Jamita Epistel Minggu Trinitatis (Hasitolusadaon ni Debata)-Minggu UEM, 31 Mei 2026

GABE SITINDANGI NI DEBATA SITOLUSADA   

(Menjadi Saksi Allah Tritunggal)

Jesaya 44: 1 – 8

 

1.                  Huria ni Tuhanta na hinaholongan;Arga do panjouon dohot pamilliton na sahat tu bangso Israel gabe sada bangso (umat pilihan) ni Debata. Ai marhite panjouon dohot pamilliton i na songon i naeng tarida sangkap haluaon ni Debata sipamasaon tu angka na porsea (Israel). Songon sada bangso na tinodo ni Debata diigil Debata do sian bangso i asa anggiat tongtong mangolu di bagasan panandaon dohot panghaporseaion na tangkas tu Debata. Tangkas do marhite panjouon ni Debata tu si Musa laho mamboan bangso i haruar sian tano Misir. Dijalo si Musa do patik ni Debata di bagasan dua lei batu na marisihon patik ni Debata (2 Musa 3:1-15; 14:24-32) Dipatubegehon Debata do padanna tu nasida, na mandok: "Gabe bangsongku ma nasida, jala Ahu gabe Debata nasida."

2.                  Mangihuthon pande bisuk Padan na robi, ia buku Jesaya dibagi tolu (3) horong. Horong parjolo i ma bindu 1-39 manang digoari proto Yesaya. Horong paduahon ima bindu 40-55 manang Deutero Yesaya. Jala horong na patoluhon ima bindu 56-66 manang (Trito Yesaya). Jala turpuk epistel on (Jesaya 44: 6-8) masuk tu horong na paduahon. Uju tarbuang bangso i tu Babel. Tarjou do panurirang Jesaya laho pasahathon bagabaga panurirangon (nubuatan) tu bangso i (Yes 6:8). Anggiat tongtong nasida tarapul di angka na masa di ngolu nasida. Dunghon ni i muse naeng tongtong nasida patuduhon kesetiaan nasida manghaporseai Debata.

3.                  Ay.1-2; naung taboto do balga ni holong ni Debata tu bangsoNa Israel I, sai mulak do rohaNa manghaholongi dohot mamasu masu bangsoNa i. Pola do dipasahat Debata TondiNa tu bangsoNa I dungkon dipangkulingi dohot denggan. Bangso Israel di goari “Jakob naposongKi” tudos tu “Yeshurun” (bangso na tigor), ay.2b. On ma panjouon tu bangsoNa na naung pinillitNa I hian, ndada ala ni pambahenan ni bangso I, alai ala naung dipillit Debata (Ptds. Jes.43:18-24), ima otoritas ni Debata na mamiliit nasida gabe bangsoNa. Diingot Debata do padanna I tu bangsoNa. Parsaoranta dohot Debata ima marhite HataNa nang padanNa tu hita, ndada marhite pangantusionta di angka na masa. Jala boi do dipargunahon Debata angka situasi dohot kondisi laho patoguhon haporseaonta, alai jotjot do dipaingot hita asa manghaporseai na nidokNa sian angka pengalamanta. Las do roha ni Debata molo tapeop Hata nang PadanNa, sian na holan mangalapati dirinta. Diijou do hita sian turpuk on laho “tumangihon” jala “unang mabiar”. Uju dijou Debata hita laho tumangihon, Dijou Ibana hita asa mangulahon lam ummalo sian na holan  manangihon. Dijou do hita asa taparrohahon jala tatuju dohot focus laho manjanghon HataNa. Dison ma adong fungsi ni haporseaon, manjanghon dohot pahusorhusorhon. Molo tajaha sian Jes.43: 18-24 memang dibagasan biar do bangsoNa i ala di tonga ni halongonan, mansai loja do Tuhan i paidaida dosa nasida. Manarita do bangsoNa i di pangungsian. Sasudena i mambahen nasida hatahuton, alai sian pamotoan ni Debata do sudena i, dilehon Debata do tu nasida pangapulon dohot hadameon.

4.                  Huria ni Tuhanta, mansai topet do turpuk on di hakristenonta. Ngolu na go kasi n iroha ni Jahowa do ngolunta on, alai jotjot do hita manghalupahon denggan ni basaNa i. Ai naung somalsomal I do didok rohanta na masa di parngoluonta. Hape ingkon marjuang do hit ana mangolu on, jala ndang ingot hit ana sai tongtong ditogutogu Tuhan I do hita di prosesna I sude. Asa marhasil ngolunta, l am ganda sinamot, lam dilehon hahipason nang gogo. Alai sai holip do sipareonta tumangihon soar anni Tuhan I na sai tongtong koujou jala paingothon hita marhite TondiNa i. Gabe tangi hita di soar ani sibolis marhite portibi on. Jotjot do hta gabe manulak panggora ni Tondi Parbadia i. Ala ni I tinggilma sipareon ni partondionta tumangihon panggora soar ani Tuhan I marhite TondiNa asa urupanNa hita lam margogo mamolus nasa biar nang hamaolon di adopanta. Ala ni I sadia denggan ma parsaoranta dohot Debata ?

5.                  Ay.3-5; Mansai ringkot do aek di parngoluonta di portibi on. Dibahen Debata do metafora aek patuduhon symbol ni Tondi ni Debata, aek sunge na use sian huta (Ptds. Pslm.46; Hesekiel). Na dibagasan haporsuhon do bangsoNa I, naung dipillit Debata hian do nasida jala urupanna do muse nasida. LehononNa ma TondiNa asa boi nasida mangolu dibagasan Tondi. Hita na porsea I pe di na  mandalani ariari ni ngolunta boi masa mahiang panghilalaanta jala mauas binahen ni dosa dohot pangalaosionta, binahen ni naung dao hita sian Tuhan i. Ala ni I tama do hita mulak tu joloNa, manangihon soara ni Tuhan I tu hita. “Ro ma hamu na loja jala na gale, asa hupasonang hamu” (mat.11:28). Jala di paboa Jesu do diriNa tu hita: “Roti hangoluan; Aek hangoluan; Dalan, Parmahan na Denggan, dna. Marhite jaminan I, mangalehon pos n iroha di hita dohot pangkirimon na mangolu di asi dohot holong n iroha ni Debata. Mangolu dibagasan pos ni roha nang haporseaon di Tuhanta Jesus i, nang pe sai tapaidida parngoluon ni halak na marasing sian hita tongtong do mabaor asi ni roha ni Tuhanta i.

6.                  Ay.5; adong ma opat na disurathon dison:    

Ø     Sadaon mandok: Jahowa nampuna ahu! = manotophon parnampunaon ni Debata.

Ø     Jala sadaan marpanggoarhon goar ni si Jakkob= patuduhon dalan ni jolma tu Debata.

Ø     jala na asing muse manurathon dohot tanganna: Jahowa do nampuna ahu = Paboa naung di tandai nasida.

Ø     huhut mangasahon goar ni Israel= paboahon songon dia nasida digoari.

Bangs oni Debata marnampunahon identitas na imbaru, jala tangkas do nampuna ni Debata nasida nang pe di pangungsian nasida. Panghorhon ni Tondi ni Debata ndada holan di nanaeng ulahononna, alai boha nasida haduan. Tondi ni Debata diusehon ndada tu holan na angka na tarbuang, alai dohot do nang tu hita dibagasan haporseaon di Jesus Kristus. Debata do nampuna hit ana pinaluana sian parhatobaon dosa dohot sibolis i. Debata nampuna hita, jala pajoujouonta ma GoarNa. Surathononna ma Goarna ditanganta, jala jaloonta ma goar na imbaru. Marga ni Kristus mian di angka na porsea di Ibana. Naung mate hian do hita najolo ala ni dosa I alai naung dipangolu do hita dibagasan Kristus Jesus i. Saluhutna I holan asi n iroha ni Debata sambing do I umbahen na malua hita. Tondi ni Debata mangalehon hagogoon laho mampertahanton haporseaonta i.

 

7.                  Ay.6-8; Laho patangkashon panandaon nasida tu Debata dipangke panurirang i do tolu goar (gelar) na naeng tandaon ni bangso i. I ma Raja, Sipalua dohot Jahowa Zebaoth (Tuhan adalah Raja, Tuhan adalah Penebus Israel dan Tuhan semesta alam). Marhite goar i naeng parhatopoton ni bangso i na gumogo do Debata sian angka debata na asing. Raja do Debata na bertindak songon pemimpin manguluhon nasida marporang humophop bangso na asing. Debata gabe sipalua di nasida. Jala Debata Jahowa sitompa langit dohot nasa isina. Ala ni i ndang boi mabiar nasida maradophon manang ise ai nunga Debata rap dohot nasida di tongatonga ni angka pardalanan nasida. Debata manarihon na ringkot di nasida. Kehadiran Allah di tengah-tengah bangsa Israel telah dinyatakan. (Allah adalah Maha hadir, Maha Tahu dan maha Kuasa bagi Israel). Tangkas do pamaritahonon ni panurirang Jesaya tu bangso i paboa Debata di tongatonga nasida. Laos ihut tusi ma gabe sitindangi nasida di angka naung pinatupa ni Debata tu nasida. Sahat tu na mulak muse nasida tu tano na binagabagahon ni Debata tu ompunasida.  

8.                  Na tarjou do sude halak Kristen gabe sitindangi ni Kristus (saksi Kristus) na mamaritahon hamuliaon ni Jahowa. Hombar do nang i tu ulaon na pinasahat ni Tuhan Jesus tu angka siseanna uju naeng manaek Tuhan Jesus tu banuaginjang. Didok Tuhan Jesus: "Alai jaloonmuna do hagogoon ni Tondi Parbadia na songgop tu hamu, gabe sitindangingku ma hamu di Jerusalem dohot di sandok Judea dohot di Samaria, sahat ro di ujung ni tano on." (Ul. Ap 1: 8) Dipatihi do nasida asa gabe sitindangi. Maol do ulaon gabe sitindangi. Menjadi saksi Kristus merupakan pekerjaan yang sangat berat. Isarani angka parkaro di pengadilan ndang sude jolma na rade gabe sitindangi. Ai molo sala na hinatindanghonnai, ibana sandiri do hona uhum. Jala molo gabe sitindangi pe hita, naeng ma na tahatindanghon tingkostingkos. Di patik pasiahon i didok do: "Unang ho olo manghatindanghon hata na so tutu maralohon dongan jolma". Nuaeng muramura do sipata jolma manghatindanghon na so tutu. Nang so dibereng, alai didok dibereng. Ndang so dibege alai didok dibege. Ujungna gabe parbadaan, parsalisian. Na nidok ni Debata gabe sitindangi di turpuk epistel on i ma panindangion na sintong jala boi dibuktihon. Toho ma tutu tahatindanghon do gogo ni Debata di bagasan ngolunta. Diparmudumudu hita jala diparmahan asa dapotan pasupasu (Psalm 23:1-6). Laos ido panindangion ni HKBP secara umum di pardalan ni hurianta hombar tu Aturan Peraturan HKBP 2002. Sude angka parhobas na na ingkon tongtong dipargogoi Tuhan i. Mulai sian parhobas tingkat pusat sahat tu tingkat huria. Parhalado na martohonan dohot parhalado na so martohonan tongtong dipargogoi Tondi ni Debata. Angkup ni unang ma hita mabiar laho manghatindanghon goar ni Jahowa manang didia pe hita maringanan. Di ulaonta, di inganan parkarejoanta dohot sude panggulmiton ni ngolunta siganup ari. Tangkas do i didok di turpuk on "Unang hamu tahuton, jala unang manonditnondit". Godang do na boi manait rohanta laho maninggalhon Debata. Boi do i ala ni arta, sinamot, pangkat, golongan dohot lan na asing. Jotjot do tabege sahalak maninggalhon Debata ala ditawari karejo. Isara ni angka ianakhon na muramura tartogu tu mangulahon hajahaton na asing ujungna ditinggalhon ibana Debata. Ala ni naeng ma tahatindanghon tongtong goar ni Tuhan i. Laos dohot ma nang angka pangisi ni bagasta laho manghaporseai Tuhan i. Haporseai ma Tuhan Jesus asa martua ho dohot isi ni bagasmu (Ul. Ap. 16: 31). Amen.