Jamita Evangelium X Dung Trinitatis, 9 Agustus 2026

POS MA ROHAMUNA, UNANG HAMU MABIAR

(Tenanglah, Jangan Takut)

Mateus 14 : 22 – 33  

 

1.                  Huria ni Tuhanta na hinaholongan, ia turpukta on ima na manaringoti Jesus na mardalan di atas ni tao, jala boi do dapot hita barita on di Markus 6: 45 – 52 dohot di Buku Johannes 6: 16 – 21. Di na masa Jesus mardalan di sisik ni tao i ima dungkon masa na mangalehon mangan roti lima ribu halak jala masa ma alogo na gogo di tao i, disosak do parau ni angka sisean i di tao Galilea i. Ia tao Galikea manang Genesaret (ptd. Luk.5:1) manang digoari Laut Tiberias (ptds. Joh.6: 1; 21: 1) ima tao na mansai bolak. Mansai godang do na binahen ni Jesus donokhon tao Galilea i, jala di bagasan turpuk on ma boi begeonta na nipatua Jesus mangalo hagogoon ni portibi on marhite n amardalan di sisik ni tao Galilea.

2.                  Ay.22-23; Hasadaon ni panghobasion dohot tangiang. Mansai uli molo tasulingkiti dung Jesus marhobasi torop halak, pamalaum angka na marsahit, mangalehon mangan lima ribu hala, disosoi Ibana do nasida asa muli nang dohot angka sisean i. Dung i nangkok ma Jesus tu atas ni dolok, pasisihon dirina jala martangiang sahalakNa. Pangalaho on paboa mansai ringkot do na martangiang di na laho marhalado. Boi do tubu sungkunsungkun, ringkot do Jesus martangiang, ai tong Debata do Ibana? Parjolo; asing ni Jesus Kristusn a marnampunahon ha-Debataon, jala tong do adong hajolmaonna. Boi do antusanta ia tangiang i na mamuhai angka na di rohanta i tu Debata, asa tangihoononNa. Jadi hal na wajar do molo martangiang pe Jesus sian hajolmaonNa paboahon angka na di rohaNa I tu Debata Ama i. Boi do idaonta boha do pandohan ni Jesus pasahathon na di rohaNa i songon jolma, uju  martangiang Ibana; “Dung i laho ma Ibana paduahalihon martangiang, ninna ma: Ale Amang, molo so tarbahen salpu on, nda ingkon huinum, sai saut ma lomo ni Roham!” (Mat 26:42; bdk. Mrk 14:36; Luk 22:42). Napaduahon: Molo martangiang Jesus ima laho tu mangondingi jolma manisia do. Molo piningkiran boi d Jesus martangiang dibagasan rohana. Alai na naeng patuduhononNa do tu hita panghophoponNa tu hita jolma, jala asa gabe tiruan na binahenna tu hita jolma asa ringgas martangiang. Martangiang hita ala na unduk do hita tu Debata Ama i nang pe mansai maol taadopi ragam ni situasi. Marhite na martangiang i do asa taantusi na naeng siulahononnta sian Ama i. Jala diajarhon Jesus do tu hita boha do martangiang dohot denggan; ima tangiang “Ale Amanami” (Mat.6:9-13). Nanaeng patuduhononNa tu hita, molo ro pe angka parsorion ni ngou, holan Tuhanta i do hagogoonta. Jala dibagasan tangiang i dipatuduhon do ringkotna manesa dosa ni dongan, songon na pinasahatNa dibagasan tangiangna; “Ale Amang! Marpamuati ma roham mida nasida, ai ndang diboto nasida na binahennasida I” (Luk.23:34). Jala mansai godang dope tudosan na mangajari hita asa mamboto laho martangiang, ala naung dipatuduhon Tuhanta Jesus i do tiruan tu hita boha do sasintongna na martangiang on. Dipatuduhon Tuhanta i do tu hita ia tangiang i do hagogoon di bagasan parngoluonta angka na porsea. Asa molo taulahon pe lomo ni roha ni Debata naeng ma patuduhon hasolhotonna diulaoni raphon Debata marhite tangiang. Disi do asa margogo angka sipararat Barita na Uli i mamaritahon Barita na Uli i. Tung gale do angka na porsea i molo so jolo martangiang mamuhai angka ulaonna. Ngolu ni angka na porsea ndang dao sian partangiangon. Asa ringgas ma ruas ni huria laho martangiang jala ringgas mulaulaon.

3.                  Ay.24 Parsorion ni ngolu. Ngolu ni na porsea naung pasomalsomalhon partangiangon dibagasan ngoluna mangalehon hagogoon, siala mansai godang do parsorion ni ngolu on na manjonohi ngolunta. Molo so martangiang dohot denggan, boi do gabe naeng lonong solu ni parngoluonta. Ai songo na manangkohi solu I do hita di parngoluon on, jala marganti sorin do gaumbang I n aro tu adopanta. Songon galumbang ni laut I, boi metmet, boi do muse balga; laos songon I ma gombaran ni angka parsualon ni ngolunta, sipata metmet jala sipata balga. Huria I pe digombarhon do songon solu, molo so margogo martangiang angka ruas ni huria, boi do disosak galumbang I huria i. On do na torop masa di deba ni huria na sai marbada, marsalisi, ruas tu ruas, ruas tu parhalado, ruas tu pangola ni huria, parhalado tu pangola ni huria nang ragam skisma na terjadi ala so margogo martangiang sude ruas ni huria i. Alai naung dipadanhon Tuhanta I di pangaramotion tu angka huriaNa sahat ro di hasusuda ni portibi on ( Mat.16:18; 28:19-20).

4.                  Ay.25-27; Unang mabiar ho”. Ndangb oi tardodo rohanta pambahenan ni Tuhanta Jsus laho paluahon hita sian hagogotan. Dibagasan turpuk on dipaboa do Jesus na ro manopot angka siseanNa na dibagasan biar ni roha ala ni galumbang na manosak parau nasida, marhite partingkian dohot car ana so somal. Ro do Jesus di pukkul tolu marhite na mardalan di sisik ni tao i. Jala sadar do nasida naso raphon Jesus guru nasida I disi umbahen so boi nasida mangido pangurupionNa (ptds. Luk 8:22-25). Dina masa na maol situtu di tingki I, so panagaman n iroha, tompu ma diida nsida adong na mardalan di sisik ni tao I, jala dirimpu nasida do I begu. Alai pintor dipangkulingi Jesus ma tu nasida: Pos ma rohamuna, Ahu do! Unang hamu mabiar!. Hata “Pos ma rohamuna (tenanglah) di hata Gorik didok ; tharséō jotjot do pangke Jesus laho margogoihon angka na marsahit n aro tu Ibana. Tuna pangpang (Mat.9:2), tu parompuan na tamaningon bulan on sampuludua taon (Mat.9:22) as apos roha nasida jala porsea asa jaloon nasida hahisaron. Jala didok Jesus do muse : “Haporseaon mi do na paluahonn ho”. Sian on boi hita marsiajar, asa tongtong hita marpos ni roha tung aha pe na masa. Na ringkot di hita ima porsea na urupan ni Jesus do  hita, ndang loasonna hita mangadopi parngoluonta sahalakta.

5.                  Ay.28-32; tonggor ma simalolongta holan tu Jesus. Dung tangkas dibege jala ditanda angka sisean  soar ani Jesus, disima dapotan pos n iroha nasisda. Alai di angka halak na manghaholongi, ndang sae holan mar pos n iroha. Halak a marholong n iroha sai naeng do rohana solhot dohot haholonganna. Songon si Petrus n manghaholongi Jesus mandok; “Ale Tuhan, anggo Ho do hape, dokkon ahu ro mandapothon Ho, mardalan sian aek i.” Holongna i mambahen si Petrus naeng do hatop raphon Jesus na tongon mardalan di sisik ni tao i, jala haporseaonna na mambahen ibana porsea ia Jesus do na mardalan i, jala pos rohana nab oi do Jesus mangalehon hagogoon tu ibana. Mamereng torus tu bagasan ateate ni si Petrus, asa dialusi Jesus ma si Petrus mandok: “Ro ma antong”, dungi tuat ma si Petrus sian parau i mandege sisik ni tao i, jala mardlan mandapothon Jesus. Haporseaon i do na mambahen hita barani laho manadinghon na adong di hita, manandinghon na tatiop, mananggalhon inganan na demak di rohanta, jala mardalan ma tu dalan na gogot, na so tenang , alai torus tonggor manatap tu Jesus. Asa ala ni haporseaon do si Abraham olo manadinghon hutana, artana laho manuju sada tano naung diuarihon Debata tu ibana. Ala ni haporseaon do na olo si Musa mangadop Piraun jala manguluhon bangso Israel bungkas sian Misir tu tano Kanaan. Angka na porsea nao lo tonggor simalolongna holan tu Jesus nab oi do ibana mamolus nasa ragam parsorion ni ngoluna. Alai dungkon ndang focus si Petrus tu Jesus, ima ala ni naro galumbang gabe lonong ma ibana.Na gabe lupa do si Petrus di dasor ni haporseaon tu Jesus i gabe mimbar ma haporseaonna. Alo ni biar ni roha ima barani, ima sikap nao lo mangadopi hamaolon dohot angka ondamondam dibagasan ngouna. Habaranion laho mangadopi angka hamaolon dibagasan ngolunta ndanda sian dirinta sandiri, alai sian Kristus i sandiri. Uju ro bbiar n iroha ringkot do hita manghehei mual ni hagogoonta ima Jesus Kristus i. On ma na niulahon si Petrusmandok : “Tuhan, Palua ahu”. Uju tapangido pangurupion sian Tuhan i, uju herbang tanganta mangido panogunoguonNa, ro do Tuhan i manjonohi hita jala manghndit hita sian hamaolon i songon na binahen ni Jesus manurdukkhon tanganna manangkup si Petrus, disesa ma mimbar ni rohana dohot biar ni rohana jala di pabongot ma tu parao i, dungkon i gabe so ma alogo i. Holan marhite Tuhan Jesus do na boi pa poshon rohanta.

6.                  Ay.33; Panindangion taringot tu Kristusn songon Anak ni Debata. Dungkon godang na niida ni angka sisean i termasuk ma si Petrus di ragam na pinatupa ni Jesus angka halongangan; na pamalum angka na marsahit, pagandahon roti dohot dengke na dilehon tu lima ribu halak asa mangan, mangarjai huaso ni portibi, jala mambahen si Petrus boi mardalan  disisik ni tao I jala manogu ibana na naeng lonong, manggorgori roha ni angka apostel I laho manomba Jesus huhut mandok: “Tutu do Ho Anak ni Debata!” Pandohan on tong diulakhon di Mat 16: 16 asa diuduti ma na pasahathon huaso na sian Kristus tu Apostel Petrus laho maniop anak hinsu Harajaon banuaginjang i.

7.                  Topik ni mingggunta: POS MA ROHAMUNA, UNANG HAMU MABIAR (Tenanglah, Jangan Takut). Aha do nuaeng na umbahen mabiar hita ? Masa lalu yg kelam, akar pahit, angka persoalan hidup naung leleng na so marnasae. Mansai godang do galumbang ni ngolu na taadopi jala marragam do. Alai naeng ma bolusonta i luhutna marhite haporseaon dohot pangkirimon. Molo soada haporseaon dohot pangkirimon dibagasan Kristus, na gabe marhusor di parsualon i do hita, holan di galumbang ni ngolu i do roha dohot pikiranta. Alai ala adong do haporseon dohot pangkirimon na boi do hita mamolus galumbang ni parngoluan dohot hadameon. 1 Petrus 5:7 Tinggangkon hamu ma nasa na hinolsohon ni rohamuna tu Ibana, ai disarihon do hamu! Psalmen 37:5 Pasahat ma dalanmu tu Jahowa jala haposi Ibana, asa Ibana paturehon. Amen.