Jamita Evangelium Minggu III D. Trinitatis – 6 Juli 2025

Gabe Tinompa na Imbaru  (Menjadi Ciptaan Baru)

Galatia 6: 11 – 18

1. Huria ni Tuhanta nahinaholongan dibagasan Jesus Kristus, adomg sada turi-turian sian amanta Pdt. Gery: Ninna di na sahali mardalan ma si kancil di lambung ni batu.Tarbegesa ma soara na tangis, dilului ma. Dapotsa ma sada bagudung na madabu tu holang-holang ni batu i so boi haruar. Sai di elek bagudung i ma asa olo si kancil manaek tu ginjang. Didok ibana: ahama poang na boi bahenonmu mangurupi au, ai dagingmu pe metmet do. Burju do si kancil i, di togu ma si bagudung i. Mansai mandok mauliate do si bagudung i, huhut muse didok: molo hasusaan ho muse, hu urupi pe. Tong do didok si kancil i: ah boha ma bahenonmu mangurupi au. Alai, dung sadia leleng mardalani ma si bagudung i. Dibege soara na tangis di ida ma hape si kancil i. Na tarjorat do pat na, di jorat jaring ni parjaring. Ro ma si bagudung mandok: on ma na hudok i, kedan. Hu urupi pe ho. Dang porsea si kancil, didok dope: boha ma bahenonmu mangurupi au. Alai didok si bagudung ma: so diboto ho kawan na tajom do ngingi kon mangharat tali joratmi. Hatop ma si bagudung manimbung tu toru di harati ma tali i, malua ma si kancil.
2. I ma soso soso ni si Paulus di bindu 6 on: ingkon marsiurupan, bertolong-tolongan. Uju i hira marsiharatan do huria i, ala deba sian Jahudi, deba sian na so Jahudi. Masiintipan do nasida di angka hasalaan. Alai didok si Paulus; Tugas ni naporsea manang halak Kristen ndada masiintipan di na sala laho masidabuan (menjegal) justru masihaehean, saling membantu do. Molo adong tarsor na mardosa, dang si dabuhononhon i. Alai angka na gumogo ma ingkon mangurupi. Unang adong na merasa na so adong guna ni halak na asing. Songon sorha ni padati do ngolu on, sipata di ginjang sipata di toru, sipata mangurupi, sipata siurupan. Unang adong merasa jagoan, na menganggap na boi imana sandiri menyelesaikan persoalanna, so mangharingkothon halak na asing. Jala unang adong halak na menganggap na so boi imana mangurupi halak na asing. Kita membutuhkan orang lain. Sude do ingkon saling membutuhkan jala sude do ingkon olo mangurupi. Ido huria na marsada songon pamatang ni Kristus. Ala ni i, wajib do hita masiurupan. Ido dalan mangulahon patik ni Tuhan Jesus.
3. Alai dipaingot hata ni Debata do sadarion hita: taulahon ma i sian roha na sintong. Taingot ma di jolo ni Debata do i taulahon. Di ida Debata do sude na taula i, jala ingkon pertanggung-jawabhononta do i di jolo ni Debata. Di ida do motivasi, ruhut parbagasan ni rohanta na mangulahon i, sian roha na denggan ala ni Debata do manang holan asal di ida jolma do, ingot ma, dang boi gabusanta Debata. Ala ni, taula ma na denggan sian roha na ias holan ala ni Tuhan Jesus. Domu tusi ma disosohon asa tung sian nasa roha hita mempertanggung-jawabkan sude na taula di jolo ni Debata.
4. Di taringoti Apostel Paulus do pangalaho ni halak na mamaksa halak Kristen asa marsunat. Sangkap nasida mangalului goar di tonga ni halak Jahudi asa diargai halak Jahudi. Dang holan i, nasida ima angka halak na menghindar sian panaonon ala ni Kristus. Molo ditulak nasida sunat jala holan porsea tu Jesus boi masa do tu nasida angka naso tama sian halak Jahudi. Nang pe sai disosoi nasida halak Kristen marsunat, hape nasida sandiri pe ndada halak na talup mangulahon patik. Na 2 hal on boi gabe jebakan tu hita halak na porsea. Ima gabe halak na mangalului goar holan tu dirinta pola sahat manundali Kristus manang lomoan rohanta mangalului na ringkot di ngolunta sian na mamingkirhon boha do hita sasintongna mangolu songon halak Kristen di bagasan Kristus.
5. (Ayat 12-14): Hamuliaon di bagasan Kristus ima na mangaloas hita mangolu manghobasi Kristus. Di bagasan parngoluan on songon halak na porsea hita adong do 2 kepentingan na sai marsirampusan (tarik-menarik) alai bertolak belakang. Na parjolo ima kepentingan ni Kristus, na paduahon kepentinganta sandiri. Jotjot do hita mangalului sangap di dirinta. Hasangapon i di dapot sian na boi taulahon songon prestasi manang pencapaian asa arga hita di jolo ni halak, molo so i, gabe halak na munafik do hita disi. Na sada nari ima kepentingan ni Kristus; angka naung di bagasan Kristus ima namangolu di Kristus jala hamuliaonna ima hamuliaon ni Kristus ndada hamuliaon dirina sandiri. Na tinaringotsn ni Apostel Paulus ima angka halak na mamaksahon sunat. Didok ibana ia nasida ima na mangalului na ringkot di dirina asa marhasangapon, hape nasida sandiri dang singkop mangulahon patik i. Angka dia ma na mamboan hasangapon tu dirinta di hasiangan on? Ima saluhut na bersifat lahiriah ima na sai talului asa marhasangapon hita (patudos falsafah ni halak Batak hagabeon, hasangapon, hamoraon) ido dilului na deba. Hape andul marasing sian pangidoan ni Kristus tu hita ima ngolu na mangalului sangap ni Kristus marhite na mangulahon lomo ni rohana. Alai sai jotjot do tarela hita manangko hamuliaon ni Tuhan i ala ni bulus ma rohanta mangihuthon Ibana dohot mangulahon jala mangaradoti patik dohot hata-Na. Tatiru ma songon Apostel Paulus aha pe namasa tongtong do ibaana marlas ni roha dibagasan Tuhan ala hamuliaonna holan dibagasan Jesus kristus.
6. (Ayat 15-16): gabe tinompa na imbaru dibagasan Kristus, ima na pauba ngolunta. Saluhut angka pardagingon (bersifat lahiriah) ima angka na ringkot tu haportibion na so boi dais tu partondion holan Tuhanta do na boi manjama angka partondion i. Ido alana didok Apostel Paulus di sunat manang daong, dang gabe marlapatan ala holan persoalan pardagingon manang fisik. Gabe tinompa na imbaru lapatanna panghorhonna tu parngoluan ni partondionta jala ingkon botoonta ia partondionta i do na paubahon ngolunta. Uju sorang hita tu portibi on ndada holan fisik alai hata ni Debata mandok Naung Maringan Do Pangalaho Dosa di Jolma i. Di bagasanna adong hamuliaon ni Debata alai adong hurangna. Didok hata ni Debata saluhut do jolma i mardosa jala naung mago hamuliaon ni Debata ala jolma i naung dibagasan huaso ni dosa. Dang boi dipalua huaso ni dosa marhite parsunaton, etika, peraturan, ritual ala saluhut na i na bersifat pardagingon. Holan sada do dalan asa boi hita malua sian huaso ni dosa ima gabe tinompa na imbaru di bagasan Kristus Jesus.
7. Songon topik ni Minggunta patoluhon dung Trinitatis: GABE TINOMPA NA IMBARU (menjadi ciptaan baru) dang alani parsombaon, pelean, pambahenan na denggan manang etika alai alani huaso ni mudar ni Kristus dohot ulaon ni Tondi Porbadia na patubuhon hita muse asa gabe tinompa na imbaru ma hita. Angka na dibagasan Kristus ima na tinompa na imbaru, naung salpu do na robi, jala nungnga ro na imbaru. Ima na marlapatan di ngolu partondionta lapatanna na mansai mararti di parngoluanta. Ndada holan tu ari sogot na nidok-Na di hangoluan na manontong di surgo, alai tu sadarion diparngoluanta siganup ari. Mansai ringkot do partondion na sehat jala segar asa margogo hita mangadopi parsorion ni ngolunta siala gale do daging i, alai girgir do tondi i. Ala ni ma ingkon ungkap do rohanta di pambahenan ni Kristus di hau pinarsilang i tu hita, asa jaloonta ma ngolu na marhasonangan na gok las ni roha gabe tinompa na imbaru. Amen.  

Jamita Epistel Minggu III D. Trinitatis – 6 Juli 2025

Gabe Tinompa na Imbaru

 (Menjadi Ciptaan Baru)

Jesaya 66: 10 - 14

1. Huria ni Tuhanta nahinaholongan dibagasan Jesus Kristus, dijouhon turpuk on do tu hita asa marlas ni roha ma hita. Memang, molo tapamanat, sian mula ni panompaon, i do sangkap ni Debata tu hita jolma, ima asa tongtong hita marlas ni roha. Alai tutu pintor ro ma dosa i. Holan hasusaan nama, hoihoi, sahit, parungkilon marsingkat sorin manahopi ngolu ni jolma. Gabe mago ma las ni roha i. Ima naniae ni Sirael. Ala ni dosana, ingkon tarbuang ma nasida 70 taon lelengna. Hansit, dangol, holan na tumatangis do nasida. Alai sumalin do holong ni Debata. Ndang dipasombu nasida songon i. I do ala disuru si Jesaya mamboan barita las ni roha: “Marlas ni roha ma hamu rap dohot Jerusalem”. Boasa ? :

1. Ala naeng ro ma Debata memulihkan, pasuanghon, paluahon Israel dohot Jerusalem. Ai nunga gabe halongonan hian Jerusalem, gabe puing-puing. Alai naeng passuangon ni Debata ma i gabe huta na ribur jala kota terhormat songon na jolo i.
2. Angka musu na pataluhon Israel pe, taluhonon ni Debata nama i. Ai gumogo do Debatanta i sian sudena i. Na dipaloas Debata do nasida satongkin, laho paubahon roha ni Israel.

Ima Debatanta i, na olo pasuang las ni roha ni bangsoNa. Ala ni holong ni Debatanta i do, gabe dipasuang, dipulihkan do nang ngolunta marhite hamamate dohot haheheon ni Tuhanta Jesus. Ai bugang ni Tuhanta i do pamalum angka sahitta. MudarNa na durus i manesa dosanta. HaleaonNa i mambahen hita gabe terhormat. Jala, haheheonNa i mamboan hita tu haluaon na sempurna, tu hangoluan salelenglelengna. Marhite haheheonNa i dipalua hita sian dosa, sibolis dohot sian hamatean. Musuh utama kita, yaitu dosa dan maut, yang telah mengambil sukacita kita itu telah dikalahkan, ima pasuang las ni rohanta.

2. Ima halalas ni rohanta; Jesus na sinuru ni Debata paluahon portibi on i do pasuang las ni rohanta. I do ala di hatutubuNa i ro do boaboa sian surgo tu portibi on, mandok: “Unang hamu mabiar, ai barita halalas ni roha godang do huboan tu hamu, parsaulian ni sandok bangso i. Ala ni i, ise na manjalo Tuhan Jesus, sumuang ma las ni rohaNa. Memang aeonta dope hansit songon naniae ni Jerusalem. Alai di Johannes 16: 22 didok Jesus: “Di hamu pe dok ni roha, alai idaonKu do hamu muse, gabe las ma rohamuna disi, jala ndang buaton halalas ni rohamuna i”. Las ni roha ni halak na porsea di Jesus, ima molo sahat hita tu Jerusalem na imbarui. Ai disi, holan las ni roha sambing nama, jala manongtong do las ni roha i. Ise na tangkas manghirim disi, ndang hea be marsik las ni roha ni i, alai sai gok las ni roha do i managam, mandok: “Maranatha, ro ma Ho o Tuhan”. Ala ni i do sai disosohon Hata ni Debata marhite si Paulus di Pilipi 4: 4 “marlas ni roha ma hamu tongtong di bagasan Tuhan i! Huulahi ma mandok: “marlas ni roha ma hamu”. Bindu 3: 1 Las ma rohamuna dibagasan Tuhan i” 2 Korint 13:11 “marlas ni roha ma hamu manghirim” Rom 12: 12a “marlas ni roha ma hamu manghirim”. Dung hamamate dohot haheheon ni Tuhan Jesus, gabe ngolu na marlas ni roha nama ngolu ni angka na porsea, na torus marlas ni roha, di dia pe, di situasi dia pe.
3. Huria ni Tuhanta na hinaholongan dibagasan Jesus Kristus, na gabe persoalan, boasa jotjot hita tardapot ndang marlas ni roha ? jala boha do hita asa boi tangkas marlas ni roha?:

a)      Naparjolo, ala tahilala las ni roha i dapot hita sian duru ni dirinta. Ai godang halak manuhori barang, martamasya, shoping, asa las rohana. Alai, bohama las ni roha na jinalo nasida i ? boi do satongkin i las roha, alai dungkon i, hot do las ni roha i ? ndang, boasa ? Siala sasintongna, masin penggerak na mamproduksi las ni roha i ndang sian duru ni dirinta, alai mian do i dibagasan dirinta Tuhanta i. “Kegembiraan bukanah sesuatu yang dapat dikejar. Tetapi kegembiraan adalah buah dari sesuatu.” Kegembiraan ada di dalam diri kita, bukan di luar diri kita.” Didok Anthoni De mello. Yang bisa membuat kita bergembira bukanlah orang lain, bukan benda lain, bukan hiburan lain, tetapi adalah diri kita sendiri. Itu berarti, bersukacita adalah pilihan kita sendiri.

b)      Paduahon, ra ima ala jotjot hurang taantusi aha do ngolu on. Molo taida do ngolu on holan rutinitas: dungo, karejo, mangan, martapian, modom muse, dungo muse, karejo muse, mangan muse; mekanisis, itu membuat kita kurang menghargai hidup. Boha do asa arga di hita ngolu on? Jala las rohanta manjalosa? Ima molo tajalo ngolunta on songon Hadiah, ai tajalo do hosa hangoluan on songon hadiah sian Debata Panompa i. Ai torop do halak naung jumolo borhat sian portibi on. Godang halak na so mangan, hape au mangan dope. Godang halak na so marjabu, hape ahu nunga marjabu. Ima hadiah, na mambahen hita marlas ni roha. Tahalashon ma naung dipasahat dohot nanaeng sipasahaton Tuhanta i di hita. I do na mambahen hita marlas niroha, manang na pogos pe hita, manang mamora, manang mabalu, manang bersuami, manang sehat dohot marsahit, manang marpahompu, manang ndang marpahompu, dna.

c)       Patoluhon,boasa maol hita marlas ni roha ? Ra ala jotjot hita mamereng ngolu on holan sian sisi negatif. Sisi na hurang denggan sian sisi hahasintonna. Holan na hansit i ma dipaingotingot, tasimpansimpan, tapaboaboa. Malah sipata dipahebathebat asa songon na lam ngeri. Padaha, bila kita jujur dan objektif, bukankah hal yang menggembirakan lebih banyak kita terima dari Tuhan dalam hidup ini? Boasa ndang i tapajojor, asa sai las rohanta? Adong keluarga na tilahaon, alai sai tegar jala marlas ni roha nasida. Sinungkun ma: “Aha do resepna?” Didok nasida: “nunga diloas Debata dakdanak i rap dohot hamu saleleng 14 taon; mansai las rohanami saleleng 14 taon i rap dohot ibana. I do hak-nami, nuaeng dialap Debata ibana, itu bukan hak kami.” Na jinalona i do dihalashon, jala ndang ditangisi na so hak na i.

4. Ala ni i, asa botulbotul boi hita marlas ni roha menikmati ngolu on: ingot ma als ni roha i, dibagasan Tuhan i do i na menggerakkan dirinta laho manontuhon naeng marlas ni roha, dungi taboto ma mandok mauliate (bersyukur). Luar biasa do panghorhon ni bagabaga ni Tuhanta on tu bangso Israel. Uju i tongtong do nasida dalam kondisi tanpa harapan. Ai Jerusalem kebanggaan jala bukti kehadiran ni Debata ditongatonga nasida, nunga be marongso, putus asa nasida. Ala ni i ma ro Debata menyemangati (encourage). Ndang dipaloas bangsoNa i tanpa harapan; disemangati asa hehe marlas ni roha. I do hape ala didok, dilambung ni angka partondi na mangopu do Debata (Psalm.35:19), jala arung na marosak i ndang hea laos ditipulhon manang sumbu na marnehetnehet i ndang hea laos diintopi (Jes.42:3). Alai angka halak na songon i do disemangati Tuhanta i. Ima siulaon ni angka na porsea, ima menyemangati dongan,anakhon, dongan saparkarejoan, hombar jabu, asa sude marlas ni roha. Ai mansai sonang  ma keluarganta, hurianta, bangsonta, masyarakatta molo sude marlas ni roha. Di ay 14 didok: gabe als ma rohamuna jala martumbuer holiholimuna songon ingkou rata. Tamba do gogo ni na karejo molo las rohana.
5. Apakah Tuhan menaruh perhatian atas keuangan kita? Atas kesehatan kita? Atas masa depan study anak-anak kita? Jawabannya: Ya, Dia peduli atas setiap rincian hidup Anda; itu berarti bahwa Anda bisa membawa semua masalah Anda kepada Tuhan lewat doa. Ucapkanlah Syukur kepada Tuhan atas segala sesuatu.Setiap kali kita berdoa, kita harus menyertakan ucapan syukur di dalam doa-doa kita.Apabila kita melatih diri kita untuk mengucap syukur kepada Tuhan; maka hal ini akan dapat meningkatkan daya tahan tubuh kita. Kita akan menjadi lebih kuat dalam menghadapi stres atau tekanan hidup dan tidak mudah terserang penyakit.Mengucap syukur akan membuat hidup menjadi lebih berbahagia. Orang yang tidak tahu mengucap syukur adalah orang yang menderita dan tidak berbahagia hidupnya. Mereka tidak pernah merasa puas. Tidak pernah merasa cukup. Apabila kita melatih kebiasaan mengucap syukur dalam segala hal, maka kita sedang mengurangi stress di dalam hidup kita.
6. Kita menjadi ciptaan baru karena karya Allah melalui Kristus Yesus Anak Allah melakukan karya pendamaian dengan tidak mengakui dosa-dosa kita dengan jalan memberikan pengampunan dosa bagi kita melalui pengorbanan Kristus. Manusia lama yang berdosa, diubah menjadi ciptaan baru dalam Kristus. Kita boleh mengatakan bahwa Allah pada dasarnya adalah Allah yang neofilia, Allah yang mencintai kebaruan, karena menghendaki manusia lama yang hidup berpusat pada kepentingan sendiri berubah menjadi manusia yang hidup dalam ciptaan baru yang berpusat pada kehendak Allah. Semangat neofilia semacam inilah yang seharusnya hidup dalam diri kita. Bukan sekedar mencintai hal-hal baru yang bersifat material, misal handphone dan kendaraan baru, melainkan mencintai kesegaran dalam iman kepada Tuhan. Ucapan, perbuatan, pikiran, dan hati kita, kita barui selalu agar bisa melakukan kehendak Tuhan dalam hidup ini. Buanglah segala hal yang membuat kita jauh dari Tuhan, hiduplah dengan kesediaan untuk memperbarui hidup dan iman kita supaya semakin bisa mewujudkan kehendak Tuhan dalam hidup kita. Jadilah ciptaan yang baru dan selalu baru! Amin.