DIDONGANI ASI NI ROHA NI TUHANTA MA HITA
(Kasih Karunia
Tuhan Menyertai Kita)
2
Tessalonik 3: 16 – 18
1.
Huria
ni Tuhanta nahinaholongan dibagasan Jesus Kristus, la turpuk on, i ma poda ni
apostel Paulus tu huria na adong di Tessalonik, songon udut manang tindak
lanjut ni suratna na parjolo. Dipodai ibana do marhitte huria na porsea angka
jolma na salah mengerti taringot tu jaman manang partingkian, na godang sian
nasida na so mangulahon ulaonna be dohot sintong, alai sai naeng holan na
mangantoi ulaon manang ngolu ni jolma na asing nama. On ndang dihalomohon
apostel i. ala maralo do tu ngolu hakristenon. Ai ngolu ni halak Kristen. i ma
na mangula di bagasan parsitutuon, jala i gabe songon peleanna tu Tuhan I. Sian
turpuk on boi ma sagionta tu tolu horong hombar tu tolu ayat di turpuk on, ima:
a)
Dame
na Sian Debata (ay.16a).Ia pasupasu na parjolo na dihalomohon si Paulus ima asa
dilehon Debata tu angka haak na porse di Tessalonik ima dame. Sai jotjot do
diantusi portibi on tarinot hadameon I, ima ngolu na tenang, sonang, tongam,
bosur, hadumaon, hademakon, jala sude denggan mardalan so pola adong gangguan
nang halangan. Hape mansai andul lobi sian I na sinangka ni roha ni Debata.
Hasonangan dame na tahalomohon ndang manongtong, holan sonon bius do I, ala
parsatongkinan do hadameon na di portibi on. Boi do ro tarulang muse angka
parsorion, hamaolon nang angka sipingkiran, sitaonon na manonggopi
parngoluonta. Ai mura do hadameon I di lengsehon molo ro kegagalan, sangsi
rohana, mabiar, hancit rohana, murukmuruk, ginjang n iroha, hasusaan dohot na
merasa marsala, panolsolion, na ponjot roha, nab oi ro sian so panagaman,
diluar kendali ni jolma, gabe mintop do dame i. Hadameon ni Debata, ima
hadameon ni partondion na manontong,
mansai andul marasing sian hadameon ni manisia na holan parsatongkinan.
Hadameon na Manahan di haposi, dihaporseai bagas di roha dohot Debata. Ala
Debata do na memiliki kendali dohot otoritas dibagasan ngolunta di portibi on
manang di parngoluon sogot. Hadameon na sian Debata ima marhitehite Jesus
Kristus naung manobus saluhut dosa ni portibi on nang dosanta jolma manisia i.
Jadi molo naung tajalo Kristus Sipalua I, hadameon ma na sai jotjot
tahangoluhon, nang pe ro angka na manggunturi ngolunta hot do Krisus I
patoguhon rohanta mardamedame. Tuhanta I do pengendali ni rohanta nab oi
dielaela perubahan jaman nang portibi on. Ai didok do di Rom 14:17 Ai ndada
sipanganon manang siinumon harajaon ni Debata; hatigoran do dohot hadameon
dohot las ni roha di bagasan Tondi Parbadia. Jala hadameon I ma asi n iroha ni
Debata tu hita na ginomgomanNa. Ai didok Jesus do di Johannes 14: 27 “Dame
do hutinggalhon di hamu; dame na di Ahu, i do hulehon di hamu. Ndang songon
pangalehon ni portibi on pangalehonku. Unang ma bonsa jala unang ma mabiar
rohamuna!” Ai ndada dilehon hadameon tu anka na so porsea, ala hadameon on
ma sada ciri ni anka na porsea. Angka na so porsea holan mangharingkothon
hadameon na di portibi on sambing. Hadameon ni Debata mansai togu do i sian
ragam na binolusna angka pangunjunan, alai na manghalomohon dame ni portibi on
ndang manahan I sian ragam ujian ni ngolu nang pangunjunan. Ai rade do hadameon
I tu angka na porsea. Alaiboasa gabe ditangianghon Ap.Paulus nasida ruas na di
Tessalonik ? Ala boi do tergangu hadameon nasida I, na gale haporseaon ni halak
Kristen i, ala ni biar n iroha, ganu n iroha, ala ni dosa dohot ponjot ni
rohana na boi paintophon hadameon i
Boha do asa
hadameon na so hot ojak di roha I boi dipamalum? Ima:
ü Parjolo: tongtong
hot focus tu Debata marhite na manghaporsea Ibana.
ü Napaduahon:
hadameon naung ditadinghon ala ni dosa boi dipamalum marhite hamubaon dohot
haunduhonna.
ü Patoluhon:
hadameon I boi dipamalum marhite na manjanghon dohot na mangulahon uhum nang
Hata ni Debata.
ü Paopathon: marhite
panogunoguon Tondi Parbadia, hadameon I boi do dipamalum ala hadameon I ima
sian parbue ni Tondi Parbadia (ptds. Gal 5:22).
ü Palimahon: marhite
tangiang dohot elekelek jala mandok mauliate, hadameon ni Debata na manjaga
rohanta dohot pingkiranta dibagasan Kristus.
Hadameon na pinasahat ni Debata tu
bangsoNa ima naung rade ganup tingki. Ndang adong na mempengaruhi hadameon ni
Debata ala padan ni haluaon naung
dipasahat tu hita marhite Jesus Kristus. Hadameon ni Debata naun dijamin
dibagasan Kristus songon na nidok AP.Paulus di Pilippi 1: 6 Apala on ma pos ni
rohangku: Naung umpungka ulaon na denggan di bagasan hamu, patuluson ni I do i,
sahat ro di ari ni Kristus Jesus. Hadameon ni ndang boi tersaingi portibi on;
na so hatudosan, ndang taradu portibi on jala mangalobii sian pangantusion ni
jolma di portibi on. Asa molo pe dipanido si Paulus sian Debata asa mangalehon
hadameonNa I tu angka na porsea di Tessalonik, molo masa pe anka na masa na
niadopan nasida, asa lam togu haporseaon jala hot las ni roha nasida mangadopisa.
b)
Hagogoon
ni Debata (ay.16b). Ndang apala holan hajongjongan ni Debata na diroha ni si
Paulus alai naeng ma dohot mangalehon gogo tu angka ruas na di Tessalonik asa
marngolu tu habadiaonNa. Songon angka halak na porse ahita, mansai ringkot do
kehadiran ni Debata laho patoguhon rohanta siala:
ü Naparjolo; hagogon ni
Debata do na memmapukan hita asa boi manulak elaela ni sibolis. Ai didok do di
1 Korint 10:13 “Holan pangunjunan na patut di jolma do naung mangonai tu
hamu. Haposan do Debata, ndang loasonna hamu unjunan lobi sian gogomuna; Ibana
na parohon pangunjunan i, laos Ibana do mambahen hapateanna, asa tartaon hamu”.
Hagogoon ni Debata do na mangalehon dalan tu angka na porsea I asa mampu
manulak jala pasiding angka elaela i.
ü Napaduahon; mansai
taharingkothon do hagogon ni Debata laho mandopang musu I, ima setan I nang
dohot paranganna. Asa didok do di Efesus 6: 10-13 boha do hita memperlengkapi
dirinta dohot hagogoon ni Debata asa rade mangadopi parporangan partondion. Ai
didok disi: “Dungkon ni i, gabe togu ma rohamuna di bagasan Tuhan i dohot di
bagasan hagogoonna na togu i! Solukkon hamu ma pangkean sinjata na sian Debata,
asa taralo hamu utiutian ni sibolis i. Ai ndada marungkil hita mangalo mudar
dohot sibuk, angka harajaon do, angka parhuaso, angka sigomgomi hasiangan
haholomon on, angka tondi hajahaton na di ginjang i. Dibahen i, jalo hamu ma
pangkean sinjata na sian Debata, asa tarbahen hamu mangalo di ari na jahat i,
jala hot jongjong, dung dipatunduk hamu sasude.”
ü Napatoluhn: holan
marhite hagogoon ni Debata sambaing do mampu hita manhobasi Ibana dohot
denggan. Heber 13: 20-21 “Alai Debata Sipardame i, na manogihon sian angka
na mate Siparmahan bolon ni angka birubiru i, marhitehite mudar ni padan
sisalelenglelengna i, i ma Tuhanta Jesus; Ibana ma patauhon hamu di nasa ulaon
na denggan, mangulahon lomo ni rohana, ai dipatupa do di bagasan hamu na tau
lomo ni rohana marhitehite Jesus Kristus! Di Ibana ma hasangapon i ro di
salelenglelengna!”
ü Paopathon:
Songon angka na porsea mansai ringkot do di hita hagogoon ni Debata asa
manahan. Songon na nidok si Judas 24 Alai hasangapon ma di Ibana na margogo
mangaramoti hamu, unang tinggang, jala pajongjongkon hamu marolopolop, so
martihas, tu adopan ni hasangaponna!
ü Palimahon: Holan marhite
hagogoon ni Debata, boi hita manean angka pangunjunan. Ia Ap.Paulus
manggombarhon hasintongan I dibagasan ngoluna didok di 2 Korint 12: 9-10 Gabe
didok Ibana tu ahu: Tuk ma asi ni rohangku di ho; ai di hagaleon do sun timbul
hagogoon. Asa tagonan ma hupapujipuji diringku di bagasan angka hagaleonku, asa
songgop tu ahu hagogoon ni Kristus. Dibahen i, sonang do huhilala di bagasan
angka hagaleon, pangaleaion, hasosahan, pangaleleon dohot hagogotan ala ni
Kristus; ai jumpa gale ahu, disi do ahu margogo.
ü Paonomhon: Holan marhite
hagogoon ni Debata boi hita pararathon Barita Na Uli tu tonga portibi on. Ai
didok do si Ul.Ap. 1: 8 “Alai jaloonmuna do hagogoon ni Tondi Parbadia na
songgop tu hamu, gabe sitindangingku ma hamu di Jerusalem dohot di sandok Judea
dohot di Samaria, sahat ro di ujung ni tano on”
c)
Hasintongan
ni Debata (ay.17): Molo tajaha sian bindu 2, mansai torop do angka parpoda
haliluon ro tu Tessalonik na mandok paboa naung ro ma ari ni Tuhan I, jala didok
nasida naung manjalo surat sian Ap.Paulus hape na paliluhon do dalan nasida. Ai
naung somal do si Paulus mandiktehon angka surat tu angka panurat, alai asa
unang adong pemalsuan, jumolo do di tandatangani si Paulus asa gabe ciri khas
ni angka surat ni si Paulus. Mansai dipingkir si Paulus do na jinalo ni huria
Tessalonik ima hasintongan i. Sai marulakulak do si Paulus manaringoti
hasintongan di angka suratna jala angka hatana najinalona ima pangungkapon na
sian Debata. Debata ndada holan Debata hadameon dohot hagogoon, alai dohot do
Debata hasintongan. Disude Padan na Robi
dohot naimbaru, Hata ni Debata do hasintongan. Jala Ap.Johannes pe patogoshon I
di Johannes 14: 6 “Ahu do dalan i dohot hasintongan dohot hangoluan. Ndang
adong na sahat tu Ama i, ia so marhite sian Ahu.” Dihasiholi si Paulus do
asa huria Tessalonik gabe pilar dohot pandongani di hasintongan. Asa mampu
nasida mangulahon i ingkon tangkas dinasida laho membedahon Tondi hasintongan
dohot tondi hasalaan. Sada na gabe standar nab oi mangulahon I ima marhite Hata
ni Debata, asa dijamothon Ap.Paulus do nasida asa jaga, mangaramoti dohot
pahothon keaslian ni Pangungkapon na dipasahat Debata tu ibana.
d)
Asi
ni Roha ni Debata (ay.18). On ma tangiang panutup di surat on na mangigil asa
saluhut halak na pasahathon dirina marhaporseaon tu Jesus Kristus asa malua
jala manjalo asi n iroha ni Debata dibagasan ngoluna. Asi n iroha ni Debata ima
haburjuon dohot pasupasuNa na so tama jaloonta, na nilehonNa tu angka na so
tama manjalosa. Asi n iroha haluaon na ditotophon Debata dilehon marhitehite
Jesus Kristus. Asi ni roha I ndada holan tu haluaon (Efe.2:8-10), alai dohot do
tu habengeton, panghobasion, ngolu partondion, jala silehonlehon. Angka na
porsea na manjanghon asi n iroha ni Debata marhite na manghaporseai. Songon na
sinurat Ap.Paulus di Efesus 2: 8-9 “Ai sian asi ni roha do, umbahen na malua
hamu, dalan haporseaon; jala ndada binahenmuna, silehonlehon ni Debata do. Nda
tung sian parulaon i, asa unang adong na mamuji diri.” Ala asi n iroha ni
Debata mamboan hita mardalan dibagasan Tondi jala marsaor dibagasan tangiang,
jala mampu hita mangolu ganup ari, jala milikta do I dibagasan Jesus Kristus
Tuhanta i.
2.
Huria
ni Tuhanta nahinaholongan dibagasan Jesus Kristus, ndan adong parngoluon na ummuli
sian parngoluon ni halak Kristen na dibagasan hamuliaon ni Debata. Asa mampu
hita manghangoluhon I ringkot do di hita saluhut pangantusion, haunduhon, komitmen, dedikasi
jala ulaon na nipasahat angka na porsea. Alai saluhtna I ndang mararti molo so
adong hadameon, hagogoon, hasintongan dohot asi n iroha na sian Debata.
Nuaeng paimahon
tingki sian jom tu menit tu detik na ma hita laho manadinghon taon 2025 on asa
bongot hita tu taon na imbaru 2026. Godang dope pertanyaan besar boha do asa
boi jala mampu hita mamasuhi dohot mandalani taon na imbaru I ?
Ai didok do di
topik jamita on : DIDONGANI ASI NI ROHA NI TUHANTA MA HITA (Kasih Karunia Tuhan
Menyertai Kita). Na pos do rohanta di pangaramotion ni Debata dii na sataon
2025 on; ragam do na tabolus, las n iroha nang arsak pe, harugian nang
paruntungan pe, arsak dohot las ni roha marganti sorin. Debata do na manjagai
hita, sai didongani do angka na porsea i mamolus i saluhutna asa mampu jala
margogo hita. Tangiang ni apostel Paulus: "manongtong jala mangimpas ma
dameNa dilehon Tuhan si Pardame i tu hamu!" Di Padan na Imbaru jotja do
digoari Tuhan i songon Tuhan si Pardame, songon i do nang di surat-sura ni
apostel Paulus. Sian on tangkas na Tuhan i do haroroan ni dame di ngolu na
porsea. Jala dison adong sada jaminan, molo didongani Tuhan i sasahalak jaminan
pangoluan di bagasan dame adong di parngoluonnasida: "Didongani asi ni
roha ni Tuhanta Jesus Kristus ma hamu sudena". On tangiang ni apostel i do
tu huria sinuratanna. Jala i do tutu pos ni rohana, molo didongani Tuhan
nasida, tarbahen denggan ma nang parngoluannasıda, jala dame roha nasıda songon
pribadi nang songon huria. Denggan do didok roha tarimangrimangi parngoluonta.
Tongtong dope hita mangulahon ulaonta songon na mangihuthon disiplin
Kekristenan? Manang olo do majotjothu hita holan na mangantoi ulaon ni jolma na
asing. gabe ulaonta sandiri tahalupahon? Marhite turpuk on, disosoi apostel
Paulus do hita asa di bagasan parsitutuon mangula siulaon, manang aha pe ulaon
na dipasahat Tuhan i tu hita. "Lakukanlah segala sesuatu seperti kepada
Tuhan dan bukan seperti kepada manusia. Do every thing as unto the Lord for
grace is special for thee!!! Selamat menjelang tahun 2026. Amen.
