Jamita Evangelium Minggu Advent I – 30 Nopember 2025

Mardalan Di Hatiuron ni Jahowa  

(Berjalan Dalam Terang Tuhan)

Jesaya 2: 1 – 5

1.     Huria ni Tuhanta na hinaholongan dibagasan Jesus Kristus, Mauliate ma di Debata na patolhashon hita tu taon parhuriaon na imbaru on, minggu Advent parjolo on. Minggu Advent mangarahon hita parade diri tu haroro ni Kristus, na gabe jolma di Betlehem tarlobi mangarade manomu haroroNa di ari parpudi. Asa di na ro Tuhanta Jesus i, nunga sude hita rade marhite haporseaon na togu dohot parange na badia. Lan do naung tabolus sataon na salpu. Godang do i na palashon rohanta, alai godang do na mambahen hita humasusa. Taadopi do pangalaho na lumlam. Lam torop halak na so berhati nurani marhite manggadisi narkoba na pamatehon jutaan halak. Na deba korupsi mambuat hak ni na pogos. Parsaripeon na sursar. Torop dope ruas na porsca tu begu ulaon haholomon. Kekerasan merajalela, natoras mamunu anakna, anakna memutilasi inangna. Lam maol mangalului halak na berperilaku maniru Tuhan Jesus, alai lam mura mangalului dongan ni sibolis. Tamba ma muse kekerasan dohot sikap intoleran (tidak bersahabat) sian deba donganta parugamo na asing na mangarumpakhon gareja dohot mangorai donganta marminggu. Molo tarimangi sude na masa i, boi do tarbege nada pesimis: Boha do ngolunami tu joloan on?

2.     Hira songon i ma kondisi ni bangso Israel di zaman ni si Jesaya. (Ala sezaman do si Jesaya dohot si Mika, gabe hira na dos do panurirangon nasida. Tapatudos ma turpuk on tu Mika 4, 1-5). Targoar nasida bangso ni Debata alai pangalahona songon sipelebegu. Tajaha di bindu 1: angka pejabat korupsi, memperjual-belikan keadilan, manjalo suap dohot sogok laho pamora diri (band. 1:21). Korban nasida ima angka na pogos, na so mardihadiha (1:23, band 1:17). Pola sampe didok, magigi Debata manganggo uap ni angka pelean nasida jala sogo rohaNa di angka ritus nasida (1:11-14). Boasa? Ala hasil korupsi dohot ketidak adilan do dipelehon. Angka pejabat agama pe ndada be manurirangkon hasintongan ni Debata, alai manurirangkon na pasonang roha ni natorop nama, asal ma dapotsa pangomoan. Angka rakyatna pe nunga hira sange mangulahon hajahaton, tarlobi ma i mangulahon ulaon haholo-mon, marsomba tu ganaganaan, porsea tu angka pangarunding dohot datu. Margoar nasida bangso ni Debata alai pangalahona lobi sian sipele-begu. I ma mambahen tarrimas Debata, jala ingkon uhumon ni Debata ma nasida marhite habuangan. Ingkon tunduk ma nasida tu bangso sipelebegu. Bagasjoro i, dohot Jerusalem huta nabadia jala na uli i, ingkon gabe halongonan (1: 7; 5:6). Bangso na targoar bangso ni Debata, ingkon gabe bangso terjajah. Disi ma tubu kegalauan, kecemasan: Boha ma nasib nami? Boha ma udut ni pardalanan ni bangso ni Debata?

3.     Hamu angka dongan! Turpuk on ma mangalehon alus: la masa depan ni bangso ni Debata. Dia ma i?

ü  Parjolo: margantung tu asi ni roha ni Debata. Ai ternyata, na satia do Debata di padanNa. Ndang muba manang ndang hea mose padan ni Debata. Na torus do mangula Debata paluahon bangsoNa. I do ala didok di ayat 2: Masa do sogot, di ujung ni angka ari: Hot disi dipaojak dolok ni bagas ni Jahowa di punsu ni angka dolok, jala huminsat sian angka robean, jadi marrongoman ma tusi sude angka parbegu. Marhite hata naniida ni si Jesaya on dilehon tu hita kepastian, na hot do huria ni Debata. Ai ternyata, ndang sude bangso i dilengsehon. Dipapulik Debata do pasipasi, sipangkeon ni Debata laho pasauthon sangkap haluaonNa, na gabe dalan ni Debata patulus sangkapNa laho pajongjong harajaonNa. Ternyata, hukuman bukanlah kata akhir Allah; hukuman hanya cara Allah memilah, membina dan mendewasakan umatnya. Saut do dipalua Debata Israel sian habuangan. Alai, sai mardosa do muse bangso i. Ala ni i, gabe disuru Debata ma Anak-Na sandiri, Tuhan Jesus Kristus gabe jolma, tubu di Betlehem. I ma na tapaima haroroNa. Jala dung ro Jesus i, aha ma na masa? Saut ma hata naniida ni si Jesaya nangkin. Marhite ulaon ni Tondi Parbadia, dipajongjong Debata ma HURIA, na marojahan di atas haporseaon di haheheon ni Tuhan Jesus. Di bagasan Jesus ma dipajongjong Debata Israel na imbaru, ndada niihot ni parmudaron be, alai niihot ni haporseaon di Jesus nama. Taida ma, sian sude bangso, sude benua, sude marga, houm nunga ro marsomba tu Jesus (pat. Rom 11, 11-12) Termasuk sian na margoar negara Komunis hian, nunga masuk geba Israel na imbaru. Jala sude nasida ro ndada ala dipaksa, alai sian kerelaan ala haporseaon do. Ima mangalehon di hita kepastian: Jesus na tapaima i do sipajongjong Bangso ni Debata. Jala ndang adong na boi manga-rumpakhon i, manang bahenon ni aha pe, termasuk hadosaon ni jolma, ndang tolapsa mangalonongkon i. Gereja pasti bertahan sampai akhir zaman. Bukan hanya bertahan tetapi akan semakin meluas meliputi seluruh bangsa dan belahan dunia (band. Psalm 68, 17). Bukan karena anggotanya yang hebat-hebat, tetapi hanya karena GEREJA ADALAH MILIK ALLAH yang hidup. Ala ni i unang mabiar, unang bobos hita. Biarpun dihambat dengan kejam, Gereja tidak akan tenggelam tetapi bahkan akan terus berkembang. Malah Gereja akan menjadi PUSAT DUNIA. Mengapa? Karena pemiliknya adalah Tuhan kita Yesus Kristus, yang telah mengalahkan dunia. Ibana do na berhak paujunghon sejarah ni portibi on. I ma natapaima-ima, jala minggu Advent paingothon hita asa mangarade tusi.

ü  Paduahon, margantung do nang tu hita bangsoNa. Asa martahan jala mangararat Harajaon ni Debata, adong do na ingkon siulaonta. Aha ma i?

1.     Tajaha ayat 3a "Jala torop angka bangso mandapothon tusi angka na mandok: Beta hita tanangkohi ma dolok ni Jahowa, tu bagas ni Debata ni si Jakkob". Ingkon adong ma sihol ni roha (kerinduan) mamba-hen parsaoran na rosu dohot Debata. Songon na halak na jatuh cinta, sai masihol naeng pajumpang, songon i do angka halak na rosu tu Debata, sai masibetabetaan do i laho pajumpang dohot Debata. Nuaeng tasungkun ma dirinta: Boha, songon dia ma siholmu naeng pajumpang dohot Debata? Boha ma siholta asa humatop ro ari Minggu songon on, asa bongotanta bagasjoro ni Debata? Tasungkun ma dirinta be, ate!

2.     Ala ni i, didok: Ingkon masibetabetaan (saling mengajak). Dos songon halak Israel, na ganup taon ingkon marpungu di Jerusalem, wajib do nasida ingkon masibetabetaan. Ndang boi hape holan diriniba paluaon, ingkon jouon do nang dongan asa sude dohot. Boasa? Tajaha di Hesekiel 3. 17-19; 33, 7-8), sian hita do hape tungguon ni Debata mudar nasida. Boratna i, ate!

1 ma pergumulanta nuaeng, sian pengamatan, ternyata nunga gumodang ruas ni HKBP na so hea be ro tu gareja. Bagaimana dengan mereka? Apakah huria cukup puas dengan melayani mereka yang rajin saja? Hape Tuhanta Jesus pe, gumodang do perhatian Na dilehon tu halak na mandao dohot napinaduru. Boha do hita. Ra nunga ingkon gumodang perhatian tu angka na so hea ro i, ima program Sending tu bagasan, manjou mulak manang mambetabetai angka na mandao i. Ai gumodang do las ni roha di banuaginjang molo mulak sahalak pardosa i (Luk. 15, 10).

Memang, sai adong do sungkunsungkun sian nasida: Marhua tu gareja? Tajaha ma aha didok di ayat 3b: "asa diajarhon tu hita angka dalanNa, jala mardalan hita di angka lapangNa".

Adong hea manurathon na masa songon on: Di na sahali, adong ma sahalak Kristen manurat tu sada surat kabar mandok tu panjaha paboa ndang adong guna ni na ro tu gareja. "Nunga 30 taon au sai tu gareja, hubege 3.000 jamita, alai tung sada ndang adong huingot i. Huhilala nunga marisuang hupasuda tingkingku ro tu gareja, jala angka parjamita pe nunga pasudasuda tingki molo sai marjamitai dope", ninna di tulisan-na i Gabe parohon perdebatan ma pandohanna i sampe piga minggu. Alai adong ma sahalak na manurat muse, mandok songon on: "Nunga marhasohotan au 30 taon lelengna. Nunga hudai 32.000 nanilompa ni inanta. Tung sada ndang hea huingot manang na masakan aha nanilompana i. Alai na huboto ima: marhite masakan-na i, margogo do au laho mangula ganup ari, aut sugari ndang dilehon inanta sipanganon i tu au, ra nunga tibu hian mate ahu". Gabe so ma angka perdebatan i.

 

Ima alus tu angka halak na sai ragu-ragu, na mandok: Boha, adong do gunana iba ro tu gareja, mambege jamita? Na ringgas tu gareja, diboto i do membedakan na sala sian na sintong, na denggan sian na jahat. Pangajarion ni Debata na dapotsa sian gareja i ma "pahipashon" hati nurani-nta, gabe ndang mintop (patudos tu Heber  4, 12) Huhut dilehon i ma di hita kedewasaan bertindak; dilehon nang hagooon. (Tumangkas tajaha di 2 Tim 4, 16).

Alai na patoluhon, ndada holan ro tu gareja, alai ingkon marparbue do. Didok, "jala mardalan hita di angka lapangna". Molo didok "nangkok tu dolok ni Jahowa", ima joujou laho berziarah. Jala halak na berziarah, ima halak na mambahen panindangion (Psalm 122, 4), na manghatindanghon tu halak paboa sude ngoluna marpangunsan-dean tu Debata do. Alai dung mulak sian i, ingkon tarida ma i di ngolunta siapari. Di gereja kita berbakti, pulang dari gereja kita bersaksi, ninna sahalak na malo. Angka naung mulak sian bagas joro, ingkon adong ma perubahan hidup. Dung i tartait ma roha ni halak mangihuthon hita ro tu gareja. Lam marbungaran ma Harajaon ni Debata. Keunggulan Tuhan kita Yesus dinilai orang bukan dari besarnya KKR kita atau megahnya gedung gereja kita, tetapi dari perilaku kita pengikut Nya yang bisa dilihat dan dirasakan masyarakat sekitar kita. Sijagahononta, songon nidok ni parende i do: "Idaon songon na pandita, hape magigi do iba sipata". Burju tu gareja, alai pangalahona mansai dao sian angka anak ni Debata. Molo songon i antong, olo do lam so adong be guna ni na margareja.

.Dung i, ro ma na Paopathon: gabe jumpang ma dame dohot hadameon (tajaha ayat 4). Ai nunga Debata jongjong gabe hakim na adil di nasida, jala ganup halak ma manjalo hak-na jala sude jolma dinilai sama dan adil. Ndang adong be sigogo botohon, ndang adong be kesewenang-wenangan, ndang adong be porang. Alat-alat perang diganti gabe alat na boi padumahon natorop. Angka na margoar porang, baik alat maupun taktik dan strategi sude dibolongkon jala dihalupahon. Sude mardame sonang manghapadothon ulaonna be dohot manghasabamhon huhut mandai angka naniulana be, so pola mabiar be tu panangko, tu penindas, dohot panonggoti na asing.

Di mana orang Kristen hadir, di situ damai dan kedamaian bertumbuh. Ai i do haroro ni Tuhan Jesus tu portibi on, mamboan hadameon do. Ibana do Raja ni Hadameon. Hita siihuthon Jesus ma pasahathon i tu sude jolma.

Jala lam tu ringkotna i nuaeng. Ai di zamanta na gok kekerasan on didok na malo, ia hadameon nunga gabe "barang langka. Jala ninna, lobi satonga umur ni portibi on dipasuda tu keadaan na so mardame manang marporang. Disi ma hita berperan mamboan dame, ai martua ma angka siboan dame ai goaron do nasida anak ni Debata (Mat. 5, 9). Molo adong dope angka keadaan na hurang mardame di angka huria, humatop ma tapasuang rohanta, taingot paboa angka anak ni Debata do hita, na ingkon mangaradoti hadamcon. Damai itu indah dan mensejahterakan, karena diberkati Tuhan. Di Minggu Advent on, tung taharingkothon ma mardame dohot sude halak, huhut padamehon halak na asing; i ma dalanta manjangkon Jesus, Raja Hadameon na naeng ro i.

 

5. Jala na parpudi ma, angka na ringgas tu gareja, "Mardalani ma hita di hatiuron ni Jahowa" (ay. 5b). Di Minggu Advent on, taradoti ma i. Ai Panondang ni portibi on do Jesus na ro i. (Joh 8, 12). Tajangkon ma Ibana, asa boi hita sngon nidok ni si Paulus di Epesus 5, 8: "Marparange ma hamu, songon angka anak hatiuron". Unang be adong hita na dohot terlibat di ulaon haholomon, alai tatanggali ma i, tasolukhon ma hatiuron (Rom 13, 12). Gabe panondang ma hita tu portibi on, asa ambolong haholomon i (Mat. 5, 14; band. Jes. 60,1-2). Bila di sekelilingmu terjadi kegelapan, jangan bersungut-sungut, tetapi jadilah lilin-lilin kecil, ninna sahalak negarawan Amerika. Dunia kita membutuhkan Terang. Ala ni i, tung mardalan ma hita di hatiuron ni Tuhan Jesus, asa boi hita gabe panondang na palaohon haholomon i.

Antong: Parade ma dirim manjangkon Jesus na naeng ro i: Ibana do menjamin masa depan ni bangso ni Debata, ai Ibana do ojahan na togu Ro ma hita, masibetabetaan manopot Debata di joroNa I Ai mansai marguna do pangajarionNa. Taulahon ma i. Taradoti ma dame, jala mardalan ma ho di hatiuron ni Debata asa ambolong haholomon ni portibi on. Amen.