Rabu, 18 November 2026

Jamita Evangelium XXV Dung Trinitatis, 22 Nopember 2026 (ujung taon Parhuriaon)-Parningotan di Angka Naung Monding.

HAMONANGAN NI PARTIGOR DI ARI PARPUDI

(Kemenangan Terakhir Bagi Orang Benar)

Maleaki 3: 13 – 18

 

1. Huria ni Tuhanta na hinaholongan; Molo adong halak na jahat lam maningkat ngolungoluna, olo do halak na burju mangapian tusi. Jala molo lam otik halak na burju, lam leleng gabe hapit do i di tonga ni masyarakat. Olo do didok halak, na so korupsi "na loahon", manang halak na so olo mamalos na jahat siotootoan". Tabege do hata ni halak mandok: "Ingkon bengkuk do hail asa dapotan!", jala memang jotjot do angka halak na tigor ndang dapotan di pangomoan di partingkian on. Maol do halak mandok hata na sintong molo maralo tu roha ni atasan, ujungna sude hata nidok ni atasan i marsiadu manohoi. Alaj ianggo na nidokna, on do: Parrohahon ahu Bapak, ai hudukung do ho saratus porsen". Hona ehet do angka pejabat dohot wakil rakyat di tingki na salpu, ala godangan na "hohom songon na mangallang itak" paberengbereng na masa Debata sian angka na barani mandok na sintong tarhapit do jala dipapunjung sahat tu na dihurungkon. Asa tung sada habisuhon do dietong di tingki i, molo dihasiphon hajahaton dohot pangangkalion ni atasan na manegai kepentingan ni rakyat dohot bangso. Memang tung mamora do antong nasida ala ni pangotootoion i. Jala di hapian na deba ma nasida. Muruk jala manarita ma ina tu amantana, ala ia donganna satitel dohot sagolongan hatophatop nangkok jala lam mamora, hape nasida sai songon pardalan ni padati lombu. Adong do na tarpaksa mangulahon korupsi asa selamat unang hapit. Na deba, "muba ma rohana" sian na burju hian gabe jahat, ndang sian na jahat gabe burju. Marguru tu na gumogo ma, ninna rohana be. Sipata do taida, hira na dumenggan do ngolu nasida na so burju mar-Tuhan i sian hita na burju mar-Tuhan on, ate!. Jotjot do gabe dumenggan ngolu ni parjahat i. Sude do nían umboto-sa, angka ulaon hajahaton do diula, alai gok do artana, penuh kemewa-han. Huasona pe balga, ai gabe uangna mangatur sude. Sude lomo ni rohana boi saut dengan cara baik manang cara tidak baik. Hape sabalik-na do na taida masa tu halak partigor, halak na burju mangihuthon Tuhanta, na jujur, na ringgas: tong sai marpogos, jotjot gabe korban, hona pisat. Sipata heran do hita, angka parjahat i bisa menikmati hidup enak nang pe naung dipenjarahon; gariada tahe mengkel dope. Mereka yang menjalankan bisnis haram masih bisa tampil di muka umum seperti dermawan dan orang saleh. Ra olo do hita heran, boasa halak na holan mambahen hagaoron alai boi mamora; angka na mamoro mudar ni halak marhite bunga ni hepeng na manongkik, alai boi sukses angka anak-konna. Angka halak na malas karejo jala holan na tarlambat ro tu kantor alai boi menduduki jabatan tinggi. Hape halak na burju, na rajin, gabe holan songonsongon i, gariada gabe dihasogohon. Angka i ma deba sian gombaran ni na boi masa di na tapaidaida na masa, lumobi na so apala patoguhon haporseaonta di Hata ni Tuhan i. I do alana sipata tabege hata sinis na mandok: "langgo iba jolma na gale on. ringkot dope mangolu. Ringkot dope kedudukan, sinamot dohot angka na di portibi on. Ai portibi dope on". Digombarhon i do nang sikapna tu Hata ni Debata. Tupa do i ala ni pandelean, ala diida gabe ibana do hira na loahon na so "mengikuti arus zaman" i. Manang ala ni galena, ndang tahan menderita, dohot ketinggalan zaman, Tung pesimis manang skeptis do nasida mamereng masa depan ni angka na burju. Boi do i mambahen halak gabe mangiburu manang mangapian. Ala so tahan, gabe adong ma na kehilangan kepercayaan, gabe dohot ma mangulahonsa. Na deba gabe menyesali nasib, gabe mandele. Tajaha on tumangkas di Psalm 73.  

2. Alai, boha do sasintongna? Memang na ingkon songon i do: Parjahat marolopolop alai siula na denggan ingkon menderita? Pasti, ndang! Tidak, tidak, tidak! I do na naeng patangkason ni Hata ni Debata sadarion tu hita. Ima na masa tu halak Jahudi di turpuk buku Maleaki on. Nunga nian diboan Debata nasida mulak tu Jerusalem. Nunga diumban (direno-vasi) muse bagasjoro i. Nunga diajari si Esra nasida laho manghapadot-hon mangoloi patik ni Debata. Alai, tong do masa kemerosotan moral. Boasa? Ala nunga ragu nasida di holong ni Debata. Dihilala nasida, suraon dope tutu dihaholongi Debata nasida? Ai molo dihaho-longi dope, boasa loasonNa ngolunami hansitan songon on? Nunga disangsikan nasida nang keadilan ni Debata, ai diida nasida, hira so adong do gunana burju iba mar-Tuhan, hira na dipasombu Debata do angka parjahat i merajalela, mardohar (makmur) jala marhuaso. Aha ma akibat ni keragu-raguan nasida i? Gabe merosot ma nang ibadah (parsombaon) nasida tu Debata. Merosot ma nang hadaulaton, ngolu parugamoon di keseharian nasida. Ibadah mereka menjadi asal-asalan saja, otomatis, rutinitas, tanpa penghayatan. Bukan lagi untuk memuliakan Tuhan. Acuh tak acuh ma nasida mangulahon patik dohot uhum ni Debata.

3. Molo tajaha di bindu 1, 62, 9, angka malim nunga ndang be denggan mangulahon tohonanna; nunga tung anggap enteng nasida di habadiaon ni ibadah tu Debata, ai dipaloas do angka pinahan na martihas dipelehon. Molo tajaha bindu 2, 10 16, nunga dikotori nasida habadiaon ni parsaripeon nasida songon bangso ni Debata. Ai disirang-kon angka baoa ni Israel i ma pardihutana laho mangalap boru sileban gabe pardihutana, ra ala umposo manang ummuli. Hape tung diorai do i di patik ni si Musa. Jala di jolo ni turpuk on, di bindu 3, 7-12, ndang olo be nasida pasahathon parpuluan nasida tu Debata. Gabe dipajolo nasida ma membangun angka jabuna, dipapudi ma pasahat parpuluan sipakeon laho paulihon bagasjoro i dohot mangulahon peribadahan disi. Hidup peribadahan, baik ibadah ritual, terutama ibadah kehidupan di keseharian mereka sangat merosot. Ndang adong be parasingan ni bangso ni Debata dohot halak na so bangso ni Debata. Ima mambahen angka partigor hian pe gabe pesimis; sungkun-sungkun ma rohanasida: dia do siihuthonon? Molo torus iba marhatigo-ran, gabe mangsa/korban ni parjahat do iba, ninna rohana. Gabe sangsi ma nasida di keadilan ni Debata. Gabe ragu ma nasida di holong ni Tuhan. Ndang porsea be nasida di hata na mandok: sai na tarpasupasu jala sonang do ngolu ni angka partigor. Mereka benar-benar mengalami keragu-raguan rohani yang melahirkan kemerosotan rohani.

4. Ala ni i ma disuru Debata si Maleaki (na marlapatan: na Husuru utusanku) tu Israel. Hira bentuk perdebatan do dibahen si Maleaki panghataion ni Debata rap dohot na manghabiari Debata dohot halak na so daulat roha. Godang pertanyaan na retoris dohot na sarkastis di sude buku ni panurirang on. Jala turpuk on ma hira perdebatan ni angka na daulat sihabiari Debata dohot angka na jungkat, parjahat, na so daulat. Taida di ay. 13, nang pe naung dihina nasida Debata marhite angka pangalaho, sikap, gaya hidup dohot hatahatanasida, alai tetap do nasida merasa songon halak na burju. Ai pola didok nasida: Ai aha hudok hami tu Ho, Tuhan; so adong na sala hubahen hami. Dung i didok nasida ma di ay. 14: Ndang adong labana oloan Debata, tung aha ma parlabaannami ala huradoti hami tonaNa, jala martujung hami di adopan ni Jahowa Zebaot? (BIS 'Percuma saja berbakti kepada Allah. Apa gunanya melakukan kewajiban kita terhadap TUHAN Yang Mahakuasa, atau menunjukkan kepada-Nya bahwa kita menyesali kesalahan kita). Jala di ay. 15, didok nasida: Tumagon do gabe halak na jungkat dohot siulahon hajahaton. Ai lebih berbahagia do nasida, mardohar, makmur do ngoluna; nang pe diula nasida hajahaton na sumalin so adong uhuman tu nasida; hira na "tutup mata" do, hira na dipasombu Debata do; ala ni i, aha pola guna-na manghabiari Debata?, ninna nasida. Marsisir imbulu mambege angka hata nasida i, ate! Begitu anggap entengnya mereka kepada Tuhan. Leasna i Tuhanta i dibahen nasida, ate! Boha di rohamu, olo dope muba roha ni halak na songon i? Angka na so gomos haporseaonna olo ma bingung sandiri, ate! Boha do tutu, ra ninna rohana; memang jotjot songon i do kenyataan. Songon naung tataringoti nangkin, tung mardohar (makmur), semarak, gok kemewahan do ngolu ni parjahat i. So hea marminggu, hatana holan na palealeahon, alai sukses do sikola ni anakkonna, berhasil do usahana. Lomolomona mandok hata tu jolma, hira na boi do dituhor ibana sude termasuk uhum dohot keadilan, tung lea do rohana di jolma. Alai, gok do artana, sehat do pamatangna; hira na las do rohana torus. Hape angka na burju marminggu, sai tong marpogos. rpogos. Talu do ujian anakkonna. Marsa-hitsahit muse ibana. Boha, dia do tutu na tingkos?.

5. Huria ni Tuhanta na hinaholongan dibagasan Tuhan Jesus Kristus; Unang bingung bangso i, jala unang bingung nang hita, dilehon Debata ma hataNa tu nasida nang tu hita sadarion. Sian panghataion ni angka na daulat roha, di ay. 16 - 18 taida, sude na masa jala sude nabinahen ni jolma, ternyata dipaidaida Debata do. Ndang na tutup mata Debata manang na so dibege. Sude do i diida jala dibege huhut diparrohahon. Jala pasti, adong do tindakan ni Debata tu na dua horong i. Ima paposhon rohanta, alai huhut paingothon hita, paboa sude do na taula i diida, dibege jala diparrohahon Debata. Ndang adong tung otik i na lias (luput) sian pamerengan, parbinegean dohot parningotanNa. Na taula di na buni situtu pe, diida Debata do. I do ala dipaingot ende ni Sikola Minggu i hita: Hati hati gunakan tangan/ mata/mulut/kaki mu karena Bapak di surga s'lalu lihat ke bawah...". Dan untuk semua perbuatan itu, Tuhan akan mengambil tindakan.

6. Ternyata, jumpang do tingkina muse, bahenon ni Debata do parasingan ni parjahat sian na daulat. Ternyata nanti, Tuhan akan membuat perbedaan besar, yang sangat menyolok antara orang yang setia beribadah kepada Tuhan dan orang yang tidak:

Ø     Tajaha ma di ay. 16 be, didok: "ditatap Jahowa nasida jala ditangihon, jala tarsurat di adopanNa sada buku parningotan di halak angka sihabiari Jahowa dohot angka na pasangap goarNa". Ndang dihalupahon Debata nasida. Dicatat do sude goarnasida dohot angka na denggan naniulana i. Songon Raja Ahasyweros na manurathon na denggan binahen ni si Mordekhai, jala diingot muse, gabe dapotan upa na luar biasa si Mordekhai (Tajaha ma di Ester 6). Tarlobi tahe, angka na porsea di Tuhan Jesus Kristus, jala na mangasahon Tuhan Jesus salelelng ngoluna, tarsurat ma goarna di buku hangoluan i. Jala didok Jesus tu siseanna, asa nunga dihalashon nasida na boi dipatupa angka tanda halongangan i. Dia do sihalashonon ni na porsea? Ima, molo tarsurat goarta di banuaginjang i (Lukas 10, 20). Ingoton ni Tuhanta Jesus ma i muse, jala jahahononNa ma i di ari paruhuman i. Dung i masuk ma hita tu hangoluan na salelenglelengna i. Tabona i ate.

Ø     Paduahon, di ay. 17, didok - hujaha ma di terjemahan BIS: "Mereka akan menjadi umat-Ku. Pada hari Aku bertindak, mereka akan menjadi milik kesayangan-Ku. Aku akan mengasihani mereka, seperti seorang bapak menyayangi anak yang mengabdi kepadanya". Gabe bangso ni Debata, bahkan gabe anakNa. Molo anakNa, pasti haholongonNa, hophopon-Na, jala usehononNa ma sude pasupasuNa. Jala pasti gabe sitean (ahli waris) ni sude na di Debata. Wah... luar biasa, tabona i, ate! Alai anggo parjahat i, boha do ujung nasida? Didok do di angka ayat/bindu na mangihut: ditutung songon durame, dirasiphon, gabe sidege-degon ni pat ni partigor

 

7.                  Huria ni Tuhanta na hinaholongan; Songon dao ni langit tu tano perbedaan ni ujung ni ngolu ni na daulat roha dohot na so daulat i, ate!. Molo boti, boha, adong dope kebingungan manang keragu-raguanmu laho mambuat haputusan sadarion? Ngolu dia ma sihangolu-honta? Ima, ngolu na daulat. Tung tahaburjuhon ma pasomalsomal diri mangulahon hadaulaton (1 Tim 4, 7), beribadah ma hita di sandok ngolunta, marhite ibadah ritual (di parmingguan, partangiangan, sermon, dina) tarlobi di ibadah kehidupan manang di ngolunta siapari. Sude ma ngolunta, ganup menit ni ngolunta, gabe ibadah, gabe hadaulatonta ma i tu Debata. Parpudi, taapil ma jolo Psalmen 37, 1-3 "Sai unang ma mohop ateatem mida angka parjahat i, jala unang mangiburu Ho mida angka siulahon hajungkingon. Ai doras do nasida sabion songon duhutduhut, jala marmalosan nasida songon tumbur ni duhutduhut. Sai marhaposan tu Jahowa ma ho jala ulahon na denggan; inganhon ma tano i jala radoti haburjuon.”

Ala ni i di ujung taon parhuriaon on, laos tataringoti do angka donganta naung jumolo manadingkon hita. Asa taingot ma na marujung do sude angka na mangolu, asa uju di ngolunta on ma sai tongtong hita marsihohot mangolu jala mangula dibagasan hatigoran dohot hasintongan, ai hamonangan do do ujungna jambar ni angka na tigor roha i.  Songon topik ni minggunta na mandok: HAMONANGAN NI PARTIGOR DI ARI PARPUDI (Kemenangan Terakhir Bagi Orang Benar). Amen

Jamita Evangelium XXV Dung Trinitatis, 22 Nopember 2026 (ujung taon Parhuriaon)-Parningotan di Angka Naung Monding.

HAMONANGAN NI PARTIGOR DI ARI PARPUDI (Kemenangan Terakhir Bagi Orang Benar) Maleaki 3: 13 – 18   1. Huria ni Tuhanta na hinaholong...