Jamita Epistel Minggu Palmarum (Maremare) – 13 April 2025

Lehon Hamuma Hahormaton Tu Debata

Johannes 12 : 12 – 15  

 

1. Huria ni Tuhanta dibagasan Jesus Kristus. Na ro do Jesus marsihundul di atas haloe. Ndada di atas ni hoda sihapas pili. On ma patingkoshon pikiran ni natorop i. Ai dihirim nasida, ia Jesus i ima Mesias politik naneng memimpin nasida laho memberontak (revolusi) mangalo penjajah Romawi, asa mulak harajaon ni ompunasida si Daud. Dipatingkos Jesus ma i. Tutu do Mesias, jala naeng mamboan haluaon. Alai, ndada haluaon politik, ndada haluaon sian Romawi, alai haluaon sian penjajah manang parhatobanon ni dosa dohot sibolis do. I do na naeng taluhononNa. Ido ala marsihundul di atas ni halode Jesus. Ai halode ima sibol ni haserepon ni roha dohot kelemah-lembutan. Marhite i naeng dohonon ni Jesus, ia haluaon binoanNa i ndada dapot marhite huaso, kekerasan, perang dunia, alai marhite na mangalehon hosaNa do, pamelehonon ni diriNa do.
2. Huria ni Tuhanta, di na masuk Jesus tu Jerusalem, pintor spontan do natorop i manomunomu. Dipaserakhon nasida ma angka bulung palma (daun palem) dohot angka abit nang ulosna gabe dalanni Jesus, songon na manomunomu sahalak raja. Huhut dijouhon: Hosianna di Anak ni Raja Daud, pinasupasu ma na ro marhite goar ni Tuhan i. Hosanna. Hata “hosianna” marlapatan do i: “Asi rohaM, palua mahami saonari... Selamatkan kami sekarang”. Songon i do nang penyambutan tu sahalak panglima perang na mulak sian parporangan jala monang manaluhon musu.
3. Huria ni Tuhanta, ia halode ndada tunggangan kelas rendahan alai na sangap do (tajaha Panguhum 10: 4; 2 Sam.17:23; 19:26). Marsihundul hoda do raja molo naeng marporang, alai marsihundul halode do molo ro mamboan manang paboahon dame. Asa, nabinahen ni Tuhan Jesus manghunduli halode patuduhon, ia Ibana ima Raja jala panglima siboan  dame do. Ia Jesus do panglima perang, na manaluhon huaso ni dosa dohot sibolis. Memang, idaon songon na talu do Jesus i satonglin; ai mate do Ibana, mate diparsilangkon; dungi ditanom, masuk tu banuatoru. Hape, strategi ni Tuhan Jesus do i. Ai kuburan i do markas besar ni sibolis. Tusi do ibana masuk, tu asarna i. Laos disi ma dipamate, diropukhon ulu ni sibolis i. Monang Jesus, marhite haheheonNa. Asa Jesus do Panglima Perangta. Ibana do sitiop kunci ni banuatoru i ndada be sibolis. Jala ndada sihabiaran be hamatean i, alai nunga gabe gerbang; dalanta masuk tu hangoluon sisalelenglelengna. Jala Ibana do siboan dame. Ai dipelehon do diriNa, gabe birubiru Tunggal na sian Debata, gabe pelean pardameanta tu Debata asa boi mulak mardame hita dohot Debata. I do ala didok Jesus, Ibana do, jala holan Ibana do dalan, na boi mamboan hita mulak tu Debata (Joh.14:6).
4. Huria ni Tuhanta, na mangihut, marhite turpuk on, dipatuduhon do tu hita gaya kepemimpinan ni Tuhan Jesus na boi gabe tiruan di hita. Ima:

Ø  Parjolo; marsihundul di halode do Ibana, napatuduhon ndada pemimpin na mangasahon huaso Ibana, alai na serep roha jala na lambok do. Marhite i ma diajak Jesus hita, asa hita pe olo gabe pemimpin na serep marroha jala na almbok. Sai taida dope adong halak molo adong huasona, pintor lomolomona. Tubawahan, pembantu. Gariada tahe tu istri dohot tu ianakhonna, lomona manonggahi, mamungkuli, menghina, melecehkan, ala berlagak boss. Hape, nunga ketinggalan jaman gaya kepemimpinan na songon i. Justru pemimpin yang diminati di zaman modern ini adalah seperti Yesus ini: yang rendah hati, lemah lembut, dan ramah dan sederhana, jala serep marroha. Steve R. Covey (The Future Leader) mengatakan bahwa: “Pemimpin yang mau rendah hati akan memacunya berburu mutu, mau belajar, dan prakarsa lain. Kepemimpinan yang rendah hati, ramah, sederhana dan lemah lembut itu adalah kunci keberhasilan jangka panjang. Pemimpin seperti itu yang paling diminati sekarang dan ke depan.” Bereng hamu  ma angka anakkon dohot bawahan ni natoras dohot pemimpin na bergaya kepemimpinan na songon i, pasti lebih bersemangat belajar, bekerja dengan gigih, dan wajahnya berseri. Begitu juga dengan bawahan kita di kantor.

Ø  Napaduahon; ima gaya kepemimpinan na olo berkorban. Diseahon Jesus do diriNa di silang i laho manghophop hita jolma pardosa. Itulah pemimpin sejati. Joh.10:11 “Parmahan na denggan roha ima na olo maneahon hosana manghophop donganna.” Ingkon song i ma nian angka pemimpin, unang mangsop mudar ni halak. Unang mamoro gaji ni bawahan dohot parkarejoanta. Angka amaunang pasudahon balanjo ni ianakhon. Unang suda tu togel, tu tuak, tu mangan di lapo, hape ianakhon dohot pardihuta marsingkor di jabu, uang sikola laos so terbayar. Pemimpin na tingkos, ima na mengutamakan kesejahteraan dohot keselamatan ni anggotana.

5. Huria ni Tuhanta, sian turpuk on boi tabereng ia Jesus-ta i sahalak ahli strategi do. Diajari i do hita asa taboto mambahen strategi mangadopi ngolu on. Diboto Jesus do, angka Saduse, Parise, sibotosurat dohot angka sintua ni malim ni Jahudi nunga menyusun strategi laho manangkup dohot pamatehon Ibana, jala naeng sipsip ma bunuon nasida, unang pola adong na umboto. I do ala disuap nasida si Judas asa manggunting dalam lipatan. Ndang mabiar Jesus disi, alai ndang olo Jesus ditikam sian pudi, jala ndang olo Jesus melarikan diri. Ala ni i ma dipangke Jesus strategi na lebih jitu. Ro ma Jesus bongot tu Jerusalem rap dohot torop jolma. PikiranNa ima; molo tung pe bunuon ni komplotan Saduse, Parise dohot Sibotosurat i Ibaa, nunga berengon ni na torop, ndang mate konyol boti be Ibana. Sada strategi na jitu. Huria ni Tuhanta, hita pe, ingkon parsiajaranta do strategi jitu songon na binahen ni Jesus on. Nunga taida, torop do halak na so manghalomohon kehadiran nihalak Kristen di Indonesia on. Lam gogo do tekanan bahkan sipata nunga sahat tu kriminalisasi i. Alai unang mabiar hita, didok Tuhan Jesus do di Johannes 16:33 “Haporsuhon do jambarmuna dii ortibi on; alai pos ma rohamuna; nunga talu hubahen portibi on” (Aku telah mengalahkan dunia). Tetapi jangan nekat; kalau mau mati karena Kristus, itu bagus. Tetapi jangan mati konyol, jangan matisia-sia karen akebodohon dan kecerobohan kita. Kita harus smart, bisuk songon ulok (alai unang gabe manguloki). Aha do habisuhon ni ulok? Ima; tahu cara, tempat, dan tahu waktu yang tepat untuk bertindak asa selamat. Hita pe ingkon marbisuk, harus punya strategi yang jitu. Pdt.DR.Ekadarmaputra hea mandok; kitaharus menjadi Creativ minority. Realita do molo tadok, ummotik do jumlahta. Alai balga jala diperhitungka do hita molo kreatif.
6. Huria ni Tuhanta, Naung masuk do hita nuaeng di minggu Palmarum ima maremare-penyambutan, manomunomu haroro ni Kristus i. Na tama do hita songon angka siihuthon Kristus denggan manomunomu Ibana marhite parulaon na tama sibahenonta jala sipatupaonta. Hombar tu topik ni minggunta na mandok : “Lehon hamu ma hahormaton tu Debata” sada sosososo do on tu hita laho manomunomu Tuhanta Jesus i tongtong ma tapatuduhon jala taparangehon sikap na hormat tu Debata. Tapatuduhon i marhite na rade laho mangaradoti Hata nang Patik ni Debata. Sikap na hormat tu Debata dipatuduhon do di sikap hidup siganup ari na bersikap holistik. Denggan diparsaoran tu dongan jolma, komunikasi na sehat tu humaliang. Dijaga do ekosistem nang lingkungan didia pe ibana maringanan, selalu pro kehidupan bukan pro kematian. Ai hangoluan do na binoan ni Debata tu hita di portibi on asa disi berengotnta missi ni Jesus laho patuduhon sangkapNa  ia Ibana do hangoluan i: ibana ma roti dohot aek hangoluan i, Ibana ma dalan na tigor jala na sintong i. Di Ibana ma dapot hita haluaon – “Hosiana” na saleleng nielengna. Ala ni taokui ma huaso ni Debata marhite na lam burju, serep marroha jala magigi mida dosa. Amen.