Jamita Evangelium Minggu V D. Trinitatis – 20 Juli 2025

Mamilit Tohap Na Ummuli

 (Memilih Bagian Yang Terbaik)

Lukas 10: 38 – 42

 

1. Huria ni Tuhanta na hinaholongan dibagasan Jesus Kristus, dibagasan turpuk on dipaboa na ditamuei si Marta dohot si Maria, iboto ni si Lazarus na marhuta di Betania do Tuhanta Jesus (Joh.11;12:1-18). Jala si Marta naeng patupahon na dumenggan tu Jesus, tamue laos alealenasida i. Ala ni ma gabe sibuk situtu ibana mangarade na dumenggan. Uli na i molo ro Jesus gabe tamuenta. Sasintongna, molo tajaha di Pangungkapon 3: 20, didok do disi, ganup tingki do Jesus manuktuhi pintu ni rohanta be, roha ni keluarganta naeng ro jala bongot gabe tamuenta. Alai na  gabe persoalanna ima; boha, olo do hita mangungkap pintu i sabolak-bolakna, asa masuk Ibana gabe tamue di hita ? Bukan Dia yang tidak mau, mungkin kita yang menutup pintu. (tajaha BE.No.376:1; 154:2; 184:3): ‘Ise na di pintu i, ungkap ma......” lagu rohani i mandok: Mari masuk, mari masuk, masuk hatiku ya Yesus....” . Molo ro Ibana, tung holan las  ni roha do na dapot hita sian Ibana. Ai taida ma di keluarga ni si Marta dohot Maria on. Molo tajaha di Johannes 11, di namonding si Lazarus ibotonasida i, pintor ro do Jesus pangoluhon. Pasti mansai godang do halongangan dohot las ni roha masa di ngolunta molo tajangkon Jesus gabe tamuenta. I do ala didok Hata ni KJ.No.318: 1 “berbahagia tiap rumahtangga, di mana Kaulah tamu yang tetap.”
2. Huria ni Tuhanta na hinaholongan, nang pe sederhana, alai tung arga do pinatupa ni keluarga Marta-Maria on. Boasa ? Ai uju tung  mansai loja do Tuhan Jesus manghobasi dohot mangajari arian dohot borngin, pamalumhon na marsahit. Ala ni i, songon aek tabar na paulak hosa loja ma penyambutan ni keluarga on di Jesus. Panamueon ni keluarga Marta on palashon roha ni Jesus, menyegarkan kembali. Ditogu pambahenan ni si Marta on do rohanta asa nang hita pe torus ma mamingkiri aha ma na boi bahenonta laho palashon roha ni Jesus ? Ndang ingkon proyek mercu suar ( na balga, na wah...), alai na metmet pe; molo burju hita patupa ibadah di keluarga, molo keluarganta masihaholongan, molo boi tapatudu perilaku songon karakter ni Tuhan Jesus, ndang korupsi, burju mula ulaon, jujur dll, ima palashon roha ni Tuhan Jesus.
3. Huria ni Tuhanta na hinahoongan, dipatudu na masa di partamueon on do sikap ni jolma laho manghobasi Jesus. Si Marta na mansai sibuk marhobas, si Maria na sai burju mananginangi Jesus. Naeng ondolhononhon, ndang adong na sala di na dua i. Duansa do denggan, rap marhobas di Jesus. Ringkot do na songon si Marta, ringkot do nang songon si Maria. Na sada mangarade na ringkot (tarlobi ra siinumon dohot sipanganon, ai molo so adong i, gabe male ma tamue i, gabe jorajora ma), na sada mandongani tamue na i manghatai (molo so adong i, gabe ‘sendirian’ ma tamue i; dihilala hira na so las rohanta ro tamue i). Sian ima naeng parsiajaranta manang piga hal:

a)      Di angka panghobasion i pe, denggan do marragam angka potensi, keahlian, metode, nang karakter pe. Sude i marguna do, songon ruas ni pamatang na marasing, alai sude do marguna ( 1 Kor.12). Ingkon adong do halak na songon si Marta na olo berkeringat, “mobile”, na aktif  mangurus angka hal na praktis, na olo gabe ‘seksi repot’ (asal ma unang seksi heppot, asal sibuk). Alai, ingkon adong do na hohom, martangiang ( Tim doa). Isara ni pasukan tempur, ingkon adong do na masuk tu medan perang, alai ingkon adong do tong na mengatur strategi di kantor, dohot paradehon huhut manjaga logistik di pangkalan. Ala ni i unang adong hita “mangiburu” molo lebih berkeringat hita sian dongan pangula na asing. Tapaloas ma sude mangula di bagianna be.

b)      Na mangihut, marhite turpuk on dipaingot hita: Mari kita melayani sesuai dengan kebutuhan tamu yang dilayani. I do sada apala ondolan ni turpuk on. Ndang na disalahon Jesus si Marta. Ndang disosohon asa songon si Maria ma hita sude. Ndang! Alai, nanidok ni Jesus ima: si Maria do na mangantusi kebutuhan ni Tuhan Jesus; Tamue nasida i di hatiha i. Boasa ? Ai di pardalanan naeng tu Jerusalem do Tuhan Jesus uju i, laho tu silang, tu hamatean. Nunga boi tabayanghon, boha ma dokdok ni panghilalaan ni Jesus uju i, tarlobi  molo tapaadop muse tu pergumulan ni Jesus di Getsemane. Ala ni i, haporluan ni Jesus uju i ndada apala sipanganon siinumon na tabo, alai ketenangan do, teman bicara. Ima na nilehon ni si Maria. Jesus mamuji si Maria, karena dia tahu apa kebutuhanNya saat itu (disaat lain, bukan itu kebutuhan Yesus). I do ala didok: secangkir air jauh lebih bernilai  bagi orang di gurun pasir ketimbang seember air bagi orang di saat musim hujan. Sipaingot do i tu hita, asa talayani, taurupi ma donganta sesuai tu kebutuhan riil nasida di ganup tingkina be. Sipata, ndang hepeng na gabe kebutuhan ni dakdanak, istri nang suami, alai perhatian do. Molo lalap hita mangalului hepeng, gabe kecewa ma nasida. Tabereng ma aha do kebutuhan ni dongan, ianakhon, suami, istri, natoras; ima talehon tu nasida, asa las roha nasida.

c)       Huria ni Tuhanta, dipodai hita, ingkon seimbang do pelayanan praksisi dohot persekutuan, hasolhoton tu Tuhan Jesus. Jangan pernah biarkan kesibukan melayani menggantikan doa, meditasi, pembacaan Alkitab. Na humurang di si Marta ima di na so boi ibana marsagi di angka ulaon dohot partingkiann na ronsot i. Ndang mampu ibana marnida aha na rumingkot di ombas i, di na bongot Jesus tu bagasna. Haroro ni Jesus laho mamboan barita na uli do, barita haluaon na sian Debata. Ala ni i, na rumingkot di Jesus hatiha i ndada sipanganon dohot adat partamueon, nang pe ringkot do i di tingkina, alai haradeon ni roha do hundul di joloNa tumangihon hataNa, songon na hinalaputan ni si Maria. Boi dohonon dison do kelemahan si Marta jala laos dison do halobian ni si Maria. Kesibukan melayani tidak boleh  menjadi alasan untuk tidak memiliki waktu untuk berdoa dan bermeditasi. Tetapi, persekutuan mesra dengan Yesus haruslah menjadi sumber dan awal seluruh pelayanan. Penuhi dulu batereimu melalui persekutuan dengan Yesus, saat teduh, barulah masuk dalam pelayanan. Dahulukan persekutuan dengan Yesus atau Devotion first. Topik minggunta mandok : “Mamillit Tohap Na Ummuli” (Memilih Bagian Yang Terbaik). Dipillit si Maria do tohap na ummuli, jala ndang buaton i sian ibana. Sada do na ringkot, ima haradeon hundul di joloNa, tumangihon hataNa, ndang adong asing sian i. Dipillit si maria do tohap na uli i. Hata “pillit” dison patuduhon hinaringkot nina manontuhon sikap na jelas jala torang diragam pilihan na adong di portibi on. Hata “tohap na uli” patuduhon hinaarga ni bangko i, na so holan marpardomuan tu na ringkot tu ngolu pardagingon, alai sahat do tu ngolu partondion. Mari belajar makin mengenal dan mengasihi Yesus maka kita akan semakin rindu bersamaNya. Marilah berlomba mendengar Yesus bukan berlomba bekerja melayani Yesus (sehingga ada kecemburuan). Mendengar Firman Tuhan Yesus akan membuat kita bertumbuh. Amin.

 

BE. No.255    HOLAN SADA DO NA RINGKOT    BL.187

1. Holan sada do na ringkot Jesus lehon i di au

Manang aha pe na dapot Ndang tuk pasonangkon au

Nang arta nang sangap sude hamoraon

Ndang tau mangalehon di au hasonangan

Alai molo dapot na sasada i Tongtong las rohangku hinorhon ni i

2. Molo naeng di ho tondingku Arta na sasada i

     Ndang tarbahen luluanmu Anggo so di ginjang i

     Disi, di siamun ni Tuhan Jahowa

     Do hundul AnakNa na dung gabe jolma

     Ibana do jambar na sun denggan i

     Antong o tondingku jalahi ma i.

3. Suang songon si Maria Tumangihon hataMi

    Naeng o Jesus na badia Hundul au di lambungMi

    Antong ale Tuhan pasada rohangku

    Palua ma au sian nasa dosangku

    Sai Ho ma o Jesus nampuna au on

    Sai Ho ma manggohi rohangku tongtong.