Tarhinsat Jesus Tu Banua Ginjang, Jala
Ro Ibana Muse
(Yesus Naik ke Surga Dan Akan Datang
Kembali)
Ulaon
ni Apostel 1 : 1 – 11
1.
Huria
ni Tuhanta na hinaholongan, dipatorang si Lukas do tu si Teopilus, ia dung hehe
Jesus sian hamamatean, dipataridahon Jesus do diriNa tu angka siseanNa saleleng
40 ari. Ima mambahen las situtu roha ni sisean i Jala gabe tingki na une do i
dipake Jesus secara efektip laho membina, tarlobi paradehon sisean i tu tugas
na mangihut. Ai naeng manaek nama Jesus laho mulak tu Amana tu banuaginjang. Alai
ianggo di sisean i adong do kerinduan na asing. Dung diida nasida naung hehe
Jesus naung pinarsilangkon ni halak Romawi penjajah i, ditagam nasida, ra on ma
ombasna laho pajongjonghon muse harajaon ni si Daud, ala bangso ni Debata do
nasida. Alai ternyata ndang! Justru didok Jesus. Ianggo ombas ni i, holan Ama i
do na umboto. Jala, di Jesus, ndang apala na rumingkot pingkiran ni sisean i.
Alai, adong do tugas na rumingkot, ima GABE SITINDANGI. I do sada joujou ni ari
haheheon. Molo dung manaek Jesus tu banuaginjang, dipasahat Tuhan Jesus ma
ulaon tu hita, ima laho manghatindahon laos mamaritahon haluaon naung
pinatupaNa i tu sandok portibi on. Asa ari hananaek, sada pesta pengutusan do
i, asa laho hita manindangi dohot marbarita nauli.
2.
Adong
na ummotikna 3 bagian na ringkot siparateatehononta sian turpuk on, ima:
Ø Jaloonmuna do
hagogoon; Andorang so disuru Jesus sisean i, jolo dilehon do di nasida
perlengkapan. Ndang hea hita dipaborhat Jesus tu sada ulaon tanpa pembekalan.
Didok Jesus do: sai na dongananku do hamu ganup arirasirasa ro ajal ni
hasiangan on. Nuaeng didok: jaloonmuna do hagogoon ni Tondi Parbadia. Rumang ni
hagogoon na songon dia do na nidok ni turpuk on? Hagogoon (Yunani dunamos) i,
ima sada hagogoon na nilehon ni Tondi ni Debata, na patauhon nasida mangulahon
ulaonna songon "na sinuru manang sitindangi ni Kristus". Mansai
ringkot situtu do hagogoon i laho mangulahon ulaon na dokdok jala na arga i. I
do huaso namangalehon di hita sahala, wibawa, asa dijalo halak panindangionta.
Molo tabaritahon Jesus i, ndang hamaloonta na mangula disi, alai huaso ni Tondi
i do mangula di roha ni jolma. Ala ni i, na mambahen halak gabe porsea manang
manjalo Tuhan Jesus ndada ala ni hamaloon manang kemampuanta, alai holan ala ni
huaso ni Tondi Parbadia i do (patudos tu lapatan ni Hata Haporseaon ponggol
patoluhon). Songon dinamit do i na boi mamuntar roha batu, manang songon dinamo
na menghasilkan arus listrik na boi mamutar masin. Ala ni i, holan huaso i ma
tapangasahon, unang dirim. Alai ndang
olat ni i. Dunamos i do mangalehon di hita semangat, ringgas ni roha, hatoguon
asa rade jala manahan laho manaon sitaonon, barani mangadopi dohot mamolus
angka hamaolon manang pangambati. Ai ulaon na gok hamaolon jala melelahkan do
na marbarita nauli. Disi ma ringkot dunamis (huaso) i. Huaso (dunamos) i do
tong na mangalehon pikiran manang cara na imbaru, manang inspirasi molo sipata
sungkot ulaon na marsending i. Dilehon i do di hita panatapan na dao dohot
inspirasi. Alai, tung holan silehonlehon ni Debata do i. Kepada siapa dunamos
itu diberikan, itu adalah sepenuhnya kedaulatan Allah. Lomo ni roha ni Debata
sambing do i. Tung so adong do sian dirinta na boi manontuhon, na boi gabe
syarat laho manjalo i. Sepenuhnya adalah hak Allah. Jala hagogoon na songon i ndang hea i laho manursari
manang manegai naung denggan. Ido umbahen didok apostel Paulus :"Ai
dilehon Debata do tu hita tondi hagogoon, tondi haholongon. tondi pangarajaion
diri, ndada tondi hatahuton" (2 Tim.1:7). Jadi molo tung adong sada
hagogoon na manursari manang manegai hasadaon dohot hadengganon ni huria ni
Tuhan i, nunga ringkot i patangkason manang ujion, na sian Debata do i manang
na ro sian tondi jahat/tondi zaman (1 Joh.4:1-6). Jala, tung so boi do i
dilembagahon manang dirahuti dibagasan struktur organisasi. Tondi Parbadia
dohot hagogoonNa i bebas jala aktif do i laho mangamudihon dohot mamarrohai
angka na porsea i Na boi ulahononta ima mangidohon dibagasan tangiang:
"Ale Tondi Parbadia, na nilehon ni Debata, songgop jala mangula ma Ho
dibagasan ngolunami!".
Ø Gabe
sitindangingKu ma hamu; Tu dia do pangkeonta umbahen dilehon huaso i? Ima laho
marbarita nauli. Ndang tu na asing. Holan laho marsending do. Didok Jesus: gabe
sitindangingku ma hamu di Jerusalem dohot di sandok Judea dohot di Samaria,
sahat ro di ujung ni tano on paboahon tu sandok portibi on. Gabe sitindangi. Di
hata Yunani didok: marturein, lapatanna manghatindanghon naniida jala
hinaporseanna (penyaksi tentang sesuatu kejadian yang dilihat dan diyakininya).
Alai laos sian i do hata martyr. Asa marturein marlapatan do i, rade
manghatindanghon naniida ja la nahinapor-seaanna nang pe ingkon gabe mate ala
ni i. I ma na tagoari ulaon marbarita nauli, marsending, manghatin-danghon
Jesus i tu sandok portibi on, asa ditanda portibi on haluaon naung pinarade ni
Jesus.
Dan itu bukan pilihan tetapi KEHARUSAN
bagi setiap orang percaya, siapapun, bukan hanya pendeta atau parhalado, tetapi
juga ruas ni huria. Semuanya. Anda dicipta untuk sebuah misi (Rick Warren),
untuk menjangkau orang lain bagi Yesus. Tidak ada alasan apapun yang bisa
diberikan seorang percaya untuk tidak memberitakan Injil Ai parenta ni Tuhanta
Jesus do i di Mateus 28, 19-20 dohot di Markus 16, 15. I do gabe didok si
Paulus di 1 Kor 9:16 "Ai molo huhatahon barita na uli i, ndang
hasurunganku i; utangku hian do i. Marjea do ahu, aut so hubaritahon i! Karena
jika aku memberitakan Injil, aku tidak mempunyai alasan untuk memegahkan diri.
Sebab itu adalah keharusan bagiku. Celakalah aku, jika aku tidak memberitakan
Injil. Lapatanna, tudos tu rapanrapan, na so marguna do hita molo so dohot hita
marbarita nauli. Tajaha ma jolo Rom 1, 16-17: Ai ndang na huhailahon barita na
uli i, ai hagogoon ni Debata do i paluahon nasa na porsea, halak Jahudi jumolo,
dung i dohot do halak Junani. Ai dipapatar do disi hatigoran ni Debata, na sian
haporseaon tu haporseaon, hombar tu na tarsurat hian: "Na mangolu do
partigor i hinorhon ni haporseaonna" Sian Baritanauli do boi halak gabe
porsea di Jesus, dung i malua, dung i masuk tu surgo. Molo ndang sahat i tu
nasida, mago tu naroko ma nasida. Boha, lomo roham songon i nasida?
3.
Huria
ni Tuhanta; Godang do na boi tarbahen hita dalan marbarita nauli. Na dumenggan,
songon nabinahen ni angka huria na parjolo i do, ima marhite parange dohot
parsaoran na denggan. Tajaha di Ulaon Apostel 2 dohot 4. Parange nasida na
mansai denggan, niihot jala nionjar ni holong, mambahen gabe mabiar torop
halak, jala tertarik mangihuthon Jesus. Parangenta i ma gabe jamitanta. I ma
gabe sira dohot panondang tu halak na asing. Boi do marhite paralealeon. On do
metode penginjilan na mansai denggan pakeonta di negara on. Tabahen ma lam
torop alealenta. Boi do i dongan sakantor, saulaon, hombar jabu, supir,
pembantu, partigatiga sayur, dll. Sampe tu na boi manghatahatai sian roha tu
roha. Dung tangkas maraleale, sungkun ma: Molo mate ho sadarion, tudia do ho?
Tu surgo do ho? Molo parugamo na asing, ndang taralusanna i Alai, dok ma:
langgo ahu, molo mate au saonari, pasti tu surgo do ahu! Penasaran ma ibana.
Duyng i paganjang ma, sahat tu na paboahon Tuhan Jesus na mangalehon haluaon
holan ala ni asi ni roha dibagasan haporseaon. Tamulai ma i sian Jerusalem, tu
Judea, tu samaria sahat tu ujung ni portibi on. Songon spiral do i, dimulai
sian na jumonok, na ummetmet. Dia ma i? Mulai ma di jabum. Baritahon Jesus i tu
anakkon, tu ke luarga, tu na adong di jabum. Dung i tu hombar jabum, dung i tu
tondongmu. Dung i pe tu halak na dao. Di jabu, boi do mura hita. Na dumenggan
marhite ibadah rumahtangga na teratur. Jahahon Bibelk i tu anakkonmu. Laos
ajari nasida manjaha Bibel. Boido marhite na mambahen angka ayat-ayat Alkitab
di tempel di pintu kamar ni dakdanak, jala taganti i ganup minggu, sampe boi
diapil. Boi do marhite na mamutar lagu-lagu taringot tu Jesus. Songon nang na
mamutar film taringot tu Jesus, dohot majalah manang komik Alkitab. Na pasti,
banyak cara yang bisa kita lakukan.
4.
Memang
maol do ulaon i. Tupa do ingkon sahat tu na maneahon hosa. Alai didok Tuhan
Jesus: Sai na n do hamu ganup ari. Ingot, Ibana do donganta. Ala ni i, taulahon
ma sahatophatopna jala sadenggandengganna. Ai dilehon do kepastian, paboa na ro
do muse Jesus, ima di haroroNa paduahalihon i. Adong do limit, batas waktu, ala
ni i unang marnalemba. Alai, dipaboa i do, adong do hasil. Ai di haroroNa i,
boanonNa ma sude na porsea i manjalo upa ima hangoluan sisale leng lelengna i.
Jala disi, gabe tumpalta ma bahenonna angka halak na porsea ala ni sending ta i.
Hangoluhon ma partangiangon. Nunga borhat Tuhanta i tu surgo. Ndang paadopadop
bohi be hita tu Jesus. Alai, ndada gabe putus hubungan. Dilehon Jesus do alat
komunikasi na tercanggih, na boi pasaorhon hita tu Jesus na di banuaginjang i,
ima tangiang. I do diula angka sisean i torus manorus sian sada ni roha nasida.
I ma mangalehon gogo na torus manorus. Ai marhite tangiang i ma nasida
berhubungan tu banuaginjang. Jala marhite tangiang ma dilehon (disalurkan)
Tuhan Jesus hagogoon ni pandonganionna tu nasida. Ala ni i, tung taharingkothon
ma ngolu partangiangon i, tarlobi di ulaon sending. I do gogonta laho marbarita
nauli. Jala ninna, adong do beberapa suku di portibi on na gabe olo manjalo
Tuhan Jesus ala adong halak manang kelompok na sai torus martangiang
manangianghon suku i, gabe ungkap sandiri rohanasida manjalo Tuhan Jesus.
Kelompok doa, Tim Doa naeng lam tapahehe di huria, ai marhite i ungkapon ni
Debata dalan ni Barita nauli tu halak na asing. Amen.
