MARENDE TU JAHOWA
(Aku Menyanyi Bagi Tuhan)
2
Musa 15 : 1 – 14
1.
Huria
ni Tuhanta na hinaholongan, molo dapot hamu pinarsinta ni rohamu, isarana lulus
sikola, naik jabatan, bisnis berhasil dapot keuntungan na balga, dohot na
asing, aha do parjolo dipatupa hamu? Adong do na deba, gabe laho tu kafe,
dugem, mamesta-hon i marhite na mabuk-mabukan dohot pesta papuas hawa-nafsu.
Boha, songon i na dumenggan? Ra, ianggo hita, aha do na parjolo tabahen? Ima
mandok mauliate tu Debata, ate! I do na dumenggan.
I do nang pinatupa
ni si Musa di turpuk on. Diida ibana do halongangan napinatupa ni Debata.
Mukjizat yang dilakukan Allah di depan matanya, dalam hidupnya dan bagi
bangsanya, menjadi pendorong bagi Musa dan Miriam untuk menyanyikan nyanyian
baru bagi Tuhan. Ai ndang hea dope adong mambahen na songon i di jolo nasida.
Nunga dipalua Debata nasida sian perbudakan na mansai hansit di tangan ni raja
Parao na kejam i. Hape, bangso budak do nasida nian; boha ma i boi mangalo si
Parao, ate! Alai diparhatopot nasida, holan ala tangan ni Debata na gogo i do
umbahen boi nasida malua.
Jala na umbalga
sian i dope tahe masa. Ai diadu si Parao do muse nasida tu halongonan i sahat
tu topi ni Laut Rara i. Disi ma hapit Israel: di jolo laut na boi mambondut
nasida, di pudi pasukan ni Parao na naeng pamatehon nasida. Boratna i, ate!
Diboto Israel do hagogoon ni si Parao. Lengkap do di Parao hureta porang na
canggih, pasukan perang yang terlatih. Diboto si Musa dohot Israel do kemampuan
nasida. Si Musa sahalak buronan ni pamarenta Misir do; jala bangso i pe bangso
hatoban na so margellok, na so umboto taktik perang do, jala ndang adong maniop
alat-alat perang. Tung so mungkin do boi nasida mangalo si Parao. So boi nasida
maporus (melarikan diri) manang tu dia.
Alai, hamu angka dongan! Ndang i kenyataan
na saut. Alai justru sabalikna do. Gabe pasukan ni Parao i do lonong tu laut i.
Boasa? Ala adong Debata. Ala campur tangan Debata. Ai dipatudu Debata ma
hagogoonNa songon hagogoon ni Debata na satingkosna. Diombus Debata do aek i
gabe marsijongjong angka galumbang songon dorpi. Songon hosa ni Debata na
mangombushon Tsunami, umbalga sian i dope halongangan pinatupa ni Debata na
mambola Laut Rara i. Gabe dalan balobung ma laut i dibahen Debata (ayat 8).
Jala dipaloas Debata ma bangsoNa mamolus, mandai tanda halongangan binahenNa i.
Malua ma bangso i. Taripar tu bariba ni laut i so marmara tung sahalak pe.
Alai ianggo di
parangan ni si Parao, sabalikna do. Ai di na ro nasida naeng mangalele bangso
i, diombus Debata ma muse laut i, gabe dibondut laut i ma sude nasida, laos
lonong. Dipajojor ma sude nabinahen ni Debata: na mambahen marongso Jeriko;
manaluhon angka bangso, mambahen angka hitir sude bangso umbege goar ni Jahowa.
2.
Hamu
angka dongan! Ingkon i ma nian tiruonta, mangendehon goar ni Jahowa di sandok
ngolunta. Boasa? Ingkon okuhononta do, tung holan ala ni Debata do boi hita
sahat tu ngolunta nuaeng. Jala molo tarisihi secara jujur, ingkon okuhononta
do, tung godang do angka halongangan dipatupa Debata di ngolunta sahat tu
nuaeng. Holan angka halak na sai mangarimangi dohot mamilangi pambahenan ni
Debata do na olo marende mamuji pasangap Debata. Semakin kita menghitung
perbuatan Allah, kita akan semakin kagum olehnya, lalu nyanyian pujian dan
ucapan syukur akan melimpah deras dari hati dan mulut kita. Tarlumobi ma, ala
haluaon naung dilehon Tuhan Jesus di hita ndang adong alasanta so ingkon
mangendehon Tuhan Jesus ganup tingki. Ai ndang adong haluaon na asing so holan
dibagasan Tuhan Jesus.
3.
Huria
ni Tuhanta; Tahamauliatehon do molo lam torop dongan na mambahen angka ulaon
ucapan syukur. Alai sada siingotonta, songon na di turpuk on, unang ma tu jolma
hita mandok mauliate. Alai holan tu Debata ma. Ingkon Debata ma na gabe subjek;
unang ma na asing. Molo taundang donganta tu ucapan syukur i, donganta ma
nasida laho mandok mauliate tu Debata. Jala gumodang ma disi tapaboaboa
pambahenan ni Debata.
4.
Laos
dipatudu turpuk on do tu hita haandulon manang ketiada-taraan ni Debata. Di ay.
11 nangkin didok si Musa: "Ise ma songon Ho ale Debata ditongatonga
ni angka debata?":
a)
Boi
do dihutur Jahowa tano i mambondut angka sialo Debata (ay. 12). Songon
nabinahen ni Debata tu si Korah, Datan dohot Abiram dohot pengikutna, na
memberontak tu si Musa, gabe dibola Debata tano inganan ni kemah nasida i, laos
dibondut tano i (tajaha 4 Musa 16, 132; 4 Musa 26, 10). Songon i nang na
mangarongsohon tembok ni Jeriko.
b)
Ibana
do Debata na gok hasatiaon, kasih setia (chesed), manogunogu
bangsoNa, jala mamboan tu tano naung binaga-bagahonNa (ay. 13). Ai ise ma nian
Israel? Alai, holong asi ni roha ni Debata do na mamillit nasida gabe bangsoNa.
Hita pe, ise ma hita ala dilehon tu hita haluaon i; ala diain hita gabe anak ni
Debata? Holan ala asi ni roha ni Debata sambing do i. Ima Debatanta i.
5.
Huria
NI Tuhanta, ai Debatanta i do na 1 manompa jala na manghuasoi saluhut. Jala
nunga dipasahat sude huasoNa i tu Tuhanta Jesus Kristus. Jala Debata na
manongtong ro di salelenglelengna do Ibana, ai Debata na so marmula jala na so
marujung do Ibana dohot pamarentaonNa: Molo songon i, ndatung be tu na olo
salpu pagomgomhononta dirinta, ate. Ndatung olo be hita marsomba tu na
parsatongkinan (yang fana). I ma patoguhon rohanta asa tung lam pos rohanta
manghaporseai Tuhanta i. Unang ma songon Israel i hita. Nunga dipaidaida
simalolong nasida sude haandulon ni Debata. Nunga tung tangkas dipatudu Debata
na so adong debata na asing na tarpatudos tu Ibana. Alai sai laho do bangso i
manuntun lomona, manimbil manghaposi na asing, mangalo Debata. Gabe jotjot hona
uhum nasida. Marhite turpuk on diapos rohanta, ia Debatanta i ima Debata na so
adong tudosna, Debata na sempurna, yang sangat layak diandalkan. Asa lam tangkas
hita manghaporseai jala pagomgomhon dirinta holan tu Ibana.
6.
Ia
goar ni minggunta ima; Minggu Kantate (Endehon hamu ma di Jahowa ende na
imbaru-Psalmen 98:1) Jala topik ni minggunta mandok: MARENDE TU JAHOWA (Aku
Menyanyi Bagi Tuhan). Halak na marende ima na manghatindanghon pangulaon ni
Debata dibagasan parngoluonna. Taendehon ma pambahenan ni Debata na gabe
panindangion ni haporseaonta taringot tu habalgaon na pinatupa ni Debata
marhite AnakNa Jesus Kristus i. Amen.
