Jamita Evangelium, Minggu Septuagesima ( 70 ari Andorang so haheheon), 1 Februari 2026

MARTUA DI BAGASAN TUHAN I

(Hidup Berbahagia Di Dalam Tuhan)

Mateus 5 : 1 – 12

 

a)   Huria ni Tuhanta na hinaholongan dibagasan Jesus Kristus, taparrohahon do ra molo Pemilu naung jonok ne ma laho mamillit presiden, torop do jolma ro sian na sasa luat. SOmalna adong do dua pangalaho ni jolma molo jumpa sisongon on. Naparjolo, sai dipanagsahon do torop ni jolma sisongon on laho pasauthon lomo ni rohana marhite na mamujimuji dohot na mangalehon janji siulahononhon di program sibahenonna laho pasonanghon pinggol na umbegesa. Manang na paduahon, boi do lea rohana tu si hatoropan i.

b)  Alai na masa di bagasan turpuk on molo tajaha sian ayat na parpudi di bindu na paopathon, mansai torop do jolma laho mangihuthon Jesus. Ndang holan na sian Palestina alai n aro sian duru ni huta I, mansai ungkap do rohanasida. Boasa ? siala mansai ringkot di nasida pangajarion. Ai mansai torop do nasida songon anak ni manuk na agoan indukna. Ai torop do angka malim dohot uluan ni  Masyarakat naung manghalupahon tugas laho mangajari dohot patoguhon roha ni bangso i. Alai gabe muba do rohanasida songon “babiat”. Mansai ringkto di bangso I pangajarion na patiurhon roha nasida. Torop jolma na ro siala mansai ringkot di nasida hamalumon ndnag holan sian sahit ni pamatang alai dohot do sian sahit ni partondion. Ditangihon nasida doo barita taringot tu Jesus sian hata tu hata as aro do nasida dibagasan las n iroha mangihuthon Jesus so pola hilalaonna daona, male dohot mauas, hos ni ari dohot lojana I asa holan laho manjalo pangajarion dohot hahisaron sin Jesus.

c)    Huria ni Tuhanta na hinahoongan, adong dope hita sihol ni rohanta songon ruas ni HKBP nuaeng laho pajumpang, jala manangihon pangajarion na sian Tuhanta Jesus I ? Dison ma asa manghhilala angka parhaladoo nang pangola ni huria boha do asa lam torop ruas ni huria na antusias na bersemangat tinggi laho tumangihon Hata ni Debata. Dung marnida natorop I boha do sikap ni Jesus? Songon panggomgomi portibi on do ? taparrohahon ma:

1.   Naparjolo; Taronjar ma asi ni roha ni Jesus marnida parsorion dohot hauason ni torop halak. Dungi dipamalum Jesus ma saluhut sahit sian nasida, sahit pardagingon nang partondion. Ima cara ni Jesus patuduhon asiniroha tu manisia na gok panaritaan. Dipapatar Ibana do diriNa songon Sipalua jala Siparmahan jolma naung madabu tu gambo  lisop ni dosa. Ima paruntunganta molo ringgas hita ro tu Tuhan Jesus. Siala Ibana do na mandok di Mateus 11: 28 “Ro ma hamu tu Ahu, hamu angka na loja jala na sorat, asa hupasonang hamu!” Jala taringot naung dibagabagahon hian di Mateus 8: 17b "Ibana do mangusung pardangolanta jala angka sahitta diporsan.” Ala ni I harugian bolon do molo sai malas hit aro tu Jesus. Molo ro hita pasahathon saluuhutna parsorionta, sai ambolongkononNa do I sian hita asa gabe neang tahilala.

2.   Napaduahon; ala ni toropna jolma n aro I, laho ma Jesus tu sada dolok (boi do songon inganan partimbo) asa lobi tenang hilalaonNa. Sian I ma dipasahat Jesus jamitaNa. Molo pandok ni na malo, boi do kemungkinan bindu 5 – 7 jotjot dijamitahon. Jamita di dolok on ndang dijamitahon di sada inganan dohot kesempatan, alai di angka inganan dohot kesempatan jala marhite si Mateus dibahen ma gabe sada. Sian I ma diajarhon Jesus godang angka pangajarion. “Tarbege ma angka hat ana ummuli jala na sangap, angka hat ana so hea pinatubegehon tu manisia” didok J.Verkuyl. Ima jamita didolok. Asa sai ingoton ni si Mahatma Gandhi ma jamita dolok on, jala jotjot dipangke ibana di bidang politik. Jamita di dolok on na  gabe dasor di na laho mangalusi ragam hamaolon.

d)  Huria ni Tuhanta na hinaholongan, dibuhai Jesus do marhite hata “Martuama” pola pigapiga hali. Ima barita las ni roha tu manisia sahat tu partingkian  on. Molo disungkun tu hita : “Aha do na lapatanna “martua” dison sian Hata Gorik didok “makarioi” ima na marlapatan: dipasupasu, paruntungan, marlass n iroha. “makarioi” ima las n iroha nab agas jala ndang tardodo. Lapatanna, las n iroha na so boi jamaon manang dipamago arsak, agoan, sahitsahit, habot ni roha dohot sian huaso ni manang aha pe. Ima las ni roha ala ni pambahenan ni Debata  marhite Jesus Kristusn a biansabasahon tu I bana. Ima haluaon na tumimbo na dilehon tu manisia.

Taringot tu son didok si William Barclay: las ni roha na dilehon Tuhan Jesus marsinondang mangatasi iluilu nang parsorion, na so boi buaton  manang disiaphon angka huaso manang aha pe diparngoluon manang di hamatean. Las ni roha olopolop, ndang angka bagabaga na so marimpola tu ari na naeng ro. Alai las n iroha hamonangan siala hasonangan na hot na so boi bonduton ni portibi on. Holan Jesus do na boi mangalehon hasonangan na sisongon i. Las ni roha ni portibi on holan parsatongkinan do. Alai molo hot do hita mangolu dibagasan Jesus sai jaloonta do hasonangan na manongtong i. Ngolu na songon dia do nab oi sibahenonta asa tajalo jala gabe halak na martua ? Dilehon Jesus do 8 carana ima:

ü Naparjolo: na pogos diadopan ni Debata (ay.3); ndada na mandok pogos nasida diarta. Alai pogos di partondion do, dilapatid I BIS (bhs.Indonesia seharihari) merasa tidak berdaya dan hanya bergantung kepada Tuhan saja. Na manghilalahon na soada dibahen nasida pangalaho na dengganlaho manjalo haluaon, jadi na dipangasahon nasida ima holan asi n iroha ni Debata sambing; asa rade ma nasida pasahathon diri hibul tu asi n iroha ni Debata sambing. Nasida olo mangelekelek di asi ni roha I ala soada nab oi sipangasahononhon diadopan ni Debata laho manjalo haluaon i. Tu halak si songon I ma dilehon Debata HarajaonNa; ima las n iroha bolon.

ü Napaduahon; halak na marsak roha, ala siapulon do nasida (ay.4). Na nimaksud ndada ala ni hamatean na somal. Alai na umbagas muse ima panghilalaan habot ni roha na mansai lungun na manghilalahon hamaolon ni ngolu hinorhon ni mangulahon lomo ni roha ni Debata. Arsak n iroha siala angka dosana. Asa sian unduk dohot serep ni roha olo manghatindanghon diadopan ni Tuhan Jesus, asa marhamubaon ni roha. Di angka nasida on, ia Tuhan Jesus mangalehon las  ni roha siala diapuli nasida marhite hasesaan ni dosana. Ndanga dong las ni ro ha bolon uju ro kepastian naung disesa Jesus dosanta.

ü Napatoluhon: nasida na lambok roha siala nasida do nampuna portibi on (ay.5). Ima nasida na serep marroha mangalehon dirina hibul niuluhon Debata, asa uju adopanna na sian duru ni dirina, asa boi direspon nasida hombar tu lomo ni roha ni Debata ala pangarajaion diri. Binoto andigan muruk andigan ndang muruk. Ndang mambalos hajahaton dohot na jat alai marhite lambok n iroha dohot haburjuon. Tu angka nasida ma dilehon Tuhan Jesus las n iroha siala nasida ma nampuna portibi, ala di angka sisongon I ma na gabe raja didonganna, tudos songon na didok di Poda 16: 32 “Tagonan do halak na lambat tarrimas sian ulubalang, jala halak na mangarajai dirina, umbalga do i sian na papatu huta.”

ü Paopathon; angka na male jala mauas di hatigoran, ai sipabosuron do nasida (ay.6). Ndada na male jala mauas na somal on na boi pabosuron marhite roti dohot aek. Nasida ima angka halak na sai giot rohana torus manggulahon hasintongan dohot sikkop. Boi do sian pangkataion denggan alai holit. Manang mansai basa sasahalak alai kasar parangena. Na dimaksud dison, nasida I ima na so olo puas dohot sukup alai torus marusaha. Jala sai pabosuon ni Tuhan Jesus do ulaon nasida I marhite pangurupion Tondi Parbadia.

ü Napalimahon; Martua ma na asi roha, ai siasian do nasida! (Ay.7). J.J. de Heer secara sederhana mendefenisikan bahwa yang murah hati adalah perbuatan kasih terhadap sesama. Tetapi William Barclay lebih dalam lagi. Murah hati, sama seperti Tuhan Yesus yang murah hati, mau mengampuni segala dosa dan kejahatan kita. Tetapi bukan hanya sekedar mengampu-ni. Tetapi mengampuni hingga bisa memahami dia yang bersalah, melihat dengan cara melihatnya, berfikir dengan cara berfikirnya, merasakan apa yang dia rasakan. Seperti itulah yang dilakukan Allah bagi kita di dalam Tuhan Yesus. Dia mau menjadi seperti kita, merasakan apa yang kita rasakan. Itulah kebahagiaan tertinggi, bila Allah mau melakukan hal seperti itu terhadap kita.

ü Napaonomhon; Martua ma parroha na ias, ai idaonasida do Debata! (ay.8), ima nasida na so marlaok rohana dohot angka na asing, jala tutu polin, tulus, marserep ni roha. Molo tapahombar tu Psalmen 24: 3 – 4 “Ise do na jadi nangkok tu dolok ni Jahowa? Jala ise do na hum jongjong sogot di hajongjongan ni habadiaonna i? Halak partangan na lidang dohot na ias roha, parroha na so paihuthon na so hasea, jala na so olo margana laho mangansi.”

ü Napapituhon; Martua ma sibahen dame, ai goaron do nasida anak ni Debata! Ima angka halak na sai patubuhon dame tarlumobi molo jumpa angka partontangan nang parsalisian. Sai marusaha do mambahen na denggan nang pe sipata maol laho magulahonsa. Nasida  ma goaron anak ni Debata, ala ido sifat ni Debata na mandamehon jolma na mardosa dohot Ibana dibagasan Jesus Kristus asa mardme jolma I dohot Debata dohot manisia.

ü Naparpudi iama angka na pinaburuburu siala goar ni Tuhan Jesus (ay.10-12). Nasida ma na sai satia manghatindanghon haporseaonna tu Jesus  tung pe aeon nasida ragam parsorion. Ai didok do di Mateus 10: 32-33 “Ai ganup na mangkatindangkon Ahu di jolo ni jolma, i do hatindangkononku di jolo ni Damang na di banua ginjang i; alai ganup na mansoadahon Ahu di jolo ni jolma, laos soadahononku do i di jolo ni Damang na di banua ginjang i.”

e)   Huria ni Tuhanta sude do hita lomo rohana martua. Alai ndang adong na hot hatuaonta na di portibi on. Molo halak batak mandok, hamoraon, hagabeon, hasangapon alai dung turpuk on tatambai ma haporseaon na sai talului. Ai holan dibagasan Kristus I do hatuaonta las ni rohanta jala hamonanganta. Amen.

Jamita Bona Taon HKBP Moria BSP Lubuk Pakam Selasa, 27 Januari 2026

Pangajarion Haporseaon di Tonga Keluarga

Pengajaran Iman Ditengah Keluarga

5 Musa 6: 4-9

 

Hamu angka dongan hinaholongan ni Tuhanta Jesus! Turpuk on ma deba sian pembekalan sian si Musa tu bangso Israel laho mamasuhi tano Kanaan (ay. 1). Dibohali nasida, ala balga do ancaman ni haporseaon umpang nasida annon disi. Naparjolo, ima kemakmuran, ai tano na napu, habaoran ni situak ni loba dohot susu do Kanaan, sibo-an kemakmuran. Boi do gabe lupa nasida tu Debata molo dung makmur. Porlu ma nasida dibohali. Napaduahon, ima ancaman paruga-moon. Ai adong do pangisi ni huta Kanaan (ima halak Heti, Amalek, Kanani, Jebusi, Amori), angka sisomba debata sileban. Molo dung berinteraksi tu nasida, boi do terpengaruh Israel gabe sisomba debata sileban i, manang sinkritis.

Ala mansai serius do ancaman i, i do pola di ayat 4 dijouhon: Tangihon ma, ale Israel. I do ala digoari turpuk on: Syema Israel dengarkanlah, hai orang Israel ima joujou tu Israel asa manarehon pinggol dohot roha, mendengar dengan sungguh-sungguh dan menaatinya. Wajib do ingkon apilon nasida turpuk on tolu hali sadari. Jala wajib do i diapil (dilafalkan) di kebaktian ari Sabat.

Tauji ma mamereng piga hal:

1)   Ringkot ni pendidikan berbasis keluarga. I do dipillit Debata gabe pola pendidikan tu bangsoNa Israel. Sian ayat 7-9, boi ma manang piga hal siradotan ni natoras tu anakkonna.  Diparentahon Debata do sude angka natoras, tarlobi angka ama asa gabe pangajari (pendidik) yang utama dan pertama tu anakkon-na, songon binahen ni si Abraham (tajaha 1 Musa 18, 19). Jala ingkon sian sietehetehonna do dakdanak i diajari.  Tarlobi angka anak baoa, ingkon tangkas diajari jala dipodai, ai nasida do muse gabe ama di keluargana. (Tajaha Poda 1, 8; 2, 1; 3,1+11). Ala ni i di turpuk on, ingkon parjolo do angka natoras mangulahon Hata ni Debata, asa ummura nasida mangajarhon. Ingkon jumolo natoras gabe halak sihabiari Debata (ay. 2), jala na tangkas mangaradoti dohot mangulahon Hata ni Debata, na mambahen Hata ni Debata gabe sulusuluna di dalan na golap jala tungkotna di na landit, landasan ni ni sude parngoluonna (ay. 2-3). I ma ihuthonon ni anakkonna. Pendidikan tercepat adalah melalui contoh atau keteladanan hidup. Apa yang dilakukan orangtua akan lebih cepat dan lebih mudah dicontoh anak-anaknya. Act is louder than words.Keluarga do dipillit Debata gabe sikola na parjolo ala disi do dapot parngoluan na sasintongna (kehidupan riil). Ai di jabu do lumeleng angka anakkon rap dohot natorasna; disi do gumodang interaksi sian natoras laho patogu roha ni anakkon mangula hal na positip. Di tingki marmeam rap dohot anakkon (mansai ringkot do i), disi ma natoras mananomhon nilai-nilai kehidupan na positip, tarlobi ma i taringot tu Debata. Mansai efektip do jabu gabe inganan mananomhon memori jangka panjang tu dakdanak. Mansai une ma nian angka natoras menghias jabuna dohot angka simbol-simbol hakristenon dohot Hata ni Debata, jala mangajarhon i tu dakdanak; asa ndada sekedar hiasan alai i ma dalan mengisi memori nasida di Hata ni Debata (pat. ay. 8-9). Ingkon pakeon ni natoras ma tahe nasa tingki, kesempatan, wadah, nang sinadonganna laho membangun jiwa cinta Allah di roha ni anakkonna. Molo taradoti angka i, ima dalanta paradehon generasi sihabiari jala sihaholongi Debata. Alai molo lemba hita disi, i ma awal kehancuran ni dirina, dohot bangso nang masyarakat-ta.

2)   Dia ma poda na utama na ingkon ajarhononta tu anakkonta?

a)   "Anggo Jahowa Debatanta i, Jahowa Sasadasa do" (ay.4b Tuhan itu Allah kita, Tuhan itu BIS "Hanya TUHAN, dan TUHAN saja Allah kita". ingkon paboaon nasida tu pinomparna, adong do Debata nasida, na mamillit nasida gabe bangsoNa, na paluahon nasida sian parhatobanon Misir jala mamboan nasida tu Kanaan. Debata Jahowa do na patupahon i, ndada debata manang dewa-dewa na asing.

Ø Ingkon holan i do sombaon nasida. Ai Debatanta i, holan sada do, ndang godang, ndada kumpulan ni dewa-dewa. Holan Debata Jahowa do na boi patupahon ulaon na balga songon na tu Israel (2 Musa 15, 11). Ala ni i, holan Ibana ma disomba. Unang ma marsomba tu debata na asing; unang marangkup dibahen Debata. Sasaran kepatuhan dan kasih mereka harus mutlak tunggal, holan tu Debata Jahowa (Patik parjolo dohot paduahon). Di poda ni hurianta, on ma na tatanda di Debata Sitolusada (Ama, Anak dohot Tondi Parbadia).

b)  Sipodahonon paduahon ima, "Jala ingkon haholonganmu Jahowa, Debatam sian nasa roham dohot sian nasa ateatem dohot sian nasa gogom" (ay. 5 Kasihilah TUHAN, Allahmu, dengan segenap hatimu dan dengan segenap jiwamu dan dengan segenap kekuatanmu". Di Mateus 22, 37, didok Tuhanta Jesus, on ma patik raja hukum yang terbesar, na gabe intisari ni sude patik ni Debata. Marlapatan do i, asa talehon sude ngolunta secara total holan laho manghaholongi Debata; kita menaruh perhatian penuh bagi kepentingan Allah, mengutamakan kepentingan Allah di atas segala-galanya, membuat Allah menjadi segala-galanya, yang utama dan pertama dari segala apapun, sehingga mau melakukan apapun demi Allah.

 

ü Sian nasa roham (dengan segenap hati). Taboto do, roha do mual ni nasa perasaan, akal budi, sikap moral dohot karakter. Asa, molo didok "sian na roha", marlapatan do i, sude perasaan, parbinotoan, hapistaran dohot kepribadian ta ingkon marharoroan (bersumber) jala marhapatean (bermuara) tu Debata.

 

ü sian nasa ateate (dengan segenap jiwa), ima nafas, potensi, prinsip-prinsip kehidupan, keinginan-keinginan harus bersumber dan bermuara serta digunakan untuk kepentingan Allah.

 

ü sian nasa gogo (dengan segenap kekuatan), lapatanna, ingkon marusaho do hita mamake sude gogo, dengan bekerja keras laho pasauthon lomo ni roha ni Debata.

 

Hamu angka dongan! Ancaman tu Israel on, i do tong ancaman taadopi nuaeng:

a.    Nunga lam maduma bangsonta. Jala laos soluk ma roh materialisme, konsumerisme dohot hedonisme. Jala, taida do, nunga adong jolma naung mardebatahon arta; sude cara dipake, so dihabiari be Debata asal ma dapotan arta laho papuashon hagiotna. Nunga adong na pagomgomhon ngoluna tu arta (pat. Luk 12, 18-19).

b.   Kita hidup di era informasi canggih, di mana anak-anak muda keranjingan "online" bagi banyak orang. Itu baik. Yang bahaya bila itu membuat mereka "offline" terhadap Allah, menjadi sombong karena merasa tidak membutuhkan Allah, atau merasa Allah tidak ada berbuat apa-apa baginya; membuat Allah hanya sebagai "filsafat" saja.

c.    Mangolu di masyarakat pluralis dohot na heterogen do hita. Angka anakkonta godang berinteraksi dohot parugamo na asing. Mansai na uli do i. Alai, boi do i mamboan nasida tu ajaran na sala, na mandok: Banyak jalan ke Roma, atau semua agama sama. Boi do gabe mura nasida maninggalhon Jesus na mandok: Ahu do dalan i, dohot hangoluan dohot hasintongan; ndang adong na sahat tu Ama i i ia so marhite sian Ahu (Joh. 14, 6).

d.   Torop mandok, nunga di dunia modern hita, ndang adong be sisomba begu. Alai, kenyataannya, torop dope halak Kristen na porsea, jala mamake ulaon haholomon (okultisme).

Hamu angka dongan! Molo tapaadop tu kondisi nuaeng jala molo lomo do rohanta gabe anak las ni roha anakkonta i, jala gabe Kristen na unggul, ndang boi be lemba angka natoras, ingkon serius ma patupa pendidikan iman berbasis keluarga. Tung tangkas ma tapodahon Hata ni Debata tu nasida, asa gabe generasi sihaholongi Debata, asa gabe generasi APA (Anak Pencinta Allah) nasida.

Dalam konteks Tahun Transformasi (dimulai 2025), HKBP mendorong keluarga-keluarga untuk kembali kepada peran alkitabiahnya.

v Perubahan Pola Pikir (Mindset): Mentransformasi keluarga dari sekadar jemaat yang pasif menjadi komunitas yang hidup dalam firman (Roma 12:2).

v Pengajaran Iman di Tengah Keluarga: Menekankan pentingnya mezbah keluarga dan komunikasi iman antara orang tua dan anak.

v Konsistensi Janji Baptis: Mengingatkan kembali janji orang tua saat pembaptisan anak untuk mendidik mereka takut akan Tuhan.

Ulangan 6:4-9 menekankan bahwa transformasi iman yang paling efektif berakar dari pengajaran yang konsisten, kasih, dan keteladanan yang ditunjukkan oleh orang tua di dalam rumah tangga. Amen.

Acara Bona Taon Huria

ACARA BONA TAON

HKBP MORIA BSP

RESORT MORIA BSP LUBUK PAKAM

Selasa, 27 Januari 2026

Tema                : Pengajaran Iman di Tengah Keluarga (Ulangan 6:4)

Sub Tema         : Warga jemaat dapat menjadi saksi-saksi Kristus dalam   

                             kehidupannya sehari-hari. 

==================================================================

 

I. PRA IBADAH

Ø  Prosesi sian bilut parhobasan:

 

II. IBADAH

1. JOUJOU MARSOMBA MAMUJI DEBATA: (L:Liturgis ; R:Ruas)

      L       : Huria ni Tuhanta na hinaholongan di bagasan Goar ni Tuhanta Jesus Kristus. Marpungu do hita sadarion mamuji dohot pasahathon hamauliate on ni rohanta tu Debata parholong roha i. Di taon 2026 on, ima Taon Transformasi di Hurianta HKBP hatopan. Na tarjou do hita na gabe sitindangi ni Kristus tu humaliangta nang tu sandok portibi on. Tahirim do angka keluarga ditonga ni hurianta lam marsitutu mangajarhon haporseaon ditonga keluarga. Ala ni i do di las ni rohanta sadarion tapatupa do pesta Partangiangan Bonataon di hurianta laho manghamauliatehon saluhutna pambahenan ni Debata di huriaNa manipat taon nasalpui, laos songon i nang ditaon on. Antong sian tanda las ni rohanta tapuji ma ibana dibagasan las ni roha.

      R      : (mangendehon) BE.No.565: 1 “Las Rohangku Lao Mamuji”

♫  Las rohangku lao mamuji Debata Parholong i

     Songon bunga na mangerbang di na binsar ari i

     Arsak, dosa, haporsuhon mago dibaen asiMi

     Las ni roha na manongtong lehon di au Tuhanki

     L     : Sadarion di Pesta Partangiangan Bonataon ni Hurianta HBP Moria BSP Resort Moria BSP Lubuk Pakam na ro do hita sian sikola minggu, remaja, naposobulung, ina, ama, nang parhalado di hurianta. Asa las ni roha bolon do na itajalo sadarion, boi hita marsada jala mangolu dibagasan holong ni roha. Antong tapuji ma Ibana.

   R      : (mangendehon) BE.No. 565: 2+ 4 “Las Rohangku Lao Mamuji”

 ♫  Sude jadijadianMu, laut, tano, langit i

 Angka bintang dohot bulan nang mata ni ari i

 Hauma, ladang, nang harangan, rura dohot dolok i

 Saluhut na mangendehon sangap di Tuhanta i

                                 --------- J o n g j o n g --------

 ♫  Rap ma hita mangendehon, sangap di GoarNa i

 Tapangiar soaranta lao mamuji Tuhan i

 Sun do holong ni rohaNa na so marnamontok i

 I do pasadahon hita salelenglelengna i

 

2. V O T U M– I N T R O I T U S:

     L : Dibagasan las ni roha di Pesta Bonataon hurianta, tapungka ma partangianganta dibagasan Goar ni Debata Ama, dohot Goar ni AnakNa Tuhan Jesus Kristus dohot Tondi Parbadia. Amen! Songon on ninna Tuhan Jahowa: Ianggo halak partigor i mangolu do binahen ni parsihohotna marhaporseaon; alai anggo di halak parjahat ndang adong hasonangan. Haleluya!

      R   : (mangendehon) Haleluya! Haleluya ! Haleluya!

      L    : Martangiang ma hita!Ale Tuhan Debata jala Amanami ! Mauliate dipasahat rohanami di sude denggan ni basaM dipangaramotionMu di huriam manipat taon na salpui. Suang songon ima nang ditaonon huhirim hami do asi ni rohaM mangihutihut ngolunami. Sai urupi ma hami, asa unang mandele hami, uju ro hapogoson tu hami, jala asa unang magopo hubahen hami silehonlehonMu na denggan i, uju ro pasupasuM tu hami. Ramoti hami, asa unang marpos ni roha hami tu arta na di hasiangan on. Lehon di hami haporseaon asa dohot hami parjambar di siteanon ni angka na porsea di Ho marhitehite Tuhan Jesus Kristus, Tuhannami. Amen

                                                                                          ---H u n d u l----

 

3. MARENDE BE. No.713: 1    “Togu au O Tuhanki”

♫   Togu au o Tuhanki iringiring langkangki,

Tung maol do dalan I unang lilu au disi.

Jesus Tuhan gomos tiop tanganki,

Nang rahis pe dalan I, sahat au tu surgo i.

 

 

4. TANGIANG MANOPOTI DOSA :

L          : Hamuna na hinaholongan di bagasan Jesus Kristus! Sadarion  tahamuliatehon do Partangiangan Bonataon on. Alai ingkon taparhatopot do dirinta angka halak pardosa. Ala ni i dibagasan unduk ni roha tatopoti ma dosanta na godang I tu adopan ni Debata.

R         :  (mangendehon) BE. No. 683: 1 “DiadopanMu Jesus”

                ♫ Di adopanMu Jesus lea tutu do diringkon

                           Dibaen godang ni dosangkon di adopanMu Jesus

L          :    Ale Amanami jala Debatanami na di Banuaginjang. Parasiroha na sumurung mida hami! Huparhatutu jala hutopoti hami do dosa dohot

pangalaosionnami na godang i di joloM. Tatap hami marhitehite asi ni

rohaM, jala sesa ma dosanami saluhutna, ala ni panghophop ni Anak

haholongan ni rohaM, Tuhan Jesus Kristus, Sipangolu hami.Amen!

R         :   Ala jotjot do hami manimbil sian dalanMu na sintong i. Sipata maol do

        hami patuduhon holong na sian Ho. Jotjot do hami mangulahon dosa.

        Hupangasahon hami do utohutok nami sandiri. Sipata mandao do  hami sian dalanMu. Lupa do hami di sude pasupasu na nilehonMi tu hami, ai jotjot do hulupahon hami hataM. Ale Tuhan, nunga mardosa hami, asi ma rohaM, sesa dosanami, :

                      (mangendehon) BE. No. 683: 2 “DiadopanMu Jesus”

 ♫ Di adopanMu Jesus marsomba au huhut tungki

     Lao manopoti dosangki diadopanMu Jesus

   L          :    Dipajongjong Debata do huriaNa tu tongtonga ni portibion na mansai gok dosa dohot hajahaton. Marhite angka ruasMu HKKBP Moria BSP on di suru Ho hami pararathon hataM asa lam tamba bilangan ni angka ringgas marminggu nang halak na porsea jala marsihohot tongtong tu Ho. Marhite HataMi, naeng mangolu hami ganup ari di ngolu na imbaru. Bagasna i, antong, hamoraon, hapistaran dohot parbinotoanMu. Na so hasigatan do angka uhumMu jala na so habogasan do angka dalanMu.

   R         :    Jotjot do ndang huhaporseai hami HataM na gabe sitiopon nami. Asa gabe madabu do hami tu hajahaton, hatop do hami mandele dohot mabiar. Lemba do hami ro tu angka parpunguan ni HuriaM, sipata bangkol do rohanami ro tu parmingguan laho manangihon hataM i. Asa gabe gumodang do hami dipengaruhi angka teori teori jaman na lam maju on. Lupa do hami di habisukon na sian Ho i. Ndang huhamauliatehon hami hataM na hubege hami, asa lam hurang do holong nami nang tu angka naposoM. Gabe hubereng hami do angka ulaon nasida i, songon kewajiban sambing. Lupa do hami manghamuliatehon saluhutna tu adopanmu. Ale Tuhan asi ma roham di hami.

   R         :   (mangendehon) BE.No.683: 3 “DiadopanMu Jesus”

                     ♫ Di adopanMu Jesus tarsolsol bagi rohangkon  

                          Muba ma au tu jolo on di adopanMu Jesus

   L          :    Hadirion ni Huria songon pamatang ni Kristus di portibion, ima laho

pasauthon panjouon ni Debata. Di suru do hita tu portibi na gok angka

sahit, isarani sahit sosial na lam ragatna di masyarakat. Asa tarjou do hita mamboan las ni roha tu angka halak, gabe parasiroha songon Ibana parasiroha i! Hita do parhitean ni Debata laho pasahathon sangkapNa laho mangurupi angka na marsahit, na pogos, na dangol dohot angka na marsitaonon. Aha do naung tabahen? Ingkon jujur do hita, mansai godang dope na so boi taulahon. Ndang marsitutu hita di panjouonta i.

R        :     Ale Tuhan, nunga mardosa hami. Marpamuati ma rohaM dihami, sesa           ma dosanami i, ai jotjot do hami holan hata di ngolu nami. Pargogoi ma hami jala jangkon ma hami gabe siseanMu. Ramoti HuriaMi asa gabe pasu pasu i tu humaliang hami.

                      : (mangendehon) BE.No.683: 4 “DiadopanMu Jesus”

 ♫ Di adopanMu Jesus lea tutu do diringkon

      Dibaen godang ni dosangkon di adopanMu Jesus

      L          :  Tabege ma hata bagabaga taringot tu hasesaan ni dosa! Munsat pe    angka dolok, jala humuntal angka robean, alai anggo parasi ni rohangKu na so tupa munsat sian ho, jala padan ni hadameonKu na so tupa humordit, ninna Jahowa Siasii ho. Hasangapon ma di Debata na di ginjang!

      P+R     :    Amen! --------H u n d u l--------

 

5. MARENDE BE. No. 411: 1 “Nang pe rara dosamu” BL. 274

   ♫ Nang pe rara dosamu ias dibaen mudarhu (2x)

Na dapdap songon hasumba songon itak do

Nang pe rara dosamu, nang pe rara dosamu

ias dibaen mudar hi, ias dibaen mudarhu

 

6. E P I S T E L : 1 Yohanes 4 : 1 - 11

     L       : Turpuk epistel di parpunguanta sadari on ima 1 Johanes 4 : 1 - 11 , tajaha

  ma marsingkat sorin: Hamu angka haholongan, unang ma ganup tondi

  haporseai hamu; unjuni hamu ma manang na sian Debata tondi, ai nunga

  borhat torop panurirang pargapgap tu portibion.

      R      : Sian on ma tanda hamu tondi ni Debata : Na marhatopothon Jesus Kristus

  naung ro dibagasan daging, i ma sian Debata.

   L       : Ganup tondi namarhatopothon Jesus i, i ma na so sian Debata, i ma pangalaho ni antikristus, na naeng ro i, songon naung binegemuna ; jala

nunga diportibion ibana nuaeng.

      R      : Sian Debata do anggo hamu, angka anaha; jala nunga ditaluhon hamu

  nasida, ai umbalga do Ibana nadibagasan hamu asa nadibagasan    

  portibion

      L       : Sian portibion do anggo nasida; dibahen i; sian portibion do hata nasida,

  jala ditangihon portibion do nasida.

      R      : Sian Debata do ia hita. Halak natumanda Debata, I ma natumangihon hita.

  Halak na so sian Debata, i ma na so tumangihon hita Sian I do tatanda

  tatanda Tondi hasintongan dohot tondi sipaototo.

      L       : Hamu angka haholongan masihaholongan ma hitaai sian Debata do

  haholongon I, jala ganup na marholong roha, i ma naung tubu sian   

  Debata, jala ditanda do Debata.

      R      : Halak na so marholong ni roha, I do na so tumanda Debata, ai haholongon

                do Debata.

      L       : Sian on do gabe patar holong ni roha ni Debata na tu hita; Sian naung

  sinuruNa I anakNa na sasadai tu portibion, asa mangolu hita marhitehite

                Ibana.

      R      : Dibagasan on do holong ni roha I ; Ndada hita manghaholongi Debata;

  Ibana do manghaholongi hita jala disuru do anakNa, bahen pardenggana

                pasaehon dosanta.:

      L       : Hamu angka haholongan, anggo songon I holong ni roha ni Debata di hita,

  tama nang hita masihaholongan.

     L        : Ido sahatna ! Martua do angka na tumangihon Hata ni Debata, jala na

                 umpeopsa.

     L+R   : A m e n !

 

7. MARENDE BE. No. 826 : 1 – 3 “Gohi Au Tuhan”

♫  Gohi au Tuhan marhite HataMi;

     Gohi au Tuhan marhite HataMi,

     Songon hudon na rumar do au Tuhan di sumurMi;

     Gohi au Tuhan marhite HataMi.

 

8. J A M I T A :

 

 

 

9. MARENDE BE.No.792: 1---   “Pasu-pasu hami O Tuhan “   ----Pelean---

♫   Pasu-pasu hami 0 Tuhan sai usehon dameMi,

Sai ampehon tanganMi Tuhan,

Lehon tu au gogoMi di portibion

Baen ma au Tuhan habaoran ni las ni roha

Tu na marsak I tu na dangol I gabe pangapuli i.

 

♫   Diportibion, baen ma au Tuhan,

Monang maralohon dosa dibahen gogoMi,

Talu musu I sibolis pangago i.

Pasu-pasu hami O Tuhan ………

 

♫   Diportibion, baen ma au Tuhan,

Sipatupa hadameon baen ma hataMi,

Saor tu roha ni na masihosoman i.

Pasu-pasu hami O Tuhan ………

 

10. TANGIANG PELEAN + ALE AMANAMI+PASUPASU.

 

III. ACARA RAMAH TAMAH

a)      Makan Bersama

b)      Mandok Hata :

Ø  ASM

Ø  Remaja Naposobulung

Ø  Ina

Ø  Ama

Ø  Parhalado

Ø  Pandita Resort.

 

IV. HIBURAN

Jamita Evangelium, Minggu III Dung Epiphanias, 25 Januari 2026

 

Jahowa Mangalehon Hadameon

(Allah Memberikan Damai Sejahtera)

Hagai 2: 1 – 9 

a)       Huria ni Tuhanta na hinaholongan dibagasan Jesus Kristus, dijalo Panurirang Haggai do tona sian Debata laho manguluhon angka pasipasi ni Israel. Ia Buku Haggai on disurat dungkon mulak angka na dihabuangan I tu Bona Pasogitna. Alai naung tarulang do tano nasida, bagasnasida nang bagas joronasida I, asa denggan ma dipature nasida, dung pigapiga leleng diula nasida so pola terasa panghhorhonna tu hadumaon nasida, tong dope nasida marpogos. Jala laos so dapot nasida do parbue ni tano nasida. Ala ni i di bindu na parjolo dipasahat do sipaingot tu angka uluan ni bangso Israel- Serubabel dohot si Josua, angka panggomgomi luat dohot angka malim bolon. DIgogohon do tu nasida asa mamuhai ulaon paturehon bagasjoro, asa ala ni pengabaian di na laho restorasi bagas joro I do manghorhon hapogoson ala sai holan manarihon restorasi nib agas nasida be. On ma paingothon hita songon  na porsea ingot sumarihon bagasjoro ala inganan parsombaon dohot pamujion ni Debata do i.

b)      Huria ni Tuhanta, taparrohahon turpukta on; n aro do si Haggai laho pasahathon tona atas goar ni Debata. Ia tona I ima asa tongtong mangula, sai idaoanmu do sangkap ni Debata na badia. Na boi idaonta dison adong tolu hal na dipasahat Debata tu tonga bangso Israel dohot tu hita:

Ø  Naparjolo, Naung marujung do hadumaon na robi. Ia parjolo do disungkun si Haggai: “Ise ma sian hamu na  mangolu na hea marnida bagasjoro dihabadiaonna najolo? Jala boha do idaonmu sinuaeng? Nda so marimbar do sinuaeng asa sian najolo?” DI nasida naung maringan di Jerusalem andorang dilengsehon bagasjoro I jala andorang dipabali bangso Israel, naung mansai godang do parningotan nasida taringot tu bagasjoro i. Uju I ra mansai metmet dope nasida songon dakdanak marnida hamuliaon ni bagasjoro i, hape nuaeng idaon nasida pambahenan pe soada sian pasipasi nibangso i najolo maduma hape gabe manika ateate. Sungkunsungkun ni si Haggai mambahen gabe lam lungun rohanasida. Tung soada do hape dirohanasida bagasjoro i, mansai gale do marnidasa, sian sungkunsungkun ni si Haggai on, paboa naung didodo Debata do rohanasida. Ai didok do di 1 Raja-raja 8:39  Sai manangi ma Ho di banua ginjang, ojahan ni habangsam, jala marpangulahi roham, huhut marlulu dohot mangalehon tu ganup hombar tu saluhut dalanna marguru tu panandam di harohaonna, ai sasada ho do tumanda roha ni jolma manisia luhutna. Ai ndang buni roha ni jolma i sian adopan ni Debata, naung jumolo do Ibana mangantusi hita sian hita mangantusi taringot tu dirinta sandiri. Tatangkasi be ma jolo dirinta, naung taantusi do dirinta sandiri, taantusi do amanta dohot inanta, ianakkonta, natorasta, haha angginta ? Atik do ala so tatanda jala ndang taantusi gabe maon sai tubu parsalisian, partontangan nang parbadaan. Molo tajaha di Johannes 20: 24-29 taringot si Tomas dungkon haheheon ni Jesus sian hamatean. Ndang porsea ibana di hahaheonNa, na naung hehe Jesus ia so jumolo jamaonna bogas ni bugang ni Jesus. Dung ro pe Jesus so pola muruhanna si Tomas, laos ampehononNa do tangan ni si Tomas di bogas ni bugang na di pamatangNa jala tangkas do disi keraguan ni si Tomas na maruba haporseaonna gabe marhaporseaon na togu. Marhite pangalaho sisongon I ma, Debata ndang marnida bangso Israel na marningot bagasjoro ni si Salomo I alai sabalikna, dipatuduhon Debata do tu nasida ia na tau do Debata di na hilalaon bangsoNa I na so mararti be bagasjoro sinuaeng. Alai dilehon Debata do di nasida pangkirimon songon point na paduahon on.

Ø  Napaduahon: Hajongjongan ni Debata manghorhoron habaranion. Molo taparrohahon di ayat 4-5, naung maruba do sian na mengakui kekecewaan na nihilalaon ni bangso I angka nasida do pasipasi na disosoi asa barani. Mansai mura do ro pandelean molo nunga tubu rasa kecewa. Pola ma datdatan paulihon bagasjoro molo so songon masa najalo i be ? Alai tuani ma Debata na sai tongtong paingothon tu nasida asa barani, unang mabiar, jala marsihohot. Songon na nidok di 5 Musa 31: 6 “Pir ma tondimuna jala marsihohot, unang tahuton hamu jala unang godoron rohamuna maradophon nasida, ai Jahowa, Debatam sandiri donganmu mardalan, ndang tagamon marsombusombu Ibana mida ho manang tadingkononna ho.” DIpasahat si Musa do tu saluhut bangso Israel, marningot habaranion nasida na marharoroan sian Tuhan i. Molo so didongani Debata, sai dibagasan biar do nasida nang di saluhut. Laos songon I do ruas ni Tuhana I molo so Debata na mandongani dibagasan biar do hita.

Ø  Dipaingot si Musa do bangso Israel; tung margogo pe nasida jala barani siala Debata do na mangaramoti. Molo so Debata na mangaramoti, gok biar do jala tahutan mandalani saluhutna. Bangso Israel na gabe hatoban hian, sai mian dope di roha mentalitas hatoban, na mardalan tur dii halaongonan dohot angka musu nang alo nasida bangso sileban na sai marusaha mangalengsehon nasdia disegala sisi. Alai gabe muba do saluhutna I, soada be biar di roha nasida. Uju Debata na jongjong ditongatonga nasida mandongani, naung meret do timbangan na mangalehon paruntungan di nasida. Debata na mandongani manang songon na didok si Haggai; Tondi ni Debata mian ditongatonga nasida, asa margogo jala barani nasida laho mangula nasa ulaonna. Boi masa doi hal sisongon I dibagasan ngolunta, na mian do Tondi ni Debata ditongatonganta, di rohanta mandongani hita. Asa tangkas songon na nidok di 2 Timotius 1: 7 “Ai dilehon Debata do tu hita tondi hagogoon, tondi haholongon, tondi pangarajaion diri, ndada tondi hatahuton.” Ia Tondi ni Debata na mian dibagasan hhita mangalehon habaranion, donganta do Debata na maringan ditongatonganta. Songon bangso Israel do hita, ndang adong be alasan gabe mabiar siala Debata na mandongani hita. Ai didok do di Rom 8: 31 “Onpe, aha ma dohononta disi? Molo Debata donganta, ise ma alonta?” Jadi songon bangso Israel, sai tongtong ma hita mulaulaon na naung dipasahat Debata tu hita.

Ø  Napatoluhon : Pangkirimon di hasangapon na umbalga. Naung diida Debata do holso ni bangso Israel I, alai ditogutogu do nasida asa tongtong mangula siala Debata na mandongani nasida. Naung dipasahat do I di Pangungkapon 21: 1-4, hasangapon na umbalga I ima di Jerusalem na imbaru, na maringan ma disi Debata dohot angka na porsea, ndang adong be disi arsak, tangis, biar n iroha nang hamatean pe. Angka si las ni roha na ma ditonga ni habadiaon Jerusalem I, mansai godang do na maringan disi. Laos dirinta do bagasjoro-Na i. Jutaan dohot milyaran jolma na mangolu dibagasan harmoni, hasadaon dohot Tondi ni Debata, disesa, dipalua jala dipasangap. Gombaran ni hamuliaon na mansai uli, tung boha ma hita boi manggobarhon I? on ma panggohi na tumimbo sian Bagasjoro ni Debata; ia bangsoNa I do na gabe bagasjoro inganan parmiananNa. Tudos songon na nidok di 1 Korint 6:19-20 “Ndang diboto hamu: Dagingmuna do joro ni Tondi Parbadia, na di bagasan hamu, naung jinalomuna sian Debata; ndada hamu nampuna dirimuna. Ai arga do hamu ditobus: Dibahen i pasangap hamu ma Debata marhitehite dagingmuna dohot marhitehite tondimuna; ai Debata do nampuna i.” Amen.