RAGAM DO PARASIROHAON DI BAGASAN SADA
TONDI
(Ragam Karunia Dalam Satu Roh)
1
Musa 4: 17 – 26
1.Huria ni Tuhanta
na hinaholongan, molo mamereng perkembangan jaman sinuaeng on mansai longang do
hita. Torop do jolma naung lam tu malona, marhapistaran, kemajuan bidang
tehknologi na manogu parngoluon ni manisia. Alai sabalikna tubu do pikiran na
jat di jolma I na laho patulus jala papuas na di rohana, boi do disalahgunahon
kemajuan tehknologi nuaeng gabe tu na jat jala mangulahon na roa. Ala ni I
ingkon jamot do hita manjaha partingkian on. Manjaha jaman asa
marhabisuhon hita. Habisuhon I boi do
jaloonta sian Tuhan Debata manang marhite HataNa. Sasintongna, habisuhon i
manghorhon na denggan tu panggulmiton ni ngolunta, manguluhon ngolunta asa
tongtong martahan tun a tahaposi Tuhan Debata. Diganup jaman, angka jolma I
mangulahon tolu hal, ima:
Ø Naparjolo, Manjaha
partingkian jala mangula dibagasan habisuhon
Ø Napaduahon,
manjaha partingkian jala ndang dijamothon.
Ø Napatoluhon
Manjaha partingkian jala ndang diula manang aha.
2.Huria ni Tuhanta,
molo dibagasan turpuk on dipatorang do taringot tu si Kain dohot pinomparna.
Mansai pistar jala kreatif do angka pinomparna i. Nang pe naung dibunu si Kain
si Abel anggina i, tong do tarpasupasu si Kain. Jala di ay 15 di jolo ni turpukta
on dipaboa Debata do na so jadi halak mangohon hosa ni si Kain, ingkon
dibalsohon pitu hali tu na mammunu si Kain. Alai nang pe songon i, parbue ni
dosa na songgop tu si Kain i sai marpinompari do, ima kesombongan na monggop di
rohana, dia ma I ?:
Ø Naparjolo, sorang
ma anakna si Hanok, jala dibahen ma sada sosor na margoar Hanok. On ma
patuduhon kesombongan ni si Kain, naeng do jongkalonna hasangapon nang
hamuliaon ni Debata. Sikap melawan Allah denggan kebanggan duniawi jotjot do I sai
tarulang di ngolu ni hajolmaon. Kehebatan kreatifitas ni jolma boi doi songon
pertanda na so dihaposi be Debata na manompa jala na jumadihon saluhutna i.
Kemegahan dunia yang diperlihatkan manusia dalam kehidupan modern saat ini
sebagai cerminan yang lebih mengedepankan dan mempertontonkan kekuatan manusia.
Ø Disangkapi ma
sosor Hanok i gabe inganan ni ragam parbinotoan nang kemajuan tehknologi ni
manisia. Adong ma naboi mambahen alat pertanian, na mambahen alat music, na
mambahen undungundung, na marpinahan. Sinuaeng on ragam do angka siulaon ni
jolma ala naung martamba hapistaran ni jolma; service ac, tv, hp, ala
elektronik, service kuku, operasi wajah dll, godang ragam do parbinotoan sinuaeng
on, tukang las motor, mobil, kapal dll mansai ragat do bidang bidang keahlian
i.Ima na paboahon kemajuan jaman on menuntut kratifitas dan pengetahuan yang
bertambah-tambah. Saluhtna i pasupasu ni Debata do I holan laho tu hasonangan
ni jolma i. Alai boha do i sude na, boi do pajonokhon diri tu Debata ? boi do i
mambahen lam dao jolmai sian Debata.
3.Huria ni Tuhanta,
kagum jala las do rohanta dihamajuaon ni pinompar ni si Kain, alai ndang
pasidohot di kemajuan partondion. Mansai roa do pangalaho ni pinompana i, bejat
moral. Sada ujian ni hajolmaon ima di hamajuon ni peradaban ni manisia. Lam
maju angka parbinotoan, nang tehknologi nang ragam na di hajolmaon, laos disi
do torop jolma madabu tu ginjang ni roha jala manadinghon Debata. Dia ma
kebejatan moral i:
Ø Ditotophon si
Lamek do mambuat dua ripe, on ma na manghorhon degradasi ni parompuan na
dibuhai sian pinompar ni si Kain. Dimulana I naung ditompa Debata do sada ripe
ni si Adam; diboan do si Hawa tu ibana jala gabe sada daging ma nasida na dua.
Tolu halak tung so boi do gabe sada daging, jala naung dipamanat do I di Padan
na Robi. Si Isak sada do ripena; si Noah sada do ripena, Panurirang Hosea sada
do ripena; Panurirang Jesaya sada do ripena. Ima naung niaturhon hian ditonga
bangso Israel. Angka na mardua ripe ndang hea i baritana marlass n iroha manang na martua i begeon, mansai
godang do persoalan na mardua ripe; israna si Abraham; sara-hagar, si Esau, Jakob,
Daud,si Salomo dohot lan na asing. Godang do tubu parsalisian, disharmonis ni
keluarga. Songon barita taringot tu si Abimelek, mardua ripe do alai ujungna
masa do pamunuan. Masa porang laho manggulut harajaon pola do dibunu si Abimelek
69 hahaanggina asing ina. SOngon I si Daud na berpoligami dohot si Salomo gabe sega
jala malengse do harajaonna I ala ni marragam ripena pola 1000, ala angka ripe
na mandao sian Debata, ai tu debata ganaganaan do rohana ( ptds. 1 Rajaraja
11:4).
Ø Balos na posi; ima
dipaboahon si Lamek tu jolmana si Ada dohot si Zila; “Sai na bunuonku do sada
baoa ala ni bugangki, jala sada dolidoli ala ni bosarhon. Ai molo pitu hali
abulon ia si Kain, ingkon pitupulu hali pitu abulon anggo si Lamek.” Atik boha
naung di topar halak si Lamek pola sahat tu
na mabugang dagingna, disangkapi mamalos lobi sian na ingkon masa tu na manangkapi
mamunu si Kain. Hatop do dibalos si Lamek hansit ni rohana i, didok rohana
ndang adong pamaloson ni Debata dompak ibana. Sai na torus do marpinompari
pangalaho dosa i manghorhon ginjang ni roha, pamaloson, mamunu, jala ndang
mabiar be mida Debata.
4.Huria ni Tuhanta, dibaritahon
do muse taringot si Adam dohot si Hawa na manubuhon anak muse ima si Set
manggantihon si Abel. Sian si Set ma niuarihon pinompar na biar mida Jahowa. Sian
pinomparna ma n aro angka siboan hatiuron nang sira tu tonga portibi on. Sian
mula pinompar ni si Set ma angka jolma pajoujou goar ni Jahowa. Mansai jut do
roha nasida pidaida dongan jolma naung manondong dalan hamagoan, dalan na lilu.
Manjou goar ni Debata Jahowa ima na manghasiholi hadameon nang hatuaon
dibagasan Tuhan i. Angka nao lo pajoujou goar ni Debata Jahowa ima na ginohan
ni Tondi Parbadia. Sian si Set ma ro pangkirimon nang tu angka pinomparna gabe
pinompar na biar mida Jahowa.
5.Huria ni Tuhanta
na hinaholongan, taingot ma ragam ni angka parbinotoan nang silehonlehon na
adong di hita jolma sian Debata do i. Asa unang ma tapangke i laho marginjang
ni roha manang gabe tapargunahon i tu dalan na so tingkos. Nuaeng taida ma
penemuan tenaga nuklir nunga dibahen tu na jat. Taingot Kota Hirosima dohot
Nagasaki di PD II di Bom nuklir sian Amerika serikat pola godang na mate. Hape
boi do pargunahon tenaga nuklir tu hadumaon ni parngoluon ni jolma tu tenaga industry,
listrik dohot lan na asing. Na nuaeng pe ‘air keras’ dipangke laho mamunu
halak, boi do hape digadis sembarangan. Air keras atau yang juga dikenal dengan
nama aqua regia adalah campuran yang sangat korosif dari asam nitrat (HNO₃) dan
asam klorida (HCl). Campuran ini memiliki kemampuan unik untuk melarutkan logam
mulia seperti emas (Au) dan platinum (Pt), yang tidak dapat larut dalam asam
nitrat atau asam klorida saja. Ima bahaya ari keras, molo dijual do sembarangan
boi do gabe alat membunuh jolma.
6.Huria ni Tuhanta,
nasa silehonlehon ni Debata taparhaseang ma I laho pasangaphon Debata. Unang
lupa hita laho pajujou Tuhan I dibagasan ngolunta asa unang hita madabu tu
ginjang n iroha, mangasahon diri nang parbinotoan mangalo Tuhan i. Di
parningota ari hasasaor ni Tondi Parbadia paingothon hita ragam silehon lehon
ni Debata tu hita jolma manisia asa taparhaseang ma silehonlehonNa I laho pasangaphon
goarNa na Badia i. Hasasaor ni Tondi Parbadia paingothon hita ndada tadinghonon
ni Jesus hita, alai dilehon do di hita Tondi Parbadia; Tondi Pangurupion; Tondi
Hagogoon, asa margogo hita jala marbisuk mamangke angka talenta nang kemampuan
na marragam I laho pasangaphon Tuhan Debata. Amen.
