Jamita Epistel VI Dung Trinitatis, 12 Juli 2026

MARSIURUPAN

(Saling Menolong )

5 Musa 15: 6 - 11

 

1.                  Huria ni Tuhanta na hinaholongan, sai jumpangan hita do angka na pogos di humaliangta, tarlumobi di na mansai maol jolma mangalului ngolungolu siganup ari. Tabereng ma di negaranta on, godang do na pogos ala kemampuan dohot ala ni sahat gabe marpogos. Godang paingoido, pengamen na di pasar, di lampu merah, nang di kota dohot di desa. Molo di luar negeri didok mai homeless, godang doi ala ndang mampu be manggarar pajak na mansai timbo, dohot angka sew ani jabu na mansai balga gabe godang ma asida modom di undungundung na dipajongjong di topi ni dalan manang trotoar. Ndang sae pangomoan nasida laho memenuhi kebutuhan ni ngoluna siganup ari. Ternyata na pogos on sai adong do di portibi on songon pandok ni Tuhan Jesus di Joh.12: 8 :”Ai tongtong do adong na pogos ditongatongamuna…..”.

2.                  Sian na jolo pe naung adong do halak na pogos, ima na binaritahon ni turpuk on tu hita di 5 Musa 15 6 – 11 na masa ditongatonga bangsoIsrael.. Dilehon Debata do tu nasida tano nagok pasupasu; ai tano na napu, habaoran ni situak ni loba dohot susu do Kanaan, sibo-an kemakmuran. Alai sai adong do na pogos di tongatonga nasida. Bahkan firman Tuhan terus terang menuliskan: “sebab orang-orang miskin tidak hentinya akan ada di dalam negeri itu.” Mengapa? Itu memang faktor “usaha” manusia, dan kejatuhan manusia dalam dosa. Tuhan yang baik tentu ingin manusia hidup dengan layak, sehingga firman Tuhan hari ini memberikan petunjuk agar orang Israel saling membantu satu sama lain, khususnya menolong yang miskin. Ima na disungguli turpuk on tu hita asa masiurupan ma bangso I sama nasida, marhite:

a)                 Na manosa utang ganup taon papituhon (ay.1-6); Di halak Israel, sai dipasingirhon do hepeng mandok astuanna asa di taon na papituhon i, singir na sida i disosa ma. Asa ndang adong be singir nasida. Panghorhonna gabe soadong be utang na mansai leleng martaon taon, jadi ndang dipasingirhon manang tarutang lobi hurang saleleng onom taon. Angka na malo mandok ia pembatalan ni utang I holan malakku di na sataon I do, so pola gararon utang I di taon patoluhon  uju  maradian gogo ni tano I di ari sabat. Alai bi do martudutudu I tu pembatalan utang I saluhut. Pangalaho pelunasan utang I jotjot do I dilapati sian Debata, ala diradit bangso I do parent ani Debata, tung so adong be masa kelas bawah permanen di tongatoga bangso Israel. Alai boi do pigapiga sian nasida maol ekonomina alai adong do kesempatan nasida gabe hehe sian hapogoson I nangetnanget. Alai molo halak na asing/halak sileban (nokri) jala asing do muse molo halak na asing /sileban I na hot menetap (ger) ditonga nihalak Israel (ptds. 5 Musa 14: 21a). Jala sah do dipangido pangggararon ni utang nasida sian halak sileban I di taon sabat, ala ndang masuk nasida di komunitas houm ni bangso Israel. Dipatupa do uhum si songon on laho panenanghon hapogoson ditonga nibangso Israel dohot laho mangatur parsaoran nasida asa lam tu dengganna. Ala so diradoti patik dohot Hata ni Debata manghorhon hapogoson nasida, ai ndang lomo roh ani Debata mida hapogoson na masa di nasida. Molo diulahon nasida do Hata ni Debata, sai pasupasuonNa do nasida, alai sai adong do na pogos jong ditongatonga nasida ima ala so unduk nasida tu Hata ni Debata. Alai sai mulak do roha dohot holong ni Debata laho mangurupi angka na pogos. Ndang na dibagabagahon Debata tu Bangso i hamoraon tanpa syarat nang secara individu nanag secara nasional. Alai di bagabagahon Debata do kesempatan laho mandapot hamoraon i marhite haunduhon bangso i tu Debata. Sasintongna molo tagkas do diingot bangso Israel di ompunasida si Abraham sai tarpasupasu do jala gabe pasupasu tuhumaliangna. Marhite hunduhon dohot haserepon ni roha si Abraham di na mangaradoti Hata ni Debata jaloonna do upa ni haundunhonna i godang artana nang gok pasupasu dipasahat Debata tu ibana. Songon i na masa tu angka na mangalehon rohana tu Debata, si Jakob, si Josep, si Job, si Daud, Salomo, si Daniel dna.

b)                 Huria ni Tuhanta, godang do angka na gabe saksi hidup disinuaeng on na unduk roha tu Debata sai tarpasupasu jala gabe pasupasu na tu humaliangna. Tudos na nidok ni Hata ni Tuhanta di Matius 6:33, “Sai jumolo ma lului hamu harajaon ni Debata dohot hatigoranna, dung i tambahononna do sude angka ondeng tu hamuna!.” Ai Tuhanta I do mual ni hangoluan, mual ni pasupasu, jala na jumadihon saluhut na di portibi on. Jala nunga dipaboa Jesus jaminan na sian dirina pasupasu i, songon na tarsurat di:

Ø   Joh.6: 35; Ahu do roti hangoluan i,

Ø   Joh.15; 1 8, Ahu do hau anggur na tutu’,

Ø   Joh.10:11, Parmahan na denggan do anggo Ahu,

Ø   Joh.14: 6, Ahu do dalan i dohot hasintongan dohot hangoluan.

Ø   Joh.11: 25; Ahu do haheheon dohot hangoluan

Ø   Joh. 8: 12 Ahu do Panondang ni portibi on

 

3.                  Sosososo asa marasi n iroha tu angka na pogos (ay.7-11): ditonahon do tu bangso i asa unang mangaloppit tangan molo ro hapogoson di angka donganna sabangso, ima uhum haluaon di taon papituhon, ndang adong disi sangkap mangambati marsilehonlehon tu na mangharingkothon. Uhum I boi do gabe sabbat marsilehonlehon tun a pogos, ido alana dipatikhon Debata tu bangso Israel asa  masilehonlehon asi n iroha tu angka halak na mangharingkothon. Diparrohahon Debata do angka keluarga naung dipadanhon I jala asa maduma ngolu nasida. Ido alana, uhum di Israel dibahen do laho mangalinggomi ang ana marhahurangan.

4.                  Ingkon herbang do tangan nasida laho mangurupi angka donganna sabangso I, nang sian amteri, tenaga, pikiran nang ragam sibahenon laho mangurupi angka na hahurangan dohot na pogos. Asa unang adong na marjahat ditongatonga nasida. Mansai tangkas do ala ni hapogoson adong do jolma gabe manangko, mamunu, dohot marjahat. Alai asing ma molo naung bangkona manangko soala ni hapogoson nang hasusaan ima na mangulahon korupsi, angka koruptor ratarata angka na mora do, tung so dihalashon be hamoraonnai nang dihasabamhon, sai naeng do lam dipagukguk hamoraonna I, hape ujungna ditangkup KPK jala di hurungkon. Molo na pogos boi doi ala lemba ni orhana, neang ni orhana nang ala ni haotoonna, hajahatonna; mangula na so suman, mamangke narkoba, dohot pasudasuda artana, ndang marpangontik, boi do mambahen pogos ibana. Alai adong do na so beruntung di hangoluan on, ala PHK, ndang adong bakat, ala ditipu, ala gagal di parkarejoan dna, boi do manghorhon hapogooson. Adong do sahat na gabe  manangko laho memenuhi kebutuhan sipanganon siganup ari. Ala ni I mansai denggan do  ungkap roha ni angka na porsea I marasini roha tu angka na pogos na di humaliangna.

5.                  Huria ni Tuhanta, disosoi do hita asa marsiurupan, songon na pinamasa halak Amerika dohot Jerman. Kebiasaan meninggalkan barang bekas di luar rumah atau trotoar agar diambil oleh orang yang membutuhkan dikenal sebagai budaya curbside freecycling. Praktik ini populer di negara-negara seperti Amerika Serikat, Jerman, dan Australia, sebagai cara untuk mendaur ulang dan membantu sesama:

ü   Amerika Serikat: Warga di kota-kota besar sering meletakkan barang seperti kursi, buku, atau peralatan elektronik di trotoar pinggir jalan dengan label "Free".

ü   Jerman: Warga, terutama di Berlin, biasa menaruh barang tak terpakai di depan rumah dengan tanda "zu verschenken" (untuk diberikan) agar diambil orang lain. Namun, otoritas setempat kini mulai menerapkan denda bagi warga yang meninggalkan barang terlalu lama atau mengotori jalanan umum.

ü   Australia: Dikenal dengan istilah kerbside collection (pengumpulan tepi jalan). Warga biasa menaruh barang-barang besar di luar rumah menjelang jadwal pengambilan sampah tahunan oleh pemerintah kota, yang kemudian sering dimanfaatkan oleh pencari barang bekas.

Tudos ma na disosoi Ap.Paulus di Galatia 6:10 Antong, binsan sadihari dope, taulahon ma na denggan di saluhut halak, alai gumodang ma tu donganta sahaporseaon! Naeng ma on sai gorgor di roha ni angka na porsea, asa mansai godang dope na pogos ditongatonga nihuria i, jala boi do mangerbang on tu duru ni huria i. Asa huria ni Tuhanta i na tarpasupasu jala tarjou siboan haluaon, ndang holan sijalo haluaon, alai boi do siboan haluaon tu humaliangna. Kaum miskin tidak akan pernah lenyap;  “Mungkin Yesus sedang memikirkan Ulangan 15:11 ketika Ia berkata, 'Orang miskin akan selalu ada di antara kamu' ( Matius 26:11 ; Markus 14:7 ; Yohanes 12:8 ).”

6.                  Huria ni Tuhanta, topik ni minggunta manjouhon hita asa: Marsiurupan (saling menolong), ima ngolu ni angka na porsea. Asa dison ma hataridaan ni potensi diakoni ni huria laho mangurupi angka na pogos. Unang ma lalap huria I holan laho pajongjong gareja  na megah, alai hurang di na mangurupi na pogos. Diakonia HKBP bukan sekadar kegiatan sosial, melainkan wujud nyata kasih Kristus melalui tindakan konkret. Pelayanan ini menjembatani jurang penderitaan dengan membawa pemulihan, penghiburan, dan keadilan bagi mereka yang terpinggirkan, sakit, atau berkekurangan, sekaligus merefleksikan kehadiran Allah di tengah dunia ini. Tudos tun a nidok Jesus di Matius 25:40 “Dung i alusan ni Raja i ma nasida: Situtu do na hudok on tu hamu; Nasa na binahenmuna tu sada sian anggingku angka na metmet on, na tu Ahu do i dibahen hamu!” Amen.

Jamita Epistel Minggu V Dung Trinitatis, 05 Juli 2026

HALUAON NI SALUHUT BANGSO   

(Keselamatan Bagi Bangsa-Bangsa)

Pangungkapon 7: 9 – 17

1) Huria ni Tuhanta na hinaholongan dibagasan Jesus Kristus, Apostel Johannes na dapotan pangungkapon on dibolongkon tu Pulo Patmos, ma sada pulo di Laut Tengah. Molo pe di inganan i ujui si Johannes, alanı barita nauli na binaritahonna do, i ma taringot tu Jesus. Mangihuthon barita, di taon parpudi ni panggonggomion ni kesar Dominitianus do na masa on. Kesar ma mangelele halak Kristen on mangula di taon 81-96. Di inganan on do ibana dapotan pangungkapon taringot tu angka na naeng masa di ujung ni portibi on Sogot. Pangungkapon na dipabotohon tu si Johannes on, na disurathon laho ditongos tu pitu huria na adong di Asia Kecil (Pangk. 1: 11).  

2) Di bindu 7 on adong dua parnidaan ni si Johannes ima: parnidaan taringot tu Huria na di portibi on dope (parnidaan parjolo ayat 1-8) dohot parnidaan dung di banuaginjang (ay 9-17). Na dua parnidaan on ditempathon do di tongatonga ni uhuman ni Debata songon na dipatorang na di jolo ni bindu 7 on. Sian i tarida paboa di tongatonga ni angka hataridaan ni uhuman ni Debata, tardok gabe ngolu las ni roha do di angka na porsea, ai gabe hatuaon do i di angka na porsea. Asa molo tahubungkon bindu 6 dohot bindu 7 on, mansai jonok do pardomuanna ai memang di tongatonga ni angka hasosahon ni ngolu di tingki uhuman ni Debata tardok pangurupion ni Debata do na tuk mangurupi. Huaso ni Debata sian banuaginjang do na tau mangondihon jolma angka na porsea. Lapatanna ndang dohot horong ni na lao mago molo masa depan ni angka na porsea, ai diurupi jala diramoti Tuhan Debata do nasida di tongatonga ni angka hasosahan ni ngolu di portibi on.

3) Di bagasan pangungkapon ni apostel Johannes di Pulo Patmos na tarsurat di Pangk 7:1-8 dijolo turpuk sadarion, didok paboa diida ibana surusuruan na maniop sahap ni Debata na mangolu. Mandok asa unang jolo diago tano, laut, angka hau, paima disahapi (dimateraikan) surusuruan ni Tuhan i angka naposo ni Debatanta di bohinasida pe. la bilangan ni angka na tarsahap i saratus opatpulu opat ribu sian saluhut margani halak Israel. Sian ganup marga Israel na 12 marga i, ganup 12.000 halak na tarsahap i. Holan nasida na 144.000 on do naso diago Debata di ari paruhuman sogot i! Alai angka na asing na so tarsahap i, diago do di ari sogot ai jaloon ni jolma i do ganup hombar tu na niulana be manjalo uhum di api naroko. Asa molo taringot tu na masa sogot do jamita on, naeng ma tahaporseai Jesus Kristus, Birubiru ni Debata na mamorsan dosanta i do nuaeng jala tabereng hatongamon ni surgo i sogot di turpuk jamita sadarion.  

4) Na diida si Johannes do di parnidaanna na paduahon on (turpuk sitangkasanta) Huria naung marhamonangan (triumphant), i ma Huria naung niurupan ni Debata di bagasan parnidaan na parjolo, na berjuang dope di portibi on (crusis), i ma punguan ni jolma na marharoroan sian angka torop bangso, maruloshon abit na bontar, jongjong di habangsa ni Debata. Jala sude punguan ni jolma na torop on, sasintongna i ma na marharoroan sian angka sitaonon godang. Molo didok hasusaan (sitaonon) godang, i ma songon sada istilah tehnis do on i ma na dipangke na mardomu tu patujolo ni Haroro ni Kristus na paduahon (Dan 12: 1; Markus 13: 19), manang songon pambebeon na masa tu sada ina na naeng mangintubu (Rom 8: 22). Jala on ma na songon pangujungi na ingkon boluson ni Huria di portibi on. Dipangke si Johannes dison bentuk future tense dope, na mandok ia hasusaan bolon i masa dope di angka ari na naeng ro (Pang 3: 10), alai laos dipaboa ibana do paboa ibana sandiri nunga mengalami hasusaan i nuaeng (Pang 1: 9). Laos boi do patudosonta tu na nidok ni si Paulus paboa ibana sandiri pe nunga mengalami hasusaan i nuaeng (2 Kor 1:4-5). Alani ndang apala marasing ngolu ni halak Kristen di na naeng songgop ari Haroro ni Kristus paduahon dohot ngolu ni halak Kristen di angka ragam ni partingkian nuaeng on, hira sarupa do. Sian zaman tu zaman hasusaan bolon i sai tongtong do ingkon alamanna i. Alai di saluhut na masa i, ba marhamonangan do halak Kristen i, ai ujung ni ngoluna ndada portibi on. Ndada sitaonon kata terakhir di angka na porsea, alai ngolu di banuaginjang do. Panghirimon na songon on ma margogoihon Huria, angka na porsea di portibi on, ai marpungu do muse hita na porsea, halak, boasa bunuh diri? I ma ala so adong be sihirimon. I do umbahen na maruloshon abit na bontar, di adopan ni habangsa ni Debata. Boasa mandele didok si Paulus ndang adong be na dumangol sian ngolu ni halak na so adong panghirimonna. I ma parjolo na naeng ondolhonon ni turpuk on.

5) Ayat 9-10. Molo ditaringoti maremare na naeng marningot pangalaho ni na masa di pesta pardalanan na borat sian Misir tu tano Kanaan. Molo di tingki pesta on na parlapelapean ni halak Israel do, i ma dung malua nasida sian angka jongjong do halak Israel di jolo ni pelataran bagasjoro maniop maremare hombar tu 3 Musa 23: 40. Hira tindakan na sarupa ma na masa di banuaginjang di bagasan diri ni angka naung marhamonangan i, paadop bohi di habangsa ni Debata di bagasan situasi las ni roha, ala marujung do hape paralóan na borat i di bagasan las ni roha. Di pandohan Bahasa Indonesia adong do peribahasa didok : Berakitrakit ke hulu, berenang-renang ke tepian, bersakit-sakit dahulu, bersenang-senang kemudian. Aut dipapillithon tu hita nuaeng on: Dia do tumagon mengkel parjoło, alai tangis parpudi, sian tangis parjolo, alai mengkel parpudi. Songon halak na porsea hita nunga taboto, jala i do haporseaon (pamotoan na tontu taringot tu na so niida Heber 11: 1) paboa ujung ni ngolunta i ma hasonangan. Jala somalna halak na marnida masa depan jauh lebih indah, i do na gigih na mangolu on. Sarupa dohot pamborong do i, molo diida do proyekna mansai arga, ba mampu do on menerobos tung boha pe sulitna. Songon i ma sasintongna ngolu ni hita na porsea, boi do hita manahan mandalani ngolu na paet on, asal ma dapot hita hasonangan i. Ai molo taringot tu portibi on, Jesus sandiri pe nunga mangalumbahon, haporsuhon do jambarmuna di portibi on. Alai pos ma roham, nunga hutaluhon portibi on.

6) Angka ise do na maniop maremare i ? I ma angka jolma naung niburi ni mudar. Molo di Padan Na robi diburi asa boi berhadapan dohot Debata (2 Musa 19: 10)., 1 Musa 49 : 11 i ma na diburi dohot parbue ni hau anggur. Psalm 51: 9// Yes 1: 18 diburi ala ni hasesaan ni dosa sian Debata, halak na birong i gabe bontar, Na naeng dohonon ni si Johannes i ma maremare i, i ma angka naung manghangoluhon dohot manghaporseal paboa sude na adong di habangsa ni Debata dohot na maniop angka Jesus Kristus i ma na durus mudarNa laho paiashon dirinta sian dosa. Jadi diida si Johannes uju i mansai torop jolma na so dapot bilangan, sian angka bangso marga dohot houm dohot hata, i ma si 144.000 na jongjong di adopan ni habangsa ni Debata, dohot diadopan ni birubiru i, na marulos abit na saksak jala na maniop maremare di tangan nasida. Marende do punguan na balga i pasangaphon Debata mandok: Tua ma di Debatanta, na manghunduli habangsa i, dohot di birubiru i. Ende halalas ni roha 1 diendehon nasida marhite na maniop maremare, na "melambangkan las ni roha dohot olapolap hamonangan nasida". Pesta bolon na hot ro di saleleng ni lelengna i dimulai uju i, paboa Jahowa na gabe Raja di liat portibi on, rap hundul di siamun ni Kristus, Birubiru i naung mate humophop si 144.000 halak na tinobusNa i. Alai, molo didok pe si 144.000 halak i sian bangso Israel (Pangk 7:4). Ndada "Israel pardagingon" na nidokNa disi, alai "Israel partondion", i ma punguan na pinalua ni Debata sian angka bangso na adong di portibi on.  Molo pe didok 12.00 halak be ma sian ganup marga ni Israel na pinaluaNa di ari sogot, lapatanna sude marga Israel na 12 i dos bilanganna angka na tarsahapi. Alai ndang bilangan i na umporlu etongon, alai paboa adil do Debata, ai sian ganup bangso na adong di portibi on, dos do bilanganna di ari sogot jongjong di adopan ni habangsa ni Debata. Ndang gabe angka bilangan i na umporlu, alai hasintongan ni Debata do diida portibi on. Ai ndada mardingkan Ibana maradophon nasa bangso na tinompaNa sude, dos do jambar ni ganup bangso na adong di portibi on dibahen Debata. molo halak Israel mamuri diri ni sasahalak i pe asa boi mangadophon Debata, marlapatan do, i ma angka na marhasangapon di habangsa ni Debata, i ma angka jolma na porsea na marhaposan tu panghophopon ni Jesus Kristus, na marondingonding tu mudar pardamean di bagasan Jesus Kristus.

7) Ayat 11-12: Uju i si Johannes mambege songon dia angka surusuruan saluhutna jongjong humaliang habangsa ni Debata na didok songon angka sintua (tua-tua), dohot pangolu na opat i (keempat makhluk) manungkap huhut manomba Débata. Marende do nasida mandok: Amen (sintong) sude pambahen ni Debata na mangalehon asi ni rohaNa tu angka naung tinobusNa sian saluhut bangso i, Dipuji nasida do Debata naung patongonhon halongangan ni asi ni rohaNa na paluahon bangsoNa. Pujipujian dohot hasangapon dohot hapistaran, dohot hamauliateon dohot hagogoon dohot hatoguon ma di Debata ro disalelenglelengna! Amen. I ma hata ni angka sintua dohot pangolu na opat i, patuduhon gok di Debata do saluhutna jala hot do habangsaNa, naso tupa pesan manang marujung! Ala ni i, ndang boi angka na di portibi on laho mangintopi huaso hagogoon ni Tuhan i, ai guru di Ibana do tano dohot laut nang sude pangisi ni portibi on.

8) Ayat 13-14: Ujui tarjadi do sada "tanya jawab" antara ni si Johannes dohot sada sian angka sintua i. Adong, do 24 sintua na hundul humaliang ni Debata, jala sada sian i ma na tumimbo pangkatna manghatai dohot apostel Johannes di tingki i (paheba Pangk. 4:4). Didok sada sintua (surusuruan) i: "Ise do angka i, jala sian dia do ro angka i na maruloshon abit na saksak i ?" Ai porlu do dipasungkunhon sian dia do dalanna nasida mamangke abit na saksak i. Jala sian dia do nasida ro? Johannes holan mangalusi: "Ale tuanku, ho do umbotosa". Gabe didok surusuruan i ma, ia angka punguan na balga i, i ma naung ro sian haporsuhon godang; ai nunga diburi nasida abit nasida, jala dipasaksak di bagasan mudar ni birubiru i. Halak na godang manaon parungkilon (hasusaan) do nasida saleleng di ngolunasida, jala nunga diburi abitnasida jala dipasaksak di bagasan mudar ni birubiru i. Kristus do naung mate humophop nasida, na boi pabadiahon ngolunasida, huhut gabe dapotan haluaon salelenglelengna do nasida hinorhon ni mudar ni Kristus i. Ndada ala ni pambahenan nasida umbahen dapotan inganan nasida di harajaon ni Debata di ari sogot i! Ai na mangolu do na porsea atik pe mate Ibana (Joh. 11: 26). Asa unang malalaphu dohot marlembalemba hita di ngolunta nuaeng on, ai ndang taboto sadihari hita songon naung nialaman ni angka naung manjoloani hita. I do umbahen didok si Luther, ia ngolunta nuaeng on i ma sada arakarak kematian, sekarang saya mengantar orang ke liang lahat, tetapi besok mungkin saya diantar teman yang lain dst. I do na sinoarahon ni ama ni Huria na parjolo i: Mementomori = Ingot ari hamamatem.

9) Ayat 15-17: Molo dung sahat nasida di jolo ni habangsa ni Debata, holan mangoloi Ibana ma nasida arian dohhot borngin di bagasan jorona i na pinauli ni Debata di harajaonNai. "Inganan na sun badia" do inganan i na somal diingani sintua ni malim di bagas joro ni halak Israel. Gombaran i dibahen songon tudosan laho manggombarhon asi ni roha ni Debata na so hasigatan i. Pasangaphón Debata nama ulaonnasida mamboan pelean manomba huhut mamujimuji Ibana. Ndang be male, mauas, ditinggang las ni ari dohot manang dia na mohop be ngolunasida uju i. I ma ngolu na asing situtu sian ngolu na di portibi on. Ala ni aha? Ai Kristus, Parmahan na di parsitongaan ni habangsa i do na marmahani nasida di sude ngolunasida. Ditogihon nasida tu angka mual aek hangoluan, ndang adong be arsak ni roha; ai apusan ni Debata do nasa iluilu sian mata nasida uju i. Di tingki i surgo nama inganannasida ro di salelenglelengna, ndang di portibi on be. Holan las ni roha nama ngolu ni angka na porsea i sogot!.  

10)                Molo pangisi ni surgo i sogot nunga ditontuhon. Debata bilanganna, jala ndang boi malua i sian naung tinontuhonNa i. Jadi, molo pe lan haporsuhon taadopi di ngolu on, sada dalan na ummuli do i asa gabe bongot hita tu harajaon ni Debata sogot (patudos Ul. Apostel 4: 22). Ai nangpe godang haporsuhon na taadopi di portibi on, ndang gabe i pangasahononta di adopan ni Debata. Ai ingkon jolo diburi do dirinta nang ngolunta i, dipasaksak tu mudar ni birubiru i. Lapatanna, tong do ndang ala ni hagogoonta umbahen na masuk tu surgo hita sogot, unang adong na gabe patubu ginjang ni roha ngolunta i nuaeng, molo pe taula angka na denggan. Parbue ni haporseaon do ulaon na taula i ! Ingananta sogot i ma di surgo ndada inganan di portibi on, na gok mara, hasusaan i Ndang be male mauas, ditipa las ni ari, uhum na so tingkos dohot lan naso hinalomohon ni rohanta Sude arsak nang hoihointa dipasiding Debata nama di surgo i, ai Pangapul na tutu i nama na mangapuli rohanta di surgo i. Amen.

Jamita Evangelium, Minggu IV Dung Trinitatis, 28 Juni 2026

HOLONG MAMBOAN LAS NI ROHA DOHOT APULAPUL

(Kasih Yang Menggembirakan Dan Menguatkan)

Pilemon 1: 4 – 7

 

a)             Huria ni Tuhanta na hinaholongan,la turpuk on i ma surat ni Apostel Paulus tu si Pilemon dohot huria na marpungu di bagas ni si Pilemon (2). Laos marisi elekelek tu Pilemon asa dijangkon denggan si Onesimus i ma naposo (hatoban) ni Pilemon na lintun (16-21), jala mulak muse, jala si Paulus ma pature sude molo adong na hurang di pangalaho ni si Onesimus.

Goar Onesimus ima goar ni baoa molo di Hata Gorik lapatanna : na hasea. Ibana ima sahalak hatoban ni si Pilemon na maringan di huta Kolose, molo sian panuratan na di Padan na Imbaru. Na tartangkup ma si Onesimus laos dihurungkon raphon si Paulus. Jala uli rohana mangido parlinggoman tu si Paulus, jala ditongos si Paulus ma surat tu si Pilemon asa mardenggan dohot si Onesimus. Dibagasan surat ni si Paulus tu si Pilemon paboa naung gabe Kristen do si Onesimus jala pos rohana di haradeon ni si Onesimus mangurupi panghobasionna. Di Kolose 4: 9 di dpaboa do si Onesimus songon pangurupi na burju jala arga. Gabe ro ma si Onesimus tu si Pilemon marhite panogunogguon ni si Paulus marhite surat tu si Pilemon. Paulus tahu bahwa menurut hukum saat itu ia bertanggung-jawab untuk mengembalikan seorang budak yang kabur seperti Onesimus kepada tuannya. Adong do uhum di angka na manabunihon angka hatoban na lintun hona uhuman di panggomgomion Rom. Laos boi doi manghorhon hamaolon di parsaoran na haKristenon ni si Paulus dohot tu si Onesimus dohot tu si Pilemon. Arop roha ni si Paulus asa di haroro ni si Onesimus tu si Pilemon, asa dietong ma unang be songon hatoban alai songon dongan sahaporseaon na nihaholongan. Jala di ay.10 pe naung dijanghon si Paulus do si Onesimus gabe anak hatubuanna uju di hurungan I dope.

 

b)             "Holong ni roha na mangolu jala mangula" Mura do lapatan ni tangiang di halak na manghaporseai Tuhan i. Ndada holan na mangido alai manangihon, marsaor, pahusorhusoron pambahenan ni Debata di ngolunta, dna. langgo Apostel Paulus di turpuk on, mandok mauliate do tu Debata di tangiangna di na diingot ibana parbue ni parsaoranna na uli dohot si Pilemon. Di ngolu ni Apostel Paulus sude na masa di ngoluna siala naung dipasahat ngoluna tu Tuhan i, i ma campur tangan ni Tuhan i do i. Sai marhaujungan tu Kristus do sude dihaporseai ibana na masa di ngoluna. Dibahen i sai dipatuduhon do pandohan mandok mauliate tu Tuhan i, manang pigahali di suratna 1 Korint 1, 4; Pilippi 1:4; Kol. 1:3; 1 Tess. 1: 2). Songon na marroha diri do Apostel Paulus, di na mandok"...tu Debatangku .." Alai i do sasintongna di panindangionna do i. Ndang sae na mar-Tuhan i, ise Tuhan i didok halak, alai ise do Tuhan i, di ho, di ahu. Laos saurdot do di panindangionta, Ahu porsea di Debata... Ahu porsea di Tuhan Jesus Kristus Ahu porsea di Tondi Parbadia….

c)              Panghangoluhon ni si Pilemon di ngolu haporseaonna, dasip do di holong ni roha i, ai di holong ni rohana tu Tuhan i, laos patar do i di holong ni rohana tu donganna sahaporseaon (na badia). Nda jotjot masa di ngolu hakristenonta telpang do tabahen. Olo do mansai ronsot situtu marhite hata dohot pambahenanta tu Tuhani, alai di ngolu parsaoranta ndang tarida parbuena. asa tau hamu Panandaon dohot panghangoluhononta di ngolu haporseaon i naeng do bertumbuh jala berkembang laho" mananda nasa na denggan "maradophon Kristus. Saurdot do sahat nidok ni Apostel Paulus di Rom 12: 2.b manimbangi lomo ni roha ni Debata, i ma nauli, na hinalashonna dohot na sun denggan....

d)             Huria ni Tuhanta, berengonta ma dison na mangula do holong ni roha I mamboan las n iroha dohot apulapul, songon topik ni minggunta: HOLONG MAMBOAN LAS NI ROHA DOHOT APULAPUL  (Kasih Yang Menggembirakan Dan Menguatkan):

Ø   Holong I manjanghon hatoban gabe anak (ay.10). Di ngolu pangantusion di hatoban mansai pogos jala dangol do tingki i... ai hatoban ndang dietong i songon dongan jolma, alai barang na mangolu do manang songon pinahan. Alai halak Kristen do mamboan lapatan na imbaru, ia hatoban dohot do i parjambar di haluaon na binoan ni Tuhanta. Di parsaoran ni halak Kristen angka hatoban pe dijangkon do gabe ruas na dos songon angka ruas na asing. Sada terobosan mangalehon pangantusion na imbaru di holong ni roha. Galatia 4:7 Dibahen i, ndang be hatoban ho; tung anak do! Alai molo anak, laos panean do ho marhite sian Debata! Sebagai orang percaya, Alkitab berkali-kali menegaskan bahwa kita telah diangkat sebagai anak-anak Allah sehingga kita dapat berseru kepada Allah dan memanggil Dia,  "Abba, Bapa!".  (Baca Roma 8:15).  Kita yang dahulu hidup dalam perbudakan dosa kini telah dibebaskan melalui pembenaran dalam karya kudus Kristus di kayu salib.  Kita dinyatakan benar oleh pengorbanan Kristus sehingga Allah mengangkat kita menjadi anak-anakNya.  Secara Alkitabiah, pengangkatan anak adalah tindakan Allah di mana seseorang yang telah diperbaharui Roh Kudus diubah dan dibenarkan, kemudian dipindahkan ke dalam persekutuan orang yang ditebus dalam keluarga Allah. Kita tidak lagi hidup dalam ketakutan atau ikatan hukum Taurat, melainkan memiliki hak penuh sebagai ahli waris Kerajaan Allah.  Karena kita adalah anak, marilah hidup dengan mental sebagai anak-anak Raja yang bertahta atas langit dan bumi. Anak-anak yang mewarisi segala kuasa dan kemampuan yang daripada Allah sendiri.

Ø   Holong Ima na mambahen hita gabe negosiator laho patupa  restore relationship; padengganhon parsaoran asa lam tu ulina.manogunoggu hita gabe sitotas nambur laho padamehon na marsoal, na marbada, na so domu gabe padomuhon. Ima na diparangehon si Paulus mangelekelek si Pilemon asa mardame jala manjanghon si Onesimus. On ma sada tugas ni na marholong roha, olo merintis perdamaian, dohot palambonghon roha ni dongan asa mardamedame rohana siala Tuhanta Jesus naung padamehon hita jolma pardosa on dohot Debata. Tugas ni angka na porsea do I laho mamboan hadameon unang ma mamboan hagunturon manang badabada.

Ø   Holong I nao lo manangondihon; songon si Paulus mangondihon si Onesimus, ditangianghon do asa marhamubaon jala si Pilemon pe asa marhamubaon ni roha manesa dosa si Onesimus. Mansai uli do ulaon na mangondihon songon angka malim, apostel nang parmahan hita ima sinuaeng on angka parhalado gabe sipartangiang laho mangondihon ruas ni huria na dibagasan hausaan. Ia tangiang pangondianon ndada na mangondihon keluarga manang sisolhot sambing alai naeng ma lam mangerbang sumarihon panggulmito ni ngolu na dihumaliang.

Ø   Holong I naeng ma mamboan las ni roha dohot apulapul. Keberadaanta songon na halak na porsea naeng ma mamboan las ni roha nang apulapul tu saluhut songon na pinarangehon si Paulus dibagasan turpuk on. Asa marhite I lam ganda na mananda Kristus dohot na mangulahon lomo ni rohana.

e)             Molo didok Tuhanta: Hamu do sira ni tano on, dohot hamu do panondang níportibi on; naeng ngolu ni halak Kristen i mangalehon dai dohot padaohon habusuhon, jala mangauhon panondang patiurhon keadaan na sasintongna. Ragam do dipatupa si Pilemon patuduhon ngolu holong ni roha i tu donganna Kristen tingki i, na manombur panghilalaan ni halak Kristen uju i. Songon i do nang hita, diigil Tuhanta naeng gabe creative jala pro-aktip di ngolu haporseaonta laho mangalehon dai padaohon habusuhon, huhut mangalehon sondang na mamboan ngolu. Amen.

Jamita Epistel Minggu III D.Trinitatis, 21 Juni 2026

SALUHUT DO DIRAMOTI DEBATA

(Pemeliharaan Allah Yang Universal)

Mateus 6 : 25 – 34

 

a)                       Huria ni Tuhanta na hinaholongan, Sabagian sian jamita dolok do turpuk on, ima jamita ni Tuhan Jesus na mansai hona tu parngoluon siganup ari. Apala na masa di ngolu siganup ari do ditaringoti di turpuk on, ima taringot tu na holsoan. Ai toropan jolma sai holan na holsoan. Holsoan do na pogos ala ni hapogosonna, jala laos songon i do nang na mora, holsoan mamingkirhon hamoraonna. Holsoan do na oto, ala ndang tuk parbinotoanna laho mangatasi angka na masa di ngoluna, laos songon i do nang na pistar, marragam siholsohononna, ala godang nabinotona, hape ndang tuk gogona mangulahon saluhut na binotona i. Angka parjabatan pe holsoan do sotung meret hasangapon i sian ibana. Sude do jolma di sude tirket ni ngolu on masiholsohon na di ibana be. Diboto Jesus do na sude do jolma holsoan, ala ni i do gabe sada pokok jamita ma i di Jesus di jamita dolok, na mangonai tu sude jolma, asa unang nian holsoan jolma i. Diboto Jesus do godang angka dampak negatip ni holso i. Isarana, manghorhon hagaleon jala manghorhon sahit do holsoholso, manghorhon pangiburuon, jala manghorhon godang angka na negatip. Ala ni i do tung tangkas diajarhon Jesus, asa unang nian sai holsoan hita jolma.

b)                      Na marudutudut do sude isi ni Jamita dolok on, so boi tarsirang na sada tu na sada nari. Marragam do pokok jamita na masirainrainan di jamita dolok on. Isarana anjuran ni Jesus taringot tu partangiangon na sintong di jolo ni turpuk on (ayat 5-15), sadalan do i tu pokok parasi ni rohaon dohot anjuran asa unang holsoan na adong di turpuk on. Tung apala pungu do Jamita dolok on disurathon si Mateus sian bindu 5 sahat ro di bindu 7, ala ni i gabe mura antusan, ala masitumpahan perikop na sada tu na sada nari. Anggo di evangelium na asing. isarana di evangelium Lukas, ndang pungu jamita dolok on disurathon, alai marsirang be hira na soada hubungan. Alai anggo panurat ni Mateus, himpu pungu jala jojor jamita dolok i disurathon dohot tujuan asa tarida na so tarsirang sude perikop ni jamita dolok i. Sabagian sian jamita dolok i ma nuaeng turpuk on na mandok asa unang holsoan. Ai diboto Jesus do na sai holsoan angka jolma, ala ni i, asa unang nian holso i mangarajai roha dohot pingkiran, unang ma gale jolma i dibahen holso i, ala ni i diorai Jesus sude jolma asa unang holsoan.

c)                        Ala ni i do, unang holsoan hamu (ayat 25). Pandohan "Ala ni i do..." patoranghon na so tarsirang ayat 25 on tu angka ayat na di jolona, ima anjuran na mandok asa unang marhaposan di arta, jala unang mardua tuan. Ai na boi do sikap na holsoan i gabe manghorhon roha arta, jala boi marpanghorhon tu sikap na mansoadahon Debata, manang mardebatahon arta, Hasomalan ni na mangholsohon ima morongorong huhut passip so mangula ulaon. Hape anggo halak Kristen ingkon mangula ulaon do, dia ma na boi siulaon hombar tu kemampuan. Molo adong hamaolon manang hahurangan di materi manang sibaenon, ndada ringkot i holsohonon manang oronghonon, alai patupaon ma dia na boi tarpatupa. Manang molo so i molo ndang tarbahen, tumagon do masisungkunan tu angka dongan dari pada holsoan. Ala ni i do didok Jesus di jolo ni turpuk on, " Pangido hamu ma sai na lehononna do di hamu, lului hamu ma sai na jumpangan do hamu, tuktuhi hamu ma sai na ungkaponna do di hamu"(Matius 7:7). Saluhutna pandohan i mangorai asa unang holsoan, jala menganjurkan asa aktif mangulahon manang dia na boi tarpatupa hombar tu kemampuan. Ala marragam do angka na maol di ngolu on, ganup ari do hita pajumpang tu angka kesulitan na marragam. Ala ni i ndang denggan sai holsoan, ai ndang membangun na sai holsoan i tu hadirionta, alai manegai do.

d)                      Panarihonon ni Debata (ayat 26). Sada contoh na praktis dibaen Jesus di turpuk on, ima taringot tu angka pidong na so manabur, jala ndang papunguhon tu sopo, ndang martabungan, alai boi mangolu dibaen Debata. Ndada na anti manabung Jesus i, manang anti papunguhon. Justru di bagian na asing dianjurhon do hita asa papunguhon manang manabung di hamamasa ni gotilon (Poda 6:8), jala asa marpangontik di ngolu siganup ari (1 Timoteus 3:2), unang dipasuda angka na adong i, alai tongtong marpanarihon di ngolu na naeng ro, i do na sintong di ngolu ni halak Kristen. Alai molo so adong sipapunguon, manang siontihon, di si do asa unang holsoan, alai marpos ni roha di panarihon ni Debata. Ai ndada holan hita na manarihon ngolunta, dohot do Debata manarihon ngolunta.

e)                      Hubungan ni holso dohot umur (ayat 27). Sada ketegasan sian Jesus mandok na so adong jolma na boi paganjanghon umurna, alai Debata do. Jala ganjang ni umur ndang boi ditontuhon sian jaminan ni arta na godang, alai sabalikna, ngolu i do manghorhon adong arta, ndada arta i mambahen mangolu. Di zaman nuaeng on torop do jolma na mate tompu ala pagodanghu sipingkiranna dohot siholsohononna. Ala ni i do didok Jesus, asa unang nian sai holsoan, alai asa terbangun pos ni roha tu Debata di sude angka kondisi na masa.

f)  Unang holsohon sipanganon, siinumon dohot parabiton( ayat 28-31). Na tolu bagian i, ima na ginoaran kebutuhan primer di ngolunta on, na ingkon adong. Tuhan Jesus mambahen tudosan tu ngolu ni pidong dohot bunga na so mangula jala na so martonun, alai lengkap do sipanganonna dohot parabitonna na mansai uli. Marhite tudosan i, ndada asa songon pidong hita so pola manabur, manang manapu angka na so sinuanna, alai sabalikna ala sumurung do hita dibahen Debata sian angka pidong, ala ni i ingkon mangula do hita jala manabur manarihon ngolunta tu tingki na naeng ro, so pola holsoan so pola morongorong. Dijamin Debata do ngolunta marsipanganon dohot marparabiton, asal ma olo hita mangula ulaon hombar tu lomo ni rohana.

g)                       Patujolohon mangalului harajaon ni Debata (ayat 32-34). Marhite angka ayat on do dipaboa Jesus tu hita dia do parjolo na rumingkot siulaonta di ngolu on. Ai sai hira na rumingkot do sipanganon dohot angka arta na adong di portibi on luluan parjolo, ala digoari do i kebutuhan primer. Hape sabalikna, anggo arta i ndang boi manjamin kelangsungan ni ngolu. Sabalikna, molo denggan parngoluon ni jolma, denggan marroha, tarjamin do adong artana sipangkeonna di ngoluna. Ala ni i ummarga do ngolu sian arta, ummarga do ngolu sian parabiton. Di bagasan harajaon ni Debata do jaminan ni ngolu. Manang ise naung mandapot harajaon ni Debata, boi do dapotsa muse sude angka arta na ringkot di ngolu on.

h)                      Huria ni Tuhanta na hinaholongan; holso manghorhon hajahaton. Pingkiran na paholsohu dohot na pasarihu tu kebutuhan ni ngolu ternyata boi patubu hajahaton. Umbahen na torop angka pejabat korrupsi, ala na holsoan do ibana di ngolu on, asa adong didok rohana di ngoluna, dohot di ngolu ni ianakhonna marsundut sundut. Hape dung godang arta i dapotna sian dalan na so sintong, ndang sonang ngoluna, ndang puas panghilalaanna, torus do sai naeng tambaanna nian arta i so hea marnasae. Ala ni i, sai gumodang do holso ni angka pararta sian na so pararta, gumodang do holso ni na mora sian na pogos.

i)   Huria ni Tuhanta; marpanarihon manghorhon hapadoton mangula. Isarana angka halak Eropa, pogos do nasida di sumber daya alam, na so adong kekayaan alam sipangasahononna, hape nasida do ummora, ala nunga jumolo nasida mangalului dohot manjalo harajaon ni Debata dohot hasintonganna di angka tingki na salpu. Sabalikna halak Asia, khususna Indonesia na memiliki godang kekayaan alam alai ternyata gabe sai lam marpogos ala ndang dimiliki harajaon dohot hasintongan ni Debata, Atik pe sude warga negara Indonesia mengaku beragama, mengaku marhaporseaon tu Tuhan, alai ternyata di negara on ma na gumodang hajahaton, pembunuhan dohot angka kekerasan. Laos di negera on do na gumodang dapot KKN dohot angka penipuan na patar. Sudena hajahaton i tubu sian pingkiran ni jolma na sai holsoan so marhaporseaon tu Debata.

j)   Huria ni Tuhanta; aha do lapatan ni hata "holsoan"?. la hata "holsoan" na marharoroan do i sian dua kata dasar ima: "hol" dohot "so", Hol lapatanna "mandul" ndang produktif. "So" na marlapatan "fakum", ndang mangula. "Holsoan", ima pangalaho na so adong marpanarihon, ndang adong inisiatip mangula ulaon, alai sai morongorong di angka na hurang. Ala ni i cenderung do angka jolma na holsoan mangulahon hajahaton manang marpingkir negatip. Hombar tu si do diorai Jesus dohot tegas asa halak Kristen unang holsoan. Hata holsoan di bahasa Indonesia didok "khawatir", ima kondisi ni jolma na so jelas marpingkir, alai sai bobonosan huhut hitirhitir ateatena so boi mangula siulaon. Kebalikan ni hata holsoan, ima "marpanarihon", ima sikap na segera mangusahahon sesuatu hombar tu kebutuhan di ngolu siganup ari. Paima dapot na niluluan, rela manghasabamhon na adong, paima dapot na dumenggan. Songon i do ngolu ni angka na porsea na so pola holsoan. Ala mansai ringkot do angka sipanganon dohot parabiton, dohot sude angka na porlu di ngolu on, ala ni i do umbahen didok Jesus asa unang holsoan, alai marpos ni roha tu Debata, huhut mangula angka ulaon di bagasan panghirimon na togu. Marhite pangulaon i do Debata manarihon ngolunta. Amen.

Jamita Epistel Minggu II D.Trinitatis, 14 Juni 2026

DIPINTORI ALA HAPORSEAON

(Dibenarkan Oleh Karena Iman)

Habakuk 2: 1 - 5

 

a)                       Huria ni Tuhanta na hinaholongan, dibagasan arsak do si Habakuk marnida angka hajahaton na masa dihumaliangna. DIida ibana do hadadabu ni Juda na sega binahen ni pangalaho jala martangiang do ibana asa tartogu haporseaon ni bangso I, alai songo na so maralus do Tuhan I di namasa i. Sai sungkunsungkun ma rohana: Tuhan, didia do Ho ? boasa loasonMu masa sasudena on ? Andigan do pasauthonMu sangkaMu di na masa on ? Dung piga leleng nari, dialusi Debata ma alualuna I, “ Ale habakuk ndang na manang tudia Ahu, jala Huboto do angka na masa. Bereng ma jala parrohahon, pamasaonku ma na so dapot rohm molo hudok tu ho; sai na paheheonku do Babel laho mangatur Jehuda.” Dohot parhataan na asing; lam jumorbut do na masa tu hamu. Dison do na so tarjalo si habakuk jala ndang dapot di roha dohot pikkiranna. Masirapusan ma rohana; manghaposi Debata manang marpangunsandean tu pikiranna sandiri. Boi masa do pangalaho sisongon I, molo sipara maol tahilal aparngoluon on, mangasahon Debata do manang mangasahon pikiranta sandiri. Molo tahaposi Debata, naeng ma benget hita paimahon alusNa tu hita. Jala sian turpuk on do hita boi marsiajar sian si Habakuk taringot tu na paimahon alus ni Debata.

b)                      Tingki Paimahon; diboto si Habakuk do ai holan Debata sambing do nampuna alus na ringkot. Alai aha ma lapatan ni na paimahon i? Adong tolu dalan laho paimahon Debata nab oi putihonta sian turpuk on:

Ø   Naparjolo; paimahon dibagasan habengeton; ndang taboto sadia leleng si Habakuk paimahon alus na sian Debata. Ayat 1 on ndang paboahon I, alai dipaboa do sikap dohot pangalahona laho tumangihon alus na sian Debata. Astuanna ingkon benget do si habakuk. Isarana molo naeng laho hita mar -angkot tu gareja, alai mansai leleng ro angkot I, gabe ndang sabar be hita, jala gabe mulak ma ta tahi, ndang paimahon angkot I be hita. Disi ma hita naung gale jala mandele, menyerah. Contoh na asing, molo laho hita marubat tu dokter di Ruma sakit, hape ansai godang antrian, jala ndang olo be hita paimahon ala ni lelengna, disi ma dang pajumpang be dohot dokter I ala laho do mulak tu jabu. Na dumenggan nian paimahon do, molo tapaima denggan disi do hita marjuang (tidak menyerah). SOngon I do hita molo paimahon alus ni tangiangta sian Debata, ringkot do kesabaran, habengeton. Molo so benget hita disi ma na so unduk jala serep rohanta. Molo so benget hita jotjot doi ala naung boi ta atur na gabe alus ni pergumulanta, songon na merasa na umbotoan hita sian Debata. Molo ndang sabar hita disi ma ginjang n iroha I, asa habengeton I manghaporluhon haserepon ni roha. Taingot ma haserepon ni roha ni si Job, ndang gabe  menyerah ibana alai tongtong pro aktif; ima haporseaon na togu.

Ø   Napaduaho, paimahon dohot panatapan na tangkas, tabereng ma na niula si Habakuk; na jongjong do ibana di atas ni panatapan. Molo najolo dipajongjong do panatapan (menara) di angka kota kota asa boi mamereng tu na dao. Molo di tano na tipak, pamerengan nasida mansai terbatas do, mansai godang do na so tarnidasa. Alai molo di ginjang ni panatapan I, boi do idaonna mansai bidang jala dumenggan muse. Lam timbo panatapan I lam godang ma siidaonna.Boi do idaon nasida angka musu n aro sian na dao. Jadi aha do lapatan ni I di hita nuaeng ? Ima na so bolas hita holan mamereng angka parsorionta sambing, alai naeng do tataponta panaritaa na lam umbidang na pinasahat ni Hata ni Tuhan I tu hita. Isarana na tinaon ni Ap.Paulus, ndang adong partinaonan na umborat sian na tinaon ni si Paulus ia so holan Jesus. Mansai maol do dalan panaritaan ni si Paulus; digosagosa, mangae sahit pamatang, dibasbas; ditaon do paraona na matolbak. Alai aha ma nanidok siPaulus taringot sude panaritaanna I ? Rom 8:28 Alai taboto do, saluhutna do manumpak tu na denggan di angka na marholong ni roha di Debata, angka na jinouna sian tahina hian. Tung manatap do si Paulus di ginjang panatapan I, ai tung soada doi sude martimbanghon n ani ae ni Jesus.

Ø   Napatoluhon; paimahon dibagasan benget ni roha. Didok si Habakuk; “…jala tindang ahu di partanobatoan…” na marlpaatan ditulak ibana do asa hohom sambing. Molo na manjaga on songon security ma dohonon, ndang marnasoan, asal ma unang tarpodom jala lemba. Sai adong do dibahen kegiatanna asa jaga jala waspada ise na ro jala aha na masa. Molo so waspada, ro ma musu laho manoro, ima halelengse ni huta. On ma cara ni si Habakuk manggombarhon na pinatupana; nang pe naung sego bangsona di moral nang pangalaho, jala marungkil do ibana binahen ni I ala dihabuangan bangso Babel do nasida; disi do ibana bingung jala mabiar, alai tongtong do ibana martangiang tu Debata, ndang lari tu manang dia ibana. Olo do sipata molo ro parsorion ni ngolu sai ganggu rohanta, naung leleng ditangianghon alai laos soada hamubaon, boi gabe mandele hita, jala ndang martangiang be, mang mangihuthon angka parpunguan nang partangiangan dohot parmingguon, alai songon halak na porsea hita hot ma hita mulaulaonta, angka haringgason I unang ma moru, ai marguna doi laho pahothon pangkirimon nang pos ni rohanta tu Tuhan i. Paimahon Debata lapatanna tongtong hita manghaholongi Ibana marhite na satia mangulahon patik nang HataNa.

 

c)                        Huria ni Tuhanta na hinaholongan, alus ni Debata na tajaha di ayat 2-3; ndang dipaboa sadia leleng si habakuk paimahon alus sian Debata, alai sandok sai maimaima do ibana di Debata jala dialusi Debata do alualuna. Dialusi Debata do marhite gombaran dohot pangkirimon, asa surathononna di batu aha sidohonon ni Debata tu bangso i. Molo sinuaeng on boi do tabahen di media sosial songon: facebook, tiktok, Instagram, di wa dohot lan na asing taringot tu Hata ni Debata asa sude jolma mamereng jala manjaha, boi do molo adong situs web ni huria mansai denggan songon dalan paingothon angka sihobasan di huria nang di keluarga. Ditingkina dipamasa Tuhan I hombar tu sangkapNa. Nang pe sipata lumemba di rohanta alai ndang adong na boi manegai sangkap nang tingki ni Tuhan i. Asa benget ma jolma laho paimahon I masa ai ndang adong na so tarpatupa Debata. Dipadanhon Debata do sada restorasi nah atop di situasi na masa, mansai ringkot do paimaimahon. Mansai hansit do nian alai haluaon ni Tuhan I gira ma rot u bangsoNa.

d)                      Ay.4-5; sasintongna didok Debata do adong dua dalan ni ngolu ni jolma; adong ma halak parjahat dohot halak partigor. Molo halak parjahat i didalan ginjang ni roha do, sai marpangunsandeon do rohana tu dirina sandiri jala bondutonna do sude di dalan nasida i. Ima dalan ni bangso Babel. Alai dalan ni halak partigor i na sabalikna, ima dalan haporseaon. Dihaporseai do Debata aha pe na masa di pardalanan ni ngoluna. Na mangolu do partigor i binahen ni haporseaonna. Alai aha do lapatan ni na mangolu binahen ni haporseaonna ? Molo di konteks ni Habakuk ndada taringot haporseaon na secara teologis sambing. Ditonga ni portibi naung sega di  humaliang nasida, dihirim Debata asa porsea nasida tu Ibana dohot angka padanNa i. Asa tongtong nasida satia tu Debat  nang pe mansai borat sitaonon nasida. Ndang boi nasida pasiding halelengse ni bangso nasida i uju ro Babel manaluhon Jehuda, alai boi do nasida gabe na porsea molo tongtong nasida marhaporseaon. Ayat 4 on mansai ringkot do di hita angka na porsea songon ayat mas, na gabe siingoton, ala dikutip do turpuk on di Padan na Imbaru, ima:

Ø     Roma 1:17 – Sebab di dalamnya nyata kebenaran Allah, yang bertolak dari iman dan memimpin kepada iman, seperti ada tertulis: “Orang benar akan hidup oleh iman.”

Ø     Galatia 3:11 – Dan bahwa tidak ada orang yang dibenarkan di hadapan Allah karena melakukan hukum Taurat adalah jelas, karena: “Orang yang benar akan hidup oleh iman.”

Ø     Ibrani 10:37-38 – Sebab sedikit, bahkan sangat sedikit waktu lagi, dan Ia yang akan datang, sudah akan ada, tanpa menangguhkan kedatangan-Nya. Tetapi orang-Ku yang benar akan hidup oleh iman, dan apabila ia mengundurkan diri, maka Aku tidak berkenan kepadanya.

Di surat ni Ap.Paulus tu halak Galatia paingothon haunduhon tu na mangulahon Patik ndang boi m ambahen halak gabe pintor. Mansai denggan do patik i alai ndang mampu mambahen pintor halak di adopan ni Debata. Holan mendiagnosa do patik i alai ndang na pamalumhon angka masalah. Holan marhaporseaon tu Jesus do na boi papintorhon hita jolma pardosa on. Laos songon i ma na masa di partingkian si Habakuk, na marsak do rohana tu Debata siala bangsNa i ndang mangulahon patik ni Debata. Asa tangkas ma alus ni Debata mandok; “Na mangolu do halak na tigor I binahen ni haporseaonna” ima na tong masa tu halak Galatia. Mangolu dibagasan haporseaon ima manghaporseai Tuhani di sandok panggulmiton ni ngolunta, saleleng mangolu hita; mangolu 24 jom, 7 ari nang 52 minggu sataon. Nang songgop ragam hamaolon, sitaonoon nang haporsuhon tongtong ma hita hot marhaporseaon tu Tuhan i. Mangolu dibagasan haporseaon  ndada na holan porsea na urupan ni Tuhan i hita, alai uju sangkap ni Debata ima halelengse, manang masa musibah, tongtong ma hita manghaporseai Ibana. Halak na tigor i mangolu binahen ni haporseaonna, molo porsea do hita, paimaimaonta do Tuhan i.

e)                      Huria  na hinaholongan dibagasan Jesus Kristus; Boha do hita paimaimahon Tuhan i disituasi na maol on, ima holan sada songon si Habakuk na pasahathon haporseaonn holan tu Tuhan sambing ndada tu keadaan na di humaliangna. Laos songon i ma hita angka na porsea, unang gabe hasusaan, hahasinton, nang parsorion ni ngolu i na tapaberengbereng, alai tapaidaida ma tu ginjang, tu hasangapon ni Tuhan Jesus Kristus i. Natinaon ni Jesus i holan laho manghophop hita jolma pardosa on asa malua sian dosa, sibolis nang sian hamatean na manongtong i. Nang pe sipata maol antusanta binahen ni ragam hasusaan, parsorion ni ngolu, sai unang ma ganggu rohanta nang haporseaonta. Tongtong ma hita hot marhaporseaon jala manggula nab oi tarula hita. Naung tapasahat do luhutna tu Tuhan i marhite tagiangta, taulahon ma angka ulaonta na somal na marguna tu hita nang tu humaliang, salobina Tuhanta I do na pasingkophon. Amen.