Jamita Ari Jumat, 7 Nopember 2025

Martangiang Huhut Mangulahon Holong ni Tuhan i

 Efesus 3: 18 -19

1.       Huria ni Tuhanta, sai adong do halak na sigop paboahon na soada na tarpatupa, sai adong sikap na pesimis “ndang hea masa I”. Alai otik do na porsea, jala nasida ma na gabe uluan na patupa ragam visi nanaeng siulahonohon, jala nasida ma na sai marusaha angka sibahenon na tama tu Debata. Marhite nasida ma mangula Debata patupahon angka na luar biasa. Jala sada sian nasida na tarbarita di Bibelta  ima Ap.Paulus. Uju angka halak na dihumaliangna mandok ia angka bangso na so sian Jahudi so tardodo, jala ndang pola ringkot diebati, alai baliksa laho do si Paulus laho pararathon Barita na uli tu liat portibi on. DIulahon si Paulus do na so mungkin gabe mungkin. Boha do ibana patupahon I ? dibagasan Buku Efesus on dilehon si Paulus do resep nang alus dohot carana na so mungkin gabe mungkin.

2.       Dipatorang do dibagasan turpuk na martangiang si Paulus, ima resep na parjolo. So margogo si Paulus moloso martangiang, ai marhite tangiang I do paboa na jonok do Sipaulus tu Tuhan Debata. Marhite tangiang I do margogo si Paulus patupahon na so mungkin gabe mungkin, na mustahil gabe mustahil, na so mungkin gabe mungkin. On ma resep na mujarab ditonga parngoluon ni rua  ni huria, atik godang mangadopi ragam hamaolon, haporsuhon, sitaonon nang sahit panahit ingkon martangiang do hita. Ia tangiang I patuduhon na gale do hita ia jolma songon si Paulus I, ai jolma do hit ana ditompa Debata sian tano, na mura rotak, jala bonsa, maheu, lomos roha nang boi do mandele jala mandate. Ala ni I asa margogo hita angka na porsea I asa tongtong ma martangiang. Jala marhite tangiang I ndada holan sipangidoonta na ringkot sitangihonon ni Debata, alai dohot do disi asa tangi hita di sipangidoon ni Debata dibagasan ngolunta. Ai jotjto do tabahen Tuhanta I holan ripe “mangurupi” hita so padohot na mangantus Pangidoan ni Debata. Hape aha do na pinangido ni Debata dibagasan ngolunta pe mansai ringkot do i. Ai marhite tangiang di do ringkot botoonta naung denggan do taulahon jala taradoti Hata nang patik ni Debata  manang ndang ? Asa saluhut Pangidoan nang elekelekta tu Debata hombar tu lomo ni rohaNa ala marngolu hita dibagasan lomo ni rohaNa. Ido alana sai martangiang do hita jala tadok do di ujung ni tangiang I; “Sai saut ma lomo ni rohaM”, ala taokui do lomo ni roha ni Debata do na dumenggan sian lomo ni rohanta.

3.       Dibagasan turpuk on patuduhon ndada na holan mamereng kepentingan diri sendiri si Paulus alai dohot do kepentingan ni donganna sahaporseaon di Efesus. Ima marhite na dohot manangianghon donganna, mangondingi dibagasan tangiang tu Debata. Ido alana na martangiang on pe ndang na bersifat egois na holan manangianghon kepentingan pribadi, keluarga,nang kelompokna, alai dohot do mangondihon angka dongan sahaporseaon. Ai diajari do hita laho sumarihon angka dongan marhite tangiang pangondianon (doa syafaat). Asa marhite I margogo angka na porsea I laho mangadopi ragam sipaotooto, manang angka parpoda haliluon na bolas mangaliluhon totop na porsea laho tumundalhon Jesus Kristus i. Di parsaoranta do di huria mansai ringkot do mangondihon dongan, ruas ni huria, nang angka parhalado dohot angka pangola ni huria asa margogo laho pararathon barit ana uli i. Rup masitangiangan dibagasan holong ni Kristus ima patuduhon n asada do hita dibagasan Kristus i. jala Tuhanta Jesus pe diajari do hita martangiang, jala ditangianghon do angka siseanna, angka na porsea I tu Debata Ama. Ai didok Jesus do “Ale Amanami…” Molo taparrohahon na deba halak Kristen I adong do mandok di tangiangna di na manguluhon tangiang di parpunguan dohot partangiangan: “Ya Allahku…..Bapaku..” sai hira holan Debatana ma nang Amana sandiri Tuhanta I, hape Jesus ndang mangajarhon tangiang na egois, na marpanatap do tu saluhut jolma asa dohot mangokui ia Debata Amanta I do Ibana Pargogo na so hatudosan.

4.       Ay.18-19a: Tangiang pangantusion. Ia tangiang Ap.Paulus on ndada tangiang na somal on, ai na martangiang do si Paulus asa boi jala margogo mangulahon na so boi taulahon. Ditangianghon si Paulus do hita asa parbinoto di angka na so taboto hian. Na martangiang do Ibana asa taboto asi dohot holong ni Kristus jesus I na mangatasi saluhut angka parbinotoan. Hea do ra ta ingot kuis na terkenal di TV ima “Who wants to be a billioner” sude angka sungkunsungkun I boi di alusi sian na ummura sahat ma tun a ummaol alusan. Jadi molo maol laho alusan jala godang keraguan, boi do ni kontak marhhite telepon donganna haposan laho mangurupiibana mangalusi sungkunsungkun na maol jala na sobinotona. Jala molo dapot boi ma ibana tu leve sungkunsungkun na maol situtu muse. Molo marhassil mangalusi luhut sungkunsungkun I, dapotna ma hepeng na godang. Laos songon I ma hita molo maol antusan angka parngoluon on nang angka siadopanta tongtong ma hita marpanungkun tu Debata I na umboto saluht parngoluon on. Ai mansai godang do na so antusanta di portibi on, asa marhite tangiang I do antusanta holong n iroha ni Debata tu hita. Ragam pe hamaolon nang parsorion ni ngolu alai umbalgaan dope holong ni Tuhanta I na mangatasi saluhutna. Holong ni kristus I digombarhon si Paulus dohot istilah: “ganjangna dohot bidangna, bagasna dohot timbona” ima patuduhon na so tardodo jolma I haholonganNa i. Tudos ni na nidok di Yohanes 3:16 “ Karena begitu besar kasih Allah akan dunia ini, sehingga Ia telah mengaruniakan Anak-Nya yang tunggal, supaya setiap orang yang percaya kepada-Nya tidak binasa, melainkan beroleh hidup yang kekal.” (molo di hata Batak hurang pas). Ia holong ni Debata I na manongtong do, ndang marmula jala ndang marhaujungan, ndang tardodo jala ndang tartean hita. Ala ni I ingkon marlas n iroha do hita di haholongon ni Debata dibagasan Kristus i. Ido umbahen didok Ap.paulus di Pilipi 4: 4 “Marlas ni roha ma hamu tongtong di bagasan Tuhan i! Huulaki ma mandok: Marlas ni roha ma hamu!”. Uju di tingki dia ma tahilalahon balga ni holong nii Tuhan I dibagasan ngolum ?

5.       Ay. 19b, Tangiang tu hagogok ni Debata. Molo disungkun tu hita: “Sadia balga ma Debatanta I ?” ndang tarukur hita I, ala Debata ima Debat na Omni Present (Maha hadir), ndang boi batasanta huaso mangatasi langit dohot tano on. Dimana-mana Tuhan itu hadir, karena kita Adalah ciptaanNya buatan tanganNya. Ai Ibana do na manompa hita, jala hita jolmamanisia na tinompana, ndang boi mandodo huaso Panompa i. Debatanta I ima Debata na songkal, na badia, pargogo na so hatudosan Kata kepenuhan adalah kata pleroma , dan artinya adalah kepenuhan! Ketika digunakan untuk Allah, artinya adalah semua atribut ilahi dan kesempurnaan-Nya. Setiap bagian dari-Nya. (Kolose 2:9 Ai di bagasan Ibana do maringanan sandok gok ni hadebataon marrupahon daging). Hea do rat aida di Youtube sadia balga ma portibi on (bumi) martimbangkon angka benda-benda langit, hasilna mansai metmet songon butiran pasir, laos songon I ma hita jolma martimbanghon Debata. Ai hita jolma on sian tano do jala mulak gabe tano, jolma na lea do hita naung madabu tuabagasan dosa. Metmet do hita jala ndang adong dihadihana martimbanghon hasangapon ni Debata. Asa tudos songon na nidok ni si Salomo di 1 Rajaraja 8: 27 “Alai tahe, tung tarbahen Debata ma tutu maringan di atas tano on? Ida ma, gari langit ni langitan ndang hahaliangansa Ho, baliksa apala joro on na hupauli on?” Ia Salomo ima sahalak raja na umbisuk di portibi on, ndang adong songon ibana, jala naung dihaporsei ibana do ia Debata I na so boi manggohi bagasjoro na i.

6.       Huria niTuhanta songon angka siihuthon Kristus hita, tarjou do mangulahon lomo ni roha ni Debata, sada sian ima laho mamaritahon barita na Uli tu sandok portibi on. Ragam do hamaolon patupahonsa, ala ni ringkot do hita marsigantung tu Tuhanta I marhite tangiang, elekelek tu Debata Ama i. Ai ndang marguna, gogo, hepeng, sinamot manang hapistaranta laho mamaritahon barit ana uli molo so padohot dibagasan Tangiang. Jala godang do kemustahilan, na so mungkin siulaon boi do gabe mustahil jala mampu hita siala tapanagasahon gogo ni Debata marhite tangiangta i. Molo martangiang hit ana patuduhon n asada do hita dohot Debata, jala marhite I patuuuhon n asada do hita dohot dongan jolma, ndang marmusu. Molo sai godang do musuan joma ndang hinaholongan boi do gabe sundat angka nasa na tatangianghon i. Molo tajaha di Jakobus 4:2 “Na marsangkapi do rohamuna, alai ndang dapotan; na mambunu do hamu jala mangiburu, laos so taruli hamu. Na masialoan do hamu jala marmusu, so adong di hamu, ala so martangiang hamu.” Ala ni molo martangiang hita naeng ma dibagasan Tondi parbadia na sai mangajari, manuturi hita mandok angka sipaboaonta tu Ibana. Jala na martangiang on  naeng huhut tapareso dirinta sandiri; asa mangido hasesaan ni dosa (koreksi diri) na naung tama do hita manjalo asiasi ni Debata i? Namangihut naung tigor do tabahen patik dohot uhum ni Debata dibagasan ngolunta  (atik boha sai lomo dope rohanta mangalaosi patik nang uhum ni Debata?). Ala ni tapamanat ma dirinta, di na martangiang i ndada holan sipangidoonta na ingkon ditangihon jala dipatulus Tuhanta I,a alai boha do asa saut jala tulus lomoni roha ni Tuhan I sian pambahenanta mangulahon haholongon na sianpatik nang Hata ni Debata dibagasan Kristus Jesus i. Amen.

Jamita Evangelium Minggu XXI Dung Trinitatis – 9 Nopember 2025

Mangaramoti Diri Di Bagasan Holong Ni Roha

(Memelihara Diri dalam Kasih Allah)

Judas 1: 17 – 23

 

a)     Huria ni Tuhanta na hinaholongan dibagasan Jesus Kristus. Dung mate martyr si Jakobus anggi ni Tuhan Jesus di taon 62-63 M, si Paulus dohot si Petrus di Roma taon 67 M di tingki ni Kesar Nero nunga mandalani sataon hamamasa ni porang Jahudi mangalo imperial Romawi  na menindas Jahudi mulai sian tingki ni si Pompeus taon 63 sM. Ala ndang tartaon halak Jahudi be nasida pinaporsukporsuk ni halak Roma, ingkon manggarar pajak na mansai balga/timbo; isara biaya porang pinangke ni halak Romawi ingkon 50% gararon ni sude bangso jajahan ni bangso Romawi di tingki i. Ala ni porang dohot pangaleleion i, mansai parir do partinaonan ni halak Kristen/ huria na parjolo i lumobi na di parserahan (diaspora). Jahudi naung nilele ni Kesar Klaudius sian Roma taon 50 M. Lam martamba ma haporsuhon tu huria na imbaru tubu i sahat tu tingki ni si Paulus torus tu pangaleleion ni Kesar Nero, 54-58 M; torus tu ari hatataban ni Jerusalem dibahen Jend.Titus, anak ni Kesar Pespasianus i di taon 70 M. Hehe ma dohot anga parpoda haliluon, Libertinisme, na mangajarhon poda ni jolma: Filsafat dohot parbinotoan, na so manghaposi hagogoon ni Debata di bagasan Jesus Kristus. Na mangajarhon: Ia Jesus Kristus, ndang tutu Anak ni Debata na Sasada i alai jolma na somal do nang Ibana songon hita. Ingkon sisulingkiton do nang Bibel i, ai ndang saluhutna isi ni Bibel i Hata ni Debata, alai godaan do i hata ni jolma na bisuk. Asa ingkon sulingkiton do nang Bibel i dohot parbinotoan, ninna parpoda haliluon i.

b)    Tolhas do barita haliluon i tu si Judas di Jerusalem dohot tu angka na porsea i. Ai mansai hatop do marlojong poda i dibahen horong Libertinisme di tingki hagogotan i marhite na mangalehon pangurupion tu angka na pogos asal ma dijalo nasida poda i. Hehe ma dohot parpoda Gnostik, na mamodahon: Holan marhite sian parbinotoan sambaing do boi sahat jolma tu haluaon na tutu situtu, asa ndang sai holan sian haporseaon, ninna parpoda haliluon i, na so porsea di hagogoon ni Debata dohot Jesus Kristus di bagasan Tondi Parbadia (super natural). Holan marhite na tardungdung utokutok (akal pikiran) dohot na boi idaon dohot jamaon ni tangan sambing do sihaporseaon ni parpoda haliluon i.

c)     Dung tangkas dipahusorhusor si Judas (tarpuji ma Jahowa) angka poda ni Libertinisme dohot Gnostik na maralo situtu tu poda haporseaon naung ni podahon ni Tuhan Jesus dohot si Jakobus, hahana naung mate martyr ditongos ma suratna si sada bindu on sian Galilea laho paingothon angka dongan Kristen na parjolo i, asa marsihohot di haporseaon jala manulak poda haliluon bolon i. I do umbahen digoar angka na porsea i surat ni si Judas on: Poda sipaingot dohot tangiang pujipujian tu Jahowa dohot Jesus Kristus. Ia disi huria ni Kristus (na porsea) maringanan, disi do sibolis manggasa dohot tondi na hodar rongom mangarsahi dohot manursari punguaan ni na porsea na masihaholongan i. Mat.13:25-30, jala ingkon boluson ni huria ni Tuhanta do paraloan dohot parungkilon na songon i sahat ro di ari haroro ni Tuhan Jesus Kristus, Raja ni Huria i. Songon naung dilumbahon ni angka apostel ni Tuhan Jesus Kristus, si Petrus; 2 Ptrs.3:1-5 dohot si Paulus :Ul.Ap.20:29-30. 1 Tim 4: 1 – 4, 2 Tim 3: 1-13. Alai dipasombu Debata Jahowa pe masa angka i mamolus sian tongatonga ni huriaNa laho papitahon haporseaonta do asa marsihohot di poda ni angka panurirang dohot apostel ni Tuhan Jesus Kristus paima ro Tuhan i.

d)    Nang sian na robi, dung tubu huria ni Tuhanta di portibi on di ari ni Tondi Parbadia, bongot ma angka parpoda haliluon na malo manghatai (Marpollung tubu) mamutar balikkon hasintongan laho manait roha ni baoa dohot boruboru na so togu, ima angka na so marholong ni roha di hasintongan dohot di hatigoran na sinuan ni Tondi parbadia dibagasan roha ni angka na porsea. Umbahen dipaingot si Judas saluhut huria ni Tuhanta Jesus Kristus  mandok: “Hamu angka haholongan, ingot hamu ma hata naung nilumbahon ni angka apostel ni Tuhan Jesus Kristus”. Tangkas situtu do diida si Judas disi masuk angka parpoda haliluon tu huria ni Tuhan i, masa ma perpecahan, torop ma na targasip laos mago ala marbalik sian poda haporseaon na sintong i. Boasa mago nasida ? on do alana: “Ala mangadop di jolma dohot parbinotoan dohot hamoraon, jabatan/huaso na di portibi on, gabe disoadahon asi ni roha dohot holong ni Debata Jahowa naung mansai patar marhitehite Jesus Kristus. Jala jumonok dope nasida tu tingki ni na masa i unang hita angka na mangolu di ari parpudi on marnida ulaon ni Tuhan Jesus Kristus.” Torop ma sian nasida marungutunggut ala hurang merasa puas ala so siat tahi ni rohana di huria ni Tuhan i. Ai dirimpu nasida do jolma nampuna huria i umbahen disoadahon Debata nang Jesus Kristus (Heb.6:4-6). Jala na deba hinorhon ni pangiburuon ala ni roha late dohot ginjang ni roha na so longkang hian dope sian dirina dung gabe Kristen. I ma na porsea na so dung paubahon rohana (Pil.2:14; Judas 17-19).

e)     Diondolhon si Judas do pitu poda na mansai arga disuratna on sihangoluhononta angka na porsea di Tuhan Jesus Kristus, ima:

ü  Puliuli diri: ngolu, parsaoran, parugamaon diatas haporseaon na badia situtu (ptds.Hebr.10:35-38)

ü  Martangiang dibagasan Tondi Parbadia, unang holan hasomalan sambing (Rom.8:14,16,26)

ü  Mangaramoti diri di bagasan holong ni roha ni Jesus Kristus, asa gabe parholong (1 Ptr.4:8).

ü  Maimaima di asi ni roha ni Tuhan Jesus, manghirim dihaimbaruon sogot I (Pangk.2:10)

ü  Mangajari angka na ganggu roha/ na so togu laho paluahon tondi nasida sian hamagoan i ma hamatean saleleng ni lelengna i (api naroko). Dan.12:3.

ü  Marasi ni roha di sipelebegu (mamaritahon barit ana uli) huhut pasiding dosa haramunon nasida naung gabe adat hasomalan di angka na so mananda Debata dohot Kristus ( 1 Kor.6:9-10).

ü  Manghagigihon abit (pangalaho) nasida naung niramunan ni hagiot ni sibuk nasida (Jak.5:19-20; Pangk.22:11)

f)     Huria ni Tuhanta na hinahoongan dibagasan Jesus Kristus, pauliuli haporseaonta na badia situtu i ma mandok: unang mansadi hita padomuhon dirinta dohot Jesus Kristus rap dohot na porsea tumangihon hataNa (1 Kor.6:17) Asa:

ü  Martangiang dibagasan Tondi Parbadia; na so tupa mansadi angka na porsea martangiang saleleng di portibi on dope ibana, beha pe situasi di ngolunta be. Alai ingkon dibagasan hasintongan i ma haporseaon, holong dohot pangkirimon na mangolu. Unang nionjar ni emosi dohot ambisi manang biar. Alai jumolo pos ditutu rohanta na ditangihon, dijalo dioloi Debata do nasa na tapangido tu Ibana marhite Jesus Kristus (Luk.18:1; 1 Tess.5:17; Joh.14: 13-14).

ü  Mangaramoti diri di bagasan holong ni roha ni Debata; nasa naung di bagasan Jesus Kristus i do parholong n iroha, angka naung mananda jala manghangoluhon haholongon i, tanda ni jolma na imbaru, naung mambongoti parmulaan ni hangoluan saleleng ni lelengna nang pe di portibi on dope ibana mangolu, marsahit, mate, dohot na asing (2 Kor.5:17)

ü  Maimaima di asi ni roha ni Tuhan Jesus Kristus; unang ma sumurut ringgas ni rohanta mangulahon nasa na denggan saleleng mangolu (dilehon Debata di hita tingki, kemampuan, kesempatan/gogo), alai naeng ma sude angka na porsea di Tuhan Jesus Kristus partondi na girgir mangoloi Debata dohot Kristus huhut marlas ni roha mangkirim di bagasan habengeton dohot tangiang (Pat. Rom 12:11-12).

ü  Mangajari na ganggu roha; asa marpos ni roha di Hata ni Debata na sintong i nang pe lumambat tajalo manang taida hapapatarna di ngolunta. “HataMi do sulusulu ni pathu jala hatiuron di dalanku” (Pslm.119:105).

ü  Marasi ni roha di angka sipelebegu dohot na mandele (murtad) huhut manghabiari dosanasida; sai tahaggihon ma nasa dosa dohot hajahaton na metmet nang nab alga, na buni nang na patar asa tarboan hita ang ana lilu dohot sipelebegu tu harajaon banuaginajng marhite hata dohot pambahenanta na niida ni matanasida (pat. Rom 6: 13).

ü  Manghagigihon abit (pangalaho/ adatnasida) na niramunan ni sibuk (hagiot ni daging) nasida; nasa na porsea unang be dais tu bango  hasipelebeguon dohot parsombaon tu begu marhitehite pangulpuhon ni datu /hadatuon, gunaguna, tabastabas (mistik, spiritisme, okultisme) angka na paotootohon jolma laho patagas hisap ni dagingna (2 Tim.3;1-9, pat.Ul.Ap.15:20; 21:25; 1 Kor.10:14)

g)    Huria ni Tuhanta na hinaholongan dibagasan Jesus Kristus, ndang tarbahen so songgop angka pangunjunan tu nasa jolma di portibi on nang marhite angka haimbaruon na binnoan ni jaman on, nang marhite ragam ni angka hapistaran dohot ragam nihabisuhon na so sian Debata Jahowa, na marhapatean tu panolsolion na so haulahan di ganup jolma na manundalhon Debata dohot Jesus Kristus. Jala ndang tarbahen so adong angka haliluon na manggaori huria ni Tuhanta saleleng di portibi on sahat ro diharoro ni Tuhanta Jesus Kristus. Jala ingkon sian bagasan ni Huria i sandiri do i mullop dalan parsegeon ni Tondi Parbadia i laho papitahon haporseaon, holong n iroha dohot pangkirimon ni hitana porsea di Tuhanta Jesus Kristus, i ma angka naung tarpillit sian tahi dohot lomo n iroha ni Debata hian (Pat.1 Ptrs.4:17; Yeh.9:4-6; Jer.25:29). Amen.

 

Jamita Epistel Minggu XXI Dung Trinitatis – 9 Nopember 2025

Mangaramoti Diri Di Bagasan Holong Ni Roha

(Memelihara Diri dalam Kasih Allah)

3 Musa 19: 9 – 18

 

a)     a)     Huria ni Tuhanta na hinaholongan dibagasan Jesus Kristus. Dibagasan turpukta on tarida do ragam ni angka patik na jempek. Jala hira sude do angka patik i marrumang oraora (bentuk negatif) manang angka pangalaho na so jadi ulahonon nasida maradophon angka donganna, isara ni oraora na so jadi manangko, na so jadi manolon na so tutu (bersumpah palsu), na so jadi patupahon pangarupaon (penindasan) tu dongan jolma, na so jadi mangaleai angka halak na dangol (isara ni na nengel dohot na mapitung), na so jadi papeolhon uhum di paruhuman, na so jadi mangalap manaruhon hata, jala na so jadi manghosomi dongan manang mambaloshon na jahat alo ni na jahat. Jala pangarimpunan ni saluhutna i didok di ayat parpudi ni turpuk on (ay.18) na mandok ingkon hahoonganmu donganmu songon dirim. Jadi songon dia ma pangalaho manghaholongi dongan, i ma na boi deba tarida di bagasan turpukta on. Nidok deba, ala ndang holan marhite na mangulahon angka patik na diaturhon di turpuk on, bangso ni Debata manghaholongi donganna jolma, ai mansai bidang do na hinamham ni holong n iroha maradophon angka dongan.

b)    Ay.9-10; Manarihon na pogos. memang ndang dos be hasomalan na jolo di na manggotil dohot di kemajuan jaman sinuaeng on. Sian turpuk ditonahon do bangso Israel: parjolo, dipasombu ma angka eme nasida na ditopi ladang i asa unang digotil. Napaduahon, ndang jadi jomputon parbue ni eme nasida naung dab utu tano. Napatoluhon, gotilon nasida do parbue ni ladang ni anggur i holan sahali, kemungkinan holan na naung masak, molo bibi dope dipasombu ma i di tingkina masak tu angka na pogos ma mambuatsa (angka na pogos: na mabalu, dakdanak na so mara ama-ina dohot imigran). Naung somal do dipamasa songon i di luat i (Kel. 22:21-27 ; Ul. 24:19-21 ; Hak. 8:2 ; Rut. 2:17-23 ; Ayb. 24:6 ; Yes. 17:5-6 , 24:13 ; Yer. 6:9 , 49:9 ; Ob. 1:5 ; Mi. 7:1 .) Ala Debata do na mandok laho mangurupi angka na susa dohot angka na pogos.  On ma panjouon tu hita angka na porsea na mangolu di jaman na modern on. Nang pe naung maju alai mansai torop do pe angka na pogos, angka na susa di parngoluan ariari. Na Nadijou do hita asa marroha, marasi ni roha mangurupi angka dongan jolma di na mauas, na male, na hahurangan. Pangurupion i paboa na mangolu do Kristus i di bagasan rohanta manungguli hita laho manogu jolma na susa. Matius 25: 40 “Aku berkata kepadamu, sesungguhnya segala sesuatu yang kamu lakukan untuk salah seorang dari saudara-Ku yang paling hina ini, kamu telah melakukannya untuk Aku.”

c)     Ay.11; Ndang jadi manangko dohot margabus. Masuk do tu panangkoon ulaon mangarampok, manamun, korupsi, mark-up dohot na manipu malak laho mambuat ugasan ni dongan, marhite kekerasan nang marhitehite dalan na paotootohon Halak. Cara kekerasan isara ni marhite na manodong, mangarampas manang mambongkar jabu ni halak laho mambuat ugasan ni donganna. Jala adong do nang cara halus, isara ni na manabunihon hasintongan, paotootohon halak marhite angka iklan manang rayuan na so sintong, songon na godang pinatupa ni angka halak partigatiga, na sai olo mangalului pangomoan na matorbanghu marhitehte na manggabusi halak di mutu ni tigatigana. Pangalaho na songon on, na memperkosa patik ni Debata jala hataridaon hurang ni haporseaon di pangaramotion dohot panarihonon ni Debata di ngoluna. Marhite patik on dipatuduhon do na dilindungi Debata do hak parnampunaon ni marsasahalak manang punguan. Ala ni i, na manggalar hak parnampunaon i, na mangalo Debata do i.

d)    Ay.12: Ndang jadi manolon (bersumpah palsu) marhite Goar ni Debata. Hombar do on tu patik patoluhon na mandok, “ndang jadi dohonon Goar ni Debata sian dalan na so ture”. Masuk tuson do angka pangalaho na  mansai mura manolon na tutu mamangke goar ni Debata tu sangkap laho manipu Halak manang mangampini dohot manabunihon hajahatonna. Ai marhite i nunga dipadohot ibana Debata di penipuan dohot hajahaton na niulana i. Jadi torang do pangalaho na songon i mangalo patik dohot habadiaon ni Debata.

e)     Ay.13. Ndang jadi patupahon pangarupaon (penindasan) tu dongan jolma. Dison tangkas do diorai angka Halak na gogo secara ekonomi, manang secara fisik laho menindas angka halakk na gale, manang angka na pogos laho mangalului paruntungan, sian nasida marhite na memeras gogo nasida dohot upa na so patut. Angka Halak parkarejo ariari tama do mandapot upah na patut, jala berhak do ibana manjalo upa na sian majikanna ganup botarina, dung sun ibana karejo di bagasan ari i. Masuk tu penindasan do molo so manigor dibayarhon majikanna upana i, ai molo songon i dibahen, gabe olo ma ndang mangan be parkarejona i tu ari marsohotna i.

f)     Ay.14. Ndang jadi buraan na nengel jala ndang jadi mambahen partuktuhan tu Halak na mapitung. Masuk tu angka Halak siasian do na nengel dohot na  mapitung ditongatonga ni masyarakat, ala ndang singkop adong Indera di nasida. Jadi angka halak na singkop inderana na lima i jala na so martihas, tama patuduhon sikap na denggan tu angka halak na dangol manang angka halak siasian. Adong do haporseaon di halak Israel, sude bura na hinatahon ni halak boi do mangonai, nang pe so dibege halak na binuraanna i. Ala ni i dipatikhon Debata do ndang jadiburaan halak na nengel. Laos songon i do Halak na mapitung ndang jadi bahenon partuktuhan tu nasida, isara na sangajo manogihonsa tu inganan parmaraan ala taboto ndang dibereng nasida i. Ala ni i ndang jadi susaan angka Halak na humurang, manang angka na martihas, baliksa ingkon sai urupan do nasida.

g)    Ay.15. Ndang jadi papeolhon uhum di paruhuman. Paruhuman i do dalan laho mangalului hasintongan dohot hatigoran. Ala ni i, ingkon sai uhuman na tigor do sipasahaton ni angka panguhum. Hagigian ni roha ni Jahowa do angka panguhum na so tigor dohot ganup Halak na metmet manang halak na mangulahon hageduhon (Pat.5 Musa 25: 16). Ndang sibelaon halak na metmet manang halak na bolon ( na mora jala na marhuaso) sian dalan na so patut. Ndang boi sidalian hapogoson laho mangulahon hajahaton isara ni na manangko. Patuduhon rasa simpati tu halak na pogos ala ni hapogosonna, jala mangistimewahon halak na marhuaso ala ni hamoraonna dohot ala ni pengaruhna, lumobi ala ni suap na dilehon, boi do mansegai hatigoran ditongatonga ni paruhuman.

h)    Ay.16, Ndang jali mangalap manaruhon hata. Halak na girgir mangalap manaruhon  hata, ima angka halak na girgir mamfitnah,manggosip, manang manghatahon na so tutu maradophon angka donganna, songon na diorai di patik pasiahon i. Fitnah gosip dohot hat ana so tutu, ima angka dosa na maralo tuholong n iroha jala na patuduhon sikap parmusuon tu Debata dohot tu donganna jolma. Di 1 Korint 1: 6, didok, “ndang las roha ni haholongon i mida hageduhon.” Domu tuson didok: ndang jadi hehe manindangi dompak mudar ni donganmu. Pandohan on boi do diantusi, na so jadi bangso ni Debata mengancam ngolu ni donganna. Isarana di paruhuman (pengadilan) na sso jadi hita olo gabe sitindangi gapgap, na mambahen halak diancam hukuman mati. Alai ndada holan di paruhuman marlangku patik on. Diluar pengadilan pe boi gabe hona ancam ngolu ni halak marhite ragam angka cara, isarana marhite fitnah. Di angka pandohan siganup arijotjot do tarbege hat ana mandok: “Fitnah lebih kejam dari pembunuhan”. Cara dia pe i, molo gabe terancam do ngolu ni halak ala ni I, na so jadi I siulahonon ni bangs oni Debata.

i)      Ay.17-18a. Ndang jadi hosoman dongan di bagasan roha. Molo sala pe pambahenan ni dongan maradophon diriniba, isarana na mambahen hansit n iroha manang harugian tu diriniba, ndang jadi hasogohononhon ibana dibagasan tingki na leleng. Ingkon sipangkulingan do dongan na songon i jala sipaingoton di hasalaanna i. Ai molo so pinangkuingan ibana di hasalaanna i, gabe dohot do iba martanggungjawab di hasalaan na niulahonna muse, dunghon ni i tu diriniba nang tu halak na asing pe. Isarana di pengadilan, molo hosom roha nihakim na mangadili i, boi dopangalaho i mampangaruhi haputusan, gabe ndang dapot haputusan na adil. Jala boi do parjahat sundat mangulahon hajahatonna i, aut sugari nunga hea ibana dipaingot di hasalaanna na parjolo. Hira dos do pangantusion ni on dohot patik na mandok: “ndang jadi baloshononmu na jat”. Unang ma nidabu uhum tu dongan ala nib alas dendam. Ingkon siunsaton do parmusuon ri di saluhut angka parsalisian na mungkin adong di bagasan roha, maradophon saluhut angka dongan ro di angka haanggi pe. Sada pangalaho na jotjot mansegai parsaoran di huria nang ditongatonga ni Masyarakat, i ma hosom manang rasa dendam.

j)      Ay.18b. Ingkon haholonganmu donganmu jolma songon dirim. Sude angka patik na di ginjang i dipsahat diabagasan bentuk oraora (bentuk negatif). Alai on ma pangibulan ni sude angka patik na di ginjang i. Ayat on do na nienet ni Jesus laho mangalusi sungkunsungkun ni siboto patik ni Jahudi na mandok, “dia do patik raya sian angka patik i” (mat.22:36), na dipadomu tu ay.5 Musa 6:5 Dialus ni Jesus tu sungkunsungkun ni siboto patik na mandok, “ise do donganhu goaron”, dipadomu Jesus do i tu “umpama sahalak Samaria na asi roha i”. (Luk.10:29-37). Lapatanna, ndang mardiaimbar dongan siurupan dibagasan hagogotan na m asa tu dirina.

k)    Mansai ringkot do turpuk on auhonon ni halak Kristen di tingki on songon i dohot sude bangsonta nang hajolmaon pe, ala tarida jala boi hilalaon, lam tungalina do holong n iroha tu dongan. Panghilalaan hajolmaon (kemanusiaan) i sandiri pe nunga lam tu surutna, jala di na deba pe nunga lam tu magona. Sipata nunga humolong roha tu arta manang tu materi na marrumang benda mati i, sian tu dongan jolma na mangolu. Jadi turpuk on manogunogu rohanta do, asa lam torang mamereng ragam nihajahaton dohot pangalaosion di patik ni Debata na so parduli be di hubungan na denggan tu Debata dohot tu dongan jolma, marhite na lam tu hehena pangalaho panangkoon, panipuon, penindasan, penyalahgunaan huaso, na papeolhon uhum, fitnah, hosom, dendam, parmusuon, ala ni parrohaon na holan na naeng mangahut tu dirina, angka pangomoan manang paruntungan portibi on. Martanggungjawab do halak Kristen paluahon halak sian pangalaho i, paling saotik manjaga dirina be, asa boi malua sian angka hajahaton, manang parrohaon na songon i.

l)      Dipangido turpuk on do asa saluhut bangso ni Debata, tarmasuk halak Kristen di tingki on: Mangaramoti Diri Di Bagasan Holong Ni Roha (Memelihara Diri dalam Kasih Allah). Dung dipalua Debata hita marhite AnakNa Jesus Kristus i ima ala ni balga ni holongNa tu hita jolma asa malua sian dosa nang hamatean ala ni i tarjou do hita aktif manjaga haporseaonta i, mangolu dibagasan haholongon. Taulahon ma impola ni haluaon i ima haholongon i asa unang dihaliluhon angka sipaotooto hita di hasiangan on ima marhite na mangaradotii patik dohot Hata ni Debata. Tajamothon ma dirinta nang keluarganta asa sai hot di bagasan holong ni Kristus i, jala torus mamareahi ngolu na imbaru huhut pajongjong haporseaon dibagasan Ibana. Amen.

Jamita Evangelium Minggu XX Dung Trinitatis – 2 Nopember 2025

Ditangihon Debata Do Tangiang Ni Naposona

(Tuhan Mendengar Seruan Hamba-Nya)

Jakobus 5: 12 – 18

 

a)     Huria ni Tuhanta na hinaholongan dibagasan Jesus Kristus. Na tama do hita dibagas joro ni Debata on dipasa dibagasan HolongNa I mamuji pasangaphon GoarNa. Boha do panghilalanta dung pajumpang dohot Debata marhite parsaoranta dohot dongan sahaporseaon di tingki on ? Pasti dibagasan las ni roha, lumbang n iroha, panghilaaan nang pingkiranta. Nang pe sai godang do ra angka ragam hamaolon nang hasusaanta be. Na lumbang do parhosaanta be marnida parsaoranta na rosu dohot Debata di bagas joro on. Na mangolu dope hita hape nuaeng, ima mamboan hita marlas ni roha. Laos songon I do taringot na martangiang on, songon na marhosa I do i. Ai tangiang I do hosa ni angka na porsea asa marngolu jala margogo. Mansai ringot do di hit ana porsea na martangiang on, molo soada tangiang, gale situtu do panghilalaan. Molo so martangiang ndang margogo hita  mangadopi ragam hamaolon nang hasusaan di daopanta. Molo so martangiang boi do ndang marbisuk hita mangadopi parsorion ni ngolunta. Molo lupa martangiang paboa naung mate di haporseaon nang pe mangolu di pardagingon. Hita na porsea na mangolu ima na marhosa ima na martangiang asa mangolu dibagasan pardagingon nang haporseaon. Tadok ma mauliate di dengganbasa ni Debata ala mangolu dope hita jala mangolu di partondion siala sai girgir hita martangiang. Alai molo marhosa dope hita, ima na holan manarihon pamatangta sandiri, alai na martangiang on ndada holan tu diri sandiri alai dohot do manangianghon dongan jolma.

b)    Molo dibagasan turpuk on ima tangiang ni si Nehemia tu halak Israel.Nehemia do na gabe uluan dianggur siinumon ni raja asa paradehon minuman anggur naung jumolo daionna asa ndang marsun jala aman siinumon ni raja. Jadi mansai denggan do posisi ni si Nehemia jala mansai ringkot, ai I do na manontuhon ngolu nang hahipason ni raja, jala na mangihut muse na mian do si Nehemia di lingkungan istana ni raja. Posisi na songon on ima posisi na dihalomohon bahat jolma, mansai denggan do kedudukanna. Ndanga dong ganggu ni roha, demak panghilalaan, ndang pola loja mamingkiri na asing. Na songon I do si Nehemia ? Ndang songon I ibana, sai dilului si Nehemia do boha keadaan ni dongan sabangsona, mansai tangkas di parungkilhonon si Nehemia dongan sabangsona. Nang pe maringan  ibana di Harajaon ni Raja Artahsasta alai rohana di Jerusalem do. Ima alana uju dibege ibana barita sian Hanani dongan tubuna dohoht angka halak n aro sian Juda ia angka pasipasi ni halak Israel na malua I dibagasan hasusaan bolon, ala parik ni Jerusalem na gabe kebanggaan dohot hahormaton ni bangos Israel nunga malengse. Gabe tumatangis ma si Nehemia jala marsak situtu rohana. Alai ndang holan mangarsakhon dohot na mangandungi ibana. Dibahen ibana ma parpuasaon dohot martangiang tu Tuhan Debata Sitompa langit dohot tano. Aha ma natinangianghonna ? Dibagasan tangiangna, diparhatopot si Nehemia do Debata, Debata na songkal na marhuaso, na mangatasi langit dohot tano on, pargogo na so hatudosan. Debata nag ok holong jala satia di padanNa. Parsaoran ni Debata dohot bangso Israel diihot marhite Padan haholongan ni Debata. Di ditopoti si Nehemia do angka dosa, dosana, dosa ni keluargana, dosa ni bangsona. Jala mangelek do si Nehemia ditangiangna di asi n iroha ni Debata asa tinggil ma Debata manangihon tangiangna, jala simalolong ni Debata tangkas marnida hapariron ni bangso Israel, tangan ni Debata na sun gogo I paluahon bangso Israel. Na martangiang do si Nehemia dibagasan tondi dohot haporseaon. Dihaporseai Ibana do na berpihak do Debata tu ibana. Ia tangiang si Nehemia on uju andorang mangadop Raja marhite bohi na mutung jala pasahathon siihol ni rohana mulak tu Jerusalem laho pajongjong muse parik ni Jerusalem.

c)     Huria ni Tuhanta, uju taadopi angka hamaolon nang angka parungkilon, martangiangma tu Tuhanta. Patutoru ma dirim tu adopan ni Tuhan I, evaluasi dirim, aha do naung sala na sailaon saleleng on dibahen ho maradophon Debata, nang dongan jolma dohot humaliang, totpoti dosam tu Debata jala marhamubaon ni roha. Ia Debatanta pargogo na soo hatudosan do jala parrimas, alai asi do rohaNa di angka na manolosli dosana nang pambahenanna. Debata do na manompa langit dohot tano on, na mangatasi saluhut parngoluon nang parngoluanta. SarihononNa do angka na ringkto di hita nang na mangatasi parsorion ni ngolunta. Dilehon Iaban do hagogon uju gale hita, dilehon do dalan uju lilu hita, dilehon do apulapul tun a marsak roha. Sabohabohana pe jungkat ni rohanta sai haholonganNa do hita asal ma olo hita manundali dosa jala marbalik mangihuthon Ibana. Jotjot do hita holan mamereng tu dirinta sandiri, kepentingan dohot keegoisan diri so pola parduli tu kepentingan ni Debata. Uju ro angka hamaolon nang parsorion I, gabe laho do rohanta mangalului dalan sian na asing, mangalului hagogon ni portibi on gabe lupa hita tu hagogoon ni Debata. Haporseaonta I ndang ditujuhon tu halak na martangiang, tu miak nang angka parhitean na asing. Halak na martangiang ima holan parhitean, miak, ubat nang angka ramuan na asing holan parhitean. Unang ma gabe balik haporseaonta tu Tuhan I ala ni I, manang ala ni halak na martangiang i. Hamamalum, hahisaron nang hasesaan ni dosa holan sian Tuhan Debata marhite Jesus Kristus i. On ma parasingan ni haporseaon ni halak Kristen dohot parhaporseaon na asing. Dibagasan haporseaon ni halak Kristen na mangolu, haesaan, haluaon ima asi n iroha ni Tuhan I, jala na pasti doi masa, ala sai diingot Tuhan I do di padanNa. Jadi manang boha pe keadaanta unang lupa hita joujou tu Tuhanta I, unang lupa manjou goarna. Rap masitangiangan ma hit ana sada tun a asing. Tangianghon ma angka dongan, angka ruas, tu huria, tu kota, huta, nang luatta, bangso dohot negaranta. Molo nunga marhasil hita di jabatan na taparsinta saleleng on, manang gabe halak na sukses, unang ma hita lupa diri, manghalupahon dongan na mendukung hita saleleng  on manang tarlumobi gabe lupa tu Tuhan i. Ia si Nehemia tarmasuk do halak naung sukses, alai ndang dihalupahon ibana dongan sabangsona, jala ndang maila ibana patutoru dirina huhut martangiang tu Tuhan I dohot tu bangsona. Marnampunahon huaso nang jabatan ndanda gabe alasanta ndang mangasahon Tuhan i. Alai naeng ma angka jabatan, kedudukan nang huasonta dohot di hamoraonta I taparhaseang laho mangurupi halak. Na martangiang do si Nehemia jala mangula. DIlehon Raja I do kesempatan tu si Nehemia asa mulak tu hutana laho pajongjong parik di Jerusalem. Jala marhite pangurupion ni Tuhan I gabe boi do dipajongjong muse parik di Jerusalem i.

d)    Huria ni Tuhanta, ia topik ni minggunta mandok: Ditangihon Debata Do Tangiang Ni Naposona (Tuhan Mendengar Seruan Hamba-Nya). Asa ditangihon Debata tangiangta, ulahon ma parsuruon ni Debata, ulahon ma lomo n iroha ni Debata radoti ma patik dohot HataNa asa nang pangidoanta be hombar tu lomo ni orha ni Debata. Sai saut ma lomo n iroha ni Tuhan i. Sai ditangihon do tangiangta ala sai tahaburjuhon mangulahon lomo ni rohaNa. Ai ndang mampu hita mangatasi angka na hamaolon na masa di ngolunta ala ni ima molo martangiang hita tu Debata, tandan a so mampu do hita, jala jolma na gale. Asa margogo hita  mangadopi ragam ni hamaolon na di portibi on martangiang ma hita songon Tuhanta Jesus I uju mangadopi ingkon di parsilanghon ma Ibana, sai martangiang do tu Debata Ama I asa mampu jala boi patulushon sangkap ni AmaNa i. jala diajarhon do siseanna nang hita laho mangido jala martangiang tu Debata Ama i. Ala ni I tatangianghon ma nab oi ulahononta, jala taulahon ma naung tatangianghon I, jala taulahon ma nab oi jala na mampu taulahon, lobi na I di Debata ma i. Taloas ma Debata mangulahon bagianNa unang tasatosatoi naung tatangianghon du Debata. Molo nunga tadok “Amen” tanda naung aman, pos rohanta jala ditangihon Tuhan I do tangiang ni naposoNa. Amen.

Jamita Epistel Minggu XX Dung Trinitatis – 2 Nopember 2025

Ditangihon Debata Do Tangiang Ni Naposona

(Tuhan Mendengar Seruan Hamba-Nya)

Jakobus 5: 12 – 18

 

a)     Huria ni Tuhanta na hinaholongan dibagasan Jesus Kristus. Molo di portibi on mansai ragat do hagogoon ni sibolis laho mangelaela hita jolma. Jala torop do jolma manghaporseai hagogoon ni portibi on bahkan sibolis laho mandongani ibana didia pe ibana mangula manang mangaranto.  Okuonta do emang sai adong dope gogo ni portibi on dohot sibolis i laho manjahati hita, manjehehon, mamunu jolma. Alai songon angka na porsea hita dao do umbalga jala gumogo huaso ni Debata. Ia Debatanta i do na manjadihon manang na manompa langit, tano on ro di isina pe, Jala Tuhanta Jesus Kristus i do Anak ni Debata na manio hinsu ni Banua toru nang di Banua ginjang i. Saluhut angka hagogoon na di portibi on naung dipatutoru Ibana do ditoru ni patNa, 2 Sam.22:10 “Dung i dipajomba Ibana ma angka langit, gabe tuat Ibana, jala holom marimpotimpot di toru ni patna.” Lapatanna saluhut hagogoon dohot huaso na diduru ni jolma i manang na dihabiari manisia i naung dipatutoru Tuhan i. Asa songon bangs oni Debata, pangidoan dohot elekelek i boi tapasahat tu Tuhan i marhitehite tangiang. Na martangiang do hita tu Tuhan i so manjou manang marhite angka na asing. Alai molo di Padan na robi ia ruhut partangiangon dohot na pasahathon pelean tu Tuhan i ingkon marhitehon malim manang sian halak Lewi, alai uju di na masa hamamate ni Jesus di Hau Pinarsilang i, hirehire na di Bagasjoro i maribak sian ginjang sahat tu toru (Mark.15:38), on ma na patuduhon laung boi do hita langsung martangiang, mangelek jala mangalehon peleanta tu Tuhan i. Istilah martangiang on jotjot do talapati dohot istilah Rogate – martangiang. Arti "rogate" adalah meminta atau memohon, yang berasal dari bahasa Latin (rogare). Dalam konteks keagamaan Kristen, "Rogate" merujuk pada Minggu Rogate, yaitu hari Minggu kelima setelah Paskah yang diwarnai dengan tema doa dan permohonan kepada Tuhan.

b)    Huria ni Tuhanta, sosososo ni Buku Jakobus on boi botoonta taringot angka ajaran moral tu saluhut ruas ni huria na marserak di sandok portibi on. Tujuan nib uku on ima laho paingothon ruas ni huria i dohot mangajarhon asa tongtong hot pataridahon identitas nasida songon halak na porsea tu Tuhan, nang pe uju i angka ruas ni huria i maringan jala mian ditongatonga halak na so porsea tu Tuhan, angka halak na tois, ginjang roha, na manalahon n asada tun a asing, na merasa tigor dohot na parbadabada, alai hot ma nasida patuduhon parange dohot sifat ni halak Kristen na porsea, benget, margogo jala tongtong marpangkirimon dohot martangiang.

c)     Huria ni Tuhanta, sian prikop ni turpuk on paingothon ruas ni huria, boha do molo mangadopi haporsuhon asa tongtong martangiang (ay.13). Dibagasan haporsuhon, ndang adong naboi siulahononhon ia so holan martangiang, songon pandohan mandok BE HKBP No.815 Uli do tingki na hohom; Uli do tingki na hohom di joloni habangsa ni, Amanghu na rade tongtong manjalo pangidoanhi, Ai di na marsak rohangki sai diapuli tondingki, Malua sian jorgong i ditingki martangiang i.

d)    Ayat 14-15 : “Molo adong na marsahit di hamu, dijou ma angka sintua ni huria i; asa ditangiangkon ibana; didampol ma ibana dohot miak marhitehite Goar ni Tuhan i.” Pandohan on ma napatuduhon asa adong parsaoran na rosu dohot naposo ni Tuhan i dohot na mangarahon haporseaonna tu Tuhan i, ndada tu angka parhuaso na di portibi on. Alai ndada asa pasangaphon naposo ni Tuhan i, suang songon i taringot tu miak na dipangke uju martangiang i, ai holan parhitean do i, alai na gabe dasorna ima goar ni Tuhan i na margogo, asa sian pangantusion na tingkos do lapatan ni tangiang na tubu sian haporseaon dibagasan Jesus Kristus.

e)     Ayat 16-18 ditingki na martangiang i, jolo dipamanat si partangiang do di na laho mangokui nasa dosadosana tu Tuhan i. ro mangadop Tuhan i ingkon sian roha na ias jala polin. On ma na nidokna tangiang na marhagogoon, asa didok ma; “Na margogo situtu do tangiang ni partigor, molo dihaburjuhon.” Songon na pinangido ni topik minggu on tu hita: Ditangihon Debata Do Tangiang Ni Naposona (Tuhan Mendengar Seruan Hamba-Nya). Jala dipatorang si Jakobus ma muse contoh ni halak partigor i songon si Elia, sahalak panurirang, alai diondolhon do tong taringot tu ibana jolma na biasa do. Tujuan pandohan i ima asa lam matoras jala tanghaporseaon ni ruas  ni huria. Ai nab oi do ruas ni huria i secara mandiri martangiang, ndang pola holan marsigantung tu halak, boi do manghaposi jala manghaporseai tangiangna sandiri, alai ndada mandok tangiang ni angka fulltimer; pandita, guru huria, bibelvrow, diakones, sintua, evangelis gumogo jala dumenggan sian na asing. Alai hot do tongtong ingoton ia angka naposo ni Debata ingkon boi pahothon haporseaon ni angka ruas ni huria martangiang tu Tuhan i marhite hita angka naposo ni Tuhan i. Sai dihaporseai ruas i dope angka naposo ni Tuhan i na jumonok dohot Tuhan i, ido umbahen sai pos dope rohana asa ditangiangkon angka pandita i. Alai unang ma ala pangalahonta na gabe sisurang, gabe so pos be roha ni ruas ni huria di tangiangta.

f)     Huria ni Tuhanta dipatorang si Jakobus dison taringot tangiang ni si Elia, uju dipangido di tangiangna asa diparo Tuhan i udan, jala ro do udan i saleleng tolu taon onom bulan lelengna, bornok ma tano i jala marparbue ma angka suansuanan. Na boi masa do i siala na marsitutu do tangiang ni si Elia, jala na halak na tigor do ibana diadopan ni Debata. Alai unang tapatudos tu na viral di bangsonta ima Mbak rara; Mbak Rara pertama kali ramai saat berperan sebagai pawang hujan di sirkuit Mandalika. Saat itu Rara juga membawa peralatan khusus, seperti mangkuk emas untuk meredakan hujan di área lokasi. Kadang-kadang, dia berhenti sejenak sambil membacakan mantra dan mengangkat alatnya tinggi-tinggi. Ia mengklaim bisa mengendalikan hujan berkat ritual tersebut. Mbak Rara adalah seorang pawang hujan yang tampil di belakang panggung acara-acara besar nasional. Ia diminta khusus oleh pihak penyelenggara Mandalika Grand Prix Association (MGPA) dan Dorna untuk memastikan tidak ada hujan selama acara berlangsung. Selama bertugas sebagai Pawang Hujan MotoGP Mandalika, dalam sejam sekali melalui telepon, perintah tugas bisa datang kepadanya. Mbak Rara mendapat upah yang cukup tinggi sebagai pawang hujan Mandalika di ajang MotoGP 2022. Bahkan, total kompensasi yang diterimanya selama 21 hari kerja bisa mencapai tiga digit atau ratusan juta rupiah. Ajang MotoGP 2022 sendiri bukanlah ajang besar pertama dirinya yang menjadi agen menolak hujan dan memanggil hujan. Ia sebelumnya pernah tampil sebagai pawang hujan di acara vaksinasi massal, kampanye Presiden Jokowi, dan upacara pembukaan Asian Games di Jakarta-Palembang 2018. Memang ndang boi ruas ni huria mambahen songon na binahen ni si Elia i, unang ma gabe metmet rohanta, alai nna margogo do tangiangta i molo tigor hita diadopan ni Debata, molo ro pe udan gabe pasupasu, molo so ro pe udan tong do asa margogo hita mangadopisa. Ia tangiang on ndada taringot tu na parohon udan manang ndang, alai Pangidoan do. Alai molo martangiang hita ndada holan na mangidohon tu Tuhan i, alai mangaloas Tuhan i mangula dibagasan ngolunta. Olo do sipata pangantusion ni ruas, molo martangiang ima sae ma holan na mangido. Mansai godang do pangidoanta tu Tuhan i, alai lupa hita di ana pinangido ni Debata ndang taoloi manang taulahon. Boha ma goaron hit ana porsea marngolu na tigor molo so tangkas taulahon dia do lomo n iroha ni Debata ia so sian na mangaradoti patik nang hataNa i. Asa halak partigor i ima na sai mangaradoti, mangulahon, pamanathon  ngoluna saluhutna hombar tu Pangidoan nang lomo n iroha ni Debata. Asa sude tangiang Pangidoan nang elekelekta i hombar tu lomo ni  roha ni Debata. Asa uju martangiang hita sai tadok do hata parpudi: “Sai saut ma lomo ni rohaM”.Berdoa bukan berarti memerintah Tuhan memberikan apa saja yang kita inginkan, tetapi berdoa membiarkan Tuhan bekerja dalam hidup kita. Ala ni sai mangolu jala mangula ma hita dibagasan hatigoran ni Debata ala naung ditobus do angka dosanta marhite Jesus Kristus i asa partohap hita diharajaonNa jala bahen sangap goar ni Debata. Amen.

 

Jamita Evangelium Minggu XIX Dung Trinitatis – 26 Oktober 2025

Rimpas Jala Hobas Tu Nasa Ulaon Na Denggan  

(Diperlengkapi Untuk Setiap Perbuatan Baik)

II Timoteus 3: 10 – 17

 

1)    Huria ni Tuhanta, Ia surat 2 Timoteus masuk do tu na nidokna Surat Parmahanion. Parmahanion na tinongos ni si Paulus tu si Timoteus martujuan patoguhon dohot pahothon rohana asa dihobasi ulaonna dohot denggan. Jadi parmahanion i laho manunggguli si Timoteus taringot tu tanggung jawa nuaeng nang tanggung jawab na naeng ro. Ia turpukta on marisihon sipaingot manang poda. Sai songon na adong ganggu ni roha ni si Paulus marnida hiras ni roha ni si Timoteus laho mangadopi tanggungjawab nab alga, na aneng dipasahat tu ibana manggantihon si Paulus. Tangkas do arop n iroha ni si Paulus I, songon na tarida di 2 Tim.1: 6, Alai ni I hhupaingot ho, asa di paratarata ho silehonlehon ni Debata, na tu ho i, di na huampehon tanganki tu ho. Suang songon i pamereng  ni si Paulus tu si Timoteus taringot tu na maila ibana marhobass di ulaon Huria; “on pe unang ho maila, manghatindanghon Tuhanta i….. ( 2 Tim.1:8).

2)    Hombar tu kondisi haKristenon na parjolo i, adong hamaolon na niadopan ni si Timoteus dohot sude haak Kristen na parjolo sian Masyarakat na humaliang ima: Parjolo, hehe ma angka parpoda haliluon ( 1 Tim.4: 1 -5), ima na mamodahon asa unang pola be mardongan saripe angka jolma, alasan nasida na mandok, manang ise na naeng parsidohot tu Surgo i, tumagon do so pola mardongan saripe di ari haroro ni Kristus paduahalihon i. PAduahon; masa do pangaleleon, penyiksaan nang kekerasan tu angka halak Kristen na parjolo i. Panghorhon ni i gabe tarbuang si Paulus (2 Tim.2:9), hona lele sandok halak Kristen (2 Tim 3: 12). Na masa do pangaleleion i songon usaha ni angka penguasa mangotapi haKristenon, manutupi barita haheheon. Patoluhon; ndang adong dope angka perlengkapan peralatan sipangkeon ni si Timoteus tingki i laho manguluhon huria i, ai so adong dope tingki I Bibel songon na adong nuaeng, jala ndang adong dope aturan ni huria na tarsurat tingki i songon pedoman sipangkeon manguluuhon huria. Songon i nang buku RPP dohot angka perlengkapan na asing, ndang adong. Hape si Timteus tingki i mansai poso dope, ndang adong pedoman kerja siihuthononna. Hape mansai torop angka parpoda haliluon. Ala ni I do dipodahon si Paulus tu si Timoteus angka naung niajarhon tu ibana angka Hata ni Debata i.

3)    Huria ni Tuhanta dilehon do tu hita angka pangajari partondion laho mangurupi hita taringot tu Hata ni Debata dohot lomo ni roha ni Debata. Alai, disi pe ingkon tangkas ma hita mananda, ise do guru na tingkos. Jala molo dapot hita, tatiop ma homos angka poda nasida, na jinamitahon, na niajarhon, nang nihatahon nasida.

Secara ringkas dapat disebutkan bahwa Paulus menasihatkan Timotius agar: “terus berbuat baik yang berdasarkan pada kebenaran”sebagai karakter pelayanannya di tengah-tengah tantangan yang ia gumuli.

4)    Nunga dijalo si Timoteus Hata ni Debata sian inangna si Eunike dohot ompungna si Lois sian sietehetehonna. Molo dakdanak na marumur 8-12 taon ima na ginoaran “golden age”, masa partingkian na mansai denggan laho mangajari taringot tu partondion ni dakdanak, na so boi salpuhonothon partingkian umur si songon i. Asa hombar tu na nidok ni Poda 22: 6  “Tibu hian pasomalsomal dakdanak i marparange hombar tu dalanna; nang dung matua ibana, ndang tagamon morot ibana sian i.” Dungi didok mantan presiden Amerika Serikat John Quncy Adams (1925-1929) “begitu besar penghormatan saya terhadap Alkitab, sehingga semakin dini anak-anak saya mulai membacanya, semakin teguh pengharapan saya bahwa mereka akan menjadi warga negara yang berbakti pada negara mereka dan anggota Masyarakat yang terhormat.” Unang lupa angka natoras na umposo dohot angka guru sikola minggu taringot tusi, asa lam diparhatutu jala dipamanat di perkembangan spiritualitas  ni dakdanak i. Mansai godang nuaeng angka natoras na so parduli dipartondion ni dakdanak i. Ala na naung gumodangan do diboto na asa sian internet nang HP sinuaeng on, asa manghorhon di parange nang pangalaho na so patut sipujion. Pengaruh angka haliluon mansai ragat sian tontonan ni dakdanak, manang sian angka film kartun na so mendidik. Ala ni i porlu do pendampingan ni natoras di perkembangan kognitif, ilmu pengetahuan dohot tarlumobi spiritualitas ni dakdanak i. Asa jotjotan ma dimemehon angka partondion tu nasida, manang sian angka Hata ni Debata, na taboto ido dalan haluaon. Ima naung rade haluaon i marhitehte Jesus Kristus. Sian na tumangihon Hata i do ro haporseaon, jala haporseaon i do na paluahon. Sai girgir ma natoras manaringoti Tuhan Jesus i tu ianangkonna.

5)    Dipajojor Ap.Paulus do laba ni Hata ni Debata: na parjolo; tangkas didok “Hata ni Debata do i, ndada pod ani jolma” (ptds. Konf.HKBP bd.4; 2 Ptrs1:21). Ala Debata do na manihathon Bibelta i, patut do i pangkeonta gabe “text book”, buku utama di ngolunta. Sian i ma hita marsiajar taringot tu sude parngoluon jala na rumingkot, sian i do taboto dalan tu haluaon marhitehite Jesus Kristus. Paduahon didok; boi pabisukhon (memberi hikmat) gabe taboto membedakan na denggan dohot na roa, dalan hangoluan dohot dalan hamagoan. Jala na mangihut dipaboa ma godang ni lapatan na mangaradoti Hata ni Debata: “jala hasea mamodai, maminsang, pauliulihon, manogunogu di bagasan hatigoran, asa rimpas halak ni Debata, hobas tu nasa ulaon na denggan.” Sian i ma gabe didok angka na pistar na mangihut Dwight L.Moody, parjamita na tarbarita di Amerika Serikat (1837-1899); “Alkitab diberikan  kepada kita bukan untuk menyampaikan informasi pada kita, melainkan agar kita mengalami transformasi (perubahan).” Jala Presiden Amerika Serikat Abraham Lincoln (1809-1865) mandok: “Saya percaya bahwa Alkitab Adalah pemberian terbaik yang pernah Tuhan berikan kepada manusia. Semua kebaikan dari Juruselamat dunia dikomunikasikan kepada kita melalui Alkitab”. Ronald Wilson Reagan mantan Presiden Amerika Serikat (1911-2004) mandok: “Di dalam satu kitab ini yaitu Alkitab -terdapat seluruh jawaban bagi masalah yang kita hadapi saat ini-kalau saja kita mau membaca dan mempercayainya.” Jala tong muse Presiden Amerika Serikat na margoar Theodore Roosevelt (1858-1919) hea mandok: “Bila manusia tidak mengenal Alkitab, ia akan menderita karena kehilangan sesuatu yang sulit diperbaiki.”

6)       Ala ni i ma tangkas disosohon Ap.Paulus; unang mabiar laho manghatahhon i dohot manjamitahon Hata i (4:21). Holan Hata ni Debata na sintong i ma tapangke maminsang angka poda dohot guru palsu, nang maminsang angka naung manimbil sian dalan ni Debata. Ala ni i, kapan saja, Dimana saja, dalam situasi apa saja, ndang boi lemba (lengah) ai ingkon pertanggungjawabhononta do pangajarion I muse di jol oni Debata (bd.4:1). Hata i ma tapangke laho mamodai, paboahon hasintongan, dohot mangalo poda na sala. Unang ma gumodang hat ani jolma. Molo i pe, angka na tutu diuhal sian hata ni Debata ma. I ma tapangkke laho maminsang, paingothon dohot mangapoi nasida. Ilustrasi humor: Tadi pagi, seorang istri pendeta meminta suaminya untuk mengantarkannya ke pasar. Karena masih mengantuk, pak Pendeta menolak dan istrinya tidak bisa menerima sehingga terjadi pertengkaran mulut di antara mereka.

Istri: Nggak diantar nggak apa-apa, tetapi awas nanti kalau minta makanan yang kubeli dari pasar.

Pendeta: Ya nggak apa-apa, orang ngantuk kok disuruh bangun, mbok ya pengertian sedikit!

Lalu, pergilah si istri ke pasar naik becak. Di pasar, dia membeli pisang goreng Pontianak kesukaannya yang juga kesukaan suaminya.

Sesampainya di rumah, istri lewat di depan pak pendeta sambil sengaja mengibas-ngibaskan bungkusan pisang goreng tadi. Pak Pendeta yang sudah bangun mencium aroma yang sangat lezat sehingga menjadi ngiler dan meminta supaya bisa diberi pisang goreng itu.

Si istri lalu menjawab (karena suami istri Pendeta, maka jawabannya harus terdengar "Rohani").

Istri: Jangan mengingini milik sesamamu manusia. (Ulangan 5:21)

Pendeta: Ya, tetapi Tuhan juga berfirman, "Mintalah, maka akan diberikan kepadamu; carilah, maka kamu akan mendapat; ketoklah, maka pintu akan dibukakan bagimu" (Matius 7:7).

Tak mau kalah, si istri menjawab: ... jika seorang tidak mau bekerja, janganlah ia makan. (2 Tesalonika 3:10)

Pendeta juga tak mau kalah: ... Kasihilah musuhmu dan berdoalah bagi mereka yang menganiaya kamu. (Matius 5:44)

Si istri yang mendengar itu menjadi luluh hatinya dan terharu, kemudian mengambil piring dan memberikan pisang goreng itu kepada suaminya sambil berkata, "... Pergilah, dan jangan berbuat dosa lagi mulai dari sekarang" (Yohanes 8:11). "Hindarilah soal-soal yang dicari-cari, yang bodoh dan tidak layak. Engkau tahu bahwa soal-soal itu menimbulkan pertengkaran," (2 Timotius 2:23)

7)    Huria ni Tuhanta, dipangkulingi turpuk on do hita marhite topik minggu: “Rimpas Jala Hobas Tu Nasa Ulaon Na Denggan” (Diperlengkapi Untuk Setiap Perbuatan Baik). Songon panandaon si Timoteus di Hata ni Debata na mamangkulingi hita jolma manisia, asa tangkas ma panandaonta di asi dohot holong ni Debata tu hita jolma. Marhite HataNa i do dipangkukingi hita, dipodai, dipaingot, disosoi asa marngolu na hombar tu lomo ni roha ni Debata. Hata ni Tuhanta i do na mangalehon Hatiuron (Pslm119:105) dohot panogunoguon tu hita, asa margogo, jala marbisuk, gabe halak na burju jala na hobas tu angka ulaon asi n iroha. Ai molo nunga maringan Hata ni Debata tu hita laos i do mendorong hita asa rimpas jala hobas tu nasa ulaon na denggan. Ala Hata ni Debata i do manungguli rohana asa marroha maereng, marnida jala manghilala angka na hurang di panggulmiton ni ngolu na porsea i. Isara ni si Bunda Teresa (1910-1997) Pada tahun 1970-an, dia menjadi terkenal di dunia internasional karena pekerjaan kemanusiaan dan advokasi bagi hak-hak orang miskin dan tak berdaya, bahkan Misionaris Cinta Kasih yang didirikannya terus berkembang sepanjang hidupnya. Sebelum meninggal dunia, dia telah menjalankan 610 misi di 123 negara, termasuk penampungan dan rumah bagi penderita HIV/AIDS, lepra, dan TBC, program konseling untuk anak dan keluarga, panti asuhan, dan sekolah. Pemerintah, organisasi sosial, dan tokoh terkemuka telah terinspirasi dari karyanya. Ala ni i sude naung manjanghon Kristus Jesus na gabe Sipalua i, sai ringgas jala rimpas laho mangulahon ulaon na denggan tu humaliangna. Ala marhite i ma angka na porsea i manghilalaon las ni rohana, mengucap Syukur atas keselamatan (Haluan) na jinalona sian Jesus Kristus i. Ala ni i tarjou do sude ruas ni huria asa lam mananda holongni Debata marhite Jesus Kristus i jala tarjou laho mangulahon ragam siulaon na denggan di tonga ni portibi on. Amen.