Jamita Minggu XVI D.Trinitatis, 19 September 2021

“Ngolu Dibagasan Panogunoguon Ni Debata”

Hidup Dalam Didikan Tuhan  

Parjamita 10 : 10 - 15                              

 

10:10 Molo dung matultul tangke dibahen manang ise, jala ndang digarut babana, ingkon mangasahon gogo na ma ibana manallikhon; alai na marhaseangkon hapistaran i do na dumenggan.

10:11 Molo mamargut ulok tagan so hona tabas, ndang be marlaba hapandean ni panubuti.

10:12 Lomo roha ni pinggol umbege pangkataion ni halak na pistar, alai bibir ni halak na oto mamondut ibana sandiri.

10:13 Mula ni pangkataion ni pamanganna haotoon do, jala ujungna hata lalaen sambing do.

10:14 Sai dipadeakdeak halak na oto do hatahatana; ndang diboto jolma i manang aha na masa sogot, tung  ise ma pabotohon tu ibana manang aha na masa dung salpu ibana?

10:15 Hangaluton ni halak na oto mangalojai ibana sandiri, ala so diboto topotonna dalan tu huta

 

Ia bibelta i na marisihon Hata ni Debata na nihaporseaan ni angka halak Kristen ima na gabe sulusulu ni hangoluan. Dibagasan Hata ni Debata na sai mangajari jolma asa umboto dia do na uli na denggan dohot sian na jat. Ia Hata ni Debata ima na laho mangajari ganup na porsea asa unang manulak pangajarionna.

Teks renungan kita hari ini adalah kitab Pengkhotbah, yang secara langsung tidak menyebutkan siapa penulisnya. Banyak ahli beranggapan bahwa kitab ini dituliskan oleh Raja Salomo dan beberapa ayat memang merujuk kepadanya. Seorang raja yang sangat terkenal dengan hikmat dan kebijaksaanaannya. Pengkhotbah adalah padanan untuk kata Ibrani Qohélét, yang berarti seorang yang mengumpulkan. Penulis kitab Pengkhotbah ini tidak menuturkan cerita, namun menyampaikan pemikirannya tentang makna hidup. Alkitab sendiri banyak berbicara tentang kebodohan dan hikmat. Ketika Alkitab berbicara tentang kebodohan, maka yang dimaksudkan dengan kebodohan itu bukan dalam arti intelektual, tingkat pendidikan atau gelar sesesorang; tetapi selalu berhubungan dengan pengabaian didikan firman dan tidak takut akan Tuhan. Pertama kali muncul di dalam Kitab Amsal, orang bodoh dikontraskan dengan orang yang takut akan Tuhan. “Takut akan Tuhan adalah permulaan hikmat, tetapi orang bodoh menghina hikmat dan didikan.” (bndk. Ams1:7). Dalam perikop bacan kita hari ini Pengkhotbah memaparkan ciri-ciri ‘bodoh’ yang menonjol.

Ia Buku Parjamita on na patuduhon tu hita mara ni haotoon nang pangalahona. Haootoon na manghorhon do i paubahon na mararga gabe so arga be. Haotoon dibagasan pingkiran, so pamotoanta, ndang sadar hita disi gabe diboto halak. Ido alana asa manat hita, unang ma gabe maoto hita laho mamuhai ulaonta, unang gabe umamlo hita didok rohanta, alai sai tongtong ma hita manuhori hapistaran i asa tinggil hita di haotoon i.

Disada tingki, adong ma sahalak ama nung maonding, mandok hata ma boruna di adopan ni bangke amongna i naung marujung ngolu, boruna i ma sahalak ina na manguluhon parpunguanna. Disaksihon ibana do halojaon ni amongna na mansai koras mangajari ibana asa gabe sukses ibana. Sian sihametmetonna naung diajari amongna do ibana asa gabe ianangkon na mandiri, disiplin jala optimis. Memang mansai ndang tabo ianggo prosesna i, jotjot do ndang roha diri be na masa, jala hea do ibana tumatangis ala ndang ditangihon amongna, jala ndang diantusi amongna. Alai, dung gabe magodang ibana gabe na marbaju

Diantusi ibana saluhutna i asa manopa ibana laho mangantusi mangadopi hamaolon na masa diadopanna, saluhutna i ala pangajarion ni amongna. Jadi sidok mauliate do ibana disaluhtna i. Godang do angka ama marusaha asa boi mangajarhon angka na uli na denggan tu angka iananghonna, nang pe sipata koras jala ingkon tumatangis ianangkonna i, alai saluhutna ala holong ni amongna i do jala tu nauli do ujungna.

 

Hita saluhut na hinaholongan, laos songon i ma Tuhanta i, na mangajari hita, songon pangajarion ni ama tu iananghonna, laos songon i ma Debata Ama i mangajari hita angka inanghonNa, na porsea di Jesus Kristus. Diajari Tuhantai do hita songon dalan manghaholongi hita. Disude angka na masa di ngolunta gabe dalan ni Debata laho pauliulihon dohot paluahon hita sian dosa ima pangajarion ni Debata.

PangajarionNa i boi do sian panaritaan, sipaingot, hasusaan, hamaolon, harugian dohot lan na asing. Mansai hansit do i rupani, toho do i. Ala saluhut na tahilala i mansai hansit jala jut rohanta hinorhon ni i, alai molo tarimangrimangi, mampanghorhon tu na denggan do i di ngolunta.

Marhite saluhutna, diajari Tuanta i do hita laho mangalo dosa na manjorat hita, asa boi hita malua sian i jala gabe muba rohanta mangihuthon Tuhanta i, mangolu dibagasan hamuliaonNa. Hapunjungan ni dosanta di ngolunta gabe bonsir ni ngolu na dibagasan habadiaon tu Tuhanta i.

 

Meski demikian, hikmat manusia juga memiliki batasan. Manusia tidak dapat mengatasi segala persoalan tanpa campur tangan Tuhan. Marilah kita tetap mengejar hikmat, walau menyadari keterbatasannya karena kita tidak dapat lebih hidup dengan baik tanpa hikmat. Bijak atau bodoh selalu berkaitan dengan firman Tuhan. Orang yang bijaksana adalah orang yang senantiasa mendengarkan nasehat firman Tuhan.

Songon barita na tatangihon sian turpuk epistel ta i (Lukas 2: 41-52), taringot SI Maria dohot Si Josep na sai jamot laho manjaga ianakhonna di pardangingon nang di partondion ima Jesus i. Sai di arahon do asa mangharingkothon ngolu partondion na mian Ibana di bagas joro i, ndang mago, ndangna tudiadia Jesus alai di Bagas Joro ni Debata, marsiajar Hata ni Debata, gaeb lam malo, pistar jala bisuk. Parmulaan ni parbinotoan do biar mida Jahowa. Bagas joro manang gareja ni Tuhanta sinuaeng naeng ma gabe inganan marguru tu hapistaran sude angka na porsea. Marhite bagas joro manang gareja mamabahen sude halak na porsea marhabisuhon mangadopi angka hamaolon nang tantangan kehidupan. Hata ni Debata mangalehon hatiuron, parbinotoan, paluahon hita sian haholomon. Marhite Barita na Uli i malua jolma sian haotoon, nda i do na masa di bangso Batak? Ndung sahat angka parbarita na uli songon Pdt.Dr.IL.Nommensen dohot angka donganna, malua ma bangso batak i sian haotoon, sian haholomon hinorhon ni Barita na Uli na sahat di nasida. Ido umbahen angka natoras ni halak Batak sai di haringkothon do laho pagodanggodang ianakhonna asa mangolu dibagasan hapistaran nang habisuhon songon ende i : “hugogo pe mansari arian nang bodari laho pasingkolahon gellengki”. Dipasingkolahon asa  malo, pistar jala marbisuk, saluhutna i ala naung sinondangan ni hatiuron Hata ni Debata.

 

Allah memanggil kita untuk tidak menjadi bodoh, melainkan menjadi bijak, yaitu mendengarkan didikan firman Tuhan.

Ada umpasa Batak mengatakan :  Ijuk di para-par, hotang di parlabian; Nabisuk na nampuna hata, na oto tu panggadisan. secara harfiah dapat diartikan sebagai berikut: Orang yang bijak pemilik kata-kata, yang bodoh kepenjualan. Umpasa ini memiliki arti lukisan masyarakat umum bahwa yang pandai umumnya pandai bicara dan tanpa sadar orang bodoh sudah dijualbelikan. Umpasa ini juga bisa mejadi nasihat tidak langsung agar tidak gampang percaya dengan yang pandai bicara karena kita bisa menjadi mangsanya.

 

Di angka tingki na parpudi on jotjot do martaringot tolu mansam kecerdasan na taharingkothon di ngolu on, i ma kecerdasan intelektual, kecerdasan emosional, dohot kecerdasan spritual. Marhite na tolu kecerdasan i tarbahen sasahalak do mamangke utohutokna, pingkiranna, rohana, panghilaanna ro di sandok hatauonna laho berinteraksi secara fungsional maradophon donganna jolma, maradophon na tinompa na asing, maradophon alam sekitar dohot maradophon Debata. Kecerdasan intelektual gumodang ma i dapot sian pendidikan umum, kecerdasan emosional sian pendidikan moral, jala kecerdasan spritual sian pendidikan agama. Taringot tu na parjolo, ninna roha, ndang siajaran be halak hita. Sian na jolo dope, barani do halak hita pasuda tano maraek dohot tano mahiang laho pasikolahon anakhonna. Ndang apala songon i anggo taringot tu pendidikan moral, lumobi ma taringot tu pendidikan agama. Jamita ari on manjouhon tu hita, taeahi ma perkembangan na seimbang di na tolu kecerdasan i, dung i mangolu ma hita, jumpangan di hagogok ni ngolu pardagingon dohot partondion, ngolu nuaeng dohot ngolu sogot na salelenglelengna. Talului ma habisuhon, hapantason, hapistaran dohot parbinotoan i asa mangolu hita.

Panogunoguon ni gabe dalan ni Debata asa mangolu hita sarupa dohot Kristus i. Asa marhte i ma gabe marlapatan ngolunta tu saluhut jolma. Tapangido ma tu Tuhanta i asa diramoti hita sian haotoon na pamatehon i. Asa tapaggirgir marsiajar jala mangantusi, dohot mandiori hata ni Debata. Heber 12: 5b-6 "Ale anaha, unang tois roham di pangajarion ni Tuhan i, jala unang ho mandele, jumpa dipinsang ho!" Ai diajar Tuhan i do na hinaholongan ni rohana, jala dilinsingi do ganup anak na jinangkonna.”

Jamita Minggu XV D.Trinitatis, 12 September 2021

Marhabisuhon dibagasan Jesus

Berhikmat Didalam Yesus

Markus 8: 31 – 38

 8:31 Kemudian mulailah Yesus mengajarkan kepada mereka, bahwa Anak Manusia harus menanggung banyak penderitaan dan ditolak oleh tua-tua, imam-imam kepala dan ahli-ahli Taurat, lalu dibunuh dan bangkit sesudah tiga hari.

8:32 Hal ini dikatakan-Nya dengan terus terang. Tetapi Petrus menarik Yesus ke samping dan menegor Dia.

8:33 Maka berpalinglah Yesus dan sambil memandang murid-murid-Nya Ia memarahi Petrus, kata-Nya: "Enyahlah Iblis, sebab engkau bukan memikirkan apa yang dipikirkan Allah, melainkan apa yang dipikirkan manusia."

8:34 Lalu Yesus memanggil orang banyak dan murid-murid-Nya dan berkata kepada mereka: "Setiap orang yang mau mengikut Aku, ia harus menyangkal dirinya, memikul salibnya dan mengikut Aku.

8:35 Karena siapa yang mau menyelamatkan nyawanya, ia akan kehilangan nyawanya; tetapi barangsiapa kehilangan nyawanya karena Aku dan karena Injil, ia akan menyelamatkannya.

8:36 Apa gunanya seorang memperoleh seluruh dunia, tetapi ia kehilangan nyawanya.

8:37 Karena apakah yang dapat diberikannya sebagai ganti nyawanya?

8:38 Sebab barangsiapa malu karena Aku dan karena perkataan-Ku di tengah-tengah angkatan yang tidak setia dan berdosa ini, Anak Manusia pun akan malu karena orang itu apabila Ia datang kelak dalam kemuliaan Bapa-Nya, diiringi malaikat-malaikat kudus.

Ia turpukta on taringot tingting na parjolo taringot panaritaan ni Jesus dohot angka ruhut laho mangihuthon Ibana. Dibuhai marhite pandapot ni Jesus taringot na nihobasanNa, naung godang dihilalahon godang jolma, sian na pamalumhon na marsahit, na mangalehon mangan na male, dohot angka ulan halongangan na asing. Disungkun Ibama do angka siseanNa, boha do pamerengan ni halak taringot na nulana, jala boha do pamerengan ni angka sisean i taringot tu diriNa. Sian sungkunsungkun i, dialusi si Petrus do ia Jesus ima Mesias (Mark.8: 29). Pamerengan dohot panandaon ni si Petrus on ma na mangonjar Jesus Kristus asa mamuhai pangajarionNa laho pasahathon lapatan ni hamesiason ni Jesus na sasintongna. On ma na ingkon berengonta dibagasan turpuk on:

a.       Panaritaan dohot hamuliaon ni Jesus songon Mesias ( Ay.31 – 32). On ma hatorangan nang pangajarion na parjolo taringot tu pardangolan ni Jesus Kristus naung tangkas dipasahat. Naung tangkas do Jesus mangajrhon dohot pasahathon taringot hamesiasonNa. Naung piga hali do Jesus laho manghatahon on, alai sai marhite parumpamaan manang angka gombaran na asing, Isarana Joh.2: 19, ,,,,mangarumpakhon bagas joro ni Debata...., jala di Joh 3: 14 “Ingkon patimboon do anak ni jolma i, jala di bagasan Matius 12: 40....songon si Jona na maringan dibagasan butuha ni ihan raja saleleng tolu ari tolu borngin, laos songon i ma Anak ni Jolma i na maringan dibanuatoru tolu ari tolu borngin (Mark.2:20; Joh.1:29; 6:51). Mansai maol do saluhutna i antusan ni torop halak nang pe angka siseanNa i pe di hatiha i. Jadi adong do dua na mansai ringkot sipasahathononNa dison: parjolo; Mesias Anak ni Jolma i inghon mangae pardangolan bolon, ditulak angka sintua, angka malim nang angka siboto surat, jala ujungna bunuonna ma Ibana. Napaduahon; Mesias Anak ni Jolma i dungkon mamolus sude angka pardangolan i, hehe ma Ibana sian angka na mate jala diparbadia i. Pangajarion ni Jesus taringot hamesiasonNa na manarita patuduhon diboto Jesus do tangkas pardangolanNa dohot hamateanna na naeng bolusonNa. Dibereng Ibana jala diantusi do tangkas taringot tu silang na ingkon bolusonNa. Songon Mesias, diantusi Jesus do na ingkon gabe “naposo ni Debata na manarita” manang dilapati do marhite pandohan “Anak ni Jolma” songon naung sinuriranghon si Jesaya bindu 53. Songon Mesias, Jesus “Anak ni Jolma” ingkon Manarita, na patuduhon ia Jesus naeng mangalehon lapatan ni hamesiasonNa, ndada songon na niantusan ni toropan halak jahudi. Sai na mangigil do nasida disada tingki suruon ni Debata ma Mesias aho paluhon Israel (ptds.Luk.24:21). Ima sada panghirimon na masa haluaon manang harajaon ni Mesias na dihasiholi nasida. Ido umbahen di tingki si Petrus naung porsea ia Jesus ima Mesias, ihutma pintor diajarhon Jesus dohot dipatingkos pangantusion nasida ia Mesias ndada mesias politik na holan mangharingkothon hamuliaon ni portibi manang manghamonanghon harajaon ni si Daud (Ul.Ap.1:6). Pangantusion taringot tu Mesias na marasing i dipatuduhon marhite sian pangalaho nang pambahenan ni si Petrus ditingki dibuha Jesus taringot tu hamesiasonNa, ido alana diboan si Petrus Jesus tu duru laho paingothon Ibana (ay.32). Ndang dapot roha ni si Petrus jala ndang sapandapot dohot na nidok ni Jesus na mandok jaloon ni Jesus do haduan angka pardangolan bolon, ditulak, dibunu jala ingkon hehe do muse. Dipangantusion dohot panghirimon nasida ia Mesias na naeng pajongjonghon harajaon di paortibi on (patudos : ido umbahen dielek inong ni anak nisi zebedus do asa boi dua ianangkonna dundul haduan di harajaon ni Jesus, sada di siamun na sadanari di sihambirang).

 b.      Dimuruhi Jesus si Petrus: “Laho ma ne ho sibolis (ay.33). Diboto Jesus do ise do na mangula dipudi ni pandohan ni si Petrus, ido umbahen dipaingot Jesus ibana “Laho ma ne ho sibolis...”, ala ndada na diroha ni Debata na sinangkapanna alai na di roha  nang na sinangkapan ni jolma do. Dison ma dipatduhon na manghatai sibolis i tu roha ni si Petrus ala sai naeng manundati Jesus laho patulushon ulaon na naeng siulahon ni Jesus di panjouonna. Marhite hata i ma, dimuruhi Jesus sibolis i di halongonan di tingki di unjuni sibolis i Ibana (ptd. Mat.4:10). Na ro do Sibolis i tu Jesus jala patuduhon sude harajaon ni portibi on dohot hamuliaonna huhut mandok tu Ibana: “Saluhutna on hupasahat tu Ho”. Marhite pandohan on, sai songon na naeng mandok sibolis i, ndada manarita be ho, unang pola manuhuk silang. Ditawarhon sibolis i do dalan na lebih mudah jala na lobi menarik di roha, “Saluhutna i nanaeng hupasahat tu Ho”, molo disomba Ho ahu”. Ditanda Jesus jala diboto do pangalaho ni sibolis i na naung mangarajai si Petrus. Ido umbahen didok tu si Petrus nang sibolis i “Laho ma ne ho bolis”, siala nasida nadua naneng manundati Jesus di na laho mardalan tu dalan silang i. Na talu do sibolis id uju na unjunanna Jesus di halongonan i, jala dibahen sibolis i dope usahana marhite na mamanghe si Petrus ima sisean ni Jesus sandiri, sisean na jumonok dohot Jesus. Sahalak sisean na baru marsaksi jala mangokui taringot tu diri ni Jesus. Jadi pandohan ni Jesus on nanaeng patuduhon ia sibolis sai holan mamingkiri sian na dirohani jolma, nang hagiot ni daging, nang sian pamingkiron ni jolma. Memang sian angka sangka ni sibolis i sa mamangke angka na ringkot nang disangkap ni jolma, asa gabe tarunjun ma jolma i jala ditangihon ma sibolis i. Na dipiliit Jesus do dalan napinatuduhon ni Debata, dalan haholongon, dalan pardangolan tu silang asa saluhut jolma di palua jala mulak tu Debata Ama i. Dalan silang i ma na niajarhon ni Jesus tu angka siseanNa. Boi do sipata hita songon si Petrus jala ndang olo manjanghon silang i ala gabe sirehean do silang i, manang dnag olo hita mamingkiri panaritaan, sidangolon, hapogoson, na ditulak, hasusaan, nang hamatean. Mansai torop do jolma i mangalului hasonangan, hamuliaon, na dihormati, hamoraon. Tung soadong do na patutoru dirina laho manuhuk silang i. Taingot ma, hamuliaon na songkal i na marharoroan do i sian parsirangguton, sian silang na manarita i.

c.       Angka na mangihuthon Jesus , disoadahon ma dirina jala dituhuk ma silang i (ay.34): Didok Jesus do: “Nasa na giot mangihuthon Ahu, disoadahon ma dirina, dituhuk ma silang na tu ibana i, diihuthon ma Ahu.” Mansoadahon diri lapatanna patujolohon na di Tuhan i sian na di hita sandiri. Mansai tanda do on di angka halak na porsea na sai ringgas marhobas di tonga ni huria na patujolohon ulaon asini roha ni Tuhan i. Ala na ringkot di ibana nang di keluargana ndada be na rumingkot (Mrk.10: 28). Halak na mansoadahon dirina na mangolu do ibana ndada sian dirina sandiri , alai marsiajar laho manangianghon, “Sai sau ma lomo ni rohaM”. Namangihuthon Jesus ima na olo manuhuk silang i. Silang na sandiri i ima pardangolanna  na tinuhuk ni Jesus Kristus dohot naung dibolus angka siseanNa. Pardangolan ni Kristus ima pardangolanta ala pamatang ni Kristus do hita. Sian barita on huhut laho paradehon diri ni angka sisean i nang angka na porsea dibagasan Jesus Kristus asa ndang gabe mandele be nasida molo rope angka hamaolon, na ditulak, uhuman nang sahat tu na agoan hosa.

d.      (Ay.35-37) Ai na naeng paluahon hosana, mangagohonsa do; alai na agoan hosa ala ni Ahu dohot ala ni barita na uli i, i do paluahonsa. Godang do jolma na mangolu holan manarihon di dirina sandiri, marhite na pasombu tagas na, angka hagiotna sandiri jala na holan paluahon dirina. Alai angka na mangulahon sisongon i gabe agoan hosa do, ala so marguna manang tu ise pe. Hangoluanna ndang mardia imbar sian sisean na malas ditabunihon dibagasan tano (Mat.25: 24-25). Pandohan ni Jesus on ima sada jaminan ia angka jolma na mangula holan ala barita na uli-mamelehon arta, angka na ringkot di dirina, nang keluarga manang ngoluna dipelehon ndang marisuang i jala ndang manarita. Hamaolon nang panaritaan na boi bolusonna, alai angka las ni roha godang do jaloonna martimbanghon peleanna i. Pambahenanna i ima  na mangolu mamelehon sudena holan laho tu harajaon namanongtong i. Ido na ingkon sitioponna saleleng ni lelengna. Aut sugari dioloi Jesus hata ni sibolis i jala olo marsomba tu ibana gabe mago do sude jala portibi on gabe di gomgomi sibolis i. Songon si Adam dohot si Hawa dioloi nasida do sibolis i jala diloas dirina digomgomi sibolis, sai naneng botoonna do sude, jala naeng marhuaso disaluht. Naeng paluaonna dirina alai gabe agoan hosa do. Ima gombaran na masa di hajolmaon. Sai naeng paluaonta do dirinta sandiri, sai luluanta do dalan na mura, tabo jala menak hita. Ditawarhon sibolis i do sude harajaon ni portibi on dohot haulionna alai molo Jesus mangalehon silang i. Ingkon pillittonta do, tapingkiri do na dipingkiri Debata manang na dipingkiri jolma. Taingot ma, ise na naeng paluahon dirina agoan hosa do, alai manang ise na agoan hosa ala ni Jesus nang ala ni Barita na uli, jaloonna do haluaonna. Tung ha gunana sasahalak na manjalao sude portibi on alai agoan hosa? Sude portibi on na naeng di ibana ndang tarsesaa be, molo ala ni i mambahen ibana agoan hosa. Dao ummarga do ngolu ni jolma sian sude arta na i, nang pe arta na i saluht na di portibi on. Hangoluon i boi do mambahen arta, alai arta i ndang boi mambahen hangoluan. Songon na ni dok ni Jesus di Lukas 12: 15 Laos didok ma tu nasida: Jaga ma hamu, pasiding hamu ma nasa haholiton! Ai nang pe marlobilobi halak, ndada sian artana i ngoluna. Dungi ingotonta ma na nidok ni Jesus muse di Luk.12: 21, tung tu ise ma arta i sogot?

Mandapot saluht portibi on memang ringkot do ndang na diorai Jesus alai naeng ma jaga hita asa saluhut arta i unang mambahen agoan hosa hita, alai lam margogo jala satia tu Debata naung umpasupasuhon i saluhutna. Ido umbahen diajarhon Jesus di Mateus 6: 33 Sai jumolo ma lului hamu harajaon ni Debata dohot hatigoranna, dung i tambahononna do sude angka ondeng tu hamuna! 

e.        (Ay.38). Molo ro Jesus sogot dibagasan hasongkalanna i, na satia do Ibana tu angka jolma na satia tu Ibana. Diboto Jesus do na ro ma angka hasusaan tu angka siseanna nang tu angka na porsea.    Adopan ni angka na porsea i do portibi on na mansai maol jala na gabe mar jat ni roha tu hita. Di keadaan si songon i mansai maol do halak Kristen patuduhon identitasna halak Kristen, na mabiar do ibana patuduhon hasatianna tu Jesus. Ala ni i taingot ma, ha Kristenonta i ndada holan simbol ni halak na porsea, alai panindangionta ia na tutu situtu do Jesus i hangoluanta jala haluaonta. Panindangion ima marhite ngolunta na Debata do nampunasa. Pangoluan na tegas tu portibi on ia hita nunga gabe partohap di Harajaon ni Debata. Ala ni i tapangasahon ma bisuk na sian Tuhanta Jesus i, asa mampu hita mangadopi angka hamaolon di adopanta. Amen.

Jamita Minggu XIV D.Trinitatis, 5 September 2021

Pir Ma Tondim, Unang Ho Tahutan

Kuatkanlah Hatimu, Jangan Takut

Jesaya 35:4 – 10

 

35:4 Dok hamu ma tu angka parroha na tahuton: Pir ma tondimuna, unang hamu mabiar! Ida ma Debatamuna i ro martubolhon dohot mamaloshon! Ho do ibana tongon paluahon hamu.

35:5 Buhaanna ma disi mata ni halak na mapitung jala marbinege bahenonna pinggol ni angka na nengel.

35:6 Marhajingjang ma disi halak na pangpang songon ursa, jala mariaia dila ni halak na ngungu, ai marbuhalbuhal ma angka aek di halongonan jala sunge di adaran.

35:7 Jala tano hasang situtu gabe tao, jala tano bangkalbangkal gabe parmualan aek. Di inganan pangulonan ni naga na sai laon tubu arung dohot tolong.

35:8 Adong huhut disi dalan balobung dohot dalan na bolon, na targoar: Dalan na badia. Ndang jadi mamolus sian i halak na ramun, jala nasida nampunasa; manang ise na mandalani dalan i, gari angka na oto ndang tagamon lilu.

35:9 Ndang adong disi singa jala na so tupa boluson ni binatang panoro, manang jumpang disi; jolma angka na pinalua mardalan disi.

35:10 Jadi mulak ma sogot halak angka na pinalua ni Jahowa, jala mariaia ro tu Sion; jala halalas ni roha salelenglelengna di atas ulunasida, dapotan hilas dohot las ni roha nasida, alai maporus ma anggo arsak dohot hoihoi

Hamuna na hinaholongan dibagasan Jesus Kristus.

a.       Dibagasan turpuk on tangkas do digombarhon bangso Israel songon tano bangkalbangkal, tano na mahiang, tangan na dauk, pat na telluktelluk. Digombarhon do parroha na tahuton, roha na mabiar na naeng pingsan na ma. Dibagasan turpuk on di siruriranghon si Jesaya do hajujumpang ni ari panobusion ni Jahowa na songkal na mamboan las ni roha di angka na tinobusNa.

b.      Dikeadaan na sisongon i dipasahat si Jesaya do barita las ni roha taringot panghirimon na naeng ro sipalua ima :  “......Ida ma Debatamuna i ro martubolhon dohot mamaloshon! Ho do ibana tongon paluahon hamu.” (Jes.35: 4). Marhite i ma dilehon pangantusion tu Bangso Israel taringot haluaon nang las ni roha na so boi dapotonna marhite gogona sambing manang sian bangso Misir, alai Debata do na tuk paluahon.

c.       Dijou panurirang Jesaya do nasida asa margogo masiurupan laho margogoihon ganup nasida marsadasada, asa rap mangolu nasida di panghirimon nang panogunoguon ni si Palua i. Ai didok Panurirang Jesaya do : “Dok hamu ma tu angka parroha na tahuton: Pir ma tondimuna, unang hamu mabiar! Ida ma Debatamuna i ro martubolhon dohot mamaloshon! Ho do ibana tongon paluahon hamu.”Molo di dok “hamu” di trupuk on na patuduhon ndada tu sude jolma, alai di angka nasida na sai marsihohot manahan dibagasan haporseaon tu Tuhan Debata. Dipasahat Panurirang Jesaya do sada pangkirimon na hot siutut tu bangso Israel ia haluaon na naeng sijaloon nasida, alai uhuman i jaloon nasida na sai mangalaosi patik nang Hata ni Debata jala na mangulahon na jat tu donganna jolma.

d.      Tano bangkalbangkal, tano na mahiang, tano halongonan ima gombaran ni keadaan nasida andorang so dipauba. Alai miak ni tano Libaon, karmel dohot Saron ima gombaran ni nasida dung naung dipauli. Sian hamubaon na mansai hatop jala manginona tu saluhut. Hamubaon i tarida ma sian hamubaon ni pisik, dohot kondisi ni tano ni nasida (tarmasuk ma songon ulaon nasida songon partani), hamubaon secara sosial (ima lam demak parngoluon nasida) jala sian partondion pe (di na mulak muse nasida marsomba di bagas joro nasida di Bagas ni Debata na gok las ni roha). Saluhut angka pangubaon na nijalo nasida mangula dibagasan halongangan. Lapatanna Debata do na marhuaso laho patupahon i saluhutna dinasida. Dalan raja na nidokna dison dalan nabadia, ndada dalan raja na soma alai patuduhon tu dalan ni angkak nabadia na mamolus. Angka na badia na pinalua ni Debata mulak tu Sion (ibukota Jerusalem). Angka olopolop nang las ni roha manggohi ngolu nasida, angka arsak nang jut ni roha dao sian nasida. On ma barita las ni roha i na paluahon nasida.

e.      Panurirangon on marlangku do di sude partingkian, ndada holan tu bangso Israel namalua sian na manggomgomi nasida, alai gabe panurirangon na marhahonaan tu na naeng masa dipatupa Tuhanta Jesus. Uju ro Jesus i tu portibi on, pamalumonNa do angka na mapitung, angka na nengel asa gabe marbinege, angka na pampang gabe mardalan jala marhujingjang marlas ni roha songon ursa jala angka na ngungu gabe manghatai. Dipatorang siJesaya do gombaran ni ngolu na jolo gok hapariron, songon tano bangkalbangkal, alai angka aek ro marpilsakan mangalehon hangoluan naho mamolusi tano na mahiang i gabe tano na napu. Tuhanta Jesus namargogo laho paluahon jala na mangalehon las ni roha na sasintongna. Dison ma na naeng patuduhononta songon halak na porsea hita asa sai tongtong mangasahon Tuhanta di na laho mangadopi angka hamaolon, hasusaan, ndada mangasahon dirinta sandiri, dongan, keluarga, arta nang pangkat, jabatan. Hamubaon na ingkon masa doi tu angka na porsea, sai marhamonangan do ibana di haporseaon laho mangadopi na maol i. Ala di halak na porsea sai marpangirimon do i tu ari sogot na lam une sian na salpu; mardame dohot hasusaanna, lapatanna naung biasa do ibana mangadopi hamaolon ndada na gabe na luar biasa i diibana. Laos songon i ma hita di nam angadopi pandemic covid-19 on. Asa mardame hita na mangaolu di tongatonga ni pandemic covid-19 na so marujung on, gabe terbiasa hita mangadopi sahit covid-19 jala tongtong marpanghirimon, saluhut na di portibi on adong be do tingkina (marsiajar sian pangontak ni pandemic flu spanyol:

Flu Spanyol, yang juga dikenal dengan pandemi flu 1918, adalah pandemi influenza yang sangat sangat mematikan yang disebabkan oleh virus influenza A subtipe H1N1. Virus ini menjangkiti sekitar 500 juta orang (sepertiga dari populasi dunia pada saat itu) dalam empat gelombang berturut-turut dari Februari 1918 hingga April 1920. Korban meninggal biasanya diperkirakan antara 17 juta dan 50 juta jiwa, dan mungkin mencapai 100 juta jiwa, sehingga pandemi ini menjadi salah satu pandemi paling mematikan dalam sejarah umat manusia.

f.        Siala ni i hamuna ruas ni huria, holan Tuhan i na ma na tapangasahon laho mambahen las ni rohanta, Ibana do sinuaeng sahat tu na naeng ro. Angka hasusaan na taadopi sinuaeng on unang ma mambahen sumurut haporseaonta laho mangalului hagogoon sian na asing, sian portibi on, nang sian gogonta sandiri. Sai marsigantung ma hita tu Debata Ama i, ai jaloonta do hamonanganta dibagasan Jesus Kristus.

g.       Nuaeng ulaonta songon halak na porsea hita laho mamparohahon angka jolma na di humaliangta na manghaporluhon pangurupionta. Adong do di humaliangta angka na gale, namale, pat na telluktelluk ? Boi do i adong di hurianta, di tonga ni keluarganta, dongan saparkarejoan, na marhombar balok dohot angka na tatanda. Ro ma hita mangurupi nasida marhite huaso dohot gogo ni Tuhanta Jesus Kristus. Sai na lehononNa do angka na pasonanghon rohanta : Mateus 11:28 Ro ma hamu tu Ahu, hamu angka na loja jala na sorat, asa hupasonang hamu! Tatogihon ma angka na loja jala na sorat, na maheu jala mandate i ro tu Jesus. Marhite pangurupionta na mandongani, manghaholongi, manogunogu, mandaoni, mangubati, pahisarhon roha nang tondina lam mulak gabe margogo, marlas ni roha, jala marsihohot marhaporseaon tu Tuhanta Jesus Kristus i. Ndada na manguhumi, ndada na mandikte, manang holan hata alai mangalehon solusi tu nasida asa dapotonna dalan asa malua sian hamaolon i. Ala ni i angka na porsea sai di pa pir Tuhanta ma tondinta asa gabe si pa pir tondi ma hita tu angka jolma na gale. Na margogo do halak partigor i laho margogoihon angka dongan jolma na gale. Amen.