Jamita Epistel Minggu XI Dung Trinitatis - 31 Agustus 2025

Jesus Kristus Manguluhon Hita Ro Di Salelenglelengna

(Yesus Kristus Pemimpin Yang Kekal)

Poda 25: 2 – 6  

 

1.     Huria ni Tuhanta na hinaholongan dibagasan Jesus Kristus, Didok panurat: “mmandang diri secara tepat sangatlah penting, bukan hanya bagi diri sendiri tetapi juga dalam hal memupuk relasi terhadap orang lain. Penilaian diri yang tidak tepat akan menjerumuskan kita pada sikap yang tidak tepat terhadap diri kita dan juga di hadapan orang lain. Bukan hanya orang lain yang tersakiti, tetapi diri kita sendiri akan mendapat malu dan mengalami kehancuran”. Alana, toropan do jolma-disituasi apapun dan di Tingkat apapun-ingin di hargai, dihormati, dipuji, disanjung. Pola adong mandok muse, molo tauji mambahen gombaran roha ni jolma, sada do pinangido ni Rohana, asa tarsurat di bajubajuna hata on: “Hargailah-Horatilah aku”. Trutama bila kita diberi sedikit kesempatan atau keberhasilan. I do ala adong mandok: “Ujilah kerendahan hati seseorang dengan memberikan dia kekuasaan”. Songon kaesar Nero, Kaesar Agustus, Nebukadnesar, dohot na asing na pintor “besar” kepala dungkon berkuasa, pola mengangkat diri gabe debata na ingkon sisombaon. Alai taida do, I ma menghancurkan nasida sandiri.

2.     Huria ni Tuhanta na hinaholongan! Turpuk on manosoi hita asa taboto menilai diri, gabe taboto menempatkan diri jala taboto bersikap. Turpuk on manaringoti hajongjongan ni ganup halak di jol oni angka na sangap, di istana  ni raja. Diorai hita asa unang patongamtongam diri (berlagak). Sian hata “hadar”, ingin dihormati, lomo Rohana dipasangap, gabe dipatongamtongam. Lapatanna, ibana sandiri do sala menilai dirina. DIbahen ibana dirina ingkon dihormati, dipatongamtongamma, berlagak songon halak na patut dihormati. Ala ni I, di na ro tu istana, pintor dihunduli ma hundulan na tumimbo, na sumangap. Hape, ndang I do kalasna. Adong dope n alebih layak sian ibana laho hundul disi. Jala dung ro halak I, dibuat ma hundulanna i. Gabe maila ma. Ai somalna, sai umpudi do ro angka na sumangap. Lapatanna, di na digeser ibana sian hundulanna I, nunga torop jolma marnidasa. Ndang olat ni I, ra ndang adong be hundulan na kosong, gabeloja ma ibana muse mangalului hundulanna. Tontu maila situtu ma ibana. Ndang olat ni I, ra mangonai ma on sahat tu karierna tu tingki n aro, ai nunga diida raja pangalahona i.

3.     Alai didok, andul dumenggan do, molo tabuat hundulan na tumoru. Alai dung masuk raja I, diida hita disi, hape raja I menganggap ndang layak hita disi, gabe ibana sandiri ma mangido hita asa hundul tu inganan na sumangap. Tonti, pintor marlojong ma sude “pengawal/asisten/pasukan pengawal” ni raja I manogu hita laho hundul tu ingaan na sumangap o. Ianggo I, sude ma natorop I marnida, tutu halak na sangap do hita. Tontu gabe “penilaian do I di raja na manontuhon tu karier tu tingki na ro. Sipaingot ni Poda ni si Salomo on mansai jelas mandok: Lebih bijaksana bila kita menunggu untuk ditinggikan daripada menanggung malu karena direndahkan akibat meninggikan diri sendiri.

4.     Huria ni Tuhanta, sian on do inspirasi ni Tuhan Jesus laho mamodai natorop, tarlobi angka parise di Lukas 14: 8 – 11 “Anggo tarpio hot tu parunjuhan, unang ho juguk tu hundulan na ummangat, atik beha adong piniona sahalak na sumangap sian ho; gabe ro suhut I, na rap mamio hamu, mandok tu ho: Di ibana ma juguhanmi! Jadi ila ma roham juguk tu hundulan partoru. Alai anggo dipio na mami oho, laho ma ho juguk tu hundulan pudipudi, asa anggo rung ro na mami oho, dohononna ma tu ho: Tungkan julu on ma ho juguk, ale! Jadi sangap ma ho idaon ni sude donganmu na tarpio i. Ai nasa na patimbohon dirina, sipaoruon do; jala na paoru dirina, I do sipatimboon!”  Na nidok ni Jesus ima asa serep rohanta. Tiruan bolon di hita di haserepon n iroha ima Tuhanta Jesus sandiri, songon nab oi tajaha di Pilipi2: 6-8. Didok , nang pe Anak ni Debata Ibana, na tumimbo sian saluhut, alai ndang dianggap I songon halobian. Alai justru olo do Tuhanta Jesus I patutoru diriNa gabe hatoban, mate secara terhina, laho maneahon hosanna laho manobus dohot paluaho hita. Alai dipaboa do hasil manang parbue nnihaserepon ni Rohana I, di ay.9-11 :”Ala ni I do dipatimbo Debata Ibana jala dibasabasahon tu Ibana Goar na sumurung asa nasa goar, asa somba tu Goar ni Jesus nasa ulu ni tot, na di banua ginjang I dohot na di tano, nang di toru ni tano, jala asa nasa na marsoara marhatopothon: “Jesus Kristus do Tuhan, bahen hasangapon ni Debata Ama!”. Ala ni I, dipangido unang hatimboon tapingkiri, alai haserepon n iroha ma. Kerendahan hati, Adalah menganggap orang lain lebih tinggi, lebih baik, lebih hebat, lebih layak dari kita. Tajaha ma :

ü  Roma 12: 16b: “Unang hatimboon pingkiri hamu, alai patutoru hamu ma rohamu tu haserepon; unang parbisuk hamu di rohamu!”.

ü  Galatia 5: 26 “Unang ma taeahi hasangapon n rumar; unang masiasapan manang masilatean!”

ü  Filipi 2: 3 “Unang ma mardingkandingkan manang marhasangapon na rumar; alai sian toruk ni rohamuna be ma rajumi hamu donganmuna sumurung sian dirimuna.

ü  Jala ternyata godang do pasupasu tu halak na serep marroha. Tajaha di Psalmen 22:27; 1 Ptr.5:5: ai dilehon Debata do asiasi tu angka na serep marroha.

 

5.     Huria ni Tuhanta na hinaholongan; jotjot do masa, kecewa hita ala merasa tidak ditempatkan atau di hargai dengan semestinya. Alai sisungkunonta: “semestinya” itu menurut ukuran siapa? Tontu kecewa do hita, molo naung tahilala hian na ingkon patut do hita sijalo kehormatan. Alai kecewa ma hita, ala ndang songon harapanta I na saut. Ala ni I, mansai uli do turpuk on paingothon hita, unang patimbohu tabahen “nilai kehormatan” ni dirinta maradophon halak. Molo patimbohu, hape toru dibahen halak, gabe muruk jala kecewa bahkan olo tangis hita. Alai molo toru do, gabe las ma rohanta uju dipasahat tu hita hasangapon na tumimbo. Tarlobi halak na merasa na holan ibana do nab oi mangulahon ulaon i. I ma na menilai dirin apatimbohu. Molo ternyata, gabe tu halak na asing I dilehon, jala ndang dung ii gabe so “dianggap” be hita I ma mambahen hita kecewa jala muruk. Alai molo serep rohanta mandok adong dope halak na dumenggan jala na lebih layak mangulahon I, hape tu hita di dipasahat, tontu somalin ma bangga dirinta ate!, alai na nidok ni turpuk on ima; molo di jol oni dongan jolma, ingkon rendah hati do, ndada rendah diri. Mansai ambal do parasingan ni i. Na rendah hati ima nao lo mananda diri, tidak merasa diri lebih hebat dan menjadi sombong. Alai na rendah diri ima na so mananda na boi do ibana jala ala ni I laos so olo mangula manang aha, ima na apatis, pesimis, tidak memiliki rasa percaya diri. Alai tutu ianggao di jol oni Debata, sude hita ingkon merendahkan hati dan merendahkan diri ( 1 Ptr.5:6). Jala di konteks na asing, ingkon sadar do hita ise hita, asa taboto berperilaku, songon nidok ni sahalak panurat, na gabe iklan: “Anda bukanlah orang sembarang, karena itu jangan membuang sampah sembarangan.” Molo tapaihut tu Hata ni Debata,sohononta ma: “Anda bukanlah orang sembarangan, anda Adalah anak Tuhan dan anak terang, karena itu jagalah mulutmu untuk berbicara seperti mulut Tuhan, langkahmu dan seluruh lakumu agar menjadi pujian bagi Allah dan jangan pernah lagi berjalan di jalan kegelapan.

6.     Ala ni I tatiru ma Tuhanta Jesus na serep marroha I, tapaserep ma rohanta, taambolongkon ma na paburnang dohot patongamtongam diri. Asa Tuhanta na patimbohon hita di tingkina. Amen.

Jamita Evangelium Minggu X Dung Trinitatis - 24 Agustus 2025

Asi Ni Roha Ni Jahowa Hot Ro Di Salelenglelengna

(Kasih Setia Tuhan Tetap Selama-Lamanya)

Psalmen 103: 15 – 18

 

1.     Huria ni Tuhanta na hinaholongan dibagasan Jesus Kristus, ia Buku Psalmen on ima songon tangiang dohot pujipujian na diungkaphon Tondi Parbadia laho patuduhon panghilalaan di parsaoran dohot Tuhan i. Ima na pinatuduhon si Daud panghilalaanna taringot tu asini roha ni Debata. Sian parmahan tu na gabe sahalak raja. Sian hadosaonna mambuat si Batsyeba, manongos si Uria songon panglima pasukan na satia tu parporangan. Jongjong songon pahlawan alai si sabur mudar ( 2 Sam 12: 1 – 7). Dosa ni si Daud ndada holan pembunuhan berencana tu si Uria jala mambuat pardihutana si Batsyeba gabe ripena, alai digabusi ibana do torop halak na mamereng na binahen ni si Daud mambuat si Batsyeba gabe ripena songon dalan mangurupi ina na mabalu alai akal bulusna do i. Alai ndang dipasahat Debata uhuman mate tu si Daud, ala dung manolsoli si Daud uju dipaigot Panurirang Natan ibana, laos ima panindangion ni si Daud Debata parasiroha jala pardenggan basa, gok asi ni roha. Ndang manuntut jala parhosom, ala molo sian uhum do, patut do uhuman mate tu si Daud (ptds. 2 Sam 12: 5 – 6 ). Ala ni I ma dihatindanghon parpasalmen Daud on do asi ni roha ni Debata tu hita jolma on, ima:

2.     Ia jolma manisia ima na terbatas do na gok hagaleon nang hahurangan. Jotjot do lupa jolma I di hadirionna, sian dia parjadina dirina, akibatna gok ma jumpang kita pangalaho ginjang ni roha, manengahon dirina, teal ni rohana jala ndang mabiar mangalo Tuhan silehon hangoluan i. Hape ia ngolu on ala asi ni roha ni Debata, silehonlehonNa tu hita jolma, jala ndang hita nampuna ngounta on. Alai dihaholongi Tuhan I do hita jolma, siala diboto Tuhan I do jala diingot na sian tano do parmulaanta, na patuduhon na hatoruanta, hagaleonta nang hahuranganta. Jadi ala ni I ringkot ma dihita parlinggoman, panogunoguon di hita na mura sega, isara ni angka barang na mura sega, manang mapuntar molo diboan di pardalanan mobil manang pesawat sai dibahen do inganan na khusus, jala ingkot hati hati do mamboan barang I asa unang sega. Laos songon I ma gombaran ni hita, dijaga, dilinggomi jala diramoti Tuhan I do hita. So ala ni gogonta, so ala ni hamaloonta, hapistaranta umbahen na mangolu hita di portibi on, alai Alani asi n iroha ni Tuhan I do na sai tongtong mangaramoti hita. Boi do mura hita jut roha, hansit panghilalaan, kecewa, tumatangis, mengkel, las roha, madetuk panghilalaan dohot lan na asing. Jadi na mangihut muse digombarhon do jolma I songon duhutduhut, songon bunga di ladang, mangerbang do bunga bunga I jala dung diullushon alogo ndang tarida be, nga mago jala ndang tinanda be ingananna hian. Ala ni I, molo songon I do gombaran ni manisia I, so ada be sipujion, so ada be sihaginjanghononta diparngoluon on, ia so holan asi ni roha niTuhan sambaing na manongtong i. Ndanga dong na mamboan las ni rohanta ia so holan manghamauliatehon “holong ni Debata na manongtong I”, na mangaramoti hita na mambahen hita istimewa.

3.     Holong ni Debata na manongtong. Ndang Debata goaron molo mamalos hajahaton balos ni na jat (ima sifat ni Binatang), jala ndang Debata goaron molo holan manghaholongi jolma na manghaholongi Ibana (sifat nihajolmaon), ndang Debata goaron molo mamlos angka na denggan dohot na jat (ima pangalaho sibolis). Alai Debata do goaron na mamalos hajahaton marhite angka na denggan. On ma na ginoaran Holong Agape, manghaholongi ndada ala ni hatamaon na hinaholongan, alai manghahologi ala naung sifat ni Debata I sandiri. "Allah adalah kasih" (1Yoh. 4:8) menegaskan bahwa kasih adalah inti dari Allah dan segala sesuatu yang Ia lakukan didorong oleh kasih-Nya. Ini berarti bahwa Allah mengasihi kita dengan sempurna, tanpa syarat, dan kasih-Nya menjadi dasar bagi segala tindakan-Nya. Kita sebagai umat-Nya dipanggil untuk menanggapi kasih ini dengan mengasihi Allah dan sesama. Dipasahat do holongna I tu angka na biar mida Ibana, na maniop hot di angka padanNa huhut na mangaradoti patikNa. Jotjot do dilapati teologi ni Padan na Robi na kontras paboahon “hatigoran, haunduhon, hadosaon dohot na manirpang sian uhum, jala dipangantusion Padan na Imbaru ima Patik Holong. Jala Paulus mandok, disi godang dosa laos godang ma asi ni roha (Rom 5:20). Molo songon I do pangantusion haKristenonta, ndada na boi be hita mangerbang di haporseaon jala marngolu di habadiaon nang haunduhon. Ai angka halak na mamparungkilhon habadiaonna dohot haporseaonna jala na satia tu Tuhan na sahat tu haluaon i.

4.     Huria ni Tuhanta na hinaholongan, Debata I ma Debata parholong, jala hot do manongtong haholonganNa I tu angka ianakhonNa, jala mangolu ma hita dibagasan holong jala manghangoluhon haholongon I di roha, pikiran, parange, panghataion dan parulaonta. Na lao salpu do sasude na di portibi on; angka parhataan na asing mansohot nama; angka parbinotoan na laho salpu do jala na hot ima haholongon i. Ai didok Topik ni Minggunta do: Asi Ni Roha Ni Jahowa Hot Ro Di Salelenglelengna (Kasih Setia Tuhan Tetap Selama-Lamanya). Tahalaputi ma manghangoluhon holong ni Kristus I naung mangalehon diriNa laho manghophop hita jolma pardosa on. Ala jompok do ngolu on unang ma adong na manengahon dirina alai marunduk jala marserep ni roha ma. Adong ma sahalak ama na mandulo bagas ni donganna, alai dibereng ibana ma di pudi ni bagas ni donganna I adong ma tinambor. Dung dipatangkas hape tinambor ni natorasna do i. Jala ndang masuk akal ni amanta on  boasa dibahen di pudi ni jabuna tinambor ni natorasna I ai adong do pemakaman umum. Alai dialusi donganna I ma, uju niungkap pintu pudi ni jabuna, sai berengonna ma tinambor ni natorasna laos paingothon dirina, haduan sogot songon I do ujung ni ngoluna jala maradian ma di tinambor i. Sada parsiajaran na ringkot do I di hit ana mangolu sisaonnari on asa taparhaseang ma partingkian na nilehon ni Tuhanta. “Hidup ini hanyalah persiapan untuk kematian, maka kita harus mempersiapkan diri kita sebaik-baiknya untuk menghadapinya.” – Billy Graham. Amen.

Jamita Epistel Minggu X Dung Trinitatis - 24 Agustus 2025

Asi Ni Roha Ni Jahowa Hot Ro Di Salelenglelengna

(Kasih Setia Tuhan Tetap Selama-Lamanya)

1 Tessalonik 5: 12 – 24

 

1.     Huria ni Tuhanta na hinaholongan dibagasan Jesus Kristus, taringot tu parjongjong huria Tessalonika on, boi do jahaonta di buku Ulaon ni Apostel 17: 1 – 10. Dung dipungka si Paulus marbaritanauli di angka parguruan ni Jahudi di Tessalonika, pintor torop do na porsea di Jesus. Alai ndang leleng ibana disi ala pintor ro do angka gambal-gambal (petualang-petualang) manggaori. Terpaksa ma ditinggalhon si Paulus huria na  mansai poso I dope. Alai sai kuatir do ibana taringot tuhuria i. Disuru ma si Timoteus tusi, jala di na mulak muse si Timoteus sian I, diboan do angka barit ana palashon roha. Alai, adong persoalan na dokdok disi, ima pangantusion na sala taringot tu haroro ni Kristus paduahalihon. Ala didok si Paulus, hatop nama ro Tuhan Jesus paduahalihon, pintor dipingir nasida, sogot manang taon na ro nama. Aha ma akibatna? Gabe tubu ma dua pangalaho: n asada mandok; tu aha be karejo, ai ro nama Jesus, marujung nama saluhut; gabe so diardoti be na mulaulaon. Alai na debanari mandok: binsan so ro dope Jesus I, mari kita nikmati semuanya. Gabe godang ma na madabu tu angka pangalaho na so gabeak. On ma na ditegur si Paulus. Didok si Paulus, ndang taboto sadihari ro Tuhanta I, songon panangko borngin do. Napaimahon do hita. Alai di na paimahon I, ndang boi hita pasip. Boha do ? ingkon aktip do! Aha ma lapatan ni I ? Lapatanna; molo dilehon Debata dope tingki di hita mangolu, jala molo so do dope Tuhan I, sahat tu nuaeng, ima tingki parasian di hita, tingki paimahon. Ima tingki sipangkeonta laho pature diri, asa talup/layak manomunomu haroro ni Tuhanta i. Pangkeonta laho pahinsathon mutu ni ngolu songon Halak na porsea. Asa do n aro Tuhanta I, dapotsa ma hita so hasurahan jala so martihas.

2.     Ima pinatorang ni si Paulus diujung ni suratna na parjolo on. On ma hira pangarimpunan ni sude siulaonta na patuduhon haporseaonta na aktip laho manomunomu haroro ni Tuhan I, na patuduhon kualitas ni ngolu haporseaon na hinalomohon ni Tuhanta i.

3.     Huria ni Tuhanta, mansai godang do dipajojor si Paulus dison, taputihi ma jolo manang na piga hal:

a)     Naparjolo;Sikap maradophon pemimpin; angka namanguluhon hita di huria, ninna penafsir, ra na adong do angka na ummora jala na sumangap mangalehon angka sumbangan, gabe leas Rohana di angka pemimpin I ala umpogos sian nasisda jala ndang adong hasangaponna. I ma pininsang ni si Paulus. Jala dipatudu ma sikap na seharusnya. Dia ma I, di ay.12 didok: asa tahormati nasida (menghargai mereka), jala di ay.13 didok diterjemahan BIS : “perlakukanlah mereka dengan sehormat-hormatnya dan dengan cinta kasih” boasa? Ai olo do nasi manghalojahon (memeras keringat) jala mamelehon dirina laho manggula ulaon ni Tuhan I di tongatonganta. Jala na mangihut, sihormatanta do nasida mangondihon hita tu Debata. Ndada mendewakan nasida. Ndada menghormati nasida songon hormat ni budak tu tuanna. Ndang ! Dia do? Marhite na burju mangihuthon sipaingot nang ngolu partondion nasida do. DI Heber 13: 7 didok, asa tatiru haporseon nasida.

b)    Napaduahon; dipajojor ma muse ruhut pardonganon tu dongan sahaporseaon/sahuria. Dia ma i? :

Ø  Parjolo. Di ay.13, disosohon asa tung mardame nasida sama nasida. Ra ala poso dope haporseaon nasida, sai adong dope Halak na sai olo mambahen bada, na manegai parsaoran. Ingkon denggan ma sikap tu Halak na songon i. Unang diladeni, alai diurupi ma, asa boi mardame huria i. I ma haulionta dohot keunggulanta nab oi idaon ni Halak na asing. Alai gabe iklan na roa do molo adong ketidak-damaian di huria, na mambahen marlea Tuhanta i. Domu tu si ma, asa jumpang hadameon I, di ay.15 didok: “asa unang dibaloshon manang ise na roa balos ni na roa; na denggan ma pareahi hamu tongtong, nang sama hamu, nang tu saluhut halak.” Pembalasan hanya akan menambah kekacauan. Ai songon ni dok ni natuatua; “jujur (membalas) do mula ni bada, bolus (mengampuni) do mula ni dame.” Tuhanta Jesus ma tatiru, taingot ma, holan Debata do na berhak mambahen pamaloson.

Ø  Napaduahon di ay.14 dipaingot si Paulus asa tegas-tarlobi angka pemimpin nangkin, maradophon angka ruas na so maradat. Ise do I ? ima naung tadok nangkin, na sala mangantusi (na gagal paham) taringot tu oda haroro ni Tuhan  Jesus paduahalihon, gabe so olo be karejo, gabe naeng menikmati segala kenikmatan ma, gabe so maradat be ai diulahon ma angka na so hasea. Tu angka ruas na songon I ma ingkon tegas do angka pemimpin i. Ndang jadi pasombuon, sotung gabe mago nasida. Ingkon podaanna ma nasida marhite poda na sintong, songon pinodahon ni si Paulus di 2 Tessalonika 3: 10-15. Alai unang dimusui, ingkon songon dongan nasida paingothon.

Ø  Patoluhon, sikap mararophon angka siotik roha (tawar hati, yang takut) dohot na gale (lemah). Ise do I ? Ima angka na sai marsak jala mabiar, tu dia do ujung ni langka ni angka tondonganna naung monding i. Alai boi do I angka ruas na pengecut, na pintor mabiar molo ro hamaolon manang sitaonon, songon I nang angka na marboban na dokdok. Tu angka halak sisongon I ingkon bersikap sabar, tungkolan, lehonon semangat manang dorongan, lehonon penjelasan, songon binahen ni Jesus tu hita. Alai gabe tangan ni Tuhanta ma hita mambahen asa gabe semangat jala barani nasida. I ma gabe nauli idaon ni halak sian hita.

c). Huria ni Tuhanta, dipajojor tu hita sikap pribadinta songon angka na porsea siulahonota asa layak di jolo ni Debata, ima:

ü  Ingkon tongtong marlas ni roha. I do ngolu ni Kristen na sejati (Pil.4:4). Angka naung manghangoluhon hamonangan ni Tuhan Jesus Kristus, jala na manghirim di hangoluan sogot, pastis ai marlas n iroha do I di sude ngoluna. Aha pe na masa. Jala tugasta do membangun kegembiraan di huria I, sai uanng ma adong na mambahen gabe marsak dongan asa gabe huria na marlas n iroha hurianta.

ü  Unang masadi, torus martangiang (ay.17), songon na marhosa. Lam gogo martangiang lam tamba gogo, las n iroha, semangat hidup, ai tangiang I do menyalurkan hagogoon ni Debata tu hita (BE.487)

ü  Torus mandok mauliate (ay.18), ndada holan di las n iroha , alai di sude hal. Ai  molo burju hita mangetongi na binahen n Debata di sude ngolunta, pasti gumodang do sihamauliethononta sian Debata ketimbang arsak n iroha. Dan mengucap Syukur itu memberi kita berkat yang luar biasa. Jadikan itu menjadi budaya hidupmu.

ü  Di ayat 20, disosoi asa unang leas rohanta di panurirangon. Aha do i? Ima usaha laho mangantusi lomo n iroha ni Debata, na dipasahat tu hita marhite HataNa. Ala ni  I ma didok di ay.19 asa unang taintopi Tondi I. Boasa? Ai ala ni Tondi I do boi mangurupi hita mangantusi sude Hata ni Debata na ingkon ulahononta. Jala holan Tondi I d boi mangurupi hita lahi manggulahon I, na gabe parbue ni Tondi I dibagasan hita.

ü   Didok di ay.21; asa tatangkasi saluhut; unang asal bondut. Alai ingkon diuji ( jaha 1 Joh.4:1), asa unang madabu hita tu pod ana sala. Diuji asaa dapot na satingkosna, jala ima sitiopon, siihuthonon dohot siulahononta. Jala di ay.22 gabe malua ma hita sian angka hajahaton.

ü  Ay.23-24: didok di Bibelta I, ia pamatangta on ima sian tondi, roha, daging. Jala dipangido Tuhanta do as ana tolu on tajaga dibagasan ngolunta asa tarjaga singkop sahat di haroro ni Tuhanta Jesus na paduahalihon. Molo tjaha di Joh.4:14 digombarhon Jesus do tondi I songon aek. Jala didukung sian Johannes 7:38 Songon na nidok ni Surat i: Angka batang aek na mangolu do mabaor sian na porsea di Ahu. 7:39 Alai taringot tu Tondi i do didok hata ondeng, i ma sijaloon ni angka na gabe porsea di Ibana; ai ndang dope ro Tondi Parbadia, ala so dipasangap dope Jesus. Ala ni molo tagombarhon tondi songon aek na tio, jala dicampur dohot kopi, boi ma gabe kopi. Molo dicampur dohot the boi ma gabe tis manis, molo dicampur dohot jus jeruk, boi ma gabe aek jeruk, songon I ma satorusna sain ragam campuran mlo rot u natio gabe marlaok. Ala ni I tarlumobi ma tondinta I boi do marlaok dosa, tajaga ma tondinta I asa unang terkontaminasi. Dungi didok asa manjaga rohanta siala rohanta I do marekam na terbaik. Tung aha pe na masa dibagasan ngolunta, rohanta I do na marningot I sude.  Adong na mandok angka ianakhonta I do na maniru angka na taula, siala nasida do mamareng sude nataparngehon, direkam nasida do I sude. Ala ni taparangehon ma sian rohanta angka na uli na denggan. Ringkot do Hata ni Tuhan I marmahani rohanta asa lam tu dengganna rohanta mamarangehon angka tiruan tu saluhut jolma. Suang songon I na manjaga pamatang (tubuh) sian angka sahit, manjaga hahipason, manjaga asa unang rumar ala ni pangalaho na so suman.

4.     Didok Topik na sahat tu hita ima: Asi Ni Roha Ni Jahowa Hot Ro Di Salelenglelengna (Kasih Setia Tuhan Tetap Selama-Lamanya). Dilehon Tuhanta i dope partingkian tu hita ima tingki parasian, alai unang ma tapangke partingkian I tu angka pangalaho na so patut, na so tama, na maralo tu Hata ni Debata. Jala unang lemba hita di angka pangelaela ni portibi on, asa tapamanat ma saluhutna. Unang be adong pangalaho na kompromis di angka pangalaho dosa nang pangalaosion. Jala asa hot ngolu na porsea ima ngolu na marpanindangion tu saluhut jolma ai na hot do asi n iroha ni Jahowa dibagasan Jesus Kristus Tuhanta i. Amen.

Jamita Evangeliuml Minggu IX Dung Trinitatis - 17 Agustus 2025

Mangolu Songon Ngolu Ni Angka Naung Malua

(Hiduplah Sebagai Orang Merdeka)

1 Petrus 2: 11 – 17

 

1.     Huria ni Tuhanta na hinaholongan dibagasan Jesus Kristus, digoari do hasahatan ni surat on “paisolat jala Halak dagang”. Inganan nasida marserak di Pontus, Galatia, Kappadosis, Asia dohot Bitinia (1:1). Sude angka inganan na ginoaran I jumpang di Asia na metmet, I ma sada wilayah na ginomgoman ni Halak Rom uju i. Hata “paisolat jala Halak dagang” (ind: musafir) patoranghon, na so adong ianggo inganan na hot di portibi on. Na manghirim do huria i huhut mardalan di sude tingki dohot inganan laho manuju hut ana manongtong sambulo hasonangan i. Asa nang pe manaon huria i saleleng di tano on, na mangihuthon bogas ni pat ni Kristus i do i, tiruan do i di angka na porsea (2:21). Jala ia ro pe angka hinamago, Ibana do na manganahon tondi asa unang mago (2:21+25).

2.     Tarbarita do surat Petrus on songon surat parmahanion tu angka na marsitaonon. Ditogutogu do panjaha ni surat on asa rade mangadopi sitaonon n aro. Hatiha i godang dope ruas ni huria angka na imbaru masuk tardidi. Diapoi do nasida asa tau molo parungkilon na pasingki pasorin binahen ni sipelebegu dohot panggomgomi. Masa do pangaleleon na manghhorhon hamohopon di nasida. Alai sudena i ujian do, jala m olo boi di ujian i ingkon marsangap nian Goar ni Debata.

3.     Ala bangso ni Debata do Halak Kristen, diarahon do nasida tu pangkirimon n amangolu. Dumenggan do inganan ni Debata sian portibi on na gok parungkilon i. Angka na porsea do na gabe panean di nasa hamoraon ni Debata. Alai ngolu na manghirim i ma ngolu na marhasurungan di parange na denggan. Ingkon marhataridaan parange na denggan i di tongatonga ni Masyarakat, songon i  nang maradophon angka raja songon na jinouhon di turpuk on.

4.     Ay.11: Ringkot mangorom. Pangoromon do sada dalan pajamothhon, marmahani diri. Ia sioromon i, i ma angka hisaphisap ni roha sibuk (keinginan daging). Di hata Gorik-roha sibuk digoari sarx. Marlapatan do hata i laho patoranghon pamatang ni jolma na pinadiri sian daging portibi (Rom 1:3; 1 Kor.1:29; Gal.1:16). Marojahan tusi hata sarx manggombarhon jolma pardaging na gale, alai marroha portibi, dao sian Debata. Sude sangkapsangkap ni daging jotjot di pados dohot dosa (Gal.5:19-21). Na maralo do roha sibuk tu partondion. Partondion diterjemahkan sian hata psyche na marlapatan “jiwa, nyawa”. Molo “nyawa” dos do I dohot ngolu, sandok ngolu ni jolma I hibul. Alai anggo sibuk, sabagian sian ngolu ni jolma i dope, na sai jotjot mangula dosa. Jadi mangorom roha sibuk martujuan mangaramoti unang sega sandok ngolu. Tontu na diboto panurat do na so adong pangoromon di angka na humaliang huria i. Dipaingot nasida unang dos dohot i.

5.     Ay.12: Marparange na denggan; Aloalo ni parange na denggan i ma hajahaton. Si Paulus mandok “unang ma talu ho dibahen hajahaton, alai taluhon ma hajahaton i marhitehite parange na denggan!” (Rom 12:21). Alai “na umboto na denggan, gabe ndang dulahon, na mardosa do ibana disi” (Jak.4:17). Molo manghalomohon hajahaton do parange na denggan i, tontu gabe sada hagogoon do i rajuman. Marparange na denggan ima Halak na so marsombusombu, “naeng ma marhite sian ulaon na denggan pompomanmuna haotoon ni Halak na hurang roha”. Sahat do muse tujuan ni parange na denggan laho manogu angka parjahat i asa olo pasangaphon Debata. Denggan ni ulaon i do patundukhon na jahat.

6.     Ay.13-14: Unduk di uhum dohot di panguhum: Nunga ditaringoti nangkin, paisolat do hhuria hasahatan ni surat on (marserak di Asia na metmte). Di inganan paisolatan I tontu godang angka ruhut, aturan na niuhal sian pingkiran ni jolma, ndang sian hata ni Debata, na so “produk” ni haKristenon. Asing ni i, ala na ginomgoman ni Halak Rom do nasida, tontu do mardalan angka hatontuan ni kaesar laho mangatur masyarakatna. Dipangido turpuk on do asa unang “mengisolasi” diri Halak Kristen di tongatonga ni Masyarakat. Tama do hormatan angka uhum naung mardalan sange di Masyarakat. Dibahen i tama do unduk maradophon uhum na sinuan di hajolmaon. Ala sadalan do uhum tun a mandalanhon uhum, nang tu angka panguhum pe ingkon unduk do. Di Rom 13: 1 + 4 didok: “unduk ma ganup di panggomgomi na marsahala…….suruan ni Debata do nasida laho manumpak ho” Alai adong do “rumus” ni haunduhon tu uhum dohot tu angka raja ima, molo sipinsang hajahaton jala sipuji na denggan do uhum dohot panguhum i. Unang ala na mabiar mida bohi, ndatung songon ala naung manaon panghilalaan gabe marhaunduhon. Marhite uhum na nidalanhon ni angka panguhum saut angka na denggan. Ala ni i tama do marhaunduhon tu uhum dohot panguhum na songon i.

7.     Ay.15-17 : Tohap haluaon laho pasauthon lomo ni roha ni Debata do i. Tohap haluaon ni Halak Kristen i ma naung dipadiri nasida gabe naposo ni Debata. Di hata Indonesia, naposo didok “hamba”. Bebas do sada naposo mangulahon ulaon mangihuthon cara dohot kemampuan. Alai ingkon martanggungjawab do ibana tu na pasahathon ulaon i tu ibana. Jadi adong pe kebebasan ni sahalak na poso, ndada na laho pasauthon lomona sandiri ibana disi, lomo ni tuanna  do. Songon i do haluaon ni Halak Kristen. Haluaon i dipangke laho pasauthon lomo ni roha ni Debata.

Adong ma dua na gabe dasor sian haunduhon i ima manghaholongi dohot na mangulahon. Haunduhon na sintong  i ima na marharoroan sian holong do. i do alana didok Jesus di Johanes 14: 15 “Molo na holong rohamuna di Ahu, radotanmuna do angka patikku.” Molo sintong do sasahalak manghaholongi Debata, sai na ulaonna do parentaNa jala naeng do i dihilala jala ndang borat ( 1 Joh.5:3). Haunduhon i pe marsirainrainan do i tu haunduhon ni diri, ima na sukarela mangulahon na hinalomohon ni halak, asa molo didok pe haunduhon i paboahon jati diri naung dipalua, dimerdekakan, asa marngolu di kemerdekaan ma ibana. Ala ni i sikap na merdeka manang naung dipalua Kristus i, diulahon do patik nang hata ni Debata dohot sukarela dohot denggan, sian ias ni roha ndang ala ni tarpaksa. I ma na gabe hatiuron, gabe tiruan, gabe teladan, gabe contoh tu humaliang, tu Masyarakat nang tu angka na so porsea. Laos parange na denggan na hombar tu Hata ni Tuhan i do laho mambungkam nasida.

8.     Huria ni Tuhanta topik ni minggunta mandok: Mangolu Songon Ngolu Ni Angka Naung Malua (Hiduplah Sebagai Orang Merdeka). Boha do hita asa boi mangolu songon angka naung malua?:

ü  Mangargahon haluaon ni Kristus i.

ü  Pasolhothon diri tu Kristus

ü  Satia mangaradoti patik nang Hata ni Debata.

ü  Mangolu di haimbaruon.

Jamita Epistel Minggu IX Dung Trinitatis - 17 Agustus 2025

Mangolu Songon Ngolu Ni Angka Naung Malua

(Hiduplah Sebagai Orang Merdeka)

Jeremia 34: 12 – 16

 

1.     Huria ni Tuhanta na hinaholongan dibagasan Jesus Kristus, Haluaon do na hinirim ni angka na tarbuang, angka na tarhurung dohot na dibagasan parungkilon. Marungkil do bangso Israel di habuangan babel i. Polda do 70 taon lelengna bangso i tarbuang di habuangan Babel i. Anggukangguk badar nasida sahat do tu Debata Jahowa, jala mapangulahi do roha ni Jahowa, nang pe sian Debata do panguhuman habuangan i tu bangsoNa i. Jala ditongos Debata do naposoNa ima si Jeremia tu angka na tarbuang i manurirangi, paboa na adong haluaon di nasida. Haluaon ndang dapot i sian hagogon, sian usaho sandiri manang sian portibi on. Holan sian Debata Jahowa do haluaon na sintong.

2.     Mansai torop do mangkirim di haluaon, jala ragam usaho na pinatupa ni pamarenta dohot angka Lembaga swasta laho mamboan haluaon di berbagai aspek parngoluon ni Masyarakat. Isarana haluaon sian hapogoson, haluaon sian ragam  ni sahit, haluaon sian ketertinggalan ilmu pengetahhuan dohot tekhnologi, haluaon sian mentalitas hatoban, haluaon sian kekerasan dohot ragam ni hajahaton, alai lumobi ma haluaon sian haholomon dohot ragam ni tondi na hodar. Alai, ndang dapot i sian sangkapsangkap dohot hagogoon ni jolma, ndang dapot i sian program dohot usaho ni pamarenta dohot Lembaga swasta. Jotjot do haluaon na sinangkapan ni panggomgomi diujungna mambahen torop Halak tarhirim jala manghorhon ketegangan sosial. Ala sian rorharohana sambaing. Jala laho mendukung kepentingan poltitikna do haluaon i disangkapi. Alani, mansai ringkot do dijamothon ni huria, asa nasa program haluaon marojahan tu sangkap dohot huaso ni Debata. Ukuronta do i sian panandaon ni hata ni Debata, ingkon tangihononta ma hata ni Debata na pinatolhas ni naposoNa. Sada mambahen gagal haluaon na sinangkapan ni si Sedekia, atik pe naung mangunduk be angka pangituai dohot sandok bangso i, alai diujungna gagal do, ala ndang hombar tu sangkap ni Debata.

3.     Hombar tusi, molo naeng sintong patupaon ni pamarenta dohot angka Lembaga swasta, tarmasuk ma huria, ragam ni program haluaon, adong do syarat-syarat na ingkon digohi, asa unang magopo. Parjolo, ingkon tangkas do bangso i mangauhon jala manghamauliatehon haluaon na pinatupa ni Debata, gabe diboto mangargahon haluaon i. Mansai tangkas do diparhatopot bangso Indonesia, haluaon i sian asi ni roha ni Debata. Alai ndang piga sian panggomgomi na mangauhon i jala manghamauliatehon i di pudina ni ari. Holan angka panggomgomi na parjolo i do na tangkas mangauhon i, marhite na marnida huaso dohot holong n iroha ni Debata di angka para pejuang revolusi, na berkorban mangalo kolonialisme. Paduahon, haluaon i diperjuanghon dibagasan panghilalaan na dos, so mardia imbar di sandok bangso i. Dohot hata na asing, adong pengakuan di status dohot derajat na dos na sada dohot na asing. Alani ndang adong Halak na merasa tumimbo sian donganna, ndang boi sahalak pe na manghilala boi ibana mangaleai halak na asing, manang tumimbo harga dirina sian halak na asing. Semangat egalitarian i do na mendasari perjuangan di haluaon, ai nang sian mulana pe sada do hita dibagasan huaso ni Adam na parjolo i, jala Alani ingkon sada do hita dibagasan huaso ni Adam na paduahon i ima Jesus Kristus Sipalua i.

4.     Huria ni Tuhanta nahinaholongan dibagasan Kristus Jesus. Naung dihatindanghon Hata ni Debata do, ia jolma I ima jadijadian ni Debata na sempurnah; bohi nang gombaran ni Debata-Imago Dei (1 Musa 2:27). Jala dihatindanghon Bibelta i do tong boha do jolma manisia i singkop dimulana, alai nuaeng gabe madabu do jala mate ala ni angka dosana. Na boi do mulak mangolu manisia i songon na disangkapi Debata hian, molo olo unduk jala satia nasida mangharingkothon Debata diatas ni saluhut kepentinganna (5 Musa 6:4). Dame na manongtong i ma na mian di nasida molo mangihut nasida di sangkap panggomgomion ni Debata. Naung dibuhai di bagasan portibi on, marhite haroro ni Jesus Kristus i sahat tu langit dohot tano na imbaru. Angka na porsea i dipardalanan ni ngoluna i sai mangadopi angka pilihan hidup, pilihan politik, nang angka gaya hidup, dohot angka kepentingan ni hadagingon, haportibi on na maralo tu sangkap ni Tuhan i. Angka I ma na boi mandondoni ngolu ni jolma I, terjajah dalam kepentingan diri, terjebak dalam kepentingan duniawi molo tahasomalhon I marhuaso dibagasan dirinta. Hape nunga tajalo Kristus Jesus I na mangalehon haluaon dihita sian angka hadosaon i. Nunga dipasahat kemerdekaan I sian AnakNa Jesus Kristus I asa unang be terjajah hita sian keinginan nang sangkap dohot bangkobangko na maralo tu Patik nang Hata ni Debata.

5.     Huria ni Tuhanta na hinaholongan dibagasan Jesus Kristus, molo pandok angka ama ni huria na parjolo i ima Agustinus, Luther, Kalvin dohot Barth, adong dua kewarganegaraanta, ima na di surgo i dohot na di portibi on. Disada sisi, na mian jala mangolu do hita di portibi on, lapatanna, ingkon mangolu ma hita marjuang di angka siadopanta nang di angka aspek hidup, diperekonomian, politik, budaya nang angka hasomalan ni portibi on. Alai ingkon ingotonta do laos di holangholang ni partingkian i do sadar hita songon partohap di Banuaginjang i, angka prinsip ni Harajaon ni Debata, na patujolohon otoritas ni Kristus na gabe Raja na manguluhon roha dohot pingkiranta mambuat ragam ni kehendak, manang haputusan manang tudia pe hita mangalangka manang manggula ulaonta. Ala nis ai masirapusan do roha ni na porseai, antara kepentingan dunia dohot kepentingan ni Tuhan, ala ni i unang sanga gale hita di panjouonta di Kristus i, ima pahothon haluoan – Kemerdekaan ni Kristus i. Mangolu ma hita songon Ngolu Ni Angka Naung Malua (Hiduplah Sebagai Orang Merdeka). Ragam do angka hamajuon ni jaman on mambahen marubauba angka na masa, ala ni i molo mangihuthon angka system ni parngoluon on, dohot hasomalan ni jolma nuaeng, ndang boi hita angka na porsea i holan mangihuthon, songon umpasa ni Batak mandok: “Eme na masak digagat ursa, ia i na masa ima ni diula". Secara umum pepatah ini bermakna   mengerjakan sesuatu disesuaikan dengan keadaan (Ingkon mamereng namasa do pangulahononthon) di istilah hata Inggris didok “taken for granted”. Unang ma asal taundukhon, asal taihuthon ndang adong “saringan” manang membedah angka na masa i, na boi do gabe penyesatan. Lam malo ma angka huria nang angka na porsea i mangida angka tanda jaman sinuaeng on. Apalagi di na manaringoti Dirgahayu RI ke 80 di negaranta on, unang ma kemerdekaan i holan tu angka pejabat, angka na mora, alai angka na pogos, rakyat jelata hona tindos jala ndang terasa makna kemerdekaan i. Jadi ingkon berpikir kritis do huria nang angka na porsea i di tongani Bangso dohot Negaranta on, tarlumobi penindasan tu angka na porsea i laho pajongjong partangiangan, nang gareja pe tertindas, angka Halak Kristen pe maol do menduduki sada jabatan. Pinomat mangolu ma hita songon angka na malua, songon angka na meredeka na di merdekakan Kristus, ima mencintai keadilan, hatigoran, hasintongan, jala mangulahon kejujuran na gabe tiruan tu saluhut Halak na dihumaliang hita. Amen.

 

Jamita Evangelium Minggu VIII Dung Trinitatis - 10 Agustus 2025

Sai Nolnol Do Mata Ni Jahowa Tu Angka Na Manghabiari Ibana

(Mata Tuhan  Tertuju Kepada Mereka Yang Takut  Akan Dia)

Psalmen 33: 12 – 22  

 

1.     Huria ni Tuhanta na hinaholongan dibagasan Jesus Kristus, Bangso na martua ima bangso na mambahen Jahowa gabe Tuhanna, ima bangso Israel. Nang pe sai jotjot do bangsoNa i mangalanggar patik nang HataNa. Nang pe  gabe tarbuang do bangso Israel tu habuangan alai sain a mulak do Asi dohot holong ni roha ni Debata tu Israel. Jala dipatuduhon Debata do hasatiaonNa tu bangso Israel marhite na pasahathon padanNa na imbaru. Nuaeng bangsoNa  na martua ima angka na porsea dibagasan Jesus Kristus, ima pamatang ni Kristus, sian saluhut bangso, sian saluhut partingkian naung ditobus mudar ni Kristus. 1 Petrus 2 : 9-10 “Alai marga na pinillit do hamu, hamalimon na raja, bangso na badia, houm na ginomgomanna, asa tung dibaritahon hamu denggan ni harohaon ni Ibana, naung manjou hamu sian na holom tu hatiuronna halongangan i. Hamu, angka na so bangso najolo, gabe bangso ni Debata nuaeng; angka na so niasian hamu najolo, gabe niasian do nuaeng.”

2.     Huria ni Tuhanta angka na tinompaNa i jala tarlumobi angka na tinobus ni mudar ni Kristus i ditanda do sudena-ala Mahatau do Ibana jala Mahamelihat, ala diboto Ibana do jala tanganNa do sude ngolunta (ay.13-15). Adong do na mandok; ai di Banuaginjang do Debata, ndang boi jala ndang olo ro i tu portibi na mardosa on. Sala do i! Diida Debata jala diantoi Debata do ngolunta. Dua godang ni hata i: a. Parjolo; marhabiaran ma hita, ai so adong na buni di adopanNa. Tung boha pe malonta manabunihon hajahatonta, songon binahen ni si David maradophon si Uria, ternyata didok do di 2 Samuel 12: 12 “Ai na niulahonmi di na holip, papataronKu ma i di adopan ni sandok Israel dohot diadopan ni mat ani ari.” Ala ni i dumenggan ma pature dirim, membangun karakter na Kristiani. Karakter Adalah; siapakah kita ditempat tersembunyi?” Ai di ari paruhuman i papataron ni Debata do luhutna. Panguhum na tigor roha i papatarhon sude angka na taula di tano on. Dilehon Debata do Tondi Parbadia mangantoi rohanta. Molo olo hta manjalo campur tanganNa, toguonNa ma sude sangkap ni rohanta holan laho mangoloi Jahowa, didia pe hita, di na patar manang di na buni. b.Paduahon; unang hita mabiar, haposi ma Debata Jahowa, ai ditanda do hita sian ujung rambut sahat tu ujung kaki, diboto do kelemahanta, hahuranganta, kelebihanta, watak dohot karakter dohot hasomalanta ditanda Debata; ala ni i ndang patuhukkhononNa tu hita lobia sian gogonta (1 Kor.10:13). Diboto Tuhan i do na dumenggan di hita, unang pola mangapian hita tu Halak na asing. Apa yang ada pada kita saat ini syukurilah, hamauliatehonma ala i do na terbaik sian Tuhanta i dilehon tu hita.

3.     Huria ni Tuhanta na hinaholongan dibagasan Jesus Kristus, Ala ditanda Tuhan i do hita jala martua hita hinorhon ni i. Nuaeng ahama sibahenonta ?

Ø  Parjolo; ima mamuji pasangphon dohot mangolophon sude denggan basa ni Debata. Mansai ringkot do hita songon angka na porsea i mamujimuji Debata, ai disi do hagogonta, pos ni rohanta mangihuthon Ibana di tonga portibi on nag ok hadoason nang haholomon.

Ø  Paduahon; ima marhabiaran jala marsomba tu Debata, unang ma tauji mambahen sogo ni rohaNa. Unang adong be mambahen marangkup Debata, marhite na porsea tu angka hagogoon manang debata na asing, isarana mangulahon haholomon, sumangot ni ompu, Ilmu pengetahuan, nang arta, unang ala ni i gabe tasungguli rimasNa. Ai sapala ro rimasNa ndang adong na boi pasidinghonsa. Tumagon ma unduk hita mangoloi sude hataNa. Tapalas ma rohaNa marhite haringgasonta mangulahon hataNa di ulaon na denggan. Molo songon i, sai pasupasuNa ma use di ngolunta na palashon dohot pasonanghon rohanta.

Ø  Alai godang do di portibi on na menawarkan dirina asa tasomba gabe debata. Unang oloi, ai hasusaan do lehonon ni i, na mamboan hita tu naroko. Tumagon ma, pillit ma Jahowa gabe Debatam, Tuhan Jesus Kristus gabe Sipaluam, ai martua ma ho molo i dipillit ho, ai bahenonNa ma ho gabe bangsoNa dohot anak hinaholonganNa.

4.     Unang haposi gogom dohot hagogooon na adong di portibi on (ay.16-17). Sude na tinompa di toru ni huaso ni Debata Jahowa do. Ndanga dong huaso ni raja ia so sian Debata. Tung songon dia pe hagogoon ni Angkatan perang ni jolma, talu do dibahen Debata. Taingot si Parao maradophon Israel. Taingot boha Israel manaluhon huta Jeriko dohot angka tano di Israel. Mangasahon Jahowa ditaluhon si Daud na metmet i do si Goliat raksasa i. Molo tung adong pe donganta na menganggap diri songon partubu na bolon dohot parbotohon nab alga mangasangi, mandok hita Halak na metmet (minoritas), tung tapaima ma hagogon ni Debata manaluhon nasida (ay.22). Unang pola gabe marsomba hita tu nasida manang tu sitiop uhum (pamarenta) ala ni i. Asal hohom hita, Jahowa do marporang humophop hita ( 2 Musa 14:14)

5.     Huria ni Tuhanta na hinaholongan, ay.18-19; Debata na di Banuaginjang na songkal, parbinoto, na manggohi angka na tinompaNa. Pandohan “Sai nolnol do mata ni Jahowa” di hata Inggris didok; “The LORD watches over those who obey him,” molo didok sai nolnol – watches ima paboahon sifat ni Debata na sumarihon angka na porsea, tu angka anakonNa. Ai ganup tingki do diparrohahon, dibereng, diamatamati, dijagai, didongani angka na satia marsomba tu Ibana. Pandohan angka na “mangkabiari” di hata Inggris didok “Obey” = takut, ima patuduhon rasa hormat, taat dohot pengabdian ni angka na porsea i tu Debata Jahowa. (“Mata Tuhan menyelidiki seluruh bumi untuk menguatkan mereka yang hatinya sepenuhnya berkomitmen pada-Nya” 2 Tawarikh 16: 9). Lapatanna pengakuan ni Debata ia angka na porsea, ima milik ni Debata dohot panarihononNa tu naporsea i. Jala Raja Daud pe manghatindanghon i di Pslm 34:16 “Sai manatap do mata ni Jahowa tu angka partigor, jala pinggolna tu angguknasida.” Dungi panindangion tu si Job, ai didokhon si Elihu do di Job 36: 7 “Ndang padaoonna matana sian halak na bonar….” Dung i Ap.Petrus pe mandok di 1 Petrus 3:12 “Ai tu angka parroha na tigor do mata ni Tuhan; jala tu angka pangidoannasida do pinggolna; alai bohi ni Tuhan i do alo ni angka sibahen na jat!” Jadi angka na porsea i unang be ganggu rohanta mamolus parngoluon on. Ai jotjot do ro na mambahen jut roha manag mabiar ala ni parsorion nang hamaolon na taadopi. Ai diparrohahi Debata do parngoluon ni anga ianakhonNa. Sedangkan angka na so porsea i pe di pasupasu Debata do, sude angka jadijadiannya dipasupasu Debata do, dilehon udan, las ni ari, hosa hangoluan, lam ma tu hita na porsea i. Jadi naung tangkas do daionta panogunoguon ni Debata, ai Ibana ma Parmahan na denggan i. Dia adalah Gembala yang penuh kasih dan selalu hadir yang berkata kepada kita, "Aku akan menuntunmu di jalan yang terbaik untuk hidupmu. Aku akan menasihatimu dan menjagamu" (Mazmur 32:8,). Kita dapat merasa sangat terhibur karena mengetahui bahwa kita tidak pernah harus menghadapi satu momen pun dalam hidup ini sendirian.

6.     Topik ni minggunta mandok; Sai Nolnol Do Mata Ni Jahowa Tu Angka Na Manghabiari Ibana (Mata Tuhan  Tertuju Kepada Mereka Yang Takut  Akan Dia). Allah mengetahui segala perbuatan kita, dari yang baik hingga buruk—baik yang kita sadari, maupun tidak. Sama seperti bantuan mata manusia tak dapat melihat seluruh punggungnya tanpa cermin, mata batin kita pun dapat meluputkan banyak hal. Namun, Allah Maha Melihat, dan Dia mengetahui titik buta kita. Pemazmur mengingatkan bahwa Tuhan memperhatikan umat-Nya. Meskipun tempat kediaman Allah ada di sorga, namun dari sana Dia bukan hanya memandang seluruh bumi, tetapi juga bisa menilik secara khusus semua penduduk bumi. Ia tidak hanya melihat mereka, tetapi juga memandang mereka dengan seksama. Begitu seksama sampai pikiran sekecil apapun tidak bisa luput dari pengamatan-Nya. Orang-orang yang tidak percaya kepada Tuhan berpikir bahwa karena Allah berdiam di sorga di atas, Dia tidak dapat atau tidak akan memperhatikan apa yang dilakukan di dunia di bawah ini. Namun dari sana, meskipun begitu tinggi, Tuhan melihat kita semua, dan semua orang serta segala sesuatu telanjang dan terbuka dihadapan-Nya. Berbagai macam persoalan datang silih berganti di dalam kehidupan manusia tak terkecuali orang-orang Kristen. Namun seringkali banyak orang tidak siap menghadapi berbagai macam persoalan itu. Bahkan seringkali seseorang mudah menjadi panik dan kuatir. Ketika seseorang panik dan kuatir tentang kehidupannya saat ini atau masa depannya, artinya dia tidak menyadari bahwa Tuhan ada melihatnya. Sebagai pengikut Yesus, kita dapat menaruh seluruh harapan dan kepercayaan kita kepada Allah keselamatan kita karena Dia sangat peduli kepada kita. Memang benar bahwa mata Allah yang maha melihat mengawasi seluruh ciptaan (Mazmur 33:13-14), tetapi mata-Nya secara khusus tertuju dengan minat yang unik kepada "mereka yang mengandalkan kasih-Nya yang tak pernah gagal" untuk menyelamatkan mereka "dari kematian" dan menjaga mereka "hidup di masa kelaparan" (Mazmur 33:18-18). Dengan kata lain, Allah melindungi umat-Nya yang setia dari setiap bahaya dan memenuhi setiap kebutuhan mereka (Mazmur 23:1; Matius 6:33; Filipi 4:19). Yesus berkata, "Aku memberikan hidup yang kekal kepada mereka dan mereka pasti tidak akan binasa sampai selama-lamanya. Tidak seorang pun dapat merebut mereka dari-Ku, sebab Bapa-Ku telah memberikan mereka kepada-Ku dan Ia lebih berkuasa dari pada siapa pun, dan tidak seorang pun dapat merebut mereka dari tangan Bapa" (Yohanes 10:28-29). Amin.