Lehon Hamuma Hahormaton Tu Debata
Psalmen
68: 25-36
- Huria
ni Tuhanta dibagasan Jesus Kristus. Ia turpukta on ima sada panindangion
ni si David tu Debata na naung mangalehon hamonangan sain angka musuna
jala na naung mangalehon partingkian di nasida asa boi mamboan poti
parpadanan na gabe partinandaan ni hajongjongan ni Debata sian bagas ni
Obed di Edom tu rimberimbe na khusus dipajongjong ibana disi di huta Sion,
Jerusalem. Panindangion i marupa pujipujian tu Debata, sada uduran ni
Debata na marende i nasida ala hamonangan na jinalo nasida sian Debata.
Diolophon nasida ma Debata dihaposi jala dihaporseai, jala holan Debata do
sisombaon na manompa nasa na adong. Ala ni i saluhut na tinompa ni Debata
ingkon tongtong marsomba marlas ni roha jala mangolophon Ibana. Ala ni i
ma, parbue ni haporseaon jala udut ni panindangion i, ingkon do gabe ngolu
na sai tongtong mamujimuji Debata. Marhite parendeon on, disosoi
parpsalmen on do hita asa saluhut angka na porsea mangokui huaso ni
Debata. Diarahon parpsalmen on do hita manghatindanghon hasongkalonNa i
mangatasi bangso Israel, mangatasi hita sude, nang saluhut bangso. Huasona
i mangatasi dao diginjang ni angka awangawang, na so hatudosan do huasoNa
i.
- Ia
turpukta on ima ende pujipujian ni si Daud, ala naung dilehon Debata di
ibana angka hamonanga. Si Goliat raksasa i, boi talu dibahen ibana. Nang
pe rap dohot pasukan elite ni kerajaan dohot angka parsinjataan na lengkap
dibahen si Saul mangalele naeng pamatehon si Daud alai malua do ibana,
gariada gabe ibana do manggantihon si Saul gabe raja ni Israel. Asal
borhat si Daud marporang, sai hamonangan do jumpangsa. Alai, ibana do na
jago disi? Ndang, alai, tung sian serep ni rohana do mangokuhon, holan ala
ni Jahowa do saluhutna i. On do na ingkon tiruonta, diparhatutu si Daud do;
tung hoan ala ni Debata sambing do boi ibana monang. Ala ni i do, sai holan Jahowa do dipasangap
ibana. Ndang dirina dipabongakbongak manang dipaburnangburnang, alai
Jahowa do. Uju dapot hita nataparsinta ni rohanta ima; hamoraon, jabatan,
lam ganda na sinari manang di hita halak Batak didok Hamoraon, hagabeon,
hasangapon (3H) aha ma panindangionta ?
- Huria
ni Tuhanta nuaeng tongon di Minggu Palmarum lapatanna Maremare, ima manaringoti
habobongot ni Jesus tu Jerusalem, tu Huta na badia na gok hamonangan di
Ibana. Jala Topik ni Minggunta mandok: Lehon hamuma Hahormaton tu Debata.
On ma panindangionta, pangokuonta di hasongkalonNa, di habadiaonNa,
dihuasoNa. Tapangiar ma soaranta mamujimuji jala mangolophon goarNa. Siala
Tuhanta i rade manuhuk saluhut boban ni ngolunta, Ibana rade mandongani
hita, Ibana tinggil tumangihon angka alualunta nang angka arsakta. Ai
jotjot do ndang tartaon hita ragam angka hamaolon nang boban dibagasan
ngolunta, adong ma i ala ni parsahiton na songgop tu hita manang tu angka
keluarga manang na tahaholongi, adong mai na mambahen arsak ala ni
hamaolon di perekonomian, adong ma i faktor psikologis dohot lan naasing,
hamaolon na masa diparkarejoan, diparsaoran nang lan debanari. Totop do
halak gabe “bungkuk” ima dipabungkukk boban i. Alai pos ma rohanta jala
taingot ma ai pardenggan basa do Tuhanta i na manjou hita laho manghaposi
Ibana. Asa tutu ma panjouon ni Jesus tu hita di Matius 11: 28 “Ro ma hamu
tu Ahu, hamu angka na loja jala na sorat, asa hupasonang hamu!” Berapa
besar dan berat pun bebanmu, Tuhan Yesus sudi mengangkatnya dan
menggantikannya dengan kelegaan. Holan i jotjot do hita songon barita
illustrasi : siringkotringkot i; adong
ma sahalak ina na mulak sian tombak, mardalan ma sahalakna manghunti angka
hau sipangkeonna di huta. Topet mamolus ma sahalak dolidoli pargarobak
mulak sian haumana naeng tu huta mulak. Dibereng dolidol ima inanta i na
mansai borat bobanna manghunti hau i, asi ma rohana jala ditawarhon ma
tumpangan tu garobakna i. Olo ma inant i manghunduli garobak i. Alai diparrohahon
dolidoli ima inanta i, sai dihunti dope hau i di simanjujungna. Ro ma dolidoli
i mandok;”peakhon mainang haumuna i di garobak on asa unang loja hamu” ro
ma inanta i mangalusi: “Holan ahu pe boan anaha, ia hau on ahu pe
manghunti sahat tu huta, ninna inanta i. Atik boha hita na
hinaholongan adong dope songon i nanta i, ro do hita tu Jesus, tabege do
HataNa, burju do hita marminggu, partangiangan, alai ianggo angka na solot
di rohanta, holso, arsak, biar, muruk, nang angka boban ni ngolunta sai
tahuntihunti dope, gabe hita sandiri na dokdohan.
- Huria
ni Tuhanta dipaingot jala diyakinkan do hita, na dilehon Debata do huasoNa
i tu hita, jala dipasaut Tuhan Jesus do i. Tajaha di ay.36: “Dia
mengaruniakan kekuasaan dan kekuatan kepada umatNya”. Ai di na naeng
manaek Tuhan Jesus tu Banuaginjang dilehon do huaso i tu angka na porsea.
Ala ni i parpsalmen mengalami kuasa Tuhan na satia mangabing, manjaga, mangalinggomi,
manuhuk bobanna. Laos songon i ma hita angka na porsea, ala naung
tahilalahon do panogunoguon ni Tuhanta i asa tapujipuji Ibana, jala marlas
ni roha. Ala ni i tapasahat ma hahormaton di Ibana ala naung dilehon do
angka las ni roha dohot gogo di hita. Tarlumobi ma na tapatupa pesta
Gotilon dihurianta sadari on, mandok mauliate keluarbiasaan ni Tuhanta
mamasumasu gogo ni tanonta nang suansuananta, dohot ragam ulaonta di
kantor manang di ragam ni pangomoan na tapatupa. Lam ganda na sinari, jala
lam tamba angka sinamot dilehon Tuhanta i laho mendukung nglunta asa lam
tu dengganna. Ndang ala ni gogonta marhasil hita mandapot parbue ni
ngolunta, alai ala ni denggan basaNa i do. Nang pe ragam taadopi angka
abatabat, hamaolon laho mencapai keberhasilan ni ulaonta, alai sai
taparhatopot do huasoNa mangatasi i saluhutna.
- Didok
di ay:30 Demi bait-Mu di Yerusalem, raja-raja menyampaikan persembahan
kepada-Mu. Tapasahatma parbue ni gotilonta tu Debata, tanda ni las ni
rohanta, tanda ni panindangionta di hagogoonNa, tanda hi hahormatonta di
Ibana. Las ma rohanta di Pesta gotilon sadari on,nang di Minggu maremare
on, ai ragam do angka mujizat dipatupa Ibana dibagasan ngolunta. Pasahat
ma hamuliaon, hahormaton di Debata ala AnakNa Jesus Kristus i naung
paluahon hita sian hamaolon, sian hasuaan, sian sibolis, sian hamatean asa
bongot hita tu hasonangan, na gok olopolop las ni roha. Amen.
