Jamita Minggu, Septuagesima, 28 Januari 2024

 So Tung Gabe Partuktuhan

Maradophon Angka Dongan

(Jangan Menjadi Batu Sandungan Bagi Sesama)

1 Korint 8: 1 – 13

 

1. Pendahuluan

Ia huta Korint ima sada huta na tarbarita di negara Junani. Sian geografis, ia huta on maringan diparsitongaan ni pardagangan sian daerah purba dohot pastima. Huta na mansai uli jala bagak, jala masayarakatna pe mansai bangga di angka parbinotoan dohot habisuhonna ( 1 Kor. 1: 18: 2 – 5). Angka parsikolaan mansai bahat na mangharingkothon parhataan na asing, pargadambuson dohot angka parbinotoan ni portibi. Alai di haulion dohot hamoraon ni gabe moru do siala pangalaho na so tama, angka korupsi dohot paarange na so mangorom diri di hagiot ni daging ( 1 Kor.5: 1 – 2). Angka bagas parpunguan nasida nunga somal gabe inganan hajahaton dohot pangalangkupon.

Masyarakat ni huta Korint na maragam haroroanna dohot haporseaonna. Mansai torop parhaporseaon na marasingasing na mian di huta i. Adong ma i na marharoroan sian huta Rom dohot Junani dohot angka parhaporseaon sian luat pastima tarlumobi sian Misir. Sisombaon nasida na mansai tarbarita ima Dewi Aphrodite (dihata latin digoari Venu), ima dewi cinta birahi, jala inganan parsombaon i godang ditopoti halak godang do angka sibabi jalang di kuil nasida i marribu di huta Korint.

 

 

2. Hahonaan tu jamita

Na gabe parsualon di huria Korint ima boha do ianggo sikap ni halak Kristen tu sipanganon juhut dipamelean tu dewa-dewa ni halak Korint ? Ala mansai nyata do parsualon i di tonga ni huria. Ala adong hombar balok, hahaanggi, angka dongan, pinaribot na di ontang asa pasidohot diulaon marsipanganon, ai diparade do angka juhut sipelehonon tu dewa i di nasida. Jala angka juhut na digadis halak pe tong do sian hasil pamelean parsombaon tu dewa-dewa nasida. Jadi ndang diboto nasida be angka juhut naung dipelehon tu dewa nasida dohot naso dipelehon. Parsualon naasing ima angka halak na porsea pasidohot di pesta-pesta ni halak na so porsea. Angka juhut na dibuat nasida boi do haroroanna sian angka naung dipelehon tu dewa nasida. Parsualon on gabe manghorhon na so denggan manghutur haporseaon ni halak Kristen na gale haporseaonna dohot na so porsea dope. Boha do sikap na patut ?

 

Ø  1 Korintus 8 : 1-13 : Adong parbinotoan ni ruas Korint na konfromis na mamereng boi doi bebas panganon juhut i, siala diparsoadahon nasida do dewa-dewi ni halak i, jadi molo marsipanganon, marsiinumon di pesta i ndang pola boha i.(8:8). Alai na dewa halak Kristen di panggora rohana adong do disi dewa-dewi i disi (8:7). Jala halak na marparbinnotoan na dohot di parpestaan i na gabe partuktuhan siala sian parbinotoanna do dipangke laho mangelekelek angka donganna na gale haporseaonna asa dohot manghorhon dosa (8:9-11). Jala pangalaho sni angka parbinotoa na songon i gabe mardosa do tu Kristus (8:12). Siala ni holong tu dongan asa rela nasida paluahon hak nasida nang kebebasan nasida i ( 8:13). Unang ma angka kebebasanta i na gabe partuktuhan tu angka na gale haporseaonna. Tangkas do sikap ni si Paulus mandok: “Dibahen i, antong, anggo targasip donganki siala sipanganon, na so tupa be panganonku juhut salelengna i, asa unang targasip donganki hubahen” (8:13).

 

3. Tu Ngolu siapari

 

Ø  Ia pamatangta on ima karya ni Debata, jala mili ni Debata do pamatangta on. Angka na marroha jala marbisuk sai jagaonna do pamatangna sian angka na gabe mambahen sahit tu pamatang; baik sian sipanganon dijaga na dipangan asa unang keracunan, asa unang marlobian, asa unang parohon sahit panahit.Asa sandok jolma sinuaeng on pe naung malo nama manjaga hahipasonna. 1 Korint 6:19 Ndang diboto hamu: Dagingmuna do joro ni Tondi Parbadia, na di bagasan hamu, naung jinalomuna sian Debata; ndada hamu nampuna dirimuna. Asa marhite hahipasonnta i boi hita tongtong marsomba tu Tuhan Debata.

Ø  Marparbinotoan pe mambahen hita gabe marbisuk. Asa marhite parbinotoan jala marbisuk hita unang gabe partuktuhan tu dongan jolma tarlumobi taringot tu sipanganon. Dihumaliangta ditonga negara na majemuk, keberagaman, suku, bahasa dan agama mansai godang do parasingan haporseaon , hasomalan, nang adat na marasing asing adong be do pantangan manang subang di sipanganon tertentu. Di hita halak na porsea ndada sipanganon manang siinumon na gabe jaminan haluonta alai ala ni asi dohot holong ni Debata marhite Jesus Kristus tu hita.Alai Apostel Paulus mamillit ndang mangalang juhut asa unang gabe partuktuhan di halak Korintus.

Ø  Hita halak na porsea marsiajar ma hita asa sadar hita tu kepentingan ni halak na asing, ndada hholan kepentinganta manang na ringkot di hita. Na deba halak di hhumaliangta adong di kebebasan ni hak na manginum alkohol, diibana nga somal i nang hasonanganna jala ndang berbahaya diibana. Alai di halak na asing boi do gabe bahaya. Unang ma tapangke kebebasanta alai gabe berbahaya tu halak na asing. Na deba halak sai marisapi di bus, di mobil penumpang hape gabe bahaya tu penumpang na asing. Marisap di gareja, marisap pandita nang sintua di konsistori hape gabe partuktuhan nang bahaya kesehatan tu halak nang ruas, gabe so boi be contoh nang teladan na baik di huria. Unang ma tapangke kebebasan dilomo ni rohanta i gabe partuktuhan tu dongan jolma. Ingkon toleran ma hita mamingkiri kepentingan ni dongan nang torop halak. Jesus pe ro tu portibi on ndada laho melayani dirina sandiri alai sude jolma do dilayani asa dapotan haluaon jolma na porsea i. Asa tatiru ma Tuhanta Jesus i mangalehon dirina gabe haluaon tu portibi on. Amen.

 

Jamita Minggu III Dung Ephipanias, 21 Januari 2024

 Debata Do Haposanta

(Allah Tempat Perlindungan Kita)

Psalmen 62: 6 - 13

 

1)      Hamuna nahinaholongan dibagasan Jesus Kristus ! Sude jolma do mangharingkpthon na ginoaran hademakon, molo pandok ni Abraham Maslow ima na gabe sada sian angka kebutuhan ni jolma. Naeng sadia pe arga ni si gararon asal a tenang dohot aman, isarana manggarar bodyguard manang pengawal pribadi, manang security (satpam), mambahen alat pengaman na supercanggih di jabu. Dituhor halak do asuransi dohot angka program pensiun laho tu keamanan dohot ketenangan di masa depanna. Alai hea do hamu mangalami keadaan na so aman ? isarana, kondisi na mambahen terancam nyawa songon ancaman niangka pangarampok manang pambunu, manang dielaela dongan saparkarejoan, atik boha sian suami – istri manang ianakhon, hagoran jabu manang usaha na gabe bangkrut manang halak na tahaholongi nunga monding, dna.

2)      Diabagsan turpuk ima parpsalmen si Dud na jotjot diposisi na so aman ngoluna mansai bahat angka na mangarsahi ngoluna. Tung mansai godang na mambahen biar rohana. Uju marmahan birubiru ni amana ibana ingkon mangadopi angka binatang buas na naeng mamolgak birubiruna i. Molo sanga di sargut babiat birubiru i, leleonna do sahat tu na dapot sian baba ni babiat i (1 Sam 17:34-36). Uju mangadopi si Goliat jolma na bolon i, sasintongna naung tarancam do ngoluna. Amaba na muse adong ondamondam na sian si Saul rajan. Jadi ngoluna songon diujung ni tanduk. Dungkon gabe raja jala panggomgomi ni Bangso Israel, sai adong do na mambahen susa ngoluna, tarmasuk ma anakna sandiri na naeng mandabuhon ibana si Absalom (ay.4-5). Penghianatan i mansai hansit pola do si Daud patudos dirina songon angka parik na naeng malengse.

3)      Alai na mambahen gabe tiruan dihita disikapna, tudia do si Daud uju masa hamaolon sisongon i ? Holan Tu Tuhan Debata do ibana mangalualu. Tuhan Debata do inganan pangondianna na mambahen demak ngoluna. Holan Tuhan i do jaminan haluaonna sian ragam ni hamaolon i. Nang pe nian adong do angka alat partahanan dohot sinjata ni si Daud dohot soldaduna, jala adong do huasona di Israel jala adong do artana. Alai saluhutna i ndang boi pangasahononna (ay.10-13) ala marbatas do luhutna i jala marbatas do gogona. Holan Tuhan Debata do pangurupi na sumurung di ibana, dolok batu, haluaonna, parlinggomanna (ay.7-9). Ala ni i sai ringgas do si Daud martangiang pasahathon na dibagasan rohana i, ndang adong na buni sandok pasahatonna sude rahasiana tu Debata, angka pergumulan hidup (ay.9). marhite tangiang i ma asa gabe margogo si Daud mangalo nasa musuna nang angka ondamondam na so sian gogona sandiri, alai ala ni huaso ni Debata na manorusi marhite angka tangiangna.

4)      Huria na hinaholongan dibagasan Jesus Kristus; pabahenan dohot haporseaonni si Daud i ma na patut tatiru. Uju mangadopi angka ancaman, hagaoron, nang hamaolon , aha do nataulahon ? na deba jolma boi do gabe panik jala manghorhon angka masalah na balga. Hape kepanikan i ndang boi tenang marpikir bahkan secara positif, gabe angka pikiran negatif na boi mambahen susah stress roha nang pikiranta. Boi do mambahen godoron rohanta ndang tenang be pangkilalaan. Adong do halak ala dibege sahitna sian dokter gabe pintor lemas, ndang bersemangat be ngoluna jala lam mambahen parah parsahitonna. Isarana sahit kanker boi do gabe so tarjalo deba jolma molo nunga didiagnosa dokter, molo sai negatif pikiranna boi do mambahen gabe lomos rohana jala lam gale. Hape tu angka na marsahit nang kanker tarlumobi mansai ringkot do ketenangan berpikir. "Hati yang gembira adalah obat yang manjur, tetapi semangat yang patah mengeringkan tulang." Amsal 17:22.

5)      Ala ni marsiajar ma hita menghadapi segala sesuatu dan kondisi dengan hati dan pikiran jernih dan tenang dalam menyerahkan sepenuhnya ke tangan Tuhan. Molo jumolo tapasahat tu Tuhan i marhite tangiangta nang elekelekta tu Ibana ido na mambahen rohanta dame jala margogo muse. Pos ni rohanta pasahathon sude na di rohanta i tu Ibana siala naung solhot do hita tu Tuhan i songon si Daud. Jala jonok pe hita tu Tuhanta i ndang dao sian panandaonta tu Ibana. Ise do Debata dibagasan ngolum ? pemahaman ini menjadi jangkar yang kuat bagi keyakinan yang semakin teguh. Alai molo so tangkas do tatanda Tuhanta i, boi do manghhorhon keraguraguan di rohanta jala manubuhon kepanikan, ganggu ni roha jala maheu panghilalaan. Hape naung dilehon Tuhanta Jesus do tu hita garansi, manang jaminan haluaon i didok di Matius 11: 28 “Marilah kepadaKu, semua yang letih dan lesu dan berbeban berat, Aku akan memberi kelegaan kepadamu” Jotjot do hita songon barita on; Adong ma sada ina na manghunti goni inganan parbue jerukna i mandalani huta tu onan. Mamolus ma sada pick up na geleng naung pinarrohahon sopir pick up on do hinaloja  ni inantai mamboan ni jeruk na i. Asa didok sopir on ma tu inanta i; naeng to onan do hamu inang ? “ido nina inanta i:, nangkok ma inang tu mobil pick up on asa hupataru. Las ma roha ni inanta i laos nangkok tu pick up i. Dungi mardalan ma mobil on tu onan. Hape dipardalanan sai diparrohahon sopir on do huroha inanta i sian kaca spion. Mansai heran do ibana mamereng inanta i ala sai diompa dope jerukna i. Hita nahinaholongan jotjot dope hita songon inanta i. Ai nunga tapasahat tu Tuhanta i boban ni ngolunta i, alai sai olo dope taompa masalah i, ala ndang pos rohanta jala ndang bulus manghaposi Tuhanta i. Hempaskanlah semua beban hidupmu kepada Tuhan, maka Dia yang penuh kasih selalu bekerja pada waktu yang tepat. Kita tenang bukan karena tidak ada masalah, setiap kita manusia selalu dihinggapi berbagai persoalan hidup, baik kecil maupun besar. Sebagai orang percaya yang mempercayakan dan meyakinkan kehidupannya kepada Tuhan akan selalu mendapatkan ketenangan dan ketentraman menjalani kehidupannya walau seberat apapun sebab dia tahu Tuhan tidak akan pernah membiarkan kita dalam keadaan pilu, sedih, merana berkepanjangan.

6)      Alami dan dalamilah kuasa kebesaran Tuhan, jangan hanya mendengar Firman Tuhan ini, jangan hanya penonton seumpama orang yang hanya melihat-lihat media sosial. Jadilah pribadi yang tangguh dan kuat karena Tuhan Yesus telah mengalahkan ketakutan dan bahaya kita, yaitu kematian itu sendiri, bahkan kematian total dan kematial kekal. Hanya dekat  kepada Tuhan saja kita mendapatkan ketenangan dan ketentraman. Ndada na umbalga angka holso, persoalan, hamaolonmi martimbanghon Tuhan Jesus na sangap jala na songkal i. Ala ni i didok Topik minggunta: Debata do Haposanta (Allah  tempat perlindungan kita), unang ma haposi na asing ia so jumolo manghaposi Debata dohot hagogoonNa i. Mari umat percaya mempercayakan garansi dan jaminan kekekalan hanya dalam Kristus Yesus Anak Allah yang menjadi jalan kita menuju kekekalan mengalahkan semua ketakutan dan musuh-musuh kita bahkan siiblis. Menjadi pemenang mengatasi pergumulan dan persoalan hidup  karena Dialah Allah tempat perlindungan kita kekal selama-lamanya. Amin.

TAHUN ORIENTASI PELAYANAN HKBP 2O24 : OIKUMENE INKLUSIF

Jamita Minggu II Dung Ephipanias, 14 Januari 2024

Jesus Do Anak Ni Debata Jala Raja

(Yesus Anak Allah Dan Raja)

Johannes 1: 43 – 51

 

1)      Hamuna nahinaholongan dibagasan Jesus Kristus ! Tahamuliatehon dope pardalanan ni ngolunta sian taon na salpu 2023 bongot hita tu taon na imbaru on 2024, ndang taboto dope aha na naeng masa diadopanta, songon na manatap dompak ata ni dolok do hita. Sai ta tatap pe dompak atas dolok i, alai laos so taboto do manang na angka aha na masa disi. Alai dung tadalani, tanangkohi dolok i, taida ma sadasada na boi parrohahononta, jala taboto ma manang olat didia na boi idaonta diatas ni dolok i. Ala ni i diapoi turpuk jamita on hita asa ro ma hita marnida Jesus Mesias na naung ro i, asa Ibana ma na manogihon hita di dalan sidalananta asa boi tiur pardalananta di taon 2024 on jala idaonta dohot hamuliaon ni Tuhanta i. Topik ni jamita: Jesus Do Anak ni Debata jala Raja.

2)      Dung mamungka mangula ulaonNa Jesus di tano on, siseanNa do parjolo dipabangkit Ibana. Mangihuthon surat ni si Johannes on dipaboa si Johannes dohot si Andreas do na parjolo ro mangihuthon Tuhan Jesus. Didok si Johannes Pandidi tu nasida taringot tu Jesus: “On do Birubiru ni Debata na mamorsan dosa ni portibi on.” Gabe diihuthon nasida ma Jesus, didok ma tu Jesus: “Rabbi (guru) didia do Ho sorang?” Dung i didok Jesus  ma tu nasida: “Ro ma hamu, asa diida hamu.” Olat ni i rap ma nasida dohot Jesus. Dung i pajumpang ma si Andreas dohot donganna saama i ma si Simon, didok tu ibana: “Nunga jumpang hami Mesias i (astuanna Kristus). Gabe diihuthon ma Jesus. Dibahen Jesus goarna si Kepas, astuanna:Batumamak; Petrus. Dung i jumpang Jesus ma muse si Pilipus, didok ma tu ibana: :Ihuthon ma Ahu.” Dapot si Pilipus ma si Nathanael didok ma tu ibana: “Nunga jumpang hami Ibana, na nidok ni si Musa jala na pinaboa ni angka panurirang i, i ma Jesus na sian huta Nasaret.” Dung i didok si Nathanael ma : :Tung tarbahen ma ro na denggan sian huta Nasaret ?” Jadi didok si Pilipus ma: “Ro ma ho marnida!”. Bulus do alus ni si Pilipus. Langsung marnida Jesus na sian Nasaret i, asa ibana manontuhon haporseaonna di Mesias naung ro i. Tingkos do cara berpikir ni si Pilipus, Ai dung tumpol bohi ibana dohot Jesus, jala dibege hata ni Jesus, didok ibana ma tu Jesus: “Gurunami. Ho do Anak ni Debata! Hodo Raja ni Israel !. Nunga tangkas taida di turpuk on, parnidaon dohot panandaon di Jesus Anak ni Debata i ma Mesias-Kristus i, na berkesinambungan do tabereng sian si Johannes Pandidi tu si Andreas dohot  Johannes anak ni si Sebedesu, sian si Andreas tu si Simon Petrus. Sian si Pilipus tu si Natanael. Songon i do marudutudut, langsung Tuhan Jesus marsuru siseanNa, sisean mamaritahon tu liat portibi on, sahat tu Eropa, tu Asia, nang tu tano Batak, tu hita sandiri, tu ahu, tu hamu. Nunga taida jala tahaporseai Ibana do Raja na miniahan ni Debata na boi manaluhon harajaon ni sibolis. Ala ni i sai ro ma hita marnida Ibana, di Huria i, bagasNa na badia i parpunguan marparsaoran dohot Tuhanta marhite Hatana na badia i.

3)      Na sun do Mesias i. Saluhutna diboto Ibana do, so adong na huphup di Ibana. Beha pangihuthon ni si Johannes dohot Andreas di Ibana diboto do umbahen na humusor Ibana manungkun nasida. Aha do na noluluanmuna ? Songon na terperogok do sisean i, ai ndang tagamon rohanasida sungkunon ni Jesus nasida. Gabe sungkunsungkun do didok nasida. Alai nang pe songon i, diboto Jesus do pingkiran nasida umbahen na bulus didok Jesus ma: “Ro ma hamu marnida”. Gabe diihuthon nasida ma Jesus. SI Petrsu pe diboto Jesus do rohana dohot ujung ni haporseaonna, nang pe marparungkilon, alai monang do di ujungna umbahen na didok tu ibana: “Si Kepas ma ho goaron, astuanna: “Batu mamak: Petrus”. Si Nathanael pe diida Jesus do, umbahen didok tu ibana: “On do sada halak Israel na tutu, na so marpangansi dibagasan. Didok si Nathanael mangalusi Jesus: “Sian dia ditanda Ho ahu?” Dialusi Jesus do ibana: “Huida do ho uju di toru ni hau ara i ho andorang so dijou si Pilipus i ho.” Aas sude do diida jala diboto na di bagasan roha ni jolma. Rohanta pe ganup ditanda Tuhanta do, diboto do manang aha dipingkiri rohanta, aha natahatai, aha na tapatahitahi, aha na taholsohon, aha na tahatahon, atik na marpartahanhon haporseaonta di Ibana do manang na ta insahi, murtad do hita sian Ibana manang ndang, diboto Tuhan i do i. Ndang pola pangke siasat, matamata, alat penyadap suara Ibana manang mamahe cctv. Nataula na buni dibereng do i. Tung sura martabuni hita di sada liangliang na so hea dibolus jolma, manang di sabilut bosi na so boi tembus tu si cahaya manang radar pe, alai ianggo Tuhanta diida do hita manang aha nataula disi. Molo songon i do hape tajom dohot tinggil ni parnidaan dohot parbinegean ni Tuhanta Jesus, tagonan ma taihuthon Ibana jala tapasiding ma nasa dosa manang angka ulaon na maralo tu lomo ni rohana. Tagonan do hita gabe donganNa unang na apala alona manang musuna, Mesias-Kristus Raja ni angka raja jala Tuhan ni angka tuan, ima Rajanta saleleng na mangolu hita di tano on.

4)      Sonang jala pos do rohanta mandalani sidalanan dohot mangulahon nasa siulaonta. Ai Ibana ma partoginta di jolonta. Ndang tagamon lilu, susa hita molo Ibana partoginta di taon 2024 on. Sai diihutihut pamereng ni Tuhan i do angka na hinaholongan ni rohaNa manang na tu dia pe laho mardalan. Didok Ap.Petrus do: “Ai tu angka parroha na tigor do mata ni Tuhan i, jala tu angka pangidoannasida pinggolna; alai bohi ni Tuhan i do alo ni angka sibahen na jat.” (1 Ptr.3:12).

5)      Dipangolu do haporseaonta, asa gabe boi hita sitindangi songon na nidok ni si Nathanael; “Anak ni Debata do Ho, Ho do Raja ni halak Israel.” Haporseaon na mangolu – ndang haporseaon na mate. AI mate do haporseaon molo so mardongan pangulaon (marpanindangion). Molo barani hita marpanindangion si songon i: “Anak ni Debata do Ho, Ho do Rajangku dohot raja ni sandok portibi on, ima tandana na boi idaon, saksihonon ni angka dongan nang alo pe, gabe dohot nasida manghatindanghon haporseaonna be. Gabe tudos ma hita songon na masa di jamita on masiharaan masibetabetaan marnida dohot manghaporseai dohot mangibuthon Tuhanta. Nunga halak na martua hita jala las roha ni Tuhanta marnida hita.

6)      Idaonta do mungkap Banuaginjang jala marnaek minjur angka surusuruan ni Debata tumopot Anak ni jolma i. Marhite nipi dope naung marnida songon na nidok ni Tuhanta dison, ima si Jakob di na laho maporus ibana tu huta ni tulangna si Laban i. Marbagabaga do ibana ingkon bahenonna disi partinandaan naung diida disi bohi ni Debata. Ingkon Jahowa do debatana ( 1 Musa 28: 10 – 22). Ap.Paulus nunga diida ibana mungkap banuaginjang i, na tarhinsat do ibana ro di Paradeiso, jala dibege do hata na so tarhatahon, na so jadi dohonon ni jolma manisia (2 Kor.12: 4). Na tumangkas na marnida mungkap banuaginjang i, jala diida Anak ni jolma i (Kristus Mesias i) disi rap dohot angka na porsea marlas ni roha rap marende mamuji Raja i naung  monang maralohon sibolis pangago i. Ndang holan marnida sambing tahe songon na manonton, hola na ripe marnida alai dohot aktif mangulahon, parnampuna na tinontonna i. Sae na manonton i mulak be ma so adong aha sian i di ibana. Alai anggo hita angka naung dipaidahon Debata tu hita na masa di Banuaginjang, halalas ni roha na sumurung i, sahat do hita angka naung porsea di panobusion ni Kristus Jesus i sian saluhut dosanta, partohap manjalo upanta di Banuaginjang i. Antong ro ma hita marnida Mesias naung monang i, taihuthon ma Ibana. Amen.!

Jamita Minggu I Dung Ephipanias, 7 Januari 2024

 Jahowa Do Napaluahon

(Allah Yang Membebaskan)

2 Musa 6 : 1 – 8    

 

1)      Hamuna nahinaholongan dibagasan Jesus Kristus ! Dipardalanan ni ngolu na tabolus di taon 2024 on, sipata dadapdadap dope hita, ringkot do di hita jolma petunjuk, arahan na pasti laho mandalani ariari ni ngolunta, adong na gabe garansi manang jaminan asa pos rohanta. Garansi manang jaminan na mararti na boi mananggung jala manuhuk bobanta asa unang be bobonosan rohanta mangadopi ragam parsualon di ngolunta. Isarna songon asuransi; adong jaminan hari tua, jaminan pendidikan, jaminan kesehatan dohot angka na asing i.

2)      Dipartingkianta on adong halak na manghilala naung demak manang terjamin ngoluna marhite hamoraonna, nunga terjamin angka sipanganon, siinumon, parabiton, parkarejoan, adong jabatanna denggan parhepengonna. Hape angka jaminan na di portibi on na laho salpu do i sude. Boi do masa harugian, bangkrut, hasusaan na manghorhon mago jaminan i sude, boi ala bencana alam, angka krisis ekonomi global, sahit panahit manang musibah na so panagaman ni roha manang naung turun jabatan. Nuaeng marsiajar hita ia holan Tuhanta i do na gabe jaminan dibagasan ngolunta jala na boi paluahon hita sian nasa hagogotan songon topik ni minggunta: “Jahowa Na Paluahon (Allah Yang Membebaskan).

3)      Asa denggan pangantusionta taringot tu topik i, tama antusanta sian turpuk on na masa parhatobanan di Misir, adong dua point na masa di si Musa dohot bangso Israel. Bangso Israel sangsi do jala maheu rohana disiala situasi na masa kerja paksa na mansai borat. Manarita do bangso Israel dibagasan pardagingon dohot nang di parohaonna. Suang songon i si Musa pe manarita do gabe tata rohana. Jala tarbatas do hagogon ni si Musa ai ndang apala malo ibana manghatai. Menek do rohana molo marsiadopan dompak Firaun na sangap i. Dos do si Musa dohot bangso Israel na so adong be manghilala panghirimon.

4)      Dibagasan situasina songon i ma, Debata ndada na laho mangalehon si Musa dalan manang angka sibahenon laho paluahon diri sian Misir. Diajari Debata do si Musa laho marningot ise do Tuhan? Tuhan ima Debata na satia di padanNa, tangan ni Debata na tigor toltol, GoarNa i ma na gabe jaminan kepastian. Debata na paluahon bangso Israel siala padanNa dhot GoarNa i.

5)      Opat hali Tuhan patogoshon tu si Musa: Ahu do Jahowa, ima na paboahon jaminan kepastian manggohi padan ni Debata tu bangsoNa. Iabana ma Debata na hot, sian najolo, nuaeng sahat ro di saleleng nilelengna. Dilehon Debata Jahowa padanna i tu si Musa dohot bangso Israel:

ü  Naparjolo; Ahu do Jahowa, jala paruaronku do hamu sian angka ulaon rodi ni halak Misir.

ü  Napaduahon; jala paluaonku do hamu sian parhatobanonnasida

ü  Napatoluhon; jala tobusonku do hamu marhitehite tangan na toltol.

ü  Napaopathon; Jala ainonku do hamu gabe bangsongku.

ü  Naplimahon; Ahu gabe Debatamuna.

ü  Napaonomhon; Asa hutogihon hamu tu tano naung humangmangkon.

ü  Napapituhon; Lehononku ma i bahen partalianmuna,

Pitu padanNa i mansai uli begeon dibuha dohot dipaujung marhite hata materai: Ahu do Jahowa. Digohi Debata jahowa do padanna i, si Musa na so apa malo mandok hatana alai adong do tungkkot, tangan, simangkudap dohot hahana si Aron na ditongos Debata laho mandongani ibana. Debata na so marbatas manguba dohot manggohi si Musa na tarbatas i. Musa na marasa metmet rohana dipauba gabe sangap dibagasan Debata. Uju rade tangan na unjur, olo do hita manomu Ibana ? atik na gabe lalap do hita di angka hoihoi ni ngolu na jotjot palilu rohanta ? Bangso Israel mansai lalap binahen ni parkarejoan rodi na nialaman nasida. Sai marulakloni do si Musa marhoihoi manangsihon hajongjonganna na so layak gabe uluan. Boha ia hita angka dongan ? Diarop Debata Jahowa do hita torus mamereng tu Ibana. Sipareonta asa tinggil manangihon soaraNa, asa kehadiranNa i boi tahilalahon muse. Diigil Debata jahowa do asa tatanda Ibana. Ndang hea Debata gabe manguhom di haparironta i. Ditangihon Debata do hita jala olo rade manogunogu hita. Asa ingkon barani do hita tongtong maju tu jolo nang pe mansai godang keterbatasan nang hahuranganta. Ala Debata na songkal jala na sun gogo na so tarbatas i manodo hita asa laho mangula, berkarya, manou hita mangula di Ibana nang di tonga ni keluarga, ditonga ni masyarakat, parkarejoan, ditonga ni huria nang bangsonta pe, nang diparngoluan siganupa ari.

 

6) Adong ma sada ilustrasi; dua halak ma pelaut on na ditugashon laho manjaga angka kapal na marlayar. Disada tingki ro ma habahaba namansai gogo manorusi tu kapal ni dua pelaut i. Aha ma na masa ? sada sian dua pelaut i gabe tardempar tu laut i. Hape na so sahat tu pikiran na madabu tu laut i na mian na sai laon di bagasan ruangan ni kapal i. Hape pelaut na selamat ima na  maringan di duru ni kapal i na jonok tu laut i. Didia do salana ? Siala halak na maup tu tonga laut i na so marsitiopan.

Dihita na hinaholongan angka na porsea i sai marsitiopan do ibana tu Tuhan i manang boha pe kondisina na nialamanna. Songon na nidok topik ni minggunta: “Jahowa Na Paluahon” (Allah Yang Membebaskan). Naeng bolusonta do taon 2024 on, tung boha pe kondisina sai hot ma hita manghaposi dohot manghaporseai Debata Jahowa na paluahon hita sian ragam ni hagogotanta. Ndang adong na tapangasahon di portibi on holan Tuhan Debata Jahowa Sambing do. Padan ni Debata ima tatip sian Bibel i, jala padanNa i songon buhabuha ijuk na so hea tarlambat manondangi dohot holongNa sai tahilalahon songon aek ni sunge na mabaor.

7) Dibagasan Jesus Kristus naung patar holongNa i tu portibi on mangalehon jaminan manang garansi  tu hita asa tigor patta mandalani ariari ni ngolunta. Hamonangan ni halak na porsea holan dibagasan Jesus Kristus mangalehon perlindungan, hahotan nang panogunoguon di pardalanan ni ngolunta asa tongtong hita mangkirim di Ibana jala tongtong sonang hita sohariboriboan. Ala Jesus kristus do naung paluahon hita sian habiaranta di portibi on.

Johanes16:33 Asa mardame hamu di bagasan Ahu, umbahen na huhatahon angka i tu hamu. Haporsuhon do jambarmuna di portibi on; alai pos ma rohamuna: Nunga talu hubahen portibi on.

Yudas 1:25 Di Debata na sasada i, na paluahon hita marhitehite Jesus Kristus, Tuhanta i, di Ibana ma hasangapon, hamuliaon, hagogoon dohot parhuasoon sian mula ni mulana, nang nuaeng, nang ro di salelenglelengna! Amen.

 BE 753 DI PARDALANAN JESUS DI JOLONGKU

Di pardalanan Jesus di jolongku/Holong ni tanganMi manogu au

Nang di ngolungku Ho do sombaonhu/tung sonang mardalan raphon au.

Huboto do tangkas panoguonMu/Diiring-iring Ho do langkangki

Sahat ro di ujung ni pardalanhu/Togu ma au jonok tu lambungMi,

 

Jamita Parpunguan Bodari; 31 Desember 2023

Di Ibana Ma Hasangapon  Ro Disaleleng Ni lelengna

(Bagi Dialah Kemuliaan Sampai Selama-lamanya)   

Heber 13 : 20 - 21        

 

a)      Hamuna nahinaholongan, dapot hita do dibagasan trupuk on songon tangiang pangujungi di Buku Heber on. Ima na manaringoti Tuhan. Ia buku Bibelta i manaringoti Tuhan i do. Jala parngoluonta on pe taringot tu Tuhan i do. Saluhut portibi on taringot tu Tuhan i do. Jala na masa i pe taringot tu Tuhanta i do.

b)      Dilehon do dihita ulaon songon manisia na gabe mahkluk tertinggi sianna tinompa ni Debata. Angka na tinompa i pe, binatang, suansuanan nang alam pe dipangke Tuhan i do. Alai keegoisan do na masa di hajolmaon. Molo taparrohahon di gareja, diado na gumodang ditaringoti angka ruas i taringot tu dirina do manang taringot tu Debata na sinomba nasida. Molo taparrohahon namambahen angka status di media sosial, media online songon tiktok, facebook, instagram, twitter dohot lan na asing godangan do angka informasi status, songon na mandok nasida ma jonggolna manang bintang pertunjukan. Hape sasintongna Tuhanta i do Bintang na sasintongna, hita na di portibi on holan songon figuran do.

c)       Lomo ni roh ani Tuhan i ma na saut dohot na gabe dalanta mandapot dame na sumurung na pahehehon Tuhanta Jesus sian hamatean i. Dipasahat do tu hita hot haholonganna marhahaanggi, halambohon tu angka jolma, marningot angka na porsea na tarhurung ala ni haporseaonna. Manjaga parumatanggaon na polin jala manundali pangalangkupon. Manadingkon pangalaho na mangahhut jala na mangasahon Tuhan i di pangomoan ariari. Maniru angka uluan ni halak Kristen. Manjaga parasingan ni angka pangajarion na so denggan dohot na denggan jala pinargogoan asini roha. Jalo tu duru ni huria mangea angka elaela na niae ni Kristus, mangalului huta na naeng ro. Mamujimuji Tuhan i, mangulahon na denggan jala marbagi tu angka dongan jolma sian na adong di hita. Unduk jala pangoloi tu angka panggomgomi huht martangiang (13:1-18).

d)      Songon sahalak natuatua na burju marroha na mambohali anakhonna tu ari parjolo di parsikolaanna. Dilehon Tuhan i do nasa na denggan tu hita asa boi hita marngolu na denggan jala tujuanna ima tu hasangapon ni Debata. Taparrohahon sian ayat on dibuhai sian hata Tuhan, jala diproses Tuhan i jala dipaujung Tuhan i. Tuhan i di na pasingkophon. Lomo ni roha ni Tuhan i do na gabe tugas na diparlengkapi tu hita. Jala saluhut hamuliaon ni angka perlengkapan dohot ulaon i ditujuhon tu Jesus Kristus, Anak ni Debata. Hamuliaon ni Jesus i do na gabe tujuan ni saluhut ni saleleng sejarah ni haportibi on on. Jala ima na gabe tujuan ni parngoluonta. Ala ni i nang pe saluhutna i na i gabe laho jala mago, marsihohot ma tu Debata na gok asini roha i, Parmahan Bolon i jala marngolu ma hita tu hamuliaon ni Jesus Kristus.

e)      Dibagasan ngolu on, sude jolma do dilehon tanggung-jawab, adong na otik, jala boi otik hian tanggung-jawabna. Asing ni i, adong do na mardalan dohot denggan, alai adong do na ndang denggan mardalan. Saluhutna i marsigantung tu jolma na manghilalahon deohot denggan, mangalola, dohot na padalanhon tanggung jawabna. Boha ia hita duaeng sadia godang ma dituhuk ho tanggung jawab na sian Debata i ? jala boha do laho padalanhon i ? Ditompa Debata do hita dohot maksud asa boi hita mangulahon angka na denggan songon sangkap dohot tujuan panompaon na parjolo i. Dilehon do tu ganup jolma i tanggung jawab na boi siulahononhon asa mardalan dohot denggan parngoluon on. Uju dipasahat Debata sada haposan nang tanggung jawab tu hita, sai na lehononNa do angka perlengkapan saluhut angka na denggan laho mangulahon lomo ni rohaNa huhut mangula dibagasan hita angka na hombar tu lomo ni rohaNa.

f)       Dihita na hinaholongan tongkinari ma tatadinghon taon 2023 on, ala ni i dlehon tu hita perenungan di parpunguan bodari on asa taevaluasi pardalanan ni ngolunta na sataon bolon on. Taringot tu Debata do ngolum manang taringot tu dirim sandiri ? asa tabahen jolo rujiruji na paboahon godang dope angka kesilapan, hagaleon nang dosa mangihhutihut ngolunta on. Ala ni i tama do hita mangido hasesaan nang pangurupion ni Tuhanta asa diajari hita mamongoti taon na imbaru ima taon 2024. Dungi molo nunga tasulingkiti ngolunta, aha do tanggung jawab na naung niulam di taon 2023 on ? mardalan do i manang ndang ? asa molo adong dope na hurang tapangido ma asini roha ni Tuhan i asa diloas hita mamasuhi taon 2024 dohot tekad nang komitment laho pasangaphon Tuhan i dibagasan ngolum huhut padenggan tatanan hidup na bertanggung jawab tu Tuhan nang tu saluhut jolma nang tu dirinta sandiri. Asa diIbana ma hasangapon ro di salelengni lelengna. Selamat Jelang Tahun Baru 2024. Amen.

Jamita Minggu Dung Natal, 31 Desember 2023

Jahowa Do Partogi Jala Mual Olopolop   

Jeremia 31: 7 - 9        

a)      Hamu angka dongan, joujou ni turpuk on asa marlas ni roha, asa marolopolop Israel nang hita. Ai i do dihalomohon Debata, ingkon sude na porsea i manongtong marlas ni roha. Pilipi 4: 4 mandok : “Marlas ni roha ma hamu, sahalinari huulahi mandok marlas ni roha ma hamu”. Marlas ni roha ma hita. Bolongkon arsakmi, murhing ni ohimi, unang be margudompong. Ai las ni roha do gogo di hita. Bohi na minar i do na boi gabe sinondang tu na di lambung. Molo sai minar bohinta halak na dilambung pe gabe tersenyum ma; na golap manang marsak hian rohana gabe tiru ma. Tamba do semangat molo minar bohi. Molo songon i, gabe marlas ni rohama sude.

b)      Marhuaso do Debata pauba nasa arsak gabe las ni roha. Ala ni i, dipangkulingi Debata do hita asa marhinsa ni roha marsuraksurak jala marolopolop huhut tapangiar soaranta mamujimuji Debata. Ibana do Sipalua di hita sian nasa jorgong ni si bolis, dosa dohot masa ma pasorathon ngolunta. Ditopot Debata do hita tagan marniae ngolunta. Debata na omni present do Ibana laho mandulo hita, uju taadopi hamaolon di keluarga, uju magopu rohanta di panosak ni parngoluon nang di angka ragat halumlamon di tongatonga ni bangsonta pe. Marragam do hamaolon nang parungkilon na masa di ngolunta. Adong do parungkilon hinorhon ni panosak ni ekonomi, hamaolon ala ganggu marhaporseaon, parungkilon ala panunda dohot tangkang ni angka ianakhon, alai lumobi ma ala ni sahit, hapogoson, ala ni ulaon na manosak, alai lumobi ma ala mandao hita sian Tuhan i. Taingot ma holong do roha ni Debata di hita. TogutoguonNa do hita marhite asi ni rohaNa, asa tarhamonanghon hita nasa hamaolon i,lumobi ma tahe di pangelaela ni dosa dohot sibolis na sai marauang mangalului sibondutonna (pat.1 Ptr.5:8).

c)      Topik ni minggunta mandok: Jahowa do Partogi Jala Mual Olopolop, dia do alasanna ?, ima:

1.      Ala olo Debata manesa dosanta. Ai Parasiroha Bolon do Tuhanta i. Ala olo Debat manesa dosanta, mengampuni semu akesalahan, boha pe balgana, asal ma olo hita manopotisa. Songon na masa tu bangso Israel i di jaman ni si Jeremia tung sange do dosa Israel i: korupsi merajalela, ketidak-adilan tu angka na pogos, na mabalu, yatim piatu. Mencuri nafkah dasar hidup orang lain. Hukum diperjual-belikan. Holan hepeng do na monang. Alai na jumorbut nunga toropan bangso Israel marsomba tu Debata Baal. Ala ni i ingkon uhumon ni Debata ma nasida. Alai di ay.8 didok boanon ni Debata ma nasida mulak, ala marpamuati do roha ni Debata mida bangso i. Kita punya Allah yang lebih suka mengampuni daripada menghukum. Hukuman bukanlah kata terakhir dari Allah. Ketidaksetiaan kita terhadap Allah tidak pernah melunturkan kesetiaan Allah terhadap kita. KasihNya jauh melebihi dan mengatasi pemberontakan kita. (ptd. 1 Joh.1:9)

2.      Ala diparade Debata do masa depanta. Boanon ni Debata do nasida mulak muse tu Jerusalem. Ala ni didok; songon parhauma do nasida, na tangis, hir hodokna jala loja uju manabur. Alai dung i, adong ma hasil. Dung gotilon, gok ma las ni roha. Masa depanta ima naung diparade  songon gotilon (hasil panen) ndada hahasinton ala asi ni roha ni Debata.Ai dibagasan Tuhan Jesus nunga doparade di hita hangoluan saleleng ni lelengna. Las ma rohanta torus mangula dibagasan Tuhan i mambangun masa depan na dumenggan raphon Tuhan i, tapaloas ma Debata manontuhon angka halongangan sijaloonta.

3.      Ala dilehon di hita panghirimon. Uju  manaon na hansit bangso Israel i di habuangan i, diingot nasdia ma bagabaga ni Debata di turpuk on. Ima pahehe panghirimon nasida, gabe mulak ma semangat nasida, sumuang ma las ni roha nasida. Ai tung las ni roha do dilehon panghirimon i. Molo adong dope panghirimon, pasti boi dope hita marlas ni roha. Ibrani 6: 19 mengatakan: “Pengharapan itu adalah sauh yang kuat dan aman bagi jiwa kita. Isara ni kapal laut na sandar ditonga laut, si dipahuturhutur alogo dohot galumbang i do, alai boi bertahan, ndang meret. Ala adong sauh na bagas tartanom.

d) Hamuna nahinaholongan; tung aha pe panaritaanta taingot ma: Kita bukanlah milik penderitaan namun kita adalah milik Tuhan Yesus. Dengan kuasa Tuhan Yesus kita sanggup melewati badai keras hidup ini, tidak ada kuasa apapun yang boleh menerobos kuasa Tuhan Yesus. “bersukacitalah dalam pengharapan, sabarlah dalam kesesakan dan bertekunlah dalam doa” (Roma 12;12). Jahowa do partogi jala mual ni olopolop. Amen.

Jamita Natal I; 25 Desember 2023

Saluhut Bangso Pasangap Huhut Mamuji Debata

(Segala Bangsa memuji Dan Memuliakan Allah)    

Lukas 2: 15 - 20  

 

 

a)      Huria nahinaholongan dibagasan Kristus Jesus, Ia Buku ni si Lukas on laho paboahon barita taringot tu hatutubu ni Jesus. Hatutubu ni pososposo na somal disambut dohot ragam pangaradeon jala na gabe repot natorasna, tarlumobi molo anak buha bajuna na sorang. Alai molo taparrohahon taringot tu hatutubu ni Jesus baliksa do na masa, angka kesederhanaan do na masa. Tubu di inganan na sederhana jala ditonga keluarga na sederhana muse do. Mansai tangka do kesederhanaan i molo dibandingkon dohot hatutubu ni si Johannes Pandidi anak ni si Zakharia. Ama ni si Johanne ima sahalak malim, hape ama ni Jesus ima sahalak tukang hau. Pamaritaon taringot tu hatutubu ni si Johanes masa di Bagas Joro di Jerusalem, pusat ni hariburon ni halak Jahudi. Alai hatutubu ni Jesus di paboa do di huta na metmet ima di Nazaret. Hatutubu ni si Johanes masa di bagas, hape Jesus tubu di bara ni pinahan do. Posoposo si Johannes diampehon do di podoman na tenang, hape posoposo  Jesus di panggatan i do dipeakhon. Hatutubu ni si Johannes di pestahon  angka tondong nang hombar balokna, hape hatutubu ni Jesus holan dihadiri angka parmahan ima angka halak na sederhana do. Boi masa i ala si Josep dohot si Maria ingkon manadingkon Nazaret tu huta hatubuanna ima Betlehem laho mandaftarhon nasida di sensus na dipamasa pamarenta Rom. Alai, hatutubu ni Jesus parohon angka surusuruan na di Surgo i, na paboahaon ia hatutubu ni Jesus i; “Las ni roha bolon tu saluhut bangso” (ay.10).  

b)      Alai ndanda holan na terpesona hita di kesederhanaan i, jala ndang i na gabe topik ni hatutubu i. Na sorang do ibana na mambahen sada lapatan na mansai ringkot. Siala hatutubu ni Jesus do asa adong panghirimon tu tongatonga portibi on asa unang lonong tu gambo lisop ni dosa jala tarjorat tu gomgoman ni hamatean. HatutubuNa mangalehon kesempatan tu portibi on asa dapotan asi ni roha. Dibuha do dalan tu hita jolma pardosa on asa boi mardame dohot Debata Ama i. Boha do responta di hasosorang ni Jesus i ? Naeng ma taparade rohanta gabe “panggatan” inganan hatutubu ni Jesus i, asa dohot hita menikmati las ni roha ni na tumimbul i.

c)      Ay.15-17: Reaksi ni angka Parmahan i. Marpanghorhon do sudena Barita na Uli na binege dohot naung niida ni Parmahan i taringot tu Posoposo i, i ma Kristus Mesias i. Nang pe borngin na ngali jala holom, martahiborhat do nasida tu Betlehem. Ndang diperdebatkan nasida mengenai boha parborhgaton, ise uluan, aha sihobasan, aha sidohonon, boha molo adong hambatan sian jaga malam na di Betlehem, dna. Bulus do rohanasida mandok : :Beta ma hita.....!” Ndang kecewa nasida di hasadaon, habuluson (polos) dohot di tekad na kuat i. Ai mulus do pardalanan nasida, jala tulus, jala tipak do jumpang nasida si Maria dohot si Josep, dohot posoposo i. Sintong do petunjuk ni Surusuruan i, ai Posoposo i sandiri diborhos jala peak di panggagatan i di dapot nasida. Ndang na mapultak sian bulu, manang madekdek sian langit (songon tudosan ni halak Batak tu sada posoposo na so binoto natorasna) ianggo posoposo i. Tangkas do disi na gabe natorasna i ma si Maria dohot si Josep. Sudena angka naung dipersaksihon nasida on paposhon rohanasida be di “Barita na Uli” i. Dionjar na masa i do nasida so ingkon marbarita. Ndang tarpompoman nasida be tahe holan nasida umbotosa. Ala mansai torop do jolma lalu-lalang di Betlehem hatiha i. Tu angka nasida ma dibaritahon nasida na binege dohot naung niida nasida taringot tu Posoposo i. Ra sai songon na direkontruksi  nasida do di pamaritahonna i mamungka panopot ni Surusuruan ni Tuhan i, sahat tu na gabe tangkas diida nasida na masa i. Naeng songon i sude jolma asa gabe Parbarita na Uli, angka naung umbege jala umpeopsa.

 

Marhite Natal na tapaestahon di ari on,marhite turpuk on:

1.      Na parjolo, marhite Natal on, ro do Debata manghophop hita sude jolma sian latar belakang na marasing asing be. Na hadir do Ibana di ganup konteks parngoluon ni jolma.na dihophop do saluhut bangso, ugamo, houm, nang angka luat pe. Aha do buktina ? ima siala na soraang do Jesus i di keragaman Israel hatiha i na digomgomi bangso Rom do situasina siala bangso Israel na angkuh  merasa bangsona pinillit ni Debata. Hasosorangni Jesus dibagasan konteks na songon i patuduhon ia Debata tongtong do mangasii saluhut jolma, nang bangso. Ala ni i, perayaan Natal on naeng ma mambahen hita marhamubaon ni roha sian roha na holan hita sandiri do na taruli di haluaonNa i. Manang holan hita do na sintong. Marhite Natal on mabuhai rohanta asa olo hita manghohop sude jolma. Boi do secara sederhana melalui senyuman yang indang, atau sapaan bagia setiap orang marhite bohi na lambok idaon jala uli. Dna.

2.      Napaduahon, Natal, disi ma Debata manghohop angka jolma na tarduru, na dilupahon portibi on jala huria i sandiri. Ai so adong jabatan nasida di huria i, ndang aktivis nasida asa tarlibat di perayaan natal. Na gabe sungkkun sungkun: naung boi do angka dekorasi natal ni gareja, angka liturgi natal, angka jamita natal boi mangalehon kesempatan di nasida asa gabe pasidohot aktif di na laho mamestahon Natal on ? Molo pe hita mambahen acara open house, pasidohot do nasida na so marsipatu, na mambuat pangomoan sian sampah, ndada pahean pesta, manang holan tu angka parhalado dohot na berjabatan di huria do i masa? Natal ni Debata na manghophop angka parmahan na mansari di halongonan marbulan bulan laho marmahan dorbiana. Unang ma sohot holan di tingki Natal alai Ibana gabe parmahan na burju.Mansai mararti do Natal molo dungkon Natal pe nasida na tarduru nang na dilupakan tongtong diingot huria na gabe marmahani nasida. Marmahani dohot mangalehon panghirimon tu nasida. Diberdayahon gabe sitindangi ni Kristus tu tongatonga portibi on.

3.      Napatoluhon, Natal ni Debata manghohop  jala mamboan nasida tu mual ni pasupasu. Ndada na holan las rohana di uju Natal alai mulak tu ruma tanggana be dohot tu ulaonna ganup dohot roha na marlas ni roha jala tongtong sidok mauliate tu Tuhan. Songon angka parmahan i; “Mulak do angka parmahan i, dipasangap jala dipapujipuji do Debata ala ni sasude na binege jala na niidanasida, songon naung dihatahon i tu nasida.” (ay.20).

Perayaan Natal mengajak kita untuk bergembira, namun bukan hanya bagi diri kita sendiri, tetapi lebih-lebih untuk menggembirakan hati sesama kita. Kegembiraan Natal itu bukan terutama berupa kegembiraan atau sukacita profan dan materiil, melainkan sukacita murni rohani, karena Yesus telah membuktikan kesungguhan atau kemurnian kasih-Nya dalam kerelaan-Nya lahir di Betlehem. Songon topik di hita: Saluhut Bangso Pasangap Huhut Mamuji Debata (Segala Bangsa memuji Dan Memuliakan Allah)    Selamat Ari Natal Ma dihita saluhutna. Amen.

Jamita Parpunguan Bodari; 24 Desember 2023

 

Hamu angka dongan !

SELAMAT ARI NATAL ma di hita saluhutna. Mansai las rohanta di apala borngin on ro hita marpungu marpahean na uli, angka dekorasi natal nauli ima tanda las ni rohanta di Natal on. Nang jamita pe somalna sian Lukas 2 do na paboahon hatutubu ni Jesus na niolopan ni angka surusuruan parbanuaginjang i, na mambahen semarak pesta Natal on. Ia borngin on sian Buku Mateus 1: 18-23 ma, hohom do carita i, ndang apala historis dohot kronologis-na na dipatujolo, alai lapatan teologis na bagas do. Gumodang do hita dipangido pahusorhusorhon, merenungkan dibagasan hahohomoni. Tauji ma jolo na naengbonaonta sian natal on:

1. Naparjolo; dipatudu turpuk on do hubungan dohot panghorhon ni Natal tu keluarga. Dipake Debata do keluarga patulushon sangkapNa di Natal i. Jala dimulai sian peristiwa na tragis, sian peritiwa haurahon. AI nunga gabegabean si Maria, jala na di bortianna i pe ndang binoto sian dia. Molo di tingki ntan uaeng on, nunga gabe sihataan on jala viral di tonga ni masyarakat. Boi ma tabayanghon keadaan ni si Josep dohot si Maria tung maila situtu jala borat manaon i. Memang dibagasan ngolunta on sipata jotjot do diloas Tuhanta i hita mengalami hal-hal na maol adopanta. Denggan do nian na tapatupa dohot na taula alai sai adong do na marsogo ni roha marnida hita. Alai nang pe tung maol songon posisi ni si Josep dohot si Maria diurupi Tuhanta do Si Josep dohot si Maria nang hita mangadopi angka hamaolon i. Na penting boha do hita marsikap di hamaolon i ? ima na tatiru sian si Maria: a. Didok si Maria: “Naposo ni Tuhan i do ahu, sai saut ma tu ahu songon na nidokmi” (Luk.1:38). Lapatanna, dipaloas ibana do Tuhan i mangatur ngoluna. Laos songon i do si Josep, halak na boanr do ibana. Ndang lomo rohana paurakhon si Maira i di jolo ni natorop. Habonaronna i do sinjata na umbalga di ibana. Ndang gasagasaon, ndang emosional, ndang g aor ibana, alai hohom do mangalului jalan keluar yang terbaik. Taloas ma Tuhanta Debata na manguluhon dohot na mangatur pardongan saripeon, manang ganup keluarga asa gabe kekuarga na berbahagia. Ulina i molo songon i keluarga di huria, olo papudihon rencananasida, alai pajolohon rencana ni Debata masa di keluargana. Molo olo hita songon i, pakeon ni Debata ma keluarganta be gabe dalan haluaon ni torop jolma. DI pesta natal on anggiat ma nian angka ruma tangga di huria on lam tinggil, lam malo, lam jeli mamereng angka rencana ni Debata diangka keluarganta be, asa boi hita gabe ulaula ni Debata laho pasauthon angka sangkap haluaonNa. Tarlumobi angka horoong ama naeng  ma nian maniru sikap ni si Josep on. Maol do na masa i di ibana, alai olo do ibana unduk, taat. Karena dia taat maka Allah  mau memakainya untuk mengubah dunia.
2. Napaduahon: digoari do posoposo i Jesus, molo panurat puisi Shakespeare mandok : “Apalah arti sebuah nama”. Umpama ni ompunta  i mandok: “Madabu gorga tu gambo, sarupa goar tu pangalaho”. Di halak Jahudi, goar ndada holan sebutan, alai dohot do i hakekat nang sintasinta. Asa molo didok, ia goar ni na naeng tubu i ima Jesus, ndada holan goar sambing i, alai dohot do i patuduhon hadirion, hakekat dohot ulaonNa. GoarNa Jesus, jala ulaonNa ima goarNa i, ima paluahon bangsoNa sian dosa nasida be. Tutu do nian naung leleng dipaima bangso Israel haroro ni Mesias i, na tinagam nasida boi paluahon nasida sian gomgoman ni penjajahan Rom. Alai diboto debata do, ndada masalah politis masalah na rumingkot di jolma, alai masalah dosa. Ai dosa do naung mamparhatoban sude jolma. Dosa i ma manirang hita sian Debata Bona ni hangoluanta i. Jala upa ni joma sian i ima hamatean. Hamatean i ma hira penguasa na so boi tartaluhon, ai nasa jolma ingkon mate. Ndang tolap ni jolma be paluahon dirina sian i. Natal adalah suatu bentuk intevensi atau campur tangan Allah untuk merebut kita umat manusia kembali dari penjajahan dosa. Marhite hasesaan ni dosa, mulak ma hita tu hajolmaonta na sasintongna, gabe anak ni Debata. Ido las ni rohanta di natal on, ala nunga adong be Jesus nasinuru ni Debata paluahon hita sian doa.
3. Napatoluhon; goar ni Jesus dohot Immanuel, ima tanda solidaritas ni Debata tu hita jolma na dangol. Ibana na so tumanda dosa hian olo gabe dosa ala ni hita asa tarpaluasa hita sian dosa. Olo gabe jolma, dos songon hita asa Ibana manuhuk sude dosa dohot parungkilonta. Ala ni i satingkosna natal ima pesta solidaritas, pesta kesisetiakawanan. Molo olo Debata solider, setia kawan tu hita, hita pe naeng ma songon i. Ala ni i, pesta Natal nian naeng ma tingki di hita laho mangambolonghon roha egoisme, roha diri, na holan na patujolohon didirina be.roha na so setia tu dongan. Alai naeng ma tapangke Natal on gabe tingki na lehet di hita laho bersolidaritas tu angka dongan na paimahon pangurupion. Sude ma na marlas ni roha di pesta Natak mamingkiri aha ma sibahenonku tu halak na asing, songon nabinahen ni Debata tu ahu dibagasan Jesus ? Molo masa Natal, taorui ma na tu hita, alai tapagodang ma solidaritasta tu halak na pogos di humaliangta, di hurianta godang dope na pogos, nang keluarganta na jonok manang na dao, angka gelandangan, pemulung, angka na marsahit, na tarhurung, na korban bencana, angka na bermasalah, olo ma hita berbagi rasa dohot nasida. Ala Tuhanta tubu di toru hasangapon ni jolma, patutoru diriNa na gabe tiruan dihta asa tabereng ma ditorunta godangnai tahe angka jolma na dibagasan pardangolan. Naeng ma momen Natal on paboa las ni roha tu sude jolma, paboa nunga ro Immanuel i,donganta  ma Debata. Amen

Jamita Minggu Advent IV, 24 Desember 2023

RO DO JAHOWA TONGON PALUAHON BANGSONA

(ALLAH DATANG MENYELAMATKAN UMATNYA)    

Jesaya 35 : 1 - 4

 

 

Hamu angka dongan !

Disada pertemuan hea do Presiden Joko Widodo mandok hatana taringot tu proyeksi keadaan ni portibi on tu joloan on, didok nasida:

“Ia portibi on dibagasan posisi na so denggan, posisi ni angka bangso ndang denggan mansai sulit. Lembaga internasional paboahon ia taon 2022 mansai susah, jala taon 2023 lam susah jala holom.

Ndang dope angka fakta godang ni na marmatean ala ni haraparon marribu halak hinorhon ni krisis ni sipanganon di angka luat di portibi on ima dampak ni parporangan Rusi dohot Ukrania. Boi ma dohonon portibi on mangadopi krisis multidimensial di taon na ro. Di na deba halak krisis multidimensial on boi do parohon stress, depresi, sahit na boi gabe ekstreem na gabe mate maningkkot. Boasa boi masa sisongon i ? ima siala ndang adong be pangkirimonna.

Ganup ari, mata, sipareon sai manjalo angka barita-barita sisongon on, tung lomo manang so lomo pe rohanta na gabe fakta di lapangan na boi mambahen lomos rohanta, ndang marlas ni roha be hita angka na porsea i. Sada kunci asa las ni roha nang hadameon i sai hot mandongani hita ima sai tongtong manjaga pangkirimon na togu dibagasan Tuhan i, ia Tuhanta i do na sanggup manjaga parngoluon ni angka ankanghonNa.

 Hamu angka dongan! Benyamin Disraeli, Perdana Menteri Inggris hea do mandok: Saya selalu siap dengan keadaan terburuk, tapi saya selalu berharap kejadian terbaik. Ndang sude ngolu on mardalan sesuai harapan, adong do logo ni ari, ari parudan, ari na ngali, boi do masa angka hamaolon, kegagalan, hahasinton, las ni roha, saluhutna i marsikkat sorin. Alai molo songgop hamaolon i, disi ma hita marpangkirimon, asa unang lonong manang terpuruk dibondut masalah hita. Pangkirimon i mambahen hita gabe bersemangat. Jala sian hasil penelitian na jinaha di buku Momen Inspirasi, pitu halak sian sampulu pasien na marnampunahon panghirimon jala adong semangat hidup na tinggi jala torus mangolu sahat tu na sampulu taon. Alai opat tu lima pasien na so marpanghirimon gabe hatop do mate. Sian penelitian i mandok ia panghirimon i dihehei sian holong ni keluarga.

Hamu angka dongan songon i do bangso Israel uju ni si Jesaya on. DI kondisi na so marpanghirimon: Mabiar do halak Israel ala naeng uhumon ni Debata ma nasida tu habuangan. Ingkon lengsehonon ni musu ma Jerusalem dohot bagasjoro i. Huta nasida ingkon gabe tano hasang. Ima mambahen torop halak mabiar. Sikap namabiar i mambahen torop halak gabe dauk tanganna jala telluktelluk (ay.3), ra ala tarhenos.

Laos songon i do torop jolma nuaeng; gok biar, kekhawatiran. Ai songon na lam mura jala hatop ro hamatean i. So binoto na masa sinuaeng on, torop jolma na so boi mengendalihon dirina, gabe bangso na bringas namansai muramura mambunuh jolma, pangalaho, parange ni jolma na so patut be dohonon di luar kendali.

Alai nuaeng, di Advent on ro do barita las ni roha di turpuk on mandok : “Pargogoi hamu ma tangan angka na daukdauk, pahot hamu ma angka pat na telluktelluk....pir ma tondimu, unang hamu mabiar.....Debata ro martubolhon.....Ro do Ibana tongon paluahon hamu”. Angka na martihas pe (tuna rungu, tuna wicara, tunanetra) pe dipalua gabe sumuang. Somalna dipasiding/dipaduru do halak on. Alai nuaeng, harkat kemanusiaan nasida dipasuang Debata. Nang portibi manang alam pe, gabe lestari (ay.6-7). Alai na rumingkot, gok hadameon ma portibi on. Ala nunga mangula Tondi ni Debata di roha ni jolma, maporus ma arsak dohot hoihoi. Masa lalu yang suram akan diganti dengan masa depan yang gemilang.

 Di Minggu Advent na paopathon on tapagalak do opat lilin: sada lilin dame, Lilin haporseaon (iman), lilin holong (kasih), na paopathon lilin penaghirimon (penharapan). Adong ma sada carita opat lilin on: Nagalak do opat lilin on di sada kamar, alai huhut ma nasida manghatai.

 

Lilin na parjolo mandok: “si dame do au, alai maol do jolma on manjaga au ai sai marbadai do nasida nang di huria pe. Ala ni i, tumagon ma au mate”. Laos mintop ma i.

 

Ro ma muse lilin na paduahhon mandok: “Ia ahu si Haporseaon (Iman) do. Alai laos so olo do jolma on manjalo au, ai so olo porsea, sai utokutokna do dipangasahon, tumagon ma au mintop”. Laos mintop ma.

 

Ro ma muse lilin na patoluhon mandok: "Anggo ahu, si Holong (cinta kasih) do au, au pe ndang dianturehon jolma on, holan na masihosoman do nasida, au pe tumagon ma mate”. Laos mintop ma dohot i.

 

Alai tompu ma masuk sahalak dakdanak tu kamar i, jala diida nunga mintop lilin na tolu i. “Eeee, aha do na masa? Molo mintop hamu, golap ma, mabiar do au, ninna.Laos tumatangis ma ibana.

 

Gabe asi ma roha ni lilin paopathon i, didok ma: “Unang ho tangis, unang ho mabiar, torus pe au galak. Saleleng mangolu dope au, boi do au pagalakhon na tolu on, ninna. Ise do ho ninna dakdanak i. “Si Panghirirmon (aharapan) do. Tutu ma dibuat dakdanak i ma si Panghirimon i, jala dipagalak ma lilin na tolu naung sanga mintop i.

 

Advent mandok sude hahansiton gabe “masa lalu” do i bahenon ni Debata. Dipapos turpuk on rohanta, paboa Debata do nampuna jala na manontuhon masa depanta. God is the future. Sude hahansiton bahenon ni Zdebata do i i gabe “masa lalu” ambolonghononNa do i. Taingot ma, ndang hahasinton  i masa depan ni na porsea, alai las ni roha do. Jalana manejamin i, ndada dirinta, huasonta, artanta. Ndang.....masa depan ni na porsea i ditangan ni Debata do. Debata do mengarahkan ngolu ni na porsea tu masa depan na dumenggan, naung pinatupa ni Tuhan Jesus, ima hangoluan salelenglelengna di surgo di lambung ni Debata.

Ala ni i, Advent manjouhon hita asa unang adong hita na mabiar mardalan tu masa depan. Jalanilahmasa depanmu dengan sukacita. Atik adong hita nuaeng na tongon marsak, marboban na dokdok, ala ni sahit, ekonomi, harugian, parsualon keluarga. Olo do ala ni angka i mabiar hita mardalan tu jolo, ido ala adong na bunuh diri.

Nuaneg unang be bobonosan roha nang panghilalaanta, dilehon do hita jaminan perlindungan, jaminan masa depan, ia mesias na naeng ro i ima Tuhanta Jesus Kristus na marhamonangan i. Ido asa dijouhon Jesus tu hita: “Ro ma hamu tu Ahu, hamu angka na loja jala na sorat, Hupasonang pe hamu”. Masa depan kita bukan ditentukan oleh kesakitan atau penderitaan dunia, tetapi ditentukan oleh kuasa Tuhan kita Yesus Kristus yang menyediakan hidup yang lebih baik dan hidup kekal bagi kita.

Nuaeng di Minggu advent on disuru hita: Jadilah pemberi semangat bagi mereka, agar mereka bangkit, bersemangat, bersukacita menjalani hidup ini, walau berat sekalipun. Biarlah di mana ada keputus asaan kita datang membawa pengharapan. Di mana ada keraguraguan kita mampu membawa pengharapan. Di mana ada kelesuan dan tawar hati, kita mampu membawa semangat hidup yang baru. Ra taingot dope motto ni pramuka mandokL “Lakukan satu kebaikan setiap hari”. Mari kita lakukan itu dengan memberi semangat setiap hari bagi setiap orang yang tawar hati.

Hamu angka dongan. Ra na sosadaranta hea do ra hita manang jotjot melemahkan donganta nang iananghonta. Torop halak nuaeng situnjang na gadap

Nuaeng, tausahahon mandok hata na patoguhon, na menyemangati, na memotivasi halak. Salah satunya ima dengan selalu tersenyum. Wajah siapa yang paling indah ?, pasti wajah yang tersenyum. Itulah sebabnya senyuman itu bisa menyebarkan kegembiraan bagi sekelilingmu. Songon si Job, jaha Job 29:24: “Aku tersenyum kepada mereka, ketika mereka putus asa”. Dung itapake ma kata-kata positif dohot na bersifat pujian na ikhlas

Kata-kata positif yang diberikan kepada orang yang jatuh akan membangkitkan semangat orang tersebut dan membantunya untuk bangkit. Kata-kata  positif itu sangat banyak kita jumpai dalam Alkitab.

Di minggu advent on, tapingkiri ma: aha do bahenonku patoguhon roha, patoguhon panghirimon, pasuang las ni roha ni angka dongan, donganku sajabu, angka iananghokonku, donganku sakantor, sahuta, sahuria? Alai naummotikna tajamothon dirinta unang dohot hita mambahen halak gabe gale, patah semangat, gabe daukdauk tanganna manang telluktelluk patna. Papir roham, patogu panghirimonmu, palas roham, dung i boi  ma hita papir roha ni halak, patogu panghirimonnna, jala palashon roha ni halak na asing. Na ro do Jahowa paluahon bangsona, paluahon hita unang ma mabiar hita karena masa depanmu bukan ditentukan kondisimu sekarang, bukan ditentukan penderitaanmu, kesulitanmu, kegagalanmu. Masa depan ni angka na porsea ima di Jesus Kristus. Amen.