MARENDE TU JAHOWA
(Aku Menyanyi Bagi Tuhan)
2
Tessalonik 3: 1 – 12
1.
Huria
ni Tuhanta na hinaholongan, Paulus do na mamungka huria di Tessalonika. Tajaha
ma di Ulaon Apostel 17. Alai, ingkon hatop do ditadinghon ibana huria i ala
"mangiburui ma angka Jahudi, diarahon ma deba na jahat roha sian halak
gambalgambal, digintali jala digunturi ma na sahuta i, jadi ditahopi ma bagas
ni si Jason, dipangido ma, naeng boanon nasida tujolo ni natorop" (Ul.Ap.
17, 5). Alai nunga torop ruas disi, na ro sian ugamo Jahudi, halak Junani, jala
torop do sian "golongan bawah" (tukang-tukang dohot saudagar kecil).
Hatop do disuru ibana si Timoteus mangapoi roha ni huria i. Dapotsa do angka
barita sian si Timoteus. Adong do i barita las ni roha. Alai adong do na hurang
denggan: Ai adong pangantusion na sala taringot tu haroro ni Kristus
paduahalihon (parousia), gabe so mangula be nasida jala marpangalaho na sumsam.
Jala lam rarat do pangaleleon, gabe godang na murtad, mulak tu ugamona na
leleng, ala dihilala na holan sitaonon do upa mangihuthon Jesus. Jala dung
dilehon Paulus angka hatorangan taringot masalah nangkin, dihilala ibana ma
ringkot pasahathon manang piga sipaingot (nasehat). Jala turpukta on ma deba
sian sipaingot i. Jala sian i ma tabuat manang piga na boi gabe jamita di hita:
a)
Parjolo,
dipangidohon si Paulus ma tu huria di ay. 1, asa "tangiangkon hamu ma
hami, ale angka dongan". Somal do on dipangido si Paulus (tajaha 1
Tes. 5, 25; Rom 15, 30; Pil 1, 19; Pilemon 22). Na salelengna i, si Paulus do
sai mangondihon nasida tu Debata. Alai nuaeng, dipangido asa nasida
manangianghon ibana. Diboto si Paulus do nian godang hahurangan ni huria i.
Alai dipaserep do rohana asa ditangianghon nasida ibana. Asa marhite i boi
toguonna roha ni huría masuk tu rohana jala ibana masuk tu roha ni huria i. Patut
do i gabe tiruan di hita. Asa olo hita masitangiangan, berdoa syafaat untuk
sesama kita (Taadongkon ma Tim Doa di hurianta be). Ima tanda na
marhahamaranggi jala masihaholongan do hita di Kristus. Tangiang i do boi lam
gomos mangihot hita. Jala ndang adong disi na tumimbo dohot na tumoru. Ndang
hierarkis, holan na "tumimbo" ma manangiangkon na "tumoru".
Ndang! Sitangiangho-nonta do angka na manguluhon dohot na mangajari hita, nang
angka natauluhon dohot na taajari. Ai dilehon Debata do "kesempatan"
na sama tu sude hita laho mangido tu Ibana.
Aha ma dipangido tangianghonon nasida?
Ø Parjolo, ay. 1b,
"Asa marlojong hata ni Tuhan i jala marsangap songon na di hamu"
(supaya firman Tuhan beroleh kemajuan dan dimuliakan; BIS: supaya berita dari
Tuhan dapat terus tersebar dengan cepat dan diterima dengan baik). Ai nang pe
"diusir" ibana sian Tesalonika, alai torus do mangula Hata ni Debata,
martambatamba do na porsea di Tuhan Jesus disi. Naeng ma nian songon i, gogoon
nasida martangiang asa nang di inganan na asing, marlojong, jala berhasil Hata
ni Debata, lam torop halak na porsea di Tuhan Jesus, asa lam herbang Harajaon
ni Debata.
Hamu angka dongan! I do sada cara
marbarita nauli, ima marhite tangiang. Jinaha sian angka laporan ni badan
penginjilan, sai adong do suku di portibi on na pintor burju manjalo Barita
Nauli i nang pe so adong misionaris na ro tusi. Sian dia do i ro? Na adong do
halak manang kelompok na burju manangianghon suku i tu Debata, gabe marlojong
ma Barita Nauli i jala mangula tusi. Sude ma hita nian mangulahon i. Sai
taingot ma manangianghon ganup ari asa marlojong barita nauli i, tarlobi tu
angka bangso na so hea umbegesa dope, nang di angka halak (ra tondongta,
anggota keluarganta do i) na sai manutup rohana, asa olo mangungkap rohana i
manjalo Tuhan Jesus.
Ø Na mangihut, ay.
2: anggiat malua hami sian halak na jengkel jala na jahat i; ai ndang
saluhutna olo porsea. Hira saihot dope tu tangiang na parjolo i. Ai torop
halak na sai mangambati parlojong ni Barita Nauli i, sian bagasan huria i nang
sian duru. Songon naung niadopanna di huta i nang di luat na asing. Ndang
dirina na ringkot malua, alai asa marlojong do barita nauli i. Ra, secara spesifik,
na tongon do diadopi ibana masalah dohot angka halak Jahudi di Korintus. I do
pinangidona dison. Ima sosososo tu hita. Ai jotjot do taadopi na songon i di
Indonesia on, sai adong do kelompok dohot halak na sai marusaho mangambati
pardalanan ni barita nauli i. Tahaburjuhon ma martangiang laho mangondihon asa
dipadao Debata angka naposona parbarita nauli sian sangkap ni parroha na jahat,
na sai manggogo mangambati pardalan ni barita nauli i. Laos mangalehon hatoguon
do i di hita, paboa semakin dibabat tetapi Injil akan semakin merambat.
Doa syafaat kita akan mengundang Tuhan mengirimkan malaikat-malaikatnya menjaga
para pemberita injil dan membungkamkan maksud si jahat itu. Alai, sipangidoonta
do tong, asa ungkap roha ni sude halak (termasuk naung margoar Kristen) asa olo
manjalo jala manghaporseai barita nauli i.
Ø Na mangihut, di
ay. 3, dipapos si Paulus do roha ni huria i, paboa Tuhanta Jesus ima Tuhan na
haposan (setia), na tongtong mangaramoti nasida. "haposan do Tuhan i: Patoguonna
do rohamu jala ramotanna do hamu maralohon na jahat i". Nang pe sai
manggogo angka parjahat i, alai satia do Tuhanta na gumogo i manjagai dohot
patoguhon hita. Asal olo hita pagomgomhon dirinta dohot mengan-dalkan Jesus di
ngolunta. Ingkon pos do rohanta, ndang tarhahua sibolis angka naung tinobus ni
Tuhan Jesus, ai gumogo do Tuhanta Jesus sian nasida (Tajaha ma Joh. 10, 28-29),
ai sibolis, na bermain di balik ni sude hajahaton i pe, nunga ditaluhon Jesus.
Ala ni i, unang adong hita na mabiar, unang adong na menyerah manang na murtad.
b)
Hamu
angka dongan! Diuduti si Paulus dope laho mangalehon motivasi, menyemangati
huria i. Di ay. 4 didok ibana do: "Na pos do rohanami mida hamu di
bagasan Tuhan i, sai patupaonmuna do na hupodahon hami tu hamu, nang nuaeng,
nang tu joloan on". Paulus meyakinkan mereka bahwa Tuhan telah
memberikan di dalam diri mereka masing-masing, kekuatan untuk melakukan segala
yang telah diajarkan Firman Tuhan melalui Paulus kepada kita. Memang, Paulus
benar-benar seorang pemimpin. Di hata nuaeng, didok, tugas seorang pemimpin
adalah meng"courage", memberi motivasi, menyemangati,
menyalakan lilin-lilin potensi orang lain agar mampu melakukan tugas yang
dibebankan kepadanya. Sitiruonta doi, asa songon i hita tu angka dongan,
karyawan, bawahan, teman sekerja, tarlobi angka anakkonta dohot sundut na umposo.
Beri dia semangat bahwa Tuhan telah memberinya potensi yang hebat, supaya dia
terus mencari, mengasah dan menggunakannya untuk hal yang baik. Tarlobi ma di
angka Hata ni Debata naung binege jala jinalona. Itu akan membuat semakin
banyak orang yang dengan kesadaran melakukan perintah Tuhan, yang akan
membentuk dirinya menjadi berkarakter seperti Tuhan Yesus. Dan pada akhirnya,
itu akan memperluas Kerajaan Allah. Alai sipasidingonta do na
"manggintali" manang melemahkan semangat ni anakkon dohot dongan
(tajaha Epesus 6, 4; Kol. 3, 21).
c)
Laos
dilehon ibana do resep tu huria i, boha do pasauthon sude sipaingotna nangkin.
Di ay. 5 didok ibana: Sai ditogutogu Tuhan i ma rohamuna tu holong ni roha
ni Debata dohot tu habengeton ni Kristus i! Ingkon pos do rohanasida nang
hita, paboa dihaholongi Debata do hita, ai pola dilehon AnakNa, Tuhan Jesus, na
olo maneahon hosaNa asa malua hita (Joh. 3, 16). Molo pos rohanta di holong ni
Debata, i ma mangalehon di hita ketabahan dohot habengeton (ketekunan)
mangadopi sude situasi na maol. Ai tangkas ma tahaporseai na di lambungta do
Debata, maniop tangan siamunta. (Tajaha ma Psalmen 63:9 dohot Psalm 73:23).
Margogo ma hita, ai tung dihaol holong ni Tuhanta do hita.
2.
Huria
ni Tuhanta nahinaholongan, dijouhon turpuk on do tu hita: Bulus ma karejo
(mulaulaon). Tauji ma jolo manigati:
ü Memang, karejo
(bekerja) memainkan peranan penting di ngolu ni jolma. I do ala digoari jolma
i: Homo Fabre, jolma na ingkon karejo. Ai sapartolu tingkinta (8
jom sadari), tapake do laho karejo. Bekerja adalah bahagian penting dalam hidup
kita. Ala ni i, ingkon antusanta do falsafah manang etos kerja ni halak
Kristen.
ü Adong do manang
piga pangantusion ni jolma taringot tu na karejo. Adong do mandok, bahwa bekeja
adalah haram, karena bekerja itu adalah kutukan Tuhan, sehingga mereka berusaha
untuk tidak bekerja. Di nasida, karejo i gabe hal na memberatkan jala terpaksa.
Alai adong do mandok, ia na karejo i sada keharusan do i, songon manuk na
ingkon torus martolor, songon i ma jolma, kodratnya ingkon torus karejo.
ü Ia Debatanta i
Debata na karejo do, sian mula ni mulana sahat tu nuaeng, laho pasauthon Karya
Keselamatan tu jolma. Puncakna ima na patupa haluaon marhite AnakNa Tuhan Jesus
Kristus. Sahat tu sadarion, sai mangula do Debata patupa haluaon ni jolma.
Ditompa Debata do jolma i tumiru rupaNa jala tudos tu pangalahoNa. Dung i
dipasahat ma ulaonna, ima karejo patureturehon portibi on. Jala karejo i do na
membedakan jolma sian ciptaan na asing i.
ü Dungkon madabu
jolma tu dosa, gabe bura ma karejo i (1 Musa 3, 17-19). Alai, nunga dibutbut
Jesus be bura i marhite silangNa di Golgata. Ala ni i, ganup halak na karejo
ndada be ala ni bura ni dosa, alai karejo nunga gabe pasupasu ni Debata. Ala ni
i, satingkosna, sada kehormatan do molo dipaloas Debata hita mulaulaon. Ai
marhite i ma hita dipasupasu Debata, jala dipake gabe habaoran ni pasupasuNa tu
dirinta, tu keluarganta, dohot tu halak na asing.
ü Ala ni i, ingkon
torus do hita karejo. Molo dilehon Debata dope tingki di hita, ndang boi hita
mansohot karejo. Boasa? Asa marhite ulaonta i boi hita torus pasangaphon
Debata, jala mambahen na denggan tu halak na asing. Di karejonta i do diparade
Debata masa depan na dumenggan di hita, di bangsonta dohot masyarakat-ta. Ai
hasil ni karejonta i ndada holan di hita, alai dohot di halak na asing. Ala ni,
songon halak na porsea hita, aha pe karejonta, tahamauliatehon ma i tu Debata.
3.
Hamu
angka dongan! Sada hal na ingkon tangkas alusanta: Aha do tujuanta molo karejo
hita? Adong barita na sinurat ni John Stott, Ninna,
laho ma sasahalak mardalani tu sada huta. Jumpangsa ma disi 3 halak na karejo
mambolai batu. Disungkun ibana nasida na 3, marhua do nasida karejo disi. Aha
ma alus nasida? Halak na parjolo songon na sulpak (ketus) do mangalusi:
"Ai na so dibereng hamu do, tangkas do karejongku, mambola batu",
ninna. Ia alus ni halak na paduahon: "la ahu, mambola batu, asa adong
gajingku, boanongku tu jabu gabe balanjonami na sajabu", ninna. Alai aha
do alus ni na patoluhon? "Ohh, anggo ahu, na mambola batu do dison, ima
laho pajongjong gareja di Tuhanta di huta on".
Rap karejo do nasida, di karejo na dos,
cara na dos, inganan na dos, gaji na dos, alai asing be tujuanna. Halak na
parjolo, tujuanna karejo holan di ujung ni tongkok ni batuna i do. langgo halak
na paduahon i, tujuannya dumao otik, ima butuhana (santabi), asa dapot mangan.
Alai ianggo na patoluhon i, nang pe disi do ibana, ianggo tujuanna tu Debata
do. Dia mau bekerja, walau kecil sekalipun, tetapi untuk tujuan yang besar,
yaitu bagi Tuhan. Ala ni adong mandok, LABORARE ORARE. Bekerja adalah bakti,
bakti untuk Tuhan. I do didok si Paulus di 1 Korintus 10, 31 "Onpe
na mangan manang na minum hamu, manang dia pe diula hamu, bahen hamu ma
saluhutna i pasangaphon Debata".
4.
Hamu
angka dongan sahaporseaon! Tung denggan situtu do hata ni Debata na tarsurat di
Kolose 3, 23 mangajari hita taringot tu na karejo, na boi ra gabe etos kerja ni
halak Kristen. Didok disi "Sian rohamuna ma ula hamu nasa
sibahenonmuna; songon na tu Tuhan i, ndada tu jolma" (Apapun
jua yang kamu perbuat, perbuatlah dengan segenap hatimu seperti untuk Tuhan,
dan bukan untuk manusia):
ü Karejo sian nasa
roha (heartly work the best you can), bukan asal kerja, tetapi bekerja dengan
menggunakan segala potensi, kemam-puan terbaik yang kita miliki, untuk
memberikan yang terbaik.
ü Molo karejo, unang
ma ala nabinabaan, unang asa dapot gaji, unang laho mambuat roha ni jolma
manang pimpinan, alai ala ni Debata do. Ganup halak Kristen naeng menyadari,
bahwa setiap tempatnya bekerja, bukanlah hanya sekedar tempat bekerja,
melainkan karena Allah sengaja menempatkan kita di pekerjaan tsb, dan pasti
Allah punya rencana tertentu bagi kita dan bagi orang lain dengan pekerjaan
tsb. Ala ni i, ganup halak na karejo naeng ma karejo songon na tu Debata
(seperti untuk Tuhan). Halak na songon i, pasti mau kerja keras, jujur,
terampil, cermat jala dibagasan las ni roha.
Ra, molo songon i ra halak Kristen karejo,
tontu lomo ma roha ni halak marnidasa, dapotsa ma karejo na denggan dohot upa
na denggan..
5.
Hamu
angka dongan! Tutu ingkon adong do keseimbangan, termasuk na karejo. Dilehon
Debata do tingki 24 jom sadari tu hita ganup. Tu dia ma i pakeonta. Didok na
pistar, keseimbanganna ima: 8 jom karejo, 8 jom istirahat, jala 8 jom nari ma
tu Debata (tu gareja, partangiangan, manjaha, pature diri unang marsahit,
manopot dongan na marsahit, ulaon sosial, dll). Tapake ma i denggan, unang
adong na ambolong, unang gabe dosa i di hita. BE no. 182, 2, mandok: "Ai
godang ariaringku, na hubahen ambolong". Asa halosohon, na
mangambolongkon tingki tu na so marguna, tung dosa do i, na so hinalomohon ni
Debata. Sahalak penulis, Jansen Sinamo, Bapak Etos Kerja Indonesia, mandok,
mansai balga do pengaruh ni na karejo tu ganup halak:
Ø Ninna, mamboan
hadengganon do i tu hahipason. Humipas do halak na burju karejo sian na holan
mondohondok. Ala ni i, dok tu dirim, karejo ma ho dagingku sadenggandengganna,
asa hipas ho.
Ø Karejo i do songon
proses pengembangan diri na dumenggan. Lapatanna, marhite na burju hita karejo,
lam berkembang, lam maju, lam magodang do keterampilan, parbinotoan, wawasan,
dohot cara berpikir-ta. Alai ianggo halak na sai mengganggur, holan angka na roa
nama ro tu pingkiranna, holan na marungutungut, jala sude gabe borat dihilala.
Ø Molo karejo hita,
taida ma disi masa depan na dumenggan. Molo taula ulaonta sadenggandengganna
nuaeng, dapot hita ma hasil na denggan di masa depan.
Ø Marhite na burju
karejo, nunga talehon mangan nang keluarga dohot donganta na asing.
6.
Ia
goar ni minggunta ima; Minggu Kantate (Endehon hamu ma di Jahowa ende na
imbaru-Psalmen 98:1) Jala topik ni minggunta mandok: MARENDE TU JAHOWA (Aku
Menyanyi Bagi Tuhan). Marende dohot na mangula ima harmoni ni haporseaonta.
Halak na marende ima na manghatindanghon pangulaon ni Debata dibagasan parngoluonna.
Asa angka na porsea i sai mangendehon ende na imbaru; ndada gubahan nang syair
na imbaru, alai imbaru ma nang pangulaonna na gabe panindangion ni haporseaonna
taringot tu habalgaon na pinatupa ni Debata marhite AnakNa Jesus Kristus i. Ai
Ibana do hagogoonta laho mangula nasa ulaonta tarlumobi laho pasarhon Barita na
Uli i. Amen.
