Jamita Evangelium Minggu IX D.Trinitatis – 28 Juli 2024

Marhuaso do Jesus Manarihon Ngolunta    

 (Yesus Berkuasa Memenuhi Kebutuhan Kita)

Johannes 6 : 1 – 15

 

a)      Huria nahinaholongan dibagasan Jesus Kristus. Mansai tangkas do na lima evangelium mateus, Markus, Lukas, Johanes manaringoti Jesus mangalehon mangan lima ribu halak. Memang na masa on uju jonok ne nama Ari Raya paskah di halak Jahudi (Joh.6:4). DI Evangelium Johannes pandohan partingkian i didapot di angka masa na marsintuhu. Pangurason Bagasjoro ni Debata (Joh.2:13) masa do dihatiha i. Dungi na masa mangalehon mangan torop halak songon na di turpuk on. Panganon na parpudi dohot angka sisean (Joh.13:1) masa do i di naeng mamasuhi Paskah ni halak Jahudi (alai ndang panganon paskah on-di  si Johannes masa uju mate Jesus di parsilangkon). Masa na mangalehon mangan torop halak dipatuduhon sada sian tolu namasa na penting manjoloani paskah na imbaru, ima hahehehon ni Jesus. Dipangurason Bagasjoro, dirimpu natorop do naeng patupaon ni Jesus pembaharuan sosial secara massiv tu halak Jahudi dohot tingki na jompok. Hape na so disadari nasida Bagasjoro i naung diramunni pangalaho na so porsea jala digantihon dohot dirina na ingkon hehe gabe Bagas na mangolu tu saluhut jolma.

b)     Ay.1-4; Di Panganon na parpudi, angka sisean i sandiripe ndang disadari dope habalgaon ni Jesus marhite panghobasionNa, ima sikap naung niajarhonNa di na parpudi i. Jala torop halank naung butongan dibagasan turpuk on, dipandang do Jesus sai hira songon panurirang sambing na ro tu portibi on (Joh.6:14) jala laos nanaeng bahenonna gabe raja. Harohaon ni angka jolma pe, dohot angka sisean i pe ndang apala mangerbang songon halak na mapitung sian hatubuanna jala dibuha Jesus parnidaanna. Mulana i ditanda do Jesus holan sian pangubation na supranatural i (Joh.9:11,15). Dungi dungkon disungkun horong Parise, dipikiri halak i ia Jesus ima sahalak panurirang ( Joh.9:17). Alai dungkon pajumpang muse dohot Jesus jala manghatai dohot ibana gabe marroha ma ibana mananda Jesus jala marsomba huhut manjouhon tu Jesus “Ahu porsea Tuhan” (Joh.9:38). Angka halak na di Bagas Joro ni Debata, angka torop halak ditopi ni Tao Tiberias na di Galilea, jala angka siseani peringkot do lam tu majuna mamparrohahon ise do Jesus i. Sian angka halongangan na pinatupa ni Jesus boi gabe penafrisan ganup jolma di rohana, jala boi do ndang tudos tu na sinangkapan ni Jesus. Ringkot do songon  pengakuan ni na porsea i.

c)      Ay.5-7; Jesus namangalehon mangan lima ribu halak dapot hita do i di evangelium Mrk 6:30-44 Mat 14:13-21 Luk 9:10-17. Disi dibaritahon do naung botari jala mansai maol mangalului sipanganon jala ndang somal marbuka inganan marsipanganon di botarina i. Asa disuru angka sisean i ma Jesus mandok naotorop i mulak jala mangalului sipanganonna be. Alai baliksa dipangido Jesus tu angka siseanna i laho mangalului sipanganon tu halakna torop i, on ma na tangkas binaritahon evangelium Johannes. Asa disungkun Jesus ma tu si Pilipus: Sian dia ma tuhoronta roti, asa mangan angka on?

c)(ay.5). Songon i ma Jesus mangarahon angka sisean i laho manghobasi dohot paradehon spanganon tu angka natorop i. Unang loas angka nasida ditadingkon jala dipasombu dungkon denggan ulaon panghobasion ni Jesus dohot sisean i. Dipaulak ma muse las ni roha kepuasan i tu natorop i. Alai ndang mura ulaon i. Dietong si Pilipus ma hepeng arga dua ratus dinar, alai ndang cukup mambalanjoi  tu na torop i. Tabot do ia sada dinar ima upa na somal di sadari i tu parkarejo na biasa, jala boi do holan cukup tu keluargana lima halak. Molo dihalihon dua ratus dinar boi ma dapot mangalehon mangan holan tu saribu halak, ndang sae tu lima ribu halak. Tung so dapot dope i molo dibolai roti i gelenggeleng. Ndang tingkos be goaron na mangalehon mangan tu natorop i. On ma molo nipingkiran sian halihali ni jolma. Boi do gabe angkat tangan hita jala menyerah. Alai ndang na oto si Pilipus na sian Betsaida, pusat kota perdagangan ni dengke di topi ni tao inganan ni na masa i. Dijou Jesus do ibana asa mangihuthon Jesus (Joh.1:43-48). Jala dipatomu ibana do si Natanael tu Jesus.Jala hea do dipangido halak “Junani” ibana (ima halak Jahudi naung adong parbinotoanna na maju) laho patandahon nasida tu Jesus (Joh.12:21). Memang halak na targoar do si Pilipus ditonga ni masyarakat. Boi do ra adong usahana na balga di pajak ni dengke i. Jala ibana ma dipangido Jesus laho mamingkirhon balanjo ni natorop o. Alai na boi tarbahen ibana holan 200 dinar tu sipanganon na torop i.

d)     Ay.8 – 9 ; Umpeop lima roti, dua dengke. Dijumpangi si Andreas ma sahalak dakdanak na marnampunahon lima roti dohot dua dengke, alai tong ma gabe sipikiran songon si filipus, boha do parjadina tu lima ribu halak lehonon lima roti, dua dengke ? Boi do gabe sungkunsungkun tu roha, ai ise ma dakdanak na metmet i ? Sian dia ma harorona? Boasa boi tioponna lima roti dohot dua dengkke, molo balanjona do i, mansai bahat doi diibana jala ndang sitigatigaanna i. Alai dakdanak na metmet i na sinuru ni inongna na mian jono disi laho pasahathon lima roti dohot dua dengke i tu si Andreas dohot si Filipus na hea bongot tu bagasna. Andorang so i taingot do Jesus na marsuru angka siseanna paduadua laho mangebati angka bagas laho paradehon haroroNa. Boi dohonon bungkusan ni sipanganon lima roti dohot dua dengke songon tanda hamauliateon ni pangebation nasida i na so mamboan sipanganon. Alai aha ma tarbahen lima roti dohot dua dengke tu torop jolma disi ?

e)      Ay.10 - lai dibuat Jesus ma roti i, jala didok ma mauliate tu Debata Ama i, lao songon i tu dengkke i dibuat jala didok mauliate tu Debata Ama i. Dungi disagihon ma tu natorop i. Dipauba Jesus do tanda hamauliateon ni dakdanak na metmet i gabe sipanganon tu lima ribu halak na dewasa. Jala marlobian dope sampuludua ampang roti na boi dope lehonon tu manang ise. Di na mandok mauliate tu Banuaginjang nunga manguba bungkusan ni roti dohot dekke i gabe bungkusan holong na mansai luar biasa balgana tu saluhut jolma na adong disi. Na so mungkin masalah i gabe hapataran pasupasu sian hapolinon ni rohani dakdanak na mamboansa jala mandok mauliate ni Jesus tu Debata Ama i. Andorang so disagihon sipanganon i, disuru Jesus do natorop i asa hundul dijampalan i (ay.10). Angka halak na dipaboa si Johannes i songon dorbia na dipatongon tu jampalan na lomak marhite parmahan na denggan i. Dihilalahon do hasonangan, hademahon ni natorop i raphon Jesus nahinaholongan nasida, natinangihon, jala ihuthonon nasida. Dan setelah mereka kenyang Ia berkata kepada murid-murid-Nya: “Kumpulkanlah potongan-potongan yang lebih supaya tidak ada yang terbuang.” Na masa on sada halongangan bolon, jala didok si Johannes on ma bukti napatuduhon Anak ni Debata do Ibana. Molo tapahusorhusor na masa on, peranan ni dakdanak na metmet i na olo mangalehon bohalna lima roti dohot dua dekke. Dipasahat ibana i tu Tuhan Jesus asa mangan lima ribu halak. Alai molo tapingkiri nuaeng on sifat ni dakdanak na boi ndang mangalehon bohalna tu Jesus ima:

Ø  Sifat egois ni dakdanak, na maol marbagi tu halak. Lima roti dohot dua dekke ima mangan siangna na nilehon inongna. Ima patuduhon parmahaninon ni natorasna marhite holong. Boi do ala ni i ndang lehononna bohalna i tu halak, ala ringkot do di ibana sipanganon i.

Ø  Na boi gabe alasan ndang lehonon ni dakdanak i bohalna ala holan lima roti dohot dua dekke do tu lima ribu ndang cukup. Asa didok si Andreas ma; alai sadia ma i tu na sai torop?

Ø  Kemungkinana na asing ra holan i do na adong, roti na sederhana na somal dipangan angka na pogos. Boi do tubu di roha ni dakdanak i na bangkol rohana mangalehon rotina i.

Alai tadok ma mauliate tu Tuhan i, dibagasan las ni roha do dakdanak i mangalehonsa. Dipasupasu ma sipanganon i gabe marlobian jala boi mangalehon mangan lima ribu halak (ipe holan baoa dope na taretong i, ndang dohot dope ina dohot angka dakdanak (Mat.14:21) sahat tu nabosur nasida lobi sampulu dua ampang.

Huria ni Tuhanta, dibagasan tulus ni roha do dadanak i mangalehonsa, alai molo halak na asing, dakdanak na asing, nang hita pe boi do tergoda asa ndang mangalehon, ndang olo mangalehon, jala marbagi boi do ala:

Ø  Na adong dihita i ima na nilehon ni halak na tahormati

Ø  Ndang olo hita marbagi ala mansai otik na tatiop i.

Ø   Ndang olo hita marbagi ala ndang bagak idaonta sian halak na asing.

Boi do tubu di roha keraguan, bangkol ni roha laho masilehonlehon, alai Tuhanta do na menilai silehonlehonta i. Molo sian bulus ni roha do gabe pasupasu do i tu torop halak.

 

f) Huria ni Tuhanta , Topi ni minggunta: Marhuaso do Jesus Manarihon Ngolunta, paboa tu hita:

Ø  Unang ma mabiar mangihuthon Jesus, nasa na mangihuthon Jesus dibagasan bulus ni roha ingkon dapotan parsaulian do. Na mangihuthon Jesus ima na manangihon hata ni Debata,manangihon jamitaNa, pangajarionNa. Mangihuthon Jesus nadada na sai malua sian angka hamaolon, hasusaa, haraparon, alai dilehon pos ni roha na ramotanNa do hita. Unang mabiar mangihuthon Jesus, sai urupanna do hita mandalani ariari ni ngolunta. Nang pe naung male lima ribu halak i, alai satia do nasida paimahon mujizat sian Tuhan Jesus ala porsea nasida jala ndang mabiar anturaparon.

Ø  Unang mabiar, dipasingkop Tuhan Jesus do sudena. Jotjot do hita busisaon, humasusa siala hidup paspasan, ndang mampu mangurupi halak na asing. Naeng ma marroha hita songon parrohahon ni Tuhan Jesus, sai pos rohana mangalangka asa pasingkopon ni Tuhan i jala ditambai. Sederhana do lima roti dohot dua dekke holan manarihon tu tolu halak sambing do i. Alai molo naung tapasahat tu Tuhan Jesus gabe lam marlompit ganda do bahenonNa. Jadi arga do silehonlehon na sahat sian angka na metmet molo dihalasahon pasahathonna tu Tuhan i, lam ma molo na bulus rohana pasahat na balga, mansai luar biasa ma panghorhonna.

Ø  Kebutuhanta dipasingkop Tuhan Jesus do marhite hau pinarsilang i, kebutuhanta ima hasonangan na maongtong na di surgo i. Asa marhite hamamate ni Jesus manea dosanta, ditobus dosanta, dipatama hita mandapot harajaon banua Ginjang i. Ala ni i tapangasahon ma Tuhanta Jesus di nasa pardalanan ni ngolum asa sonang rohanta jala marhatopothon Jesus do Tuhanta na marmahani hita. Amen.

Jamita Epistel Minggu IX D.Trinitatis – 28 Juli 2024

Marhuaso do Jesus Manarihon Ngolunta    

 (Yesus Berkuasa Memenuhi Kebutuhan Kita)

2 Samuel 11: 1 – 15

 

a)      Huria nahinaholongan dibagasan Jesus Kristus. Manang ise pe jolma sai adong do kelemahanna, kecuali Jesus Kristus. Tangkas do tataringoti di turpuk on ima Raja Daud manang Raja David. Sahalak raja na ditodo Debata laho manggantihon Raja Saul. Sahalak raja na didongani Debata laho marmahan bangso Israel. Alai boi do gabe madabu tu bagasan dosa. Sahalak Raja na miniahan ni Debata marhite napsooNa si Samuel alai boi do gabe madabu tu na menggunakan huaso semenamena. Ala ni taparohahon ma hatorangan ni turpuk on:

b)     Dipaboa do dibagasna turpuk on nanaeng ro si Joab dohot soldaduna laho mamorangi halak Amon uju angka uluan marlao di parporangan. Ala ni parporangan i, tardok ndang apala sai jotjot masa, boi do ala ni situasi alam nang kondisi cuaca na so mendukung di parporangan i. Alai adong ma disada tingki na maju tu parporangan soldadu ni si Daud i na niuluhon si Joab, alai anggo si Daud singgal do si Jerusalem. Boasa gabe tingga si Daud ? ala paimahon nasida dope dohot angka soldadu na asing parbue ni ulaon parporangan ni soldadu na binoan ni si Joab. Molo talu do soldadu ni si Joab, asa ro ma mangganti soldadu na mandongani si daud laho mamalos musu. Alai molo gabe talu do soldadu ni musu ima Amon, asa boi gabe bukti hamonangan ni soldadu ni si Daud ( 2 Sam.12:28). On ma sada strategi di tonga niparporangan molo adong hagogoon ni soldadu nang toropna gabe pendukung. On ma na niulahon si Daud marporang dompak halak Aram. Molo tajaha di 2 Sam.10: 7 disuru si Daud do si Joab laho marporang, di ay.17 uju lam torop bilangan ni soldadu ni musu, ro ma si Daud dohot marporang. Alai strategi on patuduhon na lupa do si Daud naung leleng ibana songon parmahan jala sifat ni parmahan i do na mian diibana. Hinorhon ni sifat parmahan i do ibana dihormati siala na olo do ibana raphon angka paranganna manaon angka hamaolon. Angka hamonangan di parporangan nang angka parporangan na asing i do mambahen si Daud gabe diatas angin. Gabe dipasombu ibana do si Joab dohot parangan Israel marporang mangalo Amon, laos dipapeak si Daud do di podomanna laho modom. Hape mansai andul marasing di pangalaho na pinatuduhon nis i Uria di ay.9,11. Ndang olo modom si Uria di ingananna, hape si Daud modom arian do jala nok do matana hape si Joab nang parangan Israel di parporangan bertaruh nyawa.

c)      Tega do si Daud marsonangsonang diatas penderitaan ni rakyatna. Ndang sae holan na modom jala sonang panghilalaanna. Ala sai monang di parporangan ibana, gabe lam dao ma ibana sian Debata. Ndang olo be rohana marparsigantungan tu Debata. Di sikap songon i ma boi torop jolma gabe madabu tubagasan dosa. Uju marhasil hita laho patupahon angka ulaon nang angka parkarejoan marhasil. Boi do tarunjun hita angka na porsea gabe holan marsigantung tu pikiran nang gogonta sandiri asa sian na hot marsigantung tu Debata. Boi ala soang jala demak roha nang pangkilalaan so binoto be mandok mauliate tu Tuhan i. Adong ma na manghilalahon ala ni hapistaranna marhasil gabe sarjana, gabe master gabe doktor, jala boi karejo di luar negeri dohot gaji na timbo. Di angka negara maju molo taparrohahon isaran di Benua Eropa naung godang manadinghon hakristenon. Singkatnya adalah proses sekulerisme dan individualisasi. Agama Kristiani hanya menjadi panduan moral budaya pada era modern (tahun 1800–1940). Munculnya panduan moral budaya yang baru yang dapat menggantikan institusi agama (1950–1960).Masuknya ideologi Postmodern yang merombak modernisme dan tradisi agama melalui proses individualisasi (1960–1970). 40–50 tahun kemudian, setelah dua generasi berikutnya, tidak lagi ada yang ke gereja.

d)     Dison ma hadadabu ni si Daud na so ingot be di Hata ni Debata, jala ro ma dosa i manaluhon ibana. Tar sor ma dibereng si Daud si Batseba na maridi, nauli do rupana, boru ni si Eliam jala pardihuta ni si Uria didok halak tu si Daud. Si Eliam ima anak ni si Ahitofel, penasehat ni si Daud. Molo si Uria ima sada sian 30 parangan ni si Daud, sada sian soldadu ni si Daud na togos. Molo songon i do sintongna jala tangkasna, boasa barani si Daud mambahen songon i tu pahompu ni penasehat nang tu paranganna, nda ido na gabe sipaingot ni Debata tu si Daud ? Hape soada be biarna laos baliksa dijou do jolmana laho manogihon si Batseba asa didongani. Hape dung dilaonlaon ni ari, tarboto ma naung mardenggan pamatang ma si Batseba, biar ma roha ni si Daud sotung tarboto pangalahona i, ndang na gabe muba roha ni si Daud, alai bersuaha do laho manutupi dosana i, jala ndang olo mangokui pangalahona i.

e)      Disangkapi si Daud ma sada rencana na asing. Dijou ma si Uria, songon laho manangkasi situasi di parporangan na masa. Hape nian ndang pola adong be perhatianna tu kondisi ni parporangan i. Didok rohana ni si Daud ima asa mulak si uria jala modom dijabuna dohot si Batseba. Asa marhite i ma paboahon molo mardenggan pamatang si Batseba ima sian si Uria i. Alai baliksa do na masa hape. Di ay 11 dohot nabinahenna di ay.9,12 patuduhon komitment nang integritas ni si Uria, songon i ma sasintongna angka parangan ni si Daud. Na sai satia jala disiplin asa gabe sada kunci keberhasilan ni angka parangan ni Israel laho marporang. Hape ala ni i, gabe adong ma rancangan ni si Daud ima laho asa pamatehon si Uria. Ala ndang  marhasil rencana na mambahen si Uria mulak tu jabuna. Dungi di bahen si Daud ma surat ja ditongos tu si Joab marhite si Uria na manaruhon surat i. Isina ima asa mate do si Uria di tonga ni parporangan. Uju di parporangan na mangihut dibahen si Joab ma pangidoan ni si Daud i, patongon si Uria dompak parjolo di pertahanan ni parik ni kota i, asa angka musu na ro ma parsior manombak siorna sian parik ni kota laho mamunu angka soldadu i, dohot ma disi si Uria.

f)       Hadadabu ni si Daud. Na marbonsir sian na marpadan dohot musu ni Israel ima raja Amon. Diuduti muse naung denggan jala menak dirohana bangso dohot hagogoon ni soldaduna, pola sahat na mandongani modom iananta ni halak, jala diuduti muse marsangkap roa laho mamunu si Uria. Mansai balga do dosa ni si Daud dison, mandao sian dalan ni Debata. Dituntun do lomo ni rohana. Sasintongna uhuman mate na ma sidabuon tu si Daud dison. Mansai berbeda do idaonta hadirion ni si Daud dison sian na somal. Na taida ima sahalak raja na sonang di harajaonna, disegai lomo ni rohana. Dihurung di harajaonna dohot dihurung hagiot ni dagingna. Laho manghuphupi i gabe pamunu do si Daud. Songon na gabe pahlawan do ibana. Uju tarbunu si Uria di parporangan, dibuat si Daud do pardihuta ni si Uria ima si Batseba gabe ripena. Pangalaho i asa dibereng rakyatna na burju roha ibana mangurupi si Batseba dung mate amantana si Uria. Pangalaho ni si Daud parohon rimas ni Debata ala manutupi dosa nang hasalaanna na berpurapura baik diadopan ni rakyatna.

g)      Hamuna angka nahinaholongan. Sian turpuk on marsiajar do hita ia angka na jonok tu Debata pe boi do gabe madabu tu sangkap na roa,madabu tupangunjunan, madabu tu dosa. Napaboahon sian barita on muse, ia sude hita na porsea di Tuhan i boi do madabu tu bagasan dosa. Ganupa ari boido tarunjun roha nang haporseaonta. Ndnag adong na aman di duru nang dibagasan rohanta i pe boi do tarela ala ni elaela ni sibolis. Masirapusan do rohanta mangoloi sibolis manang mangoloi Debata uju panghilalaanta na manaon angka hamaolon, mamorangi sangkap ni roha nang sibolis i boi do hita lam tu segana dibagasan dosa. Boi do gabe so sonang panghilalaanta. Dison ma ringkotna hita na porsea asa jaga jala dungo asa sai solhot tu Debata. 1 Ptr.5:8, “Sadarlah dan berjaga-jagalah! Lawanmu, si Iblis, berjalan keliling sama seperti singa yang mengaum-aum dan mencari orang yang dapat ditelannya.” Peringatan Petrus ini mengingatkan kita sewaktu Tuhan Yesus di Taman Getsemani mengingatkan Petrus untuk berjaga-jaga dan berdoa supaya jangan jatuh kedalam pencobaan. Beberapa saat sebelumnya, Tuhan Yesus telah berkata kepada Petrus di meja perjamuan terakhir: “Simon, Simon, lihat, Iblis telah menuntut untuk menampi kamu seperti gandum” (Lukas 22:31).

h)     Songon sahalak ulua, pimpinan, sahal raja, nang panggomgomi, ulaonna ima mambahen asa sejahterah rakyatna. Unang gabe disusai  rakyatna, disegai jala dibunuh. Pangalaho si Daud songon raja naeng ma denggan manjagai, marmahani angka rakyatna i. Dison gagall do si Daud songon parmahan ni bangso ni Debata. Hape tubu sian pomparanna do sogot Sipalua i, ima Jesus Kristus. Jesus ido Parmahan na denggan na olo mangalehon hosana nang ngoluna humonghop hita jolma pardosa. Ala ni i hita ruas ni huria, tarjou do hita patuduhon sikap na terpuji, na boi manaruhon dohot mangarahon keluarga, dongan, nang masayarakat tu pangalaho na positif, na marguna. Pambahenan na manghorhon pasupasu, las ni roha tu humaliangna. Sikap ni na porsea ima laho pangoluhon, memotivasi asa tanda ma didirinta na mangula Tuhanta Jesus i. Amen.

Jamita Evangelium Minggu VIII D.Trinitatis – 21 Juli 2024

 

Jahowa Marmahani BangsoNa    

 (Tuhan Menggembalakan UmatNya)

Jeremia 23: 1 – 6  

 

1)     Huria na hinaholongan dibagasan Jesus Kristus, Sada punguan, kelompok, houm manang bangso mansai mangharingkothon na ginoaranna uluan. Songon dorbia birubiru do dipatudos na mangharingkothon parmahan laho manogihon, laho manguluhon, laho patongonthon tu jampalan na lomak. Laos songon i do bangso Israel mangharingktohon na ginoaranna sahalak uluan na mangaramoti bangsona. Panggomgomi manang uluan do na bertanggung jawab laho manggohi angka na ringkto di bangsona. Ala ni i sahalk uluan manang pemimpin ingkon marbisuk do laho mangalugahon na niuluhonna.

2)     Ia molo taparrohahon turpuk on boi gabe sipatondit na paingothon angka pemimpin dohot na naeng gabe pemimpin. I do na jotjot niandungkon ni si Jeremia, anak ni malimsian Anatot on. Manurirangi do ibana di harajaon Juda, sian uju Raja Josia (626-609 sM) sahat tu tingki ni Raja Sedekia (597-586 sM). Diida ibana do halelengse ni Jerusalem dibahen harajaon babel. Jojot do ibana digoari songon panurirang na sai mangandung, na mangandunghon kondisi dohot nasib ni bangso Israel. Tarlumobi ma i, songon na di turpuk on, diandungkon do kondisi ni angka pemimpin ( na somal digoari: parmahan nangkin).

3)     Ai nunga sange angka pemimpin ni Juda, ndada holan mardosa be, alai nunga mamboan dohot manosoi bangso i laho mangulahon dosa. Asa tumangkas tajaha dibindu 21-22. Mangahut tu diri nama diula pemimpin, gabe mangararat ma korupsi dohot kolusi. Keadilan dohot hasintongan nunga boi dituhor. Siapa punya uang, dia punya hukum. Alai anggo na umborat, nunga marsomba tu debata Baal dohot debata ni bangso penjajah i nasida. Jala rakyat pe ingkon dohot marsomba tusi. Ise na mangalo, boi dihukum mati. Nunga sai dijouhon asa olo nasida pauba roha nian. Alai ndang dianturehon, sai didatdati nasida do mardosa. Ala ni i, ingkon madabu ma uhum ni Debata tu nasida. Ingkon dibuang ma nasida tu Babel. Alai, ndada laho mangalengsehon, laho paimbaruhon bangso i do, asa adong kesadaran kembali dung i olo pauba roha. Ai ndada holan hukum dilehon Debata, alai dibagabagahon do haluaon dohot haimbaruon ni bangsoNa i. Ima sinuriranghon ni si Jeremia di turpuk on. Umpaton ni Debata ma kepemimpinan i sian pemimpin ni Israel. Debata sandiri ma pemimpin bangsoNa i. Jala boanonNa mulak sian parserahan, jala suruonNa ma suruanNa, ima tumbur na tigor (tunas adil) laho marmahani bangso i sev=cara bijaksana, dibagasan uhum dohot hatigoran.

4)     Huria na hinaholongan ibagasan Jesus Kristus, tauji ma jolo mamutihi manang piga hal siguruhononhon dohot sipeoponta sian turpuk on:

Ø  Ingkon olo do hita gabe Jeremia na imbaru laho manjouhon mahubaon ni roha tu masyarakat na lumlam. Ingkon adong do kritik sosial, alai rumingkot adong tindakan na konkrit laho mamboan masyarakat mulak tu Debata sian dalanna na sala.

Ø  Ndang diloas Debata bangsoNa terpuruk di pardangolan. Ndang habuangan ujung ni langka nibangso i. Holan dalan ni Debata do ipapitahon. Pintor ro do Debata paluahon, ai Debata Sipalua do Ibana. Umbalga sian haluaon ni Israel sian Misir dipatupa tu bangso Israel nang tu hita. Nunga terbukti di sejarah, tung so hea do laos mago (hangus) bangso ni Debata.

Ø  On do pos ni rohanta mangihuthon Debata. Habis gelap terbitlah terang. Dibalik duka merana, Tuhan sedang mempersiapkan surga. Ala Debata Sipalua do Debatanta i, Parmahan na so hatudosan, ndada Debata parhosom. Ala ni i unang mandele jala mandate rohanta molo sipata diloas Debata hita mangae parungkilon nang pardangolan sian halak na asing. Molo diloas hita manaon na hansit sian halak na dihumaliang hita, ndang na ditadinghon Debata hita disi. Alai ido sada ujuian ni hasatiaonta, jala ido usaha pemurnian asa lam pita songon bangso ni Debata. Jala laos dipangke Debata do i muse gabe dalanNa pararathon harajaonNa sahat tu sipelebegu. Ai marhite habuangan i, ditanda halak babel jala dipuji do Debata.

Ø  Dihuria na parjolo i, dung dilele pe angka sisean i gabe “melarikan diri” ma nasida sian Jerusalem, alai laos i ma dalanna mangararati Barita Na uli. Molo dipaloas Debata hita songon na “tarbuang”, adong do sangkap ni Debata disi: ima tingki di hita dipapitahon dirinta, dohot patuduhon hasatiaonta, jala laos i ma tingki marbarita na uli tu halak na asing. Laos di papos i do rohanta, boha pe gogo ni angka na mangaluntak bangso ni Debata, diujungna ingkon nasida di diluntak Debata. Ianggo bangsoNa i, ingkon mulak do marsonangsonang. Ai Debata sumuang gabe parmahanna.

Ø  Haluaon na umbalga dilehon tu hita jolma pardosa on ima Tuhan Jesus Kristus. Napaluahon hita sian habuangan dosa nang hamatean. Ibana do Mesias na nibagabagahon ni Debata Sipalua ni portibi on. Ibana do Parmahan na denggan roha (Joh.10). Ibana do marmahani (manguluhon), memimpin huriaNa sahat tu sadari on. Jala dipabangkit do deba sian huriaNa i gabe parmahan, marmahani huria tinobusNa i.

Ø  Dipaingot turpuk on do hita taringot tu siulaon ni angka pemimpin ima: a) Sahalak pemimpin na sejati, ima na unduk tu Debata. Na mamparhatopot paboa sian Debata do ulaon i dijalo. Jala holan lomo ni roha ni Debata do sipasautonna. Ala ni i, dengan segala cara dan kemampuanna, ingkonboanonna, motivasionna, togutoguonna, sosoanna, uluhononna sude na pinarmahanna i asa unduk tu Debata. B) Tujuan utama gabe pemimpin ndada laho mengurus manang pamokmokhon diri sandiri. Parmahan na denggan roha ima ingkon maniru Parmahan Bolon i, songon na di Psalmen 23 i, ima na manarihon sipanganon, hadumaon, hademahon dohot hasonangan ni na pinarmahanna. Gariada tahe ingkon maniru Tuhan Jesus, na olo maneahon hosaNa manghophop birubiruNa. Pemimpin sejati adalah yang memberi dan mengenyangkan domba-dombanya. Molo ndang songon i, butbuton ni Debata ma kepemimpinan i sian nasida. C). Siradotan nipemimpin ima:

ü  Hapistaran (bijaksana, ay.5), ima hapistaran na marharoroan sian Debata. Si salomo, si Josep, si Musa ma tiruan. Angka pemimpin na mangasahon hapistaran na sian Debata, ido na mabiar mida Debata. Pasti marlas ni roha ma angka pinarmahanna. Ajaranna ma ruasna mananda dalan ni Debata asa sude satia manghaholongi Debata.

ü  Memimpin dibagasan uhum (keadilan-mishpat-ay.5), mambahen uhum gabe panglima. Lehononna ma hak di ganup na berhak. Jaloonna kewajiban ni ganup. Panguhum ingkon manguhum marguru uhum na sintong. Angka na pogos, yatim piatu, na mabalu dohot orang asing ingon diondingi, dibela jala dianturehon. Na mora, na gogo, partubu na balga, penguasa ingkon diwajibkan manarihon nasida. Ndang jadi adong pangarupaon (penindasan) manang ketidakadilan . Setiap pemimpin harus berpihak kepada yang lemah, kelompok kecil dan golongan terendah. Di negaranta, Ketentuan Pasal 34 ayat 1 UUD 1945 berbunyi fakir miskin dan anak-anak terlantar dipelihara oleh negara. Merujuk bunyi Pasal 34 ayat 1 tersebut, singkatnya UUD mengatur tanggung jawab negara dalam memelihara fakir miskin guna memenuhi kebutuhan dasar yang layak bagi kemanusiaan.

ü  Mardalan dibagasan hatigoran (kebenaran-daqah-ay.5), jujur, ndang mangahut tu diri manang mambuat na so hak-na. Ndang adong agenda terembunyi, alai transparan jala bertanggung-jawab manang akuntabel. Pemimpin na songon i ima na mangalehon las ni roha, hadumaon dohot keamanan tu na pinarmahanna. Nuga tung masihol bangsonta on paimahon pemimpin na songon i di tonga ni bangsonta. Ala ni i taparade ma angka anakhonta di sundut na umposo. Tarlumobi angka na toras na umposo, taradoti ma paradehon nasida sian usia dini asa gabe pemimpin na songon i, asa tu tingki na ro, saut pinarbagabaga ni Tuhanta on marhite angka anakhonta i. Jala gabe pasupasu hita tu bangsonta on. Amen.

Jamita Evangelium Minggu VII D.Trinitatis – 14 Juli 2024

Hiras Ni Roha Manghatindanghon Hasintongan   

 (Berani Menyuarakan Kebenaran)

Markus 6: 14 – 29

1)      Marhite turpuk on dipungka si Johannes Pandidi do parbinotoanta na lam umbidang jala lam bagas laho mangantusi angka na tama manang na so tama sibuaton dohot sibahenon tarlumobi di horong pardongan saripeon. Diboto si Johannes Pandidi do naung dibuat si Herodes do si Herodias sinonduk ni si Filipus anggina i, jala ndang boi manguhom si Johannes marnida i. Ndang boi ibana manghohom pangalaho ni si Herodes dohot si Herodias na so sintong i. Siala ni i ma di paingot si Johannes do tu si Herodes; Mrk.6:18 Ai didok si Johannes do tu si Herodes: Ndang jadi di ho anggi borumi!

1)Dihita na hinaholongan, dipaingot manang paingothon halak, manang mamodai halak ima na tangkas disada parsaoran. Isarana ro natoras laho paingothon jala mamodai ianakhonna. Dungi ro anakhon mangalehon pandangan manang pandapot tu natorasna, tu dongan, manang alealena. Adong hata sipaingot ni pandita, parhalado tu ruasna, laso songon i ruas i boi paingothon parhaladona nang panditana. Sian i sude diarop do adong pandangan, nang masukan laho pauliulihon manang laho paturehon pangalaho nang sikap ni ngolu. Adong perobahan sian sipaingot manang teguran i jala denggan parsaoran torus. Molo ro pe sipaingot ndada laho manegai, alai laho paturehon na sega do asa lam tu denggan na parange nangpangalaho ni dongan. Adong do na denggan manjalo sipaingot manang teguran i, baliksa adong do na manulak hata sipasingot jala gabe jut rohana. Poda 27:5 Tagonan do pinsangpinsang na andar sian roha haholongon na marsibuni.

2)      Siala dipasingot si Johannes Pandidi si Herodias, jala siala sipasingot i gabe ro rimas dohot sogo ni roha si Herodias tu si Johannes pandidi. Disangkapi ibana do laho mamunu si Johannes. Alai molo si Herodes biar do rohana tu  si Johanne s pandidi siala halak ni tigor i ibana. Joh.6:20 Ai na mabiar do si Herodes mida si Johannes, ala na ditanda do ibana halak na tigor roha jala na bontor, jadi diondingi do ibana, jala bohabohaon do rohana umbege jamitana, huhut dihalomohon hatana.

2)Si Herodes do na dipaingot si Johannes, alai gabe pangarimason do si Herodias. Boasa ? Siala rap masihaholongan do si Herodes Antipas dohot anggi boruna si Herodias sinonduk ni si Herodes Filipus. Dibuat si Herodes do si Herodias gabe sinondukna na sah dope istri ni si Filipus. Pangalaho sisongon on ma na boi pamanatonta di parngoluon ni ruas ni huria. Pangalaho na mangalaosi patik ni Debata na papituhon : “Unang ho mangalangkup” ( 2 Musa 20: 14; 5 Musa 5: 18) Para rabi (guru Yahudi) pada masa itu memandang perzinahan sebagai dosa menyangkut kontak fisik dengan istri orang lain. Menurut Tuhan Yesus, perzinahan bukan sekadar masalah kontak fisik, tetapi masalah keinginan (nafsu). Angka ruas na mangalaosi patik i khusus na di HKBP mansai tangkas do i di RPP ni hurianta dipadalan. Asa huria na polin ima na manjagahon ruasna sian angka praktik-praktik na so tama na mangalaosi patik ni Debata, menjaga kemurnian Firman Tuhan dengan menjaga kehidupan kekudusan jemaat melalui Hukum siasat Gereja. Gereja yang benar adalah gereja yang menjalankan Hukum siasat gereja yang tersadur dari Firman Tuhan. Ndangholan tu ruas alai tu sandok anggota ni HKBP baik pangula fulltimer, parhalado nang ruas ni huria. Hidup dalam perkawinan tidak sah, tidak halal, tentu menjadi keprihatinan tersendiri bagi pihak yang bersangkutan. Namun, cara hidup mereka juga menjadi keprihatinan kita bersama. Sebab, banyak kasus perkawinan yang belum bisa dibereskan. Semoga Allah memberi pencerahan kepada semua pihak yang saat ini tengah mengusahakan agar para pasangan suami istri yang hidup secara tidak sah, tidak halal. On ma paergumulanta di HKBP, boha do angka ruas naung tarpasupasu manang mardongan saripe sian dalan na so patut ( na tarpasupasu di huta, dipasupasu raja, marbagas di huria na asing dungi masuk gabe ruas HKBP). Dilematis do pergumulan on asa barani HKBP manyuarahon kebenaran, hasintongan ni Hata ni Debata. Ido na dipangido turpukta di mingggu on. Tahasogohon ma pangalahona i jala tahaholongi ma jolma n ai asa muba sian pangalahona na jat i. Hesekiel 33: 11 ninna Tuhan Jahowa, tung na so lomo do rohangku mida hamatean ni halak parjahat i, so ingkon mida hamumulak ni parjahat i tumadingkon dalanna i nian, asa mangolu ibana. Antong sai mulak ma hamu tumadingkon dalanmuna angka na jahat i! Saudara-saudari yang dikasihi Tuhan, apabila kita mengetahui ada tetangga atau kenalan yang hidup dalam perkawinan yang belum beres, tidak halal, mari kita mendoakan mereka, bukan menyingkirkan atau mempergunjingkan mereka. Mari kita tetap merangkul mereka sebagai anak-anak Allah, sebagai warga Gereja yang berjuang dan merindukan hidup bahagia dalam perkawinan sah dan terberkati.

3)      Sipahusorhusoron

Ø  Pangajarion natoras. Molo tabereng na masa di keluarga ni si Herodes on, tung mansai mura do di rohana sude mardalan ala  ni kedudukanna songon sahalak raja. Peranan ni na toras do sada kunci keberhasil ni ianakhonna nang masa depanna laho marroha, marbisuk jala biar mida Debata. Alai molo tabereng anak boruna si Salome i, na manortori diadopan ni si Herodes dohot angka pejabat tinggi di negarai, tung so adong do ra ilana. Ai bajar dope ibana hira 12 taon, alai nunga diajari laho manortori holan laho pasonanghon torop angka tamue ni raja. Nda inongna do si Herodias mangajari ibana. Kegagalan dan kefatalan didikan orangtua manghorhon hasesega moral nang pangalaho ni ianakhon. Tung marroha ma nian si Salome, alai saotik pe ndang adong, pola ingkon sungkunonna ma inana si Herodias aha sipangidoonna tu amana si Herodes. Adong do huaso di si Herodes, alai naung sanga didok hatana nang janjina tu boruna i. Molo tegas do si Herodes di prinsipna, tontu ndang lehononna pangidoan ni boruna. DI sisi na asing si Herodias pe naung dendam kesumat do tu si Johannes pandidi, jala laos on ma kesempatan ni rohana. Jala on ma sada ajaran na so denggan. Molo adong masalah ni natoras unang pola gabe sahat tu ianakhon na turut campur tangan. Marbisuk ma nian angka natoras songon uluan di urma tangga nang angka na targoar pemimpin asa unang gabe buah simalakama keputusanna nang kebijakanna.

Ø  Ulang tahun na parjolo dipaboa di Alkitab. On ma sada barita na parjolo dibaritahon di Bibelta i na marulang tahun. Alai molo marulang tahun hita unang ma maniru si Salome on. Na mangido na so p atut sipangidoon. Manang tu natoras pe mangalehon silehonon tu ulang tahun inanghon unang ma patorbanghu, palobi hu, jala ndang patut. Adong do natoras ala hamoraonna boi ibana mangalehon kemewahan tu gellengna isarana hadiah mobil mahal, hape ndang dapot dope umur ala bajar dope laho mengendarai mobil. Dipangke ma mobil on marsiajar hape gabe marlanggar, mate ma godang jolma ala ndang denggan dope rohana marsiajar. Dohot na deba gaeb mate do anakna ala pintor disuru runningkon motorna i tu dalan hape hona langgar mobil, dohot angka na deba godang do contoh taringot tusi. Alani i marbisuk ma natoras masilehon lehon bagabaga nag angka hadiah tu ianakhon.

Ø  Songon topik di Minggunta on: Hiras Ni Roha Manghatindanghon Hasintongan (Berani Menyuarakan Kebenaran). Songon si Johannes Pandidi na barani manghatindnaghon hasintongan ni Debata. Nang pe nian konsekuensi ni hasintongan i mempertaruhkan nyawa. Barani berkorban nyawa laho tu hasintongan nang hatigoran ni Debata. Dibege Jesus do na masa di si Johannes ala naung dibaritahon angka siseanna tu Ibana. Alai ndang na gabe mansohot hararat ni Barita na Uli i. Marbisuk ma angka naposo ni Tuhan i songon Tuhanta Jesus laho mamaritahon Hata ni Debata. Mamaritahonsa marhite na mamereng angka pardalanan ni ngolu ni huria, masyarakat, bangso nang negarata. Boi do idaonta angka pangalaho ketidak adilan, ketidakbenaran asa olo hita berusaha, menyuarakan keadilan dankebenaran. Menyuarakan suara kenabian songon Johannes Pandidi i. Molo tabereng do nunga ragat angka pangalaho ketidak adilan di negara nang bangsonta on. Boha do perananta songon ruas ni huria na barani manghatindanghon hasintongan, baik melalui media sosial dohot angka na langsung tu angka pihak pihak na bekompeten di negaranta on. Ala ni i ma tong do hita ingkon ingot angka tanda ni huria na sintong ima: 1. Molo polin dibaritahon Hata ni Debata, 2. Molo dipadalan sakramen songo na dipodahon Tuhan Jesus, 3. Molo dipadalan do ruhut parmahanion ni huria (hukum siasat gereja). Sian na tolu tangkas ma huria na tang huri ana manjujung baringinna. Tarlumobi di hurianta naung mandiri/manjujungbaringinna di tgl.10-11 bulan Juli on. Nang pe deba huria na asing mangelaela hita huria HKBP songon na baru viral pernyataan Pdt.Stepehen Tong na mandok HKBP tidak berbuah dan bertumbuh. Taingot ma BE 672 i = Tung godang situtu ulaonmu antong

                                        Dipasahat Tuhanta tu ho

                                        Ndang adong be tingkim marnalemba tahe

                                        Ngolumi bahen tiruan tongtong

Sai patupa ma i ala ni Tuhan i

So mangkirim balosna tu ho

Debata do marnida na niulami

Manang na adong parbue ni i

                     Taulahon ma ulaonta tanpa mengusik huria na asing, denggan mardalan jala polin dipasahat Hata ni Tuhan i, asa gabe pasupasu ma hurianta marhite ruasna nang parhaladona. Sude ma hita angka na porsea pinargogoan ni Tondi ni Tuhanta i laho patupahon angka na denggan hombar tu Hasitongan, nang hatigoranNa i. Gereja milik Tuhan ini adalah milik kita bersama. Mari erat bergandeng tangan membangun hidup berlandaskan kasih Tuhan. Mari kita Doakan dan mari Kita bersama mengerjakan pekerjaan-pekerjaan Tuhan bagi kemajuan gerejaNya.

Denggan ma tapaingot angka ruasta na manimbil sian hasintongan nang hatigoran. Paingot, tegor angka dalnna na so sintong. Cara paingothon pe ingkon santun ma antong asa unang gabe maol siat hata nang sipaingottta. Molo kritik pe tapasahat, kritik na membangun ma unang laho manegai, manang manuhasi. Adong do dua horong kritik manang sipaingot; parjolo, Kritik Konstruktif ima laho pauliulihon, mangalehon dalan manang contoh nang masukan. Napaduahon, Kritikan Destruktif ima laho manegai, pasomuonna, jala ndang pola parduli di kemajuanna. Ala ni i kritik nanag masukan na kontruktif i ma na tapasahat jala denggan carana asa boi gabe masukan na mararti tu angka jolma sipasingoton i. Alai diginjang ni i sai Tuhanta ma na margogoihon hita patupahon i saluhutna. Unang gabe tapasombu dalan ni halak na sala i, jala na so tigor i. Alai tugasta do si songon angka na porsea saling mengingatkan.

Sada umpasa ni Batak mandok: Tinalik bulung sihupi pinarsaong bulung siala, Sotung sumolsol di pudi, nda sipaingot na soada. Memiliki arti yakni Secara harafiah : Jangan menyesal di belakang hari, peringatan sebelumnya bukan tidak ada. Dapat dikatakan atau biasa dikatakan kepada seseorang yang tidak menyesal atas sesuatu hal yang sebelumnya sudah diingatkan. Amen.

Jamita Epistel Minggu VII D.Trinitatis – 14 Juli 2024

Hiras Ni Roha Manghatindanghon Hasintongan   

 (Berani Menyuarakan Kebenaran)

Amos 7 : 1 – 6

 

 

 

a)      Digoari si Amos do dirina sahalak parmahan na sian Tekoa. Tekoa ima sada huta na tungkan dangsina Jerusalem 16 km jala tungkan manabia laut mate. Luat i na mansai bidang na jotjot digoari padang gurun Jehuda. Si Amos ndada na marharoroan sian horong panurirang alai sahalak warga biasa sian Jehuda Selatan na ditongos Debata laho manurirangi di Harajaon Israel Utara. Somalna halak Jehuda ndang marsaor dohot halak Israel. Boi ma tabayangkon hamaolon di tantangan na niadopan ni si Amos uju panghobasionna. Alai sai na hot do hasatiaon dohot haunduhon ni si Amos tu Debata.

b)     Sai marulakloni Tuhan Debata patuduhon sangkap uhuman tu atas ni bangso Israel. Alai laos marulaulak do si Amos mangidohon asi ni roha ni Tuhan i. Jala siat do tu roha ni Tuhan i na nielekhon ni naposoNa  na satia i. Marulaloni do Tuhan i manundati sangkap paruhuman i. Jala marhite i, diarahon do hita mamereng di dua pribadi na gok haholongon. Naparjolo; Tuhan na Parasiroha na sumurung. Napaduahon; si Amos na marroha tulus. Somalna halak Jehuda ndang marsaor dohot halak Israel. Alai si Amos patuduhon asi ni rohana tu halak Israel. Ndang tarpaidaida si Amos molo masa uhuman tu dongan sabangsona i ndang tega ibana marnida uhuman ni Tuhan i masa di tonga bangso Israel i. Ala ni ima marsitutu do si Amos manegelekelek Tuhan i asa marasi ni roha jala manesa hadosaon bangso Israel i.

c)       Huria ni Tuhanta adong ma tolu gombaran na pinatuduhon Tuhan i tu si Amos. Gombaran na parjolo ima Sihapor na mulai manggagat angka suansuanan (ay.1-2). Napaduahon ima Api; Dipio Tuhan Jahowa ma api laho manorui, nunga pola disudahon lung bolon i, disudahon dohot partalian i. (ay.4). Napatoluhon ima Tali rambu na marpungga (tali Sipat) ima lambang keadilan di bangso Israel hatiha i (ay.7-8).

d)      Dibagasan turpuk on adong do tolu pemeran utama. Naparjolo, si Amos. Dungkon manjalo panatapan sian Debata, ndang barani be si Amos mangido asa dilehon Debata “hasesaan”. Habadiaon ni Debata mambahen si Amos ndang boi be mandok hatana be. Pemeran utama kedua ima; Bangso Israel. Mansai gale do nasida alai sijogal rungkkung jala gagal do nasida mangolu dohot tama di adopan ni Debata. Pemeran Utama na patoluhon ima Debata sandiri. Nang pe diujungna didabuhon Debata do uhuman tu bangso Israel alai ndang tarhatahon haburjuon ni Debata. Duahali marpangulahi roha ni Debata laho mandabuhon panguhumanNa i.  Nabinahen si Amos ima sai marusaha mamparungkilhon marhite na mamperjuanghon dongan sabangsona asa malua sian mara nang rimas ni Debata. Diondingi si Amos do dongan sabangsona Israel martangiang mangidohon asini roha ni Debata asa dilehon kesempatan laho bertobat. Tuhan itu penuh kasih, tetapi Ia juga adil! "TUHAN itu adil dalam segala jalan-Nya dan penuh kasih setia dalam segala perbuatan-Nya." (Maz 145:17). Tali rambu na marpungga do na gabe simbol na Debata do manguhum Israel dibagasan hatigoran dohot marhite standar ni hasintongan ni Debata. Debata do na boi mangatur dohot paturehon jala sian Ibana do standard ni hatigoran i ndada sian na asing. Tali rambu na marpungga (tali sipat) ima HataNa. Na naung bengkok asa dipatigor muse marhite asi ni roha haluaon marhite hamamate Jesus Kristus di hau pinarsilang.

e)      Huria na hinaholongan, na binahen jalana niulahon ni si Amos ima na martudutudu tu na niulaho ni Jesus.⠀Kita bisa lihat dari perumpamaan di Lukas 13:6-9. Ketika sebuah pohon sudah mau ditebang karena tidak menghasilkan buah, Yesus berkata kepada Allah Bapa, "Tuan, biarkanlah dia tumbuh tahun ini lagi, aku akan mencangkul tanah sekelilingnya dan memberi pupuk kepadanya, mungkin tahun depan ia berbuah; jika tidak, tebanglah dia!" (Luk 13:8, 9). On ma sifat ni Tuhan i na gok asi ni roha jala marhatigoran. Jala dihita songon angka na porsea asa barani ma hita mandok hasintongan ni Debata di humaliangta, jala mangondingi bangsonta nang negaranta Indonesia on asa malua sian mara, asa marpamuati roha ni Debata laho manesa dosa-dosanta. Jala ndang holan i, songon si Amos na barani paboahon suara kenabian ima pertobatan ditongatona ni luatta be. Amen.

⠀⠀⠀⠀⠀⠀⠀⠀⠀