Jamita Evangelium Minggu Reminiscere – 16 Maret 2025

PAIDAIDA HINADENGGAN NI JAHOWA

 (Menyaksikan Kemurahan Tuhan)

Psalm 27 : 1 – 6

 

1. Huria ni Tuhanta dibagasan Jesus Kristus. Damai itu indah, mansai tabo do parngoluon na gok dame. Mago hasusaan nang arsak dohot na bernit i, nang pe ragam hamaolon dipardalanan ngolunta. Ima na pinatuduhon parpsalmen on dibagasan turpukta. Molo tajaha sude bindu on, idaonta ma, na diadopi parpsalmen i do ragam ni hamaolon. Di ay.2 didok: “ro angka parjahat mangarongrong ahu naeng manganhon sibukku, angka sisosak ahu dohot angka musungku”. Di ay.3 didok: “marhoronhoron parangan angka na manungkum ahu.....hehe parmusuon dompak ahu”. Di ay.5 didok: di ari hinamago. Di ay.10 didok: “Ai nunga ditadinghon damang dohot dainang ahu”. Jala di ay.12 didok: “hehe do dompak ahu angka sitindangi pargabus, jala dibuashon hajahaton.” Molo hita mangadopi i, boha do sikapta ? Ra, na deba nunga tumagon didok: “tintangkon au begu, buathon au sombaon....unang hutaon na songon on.” Alai on ma na mansai menarik, ianggo parpsalmen on, di ay.3 didok iabana do: “ndang dihabiari rohangku....sai pos do rohangku disi” (tidak takut hatiku....aku tetap percaya). Di Hata Heber: batakh, marlapatan Porsea, berharap, merasa aman, tenang, tentram. Tetap tenang, dame nang pe dirongom hamaolon. Boha do i masa, ate? Ai somalna, holan otik pe ro na maol, olo do pintor bobos, gelisah manang kuatir hita, ate! Didia do kuncina ? ima ala panandaon na tangkas di Debata. Ala tangkas ditanda, gabe tu Debata ma dipagomgomhon, diserahkan ngoluna jala holan Debata ma dipangasahon. Ima siulahononta sian turpuk on. Panindangion ni parpsalmen do turpuk on, na papatarhon tu hita, ise jala songon dia do Debatanta i.
2. Didok parpsalmen on di ay.1a; “Jahowa ima panondangi” (terang, cahaya) di ibana. Tuhanta Jesus pe didok do; “Ahu do Panondang ni portibi on” (Joh.8:12; Joh.1:4ff). Jotjot do angka masalah na rongom i mambahen gabe golap pikiranta, so binoto dalan sitondongon, aha sibahenon. Tetapi ketika semuanya terasa gelap oleh masalah dan kesakitan, pasti Allah akan hadir memberi terang. Dung takontakhon dirinta tu Tuhanta, suruonNa do TondiNa manorangi rohanta. Gabe taingot ma angka Hata ni Debata naung tajaha dohot tabege. Ai Hata i do sulusulu di dalanta na golap (Pslm.119:105). Tubu ma semangat, ro ma inspirasi, dapot ma angka jalan keluar.
3. Dung i di ay.1b, didok: “Jahowa do hatuaonku” (keselamatanku), ala pargogo na so hatudosan do Debatanta i, boi do Ibana paluahon hita sian angka situasi dohot kondisi paling kritis pe. Nunga jotjot i masa tu ngolu ni si Daud. Songon si Daniel, dohot donganna na dipalua Debata sian baba ni singa dohhot api na marnalanala i. Songon si Elia napinamudu ni Debata marhite pidong sigak. AI ndang adong na so tarpatupa Debata laho paluahon angka na hinaholonganna.Nunga torop halak naung mengalami i. Alai ndada holan haluaon sian parmaraan. Na ummarga, nunga ro Jesus gabe Sipalua sian hamatean, dosa dohot sibolis, sibahen angka hasusaan i. Ala ni ma, na dumenggan, uju hagogotan hita, mangunsande ma holan tu Debata.
4. Dia ay.1c didok: “partanobatoan” (benteng hidupku, benteng perlindungan). Ndada tameng na boi sega. Alai benteng na togu, na so boi teroboson ni musu. Na menjamin keamanan. Hamu angka dongan! Panandaon na tangkas na songon i ma mambahen parpsalmen i pagomgomhon dirina jala holan mangasahon (mengandalkan) Jahowa. Ido ala didok ibana di ay.4, ianggo apala pinangido jala niluluanna sian Jahowa, ima: asa boi ibana mian di bagas joro ni Debata. Holan Jahowa do dihalungunhon rohana, ala nunga dapotsa sada kepastian: “Holan Jahowa do na tuk paluahon ibana.” Ala ni i, tutu do, ro do Debata mangondingi, manabunihon, panangkokhon ibana tu benteng (ay.5). Aha ma hasilna? Mansai sonang, tenang, merasa aman do panghilalaanna, ndang adong dihabiari, ndang biahaton (ay.1+3) nang pe rongom angka na manusai ibana. Justru angka musuna i do gabe martinggangan, maragean (ay.2), ianggo ibana, gabe mandirgak do uluna (ay.6).
5. Huria ni Tuhanta, sian na masa tu parpsalmen, ingkon sadaranta do, ngolu na ingkon mangadopi angka hahansiton, hamaolon, partangisan do ngolunta on. Jala Tuhanta Jesus pe ndang hea dijanjihon jalan bebas hambatan tu hita molo dung burju hita mangihuthon Ibana. Ndang! Justru hamaolon do, silang do, dalan na hopit do. Aha do dilehon Tuhanta Jesus? Ima jaminan pandonganionNa di hita. AI pargogo na so hatudosan do Ibana. Naung manaluhon huaso ni sude hajahaton binahen ni dosa, sibolis. Jala parholong roha situtu do Ibana, na olo mangurupi hita. Bila kita maumenyerahkan seluruh hidup kita ke tanganNya, terutama ketika kita menghadapi situasi yang sangat kritis, Dia pasti akan bertindak menyelamatkan. Ai Tuhanta Jesus do mandok di Mateus 11: 28 “Ro ma hamu tu Ahu, hamu angka na loja jala na sorat, asa hupasonang hamu”. Keyakinan seperti itulah membuat kita bisa tetap seperti induk burung tadi, tetap tenang, damai, merasa aman ditengah gempuran masalah, kesakitan dan tsunami persoalan. Alai sabalikna, boasa olo pintor bobos, mabiar bahkan marungutungut hita molo sonson hamaolon i? Boi do songon angka sisean na rap marparau dohot Jesus i. Di na ro habahaba i, pintor biarna do parjolo ro. Gariada tahe, ungutungutna do dipasahat tu Jesus. Hape disi do Jesus na tuk patupa saluhut. Adong do haporseaon nasida. Alai boasa boi mabiar ? Ala ndang dipangke haporseaonna i. Ndang dipangasahon Tuhan Jesus na di lambungna i. Pikiran, kemampuan, perasaanna do dipangasahon. I do ala didok Jesus : “E...hamu siotik haporseaon!” nanaeng dohonon ni Jesus disi ima: Adong do di hamu haporseaon na boi do Ahu patupahon halongangan di hamu; alai ndang dipangke hamu. Nuaeng pangke ma! Mari gunakan imanmu, andalkan Tuhan Yesusmu. Pasti Dia akan datang membantumu. Haporseaon na songon i ma mambahen boi hita tenang, dame, merasa aman di situasi na maol i.
6. Huria ni Tuhanta, molo dung tajalo halongangan i. Tatiru ma parpsalmen on: “sai dipapujipuji ma Debata” (ay.6). Dipasahat ma hamauliateonna; diendehon ma Debata sian nasa rohana. Unang adong songon si Malin Kundang, lupa kacang akan kulitnya. Ndang otik be jolma na songon i. Ianggo di hamamasa ni hamaolon i, tung digogo do mangido tolong tu Debata, jala jotjot tahe gabe bernazar. Alai dung dipalua Debata, torop do na lupa: na deba gabe paburnang diri, paboaboahon na ala ni hajagoonna do umbahen boi malua ibana. Na deba gabe lupa ma di nazarna. Ianggo hita, tung holan Debata ma tapuji, tahalonganghon, tapapujipuji. Mansai balga do panghorhon ni i tu hita. Ai i ma mambahen ndang boi longkang be sian ngolunta ngolu na sai mangasahon Debata. Nunga gabe budaya manang karakterta ngolu na songon i.
7. Minggunta na margoar Reminiscere na marlapatan: “Sai ingot ma angka denggan  ni basam”-Pslm.25:6. I ma mambahen hita tetap tenang, aman, dame mandalani ngolu on. Andul tumabo do ngolu na songon i, bukan ? Ala ni i didok topik ni minggunta : “PAIDAIDA HINADENGGAN NI JAHOWA

(Menyaksikan Kemurahan Tuhan) jala manongtong ma mandok mauliate tu Debata di bagasan Tuhan Jesus, asa tongtong dame, sonang merasa aman hita mangadopi sude parsorion, tarlobi di tingki hagogotan. Amen. (BE.214, 564, 645)