DEBATA
MANGALEHON TONDI HANGOLUAN
(Tuhan
Pemberi Nafas Kehidupan)
Rom
8 : 6 – 11
a)
Huria ni Tuhanta
na hinaholongan dibagasan Jesus Kristus, Surat na tu halak Roma on pataridahon
pemikiran teologi ni Apostel Paulus taringot tu hatigoran, patik, dosa, dohot
haluaon sian dosa. Ala songon i bagas dohot jojorna pamingkirion ni si Paulus
di buku on, gabe sai jotjot do didok: Surat Roma songon Pusat Teologi Paulus.
Molo apala naeng tumangkas antusanta pamingkirion dohot kesaksian ni si Paulus
taringot tu Debata Ama, Jesus Kristus, dohot Tondi Parbadia, songon i nang
haluaon napinatupa ni Debata di jolma didok boi ma tandaonta i marhite na
manjaha surat Roma on. Asa na naeng dohonon marhite i, nunga taboto posisi
penting ni surat Roma (nian rap arga do sude surat i) di bagasan teologi ni
halak Kristen. Hombar tu angka pandohan di bagasan surat Roma on, somal na
didok do ia bindu 1-11 ima songon pangajarion dogmatika (ala gumodang
ditaringoti si Paulus poda taringot tu hatigoran dohot haluaon marhite
haporseaon ndada marhite patik manang ulaon na denggan). Dung i sian bindu
12-16, didok horong etika (ala tarida ditaringoti di son angka parsuruon, manang
pambahenan na patut ulahonon ni naung porsea i). Tauji ma manulingkit tona na
boi uhalonta sian turpuk on.
b)
Jesus Kristus
paluahon sian patik ni dosa (1-4). Sada pernyataan na tubu sian haporseaon na
togu, dohot panandaion di uloan ni Kristus do pandohan ni Paulus na di ayat 1
on. Onpe, ndang mangonai be uhum tu angka na dibagasan Kristus Jesus. Angka ise
do nasida? Ima angka na so marpangalaho marguru tu daging, na marguru tu tondi
do. Boasa malua sian uhum ? Ima ala nunga dipalua Kristus. Dituntut patik i do
ingkon tigor jolma. Alai dibahen gale ni daging i, ndang tuk gogona laho
manggohi patik i jala gabe ingkon hona uhum. Debata marsuru anakNa Jesus
Kristus di bagasan daging pardosaon laho manggohi patik i, asa jumpang
hatigoran na pinangido ni patik i. On do ulaon holong na pinatupa ni Debata.
Nuaeng marhite holong i nunga digohi patik i, nunga dihuphupi hagaleon ni ngolu
daging i jala dilehon ngolu na imbaru di bagasan Tondi i. Asa marhite on,
dipabotohon si Paulus do keadaan na imbaru di angka jolma na olo porsea, ima
dipaimbaru Kristus Jesus. Hidup dalam Kristus berarti terhindar/lepas dari
penghukuman. Secara bersamaan dipatuduhon do hagaleon manang ketidakmampuan ni
jolma gabe angka nabonar di adopan ni Debata, alai ihut tu si dipatuduhon ma
muse pambahenan ni Debata mangungkap dalan haluaon. Molo songon i do dipatupa
haluaon di bagasan Kristus Jesus, laos marhite on do hita dijou jala dipatogu
asa manongtong di bagasan haporseaon dohot parsaoran tu Kristus i. Marhite on
disosohon tu hita, molo tung godang pe adopanta hamaolon, parungkilan di
portibion ala ni hagaleon ni pardagingonta, adong do panghirimon di hita
pangurupion sian Debata. Ndada holan panghirimon di hangoluan sogot dilehon tu
hita, dohot do manghirim di pangurupionNa di ngolu si nuaeng on. Kristus
memerdekakan kita dari hukum dosa dan hukum maut, sehingga sekarang kita boleh
hidup sebagai anak-anak Allah, hidup berdamai dengan Allah dan sesama manusia
juga dengan alam, hidup dalam pengharapan akan berkat dan pertolongan Allah
melalui Roh Kudus.
c)
Dipatuduhon si
Paulus do parasingan ni ngolu na marguru tu daging sian na mangihuthon Tondi.
Hamatean do harohaon ni daging (ay. 6: keinginan daging adalah maut). Daging na
nidokna di son ndada martudutudu manang holan mandok tu badan sambing, alai
sude angka pangalaho na maralo tu harohaon ni Tondi, sude angka pangalaho na so
hombar tu lomo ni roha ni Debata. Mian di bagasan hamusuan, dompak Debata do na
marroha daging ai ndang tarbahensa unduk di patik ni Debata (ay. 7). Molo sai
mangasahon diri dohot gogona sandiri jolma, marguru tu rohana sandiri, tudos do
i marmusu dompak Debata. Gabe na marmusu ndang mangaloas Debata marhite Tondi i
mangantoi, mewarnai jala mengarahkan ngoluna. Hamatean do nang ujung ni
parmusuon dompak Debata. Ndang tarhalomohon Debata jolma i molo marguru tu
daging ibana (ay. 8). On do jotjot hamaolon nang di hita halak Kristen.
Sasintongna songon halak Kristen, ingkon lomo ni roha ni Debata siulahononhon.
Alai jotjot do gabe lomo-lomonta sandiri na taulahon di ngolunta on. Jotjot tahilala
nampunanta do dirinta nang ngolunta on jala marhite i gabe tabatasi manang gabe
tatulak campur tangan ni Debata di ngolunta. Tangkas do, ndang tarhalomohon
Debata ngolunta di si. Taida do di son kelemahan na mansai balga, na so mungkin
huphupan ni jolma marhite gogona sandiri. Tumangkas digombarhon si Paulus
taringot tu angka parulaon ni daging ima Gal 5:19-21. Sabalikna sian i ma ngolu
na mangihuthon Tondi. Tondi do diparrohahon, hangoluan jala hadameon do dieahi.
Hangoluan dohot hadameon do lomo ni roha ni Debata. Asa jolma na mangihuthon
Tondi, i do na hinalomohon ni Debata. Gal 5:22 patuduhon tu hita angka rumang
ni ngolu siparbuehonon ni angka halak na niinganan ni Tondi ni Debata.
d)
Di ayat 9 ditudu
si Paulus do hajongjongan ni angka halak Kristen, ima ngolu di bagasan Tondi.
Ngolu di bagasan Tondi ni Debata marlapatan gabe nampuna ni Kristus. Molo
nampuna ni Kristus hita marlapatan Ibana do namangarajai ngolunta, bagas joro
ni Tondi Parbadia do hita jala dibahen i ingkon pasangapon do Debata
marhitehite daging dohot marhite tondi (1 Kor 6:19-20). Songon nampuna ni
Kristus, dituntut do sian halak Kristen pola hidup na pataridahon habadiaon, na
pasangap Debata. Molo dung Tondi ni Kristus na mian di hita, ndang adong be
huaso na boi manirang hita sian Ibana. Nang hamatean ni pamatang ndang margogo
mangihoti angka na porsea gabe sirang sian Kristus. Marhite ayat 10 naeng
dohonon na: nang pe mangolu hita nuaeng di bagasan hagaleon ni pamatang/daging,
alai ndang ibe na mangarajai hita. Tondi ni Kristus patuduhon tu hita arah
ngolu na imbaru. Mangolu di bagasan Tondi mangungkap dalan tu pangkirimon di
hangoluan na manongtong dohot panghirimon di haheheon. Asa ndada hamatean hata
parpudi manang keadaan akhir ni angka jolma na niinganan ni Tondi. Songon
Kristus naung hehe i, songon i do paheheon ni Debata nang angka na manjalo
Tondi i (ay. 11). Adong jala pasti do sihirimon di masa depan di angka na
niinganan ni Tondi i.
e)
Huria ni Tuhanta
na hinaholongan, marhite turpuk on ditogutogu do hita asa mananda
hajongjonganta nuaeng ima: mangolu marguru tu Tondi ni Kristus. Ndada usahanta
paunsathon hita sian ngolu na marpangalaho marguru tu daging, alai holong ni
Debata na marsuru anakNa Kristus Jesus. Ibana do na manggohi pinangido ni patik
i, asa marhite i dipalua jolma, sian huaso ni dosa dohot hamatean. Nunga
dipaunsat hita sian ngolunta na ginonggoman ni daging, na patut hona ala ni
dosa, jala marujung tu hamatean dohot hamusuon dompak Debata, tu; ngolu na ginonggoman
ni Tondi na mamboan hita tu hangoluan dohot hadameon jala di halomohon Debata.
Antong tajangkon ma Tondi ni Debata maringan di bagasan hita, taloas ma Ibana
mangarajai dohot mangamudihon ngolunta di partingkian on asa togutoguonna hita
nang tu ngolu sogot pe marhite haheheon i.
f) Huria ni Tuhanta na hinaholongan; Lam malo do zaman on manaiti rohanta asa torus
mangolu dibagasan daging. Gaya hidup modern juga digunakan-nya untuk
membangkitkan hasrat keduniawian kita. Gabe torop do halak na madabu. Na
margaya hidup hedonisme, ingin menikmati semuanya; apa saja yang ditawarkan di
dunia maya atau di dunia nyata, semua ingin dilakukan dan dinikmatinya. Mereka
inilah yang jatuh ke dalam roh konsumerisme, ingin membeli, ingin memiliki
semuanya. Dan untuk kitu dia harus bekerja lebih keras lagi untuk menutupi
hasrat tsb. Jala naeng memiliki saluhut, naeng sude di ibana. On ma na so
umboto mandok mauliate, jala ndang adong sabam ni roha. Alai gabe hatoban ni
keinginan-na. Jala satingkosna, halak na songon on do na umpogos, ai ndang
dinikmati na adong di ibana. Alai ianggo na mangolu dibagasan Tondi, aha pe
dilehon Debata, otik manang godang, pintor dihamauliatehon, dihasabamhon, jala
dinikmati songon pasupasu ni Debata. Alai, bahaya na mengancam angka naposo
nuaeng ima ngolu na sai mangalului: Boha do asa hatop mamora. Satingkosna,
ndang pola sala i nian, asal ma jumolo tatiop prinsip nilehon ni Tuhan Jesus di
Mateus 6, 33 i: Sai jumolo ma lului hamu harajaon ni Debata dohot hatigoranna,
dung i tambahononNa ma angka ondeng tu hamu".Ima sipodahononta tu sundut
na umposo, asa sian usia dini hatop nasida tatogutogu asa gabe halak na sai
mangolu dibagasan Tondi na mambahen Tuhan Jesus gabe tuan rumah, raja,
pengendali dohot parhuaso di dirina dohot sandok ngoluna.
g)
Nuaeng boha ma
asa mangolu dibagasan Tondi? Ima molo tahangoluhon pengorbanan ni Tuhan Jesus.
Gabe olo ma hita . manjangkon jala paloashon TondiNa i mangarajai dirinta. Jala
na tumabo, olo do Tondi i mangurupi hita disi. Roh itu mau membentuk kita. Asal
ma olo hita mangungkap rohanta, paloashon Tondi i mangula dohot membentuk hita.
Perlu kepekaan rohani, merasakan setiap sentuhan, sapaan dan tuntunan Roh untuk
membentuk kita, yang bila kita turuti pasti akan mengubahkan kita dari hidup
dalam daging menjadi hidup dalam Roh. Terus terang, ndang mura i. Alai pasti
bisa! Boasa? Ala sasintongna, huaso naung talu do huaso ni daging i, ditaluhon
Jesus di silang i. Molo porsea hita di Jesus, nunga dilehon tu hita huasoNa, na
boi mangalo dohot manaluhon daging i. Holan mangasahon hagogoon ni Tuhan Jesus.
Jala membutuhkan proses do i. Alai, persoalan: lambat do i bahenonta manang
hatop? Asa hatop, ingkon lam burju jala lam ungkap ma hita mangalehon dirinta
dibentuk Tondi i. Mulai ma sian na metmet, alai torus, konsisten. Pasti
tompaonNa ma hita mangolu dibagasan Tondi. Jala jolma parroha Tondi i do
nadihaporluhon portibinta nuaeng. Ai gok hasusaan do portibi on ala mansai
torop dope jolma parroha daging on songon nidok ni endenta BE. 236: Jotjot do
marsak iba, binaen ni jolma i, na humaliang hita, parroha daging i. I do
natahaporluhon asa boi hita gabe parasiroha songon Debata Parasiroha i, na
burju maniru Jesus mangurupi angka na pogos, na hurangan, difabel, na di
penjara; na olo melatih halak, asa diboto manga-dopi bencana, ala mangolu di
daerah bencana do hita. Tondi i ma mangonjar rohanta dohot mangurupi hita
mangulahon parasinirohaon i. Amen.
