Jamita Evangelium Minggu Palmarum (Maremare), 29 Maret 2026

JESUS KRISTUS DO TUHAN   

(Yesus Kristus Adalah Tuhan)

Pilippi 2: 5 - 11

1.                      Huria ni Tuhanta na hinaholongan dibagasan Jesus Kristus, Sada bangko na jotjot masa di ngołu ni hajolmaon i ma "maniru". Maniru sian na binerengna, manang sian na binegena, manang sian na pinarsiajaranna. Marragam do pangalaho na maniru on, adong do na maniru tu na roa, jala adong do maniru tu na denggan (teladan). Sada na patut sitiruon sian pangalaho ni halak Pilippi i ma ala olo nasida masiurupan dohot manarihon donganna. Disarihon halak Pilippi do Apostel Paulus di tingki susa ibana (f. 4:10,14), Jala tung pe dipatupa nasida panarihonon, ndang pola na mangigil imbalan nasida sian i, alai tung parbue ni haporseaonnasida do i dipataridahon. Andorang so masuk hakristenon tu halak Pilippi, gumodang do nasida parugamo Roma, jala na marsomba tu angka dewa/i (sipelebegu), jala otik do nang parugamo Jahudi dison. Tuani ma masuk apostel i tusi asa mananda na sida di barita na uli na sian Jesus Kristus, na gabe ojahan ni ngołu na sasintongna.

2.                      Molo tajaha di bd. 2:1, dipaboa apostel Paulus do angka pangalaho na adong di bagasan Jesus Kristus, ima apoapo, sosososo holong ni roha, parsaoran ni tondi, asi ni roha. Angka pangalaho i ma nian naeng ingkon adong di halak kristen sitiru Kristus. Jala i ma na niigilna di bd. 2:5 "songon parroha-on ni Kristus Jesus ma parrohaonmuna". Sasintongna adong do hak ni Tuhan Jesus laho patuduhon huasoNa dohot haboion Na, ai Debata do Ibana, alai tung dipaserep do rohana, malah dipatutoru diriNa tumoru sian hatoban dope. Lapa-tanna ndang adong halobianna sian jolma na tatanda idi portibi on. langgo tu-juan ni Tuhan Jesus disi, i ma asa unang adong halangan ni jolma i laho marsaor dohot Tuhan Jesus. Jala ndang adong alasan di jolma i na so tardung. dungsa sitiruon na pinatupa ni Jesus, ai sian pengalaman ni hajolmaon do diu-hal Jesus angka na ampe tu Ibana. Gariada dumangol dope angka na tinaon ni Jesus i. Asa unang adong dohonon ni jolma na umpaet na tinaonna sian tinaon ni Jesus, gabe ndang be mandele jolma i di sitaononna, ai nunga adong tudos-tudos, gariada tahe umpaet tinaon ni Jesus dao sian na tinaonna.

3.                      Huria ni Tuhanta; Haserepon ni Tuhan Jesus, marangkup do i tu pangoloion na tangkas. Pangoloion sahat tu na mate tarsilang, nang pe so ala salaNa. Alai marhite na songon i ma Debata Ama i patimbohon Ibana satimbotimbona asa ampe ma tu Ibana Goar na sumurung sian nasa goar, jala somba ma nasa ulu ni tot laho marhatopothon: Jesus Kristus do Tuhan, bahen hasangapon ni Debata Ama. Haserepon, pangoloion ni Tuhan Jesus, saluhutna i bahen hasangapon ni De-bata Ama, jala sitiruon ma i di nasa manisia. Metode na pinangke ni Tuhan Jesus laho mendekati hajolmaon, i ma marhite metode patoruhon diri (haserepon). Alai dipaboa muse, molo tung pe dipatutoru Tuhan Jesus dirina, laós dipaboa do muse na dipatimbo Debata Ibana sahat tu hasangapon. Gabe boi ma antusanta, sian hatoruhon i do hape asa sahat tu hasangapon ni Debata. Jadi manang ise na patoruhon dirina, i do sipatimboon ni Debata, alai manang ise na patimbohon dirina, laos i do sipa-toruon ni Debata.

4.                      Huria ni Tuhanta; Naeng sangkambona hita dohot Kristus na rade manaon i. asa sangkambona hita dohot Ibana nang laho marsaulihon hasangapon na sian Ibana i. Gabe sude do nasa ulu ni tot na di banuaginjang, dohot na di tano nang na ditoru ni tano marsomba tu Gor ni Jesus. Marlapatan do i nasa jolma, sude portibi on, sandok manisia, seantero dunia tanpa kecuali marsomba tu Ibana. Tumangkas ingkon hatindangkononta semua penganut agama (bukan hanya orang Kristen) ingkon marsomba tu Jesus. Ala ni i las ma rohanta mar-Tuhanhon Kristus Jesus. Panghirimonta i. Banggalah menjadi seorang Kristen. Jangan kaku dan kecut, jangan malu, tapi nyatakanlah imanmu! Nasa na marsoara (sisiasia ni portibi on) marhatopothon, mengaku, believe tu Kristus i. Sempurna situtu hatorangan ni Apostel Paulus tu huria Pilipi taringot tu panghirimon na di Krists 1, dohot sada harapan ni Aposteli: unang kaku mangulahon holong ni roha, marsibasabasa dengan sukarela so marpaima dibalos di tingki satongkin i. Ingkon rela berkorban (berdedikasi) so berharap holan sian dohot di ngolu na di portibi on, alai manghırım dı ngolu na salelenglelengna (ngolu ni tondina).

5.                      Huria nni Tuhanta;  Panghirimon ni halak Kristen ndang kabur. alai jelas jala konkrit do. Holan i tutu ndang songon daion cabe, pintor terasa pedasna. Ingkon benget paimahon, ndang manghudus somarhapunan. Hombar tu suasana ni ngolunta nuaeng on, lam dituntut do kepedulian sosial tu na humaliang hita. Asa lam ungkap roha marsibasabasa intap ni natarpatupa hita be. Unang lalap holan manarihon di dirina be. Naeng parholong ni roha hita tahe, alai ndang membutuhkan balas jasa, jala unang parholong ni roha namarpabolatan. Norma di hita mangulahon holong ni roha i, naeng ma songon parrohaon ni Kristus Jesus. Lam godang do nuaeng angka alternatif dohot tawaran mangulahon holong ni roha hombar tu versina be. Naeng tangkas botoonta norma dia jala versi holong ni roha na songon diasipangkeonta di ngolunta sinuaeng? Jamita on secara tegas mandok Songon parrohaon ni Kristus Jesus ma parroahonmuna! Ciri khas ni hakristenon (siihuthon Kristus), i ma ngolu na marpanghirimon. Ndang buni panghirimonta, alai jelas jala transparan do. Ndang portibi on akhir ni panghirimonta, alai ngolu na naeng ro i do, i ma ngolu nasalelenglelengna. Apostel Paulus mandok huhalupahon na di pudingku, hueahi angka na di jolo, dompak pandang i do hupuspus, dompak upa hamonangan na sian panjouon ni Debata sian ginjang, di bagasan Kristus Jesus i (Pil. 3: 14). Sihalashononta jala sibanggahononta, i ma na sude do marsomba tu Goar ni Jesus nasa ulu ni tot jala nasa namarsoara marhatopothon Jesus Kristus do Tuhan. I ma kebanggaan na khusus di hita. Ala ni i, unang mabiar jala unang maila halak, Kristen.

6.                      Didok di umpasa ni halak batak: "ndang moru sangap ni manuk ia tung pe disuruk taruma (tombara ni jabu)". Lapatanna, halak na timbo pang katna, timbo parbinotoanna, pengalamanna, ndang na magona i molo tung pe dipatutoru dirina maradophon angka donganna. Gariada marhite na songon i lam segan halak tu ibana jala lam hormat, huhut lam holong roha ni halak tu ibana. Hape molo sai dipaginjang halak rohana, sai so ngon na mangalindakhon na godang. sat jumotjot ma on hona gora, gabe partuktuhan, ujungna gabe sipasidingon. Al ginjang ni roha i do jumot jot ala, pangalapan sala (Ende No. 249 4).

Didok muse di pepatah melayu berakit-rakit ke hulu, berenang-renang ke tepian, bersakit-sakit dahulu, bersenang-senang kemudian". Idaon metode na songon i tarida dibahen Tuhan Jesus di turpuk on. Ai sian ha-toruon Na i, manaek Ibana tu hatimboon dohot sian haleaon Na i manaek Ibana tu hasangapon. Marlapatan do i gabe apulapul tu halak na darigol. asa unang mandele di haporsuhonna, unang mate dohot pangkirimonna, alai adong dope sihirimonna, i ma sambulo hasonangan na pinarade ni Tuhan Jesus di ibana. Topik minggunta: JESUS KRISTUS DO TUHAN (Yesus Kristus Adalah Tuhan). Sude panggulmiton ni hajolmaonta naeng martudutudu tu hasangapon ni Debata Ama i. Ai boi do sai songon na dipaserepserep halak ibana, hape adong do maksud na tertentu di bagasan rohana, gabe parohon lea tu iba-sandiri. Alai di turpuk on, naeng sintong haserepon na sian Jesus Kristus naeng hangoluhononta jala pangoluhon pangkirimonta tu hasa-ngapon na pinasahat ni Debata Ama i tu hita ganup. Amen.