MARLAS
NI ROHA DI BAGASAN JAHOWA
(Bergembira
Di Dalam Tuhan )
Lukas 1: 46-55
1.Huria ni Tuhanta
na hinaholongan, di tingkinta nuaeng, molo pajumpang dua parompuan, somalna tar
piga menit do nasida marsiholsihol. Alai dung piga menit nari, somalna pintor
ngerumpi, margosip, manghatai halak na asing nama. langgo parompuan na dua na
di jol oni turpuk on tung asing do. Dua parompuan na andul umurna, alai sarupa
di pambahenan ni Debata, na sarupa rap gabegabean sian dalan halongangan
binahen ni Debata. Ala ni i, na dihatai nasida ima taringot tu pambahenan ni
Debata di nasida laho paluahon portibi on do. Boha do, aut sugari songon i ma
nian angka ina, parompuan dohot sude ruas ni HKBP ate. Ganup pajumpang holan
manghatai taringot tu pambahenan ni Debata di ngoluna ma, ate. Molo songon i,
ndang adong be parbadaan di angka punguan di huria, nang di huria pe, songon i
di na martondong, na marhombar jabu, ate.
2.Hamu angka dongan!
Pajumpang dua parompuan, si Maria dohot si Elisabet. Sarupa do kondisi fisik
nasida, santabi, rap gabegabean (denggan pamatang, hamil-managam haroan). Alai
berbeda situtu kondisi kejiwaan-na. Si Elisabet, malua sian ila bolon. Ai nunga
matua ibana hape laos so hea manubuhon jolma. Di halak Jahudi, dianggap do i
songon uhuman (kutuk) ni Debata. Ndada holan ibana na maila alai sude keluarga
do. Asa. molo dung gabegabean ibana muse nunga malua be ibana sian ila bolon i,
sian kutuk i. Nunga boi tahilala boha ma las ni rohana, ate. Di masa tuanya,
dengan cara yang sangat ajaib, Tuhan membuang aibnya itu. Toho ma tutu nidok ni
surusuruan na tu si Maria i: Ai ndang adong na so tarpatupa Debata (Luk
1, 37). "Na so dung niida ni mata, na so đùng binege ni pinggol na so
dung hehe di bagasan roha ni jolma, i do diparade Debata di angka na
mangkakolong! Ibana." (1 Kor 2, 9). Boha, porsea dope hita disi?
Pangido ma, sai na lehononNa do. Alai sabalikna do ianggo na masa tu si Maria.
Gabegabean ibana so saut dope marhasohotan. Ila bolon na sumalin do on, na boi
siuhumon, didangguri dohot batu. Ai dianggap mardosa do on, kawin di luar
nikah. Tung so binoto be kalut ni panghilalaan na i. Ganup diida ibana pamereng
ni jolma, pasti mencibir, paleahon, hira na ditusuk ma ateatena. Adong do halak
na so tahan mangadopi situasi na songoni, dung i maningkot ma.
3.Alai ianggo si
Maria, ditopot surusuruan ni Debata do ibana, paboahon ia na di bortianna i,
sian Debata do i, jala ingkon goaronna: Jesus, Sipalua. Lam maol, ate! Lam so
siat tu roha. Boi do hira nipi i dihilala ibana. Alai, na menarik jala
sitiruon, dibagasan haporseaon didok si Maria do: Sai saut ma tu ahu songon na
nidokmi (Luk. 1, 38). Ini yang luar biasa! Sebuah kepasrahan karena iman kepada
Tuhan. Porsea situtu do ibana, nang pe so masuk akal, maol antusan, alai molo
dung Debata mandok, ndang adong na sala tung otik disi, pasti, pasti dan pasti
na denggan do i sude. Itu bukan apatisme, tetapi kepasrahan karena iman. Orang
seperti itulah yang percaya bahwa tidak akan ada kerugian sedikitpun bagi kita
bila memasrahkan diri kepada rencana Tuhan. Malah keuntungan, berkat, dan
sukacita lah akhir dan buah dari setiap kepasrahan ke tangan Tuhan. "Pasahat
ma dalanmu tu Jahowa jala haposi Ibana, asa Ibana paturehon" (Psalm
37, 5). Yang akan membuat kita terus bergembira, adalah bila kita percaya bahwa
keputusan Allah bagi kita adalah selalu yang terbaik. Apapun itu, walaupun bagi
kita itu menyakitkan, walau itu membuat kita kecewa, namun ingat, itulah yang
terbaik menurut Tuhan. Kita harus selalu berkata: Kehendak Mulah yang jadi,
karena itulah yang terbaik. Unang adong be hita na so porsea jala na so pasrah
tu pambahenan ni Debata, ai boi do i mambahen hangunguon, so taboto manghatahon
manang aha, songon na masa tu si Sakaria (bd 1, 20).
4.Hamu angka dongan!
Martondong dope si Elisabet dohot si Maria. Ala ni i ma, di na dibege si Maria
naung gabegabean si Elisabet, pintor laho do ibana manopot. Dung pajumpang
nasida, lam tangkas ma di nasida na dua, tutu situtu, holan Debata do na patupa
na masa i di nasida. Yang mereka alami semata adalah rencana dan kehendak
Allah. Rap mang-amen-hon ma nasida na dua. Dung i rap mamuji Debata. Perjumpaan
dua atau lebih dari anak-anak Tuhan dengan visi dan keyakinan yang sama, bahwa
semua yang mereka alami adalah perbuatan Allah, akan melahirkan keteguhan
hidup, dan dari mulut mereka akan berkuman-dang pujipujian bagi Tuhan. Di
parjumpangan i, ternyata ndada holan parjumpangan nasida na dua, alai gabe
parjumpangan ni opat halak, ima si Maria, si Elisabet, dohot posoposo (janin)
na di bortian nasida na dua, ima Jesus dohot Johannes. Jesus na di bortian ni
si Maria ro manopot Johannes na di bortian ni si Elisabet. Si Johannes sandiri
tahe pola manggunjal dung pajumpang.
5.Huria ni Tuhanta,
marhite turpuk on, boi idaonta sada ende pujipujian na balga di tongatonga ni
Huria, na gabe sada magnificat. Mansai jonok do turpuk on tu ende
pujipujian ni si Hanna na tarsurat di I Samuel 2: 110. Ende pujipujian
(magnificat) on manaringoti 3 (tolu) pangalaho perobahan na pinatupa ni Debata,
ima:
Ø Tarida do i di
ayat 51 dipanserakhon do angka na ginjang marroha. Pandohan on i ma sada
perobahan moral (moral revolution). Sada halak Kristen, na mian di
bagasan Kristus, ingkon do padaoonna dirina sian ginjang ni roha
Ø Di ayat 52: na
gogo i dipaijur do sian habangsanasida, dipabangkit do angka na metmet.
Pandohan na di ginjang on patuduhon sada perobahan sosial (a social
revolution).
Ø Di ayat 53: Na
denggan dipasuksuk Ibana tu angka na male, jala angka na lobian hian rumar do
dipangalaho. Pandohan on i ma sada perobahan ekonomi (an economic revolution).
Na tolu perobahan (hamubaon) na binahen ni
Debata, na songon impola ni ende pujipujian ni si Maria, marhite parmulaan ni
ende pujipujianna sian ayat 46-50. Dipatimbul si Maria do Tuhan i, marhite las
ni rohana di Debata, ai nunga ditatap Debata haetehonna, jala asi ni roha na
marsundutsundut di angka na mangkabiari Ibana.
Ayat 54-55 Songon panutup ni ende
pujipujian i, laos dipaingothon do musena masa di tingki ni Padan na Robi, i ma
tu Israel dohot bagabaga tu ompunasida si Abraham dohot tu pomparanna
salelenglelengna. Gombaran na niendehon ni si Maria i marlapatan paboa sian na
robi ro di saleleng ni lelengna do asi ni roha ni Debata di angka na porsea di
Ibana.
6.Huria ni Tuhanta,
ia goar ni Minggunta ima : Misericordias
Domini
(Gok asi n iroha ni Jahowa do tano on-Psalmen 35:5b) dohot Topik: MARLAS NI
ROHA DI BAGASAN JAHOWA (Bergembira Di Dalam Tuhan ) ala:
ü Sahalak na porsea
di hata ni Debata, nang pe so jumpang dope hatari-daan/pembuktian ni hata na
binegena, nunga marlas ni roha ibana jala mamuji Debata, marhite ende
pujipujian na bolon ndang hea ibana ganggu, songon si Maria di turpuk on, alai
pintor diokui ibana do dohot hata: dipatimbul rohangku do Tuhan i.
ü Tahatindanghon gok
asi ni roha ni Debata Jahowa do portibi on asa angka hamubaon na masa di
tongatonga ni huria, masyarakat nang bangso pe, tangkas do diparhatopot na
porsea i, na Debata do mangula di bagasanna umbahen masa hamubaon ni moral,
hamubaon sosial nang ekonomi pe. Ala ni i tongtong ma hita marlas n iroha di
bagasan Jahowa ala Ibana do na paturehon ngolunta.
ü Nang di tongatonga
ni bangsonta pe nuaeng on, molo pe masa krisis ekonomi, krisis moral dohot
krisis sosial masyarakat, pos situtu do rohanta, Debata do mangula di
bagasanna. Molo di tingki na jolo masa hamubaón na pinatupa ni Debata, di
tingkinta on pe, tarpatupa Debata do paubahon (padengganhon) angka krisis
ekonomi, krisis moral nang krisis sosial di masyarakat.
Ala ni naeng ma di
sude na masa, las ni roha nang arsak pe, pujionta Debata marhite hata, ende
nang pambahenanta pe; ai Ibana do na tuk mangale-hon di hita angka na ringkot
di daging nang tondinta pe di parngoluan siganup ari. Ganup halak Kristen, na
mananda hagogoon ni Debata di bagasan ngoluna, naeng ma dohot ibana gabe siboan
hamubaon tu ganup jolma nang hamubaon di portibi on. Amen
