(Penghakiman Yang Terakhir)
Pangungkapon 20:
11 – 15
1.
Huria
ni Tuhanta na hinaholongan dibagasan Jesus Kristus. Godang do angka persoalan
na niadopan ni halak Kristen na parjolo, ido alana mansai ringkot do di nasida
apulapul ima marhite buku pangungkapon on. Goarna pe ajaran na imbaru na mansai
marasing ditongatonga ni halak naung adong hian na sinomba dohot na hinaporseaanna,
songon I ma ajaran hakristenon i. Godang do halak Kristen na parjolo I na
imbaru dope mananda Kristus. Mansai godang do angka tantangan dohot angka
hamaolon na niadopan nasida. Godang do sian halak Kristen na parjoloi mengalami
pangaleleon dohot panganiayaan hebat sian pemerintahan Roma. la turpuk
Pangungkapon 20 11 15 on sasintongna manggombarhon taringot tu paruhuman
parpudi na masa sogot dung ro birubiru ni Debata tu portibi on laho manggomgomi
tano on, marhite na jumolo pataluhon sude angka hajahaton dohot sibolis.
Panguhuman parpudi boi do didok songon klimaks ni haroro ni Kristus, ala di
panguhuman on do Kristus di di paojak gabe panguhum parpudi tu jolma dohot tu
portibi on (Ul. 17:31: John 5:22-27; 2 Tim 4: 1),. jala panguhuman parpudi on
do sada tingki na mansai dipaimaima halak na porsea, ala disi do tingkina angka
na porsea marnida, patuduhon, patubegehon dohot manjalo hamonangan nasida
marhitehite na manghatindanghon hasation dohot panghophopon nasida tu Jesus
Kristus saleleng ni ngoluna.
2.
Huria
ni Tuhanta, molo tataringoti turpuk on ima laho paingothon hita jolma manisia
na songkal jala na adil do Debata di portibi on. Ro do Ibana manguhumi portibi
on hinorhon dosa nang pangalaosion i. Paruhumán parpudi i ma sada peristiwa na
mansai balga na mencakup sude portibi on, i ma sada ulaon ingkon patupaon ni
Debata ndung so dipaojak Debata inganan na manongtong na gok hasintongan i. Di
paruhuman na parpudi i, dipataridahon Debata do disi hasangapon dohot
hamuliaonNa. Dipajongjong Ibana do habangsaNa na balga jala na bontar. i ma
patuduhon hadaulaton dohot hamuliaon ni Debata na marimbar sian portibi on.
Situasi ni paruhuman na parpudi i jelas menunjukkan wibawa dohot huaso ni
Debata betul-betul nyata menguasi suasana i. Ari paruhuman on, jotjot do didok ("ari
parpudi" hari kiamat), hata i mengacu tu hata na jotjot dipangke Jesus
laho mandok ari paruhuman. Jala na berperan gabe panguhum (hakim) di ari
paruhuman parpudi, i ma Jesus Kristus (Joh 5:22-27; II Tim 4: 1).
3.
Huria
ni Tuhanta na hinaholongan, nunga sian najolo godang na manggombarhon manang
menafsirhon boha do parjadina ari paruhuman i. Sar do barita najolo ia tgl.09
bulan 09 taon 1999 ingkon masa ma kiamat ninna. Pola do digombarhon angka
sibahen film di Hollywood parjadina I marhite film “Armagedon”. DIpaboa di
bagasan sarita ni film I, na ro ma kiamat marhite batu meteor nab alga na naeng
madabu tu portibi on. Molo saut madabu tu portibi on, boi ma hancur portibi on.
Aksi heroic team NASA I ma na gabe harapan laho mengantisipasi minimalisir
tabrakan batu meteor I marhite na mambahen bom nuklir tu batu meteor i. Gombaran I ndang apala topet molo
marguru tu turpuk on. Molo ia di turpuk on tingki paruhuman i, naparjolo,
"mago ma langit dohot tano", hata on naeng mandok, ia umur ni tano i
dohot sejarah ni hajolmaon nunga mencapai titik puncak, berakhir, berhenti
marhitehite haroro ni panguhuman parpudi. Dunia yang lama dan segala
kehidupannya telah berakhir, dan Allah akan menciptakan langit yang baru dan
bumi yang baru sebelah ari penghakiman dijatuhkan kepada semua manusia (21: 1).
Napaduahon hehe ma sude angka naung mate, angka na "balga dohot
angka na metmet". hata on laho mandok, ndang adong na so dohot tu
panguhuman i, angka parhuaso, angka na gogo, angka na mora, angka halak na
tarbarita, suang songon i angka na pogos dohot do masuk tu jolo ni paruhuman i.
Paruhuman ni Debata ndang siida bohi, imbar do sian na niida ni halak Kristen
di tingki ni si Johannes, di na godang angka halak na sangap, jala parhuaso,
malua sian jeratan hukum. Di bagasan paruhuman i diparuar ma angka "bungku",
bungku dison laho mandok ndang adong kasus ni jolma i na so tarsurat
(tercatat), ndang adong kasus na mago, ndang adong kasus na so diboto pihak na
berwenang, jala ndang adong nanggo sada kasus na boi malua sian jolo ni
panguhum. Dung i diparuar ma muse bungku hangoluan, ia isi ni bungku on i ma
angka goargoar ni jolma na sintong jala marsitutu manghaporseai Tuhan i. Di
bagasan bungku i dipatorang do taringot angka panghophopon na porsea di Tuhan
i. Jala bungku hangoluan i merupakan tanda bukti ni sasahalak masuk tu horong
ni jolma na porsea.
4.
Huria
ni Tuhanta na hinaholongan, ndang adong dilupahon Debata, dohot do angka na
mate di bagasan lung ni laut na mansai bagas, na so hea jumpang ni jolma bangke
na, dohot do i di jou asa masuk tu panguhuman parpudi. Ndang adong na buni be
di jolo ni Debata di ari paruhuman i, hatiha i, buha ma sude inganan na mansai
buni di portibi on, dohot sude rahasia ni jolma na simpan mansai bagas di
bagasan rohanasida. Angka na dipasiding Debata di ari panguhuman, i ma hamatean
dohot angka jolma na so adong goarna di bagasan buku hangoluan i. la huaso
hamatean i jotjot do digombarhon songon binatang na mansai hisap mamonduti
mansai torop jolma, jala na mansai gogo mangalo Debata. Alai dung sidung masa
panguhuman, di dabu Debata do hamatean i tu laut na gor dohot api ro di
saleleng ni lelengna. Ndang dihalomohon Debata masa hamatean tu angka jolma na
maringanan di langit dohot tano na imbaru na pinatupa ni Debata tu angka na
monang i. Tu angka jolma na so adong goarna di bungku na badia i, ndang adong
be pengampunan nasida, jala hamateannama jambar nasida saleleng ni lelengna.
5.
Huria
ni Tuhanta na hinaholongan, panguhuman na parpudi ndang peristiwa na mambahen
mabiar angka na porsea, sabalikna i do tingki las ni roha ni angka na porsea,
ala i do tingki na binuhul di Debata tu angka na porsea i laho patubegehon,
patuduhon dohot manghatindanghon panghophop ni na porsea i di haporseäonna
tu Jesus Kristus. Panaonon dohot haporsuhon na tinaon ni halak Kristen laho
manghophop Kristus ndang gabe panaonon na marisuang, ala i do muse na gabe
nilai positip, na gabe tanda bukti hasahaton ni angka na porsea. Ingkon boluson
ni sude jolma ari panguhuman i, ndang adong na malua manang tading sian i,
panguhuman parpudi i do na mandabu vonnis na gabe "turpuk" ni jolma
i. Marhite paruhuman i, tarbagi dua ma turpuk ni jolma i na so boi be muba
saleleng ni lelengna. Sada ma i angka jolma na monang, jolma na manjalo jambar
las ni roha, marhitehite na dohot tu langit dohot tano na imbaru na pinarade ni
Debata tu angka jolma na manahan jala hot haporseaonna di Jesus Kristus: Jala
sada na i ima angka jolma angka na dipasahat tu laut na gok api, jolma na
manjalo jambar laho manaon haporsuhon ro di saleleng ni lelengna.
6.
Huria
ni Tuhanta nahinaholongan.
Didok sahalak parbinoto ima CS Lewis,
adong do du ahorong halak, horong na parjolo
mandok; ndada lomo ni rohangku, alai lomo ni rohaM ma na saut. Horong na
paduahon mandok: lomo ni rohangku ma nasaut dada lomo ni rohaM. Jadi uju
didabuhon nasida tu api naroko, gabe didok Debata ma tu nasida; “ndada lomo ni
rohangKu alai lomo ni roham ma na saut. Jadi molo adong do jolma na masuk tu
api naroko, ndada lomo ni roha ni Debata I, alai lomo ni rohana sandiri. Boasa
ndang jangkononna Tuhan I jala ndang olo tumangihon Hata ni Debata alai
mangulahon lomo ni rohana sandiri. Ingkon ingot hita, sude angka pambahenanta
saleleng mangolu hita, ndang malua sian adopan ni Debata, boi do tagabusi
donganta jolma, boi do hita malua sian jerat hukum na adong di tano on, alai
ndang adong na boi tatabunihon sian adopan ni Debata. Panghirimon di hamonangan
dohot las ni roha sogot ndang terlepas sian sikap dohot pambahenanta di na
mangoloi Tuhan i di bagasan tingki on. Paruhuman parpudi boi do gabe kontrol na
pasingothon hita asa manat di ngolu na pinasahat ni Debata tu hita. Ingkon manat
hita mamillit dohot mambuat sidalananta, ala pamilliton i mangonai do muse tu
hita di tingki dipangido Debata sian hita pertanggungjawaban taringot
pangulaonta. Ala ni I serius ma hita mangarade diri andigan sogot ro Tuhan I nang
marhite panjouonNa tu hita, jala jujur ma hita tu dirinta sandiri nang tu
Debata. Amen.
