JAMITA Tu Minggu V Dung Trinitatis – 9 Juli 2023

& Ev: Rom.7 : 15 - 25                                           & Ep: Angka Ende 2 : 8 - 13   TOPIK : MANGHALOMOHON PATIK NI DEBATA

 

A. Patujolo.

 

Ia turpuk di minggunta on na manaringoti hajongjongan ni Patik ni Debata na songon dalan ni Debata laho mamboan jolma i asa margogo pasonanghon roha-Na, na dipasahat uju pardalanan ni bangso i mulak tu Tano Kanaan marhite panurirang Musa. Dipardalanan nasida i sai marusaha do bangso i laho mangulahon uhum nang patik ni Debata, alai dipardalanan ni sejarah ni bangso i mansai godang do hamaolon ditonga sejarah ni bangso Israel. Dipardalanan ni ngolu ni hajolmaon, sai marusaha do laho mangaradoti patik i alai di parngoluon ni bangso i mansai maol do patuduhon haunduhonna di patik i jala ndang tolap nasida mangulahonsa. Ndang lomo roha ni Debata jolma na tinompaNa i gabe mago ala ni na so adong sada pe na malua.

 

B. Hatorangan:

Marhite turpuk on dipasahat do tu hita parsiajaran na mansai ringkot ima:

 

1)      Huaso ni dosa dibagasan pamatang (Ay.15-17); dipaboa do dison andung na holsoan na paboahon na masa di halak na porsea laho mangalo dosa jala na marusaha pasonanghon roha ni Debata marhite na mangaradoti patik nang uhum, na so mardongan pangurupion ni Tondi Parbadia. Ia Patik i mansai denggan jala marhabadiaon, namanggombarhon rupa ni Debata. Alai dosa nang  huasona i na mangelaela jolma i marhite na manursari aturan naung rade. Di porlak eden, digabusi ulok i ma si Hawa marhite na mangalo kebebasanna jala manalahon ibana ala batasan na binahen ni Debata tu ibana. Sai diealela sibolis i do si Hawa jala marhasil. Jala dungkon na masa ipe, sahat tu partingkian on sai mangalo do jolma i tu Debata ima dosa na mangalaosi Hata ni Debata. Mansai tonggi do dosa i di angka jolma na mangalo Debata jala maralo do i tu lomo ni roha ni Debata. Boi do tapaidaida na masa i songon halak na manghilalahon hinatabo ni dosa na manangko, korupsi, asa hatop mamora sian dalan na so patut. Mansai tonggi do dosa i di  halak na naeng mago nang angka pangalaho dosa na asing. Uju tarunjun hita mangulahoaan dosa, disi ma hita disungguli Tondi Parbadia laho marningot angka Patik nang Hata ni Debata. Mansai ringkot do torus tataringoti Hata nang Patik ni Debata di angka partangianganta, parpunguanta, parmingguon nang di keluarganta be asa ima na manungguli roha nang pikiranta mangalo dosa i. Ima dalan ni Debata marhitehite TondiNa i na mangajari hita mangorom diri laho bersikap dohot berperilaku asa hombar tu sangkap dohot lomo ni rohaNa. Portibi on nang sibolis i mangelaela roha nang daging ni jolma asa mangulahon lomona na. Dipasahat Ap.Paulus do dison tolu point na siparsiajaranna laho mangorom roha na naeng mardosa:

Ø  Naparjolo, pangantusion taringot tu uhum nang aturan ndada na holan gabe alus manang parsihohotan laho mangundungkhonsa. Alai lumobi laho mangantusi patik manang lapatanna, dison ma hita ringkotna marsitutu marsiajar torus laho mangulahon patik i, ai so adong na sikkop mangulahonsa.

Ø  Pos ni roha na marparjuanghon hatigoran ni patik i sian gogonta sandiri pasti ndang marhasil i. Sai masirapusan do di roha ni Ap.Paulus, adong roha na giot tu pangoloion di patik ni Debata adong muse roha na mangoloi hisap ni daging nang portibi on. Adong partontangan sain lomo ni roha ni Debata tu lomo ni roha ni sibolis i. Tudos songon na ni dok Ap.Paulus di Galatai 5: 17 Ai na maralohon tondi do sangkapsangkap ni daging, jala maralohon daging i do sinangkap ni tondi: Na masialoan do i, asa unang dipasaut hamu pinangido ni rohamuna. Sai marusaha dope gogo ni dosa mangatur manang mengendalikan jolma i di portibi on. Dison ma dipaingot kesadaran ni jolma i tarlumobi halak na porsea asa jaga jala jamot di roha nang pangalahona asa tongtong tudos tu sangkap dohot  lomo ni roha ni Debata.

2)      Sangkapsangkap laho mangulahon hajahaton (Ay.18-20). Dipatutori Ap.Paulus do dirina, na mandok ndang adong sada pe na denggan sian dirina. Diulanghon ma muse i na marlapatan sada pergumulan na hebat doi di ibana. Na mandok niula pe na denggan ndada boi laho pasonanghon rohana. Manghilala do ibana na so marhasil mangulahon na dumenggan diadopan ni Debata na naung mangalehon angka basabasa nang pasupasu di ngoluna. Sai na hurang dope pambahenanna maradophon Debata, ima pergumulanna, jala ndang puas dope rohana disi. Tung diula pe angka nauli na denggan, sada sikap ni hamauliateon ni rohana sambing doi tu Debata, jadi ndang adong apala si banggahononhon disi. Dihilala ibana do naung godang pangalaho hajahaton naniulana nasailaon, adong huaso na mambobani rohana disi. Boban ni dosa i ima teanteanan na sian si Adam (dosa asal). Oleh karena Adam telah ditemukan bersalah dan dia berdosa, maka dosa dan hukumannya (termasuk maut dan kematian) itu menjadi bagian kita juga (Roma 5:12-19). Ada dua alasan menurut Calvin mengapa kesalahan Adam harus dilihat sebagai dosa kita juga. Alasan pertama menyatakan bahwa suku-suku bangsa adalah di dalam Adam dalam bentuk bibit; dengan demikian ketika Adam berdosa, kita berdosa di dalam dia. Alasan lainnya adalah bahwa Adam sebagai wakil kita dan karena itu ketika dia berdosa, kita juga dinyatakan bersalah. Mauliate ma tadok di Tuhanta naung paradehon haluaon sian dosa nang hamatean i di hita jolma marhite Anakna Jesus Kristus, ima na gabe silas ni rohanta asa dapotan hangoluan na saleleng nilelengna i hita. Adong do kehendak bebas dihita jolma (free will) dilehon Tuhan i di ngolunta. Dia ma sipillitonta, kehendak diri sendiri sebebas-bebasnya berbuat dosa, manang kehendak ni Tuhan i na mangatur, menata ngolunta hombar tu patik nang HataNa ? Songon halak na porsea hita, tontu taloas ma Tuhan i na gabe mangarajai ngolunta, ima las ni rohanta. Marngolu na imbaru na manjanghon Kristus Jesus gabe Sipaluana.

3)      Niihotan uhum ni dosa (ay.21-23). Gabe jolma na imbaru ndada holan haporseaonna sambing, alai tudos tu Kristus na gabe pangoloi torus  manorus di pardalanan ningoluna sahat ro di ujungna. Asa disi ma adong hasatiaon ni angka na porsea i, hasatiaon i membutuhkan pelatihan. Molo naeng sehat badanta ringkot do melatih tubuh manang olahraga. Laos songon i ma perbandinganna tu partondion i na nidok AP.Paulus (1 Kor.9:24-27; 2 Tim.4:7). Ringkot do dilatih haporseaon i marhite mangadopi ragam na masa di  ngoluna raphon Tuhan i. Ai soadong na boi sada pe jolma i malua sian masalah, laso songon i do taringot tu dosa, tung soadong do na so mardosa jolma i asing ni Jesus i. AP.Paulus pe sian mula ni suratna mandok ai ndang adong na boi maluaa sada pe jolma i sian dosa. Ndang adong sada pe na patut dipalua molo sian diri ni jolma i.Sai jotjot dope berpotensi jolma i madabu tubagasan dosa, ala ni dosa i do jolma mangulahon hajahaton. Ana ni iAp.Paulus mandok di Galatia 5:24 Alai angka na ginomgoman ni Kristus Jesus, diparsilangkon do dagingna rap dohot angka hisaphisap dohot sangkapsangkap. Taparsilanghon ma hadagingonta marhitehite huaso ni Kristus Jesus i, asa margogo hita mangalo dosa i, ai sai masa do partontangan i di bagasan rohanta. Boi do angka na targoar pangula ni huria, manang na jonnok tu Tuhan i gabe madabu tu dosa, ala memang sai margogo do jolma i mangelaela hita, ala nii unang gabe tarlalap hita, lengah ndang jaga tu bujuk rayu ni dosa i. Unang ma adopi sandiri marhite gogom sambing alai patujolohon ma gogo nang huaso ni Tuhanta Jesus i mangadopisa. Manusia lama kita yang masih suka dengan dan takluk dengan hukum dosa itulah yang perlu berubah menjadi manusia baru yang menuruti akal budi yakni hukum Allah melalui kuasa Roh Kudus (band. Kol 3:9-10; Gal 5:17; 1Pet 2:11).

4)      Jesus kristus Napaluahon hita sian dosa (ay.24-25). Gabe siihuthon Kristus nada na gabe sada jaminan di hita gabe malua sian dosa dohot pangalaosion, jala ndang gabe jaminan di hita malua sian hamaolon nang pangunjunan. Sahat ro di hasusuda ni bohalta sai na taperjuanghon do haporseaonta i mangalo dosa sahat ro diujungna. Ido umbahen didok di Pangungkapon 2: 10c; “..... Sai burju ma ho rasirasa mate; dung i lehononku ma tu ho tumpal hangoluan i.” Ai jolma na dangol do hita, na gale, na so margogo. Ndada boi hita mangalo dosa i molo sian hagogonta sambing, ala ni i tapangasahon ma huaso ni Tuhan i, tiop gomos huaso ni Kristus Jesus i naung rade maniop, manogunogu dohot manjagai hita sian nasa hamaolon nang dosa. Naung dipasahat tu hita Tondi parbadia, tondi hagogon, ndada tondi hatahuton, asa margogo ma halak na porsea jala togu haporseaonna mandalani angka ariari ni ngoluna.

 

 C. Sipahusorhusoron

1. Panggora ni roha; Hati Nurani adalah salah satu bagian penting dalam diri manusia. Setiap manusia dianugerahi Tuhan hati nurani. Hati nurani adalah media Tuhan dalam mewahyukan diri-Nya. Kata ‘hati nurani’ dalam bahasa Yunani, yaitu ‘suneidesis’, memiliki arti harfiah ‘persepsi bersama’ (co-perception). Ini adalah persepsi seseorang bersama dengan dirinya sendiri. Kata ‘suneidesis’ dalam berbagai bentuk muncul sebanyak 30x dalam Perjanjian Baru. Ini berarti, Alkitab banyak berbicara mengenai hati nurani.  Sebagian orang mungkin tidak menyadari tentang keberadaan hati nurani, tetapi kita ingin menjadi orang-orang yang menyadari keberadaan hati nurani ini sesuai yang Firman Tuhan katakan. Karena hati nurani adalah sebuah kesadaran (awareness) maka hati nurani akan mengimbau kita untuk melakukan apa yang kita percayai benar dan menahan kita dari perbuatan yang kita percayai salah. Hati nurani berfungsi sebagai alarm dalam diri manusia. Jika kita akan melakukan dosa, hati nurani akan mengingatkan. Seolah-olah ia berkata, “Jangan lakukan itu!” Akan tetapi kalau peringatan hati nurani ini selalu kita tepis dan kita tetap melakukan dosa, maka lama kelamaan suara hati nurani ini akan semakin tidak terdengar. Sama halnya dengan dosa, ketika berulang-ulang dilakukan, maka hati nurani kita lama kelamaan akan menjadi tumpul (mati rasa). Kita akan kehilangan kepekaan untuk mendengarkan suara Roh Kudus yang menegur dan memperingatkan kita. Hati-hati, itulah jerat dosa! Waktu pertama sekali kita melakukan dosa, kita merasa takut, jantung berdetak kencang, gelisah dan susah tidur. Namun ketika kita terus menerus mengulangi dosa yang sama, maka perasaan dan pikiran kita mulai menganggap tindakan itu adalah hal biasa. Rasul Paulus dalam Efesus 4:18-19, pernah mengingatkan jemaat di Efesus, agar tidak lagi berbuat dosa. Karena dikhawatirkan apabila mereka terus menerus melakukannya, maka hati nurani mereka perlahan akan menjadi tumpul seperti orang yang tidak mengenal Tuhan. Karena itu, setiap orang beriman harus terus menerus memperhatikan suara yang ada dalam hatinya sendiri. Menjaga hatinya untuk tetap murni. Menjaga hati nurani agar tidak tercemar oleh dosa kembali dan menjaganya secara konsisten.
2. Mansai ringkot do di ngolu on kewaspadaan, jaga di ngoluna. Ragam siula hajahaton di portibi on nang di humaliangta, boi do hita gabe korban manang pelaku kejahatan. Songon kewaspadaan berkendara di jalanan ingkon parrohahononta do angka dalan atik adong lombang, batu, paku manang na arah dalan i dohot rambu-rambu lalulintas asa selamat hita sahat tu tujuan. Laos songon i do pardalanan ni ngolunta mansai bahat do angka na mambahen hita tartait rohanta mangulahon dosa, bujuk rayu si iblis selalu menggoda kita kapan pun kita bisa ditelannya. Songon na nidok si Petrus di Buku 1 Petrus 5:8 Torang ma rohamuna, dungo ma hamu; na maotaot do alomuna, sibolis i, songon babiat na marauang, mangalului sibondutonna.
3. Jadi ingkon dungo do hita, waspada unang gabe tarlalap binahen ni portibi on.
4. Mangadopi hamaolon. Tung pe nidok ingkon jaga, manang waspada, sai na adong do pergumulanta be, jala marragam di ganup jolma. Lapatanna ndang adong sada sian hita jolma na malua sian angka na masa di ngoluna. Na gabe siihuthon Kristus pe ndang gabe jaminan malua sian ragam persoalan. Alai diajari do hita songon halak Kristen asa mampu manaluhon nang mangadopi persoalanta i jala gabe halak na marhamonangan. Asa boi hita gabe halak na marhamonangan i; mate ma hita ala ni dosa alai mangolu di Debata. Ndang loasonta dosa i mangarajai ngolunta marhite na tapangasahon huaso ni Kristus i laho mangadopisa. Nunga talu hamatean, dosa, dohot sibolis i binahen mudar ni Kristus i. Taluhon ma saluhut pergumulanmu marhite mudar ni Kristus i.
5. Topik ni minggunta mandok: “Manghalomohon Patik ni Debata”. Halak na porsea na sai mangasahon huaso ni Tuhan i sai dihalomohon do Patik ni Debata. Ndang marlaba tadok hita porsea jala mangihuthon Kristus hape ndang tahalomohon patikNa. Ingkon sadalan do na mangasahon huaso ni Debata dohot na manghalomohon patikNa. Asa ndada holan pangidoanta sambing sioloan ni Debata alai sai jumolo oloanta jala ulahononta patik nang Hata ni Debata, ima tanda na hita na marbisuk, gabe anak halomoanNa jala  gabe panean Harajaon ni Debata. Amen.

Jamita Evangelium Minggu II Dung Trinitatis – 18 Junii 2023

Marsihohot Mangulahon Hata Ni Debata

Sertia Melakukan Firman Tuhan

2 Musa 19: 1 – 8     

 

1. Turpuk on ima dialog ni Debata dohot bangsoNa di na naeng pajongjong parpadanan Debata dohot bangsoNa. Molo masa partumpolon dohot pamasumasuon na marbagas sai tabege do disungkun: “Antong molo naung sada roham mangoloi saluhutna i, dok ma “olo”. Molo dialusi do “Olo”, ima tanda persetujuan laho marpadan dibagasan parsaripeon i. Di halak Batak pe mansai ringkot do padan. Didok umpasa btaka : “Togu urat ni bulu, toguan urat ni padang: togu nidok ni uhum, toguan ni dok ni padan.” Ido ala marhaha maranggi Hutahaean tu marga sitorus, sitompul tu tampubolon, hutagaol tu aruan. Ima ala ni padan ni ompunta na jolo. Ido alana ndang boi marsiolian simarmata tu saragi: ima ala ni padan (manang di punguan marga parna). Jala didok umpama ni halak Batak do: “Dengke ni sabulan tu tonggina tu tabona; ise siose padan tu rimpurna tu magona”.

Ido na taida di turpuk on, Debata marpadan dohot bangsoNa. Dung di[alua Debata bangso i sian parhatobanon Misir, diboan ma bangso i sahat tu Sinai. Disi ma Debata marpadan dohot bangsoNa i. Tar suman tu halak Batak do nang Jahudi on. Di nasida pe mansai ringkot jala togu do dipadan. Ala ni i do sai jotjot do digoari ugamo Jahudi i songon ugamo Padan (Agama Perjanjian). Laos udut ma i tu hita halak Kristen. I do ala digoari buku na badianta i: Padan  Na Robi dohot Padan Na Imbaru, ala marisihon Padan ni Debata naung dipatulus dibagasan Jesus Kristus jala patulusonNa dope i sahat tu ujungNa.

Songon sahalak baoa na marpadan dohot sahalak boru laho marsaripe, songon i ma Debata di bagasan turpuk on. Debata do na mambuat inisiatip. Jala somal do taida, molo jatuh cinta sahalak baoa tu sahalak boru, sai jumolo do dipatudu holong ni rohana marhite na burju mangurupi, diboan hadiah-hadiah, kata-kata yang manis, pokoknya dipatuduhon ma angka na denggan asa olo si boru. Tar songon i ma Debata laho marpadan dohot bangso Israel. Jumolo do dipatudu Debata holong ni rohaNa tu bangso i. Di ay.14 didok “Huboan hamu hira di atas habong ni pidong rajawali. Taida ma disi angka pambahenan ni Debata tu bangso i. Dung i hira na dilamar ma bangso i marhite si Musa; dok ma tu bangso i, molo olo do nasida, gabe hasiangKu ma nasida, ai Ahu do nampuna sandok portibi on, ima isi ni ay.5-6. Jala di ay.8, dung dipaboa si Musa hata  lamaran i tu bangso i, sude ma bangso i hira na mandok : “Na olo do hami” 

2. Padan ni Debata dohot Sirael di dolok Sinai on ma na pabangkithon bangso Israel gabe bangso ni Debata. Jala laos udut ma i tu hita. Boasa gabe dohot hita, ai so Israel hita ? Ai ternyata gagal do bangso i gabe oroan. Ai laho do bangso i  mangalangkup, berselingkuh manomba angka debata sileban jala manundali Debata Jahowa. Gabe dipajongjong Debata ma bangso parpadanan na imbaru, ima dibagasan Kristus, ima angka halak na porsea di Jesus Kristus. Mudar ni Kristus ma gabe meterai na mensyahkan parpadananta dohot Debata. Sude halak naung tardidi tu bagasan goar ni Tuhan Jesus, ima na gabe oroan ni Kristus. Debata dibagasan Kristus ma  pangoli (mempelai laki-laki), hita na porsea manang huria ma oroan (pengantin perempuan). Ido las ni roha na gabe Kristen (pengikut Kristus), tarlobi halak hita Batak . Sihamauliatehononta do i, tarlobi sundut na umposo, ala olo Debata mamillit hita gabe oroanNa. AI ise hian huroha hita ? Bangso sipelebegu, bangso na terbelakang do, na so adong pola sibanggahononnta. Alai dung dipillit Debata halak Batak gabe bangsoNa, donganNa marpadan, gabe tadai ma hamajuon, tadai ma hadumaon, boi ma halak Batak i mangareak tu sisik ni tano on. Ingkon hamauliatehononta do i, unang adong na lupa disi. 

3. Molo masa parpadanan, ingkion masing-masing pihak na marpadan i do umboto posisina be; aha hak-Na, aha kewajiban-na bee. Ido asa langgeng parpadanan i. Di parsaripeon tangkas do i: Ama i do ulu, ina pangurupi. Ingkon haholongan ni ama do pardihutana, ingkon unduk pardihuta tu sinondukna. Na godang do lupa disi umbahen sursar godang parsaripeon i. Turpuk on pe songon i do. Dipatudu do aha do posisinta molo marpadan hita dohot Debata. Adong beberapa kata kunci di turpuk on na patuduhon i, na mansai porlu ingkon peoponta:

1)      Gabe hasiangKu; sahalak hasian lapatanna na marhasurungan, milik khusus, istimewa di Debata. Molo adong barang hasianta, sai jagaonta do asa unang sega, sai taondingi, sai dirawat asa bagak,denggan dao sian bahaya. Jadi kita adalah milik kesayanagn Allah yang telah dikhususkan untuk diselamatkan melalui AnakNya Yesus Kristus (Yes.43:4 “Oleh karena engkau berharga dimataku, dan mulia, dan Aku ini mengasihi engkau”). Kita begitu berharga, sampai-sampai Pencipta alam semesta ini merelakan Anak-Nya yang tunggal untuk turun ke dunia demi mencari kita dan mati di kayu salib bagimu. Seperti gembala yang menemukan dombanya yang terhilang, atau wanita yang menemukan kembali dirhamnya dan kemudian memanggil sahabat-sahabat serta tetangganya untuk bersukacita bersama, demikianlah sukacita yang meliputi surga ketika Tuhan mendapatkanmu kembali dalam pelukan-Nya (Lukas 15:4-10). Percayalah dan ketahuilah, terlepas dari apa pun yang kamu rasakan tentang dirimu sendiri, kamu sungguh berharga. Tajaha di Johannes 3: 16; holong ni Debata do na umbalga sian saluhut, dipalua do hita sian dosa marhite AnakNa Jesus Kristus i. Molo songon i  arganta di Debata, kewajibanta ma ingkon mamalos holongNa i. Ima marhite holong ni rohanta, natarida di:

Ø  Hasatiaonta laho mangihuthon Jesus Kristus Sipalua hita. Unang be tahaholongi na asing, asing ni Tuhan Jesus (Patik I, II)

Ø  Gabe pangoloi- Taat, songon oroan na unduk tu pangoli, taoloi jala taulahon ma na hinalomohon ni roha ni Debata tu hita. Na gabe persoalan ima hita jolma do na so sadar, torop do halak na hurang manghargai dirina nang halak. Ditait tu halangulu, sai laho hita tu talaga. Aigodang do halak Kristen na mambahen dirina gabe so mararga, marhite pangalaho na so raja, panghataion na so marpaho (beradat, sopan santun, ahklak). Laos i ma na mambahen gabe godang hita na so mangargahon halak na asing; ido ala sai adong halak mamastapi ianakhonna, mamastapi pardihutana, palealeahon natoras, simatuana dohot donganna. Ingot, kita adalah milik Tuhan yang sangat berharga, ala ni i, argahon ma dirim, argahon donganmu.

2)      Hinaarganta molo gabe milik ni Debata; dipabangkit gabe harajaon hamalimon (ay.6), dipabangkit hta gabe parhalado ni Debata. Ulaon ni malaim ima menghubungkan jolma tu Debata. Dung gabe bangso ni Debata hita, boi ma hita langsung berhubungan dohot Debata, so pola marhite halak na asing. Tarlumobi dungkon dipaimbaru Debata padan i dibagasan Jesus, molo tajaha di 1 Pterus 2, 9, dipabangkit do hita gabe hamakimon na raja (imamat Rajani). Lapatanna, sude hita boi langsung berkomunikasi, manghatai, martangiang, jala pasahat pelean tu Debata. Ndang pola adong perantara. Ala ni i do, sude do angka na porsea gabe malim. Ndada holan Sintua, Pandita, Guru Huria, Biblevrouw, manang Diakones. Sude do, ai malim/parhalado doo ama nang ina dohot sude keluarga; tumua tu angka na umposo. Persoalan, ise dope na mangulahon i ? unang lupa disi, ai kehormatan do i na tajalo sian Debata. Sude ma hita mangulahon i.

3)      Molo gabe bangso ni Debata hita, dipabangkit ma hita gabe bangso na badia (kudus), marlapatan na pinapulik, na dishusukan, asing sian na asing. Lapatan ni i, molo dung bangso ni Debata hita, ndang dos be hita dohot na asing. Ndang dos be hita dohot portibi on. Ala standar kehidupanta perilakunta di hita ndada be portibi on, alai Debata do, “unang sarombang hamu dohot portibi on” ninna di Rom 12:2. On ma nueng gabe persoalan na balga di halak Kristen di sandok portibi on. Nunga mansai maol be tabedahon, dia do halak Kristen, dia do na so halak Kristen. Nunga samak sude. On ma na ginoaranna bahaya konformismus, conform, ikut-ikutan, terlarut, menjadi sama dengan dunia. Nunga gabe songon nidok ni halak Batak : “Eme na masak digagat ursa, ia i na masa, ima niula’. Diula halak korupsi, dohot halak Kristen korupsi. Diula halak manangko, manipu, mangotootoi dohot halak Kristen disi. Diula halak menyuap asa lulus sikola dohot karejo, dohot hita disi.

4)      Bangso na badia do hita, napinapulik ni Debata. Asa unang hita sarombang dohot portibi on. “Diportibi on do hamu, alai ndang sian portibi on hamu,” ninna Tuhanta Jesus di Johannes 15. Ala ni i, halak Kristen ingkon barani tampil beda, barani gabe manusia aneh ala dumenggan, ingkon andul dumenggan sian halak na asing. Marbadai halak an, unang dohot hita marbadai. Manangko disan , unang dohot hita manangko di huria. Bangso na badia, ima na pinapulik, na asing, ndang sarupa, ndang sarombang dohot portibi on

5)      Ima hak Istimewa na dapot hita molo gabe bangso ni Debata hita. Ndang adong dilehon keistimewaan na songon i di ugamo na asing. Itu yang luar biasa. Ala ni i ytung tahauliatehon ma. Songon na marsaripe nangkin, dungkon adong hak, ingkon adong ma kewajiban. Dison pe, didok Debata do kewajiban nia ngka na olo gabe bangso ni Debata. Dia ma i : ingkon taat. Di ay 5 didok “Molo ditangihon hamu soarangKu, diradoti padan na hubahen i.” Ala ni i sipatupaonta songon halak na porsea hita ima:

ü  Taat; unduk, sipangoloi (obidient); songon sahalak istrik untuk tu suamina. Alai ndang gabe hatoban. Alai unduk dibagasan hahormaton do songon si Abraham, na unduk tu na nidok ni Debata.

ü  Marpos ni roha, mandok: sai na dumenggan do lehononMu tu ahu, songon si Maria na mandok : “Sai saut ma tu ahu songon nidokMi”.

ü  Hasatiaon, haposan. Ndang adong na marpangalensem, gabus, unang hita na mambahen marangkup Debata. Unang mambahen debata na asing di ngolunta.

ü  Marparangehon pangalaho halaomoan ni roha ni Debata. Mangulahon lomo ni roha ni Debata hombar tu patik nang hataNa ima haholongon i, na gabe parbue ni Tondi di hita.

 

D. Topik ni minggunta ima: “Marsihohot mangulahon Hata ni Debata”. Tandaon do hita halak batak sian rupa, bohinta nang parangenta. Tarlumobi ma hita Kristen Batak, sai tandaon do sian duru pe nunga pasti halak Kristen Batak i. Songon pandohan na deba halak; tandaon do hau sian parbuena laos songon i ma tandaon ni halak do hita halak Kristen Batak sian parbuenta ima parange, pangalaho, nang pambahenanta). Lapatanna halak Kristen i tandaon ni halak do sian pambahenanna. Asa marhite na mangulahon Hata ni Debata gabe hasomalan di bagasan ngolunta “habitual action” na mararti di lingkunganta. Marsihohot mangulahon Hata ni Debata ido na rumingkot sian na holan teori manang holan hata sambing. Asa lam malo sahalak sarjana di parbinotoanna i, ringkot so na ginoaran praktek (praktek lapangan). Molo soada praktek, holan teori, ndang marguna jala ndang  marlapatan parbinotoan nang titelna i. Laos songon i ma haporseaonta i tu Tuhan indang adong gunana holan haporseaon, manang parbinotoan sambing tabahen Hata ni Tuhan i, Asa marlapatan tu halak, ringkot do diulahon, dipraktekhon manang istilah NATO ( No Action, Talking Only) ; ndang pambahenan holan hata do. Manang ise pe molo sai holan hata do tapandohi ndang tajarhon cara nang pambahenan, boi manghorhon kekecewaan, dan ketidak percayan orang kepada kita termasuk keluarga –anak-anak kita. Tampilkanlah imanmu itu melalui perbuatanmu, melalui perkataanmu, melalui sikapmu, dan tunjukan karaktermu adalah karakter orang yang memiliki iman yang luar biasa (Jakobus 2: 14-17).

Tatiru ma Tuhanta Jesus Kristus i na satia, pangoloi jala mangulahon lomo ni roha ni Ama i sahat tu hamamatena di Hau pinarsilang i- didolok Golgata. Asa hehe ma Ibana di ari patoluhon, jala nunga manaek tu surgo i. Hasatiaon nang haunduhon ni Jesus marparbuehon – hasil na luarbiasa. Jala songon i ma hita siihuthon Kristus i, asa sai tongtong satia mangulahon lomo ni roha Ama i, asa dapot hita tumpal hamonangan i. Songon na  nidok : “Hendaklah engkau setia sampai mati, dan aku akan mengaruniakan kepadamu mahkota kehidupan.” – Wahyu 2: 10b. Amen.

Jamita Evangelium TRINITATIS (Hasitolusadaon ni debata) – 4 Juni 2023

Debata Sitolusada Panompa Saluhut Nasa Na Adong  

Allah Tritunggal Pencipta Segala Sesuatu

1 Musa 1 : 1-2, 26-28    

 

A. Tahaporseai do ia hangoluon on ndada na tartompa songon i, manang sian angka proses songon na hinatindanghon angka parbinoto manang angka ahli ilmuan manang holan na kebetulan adong. Alai porsea do hita naung adong do na manompa i saluhutna ima sian Debata. Debata na so tardodo ni roha nang pikiran ni jolma, Ibana ma Debata na papatarhon diriNa tu jolma na tinompaNa i. 2 Musa 3: 14 Dung i ninna Debata ma tu si Musa: Ahu nuaeng Ahu sogot. Dungi i Jesus pe mandok taringot tu diriNa : “Ahu do dalan dohot hangoluan”, “Ahu do roti hangoluon i”, Ahu do hatiuron i”. Na marlapatan Ibana do Debata na papatarhon diriNa tu saluhut jolma. Dihalomohon Debata do asa hita jolma natinompana i mananda Ibana Sipanompa i, na mangaramoti, napaluahon na marmudumudu parngoluonta. Tahaporseai do Tuhanta na bonar i mangolu dibagasan Tuhanta Jesus Kristus.

 B. Sian turpuk on boi idaonta parasingan ni hita jolma na tinompaNa sian na asing na tinompaNa i. Isarana:

1)      Jolma i ditompa tumiru rupa ni Debata.

2)      Ditompa do jolma i marhite cara na marasing. Molo angka na tinompa i, didok Debata do HataNa: “Jadi ma na tiur.., “Jadi ma hajanghajang”. Alai molo manompa jolma i didok Debata do: “Tole ma, itatompa ma jolma, tumiru rupanta, tudos tu pangalahonta,”

3)      Ditompa do jolma i asa mangarajai angka na tinompa i.

Dison ma boi berengonta parsaoran ni Debata dohot hita jolma. Jala lam dao umbagas muse parsaoran ni jolma dohot Debata marhite Jesus Kristus Anakna i. Songon na nidok Hata ni Debata di Johannes 3:16 "Ai songon on do holong ni roha ni Debata di portibi on, pola do Anakna na sasada i dilehon, asa unang mago ganup na porsea di Ibana, asa hangoluan na salelenglelengna di ibana.” Sian on boi botoonta sai diparrohai Tuhanta i do hita jolma i, asa pola sahat Ibana laho paluahon hita sian dosa nang hamatean na pinarsilanghon Ibana di hau pinarsilang i, di Dolok Golgata i.

Diida Debata do mansai uli jala denggan na tinompaNa i, jala porsea do hita angka na tinompaNa i mansai uli jala denggan sude. Suang songon i ang hita sude ai didok do di Efesus 2: 10  Ai jadijadianna do hita, angka na tinompa di bagasan Kristus Jesus, asa marulaon na denggan hita; ai angka i do dipature Debata hian, asa taparangehon i. Asa tudos dohot na nidokNa i di Markus 16:15 Jadi ninna ma mandok nasida: Laho ma hamu tu liat portibi on; jamitahon hamu ma barita na uli i tu nasa na tinompa.

C. Ndada holan na manompa Tuhan i alai hot do Ibana mangaramoti angka na tinompaNa i huhut mangalehon tugas tu hita laho mamaritahon Barita na Uli i tu sandok portibi on. Dipasupasu Tuhan i do hita asa marpinompari manggohi saluhut portibi on. Didiape hita maringanan, aha pe ulaonta, manang boha pe keadaaanta, angka na tinompa ni Debata do hita na ummuli, naung diparade hian do hita laho patupahon angka ulaon asi ni rohaNa di tongatonga na tinompaNa. Saluhutdo hita masterpice ni Debata (tiada duanya). Asa ndanga dong na dos jolma na tinompa ni Debata. Asa di portibi on mambedahon hita jolma secara teliti ima sian sidik jari (finger print), nang pe adong mirip ni jolma bohina 7 halak di portibi on ninna angka na deba jolma, alai ndang adong na dos. Ima kehebatan ni Debata na manompa hita jolma. Asa unang adong halak na metmet rohana, gabe didok rohana “ise ma ahu on”, ai ndang manang ise iba”, aha ma na boi sibahenonhu?”. Ingot ma hita saluhut manisi an tinompa ni Debata berpotensi laho mambahen angka perubahan nang angka dampak na uli na denggan di lingkunganna be. Lobi sianna tatagam nang dipikiranta be, tudos na nidok Tuhanta di “Yesaya 43: 4 Dibahen na arga do ho huida”. Bereng ma angka sisean ni Jesus i, angka na metmet do diida portibi on: si jala dekke, sijalo beo, dung dijanghon nasida panjouon ni Jesus i, gabe angka halak na dipake Tuhan i do nasida manguba parngoluon na di portibi on.

 D. Saluhut do hita jolma dipasupasu Debata, jala dijou do hita asa gabe pasupasu tu saluhut jolma na tinompaNa. Jala marasing be do hita di tompa, ala ni i unang ma tapasiding i, tapargunahon ma kelebihanta tu rencana nang sangkkap ni Tuhan i di hita. Ai dilehon Tuhan i do di hita tingki parasian on manang didia pe hita maringanan. Naung diparade Tuhan i do di hita angka ulaon na denggan asa taulahon, unang ma tasungkun i be, alai pangoloionta laho dipake Tuhanta. Ima alusta di na tinompaNa i hita marasing be. Alai molo marisuang do tabahen parngoluon on na holan mangaradoti na di dirinta be, nang hasonanganta be, gabe dos ma hita tu na tinompa na asing i.

E. Tahalashon ma Debata sitolusada sitompa saluhut, sada do Debata dohot Jesus nang Tondi Parbadia na sian mulana i, andorang so ojak dope portibi on. Yesus sudah ada dan akan ada hingga kekekalan, na so marmula jala na so marujung. Debata do Ibana na dos dohot Debata, “Sebab seluruh kepribadian Allah berdiam pada Kristus” (Kolose 2: 9). Jesus ima Debata, Firman naung gabe daging, Anak ni Debata (Joh.3: 16) dos songon hita jolma. Asa marhite i, dipasaut Debata sangkap haluaon naung leleng direncanahon Debata, ima laho paradehon haluaon di jolma naung mardosa.

 F. Dibagasan Jesus boi ditanda jolma Debata Ama i. Jala dipatangkas Jesus ma i di Mat.11: 25-27. Jala didok Jesus muse di Johannes 14: 10-11 Ahu di bagasan Ama i jala Ama i di bagasan Ahu....... Di bagasan Ama i do Ahu dibagasan Ahu do Ama i”. Ima na so tarjalo torop sian halak Jahudi, nang angka jolma di partingkianta on. Ai diroha nasida ndang mungkin Debata boi gabe jolma, ndang mungkin kekal boi gabe jolma na-fana. Hape ndang diingot nasida Debatanta i ima Debata sitompa saluhut, ima Debata pargogo na so hatudosan. Ndang adong na so tarpatupasa. Jala lupa nasida di panurirangon ni si Jesaya bindu 55 mandok: “tung songon dao ni langit dohot tano  do parbinotoan ni jolma dohot Debata. Tung so tardungdung pikiran ni manang ise do pikiranNa, jala na so habogasan do angka dalanNa." Ai Debata do Ibana.

G. Pada hari ini Gereja merayakan hari raya Tritunggal Mahakudus. Perayaan ini adalah bagian inti dari iman Kristiani. Kita percaya pada satu Allah dengan tiga pribadi yang berbeda, yaitu Bapa, Putra dan Roh Kudus. iman akan Tritunggal Mahakudus adalah iman akan satu Allah. “Hanya Tuhan Allah di langit dan di bumi, tidak ada yang lain” (Ul 4:39). Namun, Allah yang tunggal itu terdiri atas tiga pribadi, yaitu: Allah Bapa (Pribadi pertama), Allah Putra (Pribadi kedua), dan Allah Roh Kudus (Pribadi ketiga). Ketiga pribadi tersebut merupakan satu kesatuan (Yoh 5:7). Yesus menunjukkan persatuan yang tak terpisahkan dengan Allah Bapa, “Aku dan Bapa adalah satu” (Yoh 10:30); “Barangsiapa telah melihat Aku, ia telah melihat Bapa…” (Yoh 14:9). Allah Bapa sendiri menyatakan bahwa Yesus adalah Anak-Nya yang terkasih, yaitu pada waktu pembaptisan Yesus (Luk 3:22) dan waktu Yesus dimuliakan di atas Gunung Tabor (Mat 17:5). Selain menyatakan kesatuan-Nya dengan Allah Bapa, Yesus juga menyatakan kesatuan-Nya dengan Roh Kudus, yaitu Roh yang dijanjikan-Nya kepada para murid dan disebut-Nya sebagai Roh Kebenaran yang keluar dari Bapa (Yoh 15:26). Roh Kebenaran ini adalah Roh Yesus sendiri, sebab Ia adalah Kebenaran. Yesus menegaskan kembali pada pesan terakhir-Nya sebelum naik ke surga, “…Pergilah, jadikanlah semua bangsa murid-Ku dan baptislah mereka dalam nama Bapa dan Anak dan Roh Kudus…” (Mat 28:18-20).

Kesatuan Bapa, Putra dan Roh Kudus yang adalah tiga Pribadi Allah yang Tunggal, didasari oleh kasih yang sempurna demi keselamatan manusia. Karena kasih-Nya yang begitu besar, Allah Bapa menciptakan manusia dan menghendaki agar manusia ciptaan-Nya itu selamat. Kenyataannya, manusia jatuh ke dalam dosa yang menyebabkan kematian dan manusia tidak dapat mengatasinya. Namun, kasih Allah tetap berlaku. Ia tetap menghendaki keselamatan bagi manusia. Oleh karena itu, Bapa mengutus Putra-Nya, Yesus Kristus, untuk menebus manusia. Melalui kematian dan kebangkitan Yesus, Sang Allah Putra, terlaksanalah karya penyelamatan umat manusia. Sesudah Yesus bangkit dan naik ke surga, diutuslah Roh Kudus untuk meneruskan karya keselamatan Allah dengan membimbing peziarahan hidup kita menuju keselamatan abadi.

Oleh karena itu, merayakan Tritunggal Mahakudus berarti merayakan dan mengalami misteri kasih Allah yang Tunggal demi keselamatan kita. Karya keselamatan itu, direncanakan dan dikehendaki oleh Allah Bapa, dilaksanakan oleh Allah Putra, dan diteruskan serta dijamin oleh Allah Roh Kudus. Demikianlah, ketiga pribadi Tritunggal mewahyukan Diri masing-masing dalam tugas yang dapat dibedakan namun tidak dapat dipisahkan karena ketiganya merupakan satu kesatuan. Amin.

Jamita Partangiangan (Epistel) Minggu Trinitatsi (Hasitolusadaon ni Debata) 30 Mei 2023

Debata Sitolusada Panompa Saluhut Nasa Na Adong

Allah Tritunggal Pencipta Segala Sesuatu

 Ev.: Mateus 11: 25 – 27                            Ep.: 1 Musa 1: 1 – 2, 26 – 28 

 

1)      Tuhanta Jesus nunga adong sian mulana i rap dohot Ama i, andorang so adong dope saluhutna. Yesus sudah ada sejak kekekalan, dan akan ada hingga kekekalan, na so marmula jala na so marujung. Debata do Ibana, na dos dohot Debata (Kol.2:9), na boi bandinghononta sian epistel i 1 Musa 1: 1 – 2, 26-28, marhite Hata (firman) dijadihon Debata. Joh.14:10-11 sada do Jesus i dohot Debata; John1:1,14, hata i sian Debata jala gabe daging; ima Jesus i. Jesus ima Debata, Hata ni Debata naung gabe daging i ma na so tarjalo halak Jahudi, ima angka sibototsurat, parise, saduse dohot angka pangituai nasida. Hape Debata pargogo na so hatudosan ni manang aha pe, so boi tardodo roha nang pikiran (bnd.Yes.55; 8-9 Sebab rancangan-Ku bukanlah rancanganmu, dan jalanmu bukanlah jalan-Ku, demikianlah firman TUHAN. Seperti tingginya langit dari bumi, demikianlah tingginya jalan-Ku dari jalanmu dan rancangan-Ku dari rancanganmu.) Ditamondinghon (disembunyikan) do sian angka halak jahudi naso mangantusi hadirion ni Jesus na sai mangasahon utokutok, pikiranna sandiri, na merasa dirina na pistar jala margogo dietong portibi on. Alai dipapatar do i diangka na pogos, na lea, na so diparrohahon halak Jahudi na digoari pardosa (siondihonhon), ima na manjanghon Jesus i.

2)      Pangungkapon ni Debata na pinasahat ni Kristus tu siondihononhon; na boi antusan ni angka halak na marserep ni roha songon parrohahon ni dakdanak manang angka halak na pogos, ima angka na pogos di adopan ni Debata na si marsigantung tu Debata. Saurdot tu na pinasahat ni Jesus di Jamita Dolok Matius 5: 3 Martua ma na pogos tondi, ai di nasida do harajaon banua ginjang i! Hata ‘pogos’ (miskin) dison marharoroan sian hata Gorik:“ptokos” yang berarti orang yang tidak dapat bertindak apa – apa dari dirinya sendiri. Ini mencakup baik jasmani maupun rohani. Jadi sian hata ‘pogos’ diadopan ni Debata na marhahonaan tu pangantusion:

 

a)      Naparjolo: na pogos diadopan ni Debata na marlapatan; na mambahen Tuhan i na tumimbo sian saluhut. Tuhan nampuna nasa na adong. Paruntungan, angka keberhasilan, nang kesuksesan na tajalo i, dimanang aha pe ulaonta ima ala na dohot do Tuhan i manumpak pasupasuNa. Hamoraon, arta, pangkat, jabatan, hahipason nang hagogoon ima siala ni asi ni roha ni Debata sambing. Na ringkot taulahon ima mandok mauliate jala mangkirim tu Debata. Na pogos di adopan ni Debata ima na mambahen hita mangokui naso tama dirinta, jala ingkon masrigantung tu asini roha ni Debata do hita. 

b)      Napaduahon, Pogos diadopan ni Debata lapatanna, ndang mangalehon inganan dirohanta angka arta i ia so holan haholongon ni Tuhanta i. Holong ni Tuhan i ima hamoraon na so olo marsik, na so olo suda. Boi do sega usaha, bisnis bangkrut, usaha macet, harugian, ndang laku tigatiga, madesu-masa depan suram, alai molo hot do maringan haholongon ni Tuhan i di hita sai hot do hita mamora. Sagodang godang ni hepeng nang arta holan boban do i di ngolunta molo so mardongan haholongon. Amsal 15:17 katakan : “Lebih baik sepiring sayur dengan kasih daripada lembu tambun dengan kebencian”. Jadi pogos di adopan ni Debata ndada na marlapatan ndang so boi hita marhepeng manang mararta. Boi do hita marnampuna hepeng alai unang gabe marroha hepeng. Na boi do hita mararta alai ndanda gabe hatoban ni arta i hita. 

c)      Napatoluhon; pogos di adopan ni Debata lapatanna tongtong marsihohot tu parngoluon ndada tu diri sandiri alai tu parngoluon na dihumaliangta. Asa ngolunta on manghorhon na denggan na positif tu angka halak. Asa marhasonangan ndada sian na adong didirinta i manang na boi tatuhor alai boha do sikapta tu Tuhan i dohot tu halak na dihumaliangta. Diangka sisongon i ma na boi hita goaron na marnampunahon Harajaon ni Debata. Ala ni i dijou do hita asa marserep ni roha jala pogos di adopan ni Debata, na olo tumangihon dohot manjalo pangajarion haporseaon songon na niajarhon Kristus dohot angka apostelNa. 

3)      Uju disihaeteetehonta, sai diajarhon natorasta do hita asa tongtong mandok mauliate di angka naung tajalo di ngolunta sian angka halak. Mandok mauliate boi tandaon sian panindangionta di silehonlehon na nuli na denggan na tajalo i. Alai sipata roha maulate i sai dianggap dope biasa, manang keterpaksaan mandok mauliate. Sian turpuk on diajarhon Jesus do hita mandok mauliate. Sian on boi hita marsiajar piga-piga pangantusion: 

a)      Asa molo tajonohi Debata marhite tangiang nang endenta, sai tabereng ma Debata Ama i, marhaposan ma tu Ibana ndada holan na manjalo asini rohaNa, alai dohot ma na mandok mauliate disiala asi ni rohaNa na naung tajalo i. Di namamuji i hita, asi ni roha na tadai mansai tonggi jala marhuaso laho paluangkon rohanta, molo jinalo songon tanda ni holong ni Ama i songon pangalehonon ni tangan ni Ama i; mandok mauliate ma tu Ama i. Songon angka anak hita sai mandok mauliate ma hita tu Ama i.

b)      Napaduahon, molo ro hita mangadop Debata Ama i, ingot ma hita Ibana ma Tuhan na marhuaso di langit nang di portibi on. Siala ni i ma na mewajibhon hita ingkon pasolhothon diri tu Ibana marhite roha na unduk jala serep marroha. Ndada holan na unduk jala serep marroha dohot hormat lai dohot do disi manghaposi Debata na marhuaso na boi mangulahon nasa siulaon di manang aha pe na ringkot di parngoluonta. Siala Ibana ma Debata na mangondingi hita sian nasa hajahaton jala na mangalehon di hita angka na uli na denggan. Kristus. 

4)      Ganup na porsea sai sihol rohana asa rap pajumpang dohot Debata, Sitompa Langit dohot Tano on. Alai adong do hatop marroha, alai adong do na so mangantusi sihol ni roha i. Jolma na masihol mulak tu Panompana, bona ni ngolu dohot tujuan ni sude ngolu. Sihol ni roha i ma na margogoihon jolma i asa tongtong mangantusi lapatan ni parngoluonna. Saluhut pardalanan ni ngolu ni jolma i sai marlapatan do i. Saluhut jolma sai masihol do laho sada dohot Tuhan i, salai sipata jotjot do sala mangantusi jolma i, gabe lari sian adopan ni Debata.

5)      Mangalului jala manjumpangi Debata na gabe ulaoon na torus dipamasa angka jolma. Alai adong na mangasahon gogona marpikir jala holan perasaan manjumpangi Debata. Alai ndang sae holan pikiran ni jolma i dipangasahon asa mangantusi taringot tu Debata alai dohot do haporseaon na polin. Ibana ma na songkal na mansai timbo laho nangkohan, na mansai bagas laho dilange i, na pabidanghu laho ni dalanan. Alai nangpe songon i, Debata na Marhuaso i mangaloas hita jolma laho mananda Ibana. Marhuaso manjonohi manisia i, alai manisia i ndang margogo mangadop Ibana. Ala ni ima dilehon AnakNa na sasada i laho manjumpangi hita joma pardosa on. Marhite Anakna Jesus Kristus i, boi ma hita jolma mangantusi, mandok sidohononta, jala manghaporseai na mian do Debata di pardalalan ni ngolu ni hajolmaon. HajongjonganNa mangatasi saluhut. Asa haporseaonta dibagasan Jesus Kristus na gabe tanda haporseaonta di Debata Ama i. Mangihuthon Ibana lapatanna mangihut Debata marhite haporseaon na togu na tinogutogu Tondi Parbadia. Hasitolusadaan ni Debata ndang tardodo roha nang pikiranta. Asa unang ma tapangasahon pikiranta mangantusi hasitolusadaon i (trinitatis), nang pe torop do na di duru ni huria na so sahaporseaon dohot hita manungkun i. Ndang sipikiran Hasitolusadaon i, alai ni haporseaon do. Ditamondinghon doi tu angka na so porsea. Sai tapangasahon ma Tondi Parbadia mangurupi hita mangantusi di haporseaon hasitolusadaon i. Amen.

Jamita Evangelium Minggu PENTAKOSTA I ( Pesta parjolo parningotan ari Hasasaor ni Tondi Parbadia) – 28 Mei 2023

Jangkon Ma Tondi Parbadia

Johannes 20 : 19 – 23     

I. Patujolo

Turpuk on ima parjumpangan na parjolo ni angka sisean i dung hehe Tuhan Jesus. Boi do tahilala biar ni roha nasida. Nunga mate uluan na mansai diandalhon ja na dibanggahon nasida. Ima mambahen mansai mabiar nasida. Hape di na laho nasida tu tanoman i, ndang jumpang nasida be bangke ni Jesus disi. Dung i, nunga mulai ditangkupi angka dongan nasida, ai nunga dibahen angka Sintua ni Malim barita laho manghuphupi hasintongan, na mandok; na ditangko sisean i do bangke i (Mat.28:13). Dibiar na sumalin i gabe marpungu ma angka sisean i di sada inganan jala mansai momos dihunsi.

Alai disituasi biar i ma ro Tuhanta Jesus. Ima mamboan perubahan na drastis di nasida.

 II. Hatorangan

Adong ma putihonta manang piga piga sipeoponta:

1)      Kehadiran ni Jesus ditongatonga ni biar ni roha diangka siseanNa. Nunga didok Jesus mulana: “Sai dongananKu do hamu ganup ari rasirasa ro ajal ni hasiangan on. Ala ni i, Pandohan on paposhon rohanta mandok: ndang hea ditadinghon Tuhan Jesus hita. Diboto do di dia hita, diboto do n ang kondisi ni ngolunta. Uju mabiar jala bobos, unang hita mabiar, hatop do ro Jesus mandongani hita. Ndang pola maol di Jesus ro manopot hita, ai na boi do Jesus ro nang uju tutup pintu i, nang pe hira na so adong be dalan masuk dohot dalan haruar. Ndang pola dituktuk, ndang pola disegai, alai tompu do Ibana ro. Ala ni i unang mabiar hita, ima sada sitiopan na togu di hita di haheheon ni Jesus i.

2)      Tutu do hehe Jesus i, jala Jesus do na hehe i, las ma roha ni sisean i, alai ra mardongan “biar” dohot keraguraguan. Songon hita do i, autsugari adong tondongta naung tataruhon jala tatanom tu udean, hape tompu ro tu jabunta, sude do ra hita maringkati, mandok: begu, ate! Ala ni i ma pintor dipangkulingi Jesus nasida, didok ma: Dame ma di hamu (ay.19c). Nunga diida nasida bentuk tubuh ni Jesus; asa lam gomos, dipatubegehon Jesus ma soaranNa. Alai ndang olat ni i, asa lam paposhon roha ni sisean i, “dipatuduhon Jesus ma nang tanganNa dohot andoranNa tu nasida” (ay.20a). Dungkon i ma didok: gabe las ma roha ni angka sisean i, ala naung diida nasida Tuhan i” (ay.20b). Ima patuduhon jala meyakinkan nasida nang hita saonari, paboa na tutu situtu do naung hehe Jesus i. Jala ndang halak na asing na patuduhon diriNa, alai Jesus do. Unang be adong keragua-raguanta taringot tusi, nang pe sagat tu saonnari, sai adong do halak na “menyangkal (manulak) hasisintong ni haheheon ni Jesus i. Tapeop jala tahaporsea i ma tutu do hehe Jesus i. Kepastian na songon i do mambahen hita boi mar las ni roha. Jala di kepastian na songon i do dipajongjong Jesus haporseaonta (pat.1 Kor.15,14). Halak na tutu porsea naung hehe Jesus i, muba ma biar ni rohana gabe las ni roha.

3)      Alai, ndang ro dope disi si Tomas. Dung dipaboa donganna peristiwa nangkin tu si Tomas, didok ibana ma: na so tupa porsea ahu, molo so huida di tanganna i bogas ni labang i, laos dijama jarijaringku bogas ni labang i, jala ia so dijama tanganku andoranNa (ay.25b). Memang, maol do haheheon i dijalo ankal sehat. Jala i ma kesulitan ni si Tomas, songon torop halak na so porsea bahkan na menyangkal haheheon ni Jesus i. Alai, didok na pistar: Untunglah kebangkitan itu sulit diterima akal supaya nampak kehebatan, kebesaran dan keluarbiasaannya. Karena kebangkitan itu bukan untuk diterangkan atau dijelaskan melainkan menerangkan dan menjelaskan. Kehebatan kebangkitan bukan untuk diselidiki oleh akal manusia tetapi untuk dirasakan. Perbuatan Tuhan mealui kebangkitan bukanlah untuk diselidiki kedalamannya tetapi untuk dirasakan, diresapi, dinikmati. Karena dalam peristiwa kebangkitan, Allah melalui Alkitab tidak memberikan hal-hal tehnis. Tetapi bagi kita disuguhkan hanya ketaatan dan fakta bahwa Kristus telah bangkit. Tomas mencoba memakai akal/rationya, sehingga dia menjadi orang yang pesimis. Yesus meminta kita percaya saja, iman bukan soal apa yang dibuktikan, atau apa yang bisa dilihat, dijamah. Dalam Ibrani 11: 1 mengatakan: “Iman adalah dasar dari segala sesuatu yang kita harapkan dan bukti dari segala sesuatu yang tidak kita lihat” (pos ni roha do i di angka sihirimon jala pamotoan na tontu taringot tu angka na so diida). Ido umbahen didok Jesus tu si Tomas dohot sisean i: “Martua ma na porsea atik pe so diida Ianggo naung niida ndang pola ringkot haporseaon. Karena itulah Iman itu lebih penting dan lebih berguna dari segala-halanya.

4)      Tomas, mulana shalak na so porsea, pola gabe goar sieheteheton goarna ( molo adong dongan na maol porsea, jotjot do tadok: “Botul do si Tomas ho”. Alai sasintongna, ibana ma sahalak na mempertimbangkan segala sesuatu dengan masaka-masaka, dia benar-benar menggumuli. Ndang mura ibana manjalo dohot manghaporseai sajo. Sarupa do ibana dohot si Maria, inang ni Jesus, na umpeop Hata i jala dipahusorhusor dibagasan rohana. Aha ma hasilna ? Dung diida ibana fakta, naung hehe Jesus i, ibana ma na parjolo mandok: “Tuhanku jala Debatangku”;  sada pengakuan na luar biasa. Ndang piga dope halak na barani manghatindangkon songon i. Masa ma perubahan na luar biasa, ima na ro sian pergumulan. Jala ndang holan pengakuan boti i. Alai, panindangion na mangula do. Ai gabe penginjil do ibana sahat tu India; jala mangihuthon sejarah, mate jala dikubur di Mylapore, Madras India do ibana. Tomas berubah dari seorang pengecut menjadi pemberani, dari seorang penyangsi menjadi penyaksi kebangkitan Yesus. Itu lahir dari pergumulan yang matang yang menghasilkan iman yang kokoh. Sude  ma hita nian songon i. Alai dipaingot do hita, molo sipata adong donganta na raguragu di haporseaonna, unang pahatophu hita mandok na sala nasida. Boi do i ala sedang mempergumulkan dengan dalam, sian i sahat tu hatoguon. Adong do mandok: Keteguhan iman sering didahului keragu-raguan.

5)      Dihatahon Jesus do ulaon parsuruon tu nasida. Didok Jesus: “Songon sinuru ni Ama i Ahu, suruonku hamu” (ay.21b). Ra, sumalin do las ni roha ni sisean i dung pajumpang dohot Jesus. Tontu diarop rohanasida, sai torus ma nasida raphon Jesus songon nasailaonna i. Alai, ndang dipaloas Jesus nasida raphon Jesus songon nasailaonna i. Alai, ndang dipaloas Jesus nasida di euforia na songon i. Nuaeng disuru ma. Aha do lapatan ni i ? Ndang holan sisean i dapotan barita haluaon i, alai ingkon sandok portibi on do, asa sude manjalo haluaon naung pinatupa ni Jesus marhite haheheonNa i. Ise ma suruonNa? Ima angka naung porsea di barita haheheon i. Orang yang sudah merayakan Paskah wajib harus memberitakan kebangkitan, ima tugasta nuaeng.

6)      Alai diboto Jesus do na mabiar dope angka sisean i, jala bingung aha do na naeng siulahononhon. Ala ni i ma didok di ay.22: “Mangombus ma Ibana dompak nasida, huhut ma didok: Jalo hamu ma Tondi Parbadia. Ido didok ni Jesus di Johannes 17, na suruonna do Tondi Parbadia, singkatna mandongani sisean i. Tondi ma jaminan p-andonganion ni Debata di hita laho marbarita na uli. Asa boi berhasil penginjilanta, ingkon Tondi Parbadia i do pangasahononta. Tondi i do mangalehon gogo tu hita.

7)      Ayat.23 holan Tuhan Jesus do na manesa dosa. Alai, dipaojak do tohonan ni apostel (nuaeng dipasahat ma i tu pandita ) laho paboaboahon naung rade hasesaan ni dosa dibagasan Tuhan Jesus. I do nang angka pandita pe di Ulaon na Badia mandok: :Antong hamu angka na manopoti dosamuna jala na mauas di asi ni roha ni Debata, sai sahat ma tu hamu na hinaporseaanmuna. Mangasahon Hata ni ni Tuhan Jesus do hudok tu hamu: Pos ma roham, nunga sesa saluhut dosamuna marhitehite goar ni Debata Ama, Anak dohot Tondi Parbadia.

III. Sipahusorhusoron 

1)      Panghilaan biar ni roha na  boi songgop di roha ni ganup jolma. Mansai bahat do panghorhonna, boi do ala trauma, manang naung masa na so tarjalo roha nang pikiran. Uju ro biar ni roha i di hita, disi ma hita mangido pangurupion na sian Tuhanta i marhite tangiang. Dame na sian Tuhanta i do na mangarajai roha nang pikiranta, Dame na nilehonNa i di ngolunta asa ndang dibagasan biar ni roha be hita. 2 Timoteus 1:7 Ai dilehon Debata do tu hita tondi hagogoon, tondi haholongon, tondi pangarajaion diri, ndada tondi hatahuton.

2)      Laos songon i ma angka sisean i na dibagasan biar ni roha i. Laho patulushon ulaon nasida, sada ulaon na jumolo diulahon nasida ima laho manesa dosa marhite huaso na nilehon di nasida. Asa dipasupasu Tuhanta i ma nasida marhite Tondi Parbaadia (ay.23). Laos songon i ma hita angka siihuthon Kristus i, dilehon do TondiNa Tondi Parbadia i, Tondi hadameon tu angka na porsea asa boi hita mardame dame dohot angka dongan jolma (ptds. Gal.5:22-23). Dame na nilehonNa i tu hita patuduhon na olo hita papatarhon Harajaon ni Debata, siala Debata do mual ni hadameon i (ptd.Pil.4:9b). Mardame dohot musu lapatanna na niuluhon Tondi Parbadia i do hita disi.

3)      Boha do hita asa mandapot shalom (damai sejahterah)? Ima marhite na manjanghon Tondi Parbadia. Ima na tapestahon sadari on ARI PENTAKOSTA I (Parningotan hasasaor ni Tondi Parbadia). Jadi ndang holan parningotan, alai boha do panghhorhon ni Tondi Parbadia i di ngolunta angka siihuthon Kristus, relevant dope mangalehon shalom ? Unang ma marisuang shalom ni Tondi i. Kelemah-lembutan yang ditunjukkan orang Kristen yang dikuasai Roh Kudus bukanlah karena takut, minder, atau kurang mampu. Sifat ini dekat dengan rendah hati. Orang Kristen yang rendah hati adalah orang yang memiliki “sesuatu”, namun dia sadar segala sesuatu diberikan oleh Allah dan dia harus mempertanggungjawabkan pemberian itu kepada Allah. Hatinya penuh dengan syukur. Dan dia ingin melakukan sesuatu yang positif baik di dalam keluarga, gereja, maupun di masyarakat. Kelemahlembutan bukanlah ciri yang dibuat-buat. Ciri ini bukanlah untuk disombongkan. Itu merupakan karya Roh Kudus yang terbukti dan terlihat dalam kehidupan kita. Mari kita berjalan makin dekat dengan Roh Kudus. Serahkan hati dan hidup kita kepada Dia. Biarlah karya-Nya yang hadir dalam kehidupan kita menjadi berkat bagi orang lain. Dengan demikian perselisihan di sekitar kita makin berkurang dan damai sejahtera makin bertambah-tambah di lingkungan kita. Amin.

 

Renungan Evangelium Minggu KANTATE (Endehon hamu ma di Jahowa Ende na Imbaru-Pslm.98:1) – 7 Mei 2023

 

Marende Ma Hamu Di Jahowa Ale Sandok Tano on

1 Kronika 16: 23-28     

 

A.Patujolo

Ia buku Kronika on martujuan laho manarigoti ngolu ni bangso Israel songon bangso ni Debata, naung dipilit, dipadiri gabe parhitean ni Debata laho papatarhon bagabagaNa tu portibi on. Adong do dua ondolan na ditaringoti jala sipatolhason ni Buku Kronika on, ima taringot tu Bagas Joro ni Debata rap dohot panghobasionna dohot ngolu ibadah parugamaon ni bangso Israel. Laho manaringoti na dua pokok on gabe dipangke panurat Kronika do Bnuku Rajaraja dohot buku Samuel na memang bersifat sejarah, angkup ni na mamangke sumber na asing dope. Ala ngolu parugamaon ni bangso Israel do na gabe pokok perhatian panurat ni Buku on, gabe digoari do buku Kronika on songon buku na mewakili soara ni angka malim.

Mangihuthon penelitain, disurat do buku Kronika on di partingkian dung habuangan sian babel. Otik na ma jumlah ni bangso Israel i mulak tu Jerusalem sian habuangan babel. Secara psikologis dohot kebangsaan (nasionalisme), bahkan kesadaran songon bangso ni Debata, tagamon lam ndang menarik perhatian nasida be. Nasida mulak songon pasipasi (sisa-sisa) na bergumul songon dia ma masa depan nasida tarlobi songon bangso.

Laho mangurupi bangsoo Israel di bagasan kondisi na sangat memprihatinkan ima buku Kronika disurat, songon sada dalan manogunogu, memulihkan jala menyadarkan nasida songon bangso ni Debata. Ala ni ima, sejarah ni Poti Parpadanan, Undungundung manang Bagas Joro, silsilah ni raja David tu Mesias na aneng ro dohot sejarah pamiliton ni bangso i gabe bangso ni Debata, gabe pusat perhatian ni buku Kronika. Lapatanna, buku Kronika martujuan laho meyakinkan bangso i, tung pe otik jumlah nasida, tung pe tarbuang nasida jala mulak sian habuangan Babel, alai hot do nasida bangso ni Debata. Marhite kesadaran i ma, asa tongtong nasida marparange dohot marpambahenan songon bangso ni Debata, hombar tu patik ni Debata.

 B. Hatorangan

1)       Ia turpuk ta on ima bagian ni sejarah Poti Parpadanan na binoan ni raja David sian Silo tu Undungundung di Jerusalem. Ala ni i, suasana gok olopolop, las ni roha dohot pujipujian do bangso Israel menyambut Poti Parpadanan i. Dijolo ni turpuk on dipatorang do sikap, cara manang tehknis penyambutan Poti Parpadanan, na manggombarhon hubungan ni bangso i dohot Debata Jahowa na mansai menentukan kehadiran ni Poti Parpadanan tu Undung-undung. Ima syarat ni kehadiran ni Debata di tongatonga ni bangso i. Suasana olopolop, las ni roha dohot ende ende pujipujian naung masa di tingki na salpu. Ido di angkat buku Kronika ditongatonga ni bangso Israel na gok keprihatinan i, asa marhite i ngolu spiritualitas, kesadaran identitas nasida songon bangso ni Debata disegarkan ulang. Kondisi sisongon i do na gabe konteks ni turpuk on.

2)       Ende pujipujian do ia turpukta on, jala laos hombar do i tu goar ni Minggu sadari on Minggu Kantate, lapatanna “Endehon hamu ma di Jahowa ende na imbaru (Pslm.98:1). Ayt.23 : Hata, “Endehon, Baritahon”, na dua pandohan on marlapatan panuruon. Debata Jahowa dohot hauaonNa ingkon baritahonon ni bangsoNa tu sandok bangso, asa sude bangso umbotosa. Mamaritahon Debata Jahowa marhite ende pujipujian. Diondolhon  peranan ni ende dibagasan misi ni Huria. Ende ima sada seni suara, ima silehonlehon ni Debata tu jolma asa marhite parendeon i gabe marmulia Debata. Ende ima sada sarana na efektif laho mamaritahon Debata Jahowa.

3)       Ay.24. Bangso parbegu dohot saluhut bangso, ido na gabe sasaran ni misi ni bangso ni Debata di portibi on. Angka halongangan na pinatupa ni Debata tu bangsona, ingkon botoon jala tolhas tu saluhut bangso. Diondolhon do keuniversalan ni hadebataon ni Debata Jahowa. Debata Jahowa, ndada holan Debata ni bangso Israel, ndada holan Debata ni halak Kristen (na porsea), alai tung Debata ni saluhut bangso do Ibana tanpa kecuali. Ala ni i, tugas pokok kewajiban ni bangso ni Debata do laho mamaritahon Debata tu sude bangso parbegu (misi gareja) yang abadi.

4)       Ay.25 – 28 : ia turpuk on na marharoroan sian bahagian ni pujiapujian na dipauba sian Buku Psalmen 105: 1-15 dohot sian bindu 96:1-13, na marisihon angka padan ni Debata mangalehon tano tu bangsoNa. Sian pardalanan ningolu raphon Tuhan i dipargogoi ma sian naung pinilit jala ditobus Tuhan i bangsoNa Israel. Bangso sian pinompar ni si Abraham-Ishak-Jakob ima bangso na metmet martimbanghon angka bangso na dihumaliangna, na gabe hatoban ni bangso sileban i. Alai padan ni Tuhan i tu bangsoNa Israel hot do pasahathon tano parpadanan songon inganan parmianan jala asa gabe bangso na bolon di tano Kanaan. Sai jagaon, diramoti jala dipasupasu Tuhan i do bangso Israel. Ima pengalaman na digurithon di ayat on. Marhite angka ende pujipujian i ma bangso Israel paboahon pambahenan nang pangaramotion ni Tuhan i na mansai balga. Pambahenan ni Tuhan na dibaritahon ima nunga dilehon Tuhan i haluaon di pardalanan ni sejarah bangso Israel, jala sian ompu nasida najolo (Abraham-Ishak-Jakob). Sai didongani do sian tano Misir sahat tu Tano Kanaan, laos songon i do uju di habuangan babel sahat tu na mulak bangso Israel tu Jerusalem. Na timbul, na gogo, na songkal, na tongam, na marmulia dohot na badia do Debata Jahowa. Sude sifat ni Debata Jahowa on patudu hasisintong ni hadebataonNa, ima Debata na mangolu jala na tutu. Ndang adong Debata na asing sian Ibana. Ibana do na manjadihon portibi on dohot nasa isina pe.

 C. Hatorangan

1)       Tarbarita do parende halak Batak. Tarjalo roha do i, ai patar do i nang di ngolu ni huiranta HKBP. Alai na gabe sungkunsungkun; beha do hasadaon (integritas) ni ende pujipujian i tu tata-ibadah dohot partangiangan ni hurianta be? Ise do na gabe marsangap jala marmulia marhite angka ende pujipujian dohot koor ni huria i ? Ala sarana efektif do parendeon tu misi  ni huria. Beha do pangaradeonta taringot tu angka ende pujipujian i. Sotung do gabe siparengkelon ala suara sumbang manang fals? Ringkot do asa lam marsitutu angka huria laho patupa angka latihan dohot persiapan na denggan taringot tu parendeon tarlobi di angka ibadah parmingguon nang partangiangan pe. Asa lam tangkas na umbegesa manangkup isi ni angka ende pujipujian i. Jala asa lam marmulia Debata.

2)       Debata Jahowa na tatanda dibagasan AnakNa Tuhan Jesus, Ibana do Debata ni saluhut halak nang bangso pe. Beha do huria pahembangkon misina dii tingki on. Ditongatonga ni kemajemukan masyarakat na lam mangerbang. Tantangan na balga do on di ngolu ni angka huria na minoritas di sadasada wilayah. Molo didok, ingkon pajojoronta, ingkon patolhasonta tu halak parbegu dohot tu saluhut bangso taringot tu Debata Jahowa, beha ma strategi na ampit laho patupahon i di negaranta Indonesia on ? Tarjou do huria di tingki on asa bersikap inklusif-dialogis maradophon sude ugamo na asing ditongatonga ni kemajemukan on. Inklusif lapatanna ingkon terbuka do huria (halak Kristen) manghaholongi, menghargai jala mengembangkan komunikasi manang parsaoran tu sude ugamo na asing. Alai taringot tu haporseaon i, ingkon bersikap dialogis ma hita, lapatanna terbuka masipatorangan, jala padaohon sikap na saling mempersalahkan. Tindakan, parange dohot angka pambahenan na denggan, ido na gabe pujipujian na boi diida jala dihilala angka donganta na humaliang, tarlumobi ditongatonga ni krisis di tingki on (solidaritas-nang toleransi)

3)       Topik ni minggunta mandok: “Marende ma hamu ale sandok tano on”. Nabadia do Debata Jahowa. Ala ni i tarjou do ganup na porsea dohot huria mangjanghon habadiaonna songon bangso ni Debata. Na mangullus do tondi kekerasan apala di partingkianta on. Tarjou do hita asa unang gabe parsidohot gabe pelaku kekerasan di keluarga, di huria, di parkarejoan, di dunia pendidikan nang di tonga ni masyarakat nang di luat dia pe. Tarjou do huria nang ganup na porsea gabe tiruan di parange nang pangalaho na dame maradophon saluhut jolma. Naeng ma adopanta angka kekerasan dohot halambohon, pahembanghon budaya dame di halak na porsea ima deba na gabe ende pujipujian na tangkas mamuji jala pasangap Debata jahowa. Parendeonta i dohot na marhite kepedulianta laho mangaramoti angka na tinompa ni Debata na asing nang manjaga lingkungan hidup. Boha do asa saluhut portibi on mamuji muji Debata ? ima marhite na olo hita merawat alam, memelihara ciptaan Tuhan. Ai marhite na menjaga alam dohot menjaga simbiosis ni alam na manghorhon na denggan tu parngoluon ni manisia jala disi ma sude tano on nang angka na tinompa; angka binatang, suansuanan nang alogo, ombun sude di tano on boi mamujimuji (mar-KANTATE) tu Debata. Ala naung ditonahon tu hita jolma laho mangaramoti na tinompa i. Mar-Kantate hita dijou minggunta on: mangendehon ende na imbaru; ndada gubahan syair lagu na imbaru; alai ngolunta nang panggulmiton ni ngolunta ido angka ende na imbaru; ima parange nang panglaho na imbaru; na gabe jamita na mangolu nang surat ni Kristus ma ngolunta on-ngolu na marpanindangion na tama. Pamujionta i mandok mauliate di naung ditobus Jesus hita marhitehite mudarNa i asa malua hita sian hamatean na manongtong i tu hangoluan na saleleng ni lelengna i. Ima las ni rohanta, olopolopta, endeendeta, nang pamujionta na marhite gok las ni roha i Dibagasan Jesus i. Amen.