Jamita Evangelium Minggu VII Dung Trinitatis - 3 Agustus 2025

Gabe Jolma Na Imbaru Di Bagasan Kristus

(Menjadi Manusia Baru Di Dalam Kristus)

Kolosse 3:5-11

 

1.     Huria ni Tuhanta na hinaholongan dibagasan Jesus Kristus, molo tajaha Buku Kolosse on, dipaboa do ia ruas ni huria Kolosse ima ruas naung marhaporseaon di bagasan Tuhan Jesus Kristus. Mangolu do nasida dibagasan haholongon jala marpanghirimon di ngolu na manongtong marhite pamaritaon Barita na Uli. Alai adong ma parsualon taringot tu pangajarion di tonga ni huria I na gabe panghorhon di pangalaho di ngolu nasida siganup ari (Kol.1: 3-6). Ia ruas ni huria Kolosse ima naung marngolu na imbaru, naung bermetamorposa – berubah tu ngolu na imbaru, alai sai dipengaruhi dope nasida di hasomalan na robi. Ndang disadari nasida molo nunga  marngolu na imbaru naung manjanghon Kristus ingkon ma imbaru di parange nang pangalaho nasida (Kol.2:6). Di biologi (parsiajaran manulingkiti taringot tu angka na mangolu/makhluk hidup) dipahembang do taringot tu 'metamorfosa'. Mangihuthon panulingkition i, bolas do ninna di sadasada ombas sada binatang mangadopi metamorfosa, isara sian situma/singke gabe kupu-kupu. Situma/singke na maringan jala mangolu di gambo, di sada tingki marhite metamorfosa (perubahan bentuk) muba do gabe kupu-kupu na bolas habang dohot denggan. Na mansai ringkot naeng enetonta parsiajaran na arga sian i, i ma, sahali situma/singke muba gabe kupu-kupu, tung so hea be olo i dais tu gambo. Pangalaho sisongon i do idaonta nang di ngolu ni halak Kristen di Kolosse. Dipangke Apostel Paulus do pandohan 'metamorphein' (Roma 12:2; 2 Kor. 3:18) laho mangondolhon pangalaho ni ngolu ni halak Kristen. Sahalak Kristen naung manadingkon jolma na buruk gabe jolma na imbaru, tung so patut be dais tu pangalaho/bangko ni jolma na buruk. Sasintongna, i do unok (esensi) ni 'eklesia' (eks + kaleo; dijou haruar). Hata huria na dilapati sian hata eklesia i ma parpunguan ni angka na badia, na dijou Tondi Parbadia, haruar sian haholomon ni portibi on, masuk tu hatiuron di bagasan Kristus. Naeng ondolhononna disi hata haruar' sian haholomon tu hatiuron. Asa, i do nang unok ni ngolu ni halak Kristen, i ma angka naung haruar sian haholomon ni portibi on.

2.     Na godang dapot dope di ngolu ni halak Kristen huria bona di ombas abad parjolo, i ma digoari dirina Kristen alai sai jotjot dope lohot di bangkobangko andorang so Kristen. Nian ianggo di huria Kolosse ndang apala sange dope pangalaho sisongon i dapot. Alai mangihuthon panatapan ni Apostel Paulus, adong na ingkon sipajamothonon nasida laho padimundimun hapolinon ni parsombaon nasida marpardomuan tu poda haliluon. Adong ma tolu ragam poda haliluon na ingkon sijamothonon nasida:

a)     Na mangondolhon asa marhaposan tu sisiasia ni hasiangan on (roh-roh zaman, ta stoikheia tou kosmou). Panghorhonna, gabe ndang polin be panjanghonon di Jesus Kristus (2:8).

b)    Na marharoroan sian bangkobangko Hajahudion, i ma pangondolhonon na marongkinghu di ruhutruhut pardagingon, isara ni pesta, ari raya, ari sabat, sipanganon, dohot lan na asing (2:16).

c)     Na mangondolhon taringot tu parbinotoan na matorbanghu (pengetahuan yang maha tinggi, gnosis), gabe madabu tu na mamulik sian sihatoropan sahat tu na marbahudung (2:4, 8, 18).

 

3.     Dibonai do turpuk on dohot hata 'antong'. Pandohan on patuduhon hubungan ni turpuk on dohot turpuk na di jolona (3:1-4). Nunga bongot be huria i tu ngolu na imbaru. Asa, nunga be jolma na imbaru nasida. Hajongjongan on naeng tangkas di nasida marhite pangantusion na damos di poda na sintong. Jolma na imbaru dapot nasida holan raphon Kristus di bagasan Debata. Di duru ni i tung so bolas do dapot nasida jolma na imbaru i. Umbagas muse tasigati, ngolu raphon Kristus di bagasan Debata tarida do i di parsaoran dohot na humaliangsa di ngolu si ganup ari. Asa, laos huhut do on mangalo poda haliluon hatiha i na mangondolhon hinaringkot ni na mamulik sian sihatoropan (parsaoran dohot dongan di ngolu siganup ari) sahat tu na marbahudung. Dohonon ma muse, unduk tu Tuhan Jesus di sude ruhut dohot rumang ni ngolu siganup ari, i do jolma na imbaru i.

4.      Hinorhon ni i ma, pintor udut ma muse parsuruon na mansai nalnal (ayat 5). “Bunu hamu ma ruasmuna, angka na di tano on.” Marlapatan do on, ingkon adong sada tindakan na radikal mangambolongkon sian diri ni ganup halak Kristen angka bangko na maralo tu lomo ni roha ni Debata. Pamatang ingkon gabe pelean na hushus di adopan ni Debata. Laos huhut do on mangalo poda haliluon na marharoroan sian horong gnosis hatiha i na mangondolhon pamatang songon hurungan (penjara) na mambahen jolma maol malua sian gambo lisop ni dosa. Asa, ninna nasida, ingkon paluaon do ngolu sian pamatang marhite na marbahudung (askese). Angka dia ma bangko pardagingon na ingkon bunuon i? ima:

a)     Parmainanon (percabulan, zinah); Pangalaho on i ma pardonganon ni baon dohot parompuan na matorbanghu (pergaulan bebas, free sexual). Di jolma na manghangoluhon parmainanon on mangarajumi donganna (lawan jenis) holan dongan papuas hagiot ni roha.

b)    Hahodaron (kenajisan); Hahodaron ditujuhon tu angka na papuas hagiot ni rohana (hawa nafsu) tu donganna sahorong (sejenis, homo seksual), Pangalaho on pe ingkon do dibunu.

c)     Riting ni roha (hawa nafsu); Riting ni roha i ma sada bangko na mamparhatoban dirina Sandiri hinorhon ni hagiot ni roha na matorbanghu. Bolas dapot do on di sude rumang ni ngolu. Isarana, hagiot naeng mamora atik pe mamora na so sian dalanna. Hisaphisap na roa (nafsu jahat).

d)    Hisaphisap na roa (nafsu jahat); Bangko on ndang holan marpardomuan tu parulan ni pamatang. alai sahat do tu hagiot (ngolu parbagasan). Dosa do molo so haintopan angka hagiot na so hombar tu lomo ni roha ni Debata Pangahution (keserakahan, tamak) na gabe pardebataon na leban.

e)     Pangahution (keserakahan, tamak) na gabe pardebataon na leban; Bangko on i ma hagiot naeng mamora di arta portibi sahat tu na mardebatahon arta i. Bangko si songon on nunga sahat tu na mameakhon arta gabe tujuan ni ngoluna, ndada be sarana (alat) asa sahat tu tujuan.

Na ringkot idaonta sian angka bangko sibunuon i, i ma parjojorna na tording dibuhai sian rumang na ummetmet (hagiot pardagingon) sahat tu rumang na umbidang (hagiot pardagingon dohot partondion). Ganup Halak naung tardidi songon hita on, tarjou do ingkon membangun hidup baru; sehingga kita tidak boleh lagi serupa dengan dunia yang sekarang dikuasai roh-roh tadi. Ingkon tandap kesadaran di hita Halak Kristen paboa hita on ima angka Halak naung ditanom jolma na burukta i, jala raphon Tuhan Jesus nunga dipahehe Debata hita gabe jolma na imbaru. I ma sijagahonon ni ganup naung tardidi torus manorus saleleng mangolu hita.

 

5.     Di ayat 8 adong muse parsuruon, bolongkon hamu ma saluhutna i. Aha sibolongkononhon i? ima:

Ø  Rimas (marah); Pangalaho on i ma sogo ni roha naung marurat leleng manginsombut di diri ni sasahalak.

Ø  Muruk (geram); Pangalaho on i ma sogo ni roha na marombas jala mintop di bagasan tingki na hatop.

Ø  Hajahaton (kejahatan); Pangalaho on sasintongna naeng mangondolhon angka ulaon pingkiran ni sasahalak. Hinorhon ni i, hajahaton on bolas do na maralo tu lomo ni roha ni Debata jala naung marurat di mangaran sahat tu angka ulaon na jumorbut.

Ø  Panginsahion (fitnah); Pangalaho on i ma panghataion na mangelesi hinorhon ni hasogiron ni roha.

Ø  Hata barangsi (kata-kata kotor) sian pamangan; Pangalaho on i ma na mangaleai dongan marhite na sai mandok naso sintong jala na so sian dalanna.

Na ringkot idaonta di angka bangko i i ma tarjou do halak Kristen mananggalhon angka bangko na leleng, na so hombar tu bangko sihangoluhonon ni jolma na imbaru. Hajahaton, panginsahion dohot hata barangsi martudutudu tu panghataion na so marimpola. Dohononta ma, jolma na imbaru ingkon patuduhon panghataion na denggan (baik), bulus (murni) jala sintong (benar). Alani i do di ayat 9 didok: Unang ma masigabusan. Gabus do panghataion na so denggan, na so bulus dohot na so sintong.

 

6.     Nalnal do nang di turpuk on (ayat 6) dipalumba rimas ni Debata di angka na sai manggoari dirina jolma na imbaru hape sai lohot di bangkobangko ni jolma na buruk. Asa, adong do uhuman sian Debata di angka na so marsitutu marparhamaol ngoluna lias sian jolma na buruk. Lumbalumba on dihirim do bolas songon sada lombutlombut na sipata ringkot manghirpasi dohot mangkehei angka na lemba jala langgus. Tontu, lombutlombut na sian holong ni roha do i. Angka jolma na imbaru naung manadingkon jolma na buruk i ingkon do mamuhuti padimundimun parsaoran na rosu dohot donganna. Parsaoran i ma na ginoaran 'huria'.

7.     Di ayat 11 dipajamothon do nasida di hataridaan ni huria na sintong. Huria na sintong ingkon malua sian ragam ni golatgolat na bolas mangambati hinarosu ni parsaoran:

ü  Ndang mardiaimbar disi Gorik manang Jahudi: Pandohan on martudutudu tu golatgolat parbangsoon. Asa, bolas do di tongatonga ni huria marragam di parbangsoon alai sada do saluhutna di bagasan Kristus.

ü  Na marsunat manang na so marsunat: Pandohan on martudutudu tu golatgolat di simbol-simbol ruhut parduru ni ugamo. Asa, bolas do marragam di simbol-simbol ruhut parduru ni ugamo, isara ni goar dohot ondolan ni poda, alai sada do saluhutna di bagasan Kristus.

ü  Bangso na leban manang bangso na so maju dope; Pandohan on martudutudu tu golatgolat ni budaya. Bolas do dapot di tongatonga ni ruas ni huria naung modern, transisional dohot tradisional, alai sada do saluhutna di bagasan Kristus.

ü  Hatoban manang anak mata: Pandohan on martudutudu tu golatgolat stratifikasi sosial. Bolas do marragam di stratifikasi sosial hombar tu hatauon, ulaon dohot jabatan, alai sada do saluhutna di bagasan Kristus.

Dohononta ma dohot jempek laho mangarimpun angka pandohan i songon pandohan di ayat 11b i: “Kristus i do tahe saluhutna jala di bagasan saluhutna.”

8.     Paumbuhonta ma turpuk on tu tema ni minggunta, Gabe Jolma Na Imbaru Di Bagasan Kristus (Menjadi Manusia Baru Di Dalam Kristus) Ingkon tongtong tota jala gorga di roha dohot di ngolu ni ruas ni huria pangalapation ni huria. Unok ni pangalapation ni hata huria i ma haruar sian haholomon tu hatiuron. Marhite i naeng ma tongtong gomal di roha ni ganup ruas paboa tung so patut be halak Kristen dais tu angka bangko ni ngolu ni jolma na buruk. Terutama, kita orang percaya pada kristus saat ini hidup dotengah kondisi Masyarakat yang semakin memprihatinkan dan menakutkan. Terasa kejahatan semakin merajalela. Pembunuhan, penganiayaan, perundungan, permapokan, penjualan narkotika, penipuan dll semakin hari semakin marak. Pola adong mandok, nunga lobi sian sibolis pangalaho ni torop jolma di jaman on.

9.     Mangolu do hita di jaman nag ok gabus, na digoari era post truth, na mambahen rumor gabe fakta, berita bohong menjadi kebenaran karena terus di share melalui media sosial. Ima mambahen masa pembunuhan karakter. Mangolu do hita di masayarakat naung bagas disonggopi tondi konsumerisme, naeng di ibana sude, naeng sude tuhoronna. Tarlobi  ma ala ni doras ni angka iklan na bersileweran marhite media sosial na lam rarat on. Ima na pahehe roha hamongkuson; jala sian i ma tubu roha korupsi na semakin membudaya, merambat di sude tingkatan dohot inganan di bangsonta. Ima mambahen Halak mangalului hepeng dengans egal acara, halal atau tidak halal, sahat tuna mambahen investasibodong.

10.  Sude na i masa molo so boi be ugamo gabe gawang moralitas ni  Masyarakat. Masyarakat akan kehilangan keteladanan, na mambahen Masyarakat kehilangan pegangan. Di kondisi ima ingkon hehe hita angka Halak Kristen membangun diri gabe siitiruon. Gereja tidak harus menjadi gereja super, tetapi cukup dengan semua anggota gereja, yaitu kita-kita ini semakin menghayati dan melakukan makna kebaharuan didalam Kristus. Ala ni i ingkon tangkas do di hita hajongjonganta songon halak Kristen. Songon pandohan ni Pdt. Dr. Sutarno: “Di dalam dunia tetapi tidak dari dunia.” Asa, tarjou do ganup halak Kristen tongtong pajamothon identitasna songon halak Kristen jala patuduhon citra na denggan di sude gulmit ni ngoluna.

11.  Nunga tingkina huria marnida kualitas ni haporseaon ni ruas ni huria dohot kualitas ni panghobasion, ndada be holan di ruhutruhut parduru, isara ni torop ni ruas, haringgason marminggu dohot haunduhon pasahat pelean taon, dohot lan na asing Alai na umarga sian i, i ma nunga sahat tu dia panghangoluhonon ni ruas ni huria i di Hata ni Debata na binegena Ampit do on tu pandohan ni Pdt. Dr. Eka Darmaputera: “Kebangkitan Agama dan Keruntuhan Etika” Bolas do ugamo, di bagasan pangantusion institusi/lembaga, lam mangerbang sarombang tu tasak ni hamajuon ni partingkian, alai laos ihut do muse moral manang pangalaho ni ruas ni huria na lam tu lumlamna. Asa, tarjou do tongtong huria pajamothon unok ni hajongjongan ni huria, i ma parsaoran dohot Kristus Raja ni huria i. Huria na sintong, halak Kristen na sintong, i ma molo tongtong dipadimundimun parsaoran na rosu tu Debata dohot tu donganna jolma. Gabe mangolu ma hita manghapadothon parange ni jolma na imbaru, ima parange na ro sian haunduhonta mangoloi Tondi Parbadia (Gal.5:22). Ima parange na tudos tu parange ni Tuhan Jesus. Ima mambahen hita tandi, berbeda sian portibi on. Dengan karakter baru inilah kita berani ‘tampil beda’ dengan dunia. Rom 12: 2 : “Unang gabe sarombang hamu dohot portibi on; alai gabe imbaru ma hamu” tetapi bukan hanya membuat berebda. Hidup baru dalam Kristus, yang mengarah ke atas itulah yang membuat kita memiliki daya ubah. Karakter Kristiani itu akan memoengaruhi orang di sekitar kita, sehingga mereka semakin berubah mengikuti kita, mengikuti karakter Tuhan Yesus melalui kita. Bila kita berkarakter seperti Tuhan Yesus, pasti kitab isa menjadi daya ubah yang sangat kuat untuk mengubah keadaan dan situasi di sekeliling kita. Amen.