Jamita Evangelium, Minggu TRINITATIS (Hasitolusadaon ni Debata), 31 Maret 2026

GABE SITINDANGI  NI DEBATA SITOLUSADA

(Menjadi Saksi Allah Tritunggal)

Mateus 28 : 16 – 20

 

1.  Huria ni Tuhanta na hinaholongan, ia turpukta on somal do i digoari Amanat Agung manang parenta sian Tuhan Jesus tu sude na porsea. On ma sada amanat na sangat berpengaruh, na songon api na manggorgori, mendorong, memberi semangat, memacu roha ni sisean i dohot roha níangka na porsea sepanjang abad. Ai sian 11 halak hian do sisean i, sian halak na biasa-biasa, alai ala ni amanat on gabe sude do sisik ni tano on mananda Jesus. Ala ni i tauji ma jolo manigati turpuk on. Adong 3 sintuhu ni sude turpuk on:

1)                      Parjolo, ima hata ni Tuhan Jesus di ayat 18b "Nunga sahat tu Ahu nasa huaso na di banuaginjang dohot na di tano on". Disi ma taida Jesus dilantik gabe penguasa di atas segala penguasa. Molo tajaha di Epesus 1, 21-22, didok Jesus berkuasa di atas segala kuasa, jala dilantik gabe Ulu ni huria. Di Pilipi 2, 10 didok paboa nasa tot ingkon marsomba tu Ibana, jala nasa pamangan ingkon marhatopothon Ibana do Tuhan. Boasa boi songon i ? Ima, ala Tuhan Jesus, naung adong hian do rap dohot Debata Ama sian mula ni mulana. Alai na tumangkas ima, ala naung ditaluhon Ibana musu ni portibi on, ima sibolis, dosa dohot hamatean. Hamatean i do musu na parpudi, i do naung tinaluhon ni Jesus marhite haheheonNa. I do keluar-biasaan ni Tuhanta Jesus i. Ndang adong dapot hamu di juruselamat ni ugamo na asing na songon i. Aha ma guna ni i di hita molo didok Jesus dilantik gabe Penguasa mutlak ?:

a. Singotsingot do i tu sude. Molo tahaporseai do paboa Jesus do Parhuaso, penguasa mutlak, unang adong be na pajagojagohon molo tung pe adong huaso di ibana. Angka parpangkat, angka pemimpin, angka penguasa, angka parsinjata, unang adong do manganggarhon huaso na adong di ibana laho manusai halak. Awas, adong dope Jesus na tumimbo sian ho. Tarlobi angka ama dohot natoras, unang adong na merasa berkuasa di jabu, gabe lomolomona mamukuli isterina, lomolomona mamukuli, manonggahi, paleahon ianakkonna. Awas, molo adong pe huaso di ho, na dilehon do i tu hita sian Jesus Penguasa mutlak i. Kuasa tanpa iman adalah destruktip. Angka parhuaso na so marhaporseaon, huaso na manegai, na manusai do i. Alai boha do mamake huaso asa denggan ? Tatiru Tuhan Jesus, songon na tarsurat di Pilipi 2, 5-11 ima berkuasa dalam kerendahan hati; Haserepon. I do mambahen Jesus gabe marmulia. Asa marmulia hita angka penguasa, pejabat, natoras maradophon donganta, tapaserep rohanta di toru ni tangan ni Jesus Silehon huaso i, asa dipasangap hita muse.

 

b. Diajari i do hita, unang adong be na laho tu huaso na asing. Unang olo be hita tunduk tu huaso na tumoru sian Jesus. Godang do na pasamaksamak diri songon na berkuasa, hape gabus do i. Gabe godang halak porsea tusi. Godang dope ruas ni huria na mabiar tu begu, porsea tu ulpuhan ni datu, mangido pasupasu sian setan. Iblis adalah kuasa yang telah kalah. Boasa olo be hita mabiar jala porsea tusi ? Nunga ro na gumogo, ima Jesus, boasa ndang tusi hita? Molo tung adong dope hamu nuaeng na maniop cincin sitampar dasar, ajimat panjaga ni daging, manang dorma, manang ulaula dia pe, dibagasan goar ni Tuhan Jesus huelek ma hamu, bolongkon hamu ma i. Susa hamu annon bahenon ni i. Ingot hamu, sibolis ndang mengalehon gratis. Dia selalu minta tumbal. Ala ni i, holan Jesus ma tatiop. Holan holong ni rohaNa do lehononNa tu hita. Dia-lah Raja di atas segala Raja.

 

c. Molo didok Jesus Parhuaso di atas ni saluhut, on mangalehon las dohot pos ni roha di hita. Ai Ibana na marhuaso i gabe ULU di hita, gabe pemimpinta, manguluhon hita. Molo tahaholongi Ibana, pasti lehononna ma nasa na dumenggan di hita. Diingot hamu do na masa tu si Petrus di Lukas 5, 1-11. Nunga saborngin si Petrus dohot donganna manjala di tao i, alai laos so adong dapotsa tung samponggol. Ndang na so diboto manjala, ai hutana do i, ido ulaonna ganup ari. Alai, dung torang ari, ro ma Jesus, didok ma asa sampakhononna jala i tu na umbagas. Ndang adong hian dengke disi, jala ndang somal be manjala dung las ari. Alai ternyata, gabe gok ikan do jala nasida i. Boasa ? Ima ala huaso ni Jesus. Marhuaso do Jesus manjou sude ikan sian sude inganan ro tu jala ni si petrus i. Ima hagogoon ni huasoNa. I ma pos ni rohanta. Molo taoloi Jesus, marhuaso do Jesus manaruhon arta tu jabum, manaruhon hamalumon tu dagingmu. marhuaso do Jesus paubahon roha ni suamím na tangkang i. roha ni ianakkonmu na jengkel i, marhuaso do Jesus pataruhon sirongkap ni tondi ni borum na so muli i, dohot anakmu na so mangoli i. Marhuaso do Debata mangalehon parbue ni kelapa sawitmi, Marhuaso do Jesus patupahon lobi sian napinangidom, sian naniantusanmu, ai didok si Paulus di 1 Kor. 2, 9 " Na so dung niida ni mata, na so dung binege ni pinggol, na so dung hehe dibagasan roha ni jolma, i do diparade Debata di angka na manghaholongi Ibana". Tarparade Tuhan Jesus do i di hita ala Ibana berkuasa, mampu mangalehon. Alai molo sibolis do taoloi, molo ala ni na mamele begu do, molo ala ni na martogel do, boi do i dapot, alai hasusaan do di pudina. langgo nanilehon ni huaso ni Jesus, mamboan las ni roha na manong-tong do i di hita. Ima na parjolo.

2)                      Na paduahon. Amanat Agung ni Tuhan Jesus on mangalehon tu hita tugas. Di ayat 19-20a didok:

Ø     Podai hamu ma saluhut bangso murid Ku Jadikanlah semua bangsa

Ø     Didi hamu ma nasida - Baptislah mereka

Ø     Ajari hamu mangaradoti sude na hutonahon - Mengajar mereka supaya taat.

On ma na somal tadok tugas sending, tugas marbarita nauli. Tugas na ingkon siulaonta do i, ndang boi lemba. Itu adalah keharusan. Di 1 Korint 9, 16 didok si Paulus do: Utangku hian do i. Menginjil adalah hutang, adalah keharusan. "Marjea ma ahu molo so hubaritahon i. Celakalah aku bila tidak memberitakan Injil", ninna si Paulus.

Sijamothononta do parjolo, sotung adong manghilala ia marsen-ding ima laho manambai jumlah ni halak Kristen. Ndang. Menginjili, marsending, bukan kristenisasi. Bukan !!! Muruk do Tuhanta disi. Molo boti aha do? Kita memberitakan Injil karena di dalam Injil tsb ada sesuatu yang luar biasa. Dia ma i? Tajaha di Rom 1, 15-16 "Itulah sebabnya aku ingin memberitakan Injil kepada kamu juga yang diam di Roma. Sebab aku mempunyai keyakinan yang kokoh dalam Injil, karena Injil adalah kekuatan Allah yang menyelamatkan setiap orang yang percaya"

Di dalam Injil itu ada kuasa, ada sesuatu yang luar biasa, yang dapat menyelamatkan seluruh dunia, yaitu keselamatan yang diberikan Yesus. I do na ingkon paboan tu sude jolma, asa sude jolma umboto jala olo manjalosa, asa dohot nasida porsea jala malua. Ala ni i do ingkon baritahononta.

Boha ma hita mamaritahon Barita Nauli i ?:

a)                       Parjolo tamulai ma sian na metmet, sian keluarga, tu ianakkon. Sotung adong natoras na lupa disi. Unang lalap hamu holan tu tu kelapa sawit i; denggan do padot karejo. Alai, andorang so laho tusi, jolo tangkas rap marbarita nauli di jabu, manjaha Bibel, martangiang rap dohot ianakkon. Boi do humatop marbarita nauli marhite ende. Tapillit ma angka ende di jabu angka ende rohani, ende taringot tu Tuhan Jesus, taringot tu Barita Nauli. Humatop do i tangkupon ni dakdanak i. Ingkon jamot ma natoras mamillit angka ende di jabu. Taorui ma jolo ende dangdut na mambahen lalap i, ende Batak na sai mangandungi i, ende rock na sai ruakruak i. Ende taringot tu Jesus, i ma sada dalam laho menginjili tu dakdanak. Angka Guru Sikola Minggu sai huelek, unang be holan mangajari taringot tu Jesus tu angka Anak Sikola Minggu, alai ingkon dohot do menginjili, mendorong, mengajak, manogunogu nasida laho menjalo Jesus, mengambil keputusan dari dirinya sendiri untuk menerima Jesus sebagai JuruselamatNya, unang ala ni natoras, unang ala ni halak, alai sian dirina sandiri.

b)                      Napaduahon; Marbarita nauli do hita marhite traktat, buku-buku, gambar-gambar taringot tu Barita Nauli. Alai boi do marbarita nauli marhite ulaon diakonia. Di tingki na parpudi on, hira na so tarsirang be diakonia sian marturia, marbarita nauli marhite ulaon parasinirohaon. Mangurupi angka na pogos, na kekurangan modal kerja, na marsahit, mangurupi na marsitaonon, sian sude ugamo, sude suku. I do nabinahen ni suster Bunda Teressa di Calkutta India. Ndang diboto ibana marjamita. Alai, sian holong ni rohana di Jesus, ganup ari do dilului ibana angka na marsahit, diubati, na kusta on i diburi, dipaias, gelandangan dilehon parpodomanna, na matemate ne dihaol, diabing, jala godang do i mate diampuanna dibaga-san las ni roha, angka na pogos diparlehon mangan. Gabe didok halak Calkutta do: "Ndang hutanda hami Jesus, tetapi di wajahmu kulihat Yesus". Gabe ditanda halak Kalkutta do Jesus ala ulaon diakonia ni suster Bunda Teresa. Songon i ma nian hita, burju mangurupi halak na asing di luat on, so pola marnida sian dia ugamona, sukuna. Na pogos taurupi. Na butuh modal taurupi, unang gabe sionsop mudar hita. Pangurupionta i do gabe Barita Nauli. Botoon nasida ma, di Jesus na tahaporseai i do tutu situtu adong holong, adong haluaon. Ido marbarita nauli marhite perilaku, gaya dan sikap hidup na denggan. Parange na dumenggan sian halak, na umburju sian halak, na lebih marholong sian halak, i do gabe barita nauli. Gabe dohonon ni halak ma: “Dumenggan do Jesus sian saluhutna, ai dumenggan do parange ni siihuthon Jesus i". I do ala didok si Paulus di 2 Korintus 3, 3 "Kamu adalah surat Kristus". Surat ni Kristus do hita, sijahaon ni sude halak. Sian hita ma tandaon ni halak ise Kristus i. Ala ni tapature ma dirinta, ngolunta, keluarganta, ulaonta, gabe surat ni Kristus. Ima dalanta marbarita nauli.

c)                        Napatoluhon. Maol do angka ulaon i, tarlobi marbarita nauli, boi do ingkon sumeahon hosa hita ala ni i. Alai sada jaminan dilehon Jesus dison, di ayat 20 "Ai ida ma, sai na dongananku do hamu ganup ari, rasirasa ro ajal ni hasiangan on". On do hagogoon ni sisean i. Nang pe pintor dilele do nasida, dikejar-kejar, disiksa, dipenjarahon, dibunuh, alai ndang mabiar nasida, mereka tetap tegar dan bersemangat. Boasa? Ala ditiop nasida hata jaminan ni Jesus on. Porsea nasida di pandonganion ni Jesus. Godang do halak Kristen gabe mabiar patuduhon na Kristen ibana ditongatonga ni halak na so Kristen. Mabiar so gabe naek pangkat, mabiar sotung tarhapit, sotung dipecat, sotung so dijalo karejo, gabe menyamar, dipasamaksamak ma, dohonon Kristen, ndang, alai dohonon ndang Kristen, ndang. Hata ni Tuhan Jesus on ma sitioponta: Sai na dongananku do hamu ganup ari, terus menerus, Yesus akan selalu hadir bersama kita. Dia tidak pernah absen dalam setiap detik kehidupan kita. Hita do ra na lupa, manang ndang mambuka pintu. Pangungkapon 3, 20; On do pos ni roha ni siihuthon Kristus, Jesusta i ima Debata sipardongan Didongani do hita ganup ari, di sude situasi, di sude gulmit ni ngolunta. Mabiar do dakdanak molo sahalakna tasuru mardalan di na golap. Alai molo rap dohot bapakna, ndang adong dihabiari i tung aha, ala di lambungna bapakna, na manjaga ibana. Songon i ma hita. Godang do memang sihabiaran di portibi on. Godang situtu. Alai, halak na porsea, ndang mabiar ala pos rohana, ala Debata di lambungta, Debata mandongani hita, ndang mabiar. Memang gogo do portibion manusai hita. Alai, didok Jesus do di Joh. 16, 33 "Haporsu-hon do jambarmuna di portibi on, alai ... pos ma rohamuna... nunga talu hubahen portibi on" Ala ni i, angka na porsea, nang pe gok tantangan diadopi, ndang mabiar, alai pos do rohana mandok: Siapa takut, Tuhanku adalah penguasa". Ala ni I tarjou do hita; GABE SITINDANGI  NI DEBATA SITOLUSADA (Menjadi Saksi Allah Tritunggal) Amen.