PABOTOHON ANGKA PAMBAHENAN NI JAHOWA
(Memperkenalkan Perbuatan
Tuhan)
Psalmen
105 : 1 – 6
1.
Huria
ni Tuhanta nahinaholongan dibagasan Jesus Kristus, Termasuk do Psalmen bindu
150 on tu bindubindu na paling terkenal di buku-buku psalmen i, ala ni uli ni
sastrana dohot konsentrasi ni joujouna tu sude jolma mamuji Debata siala
hadebataonNa na manorusi nasa na adong, na marhosa nang na so marhosa, mamuji
Debata, Sitompa langit tano, dohot nasa isina i. Bindu on dibuka jala ditutup
marhitehite "Haleluya", lapatanna secara harafiah: "Puji ma
Jahowa".
sasintongna na paling diutamakan jala
ditonjolhon dison i ma soara ni ende na uli, na gabe pujipujian, joujou
mamujimuji huhut laos gabe tangiang tu Debata. Umumna do angka hata ni ende
mengulangulangi angka pandohan na arga, isara pujipujian dohot tangiang. Ende
di bagasjoro do hatahata ni parpsalmen on, jala i do alana parjolo sahali didok
"mamuji Debata di bagasan habadiaonNa". Bagasjoro na tipak jongjong
di atas dolok Sion i do bagas habadiaon ni Debata, songon na taboto marhite
sejarah parjongjong ni bagasjoro i. Disi do Debata secara khusus hadir paadopadop
bohi tu bangsona na siap manjalo tona pinsang-pinsang manang pasupasu. Laos
tarajumi do tongtong bagas partangiangan, bagas garejanta songon inganan
parjumpaan tu Debata na mangolu i, nang pe ingkon tongtong ingotonta na so boi
terikat Debata disi. Jotjot do tabege, na sogo roha ni Debata di angka endeende
pelean nang kebaktian sipalensem; ai diida Debata do sahat tu pusupusu nasida,
na so tumanda Debata, ala ndang olo mananda, pasangap Jahowa, nang pe naung songon
i godang ni angka tanda binahen ni Debata tu nasida tanda holong ni rohaNa
dohot hagogoonNa.
2.
Ndada
holan di joro i, manang di angka inganan partangiangan i disoso jolma mamuji
Debata, alai dohot do di "hajanghajang ni hagogoonNa" (di dalam
cakrawalaNya yang kuat"). Aha do lapatan ni? Di bagasjoro tabege de hata
ni Debata, marhite malim, parjamita dohot marhite sude ritus kultus na domu
tusi. Gabe boi tahilala, tabayanghon, taantusi jala tajalo hadirionn Debata
alai nang dihajanghajang i pe, boi do tandaon Debatanta i. Si Paulus na umboto
taringot tu teologi ni Israel hea mandok: "Tandap do nian di nasida
pamotoan taringot tu Debata dipatandap Debata. Ai dapot tarida do pangalaho na
Debata na buni hian, timbangon ni roha, sian angka pambahenan ni Debata ."
(Rom 1: 19-20). di na tinompana i hasiangan on. Molo niida hajanghajang i
tarida do disi hagogoon dohot hadebataon ni utuh Tuhan i. ai uli, maraturan,
agung jala hira sada kesatuan na manghajongjonghon sipanompa i. Halak na porsea
mamintor dihilala do pangalaho i, mamintor bersyukur do molo diida langit i
sihar, uli tano i dohot angka suansuanan na disi, songon i angka dorbia dohot
angka jolma marsaor, marhahamaranggi.
3.
Sipujion
do Debata ala hagogoonNa angka na sumurung i dohot hombar tu binagodang ni
hatimbulonNa. Sada polemik do on tu angka pamujion tu na so debata jala apala i
do patikNa i, na so jadi marangkup Debata bahenon ni jolma. Ndang marhagogoon
angka debata sileban i, ndang adong hatimbulonna. Sada do na sumurung jala na
tumimbul, i ma Jahowa, Ibana do sipujion salelenglelengna.
4.
Somalna
hata dohot parange ni jolma i do na gabe alat pujipujian tu Debata Martangiang,
marende, marsuraksurak, manghatai, sude i mamangke soara sian pamangan. Boi do
martangiang marhite soara, soara ni roha, holso, dohot olopolop ni roha na so
pola marsoara Songoni dohot angka parange na denggan, so pola sai boi hatop
pamanaton. Dison disosohon asa nang marhite angka ulaula musik, marsangap
Debata. Nion berlatarbelakang sian angka ulaula musik na dipangke Israel di
joro i menyemarakkan kehadiran ni Debata laho mamasumasu nasida. Sarune, arbap,
sordam, tali sajak, hasapi, tulila, ogung, panggora dohot ogung panonggahi, i
ma na ginoaran dison. Ndang sude dope angka instrument digoari dison, boi dope
i tambaan marhite, angka instrumen bunyi-bunyian na dipangke angka jolma di
budayana masing-masing. Godang dope angka uninguningan na boi pangkeon mamuji
Debata, nang pe ndang sai tarbahen hatop situtu i boi dijalo pinggol ni ruas ni
huria, ala latarbelakang ni missi na mamboan Barita uli i. Di mulana i. diorai
Zending do margondang di Hurianta, ala olo jolma i gabe siarsiaran: alai dung
nuaeng, nunga boi be, ai gondang riaria do umumna na umporlu mambahen las roha
ni jolma i, ndang "gondang sijou begu ni na mate". Sasintongna
boi do sude nasa alat-alat musik pangkeon laho mamuji Debata di kebaktian, asal
ma marhabadiaon, unang sian roha na marsialang di roha. Ai ingkon sadar sude na
ro tu adopan ni Debata. paboa nasa hata, ende, alat-alat musik, ingkon do mangolophon
hamuliaon di Debata na sangap na badia i. I do ukuranna, jala sala manang do
ise pe, molo naeng mamuji Debata, hape gabe holan pasombu tagasna be dibahen.
5.
Huria
ni Tuhanta, songon kesimpulan, sude nasa na marhosa ingkon mamuji Debata, ndang
holan jolma na marhose, pinahan, angl a dengke na di laut, pidong na
martongatonga langit angka binatang-binatang, lobi tahe sian i. marhosa do nang
suansuanan, tambak, tano, aek, jala alogo i bosa ni alam semesta i do i. I do
nang na niida ni parpsalmen dison, na ingkon dohot jala wajib pasahat
pujipujian tu Panompa, parhuaso jala na sun sumurung i. Jadi, molo niida sian
portibi na jumadihon, niramotan jala pinarmudu ni Debata. ndang adong alasan ni
manang aha pe taho, so mamuji Debata Ai manang ise na so mamuji Debata, na
pamatehon dirina do ibana disi, ai stop ma komunikasi ni Debata parholong jala
paryogo i laho mangalchon ngolu ni tondi dohot dagingna tu ibana. Alai laos
tondi ni Debata do na menggerakkan jolma i dohot nasa na adong i laho pasahat
pujipujian tu Debaía Jahowa i. Molo taida angka psalmen na asing, mansai godang
do i na manggombarhon olopolop, suraksurak dohot pujipujian ni angka na tinompa
i tu Debata. "Marlas ni raha ma disi angka langit jala marolopolop tanoon,
marhasak-hasak ma laut ro di isina. Marolopolop ma angka i ladang ro di rasa na
disi, marolopolop ma disi sude angka hau na di tombak" (Psalm 96: 11-12). Mardorom
ma laut ro di isina, portibi on ro di pangisina martopaptopap ma angka batang
aek, rap marolopolop ma angka dolok" (Psalm 98.7-8)
Tarlobi jolma songon mahkota ni nasa na
tinompa i ingkon na sian nasa rohana pasahat pujipujian tu Debata sian nasa na
boi bahenonna.
6.
Huria
ni Tuhanta, di deba Hurianta tarlobi na di bona pasogit mansai hontot do
mempertahankan na so boi gitar pangkeon di gareja ala partandang dohot paropera
do sipangke i, ninna. Jadi molo dipangido NHKBP pangkeon nasida gitar di Vocal
Group tingki kebaktian, tung ditulak do, bahkan ditudu naposo is songon halak
na so umboto habadiaon. Marhite Psalmen on idaonta paboa sude instrumen boi
pangkeon mamuji Debata. Nang soara ni jolma, soara ni pidong, hosa ni alogo,
ombak ni laut. Apalagi bunyi-bunyian na harmonis boasa ndang tarjalo? Boasa
trompet, na ro sian Eropa i boi tajalo; sedang sarune, ogung dohot hasapi
instrumen aslinta tatulak? Sijaloon do sude instrumen i mamuji Tuhan asal
diurasi i, unang dipangke di bagasan jiwa hasipelebeguon alai dipataripar ma tu
tondi hakristenon. Ingkon pasomalsomalonta do i di Huria, selangkah demi
selangkah, sahat tu na gabe -tapuji Tuhanta i marhite sandok instrumen na boi
pangkeon mangendehon habalgaon ni Debata sitompa nasa na adong i.
7.
Songon
parpsalmen on marlas ni roha ma hita, marendeende, mamujimuji Debata ala naung ro
AnakNa I sorang di Portibi on na gabe Sipalua hita. Ndada holan dipalua sian
dosa, alai dilehon huaso di parngoluan on asa marhamonangan. Dung tarayahon
Natal paloas hita laho manghatindanghon Tuhanta Jesus na marhuaso dibagasan
ngolunta. Naung dipelehon do Jesus I na gabe Sipalua tu portibi on, tu hita asa
tahatindanghon hamonangan ni Kristus i. Tarjou do hita gabe sitindangi ni
Kristus, marlas n iroha ma hita; Pabotohon ma angka pambahenan ni Jahowa.
Ingkon barani do hita pabotohon na binahen ni Tuhan I tu hita sian parsaoran,
panghataion, pambahenan tu portibi on si ganup ari. Amen.
