Debata Do Partanobatoanta
(Allah Benteng
Bagi Kita)
2 Korint 12 : 2 – 10
Huria na hinaholongan dibagasan Jesus Kristus, adong do
manang piga na boi putihanta dibagasan turpuk on:
1. Naparjolo; Dipaboa turpuk on do
tu hita, molo marsahit pe hita, manang adong na humurang di ngolunta, manang
taadopi angka na hansit, ndada uhum i, alai sipata gabe pasupasu do i di hita.
Dipaboa turpuk on, si Paulus pe, adong do sahit ni pmatangna, na mansai kronis.
Ra memang di haposoonna, na togos, na gogo do ibana, ai ibana do silele halak
Kristen; dilele ibana do i sahat ro di dia pe. Tontu na togos do ibana.
Alai
huroha, dungkon gabe parbarita na uli ibana, ditaon do udan, las ni ari, alogo,
jal amansai jotjot do ibana dipukkuli, disiksa, dihurungkon, ido ra mambahen
gabe adong ma sahitna. Ido ginoaranna; basirbasir, duri dalam daging, sahit ni
daging na kronis. Alai boha do ibana menyikapi sahitna i ? Diida si Paulus, ia
sahitna i ndada hukuman i tu ibana. Alai justru diida ibana, adong sangkap na
denggan ni Debata marhite sahitna i. Hira songon na masa tu si Job, dipaloas
Debata dipasonggop sibolis sahit i tu daging ni si Jobn. Songon i do si Paulus,
dihilala ibana, marhite sahitna i, adong niigil
ni Debata sian ibana. Asa marhite sahitna i, boi diguruhon ibana ngolu
na marhangaluton dohot haporsuhon; asa sian i diguruhon ibana marhabengeton.
Habengeton do sada bukti ni haporseaon.
Ima
nuaeng joujou tu hita, molo tataon pe sahit, manang parungkilon na
berkepanjangan, sahit na so olo malum nang pe naung martangiang torus; unang
mandele, unang dok na so ditangihon Debata tangiangmu, apalagi, unang dok na
diuhum Debata ho. Apalagi tahe unang gabe laho ho tu datu pangulpuk manang
hagogoon ni sibolis laho manjalo hamalumon. Unang ! Unang gabe malum ho, alai
gabe anakhon ni sibolis ho. Unang tumagon mangolu alai gabe tu naroko; tumagon
do mate, manang marsahit, alai tu hangoluan saleleng ni lelengna.
Tutu sai tatagam do asa sai hipas, dame, sonang, denggan, tenang,
berkecukupan ngolunta i, burju-burju suami, ianakhon dohot dongan. Ima nian
tasangkapi. Alai, ndang songon i torus ngolu on. Nunga disonggopi dosa hita
saluhutna, ido mamboan ragam ni parsorion. Alai na rumingkot ima, boha do hita
menyikapi i, songon angka na porsea hita ?
Ingot,
manang aha pe na masa di ngolunta, di sude i, adong sangkap na denggan na sian
Debata. Tarlobi marhite angka sitaonon. Dibalik ni ganup na hansit na taae,
adong sangkap nauli na denggan sian Debata. Taingot ma na masa di:
Ø Pdt.Dr.Ingwer Ludwig Nommensen. Ra boi do
hatindanghononta, ra ndang saut halak Batak gabe Kristen mananda haluaon na
sian Jesus, aut sugari ndang hea marsahit posa si Nommensen. AI na ditabrak
sadu do ibana, dung i ingkon peak ma di podomanna sampe piga taon. Hape holan
inangna nama na mangolu, jala mansai pogos. Ndang adong be na boi ulaonna nda
so holan manjaha. Dung i, habis ma buku sijahaon, holan Bibel nama. Dijaha ibana
ma i, dung i diboto ma, na ingkon laho do ibana marsending tu sipelebegu. Dung i
marpangidoan ma ibana di tangiangna tu Debata; molo malum sahitna, olo do ibana
gabe parbarita na uli tu sipelebegu. I ma parsautna ro tu tano Batak, ima ala
sahit na posa.
Ø Ludwig Van Beethoven, penggubah musik klasik na mansai
terkenal, na nengel do ibana. Alai diloas Debata do ibana nengel, asa marhite i
boi diciptahon ibana musik na luar biasa ulina.
Ø Pdt.Dr.Ekadarmaputra. Sahal pandita na terkenal di
Indonesia, na monding di taon 2005. Dung pe marsahit ibana, gabe adong tingkina
manurat, dung i terbit ma puluhan buku teologi sianibana, na boi mangurupi
angka pandita dohot ruas mangantusi godang hal taringot tu Hata ni Debata. Boi
dongon i, dungkon marsahit do ibana lam gabe pasupasu. Ido ala didok ibana; “Penyakitku
adalah berkat bagiku”
Ala ni i joujou parjolo tu hita,
molo tataon angka sahit panahit, jala ndang olo malum, manang parungkilon na so
ra marujung, manang dipaloas Debata ho mabalu, tilahaon, manang dipaloas Debata
ho rugi, marpogos, jala agoan arta, manang dipaloas Debata ho marungkil ala ni
tangkang ni ianakhonmu, manang tangkang ni suamimu, inantamu, unang pintor
mandele. Adong do sangkap ni Debata disi, asa taboto marhabengeton, tanda na
tutu situtu na porsea hita di Debata.
2. Napaduahon,
Hagaleonta i jotjot dipangke Debata gabe hagogoon. Sahit na niae ni si Paulus,
mambahen ibana lam marserep ni roha. Godang ma hal na so boi ulahononna sian
gogona. Terbatas ma kemampuanna. Parjolo, ima mambahen ibana ndang sombong. Ai
halak na luar biasa do si Paulus, na pistar, idealis, pekerja keras. Alai
dilehon Debata do sahit tu ibana, unang sombong. Ai sasintongna, halak na
sombong do na gumale, ai ima na mura madabu tu dosa. Kesombongan selalu membuat
orang jatuh dari ketinggian hatinya, marlabab songon pardabu ni pinasa. Alai,
ala ni sahitna i, gabe serep ma roha ni si Paulus. Jala hasereponna i ma
mangalehon gogo di ibana. Orang yang rendah hatilah yang sangat kuat. Jala na
serep marroha na dapotan pasupasu na gumodang. Buktina, boasa gumodang aek ni
laut sian aek ni sunge ? Ima ala olo laut i patutoruhon dirina. Ala ni i, molo
dipaloas Debata hita marsahit, marungkil marsitaonon, laho paserephon rohanta
do i, asa disi hita margogo.
Boasa boi margogo si Paulus nang pe marsahit ? Ai disi,
didok Tuhanta do tu ibana: “Tuk ma asi ni rohangKu di ho (ay.9). I do na
umbalga. Harta yang termahal adalah bila kita menerima kasih Allah. Arta na
ummarga di hita ima molo dapot hita asi ni roha ni Debata. Ala marsahit si
Paulus, ndang sombong ibana, gabe serep ma rohana, holan mangasahon asi ni roha
ni Debata sambing nama ibana. Ingot BE.No.183 “On pe holan asi ni roha
sipangasahononhon i”. Orang yang mengandalkan kasih karunia Allah, dialah orang
yang paling kuat. Ido ala didok si Paulus; “Dihagaleonki do au margogo”. Godang
do buktina taida. Angka ina na mabaluy, na marserep ni roha di habaluaonna,
jotjot do i gabe gumogo sian keluarga na lengkap suami sitri. Ala ni aha ? ala
dipangasahon hagogoon na mangurupi ibana ima huaso ni Tuhan Jesus. Orang yang
menyikapi kelemahan, penyakit, keterbatasannya dengan sikap positif, dan mau
merendahkan dirii tetapi bukan rendah diri, dan hanya mengandalkan kasih setia
Tuhan, pasti dia akan menjadi orang yang kuat, tabah dan berhasil. Ala ni imolo
marsahit hita, atau cacat, atau punya kekurangan, manang godang sitaononnmu,
manang na so marianakhon, manang na so mararta, jangan putus asa, jangan rendah
diri, tetapi hendaklah rendah hati, andalkan kasih karunia Tuhan. Gabe marogo
ma ho. Dok ma songon nidok ni si Paulus di ay.10 : “Karena itu aku senang dan
rela di dalam kelemahan, di dalam siksaan, di dalam kesukaran, di dalam
penganiayaan dan kesesakan oleh karena Kristus. Sebab jika aku lemah, maka aku
kuat.”
3. Napatoluhon: Ndang sude tangiang dioloi Debata, jala
tuani ma i, diay.8 didok si Paulus; Tentang hal itu aku sudah tiga kali berseru
kepada Tuhan, supaya utusan Iblis itu mundur dari padaku.
Sai ditangianghon si Paulus do asa malum ibana, asa
ambolong sahit binahen ni sibolis. Alai ndang dioloi Debata. Boasa ? Ala adong do
sangkap na uli na denggan na sian Debata disi. Taingot ma: Ummalo do Debata
taringot tu na dumenggan tu dirinta sian hita sandiri. Ai ibana do Sitompa
hita. Dia tahu tentang kita dari a-z, sehingga dia tau yang terbaik bagi kita
dan masa depan kita.
Adong do hea masa
barita songon on: “Roma sahalak ruas ama na timbo jabatanna di negaranta on tu
bagas ni pandita. Iddok ma tu pandita i; “Tolong amang pandita” ninna huhut
angka dotdot, “Ai aha i?” ninna pandita i. “Ima da, ditugashon ahu sogot tu
luar kota, naek kapal terbang,....alai tolong jolo amang”, ninna sai angka
dotdot.
“Tenang jolo amang, aha do huroha na masa?”, ninna
pandita i. Dung i dipaboa amanta i. Huroha najolo, uju metmet do pe ibana,
tongon marsihundul ibana di atas ni horbona, mamolus ma kapal terbang. Dung i
martangiang ma ibana nenget di rohana tu Debata; “Tuhan, taboana i markapal
terbang i. Molo dipaloas Ho ahu markapal terbang, rade do au mate”, ninna. Ala
ni i ma, ganup naeng markapal terbang, sai angka dotdot do ibana, so tung
dioloi Debata tangiangna i.
Dihita na hibanholongan sian ilustrasi i tuani ma, ndang
sai pintor dioloi Debata sude tangiangta i. Ala ni ima, molo ganup martangiang
hita, mangido tu Debata, unang mamaksa, alai sai dohononta do dumenggan, songon
nidok ni Tuhan Jesus: “Lomo ni rohaM ma na saut, unang ma lomo ni rohangku”.
Antong, molo dipaloas Debata taae na hansit, sahit na so
ra malum, parungkilon na dokdok, arsak, unang dok na diuhum Debata ho, alai jalo
ma i marroha mauliate. Ai adong do sangkap ni Debata na dumenggan disi, asa
unang sombong hita, alai asa holan asi ni roha ni Debata dibagasan Jesus
Kristus tapangasahon. Asa di hagaleonta hita gabe margogo. Songon topik ni minggunt
amandok; Debata Do Partanobatoanta (Allah
Benteng Bagi Kita). Amen.
