datang ke gereja. Jika keadaan tidak memungkinkan dan Anda masih ngantuk, cobalah untuk minum kopi atau mencuci wajah Anda. Setidaknya, Anda bisa mendengar bagian-bagian bagus di khotbah tersebut. Firman tersebut bisa masuk ke dalam hati dan membawa perubahan bagi hidup Anda.

4)    Horong na patoluhon ima: manangihon jamita jala maruba. On ma antong na ingkon bagianta, on ma pahlawan i, nasida ma angka na mangulahon Hata ni Debata, ndada holan manangihon manang songon penonton sajo. Nasida ma dohonon songon “Iron Man’ (film Superhero) selalu siap untuk bertindak sesuai kebenaran yang telah diterima. On ma horong na hinalomohon ni Tuhanta, naung diparade do dirina laho tumangihon Hata ni Tuhan i jala diulahon. Unang pola heran hita molo parngoluonna na lam mangerbang jala marparbue. Lam manghaholongi Tuhan i, jala lam solhot tu Tuhan i, jala lam dipangke Tuhan i gabe ulaulaNa, nda i do na tahalomohon ? Songon na tarsurat di Matius 13: 8 “Alai na deba nari, tu tano na denggan i do madabu, gabe saut ma marparbue, saratus lompit do na deba, onompulu lompit do na deba, jala tolupulu lompit do na deba.” On ma horong na tumangihon Hata ni Tuhan i jala rade mangulahonsa. Parade ma pamatangmu dohot roham tu gareja, tu parmingguon laho tumangihon Hata ni Tuhan i. Ringkot do istirahat na cukup, jala martangiang asa talup hita manjanghon Hata ni Tuhan i. Marhite i ma ndang marisuang haroronta tu parmingguon, asa gabe martumbur ma Hata ni Tuhan I jala marparbue dibagasan ngolunta ganup.

5)     Nuaeng sungkunsungkun, horong dia ma hita sian na tolu i ? Toho ma i molo tadok ndang sude jamita i manait tu roha (ndang menarik), alai sude angka parjamita nunga diparade dirina sadenggandengganna, asa boi hita mangantusi Hata ni Tuhan i. jala naung martangiang do angka parjamita i, asa marguna jamitana, jala marlapatan tu ruas nihuria na umbegesa. Alani ingkon mangarade do sude, baik parjamita nang ruas na naeng manangihon jamita i, asa tudos na nidok par Psalmen 119: 97 “Mansai huhaholongi do patikmi, sai i do hupingkirpingkiri manipat ari.”

6)    Topik ni minggunta ima : “Sian na tumangihon do ro haporseaon.” Angka dia ma na mambahen hita ndang ringgas tumangihon Hata ni Debata ? na tangkas ima ala ni dosa i na sai mandondoni roha dohot pikiranta;  Ima panghuphupi dihita di na laho manangihon Hata ni Debata.  Pangalaho haholomon na manghuphupi rohanta ima: tangkang ni roha, mambarontak tu hatigoran ni Debata, na sai mangoloi sibolis. Ala ni i taloas ma TondiNa Tondi Parbadia i mangalehon ringgas ni roha laho mananginangi Hata ni Debata asa sian i ma ro haporseaon.

7)     Mangantusi Hata ni Debata. Songon Halak Kristen hita, ima bangso ni Debata boi do maol mangantusi Hata ni Debata. Goarna pe Hata ni Debata marasing sian hata na somal; hata ni portibi on, nang hata ni jolma. Kelemahan ni bangso Israel, ima na sai mangasahon utokutokna laho mangantusi Hata ni Debata. Ringkot do hita mangido pangurupion ni Debata laho mangantusi HataNa i. Angka na mian dibagasan Kristus, digohi Tondi Parbadia na mangaloas mangarajai roha dohot pingkiran (Rm.8:9), asa sinihathon Debata (2 Tim.3:16-17) na mambuhai roha dohot pingkiranta di hasintongan dohot mangantusi HataNa. Ai ndada ulaon na mura i di  pardalananna di hita na porsea, ai mansai godang do angka tantangan. Alai diigil Debata sian hita laho pahusorhusorhon HataNa i na marguna tu parngoluonta. HataNa i do na gabe dalan dilehon tu hita songon komunikasi verbal tu pikiranta. Dung i pe memproses fakta dohot parenta naung dikomunikasihon i gabe patubuhon emosinta terlibat (manghilalahon panghorhon ni Hata i di ngolunta).

8)    Pangontak ni haporseaon i do tu parulaon. Ai tung adong pe tubu haporseaon molo soada bukti nyata di parulaon siganup ari tong do i na gabe abstrak di parngoluonta manang ndang jelas panindangionta i taringot tu Kristus. Ringkot do tarida pangontak ni haporseaon i parbuena di parngoluon siganup ari marhite paruloanta siganup ari. Didok di Jakobus 2:17 “Haporseaon i pe songon i do: Anggo so adong pangulaonna, naung mate do hadirionna. “Ala ni haporseaon i ingkon mangolu di paruloanta siganup ari di pambahenan na tau gabe surat  ni Kristus.

9)    Goar ni minggunta ima minggu Invocavit, na marlapatan “Jouonna ma Ahu jadi alusanKu ma ibana” (Pslm.91:15). Invocavit sendiri adalah minggu introit menuju masa penderitaan. Sesuai namanya Invo = Panggilan dan Cavit=Ketentuan atau pernyataan, pada minggu ini kita diajak untuk mengenang akan Firman Allah yang terus menyuarakan kebaikan dan Janji Allah kepada manusia. Sai dilehon Tuhanta holong dohot asi ni rohaNa na balga i tu hita jolma.  Sai tarimangrimangi ma asa Hata ni Debata i ingkon gabe Panondang dibagasan ngolu ni hajolmaon. Mansai torop do angka hamaolon nang na bernit niae jolma i, molo adong arian adong do botari. Ala ni parade ma dirim manomu haberniton i, songon Kristus na paradehon diriNa tu hamateanNa. Ala ni i  joujou ma hita tu Tuhanta Debata ai na rade do Ibana mangalusi hita asa dipalua hita sian hagogotanta marhitehite AnakNa Jesus Kristus i. Amen.

Jamita Epistel Minggu Invocavit – 9 Maret 2025

Sian Na Tumangihon Do Ro Haporseaon

 (Iman Timbul Dari Pendengaran)

Ester 5 : 1 – 8

 

1.        Huria ni Tuhanta dibagasan Jesus Kristus. Uju dihabuangan ni harajaon Persia do na masa on. Gabe pardihuta ni Raja ni Persia si Ahsyweros do si Ester marhite “sayembara kecantikan, ala nauliutus do pardagingonna jala na uli situtu rupana (bd.2:7), nang pe boruni Jahudi do ibana. Alai ditabunihon ibana do identitasna songon halak Jahudi tu halak Persia. Goar aslina ima si Hasada. Alai ala ni haulionna i ma dilehon goar Ester (sian hata :Astra), na marlapatan: bintang. Nunga monding natorasna. Ibotona (anak ni bapaudana), si Mordahai do pagodanggodang ibana.

2.        Alai adong ma sahalak na margoar si Haman (est.3), sahalak pegawai haposanni raja. Mansai balga do huasona dilehon raja i. Alai gabe ginjang ma rohana, ai ingkon sude halak marsinggang laho marsomba tu ibana. Alai, ndang olo ianggo si Mordehai (3:2-4). Ai holan tu Debata Jahowa do halak Jahudi olo marsinggang laho marsomba. Ima mambahen tarrimas ibana. Jala dipangke ma huasona. Dibahen ibana ma barita hoax, tuduhan paslu, nanaeng mambarontak halak Jahudi. Ima dipasahat tu raja i. Jala dipangido ma tu raja i asa dipaharuar parenta laho; “.....dipunahkan, dibunuh dan dibinasakan semua orang Yahudi dari pada yang muda sampai kepada yang tua, bahkan anak-anak dan perempuan-perempuan, pada satu hari juga, pada tanggal tiga belas bulan yang kedua belas -- yakni bulan Adar --, dan supaya dirampas harta milik mereka.” (3:13)

3.        Diboto si Mordahai ma rencana jahat i, marsak situtu ma ibana. Tarboto ma i tu si Ester di istana. Disuru ma pangurupina, si Hatak manungkun i tu si Mordehai. Jala dipangido si Mordehai asa borhat si Ester mangadop raja i laho mangido asa ditarik parenta i ala ndang tingkos na naeng memberontak halak Jahudi, berita hoax, fitnah ni si Haman do i.

4.        Pangidoan i ma mambahen si Ester marsak. Ala ndang adong boi sembarangan mangadop tu raja, nang pe permaisurina. Ingkon na dijou raja i do. Molo ndang dijou, boi do hukuman mati dapotsa. Ido ala sanga songon na manjua si Ester. Alai ro ma si Mordehai marhite si Hatak mandok tu si Ester, asa tangkas dipingkiri si Ester. Ai parenta ni raja i mencakup sude halak Jahudi do. Sandok na adong di harajaonna i, manang ise pe taho. Didok si Mordehai ma di Bd.4:14 “Sebab sekalipun engkau pada saat ini berdiam diri saja, bagi orang Yahudi akan timbul juga pertolongan dan kelepasan dari pihak lain, dan engkau dengan kaum keluargamu akan binasa. Siapa tahu, mungkin justru untuk saat yang seperti ini engkau beroleh kedudukan sebagai ratu." Alai andorang i, tangkas ma dipangido, asa sude halak Jahudi “marpuasa ma hamu manangiangkon ahu, unang hamu mangan manang minum tolu ari on, arian dohot borngin”. Jala di ujungna, masa ma na luar biasa. Ai burju do roha ni raja i manjalo si Ester. Bahkan ala las ni rohana di haroro ni si Ester, pola didok raja i: “aha do pinangido ni roham? Sahat ro di satonga ni harajaon i ingkon lehonon do i tu ho (ay.3b). Marhite habisuhon nanilehon ni Debata, mansai bisuk do si Ester mambahen strategi. AI ndang holan haluaon ni bangso i na dapot, alai dohot do nang hamagoan tu si Haman, songon i nang hamuliaon tu si Mordehai. I ma na nipestahon halak Jahudi di ari raya Purin sahat tu ari on.

5.        Nuaeng tabuat ma manang piga na boi gabe jamita sian turpuk on di hita:

a)     Sai torus do angkka parroha “Haman”- na jahat, marusaho naeng mangarotonghon hita bangso ni Debata. Tuhan Jesus pe nunga didok i:”Hosoman ni portibi on do hamu ala ni goarHu.” Sahat nuaeng pe dibahen nasida do angka fitnah, barita hoax laho mamusui hita. Bahkan ra adong dope usaha genocide, laho mangarotonghon haak Kristen i sian sada luat manang negara. Unang pola tarsonggot jala mabiar hita molo masa i.

b)    Na ringkot boha do hita mangadopisa, songon angka anak ni Debata tatiru ma si Ester:

Ø  Mangasahon haporseaon. Ai ido na pintuduhon si Ester, ndada holan rupa na uli jala bagak alai roha i pe bagak ima na hot marhaporseaon.  Marhite na olo marpuasa dohot martangiang (4:16b). Jala si Mordehai pe didok do songon i: “molo so olo si Ester, tarbahen Debata do paluahon nasida. Ingatlah, sehebat atau sepintar apapun kita, semua itu akan sia-sia jika bukan Tuhan yang menyertai kita. Holan Debata do na tuk mamboan hita tu hamonangan nang keberhasilan dibagasan ngolunta. Marhite tangiangi do hita mangidohon sai joujou jala alusan ni Debata ma hita. Ala holan marhite tangiang i do hita boi manjou Ibana dohot paboa holso ni rohanta (bnd. BE 487); Tung halak na margogo si partangiang i, dokdok pe sitaonon ndang olo talu i”. Molo ro angka parjahat songon si Haman di partingkian sinuaeng on na naeng mangarontonghon hita dohot keluarganta, unang mabiar manang biahaton, alai tung tapangasahon ma haporseonta marhite tangiang tu Debata.

Ø  Unang lea rohanta marnida angka parompuan. Nang pe parompuan si Ester alai dipangke Debata do ibana laho paluahon bangsoNa sian kepunahan manang usaha genocide. Taargahon ma angka kreatifitas ni parompuan songon angka na tinompa dohot pinalua ni Tuhan Jesus, dongan panean di hangoluan sisalelenglelengna.

Ø  Paujung parsualon dohot habisuhon. Ido sikap na binuat ni si Mordehai dohot si Ester. Ima bisuk dohot hapistaran na sian Debata. Molo tapangasahon Debata, lehonnonNa ma di hita bisuk dohot hapistaran asa itaboto mambahen dalan laho mangadopi ragam hamaolon nang hasusaan. Ndang marhite kekerasan, ndang marhite huaso, mangashon hagogoon, manang utokutok alai holan mangasahon Debata do. Ima patuduhon halak Kristen i marbisuk jala ndang dos dohot halak na asing. Ima tatagianghon asa dipatubu Debata di hita halak Kristen , angka halak na bisuk, na boi manguluhon hita manghamonanghon paraloan sian angka na jahat.

Ø  Pengorbanan. Ndang na so tanggung pengorbanan ni si Ester, ala nyawa do taruhonana  molo so marhasil. Alai tangas do diboto iabna na donganan ni Debata ibana gabe pahlawan na olo mempertaruhkan nayawa sekalipun holan laho paluahon bangsona. Laos ido na pinatupa ni Jesus benar-benar mengorbankan nayawanya ima hosaN aholan laho paluahon portibi on sian dosa, sibolis dohot hamatean. Hta pe halak na porsea ingkon barani do hita berkorban laho paluahon keluarga nang donganta sian angka ancaman si parjahat, mengorbankan apapun, berkorban laho paluahoan halak sian hapogoson, sian haotoon, sian parsahiton sian hasusaan dohot lan na asing.

Ø  Sai tangi ma hita di Hata ni Tuhanta, ia Hata ni Tuhan i do dalanta mamboto lomo ni roh ni Debata. Sian Hata na i do asa pos rohanta mandalani ari ari ni ngolunta, jala marhaporseaon. Haporseaon i mambahen hita ndang mabiar mangadopi ragam hamaolon dipardalanan ni ngolunta.

Ø  Minggu Invocavit; jounonna ma Ahu jala alusanku ma ibana. Angka na porsea i sai joujou do tu Debata asa malua sian ragam ni hasusaan i. Disi ma dipatuduhon angka na porsea i na sao marhaposan tu Debata na tuk mangalehon hagogoon dohot dalan laho mangadopi hamaolon i songon Tuhanta Jesus sai hot do tongtong martangiang tu Debata Ama i asa margogo mangadopi hamatean i, dungi gabe marhamonangan. Amen.