Ai
Nunga Songgop Harajaon Banua Ginjang I
(Bertobatlah!
Kerjaan Sorga Sudah Dekat)
Mateus 3: 1 - 12
Huria
ni Tuhanta na hinaholongan dibagasan Jesus Kristus. Na muncul do si Johannes
Pandidi manjamitahon hamubaon ni roha Suraon patorop na umbege jamita i nunga
mananda pandidion, alai di bagasan arti na berbeda Ndang adong di pangantusion
nasida hubungan ni pandidion dohot hasesaan ni dosa, joujou tu hamubaon ni
roha, dohot joujou tu ngolu na imbaru. Deba sian halak Kristen di zaman ni si
Mateus menganggap pandidion i sebagai "the magical moment of
infusion with the Spirit", Jala Tondi Porbadia i diantusi nasida
di bagasan arti energi tu panurirangon tanda halongagnan dohot "xorcism".
Dison si Mateus manggombarhon pandidion i songon:
Ø Joujou tu hamubaon
ni roha.
Ø Gogo tu jolma laho
mardalani di dalan hatigoran.
Barita na binaritahon ni si Mateus dison
taringot si Johannes Pandidi termaksud manjouhon tu si panjaha Injil on asa
berfikir kembali huhut menyusun kembali hangoluanna
1.
Ayat
1-2: Somalna molo tabege goar Johannes Pandidi manigor huhut do to tu
pingkiranta taringot tu ingananna, i ma di halongonan. Jotjot do “halongonan"
dipangke gabe parsitabunian ni angka perampok. Ia so i gabe inganan ni angka
parbahudung. Laos tatanda do halongonan gabe inganan ni bangso Israel mardalan
dung haruar sian parhatobanon Misir. Tu halongonan i ma ro si Johannes Pandidi
manjamitahon "Pauba hamu ma rohamuna, ai nunga songgop harajaon
banua ginjang i!" Dos do on tu Jamita ni Jesus di Mateus 4: 17.
Johannes Pandidi dohot Jesus di na dua turpuk on mangondolhon dua hal HAMUBAON
NI ROHA dohot HARAJAON BANUA GINJANG. la pandohan Βασίλεια τον ουρανον (harajaon
banua ginjang) adong do 33 hali Injil Mateus. Laos sarupa do pengertian ni on
dohot Βασιλεια του Τέου (harajaon ni Debata) na dapot 4 hali di Injil
Mateus. Pandohan "harajaon banua unjang" mangondolhon, ia
harajaon i silehonlehon sian ginjang do i tu hita jolmaon. Sumberna sian Debata
manang sian surgo, jala na boi nikmatanta di golunta sisaonari. Hasisingkopna
jaloonta ma di ngolu sogot si lelenglelengna. Tung marasing do harajaon banuaginjang
i sian harajaon portibi on. Ndang tarsirang harajaon ni Debata dohot
hatigoranNa. Dijouhon si Johannes do tu natorop i asa marhamubaon ni roha.
Lapatanna, asa unang be mangalo Debata dohot hatigoranNa.
2.
Mangihuthon
turpuk on, ia hamubaon ni roha i ma sada dalan asa dapotan harajaon ni Debata.
Maol do nian dalan i, alaj pangidoan ma gogo sian Debata asa dipatau hita
bongot tu harajaon i. "Gumabur do bongotan ni gaja pinggol ni jarum,
unang halak na mora masuk tu harajaon pa banuaginjang i" (Mateus
19:24) Adong do nian perdebatan ni teolog laringot harajaon banua ginjang: naung
songgop manang na naeng songgup dope. Hata asli εγγικεν diterjemahkan
si Charles Harold Dodd (1884-1973) "nunga songgop" alai teolog
na asing mandok "hampir songgop" Mangihuthon i tingkos
do harajaon ni Debata nunga songgop, alai pasingkoponna ma i di hangoluan na
salelenglelengna. Asa nunga bởi hiữa saonari bongot tu harajaon banua ginjang i
3.
Ay.3-5;
Di pamerengon ni halak Kristen na parjolo i, si Johannes dipandang songon na
pinaboa ni panurirang Jesaya (40: 3), I ma soara ni na manjoujou di halongonan,
asa dipature dalan di Tuhan i. Dalan sipatureon i ndang ulaon ni sahalak
insinyur sipil alai insinyur sorgawi do. I do ulaon ni si Johannes, ara ture
jala hornop dalan siboluson ni Tuhanta. Asa rade roha ni natoróp manjalo
Tuhanta. Marhite na mamangke imbulu ni unto dohot hohos hulinghuling.
dipatuduhon si Johannes Pandidi do sebagai panurirang na pinaimaima. Nang Jesus
pe diparhatopot do, "Ibana do si Elias na naeng ro i"
(Mateus 11:9-14) Sihapor dohot si tuak ni loba do sipanganonna. I ma sipanganon
na pinatupa ni asi ni roha ni Debata, ndang na pinatupa ni jolma. Gabe
marrongoman do ro pangisi ni Jerusalem dohot halak Judea ro sian lambung ni
Jordan. Di tingki i nunga gomgoman ni harajaon Rom ianggo Jerusalem dohot sude
Judea. Songon i daerah sekitar Jordan, i ma timur ni Jordan raphon Galilea
nunga diparenta si Herodes Antipas mulai taon 4 BC ro di 39 AD.
4.
Ay.
6- 7: Dung mambege jamita ni si Johannes, ditopoti natorop i ma dosa nasida.
Sadar ma nasida naung sega do hubungan nasida tu Debata. Dung i huhut olo ma
nasida dipandidihon si Johannes di aek Jordan i. Dipusathon si Mateus do
pamerengonna tu tujuan ni si Johannes marhite jamitana dohot pandidion 3
pinatupana, dijou ma naturop i mandalani dalan pamintorion. tudos ma i tu halak
na paradehon dirina tu ombas ni Debata muncul di ngoluna. Haroro ni Parise dohot Saduse suraon holan na
naeng mangida aha 4 namasa di pandidion i. Dison ma taida adong ketegangan
antara pandidion dohot parbue ni hamubaon ni roha i. Pandidion, di Injil
Mateus, marlapatan sada ombas perobahan hidup na benar-benar, huhut permulaan
ni pardalanan di dalan hasintongan. Ala na so dapot angka i di Parise dohot
Saduse, gabe digelari ma nasida "anak ni ulok" Jesus pe
digoari do panurirang pargapgap sebagai "babial panoro" (Mateus 7:
15). Sada joujou do on tu pilihan na tepat Asa marhamubaon ni roha
5.
Ay.
8-9: Tujuan ni si Johannes asa marparbue do jamita nang pandidionna i Parbue na
tama i ma spontanitas na tarida sian hau na denggan, ndang boi paksaon hau na
mate asa marparbue. Parbuę i ma tanda ni hau na hipas. Gaya bahasa hiperbola do
pandohan, "Tarjadihon Debata do anak di si Abraham sian angka batu
on!" Di hata Ibrani dohot Aram, pandohan "anak" dohot
"batu" mansai jonok do. Taingot ma pandohan "anak na mangolu
sian batu na mate" Si Jesaya hea mandok; “Paberengbereng hamu ma
dolok batu hapultahanmuna" (Jesaya 51: 1). Lapatan ni pandohan
"anak sian batu on" i ma tarbahen sipelebegu do gabe halak na porsea
molo ditangihon jamita sian hata ni Debata.
6.
Ayat
10:Penegasan ulang do on taringot tu ringkot ni parbue ni hau na denggan.
Sotung sanga ditaba hau i. Dalan tusi i ma hamubaon ni roha. Ndang mardia
imbar, Jahudi manang na so Jahudi, alai sitabaon do hau na so denggan parbuena
7.
Ay.11-12
Tondi hamubaon on do na dibedahon si Johannes, parasingan ni pandidionna dohot
na pinatupa ni Jesus. Ia pandidion ni si Johannes ima martujuan asa laho
paubahon roha. Jala n aro I ma Jesus Kristus I na mandidi hita dohot Tondi
Parbadia dohot Api. Na dua pandidion ni si Johannes dohot Jesus ndada marasing
alai masirainrainan do i, ala ndang tarsirang na dua pandidion i. Pandidion ni
si Johannes bersifat pardagingon, isaran na ima na pinatupa angka huria
pandidion na mamahe aek. Ia Kristus i pasahat TondiNa ima Tondi Parbadia laho
mangurupi hita angka na porsea laho paubahon rohanta. I do asa di ari Na i papunguon
ni Debta do angka eme tu sopoNa alai angka hurangkam ingkon tutungonNa do i.
Asa gabe eme hita naeng ma tongton Tondi Parbadia i na manguluhon parngoluonta
asa marpangalaho hombar tu lomo n iroha ni Debata.
8.
Nunga
boi hita bongot tu harajaon banua ginjang i nang di tingki ngolunta. sisaonari
di portibi on. I do nanidok ni tangiang hatopanta i "Sai ro ma
harajaon Mu". Mangasahon gogo ni Tondi Porbadia i tabahen ma
bagasta, ulaonta, haumanta, partigatigaonta ro di sude lingkunganta gabe
harajaon ni Debata. Kesanggupanta mambahen ngolunta gabe harajaon ni Debata
naeng ma nian songon parbue ni haporseaonta dohot hamubaon ni rohanta Asa,
ndang tarpangasahon hita ágia aha sian hadirionta sandiri laho padirihon
harajaon ni Debata di ngolunta. Holan ala na dimampukan Debata do hita disi.
Asa ciri na jelas di sasahalak naung bongot di harajaon banuaginjang i di
ngoluna sisaonari i ma serep ni rohaná. Jala haserepon ni roha on do mendorong
hita laho marhamubaon ni roha.
9.
Godang
do buntulbuntul di roha nang jiwanta, i'ma angka na solot di rohanta. ro di
angka ginjang ni rohanta. Sudena buntulbuntul on naeng ma pahornoponta laho
pature dalan sidalanan ni Tuhanta Jesus. Apala di Minggu Advent II sadari on,
tapature ma dalan ni Jesus bongot tu ngolunta. Taparbuehon ma hatutubuNa i di
ngolunta, asa gabe hau na marparbuehon na denggan hita. Unang ma hau sitabaon
hita ala ndang marparbuehon na tama. Parbue na tama lapatanna ngolunta i
marguna tu ngolu ni halak. Boi taruli las ni roha dohot haporseaon halak siala
parbue ni ngolunta. Amen
