DEBATA
PATUPA HALONGANGAN TU BANGSONA
(Tuhan
Melakukan Perbuatan Besar Bagi Umat-Nya)
1
Petrus 2: 1 - 10
1.
Huria
ni Tuhanta na hinaholongan dibagasan Jesus Kristus; Torang do dipaboa taringot
tu maksud ni panurat ni surat 1 Petrus on di 1 Petrus 5: 12" hubahen surat
na saotik on tu hamu, mangapoi jala manghatindanghon i, i do sintong asi ni
roha ni Debata, hajongjonganmuna "Angka huria na di Asia na metmet
marsitaonon, alani pangaleleon tu halak Kristen lam tu dokdokna do sian ari tu
ari. Di bagasan situasi na dokdok i, boi do lam mura hona hutur haporseaon ni
halak Kristen. I ma alana umbahen na ringkot disurat 1 Petrus on. Aia buku on
ringkot nuaeng patoguhon haporseaon ni angka panjaha, anggiat tongtong nasida
manghaporseaon situtu tu Jesus Kristus jala patuduhon parngoluan di
humaliangna, di situasi na masimusuan, marhite asi ni roha na tongtong jinalo
nasida. Marhite na mangulahon i, gabe marbenget ni roha ma nasida dung ditaon
satongkin haporsuhon i, jala jaloonna ma ujung ni haporseaonna, i ma haluaon ni
tondinasida (1:9; 5: 10). Di bindu parjolo dimulai marhite pujipujian tu Debata
naung manubuhon nasida paduahalihon tu panghirimon manuju haluaon naung
sinurirangkon ni angka panurirang jala nunga digohi di tingki on (1:3-12).
Mardomu tu hatorangan i, diuduti ma marhite angka poda asa tongtong mangolu
nasida hombar tu panjouonna na togu marsitiopan di panghirimon nasida songon
halak naung tubu paduahalihon di bagasan bagas partondion, i ma huria i (1:
13-2:10). Dibagasan turpuk on, tarida sada gombaran taringot tu ngolu ni halak
Israel, halak Kristen na ingkon gabe songon sada batu na mangolu di joro ni Debata.
Ia maksud ni surat on, i ma laho patoguhon haporseaon ni angka halak Kristen i,
asa botulbotul porsea tu Jesus Kristus na hot so humordit manang pambahen ni
manang aha pe di portibi on. Naeng gabe songon batu, alai batu na mangolu.
Lapatanna, ia batu na pir do i, alai didok batu na mangolu, hot so molengoleng,
alai tong berkembang jala dinamis. Unang songon batu partuk-tuhan manang batu
pargasipan, manang batu peninggang, alai batu mamak na togu hapeahan ni
bangunan na so tarhutur manang aha pe di portibi on. I ma halak Kristen na
mambahen ngoluna marhaposan tu Debata.
2.
Molo
taida do perikop on, i ma taringot tu na pajongjong huria marojahan di Kristus.
Jotjot do muba bahasa kiasan. Baru dope Kristus i, digombarhon songon
sipanganon (2-3), nuaeng digombarhon songon batu na mangolu, na naeng dipangke
pajongjong bagas partondion (4-5). Muba do gombaran i, alai anggo impolana hot
do. Laho mangantusi 1 Petrus on, naeng do berengonta latar belakangna sian
Padan Na Robi. Adong 3 ayat Padan Na Robi na boi manontuhon cara berpikir, i ma
Psalm 118: 12: Jes 28: 16 dohot Jes. 8:14. Sian ayat na parjolo dohot paduahon:
"batu na binolongkon ni pande bagas nunga gabe batu parsuhi," Israel
i ma batu na binolongkon ni pande bagas, i ma angka bangso Timur Tengah na
maniop huaso di tingki i, di parnidaan ni angka bangso i, tung lea do bangso na
pinillit i. Alai Debata do paluahonsa, jala mangalehon kehormatan tu nasida
jala tubu ma pujipujian Psalm on (Psalm 21:42), na pabotohon sitaonon ni Jesus.
Hamamatena i manggombamum panulakon na mansai koras sian jolma. Alai anggo di
Debata batu na binolongkon i nunga gabe batu parsuhi, na marpili jala na arga.
3.
Ay.1Tutu
do, nunga mangulahi tubu hita ala ni Hata ni Debata, alai sai olo dope hita
terpengaruh gabe madabu tu dosa. Ala ni i ma di ay. 1 didok, Ingkon
ambolongkonon ma "nasa hajahaton dohot nasa angkal dohot pangiburuon
nang panihaion (segala kejahatan, segala tipu muslihat dan segala macam
kemunafikan, kedengkian dan fitnah)”. Godang do nian dosa i, na boi manegai
parsaoranta tu Debata dohot tu dongan jolma, alai deba sian i do dipajojor
dison, na boi mewakili sude dosa i Ingkon tanggalhonon do i, songon na
mananggalhon baju naung kotor jala bau, jala gantihononhon dohot baju na imbaru:
ü
Nasa
hajahaton, ima keinginan laho manghansiti halak na asing.
ü
Nasa
angkal, tipu daya, dusta (pat. patik pasiahon), penipuan melalui perkataan,
termasuk di dalamnya kemunafikan, sanjungan yang bersifat menjilat tapi penuh
kepalsuan, yang dengan licik memperdaya orang lain karena ketidaktahuan atau
kelemahannya, sehingga ia menderita kerugian,
ü
Pangiburuon
(kedengkian), ketidak-senangan melihat orang lain diberkati. Di hata nuaeng:
susah lihat orang senang tetapi senang melihat orang susah. Ndang boi anggap
remeh hita tu pangalaho on. Ai dibunu ni Kain do si Habel ala pangiburuon. Nang
angka hahaanggi ni si Josep bertindak kekerasan tu si Josep ala pangiburuon. I
do pola didok si Thomas Manton: Seluruh dunia, sekalipun sebetulnya kosong,
tidak bisa menampung dua bersau-dara, dimana yang satu iri hati kepada yang
lain. Sibahenonta asa unang mangiburu, ima: marholong ni roha, ai ndang
mangiburu holong i (1 Kor. 13, 4). Jala ingkon botoonta, na sada do hita songon
pamatang ni Kristus, ala ni i, molo mangae sada anggota ni pamatang i, ingkon
mangae do saluhut daging i, jala molo marlas ni roha, marlas ni roha do saluhut
(1 Korint 12, 26)
ü
Panihaion
(fitnah), berbicara buruk tentang orang lain, khususnya di belakang mereka. On
ma parbue ni pangiburuon nangkin. Di zamanta nuaeng on ma pangalaho na
martimburak marhite hoax, penyebaran berita bohong, issu negatip, gosip, dll.
Anehnya, semakin banyak orang yang menikmatinya dan mem-viral-kannya, bahkan
rela masuk penjara karena itu.
Disosohon Hata on, ingkon Ingkon marsitutu
do hita mangambolongkon i sude. Jala ingkon sahat tu uratna, unang adong tading
tung otik. Ai otik pe tading, songon kanker do i, pintor lam mangararati do
manghuasoi sandok ngolunta. Harus ditumpas sampai ke akar-akarnya.
4.
Ay.2
Uasan ma di susu na tama; Ima hauason (kerinduan besar) laho mamparsiajari Hata
ni Debata:
ü
Saurdot
do i dohot naparjolo nangkin. Na so olo mangambolong-kon dosana, ndang adong
sihol ni rohani i laho mangguruhon Hata ni Debata. Jala na so mangguruhon Hata
ni Debata, ndang ditanda i dosana jala ndang olo mangambolongkon. Alai angka na
burju marsiajar di Hata ni Debata, ditanda i ma dosana, dung i dihaburjuhon ma
mangambolongkon dosana i. Jala halak na burju mangambolongkon dosana lam
masihol ma i mangguruhon Hata ni Debata.
ü
Ingkon
adong hauason, kerinduan besar (eager), songon na handorusan, hamongkuson sai
naeng torus. Songon posoposo, molo laga mangan, gabe sehat ma i jala hatop
magodang, naeng ma songon i hita tu Hata ni Debata. Ndang cukup holan saay
sadari, ingkon lam tamba ma. Inilah orang yang selalu punya waktu dan kemauan
serta hati yang terbuka untuk membaca Firman. Ingkon songon hudon na rumar
(bejana yang kosong) na sai malungun asa diisi. Boha do ia hita nuaeng, nunga
ringgas hita? Torop do holan tingki tu gareja, partangiangan (i pe tong dope
mondohondok manang manghatahatai); torop dope na mambahen godang alasan gabe so
ringgas manjaha i. Hape molo lam ringgas hita, lam dewasa ma hita. Alai molo
hurangan mangan, ima songon na masa nuaeng naginoaran: "stunting",
ima mambahen marpeng-peng ndada holan daging alai dohot do pikiranna. Songon i
ma hita na hurang mangharinggashon manjaha Hata ni Debata.
ü
Sijaloon,
sihauashononta i ima susu na tama (ay. 2), ima Hata ni Debata. Boi do laga
mangan, alai jenis ni sipanganonna ndang denggan, misalna ndang bergizi, manang
beracun, mambahen ndada holan ndang adong pertumbuhan, alai justru parohon
sahit. Songon i do nang tu partondionta. Makanan paling bergizi kita adalah
Firman Tuhan. Na tama, yang murni do i, ndang hea sala, alai "hasea
mamodai, maminsang, pauliulihon, manogunogu dibagasan hatigoran, asa rimpas
halak ni Debata, hobas tu nasa ulaon na denggan" (2 Tim. 3, 16-17),
sulusulu ni patta, hatiuron di dalanta (Psalm 109, 15)
ü
Asa
mauas posoposo di makanan utama na, ima susu, ingkon jagahonon ma unang
pagodanghu manganhon sipanganon na asing. Songon i do nang hita. Ingkon olo do
hita mangambolong-kon kesibukan na asing: hobby, mar-medsos, manang
ulaon na asing asa gabe tubu hauason mangguruhon Hata ni Debata.
Sasaran ni sudena i, ima mamboan
pertumbuhan, lam magodang, lam dewasa. Mangguruhon Hata ni Debata ndang boi
holan "sekedar" manambai parbinotoan, manang manambai bahan jamita/
mengajar/berdebat, alai asa lam magodang (bertumbuh) do haporseaonta. Boasa
ingkon bertumbuh? Asa lam magodang. Boasa ingkon magodang? Ai holan angka na
magodang do na boi gabe ahli waris ni harajaon ni Debata. I do na saut malua,
songon nidokna di ay. 2 с: bahen haluaon (beroleh keselamatan).
5.
Ay.3;Kunci
asa boi hita mangambolongkon dosa laos bertumbuh marhite na uasan di Hata ni
Debata, ima: ingkon tangkas do tahaporseai jala tahangoluhon, tung na basar do
Tuhan i, naung rade maneahon hosaNa laho mangalehon haluaon dohot hangoluan na
manongtong i di hita. I ma mangonjar rohanta asa marusaho lam magodang
(bertumbuh) marhite na rade mangambolongkon dosa dohot burju mangguruhon Hata
ni Debata.
6.
Ay.4
– 5 ; digoari do ia Jesus i, i ma "batu mamak". Batu na binolong kon
ni pande tukang i, gabe batu parsuhi ni bangunan. Lapatanna, ia Jesus na so
dapotso dapot etongan do nian di kalangan ni masyarakat, alai justru na so
diperhitungkan i do gabe penentu selanjutna. Jesus sandiri dileai, diinsahi
sahat tu na diparsilangkon, alai selanjutnya gabe parhuaso, parade inganan di
surgo tu saluhut halak na manghaporseai Ibana. Sian i berengonta asing ni
pamerengan ni hajolmaon molo diperbandingkon tu penilaian ni Debata. langgo
jol-ma rupa do na niidana, alai ianggo Debata roha parbagasan do. Molo di
huria. Kristus ma gabe ojahanna, Molo manimbil sian i, sega ma huria i jala
matapor. Ndang sada be songon na maruluan tu Kristus, olo ma sipata gabe jolma
uhuan ni huria i, jala diboan ma òn tu hinalomohon ni rohana sambing. Jadi punguan
ni halak Kristen, ingkon Jesus do ojahanna ąsą togu huria i/parpunguan i. Jala
molo songon i, Kristus nama na mangarajai dohot na mamparbadial. Dung i gabe
tangkas ma parsaoran disi dohot Debata di bagasan holong. Sude na masa disi
gabe halomoan ni Debata jala hasangapon di Ibana. la di Padan na Robi, batu
mamak i digoari do i Sion na pinajongjong ni Debata. Ndang barani halak Israel
mambolonghon batu 1. Songon i ma nang di Padan na Imbaru, Kristus ma batu mamak
i, na so adong huaso ni manang ise pe laho manggulingkon Jesus di ulaonna i
dohot di Huria i. Dung gabe Kris-tus uluan di Huria 1, manang ise parsidohot
tusi, gabe halak na niasian ni De-bata ma ibana huhut dohot parjambar di
pasupasu ni Debata, ai nunga hadir disi Kristus nampuna huria i, gabe dohot ma
halak na porsea mamparsauli-honsa.
7.
Ayat
6-8: Marhite pandohan "na tarsurat do di surat i", panurat 1 Petrus
on mulak muse tu gombaran na binuatna sian Padan Na Robi. Maol do manontuhon
inganan ni batu i di bagasan bagas i songon na piningkiran ni 1 Petrus di
hasadaon ni ayat 6 - 8 on. Marhite na mamereng tu Jes. 28: 16, di ayat 6 na
nidok ni panurat i ma batu ojahan (dasar). Batu ojahan na togu, na dipeakhon di
Sion, batu na so boi digargar (disegai) angka musu ni Israel ai Debata do
pajongjonghonsa, dapotan pangantusion manang lapatan na imbaru di konteks 1
Petrus on. Kristus batu na marpili jala na arga i, jala marhite Ibana do
dipadiri ojahan ni huria i, ganup na porsea, na marojahan di ojahan na togu i,
ndang na tarila ibana, ai nunga togu posisina di bagasan bagas partondion i.
Marningot ojahan na mansai togu i, patut do digoari batu i arga manang uli.
Alai, hinaargą dohot hinauli na i paltak do i jala marguna tu angka na porsea
manang tipak jala denggan ingananna tersusun di bagas partondion i. Angka na so
porsea, na di balian ni Huria ni Jesus Kristus, na tartuktuk do nasida tu batu
parsuhi Jesus Kristus. Di dia do inganan ni batu i di bagasan bagas i
mangihuthon pandangan ni 1 Petrus? Psalm 118: 22 na dikutip di ayat 7, ra na
nidokna disi i ma sada batu panutup. Na dipeakhon songon panutup di ginjang ni
bangunan, inganan ni sada tiang marsitomuan. Disi ma batu panutup i manutup
dohot patoguhon bangunan lingkungan dohot sude bangunan i. Songon i ma
pangantusion Markus 12:10; Ulaon Apostel 4.11, na manggombarhon Kristus songon
batu panutup, naung pinillit ni Debata, hundul di inganan na badia di surgo i. Di
1 Petrus 2:7-8, na digombarhon i ma sada batu di puncu (ujung) ni bangunan, na
mambahen halak tartuktuk tu ibana. Boi do tong di ayat 8 on na marlatar khusus
"batu parsuhi", ai mangihuthon Jes. 8: 14 torang doi songon batu
parsuhi, inganan di sada suhisuhi ni bangunan i. Tontu, sada batu na tajom, na
boi mambahen halak tartuktuk molo ditondong batu i. On ma sada tudosan na
mansai dokdok na paingothon ganup jolma. songon batu parsuhi, dipajongjong
bahen partinggangan di angka jolma Kristus i ndada holan batu ojahan, ojahan ni
ngolu di huriana. Kristus, tu haluaon manang hamagoan terjadi marhite parjumpangan
ni jolma dohot na so porsea di hata ni Debata (Lukas 2: 34). Jadi sada
haputusan taringot hata ni Debata jala reaksina maradophon joujou ni Tuhan i.
Pande bagas, Jesus sian tongatonga nasida marhite persetujuan ni bangsona, laos
tindakan i ma tokoh masyarakat ni Jahudi, na so manjalo Jesus jala naung
pasisihon nasida on do na pabalihon nasida sian lingkungan haluaon na
ginomgoman ni Jesus Kristus. Songon i ma lapatan ni Padan na Robi na pinatupa
ni Jesus (mangihuthon Mat. 21:42) dohot Apostel Paulus (Rom. 9: 32-33)
Mangihuthon Apostel i, ganup jolma na manghirim haluaon marhite na mangulahon
patik, ndang boi so ingkon tartuktuk tu batu parsuhii. Di Petrus on, umbidang
dope panatapanna, ai angka parbegu pe dohot do terancam di bahaya on.
Hajungkaton nasida maradophon barita haluaoni parohon hamagoan tu diri nasida
be do.
8.
Ayat
9: Digoari do opat goar kehormatan sian Padan na Robi. Di 1 Petrus digoari do
Huria Jesus Kristus songon: "marga na pinillit", "hamalimon ni
raja", "bangso na badia", houm na ginmggomanna". Di mulana,
bangso Israel do na ginoaranna marhite pandohan i. Alai di masa eskatologis on,
sude hak istimewa ni Israel nunga dilehon tu huriana songon "Israel milik
ni Debata" (Gal. 6: 16), angka jolma parsunaton, parsomba di bagasan Tondi
ni Debata (Flp. 3: 3). Ala na so dijangkon Israel Mesias ni Debata alani i gabe
muba ma sude padan tu huria na manjangkonsa.
Apostel Paulus mamereng halak Kristen na ro sian hasipelebeguon songon
ranting-ranting na disumbathon tu bona ni hau jarak hita, i ma Israel (Rom. 11:
1724). Di 1 Petrus on, huria i songon pengganti huta ni Debata Na Robi, na
digohi dohot sude hak istimewana di portibi on. Huria i, i ma bangso na
pinillit (Jes. 43: 20), na dipapulik sian sude bangso. Hombar tu batu parsuhi
na pinillit laho mamuji jala pasangaphon Debata. Halak Kristen songon hamalumon
n raja (2 Musa 19: 6). Marhitehite Kristus i, saut masuk hita tu asi ni roha
(Rom 5; 2). Sude nasida diloas jala ingkon do mamelehon pelean partondion na
tama di adopan ni Debata. Dibahen i, torang ma idaonta, jabatan malim secara
khusus ndang be masa di huria-huria Padan Na Imbaru. Sude pamatang ni Kristus
songon sada parsaoran ni malim, na manghobasi ulaon panghobasion di adopan ni
Debata nang tu dongan jolma pe. Songon bangso na badia (2) Musa 19: 6), huria i
dipapulik Debata asa mangolu di bagasan parsaoran dohot Ibana (Pat. 1: 15-16).
Goar na parpudi, dos do lapatanna. Houm na ginomgomanna, na dijou gabe bangsoNa
(Jes. 43:21; Mal. 3:17) naung ditobus marhite mudar ni Jesus Kristus (1 Petrus
1:19). Ndang adong be huaso di portibi on na tuk gogona laho merampas huria i
sian nampuna huria i, jala na so tupa talu i bahenon ni angka harbangan banua
toru (Mat. 16: 18). Hot do bangso i, ai nunga dipapulik Tuhan i songon bangso
na pinillitNa. Marhite angka goar na di ginjang i, 1 Petrus manotophon angka
tugas (ulaon) ni huria ni Debata na ingkon patupaonna. Halak Kristen i ma
bangso ni Debata, na ingkon pabotohon angka pambahenan ni Debata angka na balga
i tu angka natorop. Silehonlehon
manghorhon ulaon ! Silehonlehon na so dihangoluhon di bagasan ulaon
pamaritahonon barita na uli, boi do i gabe mambahen mago keistimewaanna.
Hamubaon Partondion naung tajalo songon huria ni Tuhan i, boi denggan mardalan
molo tarajumi songon halongangan laho pabotohon haburjuon ni Tuhan i di portibi
on. Huria i gabe sada bukti hataridaan haburjuon ni Debata naung mamillit huhut
pabadiahónsa. Nunga dijou Tuhan i nasida ruar sian haholomon, sian huaso ni
dosa, jala mamboan nasida tu hatiuron tu bagasan haluaon na sian Debata. Ala ni
i, dipangido sian huria i laho pabotohon pambahenan ni Debata na balga (Jes.
43: 21 ; Ulaon 2: 11) marhite hata (3: 15), marhite pambahenan (2: 12), asa
anggiat diida portibi on haburjuon pambahenan ni Tuhan i.
9.
Mansai
ringkot do pangapoion dohot pangapulion di angka jolma na marsitaonon, tarlobi
alani haporseaonna di Jesus Kristus Tuhan i. Songon huria na parjolo i, di Asia
na metmet, na hona hutur haporseaon nasida, ringkot patoguon anggiat tongtong
nasida marhaporseaon di Jesus Kristus, huhut boi patudu parbue ni haporseaon di
humaliangna, marhite asi ni roha naung jinalo nasida. Suang songon i do angka
donganta di deba inganan di tingki on, godang do na marsitaonon ala ni
haporseaonna, pola hona hurung manang na sadia leleng. Ringkot situtu do
patupaonta tangiang parpangondianon (doa Syafaat), anggiat dipargogoi Tuhanta
haporseaon nasida. Ndang holan tangiang tahe, nang pangurupion marhite
pambahenan na tangkas di parngoluan slapari, gabe boi dihilala nasida na dohot
do donganna sahaporseaon mangurupi nasida di sitaonon nasida i (pat. Gal. 6:2).
Marhite i, tarida hasadaan ni huria i, angka na porsea di Jesus Kristus, na so
pola mamereng rupa manang parbangsoon pe, na so pola mamereng inganan na donok
nang na dao pe, ai sude do hita halomoan ni rohani Debata marhitehite Jesus
Kristus.
10.
Gombaran
batu parsuhi, na binolongkon ni pande bagas, songon na tarsurat di surat i
(Padan Na Robi), i ma bangso Israel na binolongkon ni angka bangso Timur Tengah
na marhuaso di tingki i, alai di 1 Petrus on, ia batu na binolongkon ni pande
bagas i, i ma Jesus, na so jinalo ni manggombarhon panulakon ni jolma manisia,
alai anggo di Debata angka halak Jahudi (Pat. John 1: 11). Hamamate ni Jesus,
tung mansai arga do Ibana. Ndang tarila na porsea di Ibana. Di tingkinta nuaeng
on pe, godang do halak na manulak Jesus i, marhite angka pangalaho dohot
ulaonna siganup ari, nang pe hatana mandok na porsea do ibana di Jesus i. Taida
do, lam tu toropna do jolma na korupsi, na mambuat na so jambarna. Nang ruas ni
huria na sai tongtong martogel (toto gelap) dohot juji na asing pe. Angka jolma
na mangulahon na suman tusi, naung dohot do nasida mambolongkon Jesus naung ro
tu portibi on. Nunga mate Jesus i, sahali do i, ala ni dosa (Roma 6: 10). Ala
ni i, unang be dohot hita manulak Jesus i, ai nunga monang Ibana manaluhon
hamatean i, na gabe hangoluan di hita angka na porsea. Marhite Jesus, na gabe
batu parsuhi jala na arga, na gabe partuktuhan do i di angka na so porsea. Asa
ndada be marhite na mangulahon patik gabe malua jolma, alai marhite na porsea
di Jesus i do, i ma na marpili jala na arga.
11.
Marga
na pinillit do digoari huria i. Asa ndang be songon na di Padan Na Robi, holan
marga Levi na marhobas di bagas joro. Alai marhite Kristus i sude hak istimewa
ni Israel nunga dilehon tu huria i na songon "Israel milik ni
Debata". Apostel Paulus mamereng halak Kristen na ro sian hasipelebeguon
songon ranting na disumbathon tu bona ni hau jarak huta (Rom 11: 17-24). Asa
huria i, i ma bangso na pinillit laho mamuji jala pasangaphon Debata. Sude do
hita tarjou, songon na pinillit hita di huna. taulahon ma ulaonta secara
bertanggung jawab hombar tu pamillition i
12.
Hamalimon
ni raja, songon i do halak Kristen marhite Kristusi. Asa sude do halak Kristen
ingkon dohot manghobasi ulaon panghobasion di jolo ni Debata nang tu dongan
jolma pe. Beha do hita di tingki on? Holan malim manang pandita do na marhobas
di huria i ? Sude do na porsea dohot manghobasi di tongatonga ni huria marhite
silehonlehon na adong di ibana. 6. Bangso na
badia, houm na ginomgomanna, na marlapatan, ia huria i dipapulik Debata asa
mangolu di bagasan parsaoran dohot Ibana, marhite panjouonNa. Nunga ditobus,
diparbadia jala dijou Debata huriaNa i, marhite Jesus Kristus, Anakna i. Asa
songon naung tarjou hita, dohot ma hita pabotohon balga ni pambahenan ni Debata
tu sandok portibi on, marhite na mamaritahon Barita Na uli haluaon i. Tapatupa
ma i, marhite hata nang pambahenanta.
13.
(illustrasi).
Di na sahali marrapot do angka induk ni sibolis di prtibi on. Nasida ro sian
opat jurusan (habinsaran, hasundutan, utara, dangsina). Dijou induk ni sibolis
i ma angka utusan i jala di bagasan rapot i didok induk i ma Laho ma hamu tu
liat portibi on, gugai hamu ma angka n na naeng membangun Gereja asa unang
adong bagas parmingguan manang parpunguan ni halak Kristen i, asa unang porsea
be nasida tu Debata dohot tu Tuhan Jesus. Dung i borhat ma angka utusan i laho
mangula-hon angka tugas na dipasahat tu nasida. Alai nunga tung loja nasida
tong do ndang marhasil tugas nasida i. Dung i melapor ma angka sibolis i tu
indukna, ninna ma ndang boi hugugai hami pembangunan ni gareja i. Ro ma induk
ni sibolis i mandok Antong aha nama sibahenonta? Dung i mangalusi ma utusan
sian habinsaran mandok laho ma hita tu ganup halak kristen i, tajujui ma nasida
asa unang dilehon pelean taon i, asa macet sude program di huria i, ninna.
Utusan sian hasundutan mandok : la-ho ma hita tu liat portibi on, tabahen ma marbada
huria na sada tu huria na sada nari, asa gaor angka huria i, unang rparduli be
halak mar-huria, ninna. Utusan sian Utara mandok, marserak ma hita tu liat
por-tibi on, tabahen ma angka halak Kristen i mulak tu sipelebegu, ninna.
Utusan sian dangsina, mandok, boi do loasonta halak Kristen i marpu-ngu di
gareja dohot di partangiangan, alai di tingki marjamita pandita i, tagarutgarut
ma tangkuhuk ni ruas i asa mondokondok, asa unang di-tangihon jamita i, ninna.
Dung i borhat be ma angka sibolis i. Boi do i masa di ngolu hakristenonta, ala
ni i naeng jamot hita di angka i sa-luhutna. Amen
