Jamita Evangelium, Minggu Invocavit (Jouonna Ma Ahu jadi alusanHu ma ibana-Psalmen 91:15a), 22 Februari 2026

JONOK DO DEBATA UJU JOUJOU AHU

 (Tuhan Dekat Tatkala Aku Memanggil)

Andung 3: 49-57

 

a.              Hamu angka dongan hinaholongan ni Tuhanta Jesus Kristus. DItanda panurirang Jeremia do haburjuon dohot asi n iroha ni Debata na naeng ro i. Nang pe haporsuhon naung ro I, alai hamuliaon na ingkon rot u naisda. William Cowper mandok: “Janganlah menghakimi Tuhan dengan akal budi yang lemah, tetapi percayalah kepada-Nya karena kasih karunia-Nya. Di balik takdir yang tampak muram, Ia menyembunyikan wajah yang tersenyum.” Jadi uju didabuhon Debata uhumanNa tu jolma, ndada na mandok na sai lomo rohaNa pasiaksiak jolma jala na lomoan rohaNa manguhumi jolma. Ala uju didabuhon Debata pe uhuman, panaritaan, hasintonganNa I do na mangonjar Ibana laho manggulahonsa. Alai rohaNa I pe tong do marsak disi. Ai Debata do na maniop I sude, jala diujungna, Ibana do na pajongjong saluhutna. Ibana do na pahehehon bangso Israel, jala na mangalehon hamonangan. Ibana do na manguluhon nasida laho mamboan bangso Israel tu pangungsian.

b.             Huria ni Tuhanta, molo marningot angka dosanta na godang, ndang adong na boi holsoan diadopan ni Tuhan i. Molo Debata na mangalehon hatigoran na absolut tu hita, ra nunga tibu hita disiaphon. Ala ni I, talehon ma dirinta tingki merenung, mengevaluasi, mamareso dalan ni ngolunta saleleng on jala mulak tu dalan  ni Debata. Diparsorion ni ngolunta, hamaolon na taadopi, holan Ibana do pangkirimonta. Suang songon I do si Jeremia na mandapot pangkirimon dibagasan Tuhan i. Sian sude angka panurirang di Padan na Robi, holan si Jeremia do na mandalani saluhut parngoluonna na so pola hea marnida angka keberhasilan dibagasan panghobasionna. Sahat ro di ujung ni ngoluna, angka jolma manulak laho manangihon ibana. Alai sahat diujung ni ngoluna, sai haholonganna do bangsona i. Sian turpuk on pe dipatuduhon do asi ni rohana, betapa dalam ia berempati dengan mereka dan menanggung penderitaan mereka.

c.              On ma Buku Andung di Alkitab didok Buku Ratapan; Doa ratapan mereka ( Ratapan 3:42-47 ) melepaskan luapan kesedihan dalam diri nabi ( Ratapan 3:48 ). Meskipun Yeremia tahu bahwa pertolongan ada di tangan Tuhan Yang Mahakuasa ( Ratapan 3:49-50 ), nabi itu tidak dapat menahan diri untuk tidak terharu oleh keadaan putus asa umatnya dan menangis tersedu-sedu. (Kata "perempuan" dalam ayat 51 kemungkinan besar merujuk kepada orang-orang secara umum.) Sulit untuk tidak memikirkan Tuhan kita Yesus Kristus ketika kita membaca bagian ini. Ayat hari ini diambil dari bagian panjang dalam kitab Yesaya yang meramalkan penderitaan dan rasa sakit yang akan ditanggung Tuhan kita dalam inkarnasi-Nya. Mungkin lebih dari nabi mana pun, pengalaman Yeremia sejajar dengan pengalaman Kristus. Seperti Yesus, Yeremia diperlakukan dengan sangat buruk oleh orang-orang yang sangat dikasihinya. Sama seperti hewan buruan yang digiring ke dalam lubang dan dilempari batu sampai mati ( Ratapan 3:52-53 ), demikian pula musuh-musuh Yeremia telah mencoba membunuhnya dengan melemparkannya ke dalam sumur yang penuh lumpur selama puncak kelaparan di kota itu (lihat Yeremia 38 ). Sayangnya, tradisi mengatakan bahwa Yeremia akhirnya dilempari batu sampai mati saat diasingkan di Mesir.

d.             Huria ni Tuhanta na hinaholongan dibagasan Jersus Kristus, ia goar ni minggunta sadari on ima Minggu Invocavit na marlapatan: “Jouonna ma ahu, jadi alusanhu ma ibana”-Psalmen 91:15a. Laos I ma na jinouhon ni topik ni minggunta na mandok: JOnok do Debata Uju Joujou Ahu. Marhite goar ni minggu Hata ni Debata mamodai hita jala manjou hita asa olo hita joujou tu Tuhan I di sandok panggulmiton ni ngolunta. Boasa ringkot ni na joujou tu Debata ?, ima:

Ø Naparjolo, taadopi do ragama hamaolon, hasusaan, parsorion ni ngolu (ay.49-51). Hamaolo, hasusaan, nang parsorion I boi do mambahen jut rohanta na manghorhor ro ilu nang arsak ni roha; “Mataku mencucurkan air mata tanpa berhenti…” ia andung on ndada na satongkin, alai andung na torus manorus na patutuhon sian haporseaon uju so sae holan marhite parhataan jala panaritaan na marlao dohot hansit ni roha marnida halelengse ni bangso ni Debata. Alai ingkon pos do rohanta jala tahaporseai, ndang na oraan ni Debata iluilu ni bangsoNa i. Iluilu na manetek I do na patuduhon haporseaon nasida diadopan ni Debata. Ndanga dong disi gabus, manang kepurapuraan, ala ina ma na tarida sian ungkap ni rohana paboa andungna I mangholsohon na masa  na borat i. Jolma pe umumna molo so tarhatahon be boratna sitaonon, na ro ima iluilu na ma.

Ø Napaduahon, ala manghilalahon naung muntul na ma dalan, disituasi na hopit ndang adong dalan haruar (ay.52-54). Molo naung so nama dalan, soada be siboluson, nunga mentok ndang adong be sidalanan, tarhhopit, ndang adong dalan haruar ima na dipaboa si Jeremia. 3:53 “Nunga direndephon nasida ngolungku di bagasan godung, lam ditompashon dope batu tu ahu.”. Gombaran ni godung (sumur) ima pandelean, jala mandate. Goarna pe sumur, ise na boi malua sian I, ro angka musu mangalo soada alasan. Angka aek na manghuphupi simanjujung ima na manggombarhon nanaeng mate, hidup diujung tanduk. Boi do masa gombaran sisongon I dibagasan ngolunta songon na madabu tu bagasan godung. Alai ndanda godung I  na gabe ujung ni dalan ni Debata.

e. Huria ni Tuhanta na honaholongan. Saleleng dipardalanan ni ngolunta di portibi on sai ro do ragam hamaolon, nang parsorion ni ngolu, nang pe sai mangihut do na mambahen las rohanta, ragam ni pangurupion nang angka pasupasu. Alai di na borat dalan na taadopi, sian turpuk on boi hta marsiajar laho paingothon hita angka nanaeng siulahononta, ima:

ü Tongtong ma hita martangiang; jotjot do angka na porsea I mandok, doa Adalah nafas hidup orang percaya. Ndanga dong ra hit ana mangolu on LUPA bernafas, alai nunga secara otomatis na mangolu on huhut do bernafas. Laos songon I ma gombaran ni ngolu halak Kristen, ndang lupa martangiang, ai nunga dihasomalhon laho martangiang. Dung I didok angka na porseai do; Tuhan hanya sejauh doa, lapatanna uju martangiang hita, disi do Tuhanta I manangihon tangiangta. Ima sosososo tu hita asa taharingkothon na torus martangiang. Asa tudos di orientasi pelayanan HKBP di tahunTransformasi: Pengajaran Iman ditengah Keluarga. MArtujuan asa sude keluarga mangharingkothon na ginoaran martangiang ganup keluarga marhite patupa partangiangan. Asa ditangihon Debata ma tangiang ganup keluarga asa unang muramura mandele, putus asa, mandate alai gabe margogo mangadopi ragam parsorion ni ngolu nang tantangan hidup.

ü Marposn iroha di panogunoguon ni Debata. Molo nunga martangiang hita, ndang pola be ganggu roha. Ada kata Amin na paboa dtangihon Debata do tangiangta, adong rasa aman dung amen, ngolu na gabe tenang, tentram dan damai. Jala disi adong pangkirimon nang pos ni roha na togutoguon ni Debata do hita asa unang mabiar hita mangadopi ragam hamaolon ni ngolu. Molo nunga merasa dame aman rohanta rpahon Tuhan I, ndang mura be lilu manang ganggu rohanta.

ü Tapahot ma pangkirimon nang parsaoranta dohot Debata. Molo nunga tapasomal na martangiang ditonga nib agas, disi ma denggan parsaoranta dohot Debata. Memang boi do keadaanta ndang muba alai rohanta na mulai margogo, peningkatan keyakinan, keteguhan iman dohot pos n iroha nangpangkirimon pe lam tu toguna. Jadi ndang boi mura be ganggu rohanta ala pangkirimon na hot ndang sian ala ni keadaan nang situasi alai ala ni Tuhan I do na tongtong tahilalahon jonok manogunogu hita. Ala ni I tajaga ma parsoranta dohot Tuhan I marhite na sai joujou tu Ibana pardenggan basa i.

f.    Huria ni Tuhanta na hinaholongan; panghorhon ni na tajalo sian na sai joujou tu Debata di saluhut parsorion ni ngolunta ima, suruan ni Debata ma angka surusuruanNa laho manghobasi hita, mangurupi, manogunoggu hita songon na masa di Tuhan Jesus manghamonanghon pangunjunan na sian sibolis. Ala ni I angka halak na sai joujou tu Debata, jala solhot tu Silang ni Kristus, sai Hamonangan nang las ni roha do ngoluna. Amen.

 

Jamita Evangelium, Minggu Estomihi (Sai Ho Ma Gabe Partanobatoanhu-Psalmen 31:3b), 15 Februari 2026

Marsangap Jesus DI Atas Dolok

(Yesus Dimuliakan Di Atas gunung)

Lukas 9: 28 – 36

 

a.    Hamu angka dongan hinaholongan ni Tuhanta Jesus Kristus! Somal do turpuk on digoari: Transfigurasi Yesus. Lapatanna, Jesus berubah bentuk (metamorfose). Na diboan Jesus do na 3 (tolu) halak siseanna, ima si Petrus, Jakobus dohot Johannes, tu sada dolok, tu inganan na suhi. Ninna penafsir di dolok Hermon. Na tolu halak on ma songon kelompok inti ni sisean i, na dipersiapkan Jesus gabe pemimpin muse, asa diboto nasida aha na masa tu nasida muse.  

b.   Dung sahat nasida tusi, pintor muba ma rupa ni Jesus diida nasida, gabe rupa na gok hamuliaon. Dung i, tompu ma diida nasida, disi si Musa dohot si Elia manghatai dohot Jesus. Ulina i, ninna roha ni si Petrus, didok ma: hupauli ma dison tolu undungundung, sada be hamu. Alai ndang dipaloas Debata i, pintor diparo do ombun, jala manghuling ma Debata sian ombun i tu nasida nang tu hita, mandok: On do Anak haholonganku, tangihon hamu ma Ibana!. Alai tompu, holan Jesus nama disi. Tetapi yang pasti, itu bukan mimpi atau halusinasi. Alai na tutu situtu masa do.

c.    Nuaeng, aha ma na naeng dohonon ni i tu hita?:

Ø Naparjolo: Transfigurasi on ma patuduhon, ia Tuhanta Jesus i, ima Mesias na pinarbaga i, na ingkon manaon na hansit laho paluahon hita jolma. Ido ala dipatarida ni si Musa, napinillit ni Debata laho paluahon bangso Israel sian parhatobanon Misir. Songon i ma Tuhanta Jesus. Ibana do nasinuru ni Debata paluahon jolma sian parhato-banon ni sibolis, marhite hamamate dohot haheheonNa. Dipatarida nang si Elia. Ibana do dirajumi Israel songon patujolo ni haroro ni Mesias i. Asa, molo tarida nuaeng disi si Elia, ima patuduhon, na tutu situtu do Jesus i Mesias nasinuru ni Debata. Dung i, dipagomos Debata ma i marhite soarana na tarbege sian ombun i na mandok: On do Anak haholonganku Tangihon hamu ma Ibana. Jesus i tutu situtu Anak ni Debata nasinuruNa, songon nanung nijanjihonNa marhite angka panurirangNa i. Asa, transfigurasi on ma paposhon roha ni sisean i nang hita, paboa tutu situtu, Jesus i do Mesias i napinarbagabaga ni Debata. Ibana do Mesias na ingkon manaon na bernit laho paluahon hita.

Ø Napaduahon, dipatudu ma tu nasida hamuliaon na sumalin. Ra, ndang boi tabayanghon hinauli ni na masa i di hatiha i. Ra, diida nasida ma disi suasana surgo. I do ala didok si Petrus: Tuhan, sonangna i dison! (tudos tu nidok ni parende i, kemesraan ini, janganlah cepat berlalu). Gabe didok ibana muse: “Molo na une di roham, hupauli ma dison tolu inganan, sada di Ho, sada di si Musa, sada di si Elia" (supaya kita bisa terus menikmati suasana surga ini)"

Nuaeng sungkunsungkun: Boasa pola ingkon pataridahonon ni Debata hamuliaon na luar biasa i? Ima:

Ala di jolo ni turpuk on, dung dipaboa Jesus na ingkon manaon na hansit Ibana, pintor muruk do si Petrus. Ala didok rohana, itu adalah sebuah kehinaan. Ala ni i ma, dipatudu Jesus ma hamuliaon na luar biasa nangkin, laho paboahon ia molo mate pe Jesus i, ndang marujung di kehinaan i. Ai hehe do Ibana muse jala manaek tu surgo, tu hamuliaon na sumalin. Unang marsak nasida nang hita, ai marujung di hamuliaon do ngolu ni Jesus nang ngolunta pe muse.

 

Alasan na asing, molo tajaha di jolo ni turpuk on dipaboa paboa mangihuthon Jesus ingkon manaon na hansit do sahat tu na mangalehon hosa. Harus pikul salib. Boi do mabiar angka sisean i ala ni i. Ala ni ma dipatudu Jesus tu nasida hamuliaon na luar biasa i, laho paposhon roha ni sisean i, mandok: jangan takut bila harus menderita karena mengikut Yesus, karena semua deritamu akan berakhir pada kemuliaan. Penderitaan bagi seorang Kristen bukanlah kata akhir. Akhir hidup seorang percaya adalah pada Kemuliaan surgawi.

I ma nang jaminan nilehon ni Jesus tu hita saonari. Sebagai pengikut Kristus, kita harus siap dianiaya. Nunga tahilala i nang di negaranta on. Alai, unang mabiar karena kita akan dipermuliakan. Kita akan sama dengan Kristus kelak. Masa depan atau nasib akhir seorang Kristen bukanlah penderitaan, tetapi kemuliaan dan kemenangan. Penderitaan hanyalah cara Tuhan untuk menguji kita, untuk meningkatkan kadar kita hingga ke kemuliaan. Ala ni i unang adong na mabiar. Apalagi jangan ada yang murtad. Maulah menderita seperti Elia, seperti Tuhan Yesus dan kita akan dimuliakan kelak seperti Yesus. Tajaha ma di 2 Kor. 4, 17 "Ai haporsuhonnami na martingki jala na neang porsanon, i do patupahon di hami hasangapon na sumurung, na lumobi hamuliaonna na salelenglelengna. Jala di Roma 8, 17-18 didok: molo tung donganna hita di sitaonon, gabe donganna hita sogot nang di hasangapon. Ai hurajumi angka sitaonon di hasiangan on, hira na so adong do martimbangkon hasangapon sipapataron tu hita sogot. Jaminan di hita, ala adong do Jesus gabe partanobatoanta. I ma sijouhononta, songon nidok ni parpsalmen di Epistel nangkin, na gabe goar ni Minggunta, Estomihi: Sai Ho ma gabe partanobatoanku"

Ø Napatoluhon; Ndang diloas Debata pangidoan ni si Petrus i. Ai di roha ni si Petrus: dison ma hita torus, ai nunga sonang be hita dison. Unang pola laho be ho Tuhan tu Jerusalem, unang pola tarsilang ho Jesus!. Nunga tabo be dison. Dia ingin menetap di zona aman sehingga tidak mau menghadapi romantika hidup yang lain.

I do ala pintor dipotong Debata i marhite haroro ni ombun i. Jala dung marsoara Debata, ndang disi be hamuliaon i. Dung songon i, didok: mabiar situtu ma sisean i. Pola manungkap. Boasa mabiar? Ala sala do pangidoanna i. Marhite hatorangan ni Jesus di ayat na mangihut, dipatangkas ma tu sisean i nang tu hita, paboa haroro ni Jesus tu portibi on ndada laho marsonangsonang atau berdiam di zona aman. Alai ingkon turun do Ibana sian hasangapon-Na, masuk tu Jerusalem laho manaon sude na hansit, sahat tu na mate di hau pinarsilang di Golgota. I do misiNa ditotophon Debata, na ingkon ulahononNa. Ai ingkon marhite i do asa boi patupaonNa haluaon na singkop di hita. Ndang adong gunana di hita Tuhan Jesus ianggo so tarsilang do. I do ala didok asa dohot hita manuhuk silang.

 

d.   Hamu angka dongan! Sai adong dope halak Kristen songon si Petrus on, na sumonang rohana lalap di zona aman. On ma na tagoari Kristen Enak, na mandok: "Olo do ahu mangihuthon Jesus i, alai unang ma Jesus na tarsilang i, alai Jesus na mangalehon mangan si 5.000 halak, na pamalum sahiti, na pangolu na mate, na mambahen angka mujizat-mujizat i ma. I ma Kristen Tanda Mujizat.”

Marhite peristiwa transfigurasi on dipaboa tu hita, tidak ada gunanya Yesus yang tanpa salib bagi kita. SilangNa i do natahaporluhon, ai disi do dituhuk sude dosanta, jala dipadame hita tu Debata. Unang olo hita gabe holan Kristen Enak, ai didok si Paulus di 1 Korintus 15:19 Jikalau kita hanya dalam hidup ini saja menaruh pengharapan pada Kristus, maka kita adalah orang-orang yang paling malang dari segala manusia. Ala ni i, olo ma hita mangihuthon Jesus na tarsilang, jala dohot ma hita manuhuk silang i, ai i do haluaonta. Orang Kristen tidak boleh hanya hidup di zona aman tetapi harus berani menyaksi-kan imannya di dalam dunia walau nyawa menjadi taruhannya.

e.   Antong, peristiwa Transfigurasi ni Tuhanta Jesus on paposhon rohanta: ia Tuhanta Jesus i, ima Mesias naung pinarbaga ni Debata sian na robi. Ibana do nasinuru ni Debata laho menderita, asa ditobus hita sian dosa. Alai, dipaingot i do hita, ndada penderitaan nasib akhir-ta, alai hasangapon na sumalin do muse. Ala ni i, unang adong na mabiar laho menderita ala manghatindanghon Tuhan Jesus. Amen.

Jamita Evangelium, Minggu Sexagesima ( 60 ari Andorang so haheheon), 8 Februari 2026

DIPASUPASU ASA GABE PASUPASU

(Diberkati Untuk Menjadi Berkat)

I Musa 12 : 1 – 5

 

1)  Huria ni Tuhanta na hinaholongan dibagasan Jesus Kristus,

marhite barita haboborhat ni si Abraham mangoloi panjouon ni Debata di bagasan turpuk jamita on, dipatuduhon do tu hita angka pangalaho ni Huria na tangkas marojahan tu haporseaon di Hata ni Debata:

 

Ø PARJOLO Huria na tangkas marojahan tu haporseaon di Hata ni Debata, îma Huria na marsihohot di Hata i jala ndang gabe sarombang dohot portibi on. Bungkas do si Abraham sian Haran tu tano Kanaan hombar tu panjouon ni Debata di bagasan haporseaon na tangkas di Hata ni Debata. Digombarhon i do pangoloion dohot haunduhon na bulus di ulaon parsuruon ni Debata. Tung so adong do sanghababa hata pe sian si Abraham na patuduhon ganggu ni roha manang pikiranna songon sidalianna nian laho manjua parsuruon i, baliksa marneang ni langka do ibana patulushon ulaon panjouon i. Marsihohot do si Abraham mangoloi hata ni Tuhan i jala dihalaputi do mangulahonsa. Taida sian pangoloion ni si Abraham on sai na maruli gogo do halak na marsihohot mangoloi Debata laho patulushon ulaon panjouon na jinalona. Dung tolhas si Abraham tu tano Kanaan, hira na so diboto do loja, manigor diliati ibana do tano i hombar tu bagabaga ni Debata (ayat 1, 5-6). Laos songon i ma ganup ruas dohot parhalado ni Huria Kristen Batak Protestan, tahangoluhon ma haunduhon dohot pos ni rohanta di Hata ni Debata, marhite na sai ria jala ringgas mangulahon lomo ni rohaNa. Dipataridahon habubungkas ni si Abraham sian Haran tu tano Kanaan do nang hadirion ni Huria na sintong, ima na dijou Debata do hita ruar sian portibi on bongot tu ngolu na imbaru di bagasan Kristus Jesus. Songon parsihohoton ni si Abraham na ruar sian Haran, bongot tu tongatonga ni halak Kanaan, songon i do nang halak Kristen na unduk jala marsihohot mangoloi Hata ni Debata. Diigil do sian hita asa marngolu na imbaru, manadingkon parngoluon na robi, i ma ngolu na di haholomon, na so hombar tu lomo ni roha ni Debata. Songon halak Kristen na marojahan tu haporseaon di Hata ni Debata hita, tapatuduhon ma di sandok ngolunta na so sarombang hita dohot portibi on. Didok Apostel Paulus: "Jala unang gabe sarombang hamu dohot portibi on; alai gabe imbaru ma hamu, dung muba pingkiranmuna asa tau hamu manimbang lomo ni roha ni Debata, i ma na uli, na hinalashonNa dohot na sun denggan" (Rom 12:2).

Ø (PADUAHON: Marpanghirimon na mangolu jala gabe pasupasu tu Sandok-portibi on, i do hataridaan ni Huria na so sarombang dohot portibi on. Bulus do roha ni si Abraham mangoloi panjouon ni Debata ala diparbuehon Hata ni Debata na pineopna di bagasan rohana i do sada panghirimon na mangolu di angka bagabaga ni Debata. Marpos ni roha situtu do angka na porsea di bagabaga ni Debata, tung na so tarhirim jala tung na so tarurak do nasida, ai manjadi do sude hataNa jala saut do angka bagabagaNa. Hamu angka na hinaholongan di bagasan Kristus Jesus, dibagabagahon Debata do tu angka na porsea ragam ni pasupasu partondion dohot pardagingon. Sandok, dibagabagahon Debata do asa marlas jala marsonang ni roha angka na porsea i mangulahon lomo ni rohaNa. Pos ni roha di bagabaga i do na mambahen las roha ni angka na porsea mangoloi Debata. Taida sian ngolu ni si Abraham, dibagabagahon do nasa na tau hangoluan dohot las ni roha ni angka na porsea, ro di nasa na pinarsinta ni jolma di sandok portibi on, ima hasangapon-ala dipasupasu do angka na porsea i gabe bangso na bolon jala tarbarita di sandok portibi on marsundutsundut (ayat 2), hamoraon-ala dilehon do saluhut tano na niliatan ni angka na porsea i (ayat 6), dohot hagabeon-ala dilehon do torop ni pinompar songon bintang di langit dohot pasir di topi ni laut (1 Musa 15:5). Angkup ni i, molo dipasaut Debata bagabagaNa marhite ragam ni pasupasu pardagingon dohot partondion, tapangke ma angka pasupasu i pasangaphon Goar ni Debata jala gabe pasupasu di nasa bangso ro di sandok portibi on, songon na tinonahon ni Debata tu si Abraham. Sasingtongna, sian mula dijou Debata si Abraham jala dipasaut bagabagaNa, ndada holan asa marsonangsonang si Abraham, alai tangkas do ditonahon sangkap ni Debata marhite angka pasupasu i, ima asa dapotan pasupasu sandok pertibi on (ayat 3).

2)  Huria ni Tuhanta, hombar tusi sude ruas manjamothon:

ü Marhite pasupasu na tajalo di ngolunta naeng ma lam rosu parsaoranta tu Tuhan Jesus, Anak ni Debata na mangolu i. Lapatanna, ingkon marsangap ma Debata marhitehite angka pasupasu pardagingon dohot partondion na tajalo di ngolunta. Mansai ringkot do Huria manjamothon panghorhon ni sinamot, arta dohot hamoraon pardagingon i di parsaoranta dohot Debata. Mansai ringkot do parsaoranta tu Debata asa unang tarela hita tu ginjang ni roha, haholiton dohot roha diri (egoisme) naung torop manirang parsaripeon nang paralealeon di partingkian on. Ala ni i, naeng ma taingot poda ni Tuhan Jesus di Lukas 12:15. "Jaga ma hamu, pasiding hamu ma nasa haholiton! Ai nang pe marlobilobi sada halak, ndada sian artana i ngoluna." Di Mateus 16:26 didok Tuhan i: "Ai aha ma antong gunana di jolma nang liat portibi on diomo, anggo mago do tondina? Aha ma tarlehon jolma bahen tobus ni tondina?"

ü Marhite pasupasu na tajalo sian Debata naeng ma taruli pasupasu sandok portibi on. Asa ndada holan keluarga manang sisolhot, alai dohot do dongan na dao, nang na so tinanda, ro di sude pangisi ni portibi on, angka dorbia dohot angka suansuanan, na ringkot mandai denggan basa ni Debata marhite pasupasu naung tajalo. Dipodahon Tuhan Jesus do tu angka siseanNa di Markus 16:15 mandok: "Laho ma hamu tu liat portibi on, jamitahon hamu ma barita na uli i tu nasa na tinompa." Mamaritahon barita nauli tu nasa na tinompa, marlapatan do i mamahe angka pasupasu na tajalo sian Debata bahen haulion ni angka na tinompa i, marhite angka ulaon panghobasion na mangaradoti kelestarian lingkungan, na manuan hau asa sumuang angka batang aek mangalehon aek tu angka huta dohot hauma; asa gabe na niula jala sinur na pinahan. Di krisis global na tagoari pemanasan global naeng ma tangkas panghobasion ni Huria mamaritahon hinaringkot ni reforestasi manang penanaman pohon, pasiding ragam ni pestisida dohot sude bahan kimia na berbahaya, huhut mengelola manang mendaur ulang sampah. Angkup ni i, naeng ma lam marsitutu Huria nang ruasna mangalo nasa hajahaton, lumobi di na pasidingkon korupsi na papogoshon torop jolma.

ü Marhite pasupasu na tajalo sian Debata naeng ma tangkas Huria i manungkoli dohot manumpahi angka na pogos, na gale dohot na mardangol. Sian barita panjouon ni Debata tu si Abraham, mansai tangkas do tarida holong ni roha ni Debata di sude na tinompa, lumobi di angka na pogos, na gale dohot na mardangol. Asa ndada holan na manarihon dirina sambing hajongjongan ni Huria i, gariada boi dohonon ala ni ringkot ni portibi on dohot bangso na asing i do umbahen dijou Debata hita tu bagasan HuriaNa. I do na ginoaran the Church for others, gereja ada untuk orang lain, untuk dunia dan segala isinya. Ala ni i, nunga ingkon lam barani Huria i mangarangrangi ulaon panghobasion (program pelayanan) na tangkas marhite na paradehon biaya na signifikan manumpahi angka na pogos dohot na so mardihadiha mangeahi hamajuon secara ekonomi pendidikan, nang di parsaoran siganup ari Hombar tusi do sungkunsungkun ni Tuhan Jesus tu angka siseanNa na di epistel nangkin, di Mateus 16:13 i na mandok: "Ise do anak ni jolma i, didok halak?" Ai dung dihobasi Tuhan Jesus angka ulaon parbaritanaulion marhite jamita nang ulaon sosial marhite na pamalum na marsahit, mangalehon mangan halak na rapar, mangapuli angka na marsak, dohot mangampini angka na tinihaan ni portibi on, dihirim roha ni Tuhan Jesus do jumpang panandaon na tangkas taringot tu Kristus Jesus, Anak ni Debata na mangolu i. Naeng ma sude halak Kristen, lumobi Huria Kristen Batak Protestan marnida sangkap ni Debata di angka pasupasu na tajalo i laho pararathon Barita Na Uli asa lam tangkas hajongjongan ni Harajaon ni Debata di portibi on. Ala ni i, boha nunga tau hita-pasahathon gonghon tu angka na pogos dohot na mardangol i, songon na nidok ni Tuhan Jesus: "Ro ma hamu tu Ahu, hamu angka na loja jala na sorat, asa hupasonang hamu" (Mat. 11:28) Sadihari jala marhite ulaon panghobasion dia do Hurianta manghehei ngolu ni angka na pogos, angka petani, nelayan dohot angka buruh asa dohot marlas ni roha mandapothon Huria marhite angka program na pahinsathon ekonomi dohot usahanasida? Ingkon parsidohot do Hurianta mamboan ruas ni Huria tu ngolu na lam denggan.

 

Ø PATOLUHON: Huria na tau gabe pasupasu, ima Huria na marsihohot marsomba tu Debata jala pasahat pelean na hushus di Debata na mangolu i. Gabe parhitean ni pasupasu do angka jolma na pinasupasu ni Debata tu portibi on molo marsihohot hita marsomba tu Ibana. I do na pinatuduhon ni si Abraham di na pinajongjongna langgatan pamujian di Debata. Ditanda halak na marsihohot marsomba tu Debata do lomo ni roha ni Tuhan i. Ndada hamoraon, hasangapon dohot hagabeon na rumingkot di angka na porsea, alai tung Debata sandiri, mual ni nasa hangoluan dohot pasupasu i do na manggohi rohana. Ala ni i, sai ingot do angka na porsea marsomba tu Debata huhut mamboan pelean na hushus di Ibana. Ro do angka na porsea i mandapothon Debata tu bagas joroNa nabadia i, huhut pasahathon pelean na pinapulik jala na badia, ndada na manubut roha ni Debata asa dilehon umbalga sian na pinelehonna. Naung ditanda na porsea i do holong ni roha ni Debata na so tarasam i naung umpasupasuhon ragam ni pasupasu partondion dohot pardagingon di bagasan Kristus Jesus, Sipalua portibi on. Ai Kristus Jesus do pelean na badia, na so martihas, naung mate jala hehe sian na mate bahen tobus ni portibi on, Ibana do ojahan ni sandok parsombaon dohot pamujian ni angka na porsea.

 

Molo Kristus Jesus do ojahan na hot jala na sintong di Hurianta, na marlapatan do i ingkon humolong, umbiar jala umpos roha ni sandok ruas dohot parhalado ni HKBP tu Debata na mangolu i, sian sandok hagogoon dohot hajagaron na adong di portibi on. Ala ni i, unang ma dibege masyarakat Indonesia dohot pangisi ni portibi on, na mabiar ruas dohot parhalado ni HKBP so taruli di angka parjambaran ni portibi on. Ingkon pos situtu do rohanta, molo lomo roha ni Debata tarpabangkit Ibana do sian tongatonga ni ruas dohot parhalado ni HKBP gabe panggomgomi di tingkat desa, kecamatan, kabupaten/kota, di tingkat provinsi nang di tingkat nasional pe. Marhite na pinabangkit ni Debata angka parhobas di Pamarenta dohot di Swasta na tangkas marhabiaran tu Debata, naeng ma lam tangkas jala lam bidang na boi dungdungon ni Huria mamboan pasupasu i tu nasa bangso, luat ro di sandok portibi on.

 

Molo hot Huria i jongjong di atas ni ojahan na sasada i, i ma Goar ni Kristus Jesus Tuhanta i, marsahala do Huria i, balga do otoritas partondionna, jala ndang jumpangta otoritas di manang huaso dia pe di portibi on. Huria na hot jongjong di bagasan Kristus, mual ni nasa hasintongan dohot hangoluan i, pasti do gabe Huria na hehe mamboan pasupasu tu ganup halak, tu sude bangso dohot tu sandok portibi on. Amen.