MANGOLU DI BAGASAN
PARANGE NA BADIA
(Hidup
Dalam Kekudusan)
1
Petrus 1: 13 – 16
a)
Huria
ni Tuhanta na hinaholongan dibagasan Jesus Kristus, sada realitas ni ngolu
hakristenon di tongatonganta di tingki on, hira so adong be kharakteristikna
manang halobianna, kekhususanna, spesialisasina, na patuduhon sintong hita
songon halak Kristen. Sasintongna, adong dua na ingkon patar nian di ngolu ni ganup
halak Kristen, i ma:
Ø Habadiaon
kekudusan dohot
Ø Holong
Parhahamaranggion kasih persaudaraan.
Alai tasadari,
mengalami krisis do na dua on. Hape sasintongna, dung tatanda dohot pangurasion
ni mudar ni Jesus Kristus, nunga gabe singkop Debata Ama i di bagasan Tondi na
pabadiahon, tu pangoloion asi ni roha dohot dame i di hita (1 Petr. 1: 2). Asa,
ndang adong be alasan ni angka naung pinalas ni mudar ni Jesus i mangolu so di
bagasan habadiaon.
Tontu habadiaon dohot holong
parhahamaranggioni, ndang secara otomatis i mian di halak na porsea, ingkon
adong do usaha na tangkas manggolom Tuhan i. Di Jesaya 26 : 2 tangkas do syarat
ni halak na bongot tu "Huta na gonting" i ma: bangso na tigor, na
marsihohot maniopi haburjuon. Marlapatan ingkon adong do modal hatigoran dohot
parsihohoton maniopi haburjuon. Jadi ndang boi raus manang golom riaria
marhaporseaon, alai ingkon marsitutu do. Laos songon i do nang asa jumpang
habadiaon dohot holong parhahamaranggion na sintong, ingkon siusahahononhon do
i secara proaktif, sidatdatan manang sitambortamboran jala ingkon hophopon molo
taadopi tantangan laho pasauthonsa.
Tontu adong ma di hita hata
sitiopan sian jamita on:
1.
Parjolo:
Hohosi roham, torang roham, sandok manghirim ma di asi ni roha di hapataran ni
Jesus. On ma sikap dasar: Roha na hohos manang kesiapsediaan jala roha na
torang, na ias, so marlaok jala polos.
2.
Paduahon
Orom dirim songon dakdanak sipangoloi, unang paihutihut sangkapsangkap ni roha
uju di haotoon. Ingkon adong di hita pengendalian diri na kuat. Jala
nilai-nilai habadiaon i ma soara na manjou dohot mangarahon hita tu habadiaon.
Sada alasan na pasti, boasa ingkon badia hita, i ma ala badia do Tuhan i. Asa,
na hombar tu habadiaon ni Debata, i ma na marlangku nang di jolma na
manghaporseai Debata. Habadiaon manang kekudusan na marlapatan do i
mengkhususkan diri tu lomo ni roha ni Debata di bagasan ngolunta.
3.
Patoluhon:
Patar do naung adong hian di hita adat na so marniula na tatean sian portibi
on. Holan sada do na boi mangalongkangi i, i ma mudar ni Tuhanta Jesus. Mudar
ni Kristus, na arga i do, songon mudar ni birubiru na so hasurahan, na so
marlindang, i ma na paiashon, mangurasi - menahirkan – hita sian ragam ni adat
portibi na marlaok dosa.
4.
Paopathon:
Porlu ma ulaon na torus manorus di hita, i ma: paiashon roha, marpangoloion di
hasintongan, mangeahi haholongon na so marlaok di dongan, asa masihaholongan
situtu sian nasa roha. Marlapatan, ingkon bagas do tartanom holong ni roha i tu
dasor ni ateatena, tu urat ni pusupusunta. Asa boi mangolu holong ni roha i,
naeng haruar, suan di bagasan roha.
